ابن المقفع بتاريخ: 8 أغسطس 2005 تقديم بلاغ مشاركة بتاريخ: 8 أغسطس 2005 ستات بيوت بتجهز لشهر رمضان حوار بين جارتين بهية الغلابوية وحسنية البراوية حسنية البراوية:مالك يا بهية يا اختي حيلك مهدود كده ليه بهية الغلابوية:طبعا ما انت ما وراكيش حاجة كل الي انت عايزاه بيجيلك لحد عندك ( ربنا يهددددددد) حسنية البراوية: ايه في ايه يا ناس ياشر كفاية قر ايه بهية الغلابوية : اسكتي يا ختي دا انا كل يوم في السوق ومش ملاحقة اكمل طلبات رمضان حسنية البراوية: كل يوم ليه ان شاء الله حتجيبي ايه يعني دون عن البشر ده هو يوم واحد بهية الغلابوية: يوم واحد طيب ( ايش حال لو ما كنتيش مجهزة من شهرين فاتو فالحة بس تعملي نفسك مش مهتمة حسنيةالبراوية: ايه بتقولي ايه يا بهية حاكم انا عرفاك لسانك متبري منك بهية الغلابوية: لأ يا اختي ما فيش خلينا في الي احنا فيه , ناوية تعملي ايه في رمضان حسنية البراوية: بصي يا بهية انا عندي مواعيدي وصاحباتي ( سيدات المجتمع زميالاتي يعني) بهية الغلابوية( بصوت واطي ): يا خي بطلو دة واسمعوا ده الله يرحم وبتعملو ا ايه حسنية البراوية : امسيات رمضانية كل يوم بنروح عند واحدة وهاتك يا رقص وغنى بهية الغلابوية: مش فاهمة ازاي يعني امسية رمضانية ولا براتي حسنية البراوية: يا شيخة مش لما تعرفي تنطقيها صح اسمها بارتييييم لأ يا اختي دي امسية فيها رقص وغنى يعني ادينا بنريح من الصيام شوية طول النهار هدت حيل بهية الغلابوية: كل يوم على الحال ده طب خديني معاكي يا حسنيةافك عن نفسي انا كمان حسنية البراوية: عايزة تيجي معانا انا موافقه بس انت لبسك مش قد كده يعني ومش حينفع تيجي معانا وانت بلبسك الجربان ده ايوة ياختي ما تزعليش مني يابخت من بكاني وبكي عليا ولا ضحكني وضحك الناس عليا بهية الغلابوية : نعم نعم خلاص يا اختي بناقص قال يعني رايحة الديوان دا احنا في رمضان خليني اصلي واصوم في بيتنا احسن وتنزل بهية مكسورة الخاطر يا عيني عليها مش حتقدر تجيب الفساتين الغالية عشان تبقى زي حسنية ولا حتحضرالأمسيات الرمضانية يا ترى حتعملي ايه يا بهية ؟؟؟ حنشوف الحلقة الجاية اخبار بهية وعمايل حسنية رابط هذا التعليق شارك المزيد من خيارات المشاركة
ابن المقفع بتاريخ: 9 أغسطس 2005 كاتب الموضوع تقديم بلاغ مشاركة بتاريخ: 9 أغسطس 2005 الحلقة الثانية في الحلقة الي فاتت نزلت بهية من عند حسنية وقفاها يقمر عيش عيني عليها ما عندهاش حق الفستان ولا حق المكياج والي لازم منه طب تعمل ايه والفلوس كلها اتصرفت في لوازم رمضان وعليها سلف كمان وجت الفكرة وقالت بهية الغلابوية : ما انا لي م راجل طول بعرض وكسيب ولا هو خيال مأته ما يتصرف ودخلت بهية بيتها وقعدت تسنتى جوزها لحد مايرجع وطول ما هي مستنية عقلها بيودي ويجيب ياترى الوليه حسنية دي بتجيب الفلوس منين ما جوزها زي جوزي تلاقي الوليه القرشانه امها بتديها بس دي ست جلدة بتموت على القرش تقلش حاتخد حاجة معاها جرس الباب يرن بهية الغلابوية: ايو مين الزوج: انا حيكون مين يعني بهية الغلابوية: ايه ياراجل مش معاك مفتاح ولا هو نظانم قلق وخلاص الزوج: يا وليه انا طالع عيني من صباحية ربنا ومن كتر التعب نسيت ان عندي مفتاح اصلاً بهية الغلابوية: اسمع بقلك ايه انا عايزة فستان جديد عشان اروح البتاع ده الي اسمووووو الأنسية الرمضانية الزوج: ايه ايه وانت ايش عرفك هههههههه بالحجات دي يا بهية وبعدين لما يبقى يجي رمضان نبقى نتكلم حضريلي لقمة اكلها دلوقتي لحسن ميت من الجوع بهية الغلابوية: قلت ايه يا ابو عيالي حتجيبلي الي اني عايزاه الزوج: شويت ميه الحقيني بشويت ميه بهية الغلابوية:هريدي الميه اهي هريدي هو ما بيردش عليا ليه انت نمت يوووووووه اعمل ايه بس ياربي في الراجل ده اخ منك يا مغلبني ودا مين ده الي جاي دلوقتي انا حسنية يا بهية بهية الغلابوية:وعايزة ايه جلابت المصايب دي الهي يهدك يا شيخة اهلا يا حسنية يا اختي منورة خطوة عزيزه حسنية البراوية : يعز مقدارك يا بهية يااختي مالك هو انا جيت في وقت مش مناسب ولا ايه بهية الغلابوية: لأ ياحسنية هو انت غريبة بس انا اصليييييييي لا ولا حاجة ما فيش ( قال مش فاهمة قال كله منك يا وش المصايب) حسنية البراوية: المهم انا حبيت اقلك اني رايحة اني رايحة اعمل شوبينج تيجي معايا بهية الغلابوية: ايه بيجيبوه منين ده حسنية البراوية: هو ايه الي بيجيبوه منين بقلك شوبينج يعني رايحة السوق حجيب شوية فساتين لوزم رمضان انت عارفة بقى ستات مجتمع لازم ابقى قدامهم على سنجت عشرة بهية الغلابوية : معلش اصل هريدي جوزي نايم ومش حقدر اصحيه دلوقتي حبقى اخرج معاه لما يصحى اتكلي على الله انت لحسن تتأخري حسنية البراوية: مع السلامة يا بهية عموما لو غيرت رايك اديني الو بهية الغلابوية : ان شاء الله خير مع الف سلامة طريقك اخضر افففففففففف هريدي : يا بهية مين الي كان هنا بهية الغلابوية: دي حسنية بتقلي رايحة السوق تجيب شوية فساتين عشان رمضان عشان الأمسيات الرمضانية يعني هريدي : اه طيب انا رايح الشغل عايزة حاجة بهية الغلابوية: عايزة فلوس عشان اخرج مع حسنية هريدي : ما عنديش يا بهية اعمل ايه اسرق بهية الغلابوية : اعمل الي تعمله ياهريدي اعمل زي جوز حسنية ما بيعمل عمره ما اخرلها طلب اشمعنى انا الي حظي كده بس حسرة عليك يا بهية وعلى حظك الأسود هريدي : لاحول ولا قوة الا بالله استغفر الله العظيم يارب العظيم وينزل هريدي وتفضل بهية قاعدة في البيت حطه ايدها على خدها وتعيط زي الي ميتلها ميت ويوصل هريدي شغله تعبان وهلكان من كتر المناقرة مع مراته ياترى ياهريدي حتعمل ايه حتجيبلها الي هي عايزاه وانت مفلس كده وحتعمل زي ما جوز حسنية ما بيعمل ولا ايه الحلقة الجايه حنشوف ونعرف رابط هذا التعليق شارك المزيد من خيارات المشاركة
ابن المقفع. بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 الحـــــــلقـــــــــة الثــــــالثـــــــــــــة هريدي في الورشة غضبان والشر بينط من عنيه ويدخل المعلم برضه شايل طاجن سقته وعفاريت الدنيا بتنطط في وشه هو في ايه كله شايل عبد القادر على دماغه ليه عجبي حد يفسر ياجدعان ياهريدي يامعلم هنداوي حد يعبرني ياهووووووووو وانا مالي قال ياخبر بفولوس بعد شوية حيبقى ببلاش اهو هريدي حينطق اهو خلينا نشوف حيقول ايه: هريدي: عايز سلفة يامعلم وتبقى تخصمها من معاشي المعلم: سلفة ايه اصطبح وقول يا صبح وبعدين معاش ايه ده ما خلاص بححححححححح هريدي :بس يامعلم انا عاغيز افلوس ضروري جدا عشاننن المعلم: قول ما تكسفش ........ جماعتك عايزين ايه هريدي: ايه الي جاب سيرة الجماعة بس يا معلم انا عايز السلفة لحاجة خاصة بيا المعلم : ياراجل كلنا فيها ولا يهمك دي حتى المودام بتاعتي عايزة مبلغ وقدره عشان تجيب كم فستان وكام جزمة وشنطة عشان الأمسيات الرمضانية انا عارف طلعت لنا منين الحكاية دي هريدي: هي شوطة ولا ايه المعلم وهريدي : الهي يخرب بيتك يا حسنية ههههههههههههههههههههههههههههه هريدي : حنعمل ايه يا معلم انا دماغي وجعتني من كتر الزن ومش عايز رمضان يدخل عليا بمشاكل المعلم: روح شوف شغلك دلوقتي وربك يسهل وان شاء الله حنلاقي حل جك حل وسطك احسنية يابراوية المعلم بيكلم نفسه: حسنية يا مصديه مراتي حتولع فيه لو ما اشتريتش الجلابية هريدي بيكلم نفسه: بلا حسنية بلا حنفيه هي المشكلة في مراتي لو كان عندها عقل ما كنتش مشيت ورا الوليه المهووسه دي الهي يخيبك ياحسنية حرجع البيت ازاااااااااااي ياعم داري على خيبتك انت وهوااااا وبدل ما انتو عمالين تشتمو في الوليه حسنية لم مراتك انت وهو ولا مالكوش كلمة عليهم قوللهم مافيش فلوس بلا هم يوصل جوز حسنية البراوية بعربيته المرسيدس يامعلم هنداوي: عايزك توضبلي العروسة دي وتخليها زي الفل المعلم هنداوي: ماشي يا باشا تحت امرك ويطلع جوز حسنية ووووووياخبرررررررررر ايه الي بيحصل ده ومين الي صوته واصل للشارع الصبر ياجدعاااااااان الصبر مفتاح الفرج سلام عليكم مسافرين بالله عندي كلام تبلغوا محبوب قلبي سلام وبلغوة اني عليه مستهام ودمعي عيني فيضها كالغمام رابط هذا التعليق شارك المزيد من خيارات المشاركة
ابن المقفع. بتاريخ: 9 أغسطس 2005 تقديم بلاغ مشاركة بتاريخ: 9 أغسطس 2005 الحلقة الرابعة ايه ده ايه ده يارب استر يارب حسنية وجوزها بيتخانقو هو لحق يطلع ده يا دوب لسه داخل من الباب اهو ماسك زمارة رقبة حسنية يا خرابي ايه الي حصل زنهم جوز حسنية: ياوليه حرام عليك وديتي الفلوس فين حسنية وبكل برود : فلوس ايه بس ياسي زنهم زنهم : حتستعبطي الفلوس الي كانت في الدرج ايه مش فاهمة حسنية: ياراجل سيبت ركبي مش تقول كده من الأول صرفتها عادي يعني جبت شوية فساتين ععلى كم جزمة لزوم التفاريح رمضان جاي زنهم:تفاريح ياوليه يا خراب بيتك يازنهم حتخش السجن يا زنهم يا خرابي يادي الوكسة الي حلت عليك من بدري خدتي الفلوس كلها تشتري بيها فساتين يافرحتي بيك حسنية : ايه ياسي زنهم انت عايزني اروح الأمسيات الرمضانية مع سيدات المجتمع بهدوم السنةالي فاتت زنهم: ياوليه ياقراشنة سيدات مجتمع ايه وامسيات رمضانية ايه ثم انت ايش عرفك بالحجات دي ولا عملة نفسك مثقفة قوي ولا تكنيش فاكرة شوية النسوان الفاضيين الي مالهمش لا شغلة ولا مشغلة غيرالكلام الفاضي وبابي ومامي والأحمر ولاعشان الأخضر الي بيلطخو بيه وشوشهم خلاص بقوا سيدات مجتمع يارب ينتقم منك ياحسنية يا بنت ام حسنية حسنية : يا سي زنهم هو ايه الي حصل بس انا ما غلطتش وبعدين ده مبلغ بسيط بالنسبة لك زنهم : هو انا جايبهم من الهواء ولا فاكراني قاعد على تل فلوس وولالالالالالالالالالالالا وعلى ايه بس انا تاعب نفسي معاكي ليه هو انت الكلام بيحوق فيكي انتي عايزلك علقة معتبرة عشان تعرفي ان الله حق حسنية تصرخ بعلو صوتها : يا خرابي يامصيبتي الحقو يانااااااااااس حسنية حتنداااااااااااس زنهم:بس ياوليه حتفضحينا شششششششششششش روحي مش عايز اشوف وشك روحي لمي هدومك وعلى بيت ابوكي يلالالالالالالالا مش عايز اشوف وشك وفي وسط الخناقة الجيران يخبطوا علىالباب انا مش عايز الوليه دي مشوها من قدامي قبل ما ارمي عليها اليمين هريدي: اهدى يا راجل وصلي على الي حيشفع فيك زنهم : اللهم صلي وسلم عليه دي وليه خرفانه صرفت كل الفلوس في هدوم وابصر ايه هريدي: يا راجل رمضان داخل استهدى بالله زنهم: انا حلفت يمين ما هي بايته في البيت النهاردة قال امسيات رمضانية الهي يخيبك هريدي : خلاص حتبات مع مراتي وانا قاعدلك هنا وتروح حسنية عند بهية بهية : معلش يا ختي ولا يهمك حصل خير دي مصارين البطن بتتخانق حسنية : ايه مصارين ديه احنا مش بنتخانق دة اختلاف وجهات نظر بهية : وجهات نظر طيب يا ختي دة كان حيفتح دماغك حسنية: دماغ مين هو يقدرده انا ممشياه على عجين ما يلخبطوش بهية : يا شيخة اتلهي على عينك فالحة بس انا جوزي بيعملي جوزي بيديني كل الي انا عايزاه اتريه بيديك على دماغك حسنية : بتضحكي على ايه شمتانه فيا طب انا ماشية بهية: ماشية فين يا عبيطة انتي حتروحي فين انتي عايزاه يشوفك نازلة يخلص عليكي اسكتي وداري على خيبتك حسنية: وزعلانة كمان هي الست دي ما عندهاش دم حدش عنده دم زيادة يتبرعلها بس دي فصيلة نادرة فصيلة علم في المتبلم يصبح ناسي بس ياترى بهية حتتعلم من الموضوع ده ولا حتفضل غلابوية زي ما هي وجوز حسنية حيعمل ايه في الورطة الي ورطت هالو مراته اما نشوف مسافرين بالله عندي كلام تبلغوا محبوب قلبي سلام وبلغوة اني عليه مستهام ودمعي عيني فيضها كالغمام رابط هذا التعليق شارك المزيد من خيارات المشاركة
shahd بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 الحلقة الخامسة واخيرا عدى اليوم بعد ما جوز حسنية طلع على جتتها القديم والجديد وكان ناوي يرمي عليها اليمين لولا فرقة الأنقاذ( بهية وهريدي) نشوف النهاردة حيحصل ايه تحبوا تيجو معانا يلالالالالالالالا بينا النهاردة يوم غريب بالنسبة لهريدي مش زي اي يوم اصله وصل البيت لقاه هادي ورايق هريدي: السلام عليكم يا بهية انتي فين يا بهية بهية: نعم يا سي هريدي نعم يا سيد الرجالة هريدي: هو ده بيتنا لحظة لحسن اكون غلطت في العنوان بهية: غلطان ايه يا سي هريدي ده بيتك ومطرحك ثواني بس وتلاقي الغدا جاهز امممممممممممممم اكيد عايزة حاجة ماشي يا بهية يا غلابوية خليني معاك لحد باب الدار بهية بتجهز الغدا وقاعدين على السفرة وهريدي مستني لستة الطلبات اليومية والموشح المصحوب بمزيكةحسب الله هريدي: ها ياستي عايزة ايه طلباتك بس حسك عينك تتكلمي عن البتاع الي كنتي بتكلميني فيه بهية: بتاع يا سي هريدي سلامة عقلك هريدي: يا ولية الأمسيات الي طلعتيلي بيها انتي وحسنية بهية: لألألألألألألألألألألألأ توبة من دي النوبة امسيات ايه وكلام فاضي ايه طب هو في احسن من قعدتي وسط جوزي وعيالي في الشهر الكريم ده هريدي: ربنا يكملك بعقلك يامراتي يا ام عيالي تكنش خافت ارنها علقة زي ما زنهم عمل مع حسنية ينصر دينك يازنهم انا كده ارتحت من وجع الدماغ والزن طول الليل والنهار مين الي قال انك ارتحت استنى على رزقك بس وانت تشوف العجب الأمسيات وخلاص طلعت من دماغ بهية بس مش معنى ده انها حتسكت حاكم دي غلابوييييييييييية بهية: بقلك ايه ياسي هريدي هريدي: خير يا بهية في اي ايه يا غلابوية بهية: كنت عايزة فلوس عشان اروح مع هنية هريدي: تاني يا بهية ومين هنية دي بقى خلصنا من حسنية تطلعلنا بهية انت عايزة ايه ولا عايزاني اعمل زي جوز حسنية يعني ولا ايه بهية : لألألأ الطيب احسن بس اصلي كنت هريدي: هااااااااااااا كنتي اييييييه؟؟؟؟ بهية: لأ خلالالالالالالالاص توبة من دي النوبة وبعدين حنفضل على الحال ده لحد ما يجي رمضان هما الستات دول مش ناوين يعملوا حاجة تنفعهم ba:- طيب يا غلابوية ويا براوية وانت يالي اسمك هنيه طلعتي منين يا وليه لما نشوفك النوبة الجاية طـــــــفولــــة شــــــهـــد رابط هذا التعليق شارك المزيد من خيارات المشاركة
shahd بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 الحلقة السادسة والأخيرة ادي رمضان قرب اهو وهب حنلاقيه مشرفنا بس ياترى الوليه حسنية والتانيه الي اسمها بهيه عاملين ايه تلاقيهم تابوا بعد حسينة ما خدت العلقةالمعتبرة بس الي اسمها هنية دي عايزة منهم ايه وطلعتلهم منيناهي هنية جت اهيه وحتوقلنا هي عايزة ايه ياترى خير ولااااااااااا هنية المدارية: ازيك يا حسنية عاملة ايه حسنية: اااااااااه ياااااااااااني هنية المدارية: مالك يا اختي كفاالله الشر حسنية: اهئ اهئ اهئ هنية المدارية: يا حسنية حرام عليكي قولي فيه ايه حسنية: جوزي زنهم الهي ينشل يارب عمال يضرب فيا لحد ما جتتي نحست اه ياني قال ايه كل ده عشان خدت الفولس الي كان حاططها في الدرج واشتريت شوية فساتين لزوم الأمسيات الرمضانية هنيةالمدارية: امسيات ايه ديه الي عايزة فساتين حسنية: يا اختي الأمسيات الي كل يوم بيعملوها في بيت هنية المدارية: هي امسيات رمضاينة ولا عرض ازياء ما تفهميني حسنية لسه حتتكلم وجرس الباب يرن حسنية: تلاقيها بهيه هي كمان جوزها طين عيشتها عشان الموضوع ده بهية : السلام عليكو ازيك يا هنية عاش من شافك هنية المدارية : مين الي شلفط وشك كده بهية: هريدي الهيييييييي الف بعد الشر عليه هنية : عايزين الحق تستاهلو بقى تاخدي فلوس جوزك تشتري بيها فساتين من غير ما تستأذنيه وانت يا ست بهية عملتي ايه بهية:ما عملتش حاجة حسنية: ما عملتيش حاجة دي كانت بتطلع عينه في الرايحة والجاية عايزة فلوس بهية: ماهو كله منك يا جلابةالمصايب هنية: بس بقى انت وهي انا حوديكوا امسيات بس مش زي الي انتو بتكلمو ا عليها دي وكل يوم ومن غير تكاليف ولافساتين ولا اي حاجة مندي خلاص حسنية وبهية: ازي بقى حتودينا فين ان شاء الله انت حتتريقي هنية : لا والله ما بتريق بصي يا ستي انا ليا شلة جميلة قوي كل يوم نروح عند واحدة بعد صلاة التراويح وكل واحدة عليها تحضير موضوع ( سيرة, فقه حديث , تفسير) وكده يعني وفي يوم اسمه اليوم المفتوح بنعمل حفلة صغيرة وكل وكل واحدة تجيب حاجة عشان ما نكلف صاحبة البيت واليوم ده بيبقى فيه مسابقات واشعار وحاجات كتيييييرة ونفرح وننبسط من غير ما نعصي ربنا بهية وحسنية يبصوا لبعض ياترى سي هريدي وسي زنهم حيوافقوا هنية المدارية: طالما جيوبهم حتفضل عمرانةاكيد حيوافقوا وفعلا زنهم وهريدي يوافقوا على فكرة هنية ويرحبوا بيها ويقولوا فينك ياهنية كل ده مستخبية مش كنت جيتي من زمان وريحتينا وكده خلصت حكاية ستات بيوت بتحضر لرمضان ورمضااااااا جاي يا نااااااااااااس ومش حنحضر الأناناااااااااااس انما حنستعد ليه ونعمل الي علينا ويارب يهدينا وينور علينا زي ما هدى بهية وحسنية والله يكرمك يا هنيه ويهنيك السنه ديه طـــــــفولــــة شــــــهـــد رابط هذا التعليق شارك المزيد من خيارات المشاركة
Scorpion بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 أحسنتي يا شهد ؟؟؟ موضوع ورا موضوع و اسلوبك بياخدله شكل انضج كل مرة .. اسلوب ظريف و مقترن تمامآ بالشعبية المصرية .... تحياتي .... بس معلهش .. فين الأناناس .. انا بقالي 6 حلقات كل مرة أجيب معايا صحن فاضي و معلقة ,, و افضل مستني يمكن ينوبني حتة لكن اديكي خلصتيها و ما نابناش منك غير التحنيس .... مافيش اناناس .... يبقي مافيش شبشب ... و أنتي فاهمة و أنا فاهم .... آه قبل ما أنسي .. شكر خاص للعزيزة أبن المقفع .. و آسف عاللخبطة ... بس واضح انك ضعيفة في النحو و الصرف ... يا ريت تكتبي الأسم صح و تخليه بنت المقفع و الا حتشوفي ايام سودا .. فيه عالم بتلوش هنا ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
shahd بتاريخ: 10 أغسطس 2005 تقديم بلاغ مشاركة بتاريخ: 10 أغسطس 2005 أحسنتي يا شهد ؟؟؟ موضوع ورا موضوع و اسلوبك بياخدله شكل انضج كل مرة ..اسلوب ظريف و مقترن تمامآ بالشعبية المصرية .... تحياتي .... بس معلهش .. فين الأناناس .. انا بقالي 6 حلقات كل مرة أجيب معايا صحن فاضي و معلقة ,, و افضل مستني يمكن ينوبني حتة لكن اديكي خلصتيها و ما نابناش منك غير التحنيس .... مافيش اناناس .... يبقي مافيش شبشب ... و أنتي فاهمة و أنا فاهم .... آه قبل ما أنسي .. شكر خاص للعزيزة أبن المقفع .. و آسف عاللخبطة ... بس واضح انك ضعيفة في النحو و الصرف ... يا ريت تكتبي الأسم صح و تخليه بنت المقفع و الا حتشوفي ايام سودا .. فيه عالم بتلوش هنا ... <{POST_SNAPBACK}> ايه الهنا الي انا فيه ده استاذي منور صفحتي المتواضعه يادي الهنا يادي الهناااااا :) والله رفعت روحي الأنانسية ولا يهمك ابن المقفع قابلة اعتذارك من غير ما اعتذرلها حد قالها تختار الأسم المكلكع ده بس بيني وبينك انا دايما الأسم ده على لساني باين عليها اتعدت اما الأناناس فيا استاذنا يوصلك احلى طبق اناناس ولا يهمك طـــــــفولــــة شــــــهـــد رابط هذا التعليق شارك المزيد من خيارات المشاركة
shahd بتاريخ: 23 سبتمبر 2005 تقديم بلاغ مشاركة بتاريخ: 23 سبتمبر 2005 رمضان قرب يانااااااس ياترى حد فيكم مجهز الأناناس ؟؟؟؟؟؟؟؟ كل سنة وانتم طيبين مقدما طـــــــفولــــة شــــــهـــد رابط هذا التعليق شارك المزيد من خيارات المشاركة
se_ Elsyed بتاريخ: 24 سبتمبر 2005 تقديم بلاغ مشاركة بتاريخ: 24 سبتمبر 2005 وإنتي طيبه يا شهد .. بس إشمعنى الأنانس برضوا ؟ يعني ممكن تقولي لواحد مثلاً " رمضان قرب يا جاسوس .. قوم وحضر العرقسوس " " رمضان قرب يا سوسه ... قومي حضري السمبوسة " الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
shahd بتاريخ: 24 سبتمبر 2005 تقديم بلاغ مشاركة بتاريخ: 24 سبتمبر 2005 وإنتي طيبه يا شهد ..بس إشمعنى الأنانس برضوا ؟ يعني ممكن تقولي لواحد مثلاً " رمضان قرب يا جاسوس .. قوم وحضر العرقسوس " " رمضان قرب يا سوسه ... قومي حضري السمبوسة " <{POST_SNAPBACK}> ميرسي جدا لدردك اخي الفاضل .... نقول اشمعنى ده عشان الناس الفاضية بس الي مالهاش في رمضان غير الأكل والشرب وكأنهم بياكلوا في اخر زادهم انما السمبوسة فلابد منها :blush: الأناناس هنا فيه مبالغة ولو اني عارفة انك فاهم قصدي بس بتهزر :unsure: طـــــــفولــــة شــــــهـــد رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان