mohamed abd el hamid

فى خبر حادق كده على الماشى :unsure: ... تحب عرفه ... ولا خلاص غسلت اسنانك بسيجنال مكافح النكد bv:-

والله الحمد لله يا دكتور .... ماشى الحال .. بس اخوك مش عارف يعمل ايه مع الأخوة الصعايدة - قصدى الهنود - .. اصل دول الصعايدة بتوع الامارات لا انا عارف اكلمهم عربى ولا انجليزى .... ده تقريبا كمان الهندى مش بيفهموه !!! موضوع الاقامة ده مالوش علاقة بالاوضاع الحالية .. التأخير من الشركة فى تقديم الاوراق وكده يعنى ... تقريبا كانوا بيجربونى ... وبيشاوروا عقلهم !! بس الحمد لله الأوراق خلصت واتقدمت وفى انتظار ان يتم دق - وماحدش يفهمنى صح - الأقامة على الجواز اصبر ... اصبر ... اصبر .... والكلام ده انا قولته ليك قبل كده انا يا دكتور اخدت 4 شهور علشان الفيزا تتعمل .... وده كا فى ايام العز واكل الوز ..... مش فى الايام ال - تيييت - دى وخليك ورا مكتب السفريات لحد مطار ابو ظبى - او دبى يعنى - .... وان شاء الله ربنا يكتبلك الخير فى اى مكان واوعى تيجى ومانتقابلش .... هازعل بجد وميغسى كتييييغ على سؤالك فى حفظ الله

هو فى ايه ...........!!!؟؟؟ ممكن نعرف من ادارة منتدانا الجميل ده .... سبب حذف المشاركات السابقة للاعضاء !!!؟؟؟؟

اولا : ربنا يرزقك من حيث لا تحتسب ثانيا بقى : بخصوص ان انت تيجى تدور على شغل هنا عن طريق فيزا سياحية ... انا اصلا ماعرفش هل ينفع الفيزا السياحه انها تنقلب لفيزا عمل ولا لاه ... ده اولا وبصرف النظر عن هل ينفع ولا لاه ........ احب اقولك الصورة الشبه واقعية الدنيا هنا مش وردية قوى .. الشغل بقى قليل نسبيا ... بس بدأت الامور تنتعش حبتين ... وانت ورزقك بقى فى نقطة مهمة جداااا جدااا جدااا .... ان انت هاتصرف مصاريف بالهبل ...... لان انت مش هايكون معاك سياره .. وده بند يخليك تصرف فى اليوم مش اقل من 100 درهم بالميت ... اونت راجل عاوز تلف وتشوف الشركات ... والتكسيات هنا نااااار ده غير السكن ... وده بند كارثة ... انا بصراحة ماعرفش موضوع الشقق الفندقية ايه لانى ماتعرضتش انى اسكن فيها .. بس الى اعرفه هو اسعار الاستديوهات .... لو فى ابو ظبى ... يبقى نهارك ابيض ... مش اقل من 2500 فى الشهر .. ده لو المنطقه مش حيوية ... اما بقى لو فى دبى .... يبقى نهارك ابيض برضوا .... انا ماعرفش بقى هناك يبقى بكام ... بس الى اعرفه .. ان دبى اغلى من ابو ظبى بمرااااحل طبعا موضوع الاتصالات ده مش هايكون حلو قوى ... لان انت داخل سياحه ... يعنى لا يحق ليك الا ان انت تشترى خط مؤقت من اتصالات مخصوص لزوار الامارات ......... تقريبا ب 75 درهم الخط .... والمكالمات المحلية مش غاليه ... 30 فلس للدقيقة .. بس الدولى -- اوعى وشك -- الانترنت طبعا طبعا طبعا غااااااااالى جدااا مقارنة بمصر .... بس اسرع بكتير ... يعنى ال 256 هنا زى ال 1 ميجا فى مصر وماتسألنيش ازاى ............... انت ممكن السكن الى هاتسكن فيه يكون فيه انترنت شامل مع الايجار ... اى خدمة بالنسبة بقى للنثريات التانية زى المياه والاكل وكده ... بسيطة مقارنة بالكوارث الى انا قولتلك عليها فوق دى نصيحة لوجه الله ..... حاول تدور على الشغل فى الامارات من مصر ... وماتغلطتش غلطة ناس كتير .... بيندموا عليها لحد دلوقتى احسب الموضوع صح .... وشوف التكلفة المبدئية ... وشوف العائد المتوقع .... وشوف ... انت هاتطلع من الموضوع كسبان ولا محبوس - قصدى خسران - وربنا يارب يهديك للخير ويرزقك من رزقه الواسع فى حفظ الله

هو حضرتك تخصص ايه .. وخريج سنة كام ...... وناوى تدور على شغل ... ولا بتسأل على اسا ان انت جاى سياحة ؟؟؟

والله العظيم الراجل ده جاب من الاخر ........ !!!

يا جماعه الخير .. حد من الداكترة المغتربة فى الامارات الحبيبة يرد على دكتورتنا الغلبانه دى :sad: البنية قاعده مستنية من 3 سنين ........... اى حد يعبرها :malta: معلش يا دكتورة ....... الناس مريحة شويه - شوية ايه - .. شويتين تلاته اربعه :closedeyes:

- الله يبارك فيك يا دكتور ... ويرزقنى واياك بالحلال - انا اعمل مهندس مدنى بمكتب استشارات هندسية بمدينة العين التابعه لأماره ابو ظبى والحمد لله وجدت ما تم الاتفاق عليه مع الكفيل - انا لم يكن هناك وسيط من مكتب توظيف - والحمد لله الناس هنا منتهى الحترام للقوانين - بص انا كنت قبل ما اجى .. الناس كانت بتقول انك لو اكلت بره هايتخرب بيتك و ها .... وكلام بير قوى كده بس هنا فى العين تحديدا - لان اكيد الوضع مختلف جذريا فى ابو ظبى و دبى - الاكل بره فى المطاعم مش غالى خالص مثلا وجبة المندى الدجاج - وهى عباره عن نص دجاجه و ارز بريانى مع السلطات والروب - ب 13 درهم ولو راجل خلص على الاكل ده طبعا انت لو هاتعمل الاكل فى البيت ... عمر الغداء ما هايقل عن المبلغ ده ... بخلاف ضياع الوقت والمجهود و قرف تنظيف الأوانى موضوع ان انت تعمل الغداء فى البيت ... بيكون فيه توفير بس مع العدد الكبير .. يعنى اكتر من 3 افراد اما بقى اللبس ... انا والله لسه ماشتريتش اى حاجه من هنا .... ولا لفيت فى البلد لسه - اخوك لسه جاى من 3 اسابيع - بس ان شاء الله اول ما اعرف هاقولك - انا معايا لابتوب بتاعى .... والبنايه فيها انترنت .......... بس عامه اسعار الابتوب هنا رخيصه نسبيا ... يعنى بعد فرق العملة .. بيكون فيه فرق من 500 الى 1000 جنيه ....... مع الوضع فى الاعتبار ان الجوده مختلفه تمامااااااا !! بص .. اصبر ... اصبر .... اصبر لان الاجراءات هنا بتمشى زى السلحفاه ..... وبتاخد وقت تنييييين ..... انا كنت بتعامل مع الكفيل مباشرة ... وفضلت مستنى 6 اشهر تخيل ... 6 اشهر .. انت مش عارف تقدم على فرص سفر تانيه ... ولا عارف تشتغل فى وظيف وتستمر فيها ... ولا عارف رأسك من رجليك اصبر ... وسيبك من الكلام الى بيتقال ده ... لانه زى ما انا قولتلك ان مافيش اى حاجه رسميا صدرت عن بلدية الامارات او مصلحة الجوازات والهجرة . وان شاء الله ربنا يقدملك الى فيه الخير

اولا : والله واحشنى الكلام معاكم فى المنتدى جدا جدا جدا .... بس اعمل ايه بقى .. واخد على خاطرى منكم انا قولت ان انا حجزت وكمان سألت شويه اسئلة كده .. ولا حد عبرنى وكمان وصلت.... وقولت ان انا وصلت ... ولا حد سأل ولا قالى حمدا لله على السلامه او اى بتاع ثانيا: انا الحمد لله بخير وصحه ... واستلمت العمل من تانى يوم وصلت فيه ... والحمد لله الامور بدأت تستقر وفى انتظار باقى اجراءات الضمان وبطاقة العمل وفى الختام .. الأقامة بأذن الله .... - ادعولى - ثالثا : انا ماعرفش حد دخل او كان عاوز يدخل او حتى حد من الناس المصريين الى معايا هنا يعرف ... بس ده كلام سمعته منهم ومن بعض المواطنين ... بس مدى صحته ... وبيقولوا الكلام ده بناء على ايه ... الله اعلم بس الى متأكد منه ... ان مافيش حاجه تم نشرها رسميا بخصوص هذا الموضوع رابعا بقى : تحيه خاصه جداا جداا جداا ليه يا د/محمد .......... انت الوحيد الى سألت عليا يلا كفايه كده .. لان انا على اخرى ... وكمان علشان ماطولش عليكم فى حفظ الله وطمنى عليك يا دكتور !!؟؟

والله الكلام ده الواحد بدأ يسمعه من حوالى 5 ايام .... بأن الامارات اوقفت تأشيرات الدخول للمصريين وتقريبا السوريين كمان بس مدى مصداقيه هذا الكلام ... الله اعلى واعلم وياريت الى عنده تأكيد او نفى رسمى للكلام ده يقولنا عليه

بدون أي مقدمات وقبل أي تفسيرات إحنا آسفيــــــــــــــــــن لكل الشعب التونسي المحترم والله ما حدث بمباراة الزمالك ليس له علاقة لا بالكرة ولا بعلاقة البلدين ولا علاقة الشعبين ماحدث بالأمس ما هو إلا مجرد حركة قذرة من الطابور الخامس، طابور المنافقين، والمستهدف لم يكن أبداً شعب تونس المحترم ولكن المستهدف هو "أمن مصر" كيف يحدث ذلك مع شعب تونس الذي ألهمنا روح الثورة ورفع سقف مطالبنا لما لم نكن نحلم بنصفه كيف يحدث ذلك مع تونس التي آوت اللاجئين المصريين الهاربين من ليبيا بالرغم من ظروفهم الداخلية كيف يحدث ذلك مع تونس التي رفعت الأعلام المصرية تضامنا مع ثورة مصر كيف يحدث ذلك من الشعب الذي استضافنا وأكرمنا لا وألف لا، والله ما حدث بالأمس ليس المستهدف منه تونس، المستهدف منه مصر معلش يا تونس، والله احنا كلنا آسفين ليكم كلكم نتيجة ما حدث في الغالب ستكون: - منع الزمالك من المشاركة في بطولات أفريقيا على الأقل لمدة سنتين - حرمان مصر من لعب باقي مباراياتها في أفريقيا على ملعبها وعليها أن تختار أرضاً محايدة - حرمان كل الفرق المصرية المشاركة في مبارايات أفريقية من اللعب على الملاعب المصرية - وقف الدوري المصري - حرمان مصر من تنظيم أي دورة أفريقية أو عربية في كل المجالات الرياضية لمدة لن تقل علن 4 سنوات أنا لست من مشجعي الكرة ولم أتابع مباراة أمس أصلاً ولكني صدمت وأنا أستمع للأخبار عما حدث، ولكني ذكرت مخاسر مصر الرياضية لكي أبين فقط أن هؤلاء المشاغبين ليس لهم أي هدف رياضي وإنما هم من المستأجرين لهدف الإضرار بالحكومة الجديدة وزعزعة الأمن في مصر كمحاولة لكبت الجموح الشعبي نحو الحرية والانتقام من المفسدين مرة تانية آسفين جداً يا تونس مصري بيحب مصر وبيحب تونس نرجو من جميع الأخوة المصريين أن يشاركوا بصوتهم في هذا الاعتذار لكي يصل صوتنا لأخواننا ويكون تعبير حقيقي عن عدم "مصراوية" ما حدث بالأمس وإنما هو من طابور الخائنين الذين لا تخلوا منهم دولة

انا خلاص .......... ميعاد الطيارة قرب ... باقى من الزمن 8 ساعات :unsure: بخصوص بقى الاسئلة ... ربنا يعوض عليا بقى ..... هابقى اجاوب انا على نفسى ...

الدكتور محمد منتظر رد الاخوة على الاسئلة ..... وانا معاه :closedeyes:

الله يبارك فيك يا دكتور .... وان شاء الله نتقابل قريب بخصوص بقى الناس الى بتدخل على صفحة مغتربى الامارات .... وبتكون كمان لسه فى مصر ... اوك مش مشكلة بس لما تحمل رسميا لقب مغترب .. وبالخصوص الامارات ... والواحد مايشوفش ليهم رد واحد بعد كده ..... ده بقى الى 100 مشكلة :protest: ربنا يستر وماعملش زى الناس دى smk:

بخصوص بقى موضوع السفر ده ... وان اخوكم لسه على الزيرو .... يعنى اول مره هاركب طياره .. واطير ممكن الناس اهل الخبرة ... تقولى على المشاكل الى ممكن اقابلها ... والاحتياطات ...!!!؟؟ واغير كام درهم وانا جاى !!؟؟... واسيب الخط المصرى ولا اجيبه معايا ..!!؟؟ وممكن اخد اكل معايا ولا لاه ... زى فراخ بانيه وكفته وما شابه ولا لاه ..!!؟؟ - الحاجة هيه الى بتسأل السؤال ده مش انا - --- كفاية عليكم الشوية دول --- فاصل وهارجع اكمل اسألة