mrmatrix

السلام عليكم يا شباب انا حبيت بس اقولكم ان انا في سلطنة عمان في مسقط - روي بقالي حوالي شهر ونص بس للاسف مكنتش عارف اتواصل معاكو بسبب عدم وجود انترنت وجيت بدات شغل علاطول والله عموما ربنا يكرمكو ع ردكو عليا وع اهتمامكم وربنا يجزيكو خير دعواتكم متنسوناش يعني وانا نمرتي هنا .... ثواني عشان مش حفظهاوالله لسه ٩٥٨٥٩٧٨٠ وياريت نبقي نتواصل مع بعض

{بنا يكرمكو يا جماعه والله انا ان شاء الله هوصل يوم الثلاثاء 1-2-2011 مساء وشكرا يا استاذ pcmeg انا عارف والله ان العملية مش بخل ولا حاجة هي نصيحة منك وانا عارف والله وانا هاخد بيها بصراحة دي غربة والله اعلم الواحد هيعيش ازاي والظروف هتبقي اية وربنا يجزيك خير وادعولي ربنا يكرمكو

معلش يا جماعة ممكن اعرف بس اية الحاجت اللي ممنوع اخدها معايا المطار او لو في موقع اعرف من علية الحاجات اللي ممنوع اخدها معايا والاوزان المسموح بيها لان سمعت ان زجاجة المياة ممنوعه وشكرا

ربنا يكرمك يا استاذ pcmeg علي التوضيح ولكن عندي سؤال بعد اذنك انا جاتلي تأشيرة الزيارة الريعة الحمد لله هل المفروض اروح اختمها من سفارة عمان هنا في مصر او في اي اجراءات المفروض اعملها هنا في مصر ولا اروح بيها علي المطار علاطول؟ ازاي احول ريالات سعودي من هنا وبعدين احولها هناك رياال عماني هخسر ازاي يعني مش فاهم ياريت توضحلي بعد اذنك ؟

شكرا يا استاذ solimady علي ردك ولما ابقي اسافر ان شاء الله واوصل ياريت نبقي نتواصل ونتقابل بقي ان شاء الله

السلام عليكم يا جماعة كان عندي سؤال بس بعد اذنكوا هو انا هحتاج البطاقة الشخصية بتاعتي في مسقط ولا اسيبها في مصر ؟ واحول حوالي اد اية فلوس عشان تبقي معايا اصرف منها اول موصل ان شاء الله ؟ وشكرا

شكرا يا جماعة علي اجابتكم والله تعبتكم معايا ربنا يكرمكوا يارب ادعوللي الله يكرمكوا وشكرا يا استاذ solimady احسن حاجة اجابتك النموذجية دايما والله شكرا يا استاذي الفاضل وربنا يكرمك

الاساتذة اللي جاوبولي علي اسئلتي بصراحة ربنا يكرمكوا يعني والله معلش عندي سؤال ما هي طرق فلوس من عمان لأسرتي هنا في مصر ؟ واية افضل طريقة لارسال الاموال وشكرا ؟

ربنا يكرمك يا اخ محمد انت والاخ solimady والله انتوا متاخرتوش عليا باي حاجة وافيدتوني جدا ربنا يكرمكو انا لسة مستني نتيج التحاليل الطبية لسة فاضلة 8 ايام تقريبا وياريت يا اخ محمد بم انك سافرت قريب قولي نظام التحليل يعني انا روحت وزارة الصحة خدو مني عينة الدم وقالولي سفر عمان يبقي متروحش جامكا دلوقتي غير لما تستلم نتيجة التحليل فياريت تقولي بعد مستلم نتيجة التحليل بتاع الدم اعمل اية اروح فين يعني وربنل يكرمك

طبعا قدرت تفيدني ربنا يكرمك بصراحة يا استاذ solimady وانا استفدت جدا من حضرتك ادعيلي بس ربنا ييسرلي اللي في خير لية وربنا يجزيك خير

استاذ solimady بصراحة انا استفدت كتير جدا من مشاركاتك بس انا هوضحلك العرض اللي قدامي 400 رياال شهريا عقد سنتين اجازة 60 يوم كل سنتين مدفوعة الاجر + تذاكر السفر المكان مسقط توفير سكن غرفة مفردة سيارة لنقل الموظفين للمؤسسة ان لم يوجد سيارة سيتم صرف بدل انتقالات ستحددة الشركة فانا عاوز اعرف هصرف حوالي كام مثلا اكل وشرب ولبس واتصالات وملابس وانترنت وياريت اسعار الانترنت كام في عمان الله يكرمك والاتصالات بردة اسعارها اية والوجبات الجاهزة مثلا سعرها كام والملابس سعرها كام ولك جزيل الشكر وربنا يجزيك خير علي اهتمامك باسئلة الناس اللي عاوزة تسافر بصراحة بصراحة مجهودك واضح والله في ردودك الكتير جدا

ربنا يكرمك علي ردك واهتمامك الاخ قطرة الندي انا روحت وزارة الصحة انهردة حللت وقالولي النتيجة بعد 10 ايام مش عارف ليه كتير اوي كدة ولسة الجامكا بعد استلام نتيجة التحليل ان شاء الله بس طلب منك لو انت في عمان لسة يعني المرتبات هناك اية نظامها يعني مرتب 300 ريال مثلا كويس ولا لا بالنسبة لهناك اعيش مثلا في الشهر بكام هناك ريااال اكل وشرب بيبسي او كوكاكولا واتصالات ونت والحاجت دية يعني وربنا يجزيك خير

السلام عليكم انا مصري مقيم في مصر وعرفت ان من شروط السفر الي سلطنة عمان لابد من عمل تحاليل طبية فممكن اعرف اية هي التحاليل الطبية دية عبارة عن ايه يعني واعملها فين واروح اقولهم ايه يعني اقولهم مثلا انا عاوز اعمل تحليل طبي شامل وخلاص ولا تحاليل معينة ولا اية بالظبط ولكم جزيل الشكر