الجنسية المصرية.. لغير المصريين

[night prayer]

بسم الله الرحمن الرحيم

السلام عليكم و رحمة الله..

الأخوة الأفاضل..

انا هاتكلم في موضوع تاعبني جداً نفسياً..

و هو منح الجنسية المصرية لغير المصريين ..

انا اتكلمت مع أحد الذين منحوا هذه الجنسية.. و كانت نتيجة الحوار ان حد فينا كان ناوي يودي التاني القسم..

على فكرة..

معظم الأخوة الفلسطينيين الحاصلين على الجنسية المصرية ناقمين على هذه الجنسية.. و بيعتبروا ان مصر ( قصدي البلد اللي حضنتهم ) الاقامة فيها مجرد اضطرار!! دون اعتراف بفضل البلد عليهم.. انا مش بأقول كلهم.. لكن عدد كبير جداً منهم.. الكلام دة انا سمعته بنفسي.. يعني انا مش باتجنى عليهم . أبداً و الله!!

و باعترف بشكل أساسي.. أنا ضد قانون منح الجنسية لغير المصريين تماماً

لأنهم حتى لو أخدوا الجنسية..

هيجيبوا الوطنية منين!!

دي حاجة في الدم!! مابتجيش قي ظرف مع الجنسية..

مع خالص الشكر..

المهم اني فضفضت و خلاص!! :P

[Masrawy Abroad]

الأخت نايت

الحقيقة انتي نظرتي للموضوع بمنظار ضيق جداً

الموضوع أكبر من كده.....لي أصدقاء مصريين قلبا وقالبا ولم يسافرا بره مصر نهائي ولكنهم كانوا بجنسية الوالد الأجنبي....ولن اقول لكي ان قرار الجنسية هذا أحياهم من جديد.....فهم كانوا يدفعون بالاسترليني في الجامعة وعند العمل يأخذون تصريح عمل وحياتهم كلها في مصر بإقامة تجدد كل فترة حتى أن أبنائهم كانوا سيصبحون غير مصريين (الابن يتبع جنسية الاب في مصر)!!!!

وهم مصريين حتى النخاع وصدقيني منهم من لم ير والده نهائيا او حتى ذهب للبلد التي يحمل جواز سفرها!

فنحن لن نُخضع كل فرد لكشف الكذب لنعرف ولائه لنعطيه الجنسية!! هناك مصريين أبا عن جد ولا يستحقون أن يكونوا مصريين والعكس صحيح

اعطاء الجنسية لهولاء أم إعطائها للمغنيين والفنانيين؟؟

اعطاء الجنسية أراه استيفاء لشروط إدارية أكثر من كونه ولاء!

الجنسية في كندا تعطى للمهاجر بعد 3 سنوات اقامة واختبار بسيط عن معلومات عامة عن البلد....وكذلك الحال في استراليا وامريكا وغيرها من الدول الاخرى....

[night prayer]

معاك حق.. بس انا مش بأتكلم عن الناس دول.. انا باتكلم على اللي همة من اب و ام غير مصريين.. و مش عارفة جابوا ورق منين اثبت انهم في مصر من سنة مش عارفة كام!! و خدوها..

مش قصدي دول !! :P

[amir]

انتى قصدك السودانيين ولا اليونانيين ؟؟

[night prayer]

لأ.. قصدي كلهم!!

عرب كانوا او أجانب!!

اصل حكاية الورق اللي بيثبت دي مضايقاني اوي! حاسة انها بيحصل فيها تجاوزات كتير.. عشان ياخدوا حق مش حقهم في ناس فعلاً متبهدلين و محتاجين الحق دة عنهم.. كمان أغلبهم بيبقوا ناقمين على البلد. و الله بقى اللي مش عاجباه البلد اللي خدمته يسيبها و يمشي!!

[همسة الغامدي]

لأ.. قصدي كلهم!!

عرب كانوا او أجانب!!

اصل حكاية الورق اللي بيثبت دي مضايقاني اوي! حاسة انها بيحصل فيها تجاوزات كتير..

عشان ياخدوا حق مش حقهم في ناس فعلاً متبهدلين و محتاجين الحق دة عنهم..

كمان أغلبهم بيبقوا ناقمين على البلد. و الله بقى اللي مش عاجباه البلد اللي خدمته يسيبها و يمشي!!

بصراحة الموضوع صدمني جدا

اخر حاجة كنت اتخيلها ان اسمع او اقرأ كلام مثل هذا وانا طول عمري باحلم اني اخد الجنسية المصرية

عزيزتي

عايزة اقول لك حاجة اللي بياخد جنسية بلد غير بلده بيكون واحد من اتنين

--يا بيدور على مستوى معيشي افضل وحقوق اقتصادية

اكثر من اللي بيحصل عليها في بلده مثلا زي كندا واستراليا والدول الاوربية

--او بيكون بيحب البلد دي وبيشعر من جواه انه بينتمي لها

وعايز يكون جزء من نسيجها الاجتماعي ولاسبيل لذلك الا بالحصول على الجنسية

يعني اي حد عايز الجنسية المصرية هيكون عايزها ليه ارجعي للحاجتين اللي فوق وقرري انت

[عبير يونس]

هههههههههههههههههه

متزعليش يا همس

الموضوع بقى له 8 سنين

و الفاضلة نايت بريار من ساعتها غير متواجدة

:closedeyes:

الحب و الولاء والانتماء لمكان لا يحتاج ورق لاثباته

[همسة الغامدي]

هههههههههههههههههه

متزعليش يا همس

الموضوع بقى له 8 سنين

و الفاضلة نايت بريار من ساعتها غير متواجدة

:closedeyes:

الحب و الولاء والانتماء لمكان لا يحتاج ورق لاثباته

تصدقي ياعبير كدت اختنق بغصة دموع

ماتخيلتش انه ان شاء الله بعد ماربنا يكرمني

واخد الجنسية المصرية الاقي حد يقولي اني ما استاهل اني اخدها

او يلمز في حبي لمصر وعشقي لارضها

معليش يانايت براير وين ماكنت الله يسامحك جرحتيني من غيرماتقصدي