انواع الخراف......كل عام وانتم بخير

[khedr]

كل عام وانتم بخير ....

متهيأ لي هو انسب ميعاد للكلام عن الانواع المختلفه للخراف

ايه رأيكم ..دام فضلكم ..

واللي عنده معلومه ممكن يضيفها خاصه الاسعار.... ......

'الاوسيمي' يشبه الي قرية اوسيم ومن صفاتها انها بيضاء اللون ذات رأس بني الذي يمتد الي الرقبة ومقدم الصدر..

'والرحماني' نسبة الي قرية الرحمانية بالبحيرة وهي بنية اللون وقد توجد بها بعض البقع البيضاء ويميزها الذيل الكبير البيضاوي 'اللية' المكتز بالشحم وينتهي بعقدة نحيفة ملتوية ويميزها في الذكور الرأس الكبير المقوس الانف وتحمل قرونا كبيرة هلالية الشكل تلتف حول الاذن

'والبرقي' وتعرف ايضا باسم 'الدرناوي' أو الاغنام الصحراوية وعلي الارجح كما يقول المؤرخ ابراهيم عناني من اصل ليبي نسبة لمدينة برقة وتنتشر علي طول الساحل الشمالي الغربي بمصر وهي متوسطة الحجم وبيضاء اللون ولون رأسها اسود احيانا وذكورها ذات قرون ويغطي الارجل واسفل البطن شعر قصير

و'الصعيدي' ينتشر في صعيد مصر وخاصة اسيوط وهي عديمة القرون مقوسة الانف ذات رقبة طويلة نسبيا سوداء او بنية وصوفها خشن وذات ذيل اسطواني شحمي ويستخدم صوفها في صناعة الكليم والبطاطين.

و'الفلاحي' ويعرف بالبلدي او الشرقاوي حجم صغير و'الصنباوي' وهي مجموعة غير متجانسة من الاغنام تنتشر في محافظات الصعيد من اسيوط حتي اسوان وليست لها صفات محددة.

الموقع

http://www.elakhbar.org.eg/issues/16757/0400.html

تم تعديل 5 يناير 2006 بواسطة medeokhedr

[مصرية الهوى]

ايه الوحشية دي يا ميدو ...

انتو متوحشين .. بتقتلوا الحيوانات بوحشية وعنجهية ...

طب ماله البني آدم لما يبقى نباتي ..

احسن ما يقتل في مخاليق ربنا ...

:rolleyes:

جيجي باردو ...

الناطقة باسم حقوق الحيوان في بلوتو و العالم العربي ..

عندها 5 قطط وكلبين ودستة عصافير ...

وباحبهم اكتر من البني آدميين ..

وثروتي كلها هاكتبها باسمهم ...

:rolleyes:

[khedr]

وثروتي كلها هاكتبها باسمهم ...

:rolleyes:

<{POST_SNAPBACK}>

خلصنا الامتحانات.... واخدنا الاجازات....وبقينا من اصحاب الثروات

واذا كان الموضوع كده فيها ثروات

داري علي شمعتك....

اديكي شايفه الي بيحصل لا صحاب الثروات

باردون اختنا

[spddesh]

وحشية ؟؟؟؟؟؟؟؟؟؟؟؟

قطط ............ كلاب ....................

ثروة ايه ...................

ربنا يهديكى يا جى جى

....................... إنا لله وإنا إليه راجعون

[وليد صفوت]

وحشية ؟؟؟؟؟؟؟؟؟؟؟؟

                    قطط ............ كلاب ....................

      ثروة ايه ...................

          ربنا يهديكى يا جى جى

                                    .......................  إنا لله وإنا إليه راجعون

<{POST_SNAPBACK}>

جيجى بتهرج مع ميدو يا عزيزى speddesh .....

و بعدين يا اخى مش تقول سلام عليكم و انت داخل ؟ :rolleyes:

الحريم تغطى راسها ...... روحى يا جيجى هاتى صورة الست المنقبة بسرعة عشان عندنا ضيوف ...

أهلا speddesh ..... و إقامة سعيدة فى محاورات المصريين :rolleyes:

[Diab]

يا جماعة مصرية الهوي بتتكلم عن برجيت باردو ودي ممثلة شهرية أيام زمان

و قادت حملة من كام سنة علي المسلمين عشان بيدبحوا الخرفان في العيد الكبير

فـــــــــــهـــــــمــــــــــــــتم

تم تعديل 6 يناير 2006 بواسطة Diab

[se_ Elsyed]

شوف يا ميدو .. والله لو قعدت تعد 100 نوع من أنواع الخرفان .. فإن ماكنش الواحد خبير في كيفية الشراء فممكن ياخد مقلب مُحترم ..

أخويا الكبير - ربنا يخليه لنا - أستاذ ورئيس قسم في المواضيع دي .. فمع إن لا ناقة له ولا جمل بموضوع الخرفان والمعيز إلا إنه واخدها هواية .. وذاع صيته في موضوع الشراء والذبح لدرجة إن كل العيلة دلوقت مستقطعاه لما يكون في عقيقة أو مناسبة أو في العيد الكبير .. والمرة الوحيدة اللي نزلت فيها مصر في العيد الكبير سخرني معاه مروراً على بيوت قرايبنا اللي مبيتين عليه وموصيينه يدبح لهم لحد ما وسطي إتقطم وكنت شكلي بالظبط زي الواد عكوه صبي الجزار .. والأجازة اللي فاتت ذبحنا أنا وهو لا يقل عن 4 حتت ... وعشان كده نزل إشترى شنطة عدة من مجاميعه إشي سواطير على سكاكين ذبح على الحاجات اللي بيشفوا بها الدبيحة ... إلخ .

المهم إن كثير من البائعين ضمايرهم ماتت وإندفنت من زمان وبقوا محترفين غش في البسطاء .. فتلاقي مثلاً التاجر من دول ييجي قبل ما يبيع الخرفان يروح معطشها لمدة يوم أو يومين .. وبعدين يحط لها ميه بملح .. وتفضل الخرفان الغلبانة تشرب تشرب تشرب لحد ما تتنفخ وتبقى زي البلونه .. وييجي الزبون الغشيم من دول يلاقي بقره قدامه مش خروف ويفرح بحجمه .. وييجي يدبحه يلاقيه كله ميه ...

ناس تانية بتبيع الخرفان كبيرة في السن .. ولما تدبحها .. إبقى قابلني لو إستوت ... بتعمل زي اللحمة الجملي الكاوتش كده ..

وناس تانية بتأكل الخروف زبالة .. آه والله زبالة ..

ومعروف طبعاً إن الحيوانات بيتوقف طعم اللحمه بتاعتها على المرعى اللي أكلت منه .. فعمرك ما هاتلاقي مثلاً طعم لحم خروف واكل أكل طازه زي البرسيم والدرا مثلاً .. زي اللي واكل كلام فاضي وبواقي طبيخ حمضان ولا عيش ناشف .. إلخ

أول حاجة بيعملها المعلم شغته - أخويا - :wub: إني بأشوفه يروح ماسك بؤ الخروف ويكشف على أسنانه واحده واحده .. ولما أسأله : إنت بتعمل إيه يا بني ؟ يقولي إن الخروف الكويس هو اللي بيبقى ما غيرش سنانه ، يعني سنانة لسه لبنيه ( زي الأطفال كده بالبظط ) .. وبالتالي لو لقيت لون سنان الخروف بيضاء يبقى دي الأسنان الدائمة ويبقى كبير في السن وباتالي مش هايستوي معاك كويس ..

دي من الحاجات البسيطة اللي إتعملتها منه .

[وليد صفوت]

يا جماعة مصرية الهوي بتتكلم عن برجيت باردو ودي ممثلة شهرية أيام زمان

و قادت حملة من كام سنة علي المسلمين عشان بيدبحوا الخرفان  في العيد الكبير

فـــــــــــهـــــــمــــــــــــــتم

<{POST_SNAPBACK}>

ايييييييييييييييوة إفتكرت ... :)

مش دى الست المجنونة اللى طلعت فى القرن اللى فات فى التسعينيات تقريبأً و قالت بإننا متوحشين ساديين برابرة نذبح الخراف المسكينة ....

ياترى كانت هتقول إيه لو عاشت لحاد 2005 ؟ :wub:

[مصرية الهوى]

ايه ياجماعة ..

فيه ايه :wub:

لا اطمني مفيش حاجه :D

طيب الحمد لله :P

=================

بجد والله من اللي يعرف يقتل - يقتل تتقال والا اسمها يدبح :) - المهم مين يعرف يقتل الخراف ...!!!

طب بتحس بايه وانت بتدبح .. ;)

================

الله ينور عليك يا عم Diab ..

ما شي يا ميدو .. انا هاكتبلك النص التاني من الثروة ..

بس تيجي تساعدني في تربية شوشو وبوبو ورورو وهوهو وهلم جراااااا

:D

ياسيدي والله العظيم ناس فاضية اللي بيربوا قطط ...

دي واحده بعرفها بتربي خمس قطط .. تنزل كل اسبوع السوبرماركت تشتري لهم أكل بمئات الريالات ;) وبتموووووت فيهم اوي .. اكنهم عيالها بالظبط ..

هو أنا ناقصة ...

اصرف على نفسي والا على قطط

اربي نفسي والا اربي قطط :o

يلا حصل خير ...

وربنا يتوب علينا ..

وهابي عيد ..

وياخراف .. ابقوا قابلوني تاني يوم العيد :P

[shahd]

ايه ياجماعة ..

فيه ايه  :wub:

لا اطمني مفيش حاجه  :D

طيب الحمد لله  :P

ياسيدي والله العظيم ناس فاضية اللي بيربوا قطط ...

دي واحده بعرفها بتربي خمس قطط .. تنزل كل اسبوع السوبرماركت تشتري لهم أكل بمئات الريالات  :) وبتموووووت فيهم اوي .. اكنهم عيالها بالظبط ..

هو أنا ناقصة ...

اصرف على نفسي والا على قطط 

اربي نفسي والا اربي قطط  :D

يلا حصل خير ...

وربنا يتوب علينا ..

وهابي عيد ..

وياخراف .. ابقوا قابلوني تاني يوم العيد :P 

<{POST_SNAPBACK}>

جيجيييييييييييييييييييي كده حزعلللللللللللللل انا بموت في القطط وكان عندي 56 قطه :o

لن انسى لك هذا الموقف ;) ;)

[مصرية الهوى]

لا ازاي يا شهوودة يا حبيبتي ...

كله الا زعلك ..

القطط تاج رووسنا :) ...

اروح انا في ستين داهية .. وتعيش القطط ..

حبيبة قلبي :wub:

باين كده ان الموضوع هيتحول الى ..

أنواع القطط .. كل سنة وانتو طيبين ...

;)

[وليد صفوت]

سؤال خبيث :

هو القطط أغلى من الخرفان ؟؟ و لا العكس ؟؟ :wub:

[مصرية الهوى]

جواب أخبث :

تقصد غلاوة مادية والا معنوية ..

عشان نعرف نجاوبك !! :wub: