بتفكر في ايه

[nancy]

اثينا اعصابك يا بنتى

انا ريحت نفسى من زمان كلة على الطيران السعودى بالا وجع دماغ

[زعلان]

آخر و آخر مرة اعملها و احجز معاهم....

أفلح إن صدق

:wub:

[واحد تاني]

بفكر أضرب نفسي ميت مرة لأني حجزت رحلتي لمصر على مصر للطيران....

كان مالها العربية ...!

رخيصة وبنت حلال ...!

في الشارقة ؟ وايه يعنى ... مش احسن من حرقة الدم

طيب الاماراتية

طيب الخليج ...! اظن دي بتطلع من ابوظبي :wub:

[سهيلة]

بفكر ازاى احقق احلامى ف البلد اللى بتقتل الاحلام ف مهدها

ازاااااااااااااااااااااااااااااااااااااااااااااااااااااااى

[hopsan]

بفكر ازاى احقق احلامى ف البلد اللى بتقتل الاحلام ف مهدها

ازاااااااااااااااااااااااااااااااااااااااااااااااااااااااى

سهيله يا اختى

ليه وجع الدماغ و حرقه الدم و كل ما تطلعلك فكره تيجى البلد تموتها

طب ما فيه بلاد بتدلع و تطبطب الأفكار و تكبرها و ترعرعها ..لازم يعنى البلد اللى بتموت الأفكار !!!

ليكون قصدك مصر ولا حاجه ؟..... يا شيخه خضتينى ...

[hopsan]

آخر و آخر مرة اعملها و احجز معاهم....

أفلح إن صدق

زعلان

عندى احساس بيقول انك فاهم قوى

يعنى احنا بنغضب و نزعل و بعد فتره بننسى و نغفر و نرجع تانى لمحبوبتنا و معشوقتنا مصر للطيران

انا كنت بتكلم فى موضوع المقاطعه و انا مش مقتنع بللى بقوله... فينا داء غريب نيجى على خد القرد و نبوسه

و عمار يا مصر ..يخرب بيتك بحبك

[سهيلة]

سهيله يا اختى

ليه وجع الدماغ و حرقه الدم و كل ما تطلعلك فكره تيجى البلد تموتها

طب ما فيه بلاد بتدلع و تطبطب الأفكار و تكبرها و ترعرعها ..لازم يعنى البلد اللى بتموت الأفكار !!!

ليكون قصدك مصر ولا حاجه ؟..... يا شيخه خضتينى

hopsan مشاركة بتاريخ أمس, 02:14 AM

كلمة ف سرك يا hopsan

اصلى موش عاوزة الاستخراعات بتاعتى تطلع برة مصر

بعدين ابقى مشهورة ويقولوا علية عميلة ولا حاجة ونكرت خير بلدها

:ninja: :D

[NoorJehan]

بفكر إيه هوجه عمليات التجميل اللى زحفت على المشاهير دى،

الا مفيش حد ووشه بقى طبيعى زى خلق الله، كله متلخبط بطريقه منفره لا حول ولا قوه الا بالله

....مفيش حاجه ليه طبيعيه وغير مزيفه فى الزمن ده؟؟؟ الوشوش..الاخلاق..الذمه..الافلام...النخوه...الكرامه.. :angry2:

اعفو عنا يا رب

[الأفوكاتو]

بفكر أضرب نفسي ميت مرة لأني حجزت رحلتي لمصر على مصر للطيران....هو يعني الواحد مش بيتعلم من اول مرة؟ اففففففففففففففففففففف

يعني عشان أتصل أأكد الحجز أعد اكتر من ساعة و محدش بيرد على التلفون كأنه بيت مهجور..أتصل بالمطار عشان أوصل للبشوات في مكتبهم هناك أتاريهم معروفين بكده و موظف المطار بيقولي إدعي بس إنهم يردوا عليكي :angry2:

أدعيىىىىىىىىىىىىىىىىى؟ :angry:

ليييييييييييييييييييه يعني...بشوات و هواااااانم و عامليين ليه جميلة؟ مضطرة أحجز معاهم و ادفع لهم فلوسي عشان يذلوني و ميردوش و يكرهوني في عيشتي من قبل ما أنزل مصر؟

طبعا لازم بكره أروح في عز إنشغالي لمكتب البشوات عشان السايت بتاعهم بلا ادنى فايدة و الهانم الموظفة بتعد تكلم صحبتها من تلفون الشغل....و كل ده عشان تأكيد الحجز اللي مش هياخد دقيقة بالتلفون....ايه يضمنلي بعد المعاملة السوبر دي إني هروح و ألاقي رحلتي في موعدها؟

آخر و آخر مرة اعملها و احجز معاهم....

عزيزتى الأخت أثينا,

لم تفعل مصر للطيران أى شيئ لم تفعله بقية المصالح الحكومية, بما فيها رئاسة الوزراء, و رئاسة الجمهورية.

العبرة...و الموعظة,

ما تعمليهاش تانى.

تقبلى تحياتى.

[واحد تاني]

الدنيا ربيع ... والجو بديع ...

قفل لي على كل المواضيع

قفل ... قفل ... قفل

[عازفه على أوتار الذهب]

بفكر فالمستقبل

ايامي اللي جايه

هيكون شكلها إيه

بفكر دايمآ أننا بنقول

ياااااااه كانت أيام حلوه

يا ريتها ترجع تاني

بفكر ليه كل مابنكبر

الحزن بيكبر معانا

عذرآ عالإكتئآب

:lol:

[عصام]

بافكر ان كلمة عقيدة تأتى من العقد .. يعنى حاجة معقودة .. غير قابلة للفك .. أو التعديل

بافكر ان دا يمكن بيفسر ليه العقيدة هى الشيء الوحيد الذى لا يقبل الجدل أو النقاش .. وان أى مناقشة فيه لن نتفق فيها إلا على أن نختلف ..

بافكر ليه الناس بتتمسك جدا بعقيدتها وتعد للدفاع عنها ما استطاعت من الغالى والنفيس بينما تنكر ذلك على أصحاب العقائد الأخرى .. ما هى عقيدته برضه!!

بافكر انك قبل ما تسخر من عقيدة إنسان .. فكر فى رد فعلك لو هو عمل كدا .. أكيد هاتعذره ..

بافكر ان أكيد دى مش آخر سنة أشوف فيها موضوع "جورج والعيد" !!

بافكر فى منتدى وليد .. كنت فاكره محترم باللى فيه ... بعد ما زرته امبارح .. طلع &&^^%$#%^%^%$#%$##$@$#@$%&^*^ (عشان خاطرك بس يا سكوب :wub: )

[صبح]

بافكر إن كان نفسي قوي أحج مع النبي محمد صلى الله عليه وسلم في حجته ويقول لي إفعل ولا حرج

ويأتيني هذا الشعور كل سنة في هذه الأوقات وأكتمه عندما أسمع كلماته في الإذاعة

[محمود الشاعر]

بفكر ليه لما الواحد ينكتب له عمر جديد بيحس بالذنب

ليه لما الواحد بيكتشف انه ضعيف وجبان جدا لحظة الموت بيكابر بعد كدة

بفكر انكم وحشتوني جدا جدا واني بحبكم كلكم جدا جدا جدا

كل سنة وانتم طيبين بمناسبة العيد الاضحي و راس السنة

[nora]

بفكر ليه كل حاجه هلو لازم يكون نهايتها مرار

ليه كل حد اقرب منه واحسن اني هلاقي فيه الصديق الايام تبعدنا وتفرقنا

ليه دايما الغربه مكتوبه علينا و عششت جوا قلوبنا لدرجه ان لما بنتقابل بنشتقلها

ليه لما نضحك نقول اللهم اجعلو خير ليه الهم بقى ملينا والضحكه بتطلع مننا مخنوقه

........كفايه

[واحد تاني]

خلاص ...

تم تعديل 27 ديسمبر 2006 بواسطة واحد تاني

[عصام]

خلاص ...

يعنى انت مجرجرنى من قفايا وسايب اللى ورايا واللى قدامى عشان اشوف واحد تانى بيفكر فى ايه .. اقوم الاقى كدا ؟

طب دا ينفع؟ -_-

[واحد تاني]

يعنى انت مجرجرنى من قفايا وسايب اللى ورايا واللى قدامى عشان اشوف واحد تانى بيفكر فى ايه .. اقوم الاقى كدا ؟

طب دا ينفع؟ -_-

انت اللي جيت متأخر ... :ph34r:

[Eldisel]

بفككر اذاي استغل كل دقيقة وكل ثانية في التقدم في الحياة عمومن .... بس خايف الوقت كلة يضيع في التفكير دون عمل اي شيء مفيد

تم تعديل 27 ديسمبر 2006 بواسطة Eldisel

[nash]

بفكر...أدخل ياسر جامعه هنا..ويفضل معانا......

ولا ياتري ينزل مصر؟؟

كل أصحابنا بيحذرونا من خطورة نزوله....طيب أعمل أيه بس ياربي؟؟