sokra

مع احترامي لكلام حضرتك بس حضرتك لسه عايش في القصه الخيبانه اللي بيضحكو علينا بيها في مصر " المصري و جبروته " اللي يروح اي مكان الناس تقول وااااااااااااو مصري ده العبقري بتاع الكره الأرضيه ... هي دي المشكله انكو بتستقلو بباقي البشر على الكره الأرضيه و العنصريه بتجري في دمنا كرات دم حمرا و بيضا و عنصريه ... زي ما فيه مخ عند المصريين الهنود برده عندهم مخ ولا الا مكنوش اقوى رابع جيش على العالم ... مكنوش صنعو عربيات السوزكي... مكنش بقى ليهم سمعه في مجال الألكترونيات انا مش جايه ادافع عن الهند انا بس جايه اصحح معلومه ... ثانيا بقى و ده الأهم اه فيه ناس بتاخد ارقام زي كده بس عشان تدخل لصاحب العمل اضعافها و ده بقى مش بالجنسية زي ما انت ما قلت ده بالمهارة و الكواليتي بتاعة الشغل و دي برده تقدر تلاقيها في كل الجنسيات مش في الجنسية المصريه بس و زي ما حد وضح قبل كده للأسف فيه ناس عشان بس تخرج بره مصر بترضى باقل المرتبات و للأسف بتنزل من الحد الأدنى للمرتبات بتاعة المهنه ... يعني لو الحد الأدنى للمهندس 10000 درهم او ريال او جنيه مصري ... ممكن تلاقي واحد يرضى ب 5000 عشان بس يبعد عن البلد و قرفها و بكده يقلل رنج المرتبات من 10000 ل 5000 لمجرد ان فيه ناس قبلت بالرقم ده

حقيقي أنا مش فاهم فيه ايه؟؟ هوه هجوم شخصى وخلاص وبعدين انا بقول عموماً مش مشكلتى انك حاله خاصه ، واذا كانت الغربه فى الخليج جايه عليكي بخساره زى مابتقولي يبقى الأحسنلك انك تنزلى تعيشي وسط أهلك يابنت الحلال وربنا يرزقك ويرزقنا من فضله ولا شكل شخصي ولا بتنجان انت محسسني ان الدول " سواء كانت خليج او مهجر " اعدين و مستنين حضرتك تاخد القرار ... بص يا بن الحلال انا سبت مصر عشان اسلوب معيشه و موعناه من مجتمع اقل ما يوصف انه مجتمع متعفن ... انت في اي دوله من دول العالم لا شئ الهنود مليار و بيرضو باقل المرتبات عشان يعرفو يكلو مش يغيرو اللايف ستايل بتاعهم ... الفلبنين نفس الكلام ... هنا العربي و الفلبيني و الهندي رينج مرتباتهم زي بعض مش زي زمان ...دلوقتي صاحب العمل يقولك ايه اللي يخليني اجيب واحد ياخد عشره جنيه لما واحد تاني هيقوم بنفس المهمه و من غير لت و عجن و مشاكل و بنص المرتب عشان سواد عنيك مثلا ؟ الناس في مصر فاكرين ان الحنفيات هنا مش بتنزل ميه بتنزل بترول و دهب و فلوس للي عايشين في الخليج ... و ميعرفوش الحقيفه المره ... ميعرفوش ان الخليج زي الحمامات لا اللي جوه عجبه الريحه ولا اللي بره مرتاح اسفه اسلوبي صعب شويه ... بس الأرقام مستفزه ... نصيحه مني حط في دماغك ان دايما في المليار بني ادم الهندي فيهم ناس مؤهلاتهم و تعليهم احسن منك و بيرضو باقل منك يعني انت ملكش قيمه جنبهم اقصد كل مصري طبعا مش انت بشكل شخصي و كلامي موجه لكل المهن بصفه عامه حتى الدكاتره الهنود اكتسحتهم

الكلام اللي كاتبه اللي اسمه المخنوق على طول ده يعلم البني ادمين قلة الأدب ... انا عايشه في الخليج بقالي سنه ... و مريضه و مش عارفه اروح لدكتور عشان معييش ولا فلس في جيبي و هوا بسلامته جي يقولي بيعملو مدخرات 100 الف جنيه في السنه و ناس تانيه بتعمل 300 الف جنيه في السنه ليه بيتاجرو في البانجو ؟ انا اسفه بس بجد الكلام جابلي شلل انا عليه فلوس للكريديت كارد و فلوس قرض و بخلص مرتبي من قبل يوم 10 في الشهر و بمشي بالأكل بتاع خزين البيت و مش لاقيه فلوس اروح للدكتور و هوا بيقول بيعملو 100 الف جنيه في السنه يبقى ده اسمه ايه مش فاهمه

اهلا بزملاء الكفاح في الامارات ............. انا زيك مقدم من الامارات وانا حاليا في ابوظبي انصحك متأجليش ..... وانك تخلي المقابلة في تركيا بالنسبة للفرنسي فانا معايا اثنين باكستنين (( زوج - وزجته )) بياخدوا معايا في الرابطة الفرنسية مقدمين كيبك وانا وزجتي (( يبقى كده 4 افراد)) وهناخد مع مدرسة بتدينا في الرابطة .... (( فرنسية من اصل جزائري )) برايفت والمدرسة دي كمان بتدي اعداد للمقابلة ........ وشاطرة اوووي لو حابه تكوني معانا في الجروب انتي وزوجك ..... ممكن تتواصلي معايا على الخاص تحياتي ميرسي لردك يا استاذ مصطفى ...انا انسه ...و بعتلك على الخاص رقمي عشان انضم لمجموعة الكفاح الوطني ...و يا رب نقدر نحرر روكسي ههههههههههه

ازيك يا سكرة...ربنا معاكي في دبي و يوفقك...نصحيتي ليكي متاجليش..محدش ضامن مقابلات فيما بعد...السايت ممكن يفكرك بالفرنساوي...تحياتي Francais Interactif ميرسي يا جون على ردك بس كنت تقصد ايه بان محدش ضامن مقابلات فيما بعد ؟

هاي يا شباب انا كمان جالي ايميل الويتنج يوم 31 يناير و مقدمه من 9 الفين و عشره الفكره اني غيرت مكان الأقامه و الشغل كمان ...و بعتلهم رد على الأيميل و ردو عليه و قالولي مفيش مشكله هنعمل ابديت للفايل بتاعك بس قرري عايزه الأنترفيو في تركيا ولا في مصر ... بيني و بينكو بفكر في تركيا بنسبة 90% لسه مردتش عليهم ... بس انا مييييييح في الفرنش ...و اخدت ست مستوايات من فتره و نسيتهم ... طبعا لسؤ الحاله الماديه و النفسيه اللي مريت بيها بعد الثورة ...لكن الحمدلله الظروف بتتعدل ... الفكره اني بفكر اأجل و خصوصا اني كاتبه مستوى تامن فرنش و انا مجبش تالت دلوقتي ...نسيت الفرنش ...و مش عارفه ابدأ فيه ازاي ... انا دلوقتي في دبي و الكورسات هنا غاليه بطريقة جنونيه ...و مش عارفه هتسعد للمقابله ازاي ...حد يفيدني الله يخليكو

هاي يا شباب .... عايزه اعرف المصاريف هناك من غير السكن ....يعني اكل و شرب و موصلات للفرد الواحد تعمل كام ؟ شكرا جزيلا

شوفى يا سكرة الميشن اللى شغالين فية دلوقتى اللى ابتدا من يوم 11 سبتمبر الماضى وهيخلص على خير يوم 21 اكتوبر القادم واخد الناس اللى مقدمين من مصر ابتداءا من اول يونيو 2010 لغاية منتصف يوليو 2010 اما الناس اللى جالها مقابلات فى تركيا ميشن نوفمبر وديسمبر القادم فدول مقدمين من الخليج وكان المفروض يعملوا مقابلاتهم فى سوريا ولكن نظرا للاوضاع فى سوريا فهيعملوا مقابلاتهم فى فندق هيلتون باسطنبول معنى الكلام دة ان الناس اللى قدمت معاكى فى سبتمبر 2010 لسة مجالهمش مقابلات وهما بيبعتوا تاريخ المقابلة بالايميل من ساعة ما نقلوا لمونتريال اما بالنسبة لتاجيل ميعاد المقابلة يحفلك طلب تاجيل المقابلة لمرة واحدة يعنى انا مثلا كان المفروض ان عندى مقابلة يوم 22 سبتمبر القادم وعلشان انا مش جاهز طلبت تاجيل المقابلة وجبت شهادة من الشغل ممضية ومختومة وقلت انى طالع مامورية تبع الشغل ميرسي يا محمد على اهتمامك بالرد عليه ... محمد انا بقالي كتير بشوفك على المنتدى ... يعني انت عضو قديم اوي ...كنت فاكره انك اخدت السي اس كيو من زمان و دلوقتي اتفاجئت انك بتقول ان الأنترفيو بتاعك في 22 سبتمبر اللي جاي ...ولا انا اللي الذاكره عندي بايظه ؟

ليه بس كده يا جونتان وجعتلي بطني بالخبر ده ... تركيا يعني مصاريف تانيه .... 300 جنيه فيزا + 2000 مصاريف تذكره ذهاب و عوده لتركيا ده لو لقيت سعر كويس في الفتره اللي مسافر فيها + اقامه مش اقل من 1000 جنيه للكام يوم اللي هنعدهم 1000 اقل حاجه مصاريفنا هناك يعني الموضوع عايز لوحده 5000 جنيه صعب جدااااا اومال لو حد رايح هوا و مراته و عياله يتكلف كام 20000 جنيه ده حوار تاني و كل ده و لا خدناها لا مخدنهاش كله حسب مزاج صاخب المخل

إلى أهل الخبره ... عندي سؤالين : الأول : اني مقدمة من ستنمبر ...و الفايل نمبر استلمته في ديسمبر ...حد زي حالتي جاتله المقابله ولا لسه ..عشان لسه مجاليش مقابله لدلوقتي ..و هل هما بيبعتو ايميل ولا بالبريد ...لو بالأيميل اخاف تكون وصلت في الجانك و مسحتها ... لو بالبريد مجنيش حاجه لودلوقتي . التاني : هل ممكن ااجل المقابلة ولا مينفعش ؟ .. عشان مستوايا وحش جداااااااا في الفرنساوي ...كتبت في الأبليكشن مستوى تامن ..و اخدت في السنتر 6 مستويات ... و مكملتش نظرا لظروف مادية طرأت عليه بعد الثورة حيث اني اعمل في مجال السياحه اللي انضرب بعد الثوره ... و السنتر غلى مصاريف الكورسات . هل ممكن ااجل بسبب سوء اللغه عندي ولا ايه ؟