Dreamwithme

ياه ضحكتوني وأنا مش عارفة أضحك بصوا بأه أنا شخصيا لو مرسي مسك هأجوز وأقعد في البيت وأتوب عن المحاورات خالص بصراحة أما لو شفشق فأنا هأعلن من منبري هذا إن حسابي في المحاورات كان مسروق من فئة من الغوغاء وكانوا بيكتبوا كلام ماليش دعوة بيه بصراحة وعموما أكيد أكيد أول حاجة هأعملها لما حد من الاتنين يمسك اني هأبلغ عنكم كلكم نفر نفر

في الإعادة .......لو نزل شفيق قدام موسى ماتنزلش تصوت إنزل الطم :)

ياربي لك الحمد

أعتقد إن المناظرة هتصب في صالح المرشحين المنافسين :P

لغاية دلوقتي عمرو موسي بيرغي كتير وما بيديش معلومة والاجابة ما لهاش علاقة بالسؤال و أبو الفتوح بيقدم نفسه كمرشح ثورة حاسة إن كل واحد بيخاطب جمهوره ومش مهتم بباقي الجمهور أبو الفتوح أخطأ لما سأل عمرو موسي عن موضوع كيف يظن انه يكسب وهو كان من النظام السابق لأنه سؤال اتسأل مائة مرة فميش فائدة بصراحة أبو الفتوح محتاج يختصر شوية في الكلام هيبقي تمام لأن اجاباته منطقية وأوضح

أنا شخصيا مابقيتش لا أصدق حد ولا أكدب حد بقيت أفصل الكلام عن شخصية المتكلم مفيش حد عندي أخد كلامه بدون تدقيق وفلترة والمعلومة لازم اسمعها من اكثر من طرف والفيديو الواحد لازم اتفرج عليه من اكثر من مصدر يعني متصور بزوايا مختلفة وأوزن الأمور واستفتي قلبي وبعدين اخد قراري اللي ممكن يتأخر لكن مش مهم المهم اني ارضي ضميري المشكلة اننا ما اتعودناش علي كده من زمان .... كان دائما بنبني وجهة نظرنا معتمدين علي رؤيتنا لشخصية المتكلم ويا إما نأخد شخص كله علي بعضه وكل كلامه صادق يا اما العكس

كل سنة وأنتي طيبة يا لمضمض وربنا يرزقك السعادة يارب

خمسة فرفشة : ام بتذاكر لأبنها وبتسأله: تعرف ايه عن نيوتن؟؟ قال:معرفشي! قالتله: خلى بالك من دروسك ⇓⇓⇓⇓ الأبن : ممكن سؤال ؟؟ الأم: اسأل ! ⇓ الأبن : تعرفي ايه عن سارة ؟ قالتله :معرفشي!! ⇓ الأبن : خلى بالك من جوزك P: ^_^

صباحكم ومساؤكم دائماً كما تحبون .. لا تدع الفرصة تفوتك :: تلك جملةٌ وجدتها فى ذهني :: إن انعم الله عليك بلحظات الفرح فلا تدمرها بصغائر الأمور ومنغصات الراحة .. طارق الحبيب

اولا حمدا لله علي السلامة ومليون مبروك يابيرو. بالنسبة لموضوع الاسماء فمن الاسماء اللي انتي كتباها انا اختار عمار لكن هاقترح عليكي اسمين تانيين انا باحبهم معز وحمزة ربنا يارب يبارك فيه ويحميه

جميلة قوي يا سي السيد متابعة كمل بسرعة وخد الطبق ده سلي نفسك فيه هو اينعم جه متأخر بس حقك يا أفندم

مبرووووووك يا بيرو ربنا يبارك فيه ويحفظه يارب

الله عليكي ياريهام وعلي مواضيعك الجامدة أكيد هأدور علي الكتاب لأني بأحب جدا النوع ده من الكتب بالنسبة لموضوع الرجالة العوانس أنا بصراحة بأستفز جدا جدا من المجتمع اللي بيقبل راجل رافض يتجوز وسنه كبير ومعندوش مشكلة خالص انه يتجوز في الوقت اللي هو عايزه وقت مايقرر ووقتها يطلب يتجوز من واحدة صغيرة ويرفض يتجوز من سنه والمجتمع بيقبل كده عادي وبيقولك حقه (بطوط بيشد في شعره). لكن أنا شخصيا شايفة إن سواء راجل او ست يتجوز في الوقت اللي هو عايزه مش شرط وقت معين المهم يكون الانسان مرتاح ومبسوط يعني عن تجربة شخصية حد اعرفه راجل اتجوز وهو عنده 45 كان رافض الجواز خالص لانه مش عايز يتجوز جواز تقليدي وعاوز يتجوز عن حب وفعلا صبر لغاية ماربنا رزقه باللي هو عايزه لكن مكانش رافض الجواز عشان رفض لتحمل المسئولية ولكن كان عايز حاجة معينة بيدور عليها ففي رأيي مش غلط المهم ان الواحد يأخد اللي هو عايزه سواء راجل أو بنت مش شرط التقيد بنظرة المجتمع ووقت محدد واشتراطات محددة

بصي يا بنتي يا لماضة أنا شخصيا أعتقد إن كلمة الحقيقة المرة دي كلمة بنلبسها لوجهة نظرنا الشخصية للأشياء وليست حقيقة الأشياء وكلمة مرة بنحاول نوضح بها رفضنا السلبي لوجهة النظر دي لكن هي ليست الحقيقة لكن محاولة خايبة لأننا نقنع نفسنا إننا عاجزين عن تغيير واقع إحنا رافضينه يعني باختصار اللي يقولك انتي ماتعرفيش الحقيقة المرة بعد كده ابقي قولي له انت اللي ماتعرفش الحقيقة المرة إنت انسان قوي بيقنع نفسه إنه ضعيف عشان مكسل إنه يؤمن ويغير ويستغل قدراته اللي ربنا اداه له مساكي قوة وايمان بإن مفيش مستحيل