متشكرين يا عمــــــــــــــــــــو

[Alshiekh]

أثار غيظى خبر منشور اليوم بجريدة الاهرام " الموقرة " مفاده أن السيد " أمين السياسات " قام بزيارة واحدة من افقر قرى مصر ، واثناء تلك الزيارة شكرته طفلة من اطفال الحضانة قائلة " متشكرين ياعمو "

الغريب ان الصورة المنشورة لاتوحى ابدا ان الحضانة ممكن ان تكون فى قرية مصرية وليس واحدة من افقر قرى مصرى ، والاطفال لايوحى زيهم بأنهم أطفال حضانة تقع فى واحدة من افقر قرى مصر فى اسيوط واسم القرية " الزرابى ".

والغريب انه الطفلة تقول " متشكرين ياعمو " طيب أطفال مصر الجديدة يقولوا ايه؟

متى يكفون عن الاستخفاف بعقولنا؟

الصفحة الأولى

44631 ‏السنة 133-العدد 2009 فبراير 15 ‏20 من صفر 1430 هـ الأحد

عندما قالت طفلة من قرية الزرابي لجمال مبارك‏:‏ متشكرين يا عمو

جمال مبارك يشارك الاطفال العابهم

خلال زيارته لقرية الزرابي بأسيوط إحدي القري الأكثر فقرا في مصر‏,‏ حرص السيد جمال مبارك الأمين العام المساعد للحزب الوطني الديمقراطي وأمين السياسات علي أن تضم جولته بالقرية زيارة إحدي دور الحضانة الحديثة‏,‏ ومركز للشباب‏,‏ ووحدة صحية‏,‏ ومساكن حديثة‏.‏

وأكد جمال مبارك ـ في مؤتمر جماهيري حاشد بقرية الزرابي ـ أهمية مراقبة المواطنين معدلات تنفيذ برنامج الاستهداف الجغرافي لمكافحة الفقر‏,‏ وتطرق جمال مبارك في لقائه إلي قضايا تطوير المدارس‏,‏ وإعداد فصول توفر تعليما أفضل وشدد علي أهمية دور الفلاح كعنصر أساسي في نسيج الوطن والقرية‏,‏ وأن هناك سعيا للتغلب علي المشكلات التي يواجهها وزيادة عائده الاقتصادي‏.‏

ودار حديث من القلب بين أمين السياسات وأهالي القرية في أثناء جولته‏,‏ ففي زيارته لإحدي الحضانات بمدرسة متطورة أعربت طفلة عن فرحتها بالزيارة والاهتمام الذي يبديه السيد جمال مبارك‏,‏ فقالت له‏:‏ متشكرين ياعمو‏,‏ عندما أخذ يلاعب الأطفال ويحكي لهم ما كان يفعله عندما كان في عمرهم‏,‏ وأنه كان يستخدم هذه القطع في ألعابه‏.‏

[Emo]

من نفسه خليه يسمعها..

هو لا بابا ولا عمو كمان..

عادي الواحد اتعود ع استغفال العقل اللي بيعملوه ..

يبقى أنت أكيد أكيد ف مصر..

[ابو محمد المصري]

صدقوني يا جماعه ده حصل في مصر التانيه اللي منعرفهاش

ودول عيال ومدرسين مصر التانيه اللي مشفنهاش

والمبني ده في مصر التانيه اللي معشنهاش

حتي الكراسي والاجهزه في مصر التانيه اللي ملمسنهاش

عاش التلميع وعاش النفاق والضحك علي الدقون عاش عاش

[se_ Elsyed]

صدقوني يا جماعه ده حصل في مصر التانيه اللي منعرفهاش

ودول عيال ومدرسين مصر التانيه اللي مشفنهاش

والمبني ده في مصر التانيه اللي معشنهاش

حتي الكراسي والاجهزه في مصر التانيه اللي ملمسنهاش

عاش التلميع وعاش النفاق والضحك علي الدقون عاش عاش

الله ينور عليك يا أبو محمد يا مصري

فقست أونكل جمال بدري بدري

رفقاً بعقولنا أيها السفهاء الحزب فاشيين ..

بالله عليكم ده منظر فصل في قرية نائية أو مره 99.9 % من المصريين يسمعوا عنها ؟

أتوقع طبعاً إنهم بيجيبوا عيال كومبارس من مدارس السيكر كرير أو المير دو ديو ويدوا كل عيل 10 ج عشان يمثل أمام الرئيس المقبل هذا الدور السخيف .. فاكرين فيلم الوزير جاي ؟ لما الوزير جه يزور مصلحة حكومية وجابوا كومبارس سيما يمثلوا أمامه دور المواطنين الكادحين

تكملة للخبر اليوم

نتائج إيجابية سريعة لزيارة جمال مبارك لقرية الزرابي

معاشات للحالات الإنسانية..ومساكن جديدة..وتعيين الخريجين ... بزازة للعيل .... فستان لرشا .. بدلة لحمادة .... دهب ياقوت مرجان .. فسيخ .. أحمدك يارب ( الله أكبر ... ده جمال بيه بقى ولا الريح المُرسلة التي تأتي بالخير معها ... مش بعيد أقرا إن كل فرد في قرية الزرابي بقى راكب مرسيدس إس ... هو عدم اللامؤخذه جمال بيه لما بيفنجر كده وبيعين خريجين ويزود معاشات وبيُحيي الموت بأمر الله .... بيفنجر من جيبه ولا من جيب مين ؟ أمانه عليك يا جمال بيه تكمل زيارات لجميع قرى الصعيد .. وبالمرة الوجه البحري ... وبالمرة الأحياء الشعبية بقاهرة المعز ... يمكنك ربنا يجيب على غيدك الشفا ... وبالعند في محمد ... متسكلين يا حمو

أسيوط - أشرف عبدالغني:

حققت زيارة جمال مبارك الأمين العام المساعد وأمين السياسات بالحزب الوطني و4 وزراء لقرية الزرابي بأسيوط أمس نتائج إيجابية سريعة.. حيث تقرر صرف معاشات فوراً للحالات الإنسانية وزيادتها من 85 إلي مائة جنيه.. وإقامة مساكن للأهالي.. وتعيين الخريجين من أبناء القرية.

استمع جمال مبارك لجميع مطالب أهالي القرية التي تركزت حول المياه والكهرباء والطرق والبطالة والقروض.. ونفي ما تردد بأن هناك نية لرفع ضريبة الأراضي الزراعية.

أكد أمين السياسات أن تمويل برنامج الألف قرية موجود ولا داعي للخوف ووعد بظهور نتائج واضحة وملموسة خلال عامين

.

[لونا]

و الله حاجة تفرس :) wst::

[سهل جدا]

معليش يا جماعة احنا بردو نقول اللي لينا واللي علينا

هم صحيح (رجال السلطة المصرية) أفاقين وفيهم البلاوي كلها

بس ممكن الزيارة دي تكون حقيقية , وهي طبعا مش زيارة لوجه لله ولا حبا في الوطن

وإنما حبا في الكرسي .. كرسي السلطة (أو السلاطة wst:: )

اللي خلاني أقول إن ممكن الزيارة ديه تكون حقيقية إنه من المعروف في مصر إن لما مسئول ييجي مكان ما؛ الحاشية بتاعتو بيخبروا المنطقة قبلها كي يستعدوا , ويظهروا في أحسن أحوالها

وبترصد ميزانيات لهذا الأمر على حد علمي

وفيه قصة معروفة في كده ..

في أحد المحافظات لما عرف المحافظ بقدوم مسئول كبير إلى محافظته قام بتنظيف الشوارع وتركيب الأشجار والورود وعمل تجهيزات و....

وبعد ما المسؤول ما مشي , راح شايل كل الأشجار والزرع والتجهيزات اللي كان حاطيتها

ورجعت ريمة لعادتها القديمة

وكما قال المناضل الشعبي أحمد فؤاد نجم :) :

يا واخدنا وراثه أطلب واتمنى

وأخرج من جنه أدخل على جنه

يا عريس الدولة أفرح وأتهنى

ما أحناش كارهينك لكن هارشينك

آه والله هارشينك يا بن ال..... أكابر

[tarek hassan]

المشكلة عندي مش في جمال مبارك

المشكلة في الجريدة اللي بتنشر الخبر وبتجيب النتائج

والمشكلة في الشعب اللي بيصدق أو مبيقولش بصفته إيه ومنين بيعين وبيصرف من عزبة مين

وهل التعيين والمصاريف للأماكن اللي سيادته بيزورها بس ولا مثلا في سياسة معينة تقوم بها الدولة نحو النهوض بالقرى وهكذا

بجد أخبار تكسف

وسياسة تقرف

الفرعنة بدأت بدري قوي

((فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ)) (الزخرف:54)

تم تعديل 15 فبراير 2009 بواسطة tarek hassan

[مغتربة]

ودار حديث من القلب بين أمين السياسات وأهالي القرية في أثناء جولته‏,‏ ففي زيارته لإحدي الحضانات بمدرسة متطورة أعربت طفلة عن فرحتها بالزيارة والاهتمام الذي يبديه السيد جمال مبارك‏,‏ فقالت له‏:‏ متشكرين ياعمو‏,‏ عندما أخذ يلاعب الأطفال ويحكي لهم ما كان يفعله عندما كان في عمرهم‏,‏ وأنه كان يستخدم هذه القطع في ألعابه‏

هى لسه الجرايد بتكتب بنفس الاسلوب دة الى عفى عليه الزمن بتاع الرئيس الاب

هى مش عارفه ان الناس لما بتقرا المكتوب دة بتعد تضحك عليهم للصبح و لا عارفين بس بيستهبلوا

[Sherief AbdelWahab]

في رأيي الغرض من الأسلوب الإعلامي المطبق في صياغة الخبر هو إظهار قوة الحزبوطني وأنه قادر على "التمثيل المبتذل" مثله في ذلك مثل تيار المال السياسي والذي يبهرنا في كل يوم بدروس في الافتعال المقزز في تغطياته للتظاهرات والإضراب بما يتضارب مع الحد الأدنى من الحرفية التي يتشدق بها..

وكما يقول جوبلز: اكذب ، اكذب ، ثم اكذب ، وسيصدقك الناس في النهاية..

وها نحن نصدق هؤلاء وأولئك عميانياً .. الكذب ع الودان أمر من شغل العفاريت..

خلص الكلام

[أبو محمد]

والمشكلة في الشعب اللي بيصدق

أهو فى دى ما عندكش حق يا طارق .. أومال إيه معنى العبارة اللى على لسان كل مصرى :

ده كلام جرايد يا با

[الترجمـان]

أثار غيظى خبر منشور اليوم بجريدة الاهرام " الموقرة " مفاده أن السيد " أمين السياسات " قام بزيارة واحدة من افقر قرى مصر ، واثناء تلك الزيارة شكرته طفلة من اطفال الحضانة قائلة " متشكرين ياعمو "

الغريب ان الصورة المنشورة لاتوحى ابدا ان الحضانة ممكن ان تكون فى قرية مصرية وليس واحدة من افقر قرى مصرى ، والاطفال لايوحى زيهم بأنهم أطفال حضانة تقع فى واحدة من افقر قرى مصر فى اسيوط واسم القرية " الزرابى ".

والغريب انه الطفلة تقول " متشكرين ياعمو " طيب أطفال مصر الجديدة يقولوا ايه؟

متى يكفون عن الاستخفاف بعقولنا؟

اعتقد اننا قد تعدينا عهد الإستخفاف بالعقول أخي الفاضل محمد إلا على من لم يرحمه ربي

فاللعب أصبح على المكشوف في عهد الثوره المعلوماتيه والفضائيات التي تنقل لنا الحدث

قبل أن تكتبه وتطبعه لنا مؤسسة الأهرام اللي راحت خلاص في الرجلين في عصر لم يعد يقبل بثقافة الفهلوه ..

كل اللي يحزني في الموضوع هو سوء الطالع الذي يصاحب مثل تلك الجولات الحاشده ..

أذكر على سبيل المثال أن الأسبوع الأول من جولة السيده سوزان مبارك في حملة تطوير الـ100 مدرسه

قد تصدر بجانبه خبر المدرس الذي قتل طالب ابتدائي لإنه لم يحل الواجب في موقعة مدرسة الإسكندريه التي هزت الرأي العام

والذي لم يهدأ إلا بعد أن نال هذا المدرس الذي صنعت منه سياسات التعليم المتعاقبه في مصر إلى إرهابي ..

