الســـاري

سجلت دحول مخصوص عشان ارد عليك يا مدام بينك روز بعد التحية طبعا بصي انا مش هاتكلم في موضوع سنة وشيعة .. ولا مسلمين وكفار .. خلينا نتصور اننا من الهندوراس او السلفادور مثلا ونتابع اخبار منطقة غريبة عننا اسمها الشرق الاوسط انا مش عارف حقيقة .. هل انتي فعلاً تعتقدي ان الحقيقة غائبة او ضائعة في هذا الزخم من الاخبار القادم من سوريا ؟ الوضع ما اعتقدش انه بالضبابية دي ابداً زي ما حضرتك متصورة اذا سلمنا ان الجيش الحر له بعض الاخطاء والتجاوزات وبعض الانتهاكات فيقيني ان كل ما فعله الجيش الحر لا يصل ل 3 % من جرائم وانتهاكات نظام بشار ضد الانسانية واكرر ضد الانسانية .. حتى لا نصل لتحريض طائفي يكفي انه يرمي على مدن باكملها صواريخ سكود صواريخ سكوووووووود ولا اعني بذلك انك بالضرورة تؤيدي بشار وعصابته .. لكن الجزار لا يجب ان يساوى بالضحية اسأل الله ان يبيد بشار وجنوده وكل من هو في جيشه

انا لله وانا اليه راجعون ،، اتقدم بخالص العزاء للفاضل / محمد واسأل الله ان يجيره في مصيبته وان يلهمه الصبر والسلوان وان يدخل الفقيدة في رحاب جناته ويغفر لها و يسكنها الفردوس الاعلى من الجنة

اسأل الله العظيم رب العرش العظيم ان يشفي اخاك استاذنا الفاضل ابو محمد

تحياتي ********************************* ********************************* ********************************* استاذ عادل ابو عمر تحياتي لك اشتقت لك كثيرا *************************** تحياتي لمدام هند علي ومشاركتها الاكثر من رائعة .. شخصنة الموضوع في فضل شاكر ونشأته وميلاده بلبنان وعلاقته بروتاناوآرائه بالثورة السورية فاقت حدود الشخصنة استاذ عادل ابو عمر لو غيرت العنوان الى ( شخصية فضل شاكر ) سيكون اسهل من تغيير كل المشاركات التي تتحدث عنه .. بالتأكيد الغلط منك

البقاء لله .. باسم السعوديين نقدم خالص التعازي للاخوة المسيحين خصوصا و للاخوة المصريين عموما في وفاة البابا شنودة لله ما اعطى وله ما اخذ نسأل الله لكم التوفيق وان يلهمكم الصبر والسلوان

الف الف الف الف مبرووووووووووووووك درييييييم وزززززززز مي .. بالتوفيق يا رب في حياتك وربنا يسعدك دايما بارك الله لك وبارك عليك وجميع بينكما في خير :)

اكد مصدر مسؤول بوزارة الصحة السعودية عن عدم صحة الاشاعات التي تقول ان الهسهس وصل للاراضي السعودية .. هسهس ايه بس يا اخوانا ...؟ احنا مش بتوع هساهس

طبعا السعودية مش جنة الله في ارضه لاننا للاسف لا نطبق الشريعة 100% .. لو طبقناها بحذافيرها كانت هتبقى الدنيا عسل مصفى احنا بنسدد ونقارب .. وعشان كدا والحمدلله بننعم بالبلد دي بالرخاء والامان .. يمكن فوق ما تتصور :closedeyes:

طيب كويس اننا اتفقنا على الشق الحسن في الدعوة هاتكلم من النقطة اللي احنا متفقين عليها دي واللي هي 80% من دعوة الشيخ محمد بن عبد الوهاب .. الجانب التوحيدي الشق دا سبب خساير لناس كتير اوي كانت تجارتهم النصب على البسطاء باسم الضريح او الولي مستغلين فترة الجهل اللي كان بيمر فيها العالم الاسلامي من حيث العقيدة وعشان كدا كان ابرز اللي بيعادوا الجانب دا الصوفيين و الشيعة وهما اللي اطلقوا مسمى الوهابية كون ان الخلافة الاسلامية شافت ان الامور دي ثانوية وبحريقة يعبدوا الناس اللي هما عاوزينه ، المهم ان الجباية والضرايب تتاخد و سلطان مولانا العثماني ما يهتزش يبقى الباقي مش مهم .. والشريف كان شايف وساكت مستغل النسب الكريم وتقديس الناس لدمه فده امر في عقيدة اهل السنة والجماعة يستحق الخروج لانه كفر بواح انا ما ابتكلمش هنا عن ضلالة على فكرة اتكلم عن كفر بواح .. كل قبيلة لها ولي صالح او عدة اولياء وبلاوي بتحصل عند قبره وعشان كدا ربنا نصر الدعوة دي .. انا اشوف ان الدعوة دي ارتقاء انساني من مستوى الوثنية و عبادة الشخص لعبادة رب الشخص اما في الجانب الاخر من دعوته ... يعني الجانب غير التوحيدي .. فانا باسلم معاكي انه كله غلط بغلط .. تسليم جدل فقط هل معنى دا ان الراجل دا يستحق كل الهجوم و الافتراءات اللي عليه ؟؟ هل شخص قدم للبشرية هذا المعنى الجديد في قيمة الانسان وان البشر زيه زي باقي خلق ربنا لا يستحق الرفعة او التقديس فوق منزلة البشر يستاهل كل الهجوم دا ؟ من اهم اسرار عظمة الدين الاسلامي وعظمة الرسول صلى الله عليه وسلم انه ما تركش تماثيل له او تصاوير وما ورثش دينار او درهم وكانت رسالته واضحة .. ما انا الا بشير ونذير وقوله لما قالوا الناس وقت الكسوف انها كسفت لموت ابراهيم قال ما معناه ان كسوف الشمس وخسوف القمر ظواهر كونية وآية من آيات الله لا تكسف لموت احد المعنى الجميل دا ... اللي جدده الشيخ محمد بن عبد الوهاب ولم يبتدعه ليه ما ينظر له على الاساس دا ؟ ليه الهجوم المكثف على شخصه ؟ هو دا موضوع الحوار اللي انا شايفه

هو دا كلام الشيخ محمد بن عبد الوهاب بالضبط وهي دي دعوته .. او رسالته العودة بالاسلام الى منابعه الصافية الارتقاء من مستوى عبادة الشجر او الحجر او الولي الى عبادة الله وحده الوهابية لفظ اطلقها خصومه .. وذلك لتحوير ما هو ثابت بالاسلام وبالعقيدة .. الى دعوة خارجية او مذهب جديد الشق التوحيدي هو جوهر دعوة الشيخ ولولا الله ثم هذه الدعوة لاصبح الكثير متعلق باولياء صالحين شكرا دكتور ياسر على موضوعك .. كم حاقت بهذا الرجل الكثير من التهم ..

الف حمد لله على سلامة ابنك وسلامة اخوك مدام عبير .. طهور ان شاء الله ويارب ما تشوفيش شر بحياتك لا انتي ولا اللي تحبيهم .. طمنينا عليهم اول باول ويارب يكونوا دايمابخير ويهون عليك انتي والجميع مرارة الاغتراب ويلم شملك باحبابك

اشكركم يا جماعة من كل قلبي نفر نفر على كل الامنيات الجميلة .. و يارب تكون سنة سعيدة عليكم جميعا حسام .. اوعدك ارد على تليفوناتي .. بس انت اتصل باوقات زي العالم والناس :P مسافر ... اتحاد ايه اللي انت جاي تقول عليه .. كل سنة وانت طيب .. الاتحاد بح ... احنا بزمن الهلال bv:- عادل ابو عمر .. البارتنر بتاعي ساب الاخراج خلاص .. وبقى يربي هامسترات و قطط وحاجات من دي .. ربنا يكون بعون القطط دي :blush2: استاذ عصام ابو الفتح ... بقى الولد بتاعي اللي ما بيكبرش ؟؟.. امال لو شفت الولد بتاع سين سين اللي بقى له تلاتين سنة ما تغيرش هتقول ايه .. ؟؟ :happy: تحياتي لكم جميعا .. ويارب يسعدكم كلكم .. وكل سنة وانتم طيبين

بقى هو دا رأيك فيا يامدام عبير في سنة 2010 ..؟؟ انا شخصية حادة .. ؟ انا ؟ حد يناولني الخزرانة المتعلقة هناك .. واقفل الباب يا طلبة ولا بلاش الخزرانة .. انا عايز قعدة عرب .. وعايز عمنا الحاج سي السيد يحكم لنا بالليلة دي بس عشان خاطر اليوم يوم ميلادي .. وعشان خاطر الكبسات اللي راضيتيني فيها .. هاسامح غصب عني طبعا مدام عبير اول شخصية تشرفت اني اخاطبها بالمنتدى هنا .. وعشان كدا كانت هي الوحيدة اللي تعرفني من ايام كان المنتدى ابيض واسود .. لما كنت محاوراتي صغنن مدام عبير .. الروح الطموحة لابعد الحدود وفوق الخيال .. عاشقة التغيير للافضل دائما .. الكلمة الموزونة .. والاحساس العالي سي السيد .. كبير المنتدى .. مش عارف امتى نزع صورة الطفل البريء اللي فضل لابسها عشر سنين وغيرها وبقى شبه ابو الهول تيمور لنك المنغولي .. اقصد تيمور المراغي .. كبير المهندسين .. الراجل اللي قاعد تحت التكييف في جدة وعمال ينفخ بالبلد .. :P .. واحشني جدا يا ابو يوسف .. الا قصته ايه المكيف دا اللي انت تحته على طول حتى في عز الشتا ؟؟ كل ما يهاجمك حد بيقول انت قاعد تحت التكييف بجدة ومش حاسس بالبلد .. ما تقوم من تحت المكيف ياااخي لماضة مصرية جدا .. ماي بارتنر .. افتكرها من ايام كانت حاطة صورة عبد الفتاح القصري ... الشقاوة و خفة الدم المصرية .. صاحبة النظرية اللولبية في صنع المهلبية .. اللي تضحكك دايما حتى تكاد تستلقي على قفاك .. صباحك رغيف مغموس بالزيت الحار مدام هند علي .. البحر و شتاء الاسكندرية .. وحشتينا جدا تامر مصطفى .. الراجل دا ياما بهدلته واستقويت عليه بدنيتي .. ربنا يسامحنا بقى ... بس صدقني يا تامر انا كنت اعمل كدا عشان مصلحتك .. والا كنت زمانك دلوقتي بقيت شبه زبايدر بالضبط smk: سمبا ... يعني الشاي بنكهة النعناع مع سجائر كيلو باترا بقهوة المباركية ... يعني الراجل اللي يكتب قصايد لما تقراهاتبقى عندك مشاعر اي واحد لسه قاري كتالوج غسالة توشيبا ياباني فول اتوماتيك دريم وزززز مي ... البنت اللي تحسسك بالفرح والاحلام والروح العالية اوي .. القطة المغمضة .. حسام عبد الفتاح .. ابن المنصورة الصميم .. عاشق الفسيخ .. اللي خلاني اتهور واتجوز نكاية فيه .. انت فين يا عريس .. ما بتجيش ليه ؟؟ مش تبقى تيجي .. ؟؟ مغتربة .. لغة الارقام والحياد والانصاف بازهى صوره .. لما يستشكل عليك موضوع شوف رد مغتربة بتقول ايه .. واعمل اللي هيه بتقوله .. كلامها دائما في الصميم .. ومقنع درجة اولى .. تخليك تقول .. عليا النعمة الست دي بتتكلم كلام زي الفل شيكووو .. موسيقى قوس قزح .. والوان السيمفونية التاسعة لبيتهوفن ... احساس جميل و اداء راقي مدام قلب ابيض ... ام الجميع ... اللي تقف معي دائما وتشجعني .. وتخليك تفتكر دايماانها قريبة منك ومن الجميع طائر الليل الحزين .. الراجل دا كتلة من المفردات والكلمات المعبرة الرومانسية ... بيخليك تحس انه نافورة من القصايد الجميلة لدرجة انك ما تقدرش تتخيل هو بيتكلم ازاي على الطبيعة .. يعني لما يعوز يشتري ساندوتش طعمية مثلا تلاقيه يقول للبياع : هب لي شاطرا ومشطورا وبينها لباب الفول وزينه بخلاصة المخلل .. فرب مخلل فاق في طعمه عسل النحل .. ودونك والشطة والا مزقتك كما تمزق الذئاب الشاة القاصية .. وبسرعة وحياة والدك !! اغابي ... الحاضرة الغائبة دائما .. كريمة النفس .. تحياتنا لك يا ام محمود فين ما كنتي عادل ابو عمر ... صديقي القديم والانتيم ... لك وحشة كبيرة يا وحش .. ان شاء الله تكون بكل خيروعافية يا رب دامو .. البنوتة الكنداوية .. اللي اكتشفت ان الانسان اصله وابور غاز .. عاملة ايه بالبرد يا دامو ..؟؟ طبعا الافاضل والفاضلات اللي ما قلتش اسمهم موجودين وحاضرين دياما وابدا بقلوبنا وتحياتي لكم

في مثل هذا اليوم الجميل الاغر ،، والذي كان يوم خير على البشرية جمعاء لا املك الا ان اقول ما تيجي نشوووف ..؟؟ لا لا .. مش تيجي نشوف المرة دي مش كفاية ان سي السيد بنفسه فاتح موضوع و بقى يقطع على مدام عبير بالشغل هاقول لكم جميعا الله يبارك فيكم كلكم ... و منورين والله عيد ميلادنا المتواضع ... اصل سانتا كلوز ما يعديش علينا هنا في السعودية وبالمرة نبارك للاخوة المسيحين بالكريسمس اللي مزاحمني كل سنة بيوم ميلادي الشتوي البارد والله وحشتوني كلكم .. واعذروني للانقطاع بس مش بايدي .. باعدي اشوف الموضوعات من الموبايل بس صعب اشارك فيه طبعا بالكتابة . واكتفي بالقراءة ونفسي اشارك والله .. بس ربنا يستر من الخراطيش والاعيرة النارية اللي من فوق وتحت .. لما تخلصوا ضرب وطحن ابقوا نادوني :closedeyes: طبعا امزح والمنتدى لسه فيه حلاوة الروح .. وطبعا مدام عبير استغلت نقطة ضعفي بالكبسات وعمال توزع كبسات هنا وهناك ... تامر مصطفى واحشني جدا .. و مدام هند علي .. هاعدي عليكم بالفيس توك .. والاستاذ طائر الليل الحزين .. انت المبتدأ وانت الخبر .. كلماتك بالصميم دائما تحياتي لك يا مهندس الكلمة والاستاذ ابو محمود .. اشكرك على دعواتك الصادقة وكل عام وانتم بخير