اطلب اى وصفه على بالك .. تلاقيها قدامك

[bodda]

اوشا هانم

ماهو كده يبقى زى الزلابيه بس بدل العسل يتقلب فى سكر بودره

:blush:

بالهنا والشفا

مساء الفل

:blink:

[ام البنات]

اوشا هانم

ماهو كده يبقى زى الزلابيه بس بدل العسل يتقلب فى سكر بودره

:blush:

بالهنا والشفا

مساء الفل

:blink:

<{POST_SNAPBACK}>

استاذنا بودا

هو انت بتعمل الزلابيه من غير خميرة بيرة

انا على أيامى كان لازم الخميره البيره

وعلى فكره حمات اختى كانت بتعمل الى بتقول عليه أوشا ده ولا كان اسمه مش عارفه ايه

كانت بتقول يلا يا عيال هاعمل لكم فطير بالسكره

استاذ بودا انت بتطفش الزباين مجبتش ليه لى وصفى العكاوى الديل قاعد ومريح فى الحوض وعاوزه اقطعه واعمله وطبعا معرفش ازاى

عيد سعيد

فى انتظار الوصفه

اوشه اعود لك بعد بنتى الغلسه ما تنزل من على ايديى

[Osha]

لا يا باشا مش زلابية

حيث ان الزلابية في الزمخشري كان فيها خميرة وسمعت مرة انا بيحطوا فيها عرق حلاوة ولو ان مش عارفة ايه عرق الحلاوة دا اصلا

ثم القوام بتاعها اخف من الزلابية - تقريبا قوام سائل وكنت باصبه من الكوباية وبينزل يعمل فطيرة

عامة وليكن المسمى ما يكون طعهما حلو

وادعو كل الأخوة المجاهدين في أرّض المطبخ بتجربتها

أم البنات

بنتك الغلسة نزلت والا لسه قاعدة?

على فكرة بودا مستقصدك ومش عاوز ينزل لك وصفة العكاوي

:blink:

أنا بس باهدي النفوس يا جماعة

:blush:

انا مرة واحدة جربت البامية بالعكاوي - الحقيقة ومن غير تريقة مالقتش فرق في الطعم - انما طالما ابو البنات طلب يبقى يجاب طبعا

عودة بعد ما احط عيالي الغتتة في السرير

[bodda]

العزيزه ام البنات

طبعا الزلابيه فيها خميره بيره ولازم تتساب شويه للخمير قبل التحمير

بس انا قلت شبهها فى انها عجينه تتسقط فى زيت غزير للتحمير

:blush:

وكل ده بتنيموا وتنزلوا فى العيال ؟؟؟

:blink:

طاجن العكاوى

العكاوى هيه ديل التور او البقره

ومهيألى كتبتها قبل كده لكن نقولها تانى لجمالها

:lol:

بنقطع العكاوى على المفاصل بين الفقرات للجزء العلوى

اما الطرف الرفيع فنقطعه كل عقلتين

ونحط فى الحله معلقتين سمن وفصين مستكه ونشوح العكاوى 5 دقايق بالتقليب

بعد كده نحطلها كوبايتين ميه سخنه ونغطيها نص ساعه غليان

نجهز الطاجن :blink:

هوه له كذا طريقه انما احلاهم بالنسبة لى بالبطاطس والبصل

حبايتين بطاطس مكعبات صغيره اوى وبصلتين نص حلقات

وعليهم ملح وفلفل و بهارات ومبشور جوزة الطيب ونقلب كله مع بعضه

نحط نص الخلطة فى الطاجن وبعدين نرص العكاوى ونغطيها بالنص التانى

وطماطمايه ترانشات رفيعه ونغطى بيها الوش

طبعا ممكن فى البايركس للمنظر والتقديم :wub:

ونصب على الطاجن من الشوربه بحيث لا يغطى المحتويات

ونغطى بورقة فويل وعالفرن الحامى نص ساعه تقريبا ونختبر السوى

المهم عند السوى نشيل الفويل و نحمر الوش ونحروق الطماطم شويه

وبالف هنا وشفا مع رز بالشعرية

صباح الفل

:o

تم تعديل 9 يناير 2006 بواسطة bodda

[se_ Elsyed]

اخوتي الشيفات الاعزاء

انقذوا اخيكم سين سين

عايز اعمل للعيال مفاجأة واطبخ لهم صينية ريش ضاني في الفُرن

جبنا الريش وناقص الفرن

تبرع يا اخي المصري لبناء نفق شبرا

بنينا النفق ولسه شبرا

الله يخليكوا قولوا لي على الطريقة عشان نعيد مع عالم الريش

بس اوعى حد يقول لمدام سين سين عايز اقول لها ان اليخن ده من بنات افكاري ... وربنا ما يغلب لكم بنات ولا ولايه قادر يا كريم

[bodda]

العزيز الغالى سى السيد

غالى والطلب رخيص

صينية الريش

طبعا لو ريش بتلو تبقى فى الجون

لكن لو ريش ضانى فيفضل سلقها اولا

مع مستكه وحبهان وبصلايه مشقوقه حتى السوى وتصفى

ونحضر خلطة من 3 بصلات حلقات وبطاطساية مكعبات صغيرة

وجزرايه مكعبات صغيرة وملح وفلفل وبهارات

وندهن الصينية بالسمن ونرص الريش وفوقها الخلطة

وكمان كوباية شوربه او ميه بملح خفيف

ونغطى بالالمونيوم فويل وعالفرن الحامى عدل

تاخدلها حوالى ساعه ونشيل الفويل للتحمير

وبالف هنا وشفا

:blush:

[bodda]

كل سنه وانتم طيبين ..... وعالخروف متجمعين

قاعدين كلكم جعانين ..... وعالفته باصين

:blush: :blink: :lol:

[ام البنات]

استاذنا بودا

كل سنه وانتم طيبين

الحقيقه البنت نزلت من على ايدى بس بتشد الماوس من ايدى ومغلسه

يلا ربنا يهدى

التشوكليت كيك اهه ومن تجربه يعنى مش قطع ولزق

ويارب تعجبكم وأكيد ياريس انت عملتها قبل كده

استاذنا بودا

معرفتش اقطع العكاوى

هاستنى بكره الجزار يكسره لى

الساطور عندى حروفه اتتنت

كل سنه وانتم طيبين

التشوكلات كيك

( البراونى)

1كوب لبن

1كوب سكر

3 ملاعق كبار ممتلئين جدا" شيكولاته بودره (كاكاو)

4/3 كوب زيت أنا أفضل يكون سمنه

يوضع الخليط على النار حتى يكون سميك ( حتى يغلظ)

ويترك حتى يبرد تماما"

نحضر 4 بيضات وكيس بكنجبودر وكيس فانليا او معلقة فانليا

ودقيق 2/1 1 كوب دقيق

لكن انت بتحط الدقيق لغاية ما يلف العجينه مش لازم الكوب والنصف

بعد ما يبرد الخليط خالص

تضيف بيضه بيضه وتقلبى بالمضرب السلك او المعلقه

وبعدين تضعى الفانليا والبيكنجبودر مع الدقيق

والدقيق زى ما قلت شويه شويه لغاية ما يلف

وتدهن قالب مقاس 30 وتضع الخليط فى الفرن فى الرف الوسطانى

وتتركها حوالى نص ساعه

وان شاء الله تعجبكم

ممكن تضع مع الدقيق زبيب علشان مايسقطش فى القالب من تحت وممكن تضعى قطع شيكولاته مكسره وكمان عين جمل (جوز)

وبالهنا والشفا

تم تعديل 9 يناير 2006 بواسطة ام البنات

[bodda]

ام البنات هانم

العكاوى تتقطع بسكين حامى بين المفاصل

مش بالساطور :blush:

اما البراونى فطريقتك شكلها جميل و تتجرب اكيد

تسلم ايدك

وكل سنه وانتم طيبين

:blink:

[Osha]

بيتهيألي كفاية اوي يوم واحد عيد

:D

يالا يا حضرات كل واحد على موقعه ورانا شغل

:D B) :D

ايه الدلع دا

;)

انا بس جاية اقول كل سنة وانت طيبين

:unsure: ;) :D

[bodda]

وانتى بالف صحة وسلامه

وكل سنه وحسام بخير و صحة وسعادة

وسلامى للاندال اقصد الانجال نجلا نجلا

كل سنه والجميع بخير

:unsure:

[se_ Elsyed]

اخي العزيز بودا

اصدقاء المطبخ الاعزاء

هذا مُحدثكم سين سين يخاطبكم من وراء صينية الريش باليخن العجب

بجد الف الف شكر لك يابو البدابيد

الصينية كانت تجنن ولو غني نسيت وما سلقتش الريش الاول لكن استوت وبقت 100%

وفكرة البطاطس والجزر كانت نميسة قوي خصوصاً انها مكفتناش والواحد بعد كده يلزمه على الاقل 85 ريشه عشان يقول انا شبعت

وحيث اني قررت اخفف الضغط على حرمنا المصون في العيد لقرب انتقالها لمستشفى العباسية للامراض النفسية بسبب ان الدور السنة دي جاء على نسيبي عشان يسيب عياله عندنا في الحج , وطبعاً عيالنا على عيالهم = الجنون بعينه

فقررت اطبخ لهم مرتين

فبكرة الدور على صينية رقاق آلا بودا ( على الطريقة البودية ) وبعد العملة بتاعت رمضان محسوبكم بقى محترف في طريقتها

وادعوا لي

[se_ Elsyed]

مش بقول لكم احلى حاجه الاكل لما يكون ..

ضار ولذيذ

:unsure:

<{POST_SNAPBACK}>

انت هاتقولي يا بودبود

طب ده انا خايف حد من الدكاترة بتوع شارون يفتكس فكرة تشميمه ريحة صينية بطاطس باللحمة الضاني , او طشت ملوخية او يجيبوا فخده ضاني مشوية يقربوها من مراخيره .. عشان ما يقومش يبرطع :D

[bodda]

العزيز الغالى سى السيد

الله يكون فى عونكم ...انا متصور فصل تالته رابع ابتدائى

والعيال بتجرى فى كل حته

والمدرسه لابسه كسرونه فى دماغها ومشمره فردة بنطلون بيجامه

وماسكه الصفاره... والعيال بتقول هييييييييييييييييييه

:lol: :lol: :lol:

ربنا معاكم واهو كله بثوابه

شد حيلك فى الرقاق او الجلاش وادها وأدوووود

كل سنه وانت طيب ومنورهم ... وفى المطبخ معقدهم

:wub:

[ام البنات]

ام البنات هانم

العكاوى تتقطع بسكين حامى بين المفاصل

مش بالساطور :lol:

اما البراونى فطريقتك شكلها جميل و تتجرب اكيد

تسلم ايدك

وكل سنه وانتم طيبين

:lol:

<{POST_SNAPBACK}>

تم بحمد الله وبفضله ثم بوصفة استاذنا بودا

الحصول على العيديه نتيجة نجاح طاجن العكاوى

ويا شيفنا العظيم ابو البنات بيشكرك جدا"

ولقد نجحت فى عمل الطاجن والاحتفاظ بأبو البنات

شكرا" جزيلا"

طلب من استاذنا بودا نريد عمل اللسان

من أول سلخه لغاية وضعه فى السرفيس

وربنا ميغلبش لكم طباخ

استاذنا بودا يا شيف المصريين

استاذنا بودا ياريس يا حريف

كل سنه وانتم طيبين

ام البنات

[wagdi]

أهل المطبخ الكرام..

سلام عليكم وفتة وعكاوي وحاجات...

عندي سؤال بس مكسوف منكم...

هو الرز بيتعمل إزاي؟؟؟

:lol:

علشان أنا كل ما أعمله يطلع ملبلب كدة ومعجن في بعضه...

:lol:

وكل عام وانتم بخير...

