سكان جده

[ashrafashraf]

لو في حد من سكان جده ياريت يوضحلي اسعار سكن العوائل ايه

السكنت المتوسط يعني زي حي الجامعه لاني منقول من الدمام الي جده واخبار العيشه ايه هناك غاليه والا لدنيا ماشيه ازاي

[anis71]

اهلا وسهلا وبارحب بيك في جدة

مباشرة بدون مقدمات السكن في جدة غلي جدا هذا العام لعدة اسباب آخرها السيول اللي حصلت من شهر وخلت ناس كتير يسيبوا بيوتهم سواء كانت اتضررت من السيول او لاكتشافهم ان احيائهم في ممر السيول وراحوا يدوروا على سكن تاني افضل.

الاسعار متفاوتة حسب حالة العمارة وعدد الغرف وخدمات الحي وجشع المالك ... معلوماتي ان مابقاش في دلوقتي سعر ثابت للشقق او كلمة سكن رخيص انتهت من قاموس السكن لأن اصحاب العمارات كلهم بيجروا ورا اي ارتفاع في الاسعار مع خلو اي شقة عندهم، مثلا العمارة اللي انا ساكن فيها في الشرفية كانت الشقة 3 غرف وصالة وحمامين من سنتين ب 17 الف سنويا بدون فلوس مياه وكهرباء .. النهاردة بتفضى وصاحب العمارة حط سعر 20 الف للساكن الجديد ... طبعا اللي مش عاجبه يشرب من البحر او من السيل او من المجاري جميع انواع المياه موجودة في جدة...

شوية جغرافيا عشان تفهم طبيعة المدينة ... جدة مدينة موازية للبحر الاحمر وامتدادها طول عمره شمالا وجنوبا ... يدوبك في اخر 10 سنين ابتدت تمتد شرقا طبعا الموازي للبحر اسعار خرافية مالناش دعوة بيه وبتاع علية القوم، وبرضه الشمال اسعار عالية، الجنوب ارخص حاجة لكن مستوى النظافة والتنظيم مش كويس ، الأحياء اللي شرق جدة (شرق الخط السريع) ارخص نسبيا واحدث بناء لكن مشكلتها بتتأثر بالسيول لما تيجي في الشتا.

استراتيجية البحث عن سكن:

---------------------

قبل كل شئ توفيق ربنا هو الفيصل ... زي مابيقول الناس السكن زي العروسة قسمة ونصيب .. لكن لازم انت تكون محدد بعض المواصفات من البداية مثلا ( عدد الغرف واتساعها عاوز غرفة وصالة ولااتنين ولا تلاتة ..مشكلة المياه في الحي خلال الصيف ..وجود اسانسير .. شكل العمارة والنظافة ..اتساع الغرف .. القرب من الاسواق والخدمات ..القرب من العمل او مدارس الاولاد ودي مشكلة تانية)

- موضوع الجيران للأسف بالنسبة لنا كمغتربين مش بنقدر نتحكم في لأن السكان بيتغيروا باستمرار او لأرتباطنا بسقف مادي معين فلا نستطيع السكن حيث نتمنى.

- وقت البحث عن السكن بيفرق ..يعني في بداية الصيف وبعد نهاية المدارس بتلاقي شقق كتير لأنه وقت تغيير السكن للمغتربين اما دلوقتي هتتعب شوية

- كتير جدا بعد ما تسكن ما يعجبكش المكان او نكتشف عيوب ، علشان كده لو تقدر تقلل فترة التعاقد لأقل مدة يبقى كويس يعني تدفع شهر او شهرين وتستمر في البحث لحد ماتلاقي سكن افضل بنفس السعر او سعر افضل لنفس المميزات.

- نسبة كبيرة من الملاك بيحجزوا تامين الف ريال تسترده لما تترك السكن.

امثلة لبعض الاسعار من قاطنين بهذه المناطق:

- عمارات الكعكي في حي الكندرة بجوار ادارة الجوازات ( غرفتين وصالةوحمام 11 الف سنوي - مستوي النظافة متوسط)هذا ارخص سكن عائلي مقبول في جدة للعلم (محتاج واسطة واكرامية للحارس عشان يحجزلك اول شقة تفضى)

- الشرفية 1،2 غرفتين وصالة 15 الف ، 3 غرف وحمامين بدون صالة 20 الف

- السلامة 3 غرف+حمام ومطبخ 21الف ويمكن اكتر

- الصفا(حي ضخم شمال شرق جدة ) من 14 - 20 الف حسب عدد الغرف وعمر العمارة

- حي الكيلو 14 (جنوب جدة - فقير تنظيميا) من 13 - 20 حسب عدد الغرف وعمر العمارة يعني ممكنن تلاقي فيه 4 غرف ب 14 الف في منزل شعبي وبنفس المبلغ شقة تانية غرفتين فقط وهكذا

اتمنى اكون رسمتلك صورة واضحة ومعلوماتي تفيدك

دى مواقع على النت للمقيمين الهنود تعرض شقق ايجار ولكن غالبا لبني جلدتهم وهي طبعا بالانجليزي لأن كل اللي بيعمل كده جنسيات مش عربية:

http://saudi-arabia.pestree.com/listings.php?page=1&category=17&city1=Jeddah

http://housing.justlanded.com/en/Saudi-Arabia_Jeddah/For-Rent_Rooms-in-Shared-Flats/1

http://www.expatriates.com/classifieds/jed/hs

ربنا يوفقك

[ashrafashraf]

اهلا وسهلا وبارحب بيك في جدة

مباشرة بدون مقدمات السكن في جدة غلي جدا هذا العام لعدة اسباب آخرها السيول اللي حصلت من شهر وخلت ناس كتير يسيبوا بيوتهم سواء كانت اتضررت من السيول او لاكتشافهم ان احيائهم في ممر السيول وراحوا يدوروا على سكن تاني افضل.

