موسوعة الأمثال الشعبية

[سمـ مصر ــا]

الأمثال الشعبية

رسمت معالم الحياة الاجتماعية المصرية

ورصدت أنماط من السلوك الانسانى.. وقدمت صور من حياتنا فى مصر

و يكاد يندثر من استعمالاتنا اليومية (( استخدام الامثال )) فى لغة الحوار

فما رأيكم لو أعدناها الى الذاكرة وحاولنا ان نرصد ما نعرفة منها

سأحاول ان اكتب من الامثال ماتحملة ذاكرتى وكل منا يحاول

ان يرصد فى هذا الموضوع مايعرفة من الامثال الشعبية

;)

* المتعوس متعوس لو حطه على بابه فانوس mfb:

**اللى متعرفش ترقص تقول الارض عوجه ;)

**قليل الأصل لا تعاتبه ولا تلوموا ، ده زي البقعة لا تطلع برابسو ولا بأومو :wub:

**لو ابوك البصل و امك التوم هتجيب منين الريحه الطيبه يا مشئوم

**من ساعة ما جبتكوا يا عيالى لا اكلت فجلة بورقتها ولا فرخة بمرقتها :D

**لو كان الشعر عزيز مكنش طلع في المعيز :P

من لدية مثل يتفضل يضعة هنا لنصنع موسوعة للأمثال الشعبية

[لخبطه]

موضوع لذيذ جدا يا سما رغم انه كان فيه موضوع شبيه له من فتره

بس انتى هنا حاطه مجموعه امثال شديده جدا بعضها جديد علي رغم انى مهتم ودايما بنهل من نبع الأمثال ولدتي ( الله يحفظها ) بتقول لك إيه بقا

بره وجوه فرشت لك وانت مايل ايه يعدلك

اللى معاه قرش محيره يجيب حمام ويطيره

بعت جاني يجيب جاني لا دا جاني ولا دا جاني

[ناصر الملك و الملكية]

يا داخل ما بين البصلة و قشرتها ما ينوبك إلا دمعتها

أقلب القدرة علي فومها تطلع البت لأمها

ابن الوز عوام

الغريب أعمي و لو كان بصير

أمشي سنة و لا تخطي قنا

التعرفه أحسن من المتعرفهوش

الخدته القرعة تخده أمو الشعور

ياما جاب الغراب لأمه

صاحبك علي عيبه

[سمـ مصر ــا]

أخى الفاضل لخبطة

أشكرك على ردك على الموضوع

وعلى كتابة مثل أول مرة أسمعة

بره وجوه فرشت لك وانت مايل ايه يعدلك

:P

و المثل الثانى

بعت جاني يجيب جاني لا دا جاني ولا دا جاني

كمان جديد عليا :excl:

وعندى مثل أعتقد انك أول مرة تسمعة

*ماتتجوزش السهتانه ام قصه ولبانه تاكل وتعمل عيانه :lol:

أظن أنك اول مرة تسمعة

شكراً لمشاركتك لخبطة وسأنتظر منك المزيد من الامثال الجديدة الغير دارجة

ناصر الملك و الملكية

شكرا لك أخى الفاضل على مشاركتك فى الموضوع

ابن الوز عوام

تفتكر أن لازال هذا المثل منطبق على الابناء

شكرا ناصر لمشاركتك وفى إنتظار مثل جديد غير دارج منك فى المشاركة الأخرى

تم تعديل 25 يونيو 2006 بواسطة سمـ مصر ــا

[Modest]

خُد المجنونة بنت العاقلة و ماتاخدش العاقلة بنت المجنونة :lol:

[Sharkiah]

بصفتى من الرعيل الأول للمحاورات أرجو من أحد الإخوه المشرفين التنقيب عن موضوع مطابق عن الأمثال فتح من حوالى ثلاث سنوات وإمتدت المداخلات فيه لصفحات طوال وكانت المداخلات غايه فى الثراء والطرافه ، ولا يفوتنى أن أشير لكتاب لطيف جدا لعلم من أعلام علم الإجتماع فى مصر إسمه الدكتور أحمد تيمور باشا عن الأمثال الشعبيه وتناولها بشكل علمى وأسلوب شيق جدا

[إبن مصر]

شرقيه؟؟؟؟؟؟؟

مش ممكن الحمد لله على السلامه يا أخى الحبيب والله أوحشتنى فى الله جدا جدا جدا جدا جدا......

الحمد لله ان رأيت حروفك تتهادى امامى مره أخرى....

مما ذكرنى بمثال اخر:

وقد يجمع الله الشتيتين بعدما يظنان كل الظن الا تلاقيا

[Modest]

بصفتى من الرعيل الأول للمحاورات أرجو من أحد الإخوه المشرفين التنقيب عن موضوع مطابق عن الأمثال فتح من حوالى ثلاث سنوات وإمتدت المداخلات فيه لصفحات طوال

تفضَّل يا أستاذ Sharkiah - بعد إذن الأخوة المشرفين :rolleyes:

أعتقد حضرتك تقصد هذا الموضوع ( امثالنا الشعبيه - لـ EBN ELBLD )

وهناك أيضاً:

( موسوعة الأمثال الشعبية - لأبوفصاد )

( موسوعة الأمثال الشعبية 2 - لـ moody00x )

( أمثال رجالى, انها الحرب إذن .!! - لـ Cleo )

و ألف حمد الله على سلامتك <_<

[Sharkiah]

أبوحميد الغالى

أنا بعت لك سلام مخصوص فى أكثر من مناسبه لأنك دايما فى القلب

وربنا يديم المعروف والحب فى الله

أنا عمال أدور على مداخلاتك بمنكاش بقالى يومين

شكرا يا أستاذ موديست على المواضيع والترحيب

وياريت يتم دمج المواضيع

[yacho]

يا واخد القرد على ماله .. يروح المال ويفضل القرد على حاله

اش تعمل الماشطه ف الوش العكر .

الحلو حلو ولو قام مالنوم .. والوحش وحش ولو غسل وشه كل يوم

اللى بيته من ازاز ما يحدفش الناس بالطوب.

اصرف من التل يختل .

المستعجل ياخد راس الكُبه ويطير.

قاضى العيال اشتكى نفسه .

ما ينوب المخلص الا تقطيع هدومه

الباب اللى يجيلك منه الريح سده واستريح

. ان كان حبييك عسل ماتلحسوش كله .

لبس البوصه تبقى عروسه .

لما افتكر حاجه حارجع تانى

[Hammer]

**لو كان الشعر عزيز مكنش طلع في المعيز <_<

يا سما ... الموضوع ده لتوثيق تراثنا العريق و إحيائه للأجيال من بعدنا :rolleyes: ...

يا ريت بلاش تحريف للأمثلة لأن المعني لا يستقيم بهذا التغيير :angry2:

ما علينا ...

الحاجة تقول نيني نيني لغاية ما ييجي الخايب و يشتريني

:angry2:

صحيح عمرها ما حسستني بكده و دائماً ما تكون مبتسمة شاكرة .... بس أكيد بتقوله في سرها بعد ما أرجع من السوق بالمشتروات :blink: