ايه رأيكم نساعد بعض في فعل الخير

[المدهش]

ايه رأيكم نساعد بعض على فعل الخير..ويا ريت أي حد فينا يعرف عنوان أو تليفون أو إميل جمعية خيرية أو ملجأ أيتام أو أي جهة تحتاج للمساعدة يكتبه لنا ..وجزاكم الله وجزانا كل خير.

[khedr]

الدال علي الخير كفاعله

[disappointed]

.

الدليل الشامل للجمعيّات الخيريّة و المؤسسات الحاضنة لأعمال البرّ (يشمل العناوين و وسائل الإتصال و مجالات النشاط و نوعية التبرّعات التى تحتاجها هذه الجمعيات و المؤسسات و الهيئات الخيرية)

.

[واحد تاني]

اضغط على الرابط التالي

مساعدة.كوم

[bo ghareeb]

ممكن تقولوا علي موسوس بس هل ياترى الفلوس اللي بنتبرع بيها بتروح للي أحنا قاصدينهم و لا في جيوب ناس تانيين..؟ أنا عارف الرد التقليديى..أنت أعمل اللي عليك و الباقي على... بس مبقدرش أمنع نفسي أنه فيه فساد في كل مكان.

[Horus]

اصعب شيئ على نفس البني آدم ان ترى طفل عنده 3 سنين واقف في عز الظهر الاحمر في اشارة مرور و ماسك فوطة و بيجرى هنا و هنا علشان يمسح العربيات علشان ربع جنيه ولا خمسين قرش و أول ما يلاقي عربية بوكس يطلع يجري زي المجنون. ..... ولا راجل عدى ال 75 سنة واقف في موقف اتوبيس بقالوا ساعتين مستني اي علبة صفيح(الاتوبيس المصري ابو 25 قرش ) علشان يتحشر فيها لغاية بيته او لغاية الآخرة .ولا أطفال الشوارع اللي بيناموا على الرصيف ولا حد سائل فيهم ولا واحد متعلق من رجليه في قسم شرطة علشان دخل في مناقشة مع ظابط

الناس في مصر بقت غلابة قوي .. وعايشة بس مستنية معاد الموت .فيه ناس بالملايين مش لاقية تتعشى ولو رغيف حاف و فيه ناس بتموت علشان مش لاقيه ثمن الدوا والاعمار بيد الله وفيه حاجات كتيرة جدا.هاقول ايه ولا ايه.اوعوا تصدقوا اللي بتشفوه على التليفزيون عن مصر في اعلانات السياحة .اللي عايز يشوف مصر من سوء حظه يجي و يعمل زيارة لأي مستشفى قطاع عام ولا يروح اى منطقة عشوائية و مش هايلاقي أكتر منها و يشوف بعنيه حياة الناس .اللي عايز يحمد ربنا على اللي هو فيه ينزل مصر .مصر اللي كانت خامس قوة اقتصادية في العالم .ديلوقتي بقت جهنم الحمرا .

عزااااااااااااااااااااااااب يا مصر.

---------------------------------------------------------------------------------------------------------------------------------------- منقول

يااااااااه

اعتقد ان الرعايه المباشره للاطفال دول .. هو من افضل الطرق لانفاق الزكاه ..

و السؤال هنا

الا يعلم الساده ولاه الامر فى بلادنا .. انهم سوف يوسئلون عن كل هؤلاء ???