المهندس تك

مهندس حسام ... انت باي مدينة ؟؟ انا اعرف ان بجدة تجديد الزيارات عادي ...

أستاذ خالد شحاتة فينك ؟ طيب الأضمن أروح لمعقب يخلصل لي مد الزيارة ؟ ولا الموضوع سهل وممكن يمدوها ؟؟؟؟

شكرا أخي الكريم وهل بيرضوا يجددوا الأيام دي ؟؟؟ ولا في مشاكل ؟؟؟ وماهي اوراق التجديد المطلوبة ؟ واين اذهب بها ؟؟

السلام عليكم ورحمة الله وبركاته , أرجو من المتختصين أن يفيدوني في موضوع تجديد زيارة العائلية لأبي وأمي , حيث أنهم دخلو المملكة في يوم 15 رمضان ... والزيارة لمدة 30 يوم ... وهتنتهي في 14 شوال ... فهل يجوز أن أجدد لهم حتى ميعاد الحج... وما هو اخر ميعاد للتجديد ... والاوراق المطلوبة .... علما أني أسكن بجدة .. والزيارة صدرت من جده ..... لكم جزيل الشكر .

السلام عليكم ورحمة الله وبركاته بص يابشمهندس , تعاملك داخل شركتك ملهوش دعوة , بالمسمى في التأشيرة , في ناس كتير أعرفها محاسبين في شركات محترمة , والمسمى الوظيفي في التأشيرة : عامل أو مبيض محارة أو .... بس المشكلة أن إقامتك هتكون عامل , وبالتالي مش هتعرف تعمل إستقدام لأسرتك وبخصوص , تحويل اتأشيرة من عامل لمهندس , هو ممكن , بس هتحتاج وسايط ومصاريف وكده .... وربنا يوفقك إلى ما يحبه ويرضاه

السلام عليكم ورحمة الله وبركاته أعزائي , رواد ومشرفين منتدى محاورات المصريين , أهنيكم ,أهنئ نفسي وجميع الأمة الأسلامية بقدوم الحج , وعيد الأضحى .... أعاده الله علينا بالخير واليمن والبركات ... لي إستفسار بسيط , اأنا كنت واخد تأجيل من الجيش لمدة 3 سنوات , والحمدلله لم يستدعوني طوال هذه المدة وقد أنتهت فترة التأجيل , وأنا حاليا بعمل بالسعودية , وميعاد زلي مصر كمان 8 شهور إن شاء الله فكيف أعرف إذا أنا أخذت إعفاء ولا لاء , وهل أستطيع إستخراج شهادة الأعفاء هنا من السعودية , علما أن شهادة التأجيل معي حاليا وشكرا لكم

Egyptawy أنت صح :unsure:

حاجه غريبة جدا كل دى مشاهدات ومفيش حد بيرد ليه عموما انا متشكر جدا لاهتمامك وانا اول امرة الاحظ انك فى الخبر انا كمان موجود فى الخبر بالمناسبة عموما انا حاليا انا هقسط عن طريق بنك الراجحى ومعايا مقدم 10 الاف ريال اما بخصوص موضوع النزول مصر ده مش ممكن لان العربية هتكون باسم البنك والمعلومة بتاعت الجمارك دى اكيده ؟ يعنى الكورى زى هيونداى جماركها هتتخفض اما بخصوص الميزانية فانا كنت بدور على حاجه قسطها 800 الى 1000 ريال لا يا عزيزى الجمارك بتنخفض فقط على الاوربى علشان اتفاقية التجارة الحرة مع الاتحاد الاوربى فيه فكرة كويسة لو انت مصمم انك تجيب سيارة هنا وفى مصر وهى هتجيب رينو فلورنس بالتقسيط وتطلب منهم عقد وتوثقه فى السفارة العقد ده صورى فقط بعد 5 سنين جماركها هتكون ولا شىء بعد التخفيض ليه انا رشحت ليك دى لان عليها عرض الان صيانة 200 الف كيلو شامل تغيير الزيت يعنى مش هتصرف عليها ولا ريال بس عيبها مش هاتقدر تبيعها هنا ملهاش سوق خالص وانا تحت امرك فى اى مساعدة عايزها اختيار السيارة ديه يبقا اقول عليك راجل فاهم في السيارات.. مع ان الجميع بيقول انها ملهاش قطع غياار وانا كمان اوافقك على نوع السياره لان الوكيل الجديد شادد حيله في الدعايه وكمان السايره بعد 5 سنوات مش هيدفع عليها كتير في الجمرك وهيبقا معاه سيارة العمر ان شاء الله إستفسار صغير : هو مش لو موديل السيارة أقدم من 3 سنين , مينفعش تتجمرك ؟؟؟ أزاي بقا 5 سنين ؟؟

السلام عليكم ورحمة الله وبركاته أخي الكريم , أسعار الشقق المفروشة في جده متفاوتة حسب المكان ولكن عامة , سعر الشقة المفروشة غرفة كبيرة وحمام : 80 ريال في اليوم و الشقة الغرفة وصالة وحمام : بتكوت حوالي 100 ريال في اليوم والشقة الغرفتين وصالة وحمام : بتكون ب 140 ولكن ألايام الأن أجازات , فالأسعار بترتفع فالشقة غرفة وحمام , أصبحت ب 120 ريال والشقة الغرفة وصالة وحمام : 140 ريال وهكذا والسلام ختام .

عادي , أنا تأشيرتي قعدت أسبوع في القنصلية , وطلعت يوم 1-6- 2011

أنا لسه جاي من جده الأثنين اللي فات على مصر للطيران , وكان الوزن المسموح بيه 35 كجم , و 8 كجم داخل الطائرة بالتوفيق

ههههههههههههههههههههه البشمهندس جاب من الأخر بس شكلي كده هدوس في حوار السوريات ده

العقد في شركة الجفالي في جدة وانا غير متزوج , وخريج 2008 , يعني الحمدلله خبرة سنتين في مجال التحكم الكهربي وتعييني في وزارة الكهرباء بمحطة أنتاج جديدة في الأسماعيلية المرتب الأجمالي 10000 ريال شهريا شامل بدل السكن والمواصلات

السلام عليكم ورحمة الله وبركاته كنت احب اطرح موضوعي هنا , لان معظم مرتادي القسم من المغتربين وموضوعي هو عن عرضين للعمل : اولا : انا مهندس كهرباء العرض الاول : جالي تعيين في وزارة الكهرباء , والعمل كمهندس كهرباء . العرض الثاني : جالي عقد عمل في السعودية , والعرض كويس جدا : من مرتب + بدل سكن + بدل مواصلات + بدل أكل , والعمل في جدة . المشكلة اني محتار , لان فيه فرق كبير في الراتب , فمثلا لو هاخد في الكهرباء x جنيه , هاخد في السعودية 9x فأحب أسمع رأيكم خاصة من الأخوة المغتربين وشكرا

السلام عليكم ورحمة الله وبركاته كان عندي أستفسار وأرجو منكم إرشادي جاي لي زيارة عمل مؤقت لمدة 6 شهور فما هي الأوراق المطلوبة مني عشان أخلص ترتيبها وهل يمكن أني أتعامل مباشرة مع الفنصلية السعودية في مصر , ولا لازم مكتب سفريات ؟؟ ولكم جزيل الود ولشكر والأحترام