للبيع: بلدة كندية

[maksoof]

بلدة كندية إسمها "كيتسولت" فى شمال غرب بريتيش كولومبيا -قرب الاسكا - معروضة للبيع بمبلغ 7 مليون دولار (يا بالاش!)

البلدة كانت يسكنها العاملين فى أحد مناجم ال"موليبدنم" و قد تم إغلاق المنجم فى عام 1982 و هى مهجورة منذ ذلك الوقت و إشترتها أحدى الشركات الأمريكية ثم قررت أن تتخلص منها الآن.

البلدة تحتوى على الآتى:

92 بيت مبنية على حافة الجبال و تطل على مدخل مائي للمحيط الهادى و محاطة بغابة كثيفة من شجر ال Evergreen.

سبع عمارات سكنية بها 210 شقة

مستشفى مجهزة و بها جهاز أشعة إكس جديد لم يستعمل

مركزين ترفيهيين بكل منهم حمام سباحة و جيمنيزيوم و جاكوزى و ملاعب راكت و مكتبة عامة و حلقة لرياضة الكيرلنج Curling و بار.

شوبنج مول جديد مجهز بجميع الإمكانيات اللازمة لمحل خمور و بنك و مكتب بريد و عدد من المحلات الأخرى.

80 هكتار من الغابات و شاطئ طوله كيلومتر واحد

لو حد عايز يشترك معايا و نشتريها مع بعض فأنا مستعد أساهم بمبلغ 12 دولار (يمكن 15 لو أصوم بكرة)

الوصلة

[ragab2]

بلدة كندية إسمها "كيتسولت" فى شمال غرب بريتيش كولومبيا -قرب الاسكا - معروضة للبيع بمبلغ 7 مليون دولار

قسط أم كاش

وهل فيه فصال

أم فيكسيد بريس

fixed price

[DARWEEN]

خلاص ياجماعه ماتتعبوش نفسكم

أنا أشتريتها خلاص

واللي عاوز يحجز بيت للتصييف أو الفسحة يتفضل

سعر خاص لأعضاء المحاورات

للحجز والإستعلام darween_saheb_elbalad@canda.com

داروين

سمسار عقارات وصاحب بلد

[وليد صفوت]

- ايه رأيك فى البلد دى يا حياتى؟

- تحفة يا فيولين! هى دى البلد اللى حنقضى فيها شهر العسل ؟

- لأ ! دى بتاعتى .....

- بتاعتك ؟ :angry: يا سلام عليك يا فيول ! دايماً تدخل الهزار فى الجد كده ...... ;)

- لأ يا حياتى ......ان مش بهرج أنا بتكلم بجد

- ..................!!!!!!؟؟؟؟؟؟؟؟

- أصل انا أشتريتها .....

- هى ايه ؟ hpc:!:

- المدينة اللى انتى شايفاها فى الصورة دى .....

- mfb:

- ايوة !! أشتريتها من شركة أمريكية .......و أخدت قرض من البنك و كملت عليهم .....ايه رأيك ؟

- h):

- كله عشان خاطر عيونك يا مرمر يا حبيبتى

- :rolleyes:

مرمر ؟؟ انتى ايه اللى جرالك ؟

- ha)

- مرمر انتى مال عينك ؟

- eey::

- مرمر ؟ ردى عليا !!! مرمر ........مرمااااااااااااااااااااااااااااااااااااااار

( نهاية شهر عسل لسة مابدأش )

[seastar44]

المثل بيقول بلد بــلا ناس ... ماتنداس ...

[amir]

يا ترى فيه مجال للفصال فى السعر شويه ؟؟

[فــيــروز]

يا ترى درجة الحراره فى البلده دى كام !! يعنى صيفا و شتاء :rolleyes:

"البلد قرب الاسكا" !! hpc:!: يا قوة الله :angry:

[se_ Elsyed]

خلينا نتكلم جد شويه ..

يا أستاذ مكسوف ..

لو فرضاً فرضاً قدرت أدبق قرشين وأشتريت البلد .. هل ممكن أغير إسمها من كسفريت إلى مثلاً " كفر أبو سين " أو نجع السيينه " وبالتالي أبقى أنا عمدة البلد واحكم واتحكم واورث العمودية للواد عمر أبني ؟ فهل الحكومة الكندية ممكن تعترض ويعملولي مشاكل ويقولولي إنتخابات حرة وديمقراطية والكلام الفاضي ده ؟

وعايزين شوية معلومات أكثر عن البلد .. يعني ممكن نعمل فيها شغل سياحة وبازرات وكده وأقلب السياح وألم فلوس بقى وأضرب شرم الشيخ وجمصه ؟ ولا سيادتك ناشر لنا صورة فيها خضرة وميه وشمس عفيه وأروح هناك ألاقي نفسي في فريزر الثلاجة وما فيش دببه حتى من كثر الثلج ؟

سؤال أخير .. إيه أقرب مطار ليها عشان السياح وكده ؟ ولا هانقضيها زلاجات من اللي بتجرها الكلاب واتدبس في بلد مالهاش مواصلات ولا ميكروباصات ولا توك توك حتى ؟

أرجو سرعة الرد لجدية العرض .

أنا متخيل نفسي عمده وراكب الكرته وعمال ألف في الكفر طول النهار وماسك الكرباج في إيدي .. وأي واحد فلاح كندي أقابله في السكة أخبطه كرباجين وأخد منه الجاموسة اللي ساحبها ... وأي فلاحة كندية رايحة تبيع فراخ في سوق السبت ( أنا هاعمل السوق الرئيسي يوم السبت عشان ويك إند ) أصادر القفص منها وإلا أهددها إني هابعت عيالها يحاربوا في العراق .......

يــــــــــــاه ده انا هاعمل عمايل ... إن ما نيمتكوا من المغرب يا اهل كفر أبو سين .

[disappointed]

أخبار "التايم شير" فيها إيه؟؟؟

البلد دى حلوة يا جماعه... أنا عارفها..... 5 دقايق من التجمّع الخامس ( ومواصلاتها متيسرة - فيه خط زحّافة جليدية 3 سبعات بشرطة من عندها للتحرير كل نص ساعه)

[فــيــروز]

خلينا نتكلم جد شويه ..

الحقيقه الشئ الجدى الوحيد الذى فكرت فيه حين قرات هذا الموضوع هو

لماذا لم تعتبر كندا ان بيع البلده فيه تعريض لامنها القومى للخطر !! hpc:!: تخيلوا لو مصر فكرت تبيع حتة ارض فى حلايب ولا شلاتيت "شلاتين بس شلاتيت اسم الدلع" :angry: لو مصر فكرت تعمل كده الدنيا تتقلب .. فهل يا ترى كندا ليس لديها هواجس امنيه من هذا النوع؟ :rolleyes:

[maksoof]

قسط أم كاش

وهل فيه فصال

أم فيكسيد بريسfixed price

أعتقد إن البنوك بتطلب 25% من المشترى و هم يسلفوك الباقى. (أنا لسه معايا ال 12 دولار ما صرفتهمش و مستعد أستثمرهم بالكامل فى المشروع ده)

بالنسبة للسعر فممكن سعادتك تعرض عليهم الثمن اللى عايز تدفعه و يا إما يقبلوه أو يرفضوه أو يتفاوضوا معاك.

بيقولوا إن بناء البلدة تكلف 50 مليون دولار فى أوائل السبعينات

[maksoof]

داروين:

خلاص ياجماعه ماتتعبوش نفسكم

أنا أشتريتها خلاص

فيولنكنج:

- أصل انا أشتريتها .....

إشتريتوها من مين؟ أنا ما بعتهاش hpc:!: إوعوا يكون حد نصب عليكم و باعها لكم مع الترام و باب الحديد

nosb: dntl::

[maksoof]

Amir:

يا ترى فيه مجال للفصال فى السعر شويه ؟؟

عشان خطرك إنت ببلاش و هو احنا عندنا كام أمير؟

فيروز:

يا ترى درجة الحراره فى البلده دى كام !! يعنى صيفا و شتاء 

باين عليها مش برد يعنى ممكن الناس تنشر الغسيل فى التراسينا وينشف بفضل المشابك السويسرية

:rolleyes:

الوصلة دى فيها متوسط درجات الحرارة بتاعة المنطقة على مدار السنة

سي السيد:

لو فرضاً فرضاً قدرت أدبق قرشين وأشتريت البلد .. هل ممكن أغير إسمها من كسفريت إلى مثلاً " كفر أبو سين " أو نجع السيينه " وبالتالي أبقى أنا عمدة البلد واحكم واتحكم واورث العمودية للواد عمر أبني ؟ فهل الحكومة الكندية ممكن تعترض ويعملولي مشاكل ويقولولي إنتخابات حرة وديمقراطية والكلام الفاضي ده ؟

وعايزين شوية معلومات أكثر عن البلد .. يعني ممكن نعمل فيها شغل سياحة وبازرات وكده وأقلب السياح وألم فلوس بقى وأضرب شرم الشيخ وجمصه ؟ ولا سيادتك ناشر لنا صورة فيها خضرة وميه وشمس عفيه وأروح هناك ألاقي نفسي في فريزر الثلاجة وما فيش دببه حتى من كثر الثلج ؟

سؤال أخير .. إيه أقرب مطار ليها عشان السياح وكده ؟ ولا هانقضيها زلاجات من اللي بتجرها الكلاب واتدبس في بلد مالهاش مواصلات ولا ميكروباصات ولا توك توك حتى ؟

شوف بقى يا سيدنا: موضوع تغيير الإسم ده لازم تسأل عنه الحكومة. أما بخصوص الحكم فسعادتك لازم تعمل إنتخابات حرة لو أخدت ضرايب من السكان و إلا فإنت حتبقى الرئيس و النائب الأول و الأخير و العمدة و رشاش البلدية كمان :unsure:

و ما تقلقش على الدببة حتلاقيهم موجودين بس ما تهزرش معاهم لإن هزارهم تقيل حبتين. و أقرب مطار فى بلد علي المحيط الهادى إسمها Price Rupert.

أما بخصوص كلام الجد: فالشركة اللى بتبيع البلد مستعدين يساعدوك لو عندك مشروع كويس تقدمه لهم.

يللا يا عم ما عندكش حجة بقى!

disappointed:

البلد دى حلوة يا جماعه... أنا عارفها..... 5 دقايق من التجمّع الخامس ( ومواصلاتها متيسرة - فيه خط زحّافة جليدية 3 سبعات بشرطة من عندها للتحرير كل نص ساعه)

و فيه أوتوبيس كمان. مرة عطل و الكمسارى قال للركاب ينزلوا يزقوه. و بعدين لقي واد صغير بيزق معاهم. قال له: معاك تذكرة يا وله ؟ الواد قال له: لأ .. قال له: يبقى ما تزقش hpc:!:

فيروز:

لماذا لم تعتبر كندا ان بيع البلده فيه تعريض لامنها القومى للخطر !!

ناس ما بتفهامش و حيضيعونا معاهم بس لو أنا إشتريتها حاحط يافطة علي الكوبرى "ممنوع التصوير" و كدة أضمن أمن كندا و أنام مرتاح.

[فــيــروز]

باين عليها مش برد يعنى ممكن الناس تنشر الغسيل فى التراسينا وينشف بفضل المشابك السويسرية

ينشف !! hpc:!: الغسيل هو اللى هينشف بردو يا اخ مكسوف !! :rolleyes: طيب يعنى هنقدر نسوّق منتجاتنا هناك اما حد من الاخوه الاعضاء يشترى البلده ومبروك عليه .. :D

و فيه أوتوبيس كمان. مرة عطل و الكمسارى قال للركاب ينزلوا يزقوه. و بعدين لقي واد صغير بيزق معاهم. قال له: معاك تذكرة يا وله ؟ الواد قال له: لأ .. قال له: يبقى ما تزقش

:unsure: :) :)

[amir]

يا ترى درجة الحراره فى البلده دى كام !! يعنى صيفا و شتاء  :rolleyes:

"البلد قرب الاسكا" !!  hpc:!: يا قوة الله  :unsure:

يعنى يا فيروز انتى سيبتى كل المغريات الموجوده فى المدينه دى من حيث السعر و الموقع و كل اللى لفت نظرك هو درجه الحراره ؟؟ !!

يا ستى كله يهون فى سبيل السعر المغرى ده

[amir]

(أنا لسه معايا ال 12 دولار ما صرفتهمش و مستعد أستثمرهم بالكامل فى المشروع ده)

يا maksoof يا خويا ... بلاش تهور !!

ازاى عايز تستثمر كل رأسمالك فى مشروع واحد ؟؟

دراسات الجدوى الاقتصاديه بتقول ان انت لازم يكون عندك شويه فلوس سايله فقد تضطرك الامور الى الاحتياج الى الـ cash money فى بعض الظروف العصيبه

يعنى أنا بقترح عليك تستثمر مبلغ لا يقل عن العشرة دولارات و تحتفظ بالاتنين التانيين للظروف الطارئه أو تستثمرهم فى مشروع تانى

اسمع كلامى يا خويا و بلاش تهور اعمل معروف الواحد مش من السهل انه يجمع المبلغ الكبير ده مره تانيه