[bodda]

العزيز وجدى

الرز اسهل حاجه فى الدنيا

مثلا لو عايز تعمل كوبايتين رز

استعمل نفس الكوبايه فى عيار الرز والميه

هاتحط فنجان زيت أو سمن فى حله تكون بومبيه يعنى مدوره من تحت

ودى افضل حله للرز

ولما السمن يسيح أو الزيت يسخن نحط كوبايتين ميه ومعاهم معلقة ملح

وتكون من قبلها معاير كوبايتين رز بنفس العيار

نغسل الرز مرتين تلاته كويس ويتصفى

ولما الميه تغلى نسقط الرز وتقليبتين بالمعلقة ونغطيه

اول ما الميه تغلى تانى بالرز كويس ..نوطى النار خالص ونسيبه نص ساعه

وبس خلاص

وطبعا فيه طرق تانيه للرز هاقولهالك بس قلت الحقك بالطريقه الاساسية

صباح الفل

:lol:

[bodda]

ام البنات هانم

بالف هنا وشفا طاجن العكاوى

المهم يكون عجب ابو البنات واستمخ منه

:lol:

اللسان

نجيب لسان كامل من طرفه للغلوغه

ونسيح فصين مستكه مع معلقة سمن ومعلقة زيت عالنار فى حله

وبعدين نشوح اللسان بسرعه ونحط كوبايتين ميه وبصله وخمس فصوص حبهان

ونسيبه يتسلق كويس نص ساعه غليان

بعد كده نطلعه ونسيبه يبرد شويه ونسلخه او نقشره بسكين حامى بالراحه

يبقى عندنا لحم اللسان ممكن بقى يتعمل بكذا طريقه

ممكن يتقطع شرائح للساندوتشات بالملح والفلفل

وممكن يتعمل شرائح ويتحط معاه بصل و بطاطس شرائح فى طاجن مع كوباية صلصة

و ممكن يتحمر بانيه بعجينة دقيق وبيض وميه وملح وفلفل

وبالف هنا و شفا

صباح الفل

:lol:

[شاعرالرومانسية]

اية الجمال دة ياولاد .. كدة الدبيحة من اول الفخدة ..مرورا بالريش والديل انتهاء باللسااااااااااااان

والله عمار يا مطبخنا عمار :)

بس فين الكبدة .. :blink:

انا امبارح جبت كبدة المرحوم الخروف وقلت نعملها للولاد على العشا..

قالو مش عاوزنها اسكدنرانى .. قلت ومالوا نشوف غيرها :D

وقد كان واليكم الطريقة بالتفصيل ( طبعا بعدماعجبت الولاد ...وامهم :D )

كبدة بالفلفل والبصل

نقطع الكبدة شرائح رفيعة ونتبلها بالملح والفلفل وعصير الليمون ،

ونشوحها فى زيت على نارهادية مع فصين توم لحد ماتتشرب ميتها ونسبيها على جنب

نشوح البصل الشرائح فى معلقة زيت ومعلقة سمن لحد ما يصفر

ونحط علية شرائح فلفل اخضر رومى وفلفلة حامية مكعبات و تقلبتين ونشيلهم على جنب

نجيب معلقة دقيق ونحمرها فى الطاسة فى باقى الزيت مكان البصل والفلفل

ونحط علية معلقة صلصة وكوباية مية ونقلب الصلصة لحدماتغلى وقوامها يبقى تخين شوية ونتبلها

نجيب شرائح الكبدة والبصل بالفلفل ونتبيلهم ونحطهم على الصلصة ونسيبها لحد ما تستوى خالص

وفى سندوتشات فينو ... والف هنا وشفا B)

تم تعديل 12 يناير 2006 بواسطة شاعرالرومانسية

[bodda]

اخيرا ظهرت يا شاعرنا

:blink:

حمدا لله عالسلامه من موقعة الخروف

وتسلم ايدك على التفنينه الجديده للكبده الخاروفية

ولعلمك كبدة الضانى اصعب بكتير فى التعامل معاها من البقرى

وصفه جميله وتستاهل التجربه

فاضل عندك حته نشتغل بيها ؟؟؟؟؟؟

:)

مساء الفل

B)