كندا يوم بيوم

[yassir]

النهارده ان شاء الله عايز اصلح تكييف العربيه , ياه بقالى كتير مجتش المنطقه دى من ايام ماكنت لسه واصل كندا جديد و بدور على عربيه و عندك واحد فلاش باك سكر بره.

أركب الحنطور و اتحنطر …..مش عارف ليه الأغنيه دى لازقه فى دماغى ليه و انا باخد المترو ..ما علينا نركب المترو لحد محطه واردن …السماعات فى ودانى و ال mp3 محمل اغانى الشيخ امام و بأقرأ فى جريده مترو و هى جريده يوميه مجانيه مفيش فيها أخبار مهمه بس اهو تاخد فكره و انت راكب المترو.......أيوه ياسيدى وصلنا متخفش و انت نازل لو حد من العيال اتاخر فى واحد مسئول قفل الباب مش حايقفل الا لما يتاكد ان كله فى السليم و حتلاتى الخريطه الى فيها محطات المترو فوق الباب و لو حبيت خريطه فيها ارقام الاوتوبيس ممكن تاخدها من شباك التزاكر. وصلنا لمحطه واردن ...ما دمت جوه ال TTC مش حتدفع الا مره واحده و انت داخل من المترو اول مره و بعدين من محطة المترو تاخد اوتوبيس و ترجع بيه و تاخد المترو رايح جى و لا تدفع حاجه المهم انك جوه النظام مطلعتش من الباب . أخدت الاوتوبيس و زى مانت عارف الأوتوبيس مش بيقف فى كل محطه بيقف لما بيكون فيه ناس على المحطه أو حد بيرن الجرس الى فى العمود أو يشد الحبل الى وراك ....شد وحياة والدك علشان نازل المحطه الى جايه ......محدش سأل يعنى رايح فين ....

مقلتلكم حاشترى عربيه نص نص ..... طيب ليه متشترى جديده حتى بالقسط .... علشان لسه جديد فى البلد و لما بتكون جديد و لسه مطلع رخصه جديد بتدفع تامين عالى.

و ايه بس لازمته التامين ....ما هو هنا لازم علشان تسوق يكون معاك رخصه من رخص القياده الى مترتبه من أول G2 لحد A و كمان يكون معاك تامين مش لازم على عربيتك بس لل THIRD PARTY امال لو لا قدر الله عملت حادثه حتمتسك فى خناقه و هو يزعق لا الكلام ده مش هنا ....التامين يدفعله ازا كنت غلطان و بعد كده يغلى الى بتدفعوا كل شهر.

وصلنا للديلر ....استنى ياعم ايه الى وداك للديلر ....مقلتلك انا لسه جديد , الديلر عنده ييجى 300 عربيه و موجود فى اماكن كتير و انت ماشى فى الشارع تلاقى طابور عربيات و عليها يفط باسعارها و كمان القسط الشهرى اذا كنت مش ناوى تدفع على مره واحده . طيب و اشمعنى جيت هنا . ياسيدى اصل الشارع ده فيه ييجى 5 ولا 6 ديلرز ييجى ممكن مشى اروح لواحد تانى ....و انت ايش عرفك ....مهو فيه مجله مجانيه فيها 99 فى الميه من الديلرز اسمها Autotrader -http://www.autotrader.ca/default.aspx و كمان فيه http://www.automart.ca/ , منها نسخ حسب نوع العربيات ...يعنى جزء الصالون , جزء للترك , جزء لل SUV و غيره حتلاقيها فى معظم محطات المترو و كمان فى بلازات كتير.و ادى ياسبدى شوية مواقع للديلرز.

http://www.brennanpontiac.com/

http://www.carmax.com/

http://www.courtesychevolds.com/en/index.spy

http://www.humberview.com/

http://www.gorrudsautogroup.com/dcm/home.html

http://mcalpineford.dealerconnection.com/?lang=en

http://www.northyorkchev.gmcanada.com/cgi-...596〈=en

http://oaklandfordlincoln.dealerconnection.com/?lang=en

http://www.ontariocarstore.com/

http://gm.ca/gm/

كفايه أسئله بقى سيبنى اتفرج على العربيا ت.......... و بعدين نجيب أمريكانى؟ طب ده بلاعة بنزين... طيب نجيب يابانى ....الصيانه بتاعته غاليه علشان الميكانيكيه بتوع اليابانى معظمهم خريجه معاهد هنا و خاصه معهد سنتنيال ...خلينا فى الامريكانى واسعه و موتور 3.5 و ياسيدى البنزين غالى بس الصيانه ارخص .

طيب حنفاصل مع الراجل ...طبعا يعنى ينزلها 200 و لا 300 ماشى ياعم حلال عليك.

رايح فين بس و الأجراءات ....اجراءات ايه امال انا جى للديلر ليه هو بيعمل كل حاجه , المطلون شهادتين الأولى EMMISON TEST و ده اختبار البيئه و انت ماشى تلاقى اى ورشه عامل علامه DRIVE CLEAN يعمل الشهاده ديه....

زى مين يعنى

يا أخى انت مش عارف أى حاجه ...زى MIDAS أو CANADIAN TIRE بس حاسب ....الأتنين ماشين بالورقه و القلم يعنى أغلى ناس .خلينا فى الى قد ايدنا عندك مثلا TIRE DEPOT و مجموعه طويله من الورش الصغيره فى شارع دانفورث مع واردن .

و الشهاده التانيه ان العربيه تبقى CERTIFIED و ديه زى فى مصر أمن و متانه و برضه نفس المكان يعملهالك و يقولك العربيه محتاجه كذا علشان تبقى CERTIFIED و بالتليفون يجيب الحاجه المطلوبه . أنما انت خاوتنى ليه ما الديلر حيعملك الشهادتين دول .

أمال النمر ياعم حانجيبها منين . أنا عايز نمر عليها اسمى ....و النبى تتلهى تكونش سايق مرسيدس النمر المخصوصه تدفع لها حوالى 20 دولار زياده. خد بالك مش حاتاخد النمر الا و معاك التامين . سيب بقى الديلر يا حلو يركب النمر و يجيب لك الشهادتين و تيجي تستلمها كمان كام يوم و يلا نشوف موضوع التامين

[اسكندرية تانى]

ايه الحلاوة دى يا أبو ياسر

أسجل متابعتى و اعجابى

[yassir]

الجماعه بتوع نادى النيل بعتولى بالتجديدات الى عملوها فى الموقع بتاعهم ... خطوه كويسه و الله بس لسه مش كل اللنكات شغاله .

http://www.nileclub.org/

The Nile Association of Ontario

81 Primrose Crescent

Brampton, ON, Canada

Email: info@nileclub.org

Telephone: 905-840-5375

Dear YASSER,

We've recently developed our website to include a lot more tools. Let us know what you think.

We have added new sections such as:

* Nile Classifieds for buying, selling, trading with fellow Nile Club users.

* Nile Forum for discussing job opportunities, news, sports and more.

* Nile Directory for looking up Egyptian related businesses, from travel agents to restaurants, Islamic schools, grocery stores and more.

Take a look and let us know what you think, and share your suggestions. Take our quick survey at http://www.nileclub.org/login.aspx?return=/survey.aspx?id=5 and tell us what you think.

[se_ Elsyed]

ياسر

انت تقرب للدكتور الشامي ؟

ايه الحلاوة والسلاسه دي ؟

والله العظيم خايف احسدنا واحسد الموقع عليكم واحسد مصر على ولادها المعطائين بدون مقابل دول

كل اللي اقدر اعمله اني ادعي لكم دعوه من دعاوي خالتكو ام س س

" ربنا يوقف لكو ولاد الحلال "

زي مانتو واقفين الوقفة دي لكل مهاجر عربي

مش هاقول مصري لاني شايف اخوة عرب اعزاء على قلوبنا بيدخلوا يستفيدوا من تجاربكم وبالتأكيد كل استفادة بتتكب لكم حسنات مقابلها

فاعتقد ان تجربة واحده من تلك التجارب .. افضل من قراءت عشرات الكتب عن كندا او غيرها

تحية اخرى للاستاذ ياسر

وتحية اخرى معطرة بالورد والبط المزغط والحواوشي - واخد بالك يا دكتور شامي ... بالمناسبة والله العظيم يا عم انا باكتب لك المداخلة دي وانا باضرب ساندوتشين حواوشي نفسي هفتني عليهم دلوقت فقمت عملت 5 ساندوتشات امسح بهم زوري عالعشا .. لحد ما المدام تحضر العشا عشان انام خفيف وما تجليش كوابيس او ارهاصات -

اخوك س س .. من امام عربة الحواوشي اللي بأنسفها

[yassir]

برضه نسيت أشترى شوكه علشان الباربيكيو و لو ان شكلها مش شايفيين الشمس السنه دى هما 2 ويك اند اللى شفناهم من اول الشتا ماخلص ....طيب يالا بينا على كناديان تير http://www.canadiantire.ca/welcome.jsp .....ميين ياعم ده دالعده ب 30 دولار.... طيب ماهيا الى موجوده هنا WWW.factorydirect.ca و بتسعه بس و المحل شغال ولعه . ماشى ياعم الواعى بس الشمس تطلع بس و حاهريكم برجر و سجق سكندرانى على الفحم ..... الواحد جاع يا أخى , طيب خد يمينك هنا نجيب العده

ملحوظه . لو مش عارف تدخل على الموقع حط اى بوستال كود هنا مثلا M4C 5L6

[Abo Marwan]

ماشاء الله عليك ياأخوي/ ياسر .. :aslam: :110: :110:

بداية موفقة جداً .. سرد جميل ومتسلسل...

أنا من طلبت منك الكتابة في هذا الموضوع كان عندي أحساس كبير أنه عندك الأستعداد لمشاركة الآخرين بالمعلومة والقدرة على العطاء ... بارك الله فيك ياأخي وحياك ..

وشكراً على سرعة الأستجابة وكتابة هذا الموضوع ببدايته الرائعة ..

أبو مروان

[somayasaleh]

ماشاء الله عليك ياأخوي/ ياسر .. f((:

بداية موفقة جداً .. سرد جميل ومتسلسل...

أنا من طلبت منك الكتابة في هذا الموضوع كان عندي أحساس كبير أنه عندك الأستعداد لمشاركة الآخرين بالمعلومة والقدرة على العطاء ... بارك الله فيك ياأخي وحياك ..

وشكراً على سرعة الأستجابة وكتابة هذا الموضوع ببدايته الرائعة ..

أبو مروان

أسجل أعجابي الشديد بالسرد الممتع

والي الامام يا شباب المهاجرين

جزاكم الله خير علي كل افادة للغير

[yassir]

يوم الخميس جالى جواب الى فيه تجديد تامين العربيه , افتكرت أيام مكنت لسه واصل كندا و بدور على عربيه و تامين , ياه .....دا زى ما يكون من 20 سنه هو الواحد اساسه بالوقت أختلف كده ليه .... المهم و عندك واحد فلاش باك سكر بره.....

الو ...مساء الخير و حياتك عايز اسأل على التامين على العربيه

سعاتك تعرفنا منين

من ال YELLOW PAGES

متاسف مش بناخد زباين من غير ما يكونوا يعرفوا حد هنا

ماشى يا عم المهم أوى......سلام

الو و حياتك اسأل على ...........

ايوه ياسيدى احنا وسيط أحكيلى قصه حياتك ....كل حاجه اعترف

عمرك , متجوز, انت الوحيد الى بتسوق العربيه,ماركتها ايه,موديل سنه كام, معاك رخصه ايه , واخدها من امتى , شغال و لأ , المسافه كام من الشغل للبيت , اخدت كورس فى مدرسه سواقه هنا الى بيعملك تخفيض ييجى 10 فى الميه...

دخلت كل المعلومات مطلوب سعاتك حتدفع 350 فى الشهر .....

متشكريين ياسيدى و ايه الكرم ده.....

الو و حياتك .............

ايوه احنا بتوع التامين الرخيصين اوى علشان احنا تبع بنوك TD BANK,ROYAL BANK,ESTAT بس انت لسه واخد الرخصه من كام يوم معندكش اى تامين قبل كده...؟

لا و الله ياست احنا فى مصر كنا مستنيين القانون الجديد علشان نعرف موضوع التامين ده....

متشكريين ....وبعدين ياعم عايزيين تامين علشان نروح نستلم العربيه ......حنمشى فى الشارع من غير تأمين , و ليه بس المخاطره دى.

فكره حلوه نجرب كام واحد من الجماعه البروكر دول و ندفع غالى 3 شهور بس و بعدين نقول لهم متشكرين عاييزيين شهاده انى كنت مأمن عندكم و تديها الو .... للتامين الرخيص بعد 3 شهور و نقول أيوه ياستى كنت مأمن و الشهاده اهيه حابعتهالك مبروزه كمان.....

حلو لقينا واحد ب 275 يلا ياعم حيبعلك الورق بتاع التامين فى البوسطه تقطع الكعب و تخليه مع ورق ملكيه العربيه فى محفظتك. طيب ياسيدى فهمت ....بس حدفع ازاى دانا لاعندى كريديت و لا شيكات لسه دا نا واخد الرخصه اول امبارح....ياسيدى البنك حيديلك 3 شيكات هديه لما تفتح حساب جارى مانت لازم تفتحه لاسباب كتيره زى المرتب و الضرايب و الفواتير .....

طيب متقلبش دماغى و يالا نستلم العربيه

[yassir]

ماشاء الله عليك ياأخوي/ ياسر .. f((:

بداية موفقة جداً .. سرد جميل ومتسلسل...

أنا من طلبت منك الكتابة في هذا الموضوع كان عندي أحساس كبير أنه عندك الأستعداد لمشاركة الآخرين بالمعلومة والقدرة على العطاء ... بارك الله فيك ياأخي وحياك ..

وشكراً على سرعة الأستجابة وكتابة هذا الموضوع ببدايته الرائعة ..

أبو مروان

تسلم يا أبو مروان الفضل كله لأفكارك انشاء الله لما تيجى تضيف أكثر و احسن.....أبو عمار

[yassir]

ياسر

انت تقرب للدكتور الشامي ؟

ايه الحلاوة والسلاسه دي ؟

والله العظيم خايف احسدنا واحسد الموقع عليكم واحسد مصر على ولادها المعطائين بدون مقابل دول

كل اللي اقدر اعمله اني ادعي لكم دعوه من دعاوي خالتكو ام س س

" ربنا يوقف لكو ولاد الحلال "

زي مانتو واقفين الوقفة دي لكل مهاجر عربي

مش هاقول مصري لاني شايف اخوة عرب اعزاء على قلوبنا بيدخلوا يستفيدوا من تجاربكم وبالتأكيد كل استفادة بتتكب لكم حسنات مقابلها

فاعتقد ان تجربة واحده من تلك التجارب .. افضل من قراءت عشرات الكتب عن كندا او غيرها

تحية اخرى للاستاذ ياسر

وتحية اخرى معطرة بالورد والبط المزغط والحواوشي - واخد بالك يا دكتور شامي ... بالمناسبة والله العظيم يا عم انا باكتب لك المداخلة دي وانا باضرب ساندوتشين حواوشي نفسي هفتني عليهم دلوقت فقمت عملت 5 ساندوتشات امسح بهم زوري عالعشا .. لحد ما المدام تحضر العشا عشان انام خفيف وما تجليش كوابيس او ارهاصات -

اخوك س س .. من امام عربة الحواوشي اللي بأنسفها

مادام اخونا الكبير سى السيد لفت نظره الى بكتبه يبقى محسوبكم وصل يا أهل المنتدى الكرام ....أحلى تحيه و شكر و تقدير على الكلام الجميل المشجع من بلاد اللحم و البطاطس لأخونا سى السيد.

بالهنا و الشفا الحواوشى انا شايف برضه كفايه خمسه , الواحد لما يزود عن 8 و يدخل فى 16 بيبقى 20 كتير شويه قبل العشا.

شكلها فعلا انا و الدكتور الشامى قرايب مادام التحيه مليانه بط و مزغط كمان و يمكن نطلع بليديات من ناحيه البرجر و لا حاجه......

[احمد عبده]

( الخير في وفي امتي الي يوم الدين)حديث شريف

بدأ الموضوع باستاذ : هادي و بعدين وجدي وجيهان وزوهيري وبعدين ايهاب ومصرية والنعم ومصرية ومغتربة

وكل ما واحد ينشغل شوية عنا يطلع مكانه اتنين تلاتة زي حضرتك و دكتور شامي يكملوا

لغاية ما الموضوع مابقاش هجرة وبس لا ده بقي في عشرة واحساس زي ما نكون اسرة واحدة

بسجل اعجابي بحضرتك و بكتابتك

وعندي سؤال :

لما ربنا يوفقني ان شاء الله و اسافر كندا لازم اشتغل كطبيب مقيم ( فترة تدريبية) من 3 - 5 سنين حسب التخصص

في الفترة دي مرتبي فيها بيكون ضعيف ( تقريبا عشر الدكتور العادي بحكم اني لسة باتدرب) بيكون في حدود 3الاف في الشهر

لو ايجار الشقة الف و تأمين عربية نص نص 350 وضرايب 20% و كتب ومذاكرة كده بيبقي تحت خط الفقر بكتير؟

اقصد هتبقي ضنك خالص ( حسب تكاليف المعيشة في كندا) فلازم يكون معايا فلوس من مصر اصلا

ولا هتبقي ضنك بس مش خالص فاعيش حياة الصعلكة بس اعيشها لوحدي وبلاش اتجوز

ولا هتبقي القشية معدن وزي الفل و يبقي مثني وثلاث ورباع و ملكت يداك

ومستني الحلقة الجديدة

[yassir]

أصحى .....أصحى ...

ياستى عايز انام شويه الحواوشى كاتم على نفسى

الدكتور أحمد بيقولك الموضوع ضنك و انا عندى عجز فى الميزانيه 200 دولار ...

منك لله يا أحمد ياعبده لازم تفكرها يعنى ....طيب هاتى الورقه مالها الميزانيه و رينى :

مصاريف العائله

تليفونين محمول و انترنت سرعه 100 عقده فى الموضوع 115

ملابس و مصاريف ترويش 320

لحوم حلال 50

أكل 400

تليفون البيت اللى مش بيبطل رن من الأعلانات 25

مكالمات خارجيه انشاء الله حاخصمها من هديه عيد الأم بتاعة حماتى60

خدمة البنك لزوم السحب و الأيداع و الضحك على الدقون 20

أجمالى مصاريف العائله الكريمه 990

مصاريف السكن

الأيجار أو القرض 1000

الصيانه 180

الكهرباء 90

تامين البيت 30

الغاز 120

الضرائب العقاريه 130

أجمالى مصاريف البيت 1550

السياره التمبكه

بنزين 190

تأمين بعد الثلاث اربع شهور اللى اضحك علينا فيه بمزاجنا 120

صيانه العربيه فى السنه 600 دولار 50

أجمالى مصاريف السياره النص لبه 360

الأجمالى 2,900.00

أطلع يا أحمد يا عبده بالميت دولار الى باقيه من التلات ألاف و اوعى تقولى الضرايب دانا عاملك مصروف السكن 1550 مش الف , بقى مصحينى من النوم و عجز و عيشه ضنك هيا بقت كده ....بتضرب الميت دولار و تقولى عجز و خليت الوليه أقتنعت ....ماشى يا عم أحمد بس لما تيجى هنا..

[madzoro]

الله عليك يا ابو عمار ..... روح يا شيخ الله يفتح عليك

بارك الله فيك و بارك في كل الاخوة امثالك

مديح اللبودي

[moab]

أخونا العزيز ياسر

أسجل متابعتي وإعجابي الشديد بأسلوبك الراقي المهذب

بارك الله فيك وأكثر الله من أمثالك

[ELSHAMY]

أخى العزيز yasir

السلام عليكم و رحمة الله

انت كمان طلعت أبو أسكندر زى حالاتى....عرفت بقى يا سى السيد ان اسكندرية أجدع ناس ...ربنا يبارك فيك يا أبو عمار....انا لسه راجع من عندك...و قريبا حنطب عليك.... ما تقلقش الجيش الشامى يتكون من 6 أفراد...من خير جنود الأرض....اعزمنا بس مرة و انت تشوف....حتندم...

خالص تحياتى

ملحوظة: أخى سى السيد....واخد بالى يا باشا....بس انت لك فى السى فوود....ولا بس فى السى السيد...

[yassir]

أهلا أهلا فينك ياراجل

@ و الله فى الحقيقه انا فى البارك

ياسيدى مش قصدى انا أقصد مختفى من كام يوم ….مش فالقنى فيكو أنتو و التوانسه غير القاف ديه الى فى كل كلمه.

@ و لامختفى و لاحاجه أصل زوجتى حامل .

ألف مبروك و ادى واحد مسلم جزائرى جديد …ربنا يكملها على خير , ها….. بدات ترتب نفسك على المتابعه و الولاده.

@ هى بتابع عن دكتوره صينيه …

بلا صينيه بلا حله سيبك من عده المطبخ دى و عليك و على الدكتوره مرحرحه المستريحه بتاعة شارع ايلسمير

@ اشمعنى يعنى ما أى دكتوره و السلام…

ياسيدى لأ….. الدكتوره مرحرحه هى اللى حتولدها و لو حتى حتولد الساعه 2 بالليل حتيجى المستشفى لكن لو رحت عند أى دكتور و لا دكتوره مش حييجى.... حيولدها اى دكتور نبتشى فى ليلتها.

@ طب ما نستى أحمد عبده …..

ياعم دا محتاس فى الميزانيه ….عليك وعلى الدكتوره مرحرحه المستريحه …

@ هى اللى ولدت زوجتك؟

لأ ياسيدى بعملها دعايه علشان واخد منها اوفر …..تولدلى عيل و التانى بنص التمن …مصيبه للواد يطلع لابوه…

@ ياسيدى طيب بس احكيلى عملت ايه فى موضوع الحمل و الولاده.

انا ياسيد مراتى حملت فى التلات الشهور الى مش بيكون فيها ليك تامين صحى …..علشان كده رحت مركز من الى بيعالج و يتابع الناس الى معندهمش اوهيب لأنك لو رحت لدكتور عادى حتتدفع كشف حوالى 140 دولار حسب الحاله يعنى …..وده واحد منهم http://www.westhill-cs.on.ca/ وهناك الدكتوره كشفت عليها و عملت لها تحليل الدم و التحاليل البسيطه الأولى و فضلت تتابع حالتها لما وصل كارت الأوهيب ….

@ و دفعت كام؟

و لا دولار هما بيحولوا الملف بتاعها على التأمين الصحى بعد ما يطلع لها كارت التامين…...وبعد ما جه الكارت طيران على الدكتوره مرحرحه ؟أهو كده النبى عربى ….الست تعرف تروح لوحدها , تكلمها و تشرح لها مش لازم تقعد تترجم بقى و الدوا ده اسمه ايه فى مصر و الى زيه اسمه ايه هنا …..عوائق كتيره بسب أختلاف اللغه…..فضلنا نروح كل شهر و بعد كام شهر عملن السونار و عرفنا المولود ايه و لما قربنا من الشهر السابع بدانا نروح كل اسبوعين.

@ و عرفت معمل التحاليل منين ؟

مهيا ياسيدى بتديلك ورقه فيها المعمل و على الخلف خريطه بمكانه و تليفوناهم و مواعيدهم ,لازم هى اللى تحولك .

وقبل ما تسأل… مدفعتش حاجه برضه على الأوهيب.

وبعدين فى الأسابيع الأخيره بتحدد موعد متوقع للولاده بس احنا عديناه و البيبى فى سابع نومه مش راضى يتعتع فلازم نروح المستشفى …طبعا قبل ما تروح بكام اسبوع بتكون مبلغ المسشفى ان مراتك حتولد عندهم و ده بالتليفون

@ أى مستشفى ؟

كل دكتور بيكون بشتغل فى مستشفى أو اتنين و هو الى بيقولك بأولد فى ديه أو دكها .

@ يعنى لميت شنطه البيبى و فيها كارت الأوهيب و هدوم خروج للحاجه و هدوم البيبى وغيره من المستلزمات و على المستشفى …صح

لأ ياسيدى رحنا كلنا بيتزا علشان الوحم كان لاخر لحظه …… يوم المسشتفى ده أمر شرحه يطول و انا الليلة مشغول

[yassir]

سلام عليكم ياست ….مش ده قسم الولاده

@ ايوه المدام جيه تولد؟

لأ هيا بطنها كده علشان شاربه بيبسى حجم عائلى …..ايه الألمعيه دى.

@ طيب طيب ….أستريحوا ….و حنبلغ الدكتوره مرحرحه فى عيادتها انكو وصلتوا المستشفى .

ايه الحكايه ديه…… اوضه الترياج فيها تلاته …هو انتو بتعدو بعض , و ادى قعده أما نشوف اخرتها بالمره اكلم الشغل أأكد اجازه اسبوع علشان خاطر الوجه الجديد….مش عارف أقعد تعالى نتمشى… تشربى شاى… ماهو فيه كافيتريا كبيره فى المستشفى , تعالى نتغدى و بعدين يحلها ربنا … المستشفى كلها مفتحه على بعضها لاحد يقولك رايح فين و لا أى خدمه يا عروسه …

@ مش كنا جبنا مامتك معانا..؟ معلهش مهى مشغوله مع عيال أختى ..أنتى مش فاكره ان فيه هنا خدمه مجانيه….. واحده تيجى مع اللى بتولد لوحدها أو زوج و زوجته لوحدهم ساعة الولاده , ماحنا اشتركنا فيها بس مش حاكلمهم مادام الأمور ماشيه كويس خلاص…

@ مين الراجل أبو دقن ده ….شكله عربى...

ايوه ياستى …دا بيعدى على المسلمين الى بيولدوا فى المسشتفى علشان يقول لهم السنه و تعملوا ايه لما البيبى يتولد و الأدان فى اى ودن ….

@ أوعى تنسى الأدان ……

بس انت أولدى و انا اادن فى الجامع مش ودن البيبى …

يلا بينا بقى على اوضه الترياج فين كارت المستشفى ….أهو…. يانهار ده مكتوب سنك غلط …يالا لازم نصلح المعلومه دى فى الكارت ….و ده حيصلحوها ازاى دلوقى....

(بعد 80 ثانيه ) أتفضل كارت جديد ….هو صحيح الكارت خاص بالمستشفى ديه بس معلهش خلى المعلومات كلها مظبوطه.

و بدا الطلق الصناعى و بيت الليله على الكرسى جنب السرير …المهم ان الممرضه جنب الباب و 5 متر بينى و بين الدكتور النبتشى ….الممرضات كتير بس مش شايف غير 2 أو 3 دكاتره الممرضات هنا مستواهم عالى جدا …..

وصبح الصباح فتاح ياعليم …..خلاص بدانا التجهيزات للولاده دلوقتى بقى تتنقل لغرفه عاديه تولد فيها انشاء الله و تقعد فيها لحد ما تخرج من المستشفى ….

@ بالمناسبه انت راجعت بيانات تامين الشغل؟

ليه ياستى ايه العلاقه بينه و بين الولاده؟

@ مهو التأمين الى الشركه بتعملهولك كجزأمن الbenefits فى ساعات كتيره بيأهلنى انى أخد أوضه لوحدى ساعه الولاده .

طيب حاكلمهم ما الرقم على ضهر كارت التامين

@ ما هو ممكن فى المستشفى يعملوا للكارت سكان و يقولولك .....

عال عال ....الدكتوره وصلت يالا ياستى و أختى كمان ...و اتنين ممرضات .......طبعا مش خارج يالا بس شدى حيلك.

مين الدكتور ده .....اه ده ياستى دكتور بتاع الابيدورال علشان و جع الولاده ...الحمد لله مافيش أمراض و لاحاجه علشان لو كان عندك القلب و لاحاجه و معاكى روشتات من أى حته لازم تترجميها علشان يعرفوا قبل الولاده فيه اى حساسيه ولا موانع....و يستحسن انه يكون فاميلى دكتور من هنا شافك و عارف الحاله علشان ممكن يكلموه فى التليفون و ييجى يحضر الولاده .............؟أيوه ياعم وهران على الاوهيب أطلع من دماغى الوليه بتولد...

زق ياجدع .........هيييييييييييييييييييييه ....وصل البيبى بالسلامه .....محدش معاه حجر معسل فى المستشفى ديه...

[yassir]

@ صباح الخير.....

صبا ح الفل ....انت مين يا شابه....شكلك مش ممرضه فين اليونفورم بتاعك .....المستشفى باظت ولا ايه...

@ لا سيدى انا موظفة وزارة الصحه الكنديه جايه المستشفى ...أنتو مش خلفتوا امبارح؟

و لحقتوا شميتوا خبر ....خير ياست ؟

@ حتسموا المولود ايه ؟

هو انا ممكن انقى اى اسم طيب انا عايز اسمها و اسمى و اسم جد ابويا فى الكارت بتاعها و مش عايز اسم ابويا وجدى...ينفع ؟

@ نقى الاسماء الى انت عايزها و امضى الاستماره و الكارت بتاع الاوهيب حيجيلك فى البوسطه..... و طبعا من غير صوره لأنها لسه بيبى ...و استخدم الرقم اللى فى الابليكيشن بديل للكارت ادا رحت للدكتور...

و لامواخده ...افرضى غيرت رايى و اسم كيشا معجبنيش و قلت ست أخواتها أحسن أعمل ايه ...

@ تروح الفرع بتاعنا الى فى واردن بس قبل مايجيلك الكارت ....و تعدل الاسم و حجيلك الكارت فى البوسطه...

معلهش سؤال كمان حاكم انا عارف ممكن اتزنق فيه بعد لما تمشى .....و شهاده الميلاد ؟

@ لو غاوى مشوره روح فرع الماليد الجدد أو تقدم عليها على النت على الموقع ده http://serviceontario.ca/english/default.htm و تدفع على النت 37 دولار لو مجتلكش فى 15 يوم تبقى ببلاش ....

@ طيب ياستى ربنا يعطلها ............قصدى ربنا يسهل , طب ماالشهاده ديه أنواع أطلب أنهى واحده ...الصغيره الى تدخل فى المحفظه و يادوب فيها الأسم و تاريخ الميلاد ولا الكبيره الى فيها المعلومات كلها أسم المستشفى و بيانات البيبى زى الوزن و النوع و الولاده طبيعيه ولاقيصريه .

@ يا سيدى هاتلك نسخه من الأتنين ماأنت حتحتاج الكبيره لما تتطلعلها باسبور علشان هيا دى اثبات شخصيتها دلوقتى .

طيب أنا كنت حاسألك على موضوع انها كنديه و يتطلع لها باسبور كندى مش ده كان ممكن يحصل لو اتولدت فى أى حته لو كنت أنا احمل الجنسيه الكنديه.علشان أنا سامع ان القانون حيتعدل ...

@ أف ...أنت لتات أوى ....حأرد على ده بعدين ...هو أنت الوحيد الى خلفت عايزه اخد أسماء بقيه العيال .....فارقنى بقى...

[yassir]

@ السلام عليكم

عليكم السلام ....ياه كبير التوانسه ......واحشتنا ياراجل ...أخبارك ايه

@ خلاص نويت .....حانقل اول الشهر حاسكن على المترو

مقلتلك من الأول انت لسه جى جديد أجر شقه من واحدتكون بتعاعته مش من management أو حتى اجر بيت من واحد علشان تتفق معاه متكونش محدد بمده علشان لسه جديد و يمكن تغير شغلك ولا يمشوك تقدر تنقل من هنا لهنا مش تعمل عقد سنه فى شقه و يطلع المكان مش عاجبك.... و لا نقلت شغلك بعيد تفضل تسوق كل يوم مسافه طويله...

@ الحمد لله السنه عدت و حأنقل فى شقه على المترو..... دلوقى أنا بشتغل فى الداون تاون أحسن حاجه اخد المترو من ناحيه اوفر العربيه و كمان الباركنج غالى فى الداون تاون .

واهو تقرب لنا شويه ...ها أجرت عربيه من http://www.uhaul.com/ و لاأتفقت مع مقاول من اللى اساميهم فى الجرايد زى الى أساميهم ماليه SUN و NOW ولا حتى http://www.bestwaytomove.com/ ولا بصيت على الدليل العربى بس لو حاتجيبهم يبقى اتفق flat rate ياخدوا مبلغ على بعضه مش بالساعه و انت قاعد بقى الساعه بخمسه جنيه و الحسابه بتحسب ....

@ انا أجرت الترك و البركه فيكو ...

عنينا يا معلم ....يوم السبت كله يبلغ تمام عندك....

@ الحكايه كلها تلات أوض نوم و الأنتريه و السفره و الحاجه الى فى اللوكر.

اه ياضهرى .....أستنى أبو مروان لما ييجى ياعم العمر مش بعزقه.........

[ahmed_saleh]

اسجل متابعتي و اعجابي