حملات للقبض على المجاهرين بالإفطار في شوارع أسوان

[حسام يوسف]

يقوم رؤساء مباحث مراكز أسوان بتنفيذ حملات يومية بالشوارع للقبض على المجاهرين بالإفطار فى نهار رمضان. حيث وصل عدد المجاهرين الذين تم القبض عليهم منذ بداية شهر رمضان إلى 155 شخصا.

وأكد مصدر أمنى مسئول أن الهدف من تلك الحملات هو ضبط الأمن العام بالشارع لتخفيف حدة الجريمة والمشكلات احتراما لشهر رمضان الكريم.

إلى ذلك أسفرت حملة ليلية مكبرة نظمتها مباحث أمن الدولة بالتنسيق مع المباحث الجنائية ومكتب المخدرات بأسوان عن ضبط 72 مشتبها فيهم بمدينة كوم أمبو.

وشارك فى الحملة 14سيارة ما بين أمن مركزى وترحيلات وسيارات بوكس صغيرة تحمل أكثر من 100ضابط وجندى.

وبالكشف عن المشتبه فيهم تبين أن هناك 5 فقط عليهم أحكام جنائية فتم احتجازهم والإفراج عن الباقين وعددهم 67 شخصا

المصدر فى الكلام السابق جريدة الشروق

-_-

[حسام يوسف]

العبدلله من أسوان يا جماعة المشكلة بتبقى مش بس أن البعض بيجاهروا بالافطار

المشكلة فى بعض الفئات الضالة اللى بتدخن سجاير عادية ومش عادية فى نهار رمضان

نهارا جهارا

انا لا مع الوهابية والتشدد ولا العلمانية كمان

لكن بجد لما تشوف واحد وخصوصا السواقين بيشربوا سجاير وبانجو كدة عيني عينك يبقى بجد منظر مقرف

[التونسى]

تعالى شوف اسكندريه وشواطئها اخى الكريم ..مش جهر بالافطار فقط .. دا جهر بالعرى كمان .. بغض النظر عن ملة وديانة مرتادى الشواطئ .. ومش حقولك شرم الشيخ .. لان ما يحدث هناك فى القرى السياحيه اثناء الشهر الكريم لا يقال ولا يحكى

صعب يتم تطبيق الحملات دى فى اى مكان فى مصر .. لان طبيعة مصر تختلف عن طبيعة بلاد زى السعوديه او ايران او السودان او حتى الصومال .. عشان بس اللى بيعتقد اننا دولة اسلاميه بجد.. او زعلان اوى ان الدستور بيقول كده .. ليس كل ما هو مكتوب مفعل على ارض الواقع ((عارف انه كلام بعيد عن اصل الموضوع بس جه على بالى فحبيت اذكره كفكره اعترضتنى اثناء كتابة مداخلتى))

انا شايف ان المساله هى محض التزام أخلاقى من الشخص المفطر بينه وبين نفسه مهما كانت ملته ..ان يستتر بافطاره ((اذا بليتم فاستتروا)) .. وليست بحملات او غيرها

كنت اعمل فتره ضمن احدى مؤسسات اوراسكوم وكان معظم العاملين مسييحين .. وكانوا اثناء شهر رمضان يلتزمون بعدم الاكل او الشرب او التدخين امامنا ((ك قله مسلمه)) .. بل كانوا يؤخرون موعد غذائهم ليتوافق مع موعد افطارنا كى يجمعنا كلنا مائدة طعام واحده حيث كنا نسكن ونعيش وننام سويا بمساكن المؤسسه لشهور

[Alshiekh]

يقوم رؤساء مباحث مراكز أسوان بتنفيذ حملات يومية بالشوارع للقبض على المجاهرين بالإفطار فى نهار رمضان. حيث وصل عدد المجاهرين الذين تم القبض عليهم منذ بداية شهر رمضان إلى 155 شخصا.

وأكد مصدر أمنى مسئول أن الهدف من تلك الحملات هو ضبط الأمن العام بالشارع لتخفيف حدة الجريمة والمشكلات احتراما لشهر رمضان الكريم.

إلى ذلك أسفرت حملة ليلية مكبرة نظمتها مباحث أمن الدولة بالتنسيق مع المباحث الجنائية ومكتب المخدرات بأسوان عن ضبط 72 مشتبها فيهم بمدينة كوم أمبو.

وشارك فى الحملة 14سيارة ما بين أمن مركزى وترحيلات وسيارات بوكس صغيرة تحمل أكثر من 100ضابط وجندى.

وبالكشف عن المشتبه فيهم تبين أن هناك 5 فقط عليهم أحكام جنائية فتم احتجازهم والإفراج عن الباقين وعددهم 67 شخصا

المصدر فى الكلام السابق جريدة الشروق

-_-

اعتقد ان الخبر بهذا الشكل له مدلولين

اما ان رؤساء مباحث اسوان لايعرفون الطريقة السليمة لصناعة الويكا

او ان صحفى جريدة الشروق مايعرفش الفرق بين الملوخية وام على.

ان يتم تغريم سائقى المركبات العامة لانهم يدخون فى رمضان او شوال اى صفر ، فهذا امر واجب بحكم القانون ، لكن ان يقتصر الامر على رمضان لدواعى دينية ، فلست ادرى ان كانت رئاسة المباحث تابعة لوزارة الداخلية ام تتبع الهيئة

اما القبض على المجاهرين بالافطار فى نهار رمضان ، فاعتقد انه ليس من حق كائم من كان ان يفعل ذلك.

النقطة المثيرة حقا للبكاء هى فى الخبر الذى يليه

القبض على 72 مشتبه بهم ثم الافراج عن 67 مقبوض عليهم بطريق الخطأ

ماهى المعايير التى على اساسها تم القبض على هذا العدد الكبير من المواطنين الابرياء؟

ماهى معايير الاشتباه التى على ضؤها تبين ان 94% ممن تم القبض عليهم ليس لهم ذنب الا انهم يعيشون على ارض مصر؟

هل من ضمن تلك المعايير ان يكون المقبوض عليه ملتحى مثلا؟ او يكون قد نسى حلاقة ذقنه؟ ام ان يكون لايحمل معه كارنيه يثبت فيه هو ابن مين فى مصر؟

هل المعايير ان يتم القبض على كل من يسوقه حظه العاثر للخروج ليلا ليتم القبض عليه؟ وهل هناك من يمكنه ان يعيد لهؤلاء الابرياء حقوقهم؟

اعتقد ان هناك الكثير والكثير يجب ان يثار حول هذ الخبر

واتعجب من ان تنقل الشروق خبرا كهذا بدون استنكار ماحدث.

[doha]

هو الخبر كده على اطلاقه غريب .. يعني اعتقد صعبه اوي ان يمشوا في الشارع يقبضوا على اي حد لمجرد انه فاطر .. بس بما انهم حددوا في الخبر اسوان فده يخليني مقدرش اعلق عليه لسبب بسيط ..

ممكن في جماعات في اسوان من البلطجية مثلا او مسجلي الخطر اعتادوا التجمع في امكان معينة والمجاهره بافعال مشينة من ضمنها الافطار علانية قال يعني ( مبيهمهمش حد ) .. وبما ان اسوان تعتبر صغيره مقارنة بالقاهرة فاكيد حاجه زي كده هتكون معروفه لاهلها وبالتالي لما يقولوا القبض على مجاهرين فاهل اسوان فاهمين ضمنيا ان المقصود الجماعه اياهم الي بتشوفوهم قاعدين ادينا بنخلصكم منهم والسبب مش لانهم بيفطروا بل لانهم ( بيفجروا ) وافطارهم احد مظاهر الفجور ده مش كله .. وفي الحاله دي هيبقى الخبر طبيعي جدا وفي سياق مقبول ..

انا بقول اعتقد وقد يكون الامر غير ذلك ولكن هذا مااميل لاعتقاده ..

[لولا]

فعلا خبر غريب .. لا استطيع استقراء ان الفائدة العائدة منه توازى حتى الضرر الذى تتسبب به للمواطنين

عفوا ..

فعلا بلد مثل مصر بأطيافها الدينية حقا لا افهم مجرد التفكير بالنزول للشارع للقبض على من يفطر !

عندى سؤال قد يبدو سخيف ..

واحد فاطر فى رمضان وجاهر بانه فاطر ماهو عقابه فى القانون لو سمحتوا ؟؟ يعنى فى عقاب أصلا لمن يجاهر بالفطر فى بلد مثل مصر لها وضع خاص ؟؟

[MZohairy]

هم بيقبضوا على المسلمين بس ولا اي واحد بيفطر من غير المسلمين كمان؟

[لولا]

هم بيقبضوا على المسلمين بس ولا اي واحد بيفطر من غير المسلمين كمان؟

أعتقد حيشوفوا البطاقه الأول قبل تحديد جنايه المتهم !!

[مصري المصري]

من حق من أراد الإفطار أن يفطر وحسابه عند ربه .. أما أن يجاهر بالإفطار في الشارع في نهار رمضان فهذا ليس من حق أحد لأن فيه إيذاء لمشاعر المسلمين في هذا الشهر الكريم ..

[MZohairy]

من حق من أراد الإفطار أن يفطر وحسابه عند ربه .. أما أن يجاهر بالإفطار في الشارع في نهار رمضان فهذا ليس من حق أحد لأن فيه إيذاء لمشاعر المسلمين في هذا الشهر الكريم ..

الكلام ده على المسلمين بس يا مصري ولا المسيحيين كمان؟

و اذا كان المسيحيين في الموضوع

هل من الممكن ان يتم التعامل بالمثل على كل مسلم ياكل لحمه و فراخ في اوقات صيام المسيحيين؟

شكرا

[ozoozo]

كان في حادثه قبض علي اثنين من الاوروبيين الغير مسلميين-مش فاكر جنسيتهم- من حوالي سنتين في دبي-واخدين بالكم دبي اهو التي تعتبر علمانيه99%-

وذلك لانهم جاهروا بالاكل في نهار رمضان وتم الافراج عنهم بعد اعتذارهم واخبارهم بانهم لا يعلمون بخصائص الشهر الفضيل

لذلك لا داعي لجلد مصر اكثر من ذلك

وان حاولو ان يفعلو شيئا صحيحا ولكن طبقوه بطريقه خاطئه

قكل الاحترام لهم فقط لشرف المحاوله

تم تعديل 30 أغسطس 2009 بواسطة ozoozo

[الباشمهندس ياسر]

وضع طبيعى جدا و المفروض ان الاحترام يبقى موجود

و للتاريخ هقول

ايام ما كنا ف الجامعه ( كنت طالب مغترب )

كانوا زمايلنا المسيحين اللى ساكنين مع مسلمين ف الشقق بيفضلوا صايمين معانا طول النهار و يفطروا معانا المغرب

و ف سنة من السنيين تصادف الثلاثين مع الخمسين ... كانوا النصارى يصوموا لحد المغرب و نفطر كلنا أكل صيامى

دى كانت الروح السائدة بيننا

حتى لما كنا بنطول ف الكلية و ده العادى بتاعنا ... كانوا بيروحوا يدخنوا ف الجراج ... شوف الادب و الاحترام كان لغاية فين بيننا

[الباشمهندس ياسر]

الكلام ده على المسلمين بس يا مصري ولا المسيحيين كمان؟

و اذا كان المسيحيين في الموضوع

هل من الممكن ان يتم التعامل بالمثل على كل مسلم ياكل لحمه و فراخ في اوقات صيام المسيحيين؟

شكرا

انا كتبت مداخلتى اللى فوق من غير ما أشوف المداخلة دى

بس هقولك نقطة واحدة

المسلم اللى يجاهر بالفطر يطبق عليه التعزير .. او زى ما يشوف وكيل النيابة باعتبار انها هتبقى تهمة

انما المسيحى اللى هيجاهر بالفطر ... فالسؤال اللى بيفرض نفسه ... هو ليه بيعمل كده؟؟؟

ليه ماشى كل المسحيين ؟؟

افتكر انى حكيت عن زمايلى ايام الجامعه

و هحكيلك عن جارى ف الشارع

عندنا ف الشارع حوالى اربع محلات جنب بعضها مسحيين و من بلد واحدة كمان

مفيهمش ولا واحد بيدخن سيجارة ف الشارع ولا واحد بياكل ولا واحد بيشرب ولا واحد فيهم ممكن يضايقك او يعمل حاجة تحسسك انه مش اخوك

و بالتالى .. الامان متوافر تماما

يعنى انا لما كنت بشطب شقتى ... كنت بديهم المفتاح و نرتب مع بعض الشغل اللى هيتعمل و امشى اشوف مصالحى

طب بلاش جيرانى

انا والدى عنده مكتب مقاولات ... الحداد اللى بيشيل الشغل بتاعنا كله .. مسيحى اسمه خميس .. اصلا م اسيوط تقريبا و طبعا كل الحدادين اللى معاه نصارى برده

خميس ده بيدخن شيشه .. اليومين دول انا بتابع الشغل لانى ببنى عمارة بتاعتى... و بالصدفة العمارة دى جنب المخازن بتاعتنا

كل ما يحب يدخن حجر او يتغدى او يشرب شاى ..هو او اى حد من الصنايعية بتوعه .. يجى المكتب يقول بعد اذنكم هدخل اعمل مصلحة جوه

شوف الاحترام واصل لغاية فين... مبيقولش داخل ادخن او اكل او اشرب ... هى دى طبيعة العلاقة يا عم زهيرى

و بالتبعية ... احنا بالنسبة لخميس .. اكتر من اخوانه... افتكر انه حب يبنى لنفسه بيت ووقفت معاه على فلوس الخامات

عايزك بقى تفكر مين اللى جابله الخامات كلها و حاسبه عليها براحة الراحة

زهيرى

بلاش كلام يجيب مشاكل و تفكير ف حاجات ممكن تشيل الصفا من القلوب

احنا قلوب واحدة و مأمنين بعض على بعض

[MZohairy]

مانا عايز افهم التفاصيل بس يا ياسر

[مصري المصري]

زهيري باشا :

كلامي ينطبق على المسلمين ..... والمسيحيين

وأنا متأكد أن كل من قبض عليهم يجاهرون بالإفطار في نهار رمضان من المسلمين الغير ملتزمين فإخواننا المسيحيين في مصر ( وهذه حقيقة معروفة للجميع ولا أزايد بكلامي هذا ) يحترمون مشاعر المسلمين الصائمون في رمضان ..

ونحن في الأول والآخر دولة مسلمة تدين بدين الإسلام والصيام هو الفرض الرابع بعد الشهادة والصلاة والزكاه ولا بد من احترامه ..

والعكس أيضاً صحيح فلا بد من الأخذ على يد كل من لا يحترم شعيره هامة وأساسية في الدين المسيحي ( مجاهراً ) سواء أكان مسلم ام مسيحي ..

يا زهيري صدقني إن منظر من يتسكعون وهم مجاهرين بالإفطار في نهار رمضان يؤذي مشاعر المسلمين وأؤكد لك أنك أنت نفسك إذا رأيت واحد منهم ستجد نفسك مضطراً إلى ضربه بال ..... .

[MZohairy]

زهيري باشا :

كلامي ينطبق على المسلمين ..... والمسيحيين

وأنا متأكد أن كل من قبض عليهم يجاهرون بالإفطار في نهار رمضان من المسلمين الغير ملتزمين فإخواننا المسيحيين في مصر ( وهذه حقيقة معروفة للجميع ولا أزايد بكلامي هذا ) يحترمون مشاعر المسلمين الصائمون في رمضان ..

ونحن في الأول والآخر دولة مسلمة تدين بدين الإسلام والصيام هو الفرض الرابع بعد الشهادة والصلاة والزكاه ولا بد من احترامه ..

والعكس أيضاً صحيح فلا بد من الأخذ على يد كل من لا يحترم شعيره هامة وأساسية في الدين المسيحي ( مجاهراً ) سواء أكان مسلم ام مسيحي ..

يا زهيري صدقني إن منظر من يتسكعون وهم مجاهرين بالإفطار في نهار رمضان يؤذي مشاعر المسلمين وأؤكد لك أنك أنت نفسك إذا رأيت واحد منهم ستجد نفسك مضطراً إلى ضربه بال ..... .

يا عم انا معترضتش

انا عايز افهم الموضوع بس

[الباشمهندس ياسر]

الكلام ده على المسلمين بس يا مصري ولا المسيحيين كمان؟

و اذا كان المسيحيين في الموضوع

هل من الممكن ان يتم التعامل بالمثل على كل مسلم ياكل لحمه و فراخ في اوقات صيام المسيحيين؟

شكرا

انا كتبت مداخلتى اللى فوق من غير ما أشوف المداخلة دى

بس هقولك نقطة واحدة

المسلم اللى يجاهر بالفطر يطبق عليه التعزير .. او زى ما يشوف وكيل النيابة باعتبار انها هتبقى تهمة

انما المسيحى اللى هيجاهر بالفطر ... فالسؤال اللى بيفرض نفسه ... هو ليه بيعمل كده؟؟؟

ليه ماشى عكس كل المسحيين ؟؟

افتكر انى حكيت عن زمايلى ايام الجامعه

و هحكيلك عن جارى ف الشارع

عندنا ف الشارع حوالى اربع محلات جنب بعضها مسحيين و من بلد واحدة كمان

مفيهمش ولا واحد بيدخن سيجارة ف الشارع ولا واحد بياكل ولا واحد بيشرب ولا واحد فيهم ممكن يضايقك او يعمل حاجة تحسسك انه مش اخوك

و بالتالى .. الامان متوافر تماما

يعنى انا لما كنت بشطب شقتى ... كنت بديهم المفتاح و نرتب مع بعض الشغل اللى هيتعمل و امشى اشوف مصالحى

طب بلاش جيرانى

انا والدى عنده مكتب مقاولات ... الحداد اللى بيشيل الشغل بتاعنا كله .. مسيحى اسمه خميس .. اصلا م اسيوط تقريبا و طبعا كل الحدادين اللى معاه نصارى برده

خميس ده بيدخن شيشه .. اليومين دول انا بتابع الشغل لانى ببنى عمارة بتاعتى... و بالصدفة العمارة دى جنب المخازن بتاعتنا

كل ما يحب يدخن حجر او يتغدى او يشرب شاى ..هو او اى حد من الصنايعية بتوعه .. يجى المكتب يقول بعد اذنكم هدخل اعمل مصلحة جوه

شوف الاحترام واصل لغاية فين... مبيقولش داخل ادخن او اكل او اشرب ... هى دى طبيعة العلاقة يا عم زهيرى

و بالتبعية ... احنا بالنسبة لخميس .. اكتر من اخوانه... افتكر انه حب يبنى لنفسه بيت ووقفت معاه على فلوس الخامات

عايزك بقى تفكر مين اللى جابله الخامات كلها و حاسبه عليها براحة الراحة

زهيرى

بلاش كلام يجيب مشاكل و تفكير ف حاجات ممكن تشيل الصفا من القلوب

احنا قلوب واحدة و مأمنين بعض على بعض

التعديل هنا لاضافة كلمة عكس التى سقطت سهوا

[الباشمهندس ياسر]

مانا عايز افهم التفاصيل بس يا ياسر

طب صلى على النبى

عايز تفهم ايه بالظبط و انا معاك

[se_ Elsyed]

هو مش جهاز الشرطة يعتبر الجهة التنفيذية التابعه لولي الأمر برضوا ؟

طب وولي الامر مش مطلوب منه الامر بالمعروف والنهي عن المنكر ومعه عامة الشعب ولكنه منوط بهذا الدور اكتر عشان هو صاحب السلطة ؟

يقوم لما يعمل كده في مره نستنكر وندين ونقول حريه وملوخيه ؟

يعني واحد مجاهر وقليل الادب ... نسمي عليه ولا ندلعه ونقول له براحتك

[سهل جدا]

هو الناس مستغربة ليه

إذا كان اللي بيفطر بعذر شرعي (مرض- سفر- عذر المرأة المعروف) لا يحق له إنه يجاهر بفطره

لأن دا فيه انتهاك لحرمة الشهر الكريم

ولأن فيه إيذاء لمشاعر باقي المسلمين الصائمين..

وولي الأمر من مهامة الأساسية حفظ الدين كما أن من مهامه كذلك حفظ الدنيا..

فيحق له تعذير المخالفين بأي طريقة يراها تردعهم.