لو كان في مكان آخر كان قد أحتل موقعه في سجون لن يخرج منها أبدا دون الكشف عن قواه العقليه والنفسيه ..

لن أطيل ولكن اعتبر الخبر إعلان مبايعه مدفوع الأجر مسبقا ..

وربنا يستر على الولاد ..

[السويفي]

]السلام عليكم:

ان هنا علشان ارد على كل****** و******و*******و******* (( كفايه شتيمه كده)) :rolleyes:

سولت له نفسه التشكيك في رقه قلب عمو جمال

والي هيتكلم عليه تاني انا هخاصمه خالص

انا كنت هعيط من الصوره المعبره اللي حطا الوحش se_ Elsyed

وعيطت فعلا لما قريت الي انتو كتبتوه يا متوحشين

يعيش بابا ويعيش عمو ويعيش اخو عمو واولاد اخو عمو وكل الي يعرفو عمو

اوعي حد يتكلم تاني.... اوعي ......اعوي

[اسماعيل امين]

من الطبيعي ان يسأل السيد الرئيس عن مرافق له اصيب ويطمئن عليه.ولكن ان يقوم صحفي منافق بالتهويل من هذا العمل ونشره كأنه خبر هام (شئ مؤسف ).

وهذا يذكرني بجمل وسلكيات من النفاق ضاقت بها الناس .مثل :-

1- في حادث احتراق قطار العياط.خرج علينا وزير النقل .ليعلن خبر سارصرف كام الف للقتيل (شهيد الاهمال )

وكام الف للمصاب (مبالغه تافهه ).وفي النهايه يختم حواره ...حسب توجهات السيد الرئيس .

يلاحظ علي الشعب المصري وانا واحد منهم امتعاض وكراهيه سماع هذه الجمله وعدم الثقه في من يرددها .وكانه يقول ...ده حسب اوامر السيد الرئيس ماليش دعوه اذا كان خطأ او صوره رديئه لزمن النفاق السياسي .

2- في احداث غزو غزه .تم ارسال مساعات واجبه للاخوه الفلسطينين من معبر رفح ...وفي نهايه الحديث اختتمها السيد المسؤل المحترم بجمله ...حسب توجهات السيد الرئيس .

3- وزير الاسكان السابق كان يستعمل هذه الجمله كثيرا .وكنت اري سخريه بعض الناس وتوقعهم لتركيبته من خلال هذه الجمله وكثره تكرارها .

3- في امتحانات اولي ثانوي منذ عام تقريبا .كتبت طالبه في موضوع الانشاء رساله غاضبه الي الرئيس بوش

علي ما اعتقد .تم تصعيد الموقف رغم تفاهته .واعلان رسوب الطالبه في جميع المواد .واحتجنا فعليا لتدخل

السيد الرئيس لتعديل النتيجه لتصبح راسبه في اللغه العربيه فقط وتدخل دور سبتمبر .

مش معقول ان نصل الي هذا المستوي المتدني من النفاق السياسي والاجتماعي .

علي الجانب الاخر .صوره جميله يحبها المصريين .وتتماشي مع طبيعتهم الساخره :-

أ‌- في احداث زلزال اكتوبر 1992 .قام الرئيس بزياره مستشفي .توجه الي طالب مصاب بسؤال له معني .عندما حدث الزلزال ماذا فعل المدرس داخل الفصل .اجاب الطالب ...الاستاذ جري قبلنا ...فضحك الريس ساخرا و متعجبا من سلوك المدرس .

ب‌- في زيارته لاحد المصانع سأل عامل عن دخله وعدد اولاده ....وعندما اجاب العامل بصراحه هز رأسه وكأنه يتعجب بتكفي بمرتبك الشهر ازاي .

ج- في احد اعياد عيد العمال السابقه قبل تثبيت منحه عيد العمال .انتهي الخطاب ولم يتحدث عن المنحه .فشعر بأن هناك حركه غير طبيعيه بين الناس وان هناك شئ هام لم يعلنه .فعاد واعلن انه نسي اهم حاجه ولو كان عنده اكثر لرفع النحه .فضحك وضحكت الناس معه .

احيانا يجتاحني شعور بأن هذا الرجل مظلوم .ومشكلته تتركز في من يحيط به من منافقين ومنتفعين او من هم دون المستوي في تحمل المسؤليه .بالاضافه الي ان مساحه قوي الشر (المرتشين والفاسدين و...) كبيره .والشعب مفكك ومشتت لا يوجد لديه بديل صالح للقياده .لا تنسي مساحه الشر الخارجي المتربص بمصر ؟؟؟ .واحيانا عندما اري حال هذا الشعب العظيم والحال الذي وصل اليه متفرقش رئيس من وزير من غفير كلهم مشاركين في الجريمه ويجب هدمها وبنائها من جديد .

سوف اعطيك صوره رائعه لمعادن الرجال .بعيد عن كله تمام ياريس ....او برقبتي ياريس ....او عليا الطلاق البيانات الاحصائيه صحيحه ....او حسب توجهات السيد الرئيس ......الخ

في 19 اكتوبر 1973 حرب التحرير حدث اختلاف بين بطل مصر سعد الدين الشاذلي والمرحوم الرئيس السادات (مع الاحترام ) وذلك بخصوص مواجه الثغره (الدفرسوار) .تم عزل بطل مصر ودفع ثمن اعلان رأيه صراحا في سبيل مصلحه بلاده 10 سنوات قاسيه خارج مصر.

مصر ليست في حاجه لمنافقين اغبياء مصر في حاجه لرجال امثال سعد الدين الشاذلي واحمد رشدي واسامه الباز واخرين .

النفاق السياسي والاجتماعي تجده يحيط بك من جميع الجوانب :-

1- السيارات الملاكي يعلق عليها ايات اجزاء من ايات قرأنيه او يعلق سبحه او فانوس او صليب ورغم ذلك او يضع مصحف او انجيل علي التبلوه امامه رغم انه يسوق بشكل متهور بلطجي .او سائق يعلق جمله تعبر علي انه صايع مثل البرنس او البج بوص او الخواجه للاعلان عن ديانته .

2- محل يكتب لوحه (محل الامانه او الشريف )وتجد انه نصاب وضلالي

3- يوم الجمعه يخرج المصليين من الجامع (شئ رائع ).يمرو علي بلاعه في وسط الطريق بدون غطاء لا يتوقف بعضهم لتغطيتها بحجر مناسب او يتبرعوا بمبلغ زهيد لعمل غطاء

4- لي زميل ملتحي ويؤدي الفرض بمنتهي الدقه لكنه متكالب علي الفلوس بشكل رهيب وقمه التكاسل والبلطجه في العمل (التزويغ ). لماذا يرفع رايه لا يحترمها .

5- قد عبر عن هذا التدهور والنفاق السياسي احد اعضاء محاورات المصريين بعنوان بلد سقط سرواله

6- انظر الي انفسنا عندما ندخل قسم شرطه .يلتوي اللسان وكل من نقابله نخاطبه بلقب باشا

ارجو انلا اكون انحرفت بالمعني الرئيسي المقصود من كاتب المقال .

[شاب مصري]

أيها الحاسدون الحاقدون md2:

أيها العملاء الخائنون :lol:

ايران دفعتلكم كام عشان تحاولوا تشوهوا صورة حبيبنا الريس جمال (باعتبار ما سيكون) :lol:

مش عارف انتم عاوزين ايه؟

عاملين زي العزول ليه؟

عاملين زي عواجيز الفرح ليه؟

حاجة تفلق بصراحة .. رئيس "لقطة" وتنازل ووفق يحكمنا بعد عمر طويل ان شاء الله :wub:

و شعب مبسوط ومزقطط ومهيص على الآخر بالنبأ السعيد :lol:

وصحافة جميلة وزي الفل بتنقل الحب المتبادل ده الى الجماهير العاشقة الولهانة :)

بتحشروا نفسكم ليه في وسطينا مش فاهم wst::

لكن موتوا بغيظكم .. احنا وحبيبنا جمال و حبيبنا أبوجمال سمنة على عسل wst::

اعلنوا توبتكم وبيعتكم .. يلا بسرعة :lol: