عنتر وعبلة

[Diab]

دي قصة عنترة بن شداد هو عبلة بعد م أتجوزوا

عنتر-يا فتاح يا عليم يا رزاق يا كريم في أيه ع الصبح

عبلة- قوم شوف أبنك يا أخويا

- ماله

- مش عايز يروح المدرس قال أيه لازم ندفع المصاريف

- قد أيه بقي المصاريف دي

الواد -15 ناقة حمر و معزيتين كروهات

- نعم نعم نعم نعم ده أنا أتجوزتك أمك تخليص حق

الواد - مليش دعوة بقي أتصرفوا أه صحيح المدرسة مطلعة رحلة بالباخرة 15 يوم في بحر الظلمات نروح فيهم باريس ولندن و ميلانو

عنتر- ميلانو دي قبائل جديدة دي ياد ولا أيه

الواد - قبائل جديدة أيه بس أي الجهل they are new cities in our world

عنتر- هه :P

- طبعا عشان مروحتوش IG قصدي دي مدن جديدة في العالم

- ودي بقي مصاريفها كام

- ناقة بمبي مسخسخ

- يا بني النوق البمبي المسخسخ مش موجودة غير عند ملك الفرس

- معرفش بقي أتصرف أنت مش قلتلي يا بني أنا بشتغل عشان أعيش في مستواك إحسن من اللي عشت أنا فيه . مليش دعوة أتصرف

- عنتر - ما تقولي حاجة يا وليه بدل ما أنتي قاعدة

عبلة - يعني أعمل أيه يعني كان لازم يعني تدخلة مدرسة لغات . أشرب بقي يا حلو... مزمز ميرندا

-عنترة أيه ميرندا دي كمان

- ما تأخدش في بالك :lol:

طيب يبقي المطلوب كله 15 ناقة حمر وناقة بمبي مسخسخ و معزيتين كروهات ...

خرج عنترة من خيمته .. مرددا أنا كان مالي ومال الجواز ما أنا كنت قاعد سلطان زماني

كان لازم يعني يا أمي تنزلي زن عليا أتجوز أتجوز أديني أتهببت

أمتطي حصانه الأسود 69572 ملاكي عبس وتوجه نحو الشرق إلي ملك الفرس مردداً

حسبي الله ونعم الوكيل

حسبي الله ونعم الوكيل

حسبي الله ونعم الوكيل

وأخذ يبتعدا رويداً رويداً

......

.......... يا تري حيحصل أيه بين عنتر وملك الفرس .. موعدنا الحلقة الجاية وتصبحوا علي خير

تم تعديل 26 نوفمبر 2006 بواسطة Diab

[نانو]

:lol: :P :D :D تسلم ايدك يا دياب

[رمضان]

احب انا قصص الجاهلية دي والنبي يا شيخ تزودنا بيها كمان وكمان

وانا هزودك بيها

[shahd]

تحففففففففففففففففففة يا دياب :closedeyes: :blush: :blush:

يلا كمل مستنين على ناااااااااااااااار

[Eldisel]

:blush: :blush: :ninja: تحفة جمدة جداً

مستنين الحلقة التانية على نار :closedeyes:

[Diab]

الحلقة التانية

توجه عنتر إلي ملك الفرس بعد أن عبر البراري والقفار وأصابه الحر والعفار

بعد أن دلف :P (واخد بالك يا رافعي )إلي قصر أمير الفرس و فقابله الملك بالترحاب

أهلااااااااااااااا يا أبو العناتير

عنتر- أزيك ياد يا ملك أخبر أبوك وأمك أيه

-أسكت مش أمي حبت تروح مصر عند قرايبها في المنصورة .بعد ما رجعت

كان لونها أزرااااااااااق و مبتتكلمش ودايما مسهمة

- وبعدين

بس يا عنتر يا أخويا قعدت علي كدة شهرين وأول مان طقت راحت مصوتة

قلتلها مالك يأمه

قالتي أسكت يا بني مش أمك كانت هاتموت

-ليه يا أمه

-أول ما ركبت القطر من محطة منف رايحة المنصورة لقيتلك القطر راحب مقلوب بينا

بس الحمد لله ماموتش

طيب كويس

كويس أيه ده لما سألتهم لما فوقت أيه اللي حصل .قال أيه في واحد شد الجزرة

طيب ودي فيها أيه فرضنا أن واحد جعان شاف قدامه أكل مايكلش يعني

قعدوا يفهوموني طبعا مفهمتش. ركبت البيجو . سلمت علي حبايبي طلبت مايه أشرب

ألاقيلك الواد جايبلي مياه أول ما شربتها جاللي تسمم عقلي .. أول ما فوقت لقيت الدكتور بيقيس الضغط.. سألتهم ليه قاللي جالك السكر

سكرا. يا نهار مش فايت.. نسيت أقولك الدكتور برضه أكتشف أن عندي بلهارسيا من إنقلاب القطر في الترعة. أمك أتبهدلت كتير في مصر يا بني. مستحملتش يا عنتر أسبوع راحت مفيصة مننا .يلا الله يرحمها بقي

عنتر- بس كفاية وأنا اللي جايلك تساعدني لقيتك عايز مساعدة

الملك - خير يا قمر

- الواد أبني عايز مصاريف المدرسة 15 ناقة حمرا ومعزتين كروهات وناقة بمبي مسخسخ

الملك - بس كده قوي قوي

- ربنا يخليك يا باشا أما أكلم أم العيال عشان أبشرها.. بالحق معاك رصيد

- لا والله أصلي مادفعتش الفاتورة فقطعوا الخط

- أنت أم نبيل ولا جودةفون

-لأ أم نبيل

-جودة فون أحسن ..طيب يلا بقي سلام ألحق أروح المزرعة قبل الليل

- أنت ما نسيتش حاجة ؟

- حاجة أيه؟

-وصل الأمانة.

كدة برضه تأخد علي صاحبك وصل أمانه.

ده أنا أخد علي أبويا وصل مش صاحبي

- صحيح يانهيتك ما أنتهيت والطبع فيك غالب. ديل الملك لم ينعدل وإن علقوا فيه قالب

الملك :أنت حتخطب ..أنجز

بعد أن مضي عنتر علي الوصل أعطاه الملك شيك بخمسة وعشرين ألف درهم تصرفه من بنك تشيس برجر ..قصدي تشيس منهاتن فرع العتبه

أمتطي حصانه الأسود 69572 ملاكي عبس برضه وتوجه نحو الغرب نحو مصر مردداً

حتي أنت يا صاحبي طلعت

حسبي الله ونعم الوكيل

حسبي الله ونعم الوكيل

حسبي الله ونعم الوكيل

وأخذ يبتعدا رويداً رويداً

بكرة يا حلوين نشوف عمل ايه عنتر في بنك العتبة.. يلا تصبحوا علي خير

تم تعديل 26 نوفمبر 2006 بواسطة Diab

[فولان بن علان]

مش ممكن يا أبو الدباديب خفة الدم دي

وحتى لوكانت فكرة لخبطت الأزمان والتواريخ والحقب ( حلوة الحقب دي :P ) مطروقة من قبل

لكن تناول جديد وفريد وظريف غير متكلف

ظرف بالسليقة وموهبة فذة

امتعتنا واستوليت على عقولنا وقلوبنا

امضي يا مان واشرخ وهاتنا بالباقي من الحلقات

[bentmasria]

هايل جدااااااااااااااااااا

فعلا برافو عليك فكرتنا بأمجاد فكاهيى المحاورات القدماء ربنا يرد الغايبين ويفتح نفس س س يارب

انا قريت الجزء الاول وكنت مستنية استمر يا صديقى يمكن تلافينا دخلنا معاك كده فى النص مساعدة بس يعنى

خفة دم وتسلسل اكثر من متقن ننتظر اخبار الناقة البمبى

على فكرة وانا بحكى لمادا انا بضحك ليه قاللى يعنى ايه مسخسخ ووعدته حسأل عمو

هو يعنى ايه ياعمو :P :sad: :P :)

[nash]

:P :P :sad:

النوق البمبي؟؟

عجبتني والله

[khedr]

ايو كده يا أخي

وفي انتظارك انا

مسخسخ علي روحي

[Diab]

شكرا لكل واحد جه هنا كتب كلمتين ومشي :)

على فكرة وانا بحكى لمادا انا بضحك ليه قاللى يعنى ايه مسخسخ ووعدته حسأل عمو

هو يعنى ايه ياعمو

شوف يا مادا يا بني

مسخسح جايه من سخسخ يسخسخ فهو مسخسخ . ولقد ورد عن إبن جهل عن أبي معرفش مين أن فعل سخسخ قيلت أول مرة عندما زغزغ إبن جهل أخوه " أخو إبن جهل"-أصلي معرفش أسمه أيه الحقيقة- فأستمر يزغزغ يزغزغه حتي سخسخ أخو إبن جهل علي روحه وراح مات من الضحك وكان العزاء فيه الجمعة

5 نوفمبر سنه 797 ق م ملاكي جيزة :excl:

مامتك حتقولك كفاية صدعت عمو حأقولها سيبيه خليه يتعلم :wub:

الحلقة التالتة قريبا

عنتر في مصر. . حلقة

تم تعديل 3 ديسمبر 2006 بواسطة Diab

[Diab]

عنتر في مصر أن أن اااااااااااااااااااا

الحلقة التالتة

وراح عنتر علي مصر وكان فاكر حيخلص قوام قوام . بعد أن وصل راح مشاور لسواق حصان تاكسي وكان الحوار

- سلام عليكم

- لخص

- العتبة

- مالها

- مملهاش عايز أروح العتبة

- بريزتين

-أزاي يعني

- يعني عشرين درهم

- كتير

- وبعدين بقي

- خلاص خلاص أنا اللي محتاجك " عنتر بيبرطم: ربنا يهدك"

بعد أن وصل العتبة أمام البنك

- أخيراااااااا

فدخل البنك لقي زحمة رهييييييييبة وقف في الطابور 3 أيام وبعدين جه دوره فقابل الموظف

- سلام عليكم

- لخص

- عايز اصرف الشيك ده

ناول الشيك للموظف الذي أخذ ينظر لعنتر بقرف

- شباك سبعة

- ده أنا واقف بقالي 3

-قولنا شباك سبعة اللي بعده

توجه ألي شباك سبعة و الغيظ يكاد أن يفتك به

قعد برضه 3 أيام وبعد أن وصل للي الموظف قائلاً : عايز أصرف الشيك ده

- روحه أختمه يا حضرة

-فين

-شباك 99 الدور التاسع

طبعا مفيش أسانسير وخدها كعابي.

- عاوز أختم الشيك

- أدفع تسعة درهم

- فين

في الخزنة

فين دي الدور الخامش شباك 55 الي بعدة

ونزل للخزينة دفع تسعة درهم ورجع

- كويس راح خاتم الشيك

- نزل شباااك سبعة وأعطاه الشيك

- الموظف - الختم ده مش سليم

- النسر ده شكله أنثي مش ذكر

عنتر- يا أعم أبوس جذمتك بص أدي راسك أبوسها مشيني أنا ف عرضك بقالي 15 يوم عشان شيك مشيني الله يخليك

وكاد ان يبكي

أسف مقدرش أصرفه

راح مطلع عنتر سيفه- بص أنا مش خارج من هنا يا أهلي يا زمالك قصدي يا قاتل يا مقتول

الموظف :wub: راح دايس علي الجرس اللي تحته اللي موصل علي القسم

هوباااا 5 دقايق كان هنا وقبضوا علي عنتر

قدامي ياد

ده أنا عنتر

إن شالله تكون فارق حسني ع القسم يعني ع القسم

نكمل بكرة يا حلوين

عنتر في قسم العتبة

[abu salah]

ليه انت شايف الحياه كده

علي فكره انت من النوع المتشائم

بس الحال ممكن يكون احسن

[lonly in cold night]

فيه ايه يا مان؟

انت حبسوك مع عنتر ولا ايه؟

بقالك يومين مش ظاهر

[Diab]

الحلقة الرابعة : عنتر في قسم العتبة

عنتر دلوقت قدام العسكري عشان ياخد بيانته

العسكري أسمك-

- عنتر بن شداد العبسي

- وشداد أيه بسلامته الحبل

- من غير تريقة

-طيب يا أحلي أخواتها عمرك

-40 سنة

- ساكن فين

-في السعودية

العسكري وقف منطور مخضوضاً

-هلا هلا أبو الشباب إيش لونك

- الحمد الله

- إيش بتسوي بمصر

-ولا جاي أسوي معاملة بنكية وبأخد أغراضي وعلي ديرتي

- إيش تبغي شاي جهوة ينسون / يتذكرون هههههههههه

-ههههههههه لا أبغي شاي

-أنت ياد يا دنجل إ نت ياله

دنجل-خير يا باشويش

- كوباية شاي من قهوة بعرة من علي أخر الشارع بسرعة ياله

دنجل- حمامة يا معلمي قدي يا باشويش

العسكري ينظر لعنتر ويقول له

والله يا شيخ العرب أبغي منك شيء والله وكيلك يا شيخ تساعدني فيها

عنتر- إيش

- الواد إبني مرضوش يدخلوه حربية مع أن الواد ذكي جدا تصور في الأختبارات جاله عقيد و أداله كوباية

وقاله أستحمي هنا

- إيش سوي

- الواد راح مطلع صورته ومغطسها في الميه شوفت النصاحة

- لا والله ناصح بس إيش تبغي مني

- يعني تشوفله فيزا يشتغل أي حاجة حاكم الأيد البطالة نجسة

- بس يا أخي أنا ما أملك أموال كيف ماتسمع من الأفلام تبعكم أنا راجل فقير وما أجدر أحصل فيزا لنفسي مش لإبنك

العسكري يقف غاضبا - وعاملي فيها سعودي وجاي مش عارف أبصر أيه أنت جاي مصر ليه ياد

عنتر- أبغي أسوي معاملة بنكية أرجع لجماعتي

العسكري( منتشيا)- أنت عند جماعة ياد

- طبعا لابد كل فرد فينا يكون له جماعة

أنت تبع مين ياد

- أن مش تبع حد

- تعرف أسامة بن لادن

- مين ميعرفوش

- يعني بتعترف

- بإيه

- أنك أرهابي عند جماعة وتعرف بن لادن---- علي الحجز لحد من نتصل بأمن الدولة تحقق معاك

عنتر- أمن الدولة لااااااااااااااااااااااااااااااااااااااااااااااااااااا

تم تعديل 3 ديسمبر 2006 بواسطة Diab

[اسود وتعالب وارنب]

جميلة جدا ايه الروعة عمالة اضحك بشكل هيستريا عجبني ابنه اوي الواد كي جي وان واخد حقة علي الاخر امال لما يكبر يعمل ايه كم كمل قصة ظريفه

[lonly in cold night]

اهلا هي وصلت لامن دوله؟

عليه العوض

[Eldisel]

علية العوض في الراجل .... :lol: راح بلاش

انا مستني اخر اخبارة :)

:wub: -_- :o :unsure:

[lonly in cold night]

يا عم انا قصدى عليه العوض فى عم دياب نفسه

[Diab]

هههههه ماشي يا عم لونلي

بس أنا الحمد لله كويس