أم كلثوم

[MZohairy]

لي الشرف يا سوسوراني

اتفضلي لو سمحتي

[SoSo R]

مساء الخير...

بدايتى مع أم كلثوم كانت غريبة قوى...

الأول كنت ما بطيقهاش...ماكنتش بتخيلها لو فتحت التليفزيون ولقيتها أغيرالمحطة علطول

وكنت فى الكلية لازم أسمع حاجة و أنا باذاكر..كل مرحلة بأغانى معينة

زهقت من كل اللى عندى...قلت أفتح الراديو أسمع محطة أم كلثوم...وأسمع شوية قديم

كانوا بيجيبوا أول الإرسال و آخره أغنية لأم كلثوم...

لقيتها مش بطالة

و أبتديت أحس فى نفسى بنضج طربى...لو صح التعبير

وتذوق مختلف للألحان القديمة والكلمات المعبرة جدا

وتزامن مع بدايتى السماعية لأم كلثوم عرض مسلسل قصة حياتها

حسيت بكفاحها

وفنها وموهبتها و إجتهادها

وقصة كل أغنية من بداية الكلمات و حتى الألحان

و أبتديت أعيش فى حالة جميلة جدا و أفتكر الأحداث و أنا باسمع الأغنية

وأنا عارفة إزاى إتبلورت و أتعملت

طبعا بابا و ماما...كانوابيبصموا بالعشرين إنى بحب :lol:

و أنا لا كنت بحب ولا نيلة...حد يحب فى كليتنا المهببة دى :lol:

أغنيتنا بأه اللى فتحت شهيتى للحكايات كان وضعها معايا غريب جدا

كانت بتعملى حالة طربية رائعة

وكانت دايما تيجى ليالى إمتحانات

و أؤكد لك إن الأمتحان اللى كان بييجى تانى يوم كنت بحل فيه ممتاز و بمزاج

لدرجة بقيت أتفائل بالأغنية دى وبابقى مستنياها

و أول ما أسمع المقدمة الموسيقية بتاعتها بحس بنشوة وبعرف إن بكرة يوم جميل

أرجو إنى ماكنش طولت فى الكلام

وكان مرورى خفيف عليكم

أرجوك قولى بأه أنزلها إزاى على الكومبيوتر :unsure:

تحياتى

سوسورانى

[حسام يوسف]

زميلة كفاح معامل الاتش تو اس

الموقع ده فيه روائع الغناء القديم

اتفضلي

سوارى

تم تعديل 23 أغسطس 2009 بواسطة حسام يوسف

[SoSo R]

زميلة كفاح معامل الاتش تو اس

الموقع ده فيه روائع الغناء القديم

اتفضلي

سوارى

هو بس الأتش تو إس ...والسلفوريك اللى بوظ كل البنطلونات

و النيتريك اللى أكل الجزم و خرم الشرابات

والفليم اللى حرق شعر البنات قدام عينى

و الصوديوم اللى كان هيضيع عين واحدة معانا

أسكت يا شيخ دة الواحد كان حاسس إنه طالع منها على القرافة...أو التأهيل المهنى :lol:

شكرا يا دكتور على اللينك

بس فيه أغانى محدودة قوى ...و الباقى كلمات بس

أنا عايزة دارت الأيام ماليش دعوة :lol:

زهيرى تلاقيه راح يفطر عشان يدوب يلحق يتسحر :unsure:

أو يدمجهم فى وجبة واحدة وخلاص

يلا أنا مستنية

تحياتى

سوسورانى

[حسام يوسف]

زميلة كفاح معامل الاتش تو اس

الموقع ده فيه روائع الغناء القديم

اتفضلي

سوارى

هو بس الأتش تو إس ...والسلفوريك اللى بوظ كل البنطلونات

و النيتريك اللى أكل الجزم و خرم الشرابات

والفليم اللى حرق شعر البنات قدام عينى

و الصوديوم اللى كان هيضيع عين واحدة معانا

أسكت يا شيخ دة الواحد كان حاسس إنه طالع منها على القرافة...أو التأهيل المهنى :lol:

شكرا يا دكتور على اللينك

بس فيه أغانى محدودة قوى ...و الباقى كلمات بس

أنا عايزة دارت الأيام ماليش دعوة :lol:

زهيرى تلاقيه راح يفطر عشان يدوب يلحق يتسحر :unsure:

أو يدمجهم فى وجبة واحدة وخلاص

يلا أنا مستنية

تحياتى

سوسورانى

حضرتك ادخلى موقع سوارى

هتلاقي على اليمين كولمن طويل فيه أسامي المطربين

تختارى أم كلثوم

بعدها هتطلعلك كل أغانيها ومنها أغنيتك المفضلة

ولو ماوصلتيش حضرتك

ادي لينك التحميل من موالى

للتحميل

وأى خدمة لحضرتك ولكل محبى ثومة

تم تعديل 23 أغسطس 2009 بواسطة حسام يوسف

[MZohairy]

نفطر ايه يابنتي!!!!

لسه بتاع ساعتين

احنا هنا بنصوم 17 ساعه في اليوم :unsure:

متهيألي المواقع اللي جابها حسام حلوه قوي

اذا معرفتيش تحملي منهم

استني بس لما افطر و انا اجيبلك مواقع تانيه

عشان انا دلوقتي مش عارف الفرق بين ام كلثوم و ادولف هتلر :lol:

[SoSo R]

حضرتك ادخلى موقع سوارى

هتلاقي على اليمين كولمن طويل فيه أسامي المطربين

تختارى أم كلثوم

بعدها هتطلعلك كل أغانيها ومنها أغنيتك المفضلة

ولو ماوصلتيش حضرتك

ادي لينك التحميل من موالى

للتحميل

وأى خدمة لحضرتك ولكل محبى ثومة

أنا عملت فعلا كدة من الأول ...بس طلعلى أغانى محدودة لأم كلثوم ...مش المجموعة كاملة

على العموم هاجرب اللينك التانية

لكن هو فيه إيه؟؟؟!!!

عشرة "حضرتك" فى مداخلة واحدة :unsure:

نفطر ايه يابنتي!!!!

لسه بتاع ساعتين

احنا هنا بنصوم 17 ساعه في اليوم :lol:

متهيألي المواقع اللي جابها حسام حلوه قوي

اذا معرفتيش تحملي منهم

استني بس لما افطر و انا اجيبلك مواقع تانيه

عشان انا دلوقتي مش عارف الفرق بين ام كلثوم و ادولف هتلر md2:

طيب ما أنا بتكلم بتوقيت أونتاريو و أنت فى فانكوفر...و أعتقد الفرق بيننا حوالى 3 ساعات تأخير عننا

طبعا عقبال ما الشمس تغيب هيكون الفجر قرب ييجى...ربنا يقدرك

لما تفطر و تمخمخ عايزة بقى تشكيلة تنفع مع المذاكرة :lol:

تحياتى

سوسورانى

[MZohairy]

تحياتى للموضوع وصاحبه المايسترو العظيم

ليه رجائين لو أقدر

الأولاني بلاش بس يا عم زهيري الاصرار على عجز صوت أم كلثوم والتركيز عليه حبا وانتصارا لمعشوقك عبدالوهاب

بلاش تعصب يا مايسترو

عشان حزب ام كلثوم ومنهم العبدلله دي حاجة بتزعلهم

الحاجة التانية هوة طلب لو فى الامكان لو عندك معلومات كفاية عن المقامات

طول عمرى بسمع مقام بياتى

صبا

كرد

لو ممكن تبسيط بسيط لغير المتخصصين

بجد تبقى عملت فيه معروف كبير

وتحياتى يا أكبر الفانز لعبدالوهاب

وكل سنة وأنت طيب

طبعا احنا لسه فاضل على الفطار حوالي ساعه يعني في ارزل سنين العمر :unsure:

ححاول ارد عليك

صوت ام كلثوم فنيا حدث له تراجع واضح من منتصف الستينيات

كان عمرها فوق الخمسه و ستين سنه

و بحكم انها انسانه مش سوبر مان

فصوتها لازم حيعجز يا حسام

يمكن حبنا ليها بيخلينا ماناخدش بالنا

لكن من الناحيه الفنيه فهي تعبت جدا في السنين الآخرانيه قبل ما تتوقف عن الغناء سنة 72

و اي موسيقي حيفهم اللي بقوله بوضوح

اغنية يا مسهرني و ليلة حب كانت مسكينه رحمها الله بتنشذ و بتنسى

المرض الشديد و السن الكبير لا يمكن مقاومتهم يا حسام

و مع ذلك هي اعظم مطربه جاءت الى الشرق في القرن العشرين و حتى الآن

و لم يقترب منها احدا في القدره الصوتيه المستمره ابدا

و لا حتى عبد الوهاب

و لا حتى اسمهان

هي حاله لم تتكرر ابدا رحمها الله

بالنسبه للمقامات

تسمحلي ارد عليك بعد الفطار عشان بس كل واحد يعرف مقامه :lol:

[MZohairy]

المقامات الموسيقيه يا عزيزي حسام هي بمعنى آخر السلالم الموسيقيه

من نغمة دو مرورا ب رى مي فا صول لا سي وصولا لنغمة ال دو

و احيانا بيبدأ السلم من نغمة ال رى و صولا لل رى

ببساطه هناك العديد من السلالم الموسيقيه للموسيقى العربيه (حوالي 70 سلم تقريبا)

مثل البياتي و العجم و النهاواند و الصبا و الحجاز و الكورد و الهزام و السيكا

كل سلم بيختلف عن التاني اختلاف ما كبر او صغر

و كل سلم بيديلك طعم للنغمه بيختلف عن السلم الآخر

و ححاول اجيبلك نماذج عزفيه لكل مقام عشان تحس الفرق بينهم

[حسام يوسف]

تسلملي يا مايسترو

طول عمرى نفسي أفهم الفرق بين الصبا والبياتي والكرد

تسجيل متابعة فى حلقات الموسيقة العربية بمحاورات المصريين

[MZohairy]

ححاول اوضحلك بمثال مشهور

الصبا هو المقام اللي اتعمل منه اغنية هو صحيح الهوى غلاب مثلا

مقام حزين جدا

بينما البياتي مثلا هو المقام اللي عمل فريد الاطرش منه 80% من اغانيه زي الربيع و نورا يا نورا و اشتقتلك و وحداني حعيش كده وحداني

[MZohairy]

و ده موقع على اليوتيوب حيوضحلك بالصوت و الصوره الفرق بين المقامات المختلفه من خلال عزفها على العود

http://www.youtube.com/watch?v=4_XnpoYtLOQ

[MZohairy]

نرجع و نشوف عم رامي مبهدل الدنيا و مبهدلنا معاه ازاي

بيقول ايه بقى؟

دنا لو نسيت اللى كان وهان على الهوان

أقدر أجيب العمر منين وأرجع العهد الماضي

أيام ماكنا احنا الاتنين أنت ظالمنى وانا راضي

بصراحه مش عارف اقول ايه؟؟!!!

خدوا بالكم من هان عليا الهوان بلاغة الفعل و الفاعل من كلمه واحده

لدرجة انه بقى يحب الهوان و يتمنى يرجع العهد الماضي اللي ايام ما كانوا الاتنين مع بعض هو ظالمه و المظلوم راضي!!!

ايه الجمال ده!!

و الذكاء ايضا

فالمطربه واحده ست و كلامها حيدغدغ مشاعر الرجوله الشرقيه و يخليه يحس بقوته و عنفوانه

و بعدين قال ايه تاني؟

صعبان على أقول لك كان والحب زى ماكان واكتر

وافكرك بليالى زمان واوصف فى جنتها واصور

إنت النعيم والهنا وانت العذاب والضنى

والعمر إيه غير دول

إن فات على حبنا سنه وراها سنة

حبك شباب على طول

طب ده كلام برضه؟

مينفعشي اقولك كان عشان الحب زي ما كان و اكتر

و يبقى كلمة جددت حبك في اول الاغنيه سليمه جدا لأن الحب مستمر و يتجدد و لم ينقطع ابدا

ده غير انك انت كل حاجه نعيم و هنا و عذاب و ضنا اللي هم مكونات العمر كله

و العمر ايه غير دول؟؟؟؟ ده حبك شباب على طول مهما فاتت السنين

الجدير بالذكر ان هذه الاغنيه شعللت خلاف كبير بين رامي و زوجته و التي كانت على علم بحبه لأم كلثوم

بسبب ان الكلمات صريحه بتشير الى عودة الحب مره اخرى

لكن الست طلعت عاقله و عملت نفسها غافله عن اللي راح :blink:

نرجع بعد شويه و نشوف عم رياض السنباطي عمل ايه في الكلام العجيب ده

و الست ام كلثوم شقلبت المتفرجين ازاي بغناءها

[elbashmohandes]

زميلة كفاح معامل الاتش تو اس

الموقع ده فيه روائع الغناء القديم

اتفضلي

سوارى

شكرا يا دكتور على اللينك

بس فيه أغانى محدودة قوى ...و الباقى كلمات بس

أنا عايزة دارت الأيام ماليش دعوة

يلا أنا مستنية

تحياتى

سوسورانى

TRY THIS LINK:

http://egyptian2.salmiya.net/songs/omkalthoom/

تم تعديل 24 أغسطس 2009 بواسطة elbashmohandes

[MZohairy]

نرجع نشوف السنباطي عمل ايه يا جماعه

السنباطي هنا بيتنقل بين اربع او خمس مقامات موسيقيه النهاواند و البياتي و الراست و السوزناك تقريبا

داخل خارج طالع نازل

و مش فارقه معاه!!

فالطائره الصوتيه النفاثه اللي بتغني قادره على كل شيئ في عالم الغناء المعروف و الغير معروف

فيعمل اللي هو عايزه و براحته تماما

اهم ما اود لفت النظر له هنا يا اخواني هو ذكاء السنباطي اللا محدود و قراءته الرائعه للمعنى

يتضح هذا في تلحينه لجملة انت النعيم و الهنا انت العذاب و الضنا بنفس الطريقه و نفس النغمه الفرحانه

المنطق يقول انه يلحن النعيم و الهنا بنغمه فرحانه و العذاب و الضنا بنغمه حزينه او بائسه!!

لكن ده رياض السنباطي!!

الكلام يجب ان يفهم على ان الاربع صفات بالنسبه للمحب شيئ واحد

بدليل جملة رامي التاليه: والعمر ايه غير دول؟؟

فهو يرى السعاده من محبوبه في كل صور الحياه و العمر نعيم زي هنا زي عذاب زي ضنا

كله حلو طالما جاي منك

و هذه عظمة السنباطي صراحة فهو يرى و يقرأ ما بين السطور

نكمل و نشوف الست عملت ايه بقى

[حسام يوسف]

معلش بقى يا عم زهيري

انت المايسترو فى القعدة دي

وانا ساقط فى المقامات ومش فاهمها

و(المقام )ليك طبعا

سؤال لو تكرمت

هوة ينفع الملحن يغير من مقام للتانى جوة الاغنية الواحدة؟

وهل ده ما بيأثرش على روح الأغنية وشخصيتها؟

[MZohairy]

معلش بقى يا عم زهيري

انت المايسترو فى القعدة دي

وانا ساقط فى المقامات ومش فاهمها

و(المقام )ليك طبعا

سؤال لو تكرمت

هوة ينفع الملحن يغير من مقام للتانى جوة الاغنية الواحدة؟

وهل ده ما بيأثرش على روح الأغنية وشخصيتها؟

طبعا يا حسام ممكن يغير جدا

و ارجع الى آخر مداخله ليا في الموضوع حتلاقي السنباطي دخل و خرج في اربعة مقامات في الكوبليه التاني لجددت حبك ليه

و عموما بيتقال الاغنيه دي مقام كذا بناء على اول حته في الاغنيه غالبا

[MZohairy]

عدنا........

[MZohairy]

موعدنا اليوم اصدقائي المستمعون مع الغواصه النوويه العجيبه ذات المحرك ذو الأربعة الاف سيلندر

غلبت اصالح في روحي

للرقيق المبدع أحمد رامي

و المنفجر الموهبه اللحنيه رياض السنباطي

و أم كلثوم!!!

القاهره

1947ـــــــــــــــــــــــــــــــــــــــــــــــــــــــــــــــ

قال رامي كنت متخاصم مع ام كلثوم وكانت مدة الخصام قد طالت لمدة شهرين فبعثت لها اغنية

غلبت اصالح في روحي

ولم احضر معها البروفات ولا اي شيء وفي اول حفل للأغنية وهو جالس في الصف الأول وبعد ان غنت ام كلثوم

الغنوة لم ادخل للكواليس كالعادة لكي اقابلها وجلست في مقعدي ففوجئت بمن يأتي يخبرني ان ام كلثوم تريد رؤيتك

فذهبت لها خلف الكواليس

وما ان مددت لها يدي حتى فوجئت انها انحنت وقبلت يدي فتفاجئت وقلت لها ماهذا يا ثومة فقالت لي بتأثر شديد:

انا آسفة يا رامي اني سببت لك كل هذا التأثر من خصامنا لدرجة انك تكتب كلمات بديعة ورقيقة كهذه التي كتبتها في غلبت اصالح في روحي

فانفجرت باكيا معها وراح الخصام

[MZohairy]

غلبت اصالح فى روحى عشان ماترضى عليك

من بعد سهدى ونوحى ولوعتى بين ايديك

صعبان على اللى قاسيته فى الحب من طول الهجران

مااعرفش ايه اللى جنيته من بعد مارضيت بالحرمان

فضلت اقول الزمان غير على البعد حالك

والا الرضا بالهوان كتر على دلالك

وانا اللى اخلصت فـ ودى وفضلت طول العمر امين

ياخد الزمان من ويدى وقلبك انت على ضنين

كنت اشتكى لك ايامى واشكى لمين ظلمك لى

وكان رضاك نور احلامي لما الزمان يقسى على

صبحت اشكى منك لروحى وفضلت اخبى عنك جروحى

وبعدت عنك والفكر كان دايما ويالك

والقلب منك غضبان فى دنيا الحب معاك

مجروح وضامم جناحه على الجراح اللى فيه

اليل يردد نواحه طول ما اليفه مجافيه

لما الزمان اللى غدر به بعدك وكنت نديم شكواه

رماك وجه السهم فى قلبه عطف عليك والوجد ضناه

حتى الزمان اللى كان عطفك يعينى عليه

خلانى ارضى الهوان واسلم الروح اليه

واسال عنك والقلب كان غضبان منك

واحمل همك وانا اللى طول بعدى ماهمك

وابات اصالح فى روحى عشان ماترضى عليك

وانسى سهادى ونوحي ولوعتي بين ايديك

http://fnanen.net/index.php?option=com_res...mp;article=6285

تم تعديل 14 أكتوبر 2009 بواسطة mzohairy