mgasser

طبعا اكيد مشاركة حضرتك فادتني كتير و هاتفيد غيري كتير طبعا الموضوع يعتمد علي نظرة كل واحد للموضوع. بس اظن ان فيه عوامل مشتركه كتير ما بين الناس اللي بتهاجر... يعني مثلا الهروب من الواقع المرير في الدول العربيه اللي كلنا عرفينه طبعا. اما بالنسبه ليه فأنا طبعا بدور علي مستقبل احسن لأولادي يعني جنسيه تانيه و تعليم افضل و كمان الاحساس بتساوي الفرص ديه حاجه من اكتر الحاجات اللي بتدفعني للهجره. بس انا كنت عايز رأي حضرتك في طريقة الهجره الامثل.. هل الافضل ان انا و زوجتي نقدم علي منح دراسيه و نقدم علي الهجره من هناك ؟ و لا نبدأ بالتقديم علي الهجره من هنا ؟ و طبعا انا عارف انه ممكن يبقي سؤال غلس شويه . هو ليه حضرتك سيبتي نيوزيلاند و رحتي كندا ؟ هل هو سبب شخصي و لا بسبب البلد ؟ و انا بشكر حضرتك علشان وقتك و اهتمامك

ايه يا جماعه ... مفيش ولا مشاركه واحده !!! طيب أي حد يقول اي حاجه ... مش عايز اكلم نفسي علشان ما اتجننش

ألسلام عليكم جميعا أنا ان شاء الله قررت الهجره لأي بلد يسهل الحياه فيها... و طبعا اشهر البلاد المتاح الهجره فيها هي كندا - أستراليا - نيوزيلاند. و كنت عايز اعرف من الخبراء في كل بلد . و ايه البلد اللي احنا كمصرييين نرتاح فيها اكتر( مع العلم ان احنا شعب بطبيعتنا محبين للناس و عًٌَُُشريين قوي و كمان متدينين سواء كنا مسلمين او مسيحيين )... و طبعا انا شايف ان الخبراء في المنتدي كتير قوي ما شاء الله ... طبعا الظروف اللي بسأل عنها تحديدا هي ( العنصريه - تقبل المجتمع للمهاجرين - الوضع الاقتصادي - الوضع الاخلاقي - ظروف تربية الاولاد و البنات طبعا كمجتع شرقي) انا بالنسبه لي انا اعمل في مجال الكمبيوتر و متزوج من طبيبه بشريه و عندي طفلين. و اشكركم علي المساعده التي اري انكم تقدمونها هنا علي اكمل وجه