الاسعار متفاوتة حسب حالة العمارة وعدد الغرف وخدمات الحي وجشع المالك ... معلوماتي ان مابقاش في دلوقتي سعر ثابت للشقق او كلمة سكن رخيص انتهت من قاموس السكن لأن اصحاب العمارات كلهم بيجروا ورا اي ارتفاع في الاسعار مع خلو اي شقة عندهم، مثلا العمارة اللي انا ساكن فيها في الشرفية كانت الشقة 3 غرف وصالة وحمامين من سنتين ب 17 الف سنويا بدون فلوس مياه وكهرباء .. النهاردة بتفضى وصاحب العمارة حط سعر 20 الف للساكن الجديد ... طبعا اللي مش عاجبه يشرب من البحر او من السيل او من المجاري جميع انواع المياه موجودة في جدة...

شوية جغرافيا عشان تفهم طبيعة المدينة ... جدة مدينة موازية للبحر الاحمر وامتدادها طول عمره شمالا وجنوبا ... يدوبك في اخر 10 سنين ابتدت تمتد شرقا طبعا الموازي للبحر اسعار خرافية مالناش دعوة بيه وبتاع علية القوم، وبرضه الشمال اسعار عالية، الجنوب ارخص حاجة لكن مستوى النظافة والتنظيم مش كويس ، الأحياء اللي شرق جدة (شرق الخط السريع) ارخص نسبيا واحدث بناء لكن مشكلتها بتتأثر بالسيول لما تيجي في الشتا.

استراتيجية البحث عن سكن:

---------------------

قبل كل شئ توفيق ربنا هو الفيصل ... زي مابيقول الناس السكن زي العروسة قسمة ونصيب .. لكن لازم انت تكون محدد بعض المواصفات من البداية مثلا ( عدد الغرف واتساعها عاوز غرفة وصالة ولااتنين ولا تلاتة ..مشكلة المياه في الحي خلال الصيف ..وجود اسانسير .. شكل العمارة والنظافة ..اتساع الغرف .. القرب من الاسواق والخدمات ..القرب من العمل او مدارس الاولاد ودي مشكلة تانية)

- موضوع الجيران للأسف بالنسبة لنا كمغتربين مش بنقدر نتحكم في لأن السكان بيتغيروا باستمرار او لأرتباطنا بسقف مادي معين فلا نستطيع السكن حيث نتمنى.

- وقت البحث عن السكن بيفرق ..يعني في بداية الصيف وبعد نهاية المدارس بتلاقي شقق كتير لأنه وقت تغيير السكن للمغتربين اما دلوقتي هتتعب شوية

- كتير جدا بعد ما تسكن ما يعجبكش المكان او نكتشف عيوب ، علشان كده لو تقدر تقلل فترة التعاقد لأقل مدة يبقى كويس يعني تدفع شهر او شهرين وتستمر في البحث لحد ماتلاقي سكن افضل بنفس السعر او سعر افضل لنفس المميزات.

- نسبة كبيرة من الملاك بيحجزوا تامين الف ريال تسترده لما تترك السكن.

امثلة لبعض الاسعار من قاطنين بهذه المناطق:

- عمارات الكعكي في حي الكندرة بجوار ادارة الجوازات ( غرفتين وصالةوحمام 11 الف سنوي - مستوي النظافة متوسط)هذا ارخص سكن عائلي مقبول في جدة للعلم (محتاج واسطة واكرامية للحارس عشان يحجزلك اول شقة تفضى)

- الشرفية 1،2 غرفتين وصالة 15 الف ، 3 غرف وحمامين بدون صالة 20 الف

- السلامة 3 غرف+حمام ومطبخ 21الف ويمكن اكتر

- الصفا(حي ضخم شمال شرق جدة ) من 14 - 20 الف حسب عدد الغرف وعمر العمارة

- حي الكيلو 14 (جنوب جدة - فقير تنظيميا) من 13 - 20 حسب عدد الغرف وعمر العمارة يعني ممكنن تلاقي فيه 4 غرف ب 14 الف في منزل شعبي وبنفس المبلغ شقة تانية غرفتين فقط وهكذا

اتمنى اكون رسمتلك صورة واضحة ومعلوماتي تفيدك

دى مواقع على النت للمقيمين الهنود تعرض شقق ايجار ولكن غالبا لبني جلدتهم وهي طبعا بالانجليزي لأن كل اللي بيعمل كده جنسيات مش عربية:

http://saudi-arabia.pestree.com/listings.php?page=1&category=17&city1=Jeddah

http://housing.justlanded.com/en/Saudi-Arabia_Jeddah/For-Rent_Rooms-in-Shared-Flats/1

http://www.expatriates.com/classifieds/jed/hs

ربنا يوفقك

[ashrafashraf]

شكرا ليك علي اهتمامك وربنا ييسر الاحوال والاقي سكن مناسب