أزمة سيولة

[Advisor]

تعبير "أزمة سيولة" هو مجرد تعبير شيك يقصد به "إعسار مالى" و قد تتبعت موضوعاتك منذ إعلانك عن شقق فى عين شمس و كان أول مشروعاتك و كان هذا فى سبتمبر سنة 2009 و أضفت مشاركة http://www.egyptiantalks.org/invb/index.ph...st&p=514417 أسأل فيها عن خبرتك فى البناء و كان ردك أنه ليس لك سابقة أعمال.

ما سبق كان إستهلالا لابد منه

ما أتصوره أنك حاولت الدخول فى ميدان البناء على أساس الصورة الوردية و هى جمع مقدمات الشقق و تضعها فى البناء أى أن تبيع شقق ما زالت فى علم الغيب - و هذا يحدث - فى ظل ظروف إقتصادية واعدة جدا لصناعة البناء.

و لأنك موظف مازلت تحمل رأس الموظف بين كتفيك فقد فوجئت بالتغيرات الإقتصادية فى سوق العقارات و الموظف حالة إعساره يحاول الإبقاء على كل شئ كما هو و يبحث عن مصدر تمويل لحين ميسرة

أما التاجر أو المقاول الحقيقى فعنده من أدوات مهنته حلول عديدة للإعسار المالى من "غوايش مراته" حتى تغيير النشاط كلية .... المقاولون مع بعضهم يتداخلون و يتخارجون و لهم قواعد و تقاليد تجعلهم يتآذرون وقت الأزمات.

إبحث عن عدد من المقاولين الناجحين و حاول أن تعرض عليهم حالتك بكل صراحة لأنهم بالتأكيد يعرفون حالتك أكثر مما تعرفها أنت .... و لا تأخذ مظهر التحدى و لكن مظهر من "يبحث عن لقمة عيش" بجوارهم.

هذا ما يفعله التجار و رجال الأعمال و الأمر تزداد سهولته كلما كان لك ماض أطول فى مجال النشاط.

المهم ألا تعتبرها الطامة الكبرى و إذا لم تستطع أن تندمج فى مجال المقاولات فما زال بإمكانك أن تبحث عن مجال آخر.

أدعو الله لك بالتوفيق

تم تعديل 24 فبراير 2010 بواسطة Advisor

[الباشمهندس ياسر]

السلام عليكم

شوف يا باشمهندس ياسر انا كنت تقريبا قى نفس موقفك من 8 شهور تقريبا وكنت اكثر منك انى اشترت ارض وطلعت المهلة بتاعتها قريبة وهتنسجب ويضيع علي اللى دفعته كله انا كنت عامل حسابى ان المدة سنتين ونص طلعت 6 شهور بس بسبب لعب السماسرة لكن ربك فرجها من عنده وكان عندى اقساط شهرية كبيرة جدا جدا

فيه حاجات تحدد نوع الجل ازاى هاقولك :

- نسبة البيع فى كلا من البرجين كام وكم عدد الشقق اللى لسه ما اتباعتش

- واصل لاى نقطة وطابق فى البناء

- ايه مواعيد التسليم المفترضة

- كم المبلغ اللى انت شايف انه هيحل ليك الازمة

- الارض الثالثة دى ليها مهلة ولا مفتوحة وهل تعاقد على اى شقق للبيع فيها

- انت شكلك داخل فى البرجين نظام مشاركة بالمبانى وحد ثانى بالارض صح ؟

لو جاوبت على الاسئلة ان شاء الله هاقدر اساعدك واديك جل بمساعدة الاخوة معنا

اهلا استاذ رؤوف

فعلا البرجين الاولين مشاركة بالبناء فقط و بالمناسبة انا اوشكت علي انهاء اعمال البناء

يعني اللي فاضل ف العقار الاول .. 5 طوابق و انا مش فيه لوحدي ... انا دخلت بحصة مش اكتر مع مقاولين تانيين

البرج التاني فاضل فيه...3 طوابق مش اكتر و تكاليفهم مش قضية اطلاقا

عندي ف الحوض المالي بتاع الطواريء اللي هيكفيهم و ادخل علي تشطيبات الواجهات و الليلة دي

التالت و الجديد نوفي ... ملوش ف حوار المدة لانه ف القاهرة و ليس ف المدن الجديدة

و بعدين المسالة بسيطة اوي

يا اما هبيع الارض الجديدة و اوفر سيولة كويسة .. و مش هعمل كده ابدا ابدا..الارض كل يوم قيمتها بتزيد و انا اشتريت بسعر كويس

اعتقد ياباشمهندز انك عبقرى ومعاك الحل جاهز لانك راجل عندك خبرة وتعمل بالسوق ودايما انت بتعرف تقريبا الى اين تتجة الريح مستقبلا بمشيئة اللة ثم بخبرتك

وايضا الاخوة الافاضل هبوا وتدافعوا بأرائهم السديدة وانا على يقين ان ماتحكية اجملا عن الموضوع لن يضع لة حل شخص غيرك مهما كان لانك ادرى بكل التفاصيل التى تساعدك فى العثور على الحل ومما سبق يبدوا ان لك شركاء بصورة او باخرى فيجب عليهم ايضا مساعدتك فى وجود احل

وكما نعرف جميعا ان الهلكة فى الاقتراض من البنوك بلاضافة الى انها حرام فلماذا لاتلجأ الى القرض المحلى يعنى من احد المعارف الذى يضمنك وتضمنة وبدون فوائد طبعا

ثم انك تتحدث فى عدم سيولة مامقدار هذة السيولة التى تتحدث عنها ربما تجد من يساعدك يابو عمو قلبى عندك والله يعينك

كفاية دعواتك يا استاذنا

بس انا مبحبش القروض من حد

ولا حد يبقاله جميلة ولا الكلام ده من اساسه

انا هقولك تعليق كنت المفروض اقوله يمكن مش بحبه اوى بس اهو حل يمكن ينفعك

روح اسال فى بنك فيصل انا سمعت قبل كدة (وليس عن تجربة) انه نظامه كويس فى الاقتراض وكنت سمعت نصيحة للشيخ محمد حسان ان الناس تتعامل معاه (والله أعلم)

فيه حاجة تانية لو تاشيرتك بتاعة السعودية شغالة اظن انك ممكن تاخد قرض شرعى من اى بنك فى السعودية وبردوا الفايدة السنوية سعرها اقل من مصر بكتير

(من حق يا بشمهندس لونجحت فى حل مشكلة السيولة دى واخدت مخاطرة على نفسك اتوقع لك نجاح باهر فى المستقبل القريب ربنا يوفقك ويوقفلك ولاد الحلال ويسد ديونك)

تسلم يا حسام علي شعورك الطيب

و مسيرها تتظبط ان شاء الله

مسألة وقت مش اكتر

[الباشمهندس ياسر]

أدعو الله لك بالتوفيق

شكرا علي دعائك الطيب

[raouf]

حبيبى ياسر

اولا قول الحمد لله انت مش فى ازمة اطلاقا انت تلاقيك كنت مخنوق شوية ساعة فتح الموضوع امورك سهلة ان شاء الله وهقولك ليه :

- الارض لا تبيعها وطالما داخل القاهرة فلا يوجد اى مهلة و بالتالى اتركها شوية وما تفكرش فيها ده لو عايز تبنيها لوحدك وفى حل ثانى اشوفه مناسب الا وهو انك تعكس الموضوع وهو تشوف شريك معاك بالميانى وحاول تاخد انت فرق سعر اذا كانت الارض مميزة زى ما بتقول

- البرج الثالث انت بتقول سهل وان السيولة اللى عندك تغطيه

- لو بعت شقة او 2 فى البرج الثانى حلت جميع مشاكلك

واتوقع ان شاء الله ان العقار هيطيييييييييير قريب مع هذا الصيف لان اسعار المواد هتعلى ومفيش حد اشنرى السنة اللى فاتت

انا كل اللى اعرفهم معايا هنا نازلين يشتروا السنة دى بس معظم اللى بره مصر بيقكر فى التجمع وبدر والشروق

مدينتى هيتعمل ليها افتتاح اسطورى زى برج دبى كده واعتقد ان مع الصيف الامور هتبقى تمام

- النصيجة الاخيرة لا تقوم ينظام الحرق علشان ما تندمش ولو مصمم انك تحرق شقق ابعتلى على الخاص كل التفاصيل وربك يسهل ممكن اخلص فيهم او اشوفلك جد يخلص بس اهم شىء الرخص و التسجيل تمام

تم تعديل 25 فبراير 2010 بواسطة raouf

[أشرف محمد]

بسم الله الرحمن الرحيم

الأخ المهندس / ياسر

تحية طيبة و بعد 000

قمت بالإطلاع على موضوعك ( شقق تمليك 000 خلف مدينة بدر ) الموجود في باب فرص إستثمارية و الذي أشار إليه السيد الأستاذ / ADVISOR المنتدى في مشاركته الكريمة رقم 21 و المنشورة اليوم بهذا الموضوع و لقد لفت نظري أمر هام يدعوني إلى توجيه سؤال لحضرتك أرجوا الإجابة عليه وهو :

كيف حصلت على ترخيص ببناء برج إرتفاعة 10 أدوار في حين أن عرض الشارع كما ذكرت حضرتك 10 م ؟؟؟

أخي الفاضل :

ينص قانون البناء الموحد بأن أقصى إرتفاع مسموح به هو مرة و نصف عرض الشارع أي أن أقصى إرتفاع لديكم يجب أن لا يتجاوز 15 م أي خمسة أدوار ، فكيف حصلت على ترخيص بعشرة أدوار ؟

أرجوا الإجابة

مهندس / أشرف محمد

تم تعديل 25 فبراير 2010 بواسطة أشرف محمد

[الباشمهندس ياسر]

بسم الله الرحمن الرحيم

الأخ المهندس / ياسر

تحية طيبة و بعد 000

قمت بالإطلاع على موضوعك ( شقق تمليك 000 خلف مدينة بدر ) الموجود في باب فرص إستثمارية و الذي أشار إليه السيد الأستاذ / ADVISOR المنتدى في مشاركته الكريمة رقم 21 و المنشورة اليوم بهذا الموضوع و لقد لفت نظري أمر هام يدعوني إلى توجيه سؤال لحضرتك أرجوا الإجابة عليه وهو :

كيف حصلت على ترخيص ببناء برج إرتفاعة 10 أدوار في حين أن عرض الشارع كما ذكرت حضرتك 10 م ؟؟؟

أخي الفاضل :

ينص قانون البناء الموحد بأن أقصى إرتفاع مسموح به هو مرة و نصف عرض الشارع أي أن أقصى إرتفاع لديكم يجب أن لا يتجاوز 15 م أي خمسة أدوار ، فكيف حصلت على ترخيص بعشرة أدوار ؟

أرجوا الإجابة

مهندس / أشرف محمد

منور الدنيا يا هندسة

المبني من غير اي تراخيص خااااااااااااااااالص

و لو حضرتك زرت المكان هناك هتفأجا بكمية من الابراج غير طبيعية

يعني سلو البلد يا مدير

انما اطمن ... البرج الجديد هيبقي بتراخيص و زي الورد

[الباشمهندس ياسر]

السلام عليكم

أشكر مشاعركم الجميلة ددا ددا

و محاولاتكم الكريمة لابداء النصح و الارشاد الي طريقة الخروج من هذه الازمة

بس بالصلاة علي النبي ... اللهم صلي و سلم عليه

انا حليتها بالطريقة التالية

غيرت سياسة البيع

ازاي بقي

انا كنت برفض اي بيع بنظام الاقساط و مصر اصرار اني ابيع كاش و بس

و لما وصلت للمرحلة دي اخدت القرار

و فعلا بمجرد ما اتكلمت في اني موافق ابيع قسط لقيت عرضين ف نفس اليوم

يعني يا ميسر الحال يا رب

الازمة هتخلص ف خلال مدة بسيطة جدا

[الأقصرى]

مهندس ياسر

ارائك غريبه فعلا وفيه حاجه مش مفهومه فى الموضوع من اساسه مره تقول شريك ومره صاحب قرار

مين فى مصر بيصر يبيع كاش فى الشق حتى من قبل الازمه الماليه

ومعنى كده ان كل اللى بعته من الشقق قبل كده كان كاش!!!!!!!!!!!!!!!!!!!!!!!!!!!!!

منطقية كلامك غريبه شويه

انا تابعت وشاركت فى الموضوع لان عنوانه قيم فعلا وقلت حنستفيد منه كلنا

ولكن النهاية فكرتى بنهاية الافلام العربى

على العموم تمنياتى لك بالتوفيق سواء فى الاستثمار العقارى او غيره

تحياتى للجميع

[الباشمهندس ياسر]

مهندس ياسر

ارائك غريبه فعلا وفيه حاجه مش مفهومه فى الموضوع من اساسه مره تقول شريك ومره صاحب قرار

مين فى مصر بيصر يبيع كاش فى الشق حتى من قبل الازمه الماليه

ومعنى كده ان كل اللى بعته من الشقق قبل كده كان كاش!!!!!!!!!!!!!!!!!!!!!!!!!!!!!

منطقية كلامك غريبه شويه

انا تابعت وشاركت فى الموضوع لان عنوانه قيم فعلا وقلت حنستفيد منه كلنا

ولكن النهاية فكرتى بنهاية الافلام العربى

على العموم تمنياتى لك بالتوفيق سواء فى الاستثمار العقارى او غيره

تحياتى للجميع

افلام عربي :closedeyes:

الله يكرمك يا ابو عمو

بس فعلا فيه بيع كاش و البلد مليانة ناس معاها فلوس و امورها مرتاحة....ربنا يزيد و يبارك

و لعلمك بقي

انا كنت رافض تماما مسألة التقسيط لانها بتجيب صداع

بس صداع شوية و لو الناس تعبتني يبقي ع المحامي و قلبك ابيض ... اخف اوي من ان العجلة تقف تماما

[الأقصرى]

كلمة فيلم عربى اقصد بها نهاية الموضوع

مع احترامى الكامل لشخصك الكريم وجميع اعضاء المنتدى

تمنياتى بالتوفيق

[ايهاب سالم]

المبني من غير اي تراخيص خااااااااااااااااالص

و لو حضرتك زرت المكان هناك هتفأجا بكمية من الابراج غير طبيعية

يعني سلو البلد

عمار يا مصر

[الباشمهندس ياسر]

متشكر جدا يا ايهاب ع الاضافة المفيدة جدا

[hOuSsAm]

انا هقولك تعليق كنت المفروض اقوله يمكن مش بحبه اوى بس اهو حل يمكن ينفعك

روح اسال فى بنك فيصل انا سمعت قبل كدة (وليس عن تجربة) انه نظامه كويس فى الاقتراض وكنت سمعت نصيحة للشيخ محمد حسان ان الناس تتعامل معاه (والله أعلم)

فيه حاجة تانية لو تاشيرتك بتاعة السعودية شغالة اظن انك ممكن تاخد قرض شرعى من اى بنك فى السعودية وبردوا الفايدة السنوية سعرها اقل من مصر بكتير

(من حق يا بشمهندس لونجحت فى حل مشكلة السيولة دى واخدت مخاطرة على نفسك اتوقع لك نجاح باهر فى المستقبل القريب ربنا يوفقك ويوقفلك ولاد الحلال ويسد ديونك)

موضوع القرض فى السعودية لغير السعوديين مش كويس

فهو ليه شروط اهمها اقامه ساريه على الاقل 6 شهور وثانيا قيمة المرتب

والفائدة مش بسيطه

مثلا سالت فى البنك الاهلى قالى ممكن تاخد 57600 ريال وترجعهم 2871 ريال شهريا لمدة سنتين يعنى ترجع 68904 تقريبا يعنى الفوايد 11300 ريال

او تاخد 30200 ريال وترجعهم 2871 لمدة سنه يعنى ترجع 34452 يعنى الفوائد بالنسبه للمقيمين غير السعوديين

تمنياتى بالتوفيق

السلام عليكم ورحمة الله وبركاته

على هامش الموضوع وللعلم فقط

اخى الاقصرى

كلامك مظبوط بس فيه معلومتين ناقصين

هو القرض مش مشكلة اوى للمقيمين لان اعرف كذا واحد اخدوه وخلصوه ومكنش عندهم مشاكل

بالنسبة لسعر الفايدة انت سالت فى اغلى بنكين ودلوقتى البنوك فى السعودية بتقدم عروض كويسة للموظفين اللى بيشتغلوا فى شركات عاملين معاهم اتفاقيات والكلام ده شوفته بعينى فى الراجحى وسامبا

سامبا لو فيه اتفاقية بين شركتك والبنك ممكن يديك فايدة ثابتة 4%

والراجحى كانوا قالوا 5.75

وده طبعا بيعتمد عالمرتب وسنوات الاقامة فى السعودية

[ايهاب سالم]

متشكر جدا يا ايهاب ع الاضافة المفيدة جدا

يا باشمهندس مش حضرتك خلاص حلتها ... يعني مش محتاج إضافات مفيده من حد

عندي سؤال محرج شويه

لما حضرتك بتبني برج مخالف لعرض الشارع بدون ترخيص و بتبيعه و بتقول ده سلو البلد و حضرتك قبضت فلوسك و مشيت

الناس اللي إشترت منك الأدوار المخالفه هيعملوا أيه لو الحي طلع في دماغه يزيلها

ده إنت يا راجل مطلعتش رخصه أصلا عشان تخالفها

يعني البرج كله مخالف

إنت بنيت أدوار مخالفه أعلى من المسموح به لعرض الشارع و إنت عارف عشان تكسب زياده و تتحرق الناس اللي هتشتري بعد كده

متقوليش سلو البلد .... ده مش مبرر

أيه اللي يضمن للمشتري إلتزامك بمواصفات البناء ... ده مفيش رخصه أساسا ... و فين مهندسين الحي اللي واقع فيه كل الأبراج دي و بتتبني أمام عنيهم و الا قابضين عشان يسكتوا

أيه يا جماعه الفوضى دي و عمالين نتكلم عن الإصلاح و نتكلم في الدين و في الجد مفيش إلتزام بأي حاجه

تم تعديل 26 فبراير 2010 بواسطة ايهاب سالم

[أشرف محمد]

بسم الله الرحمن الرحيم

الأخ المهندس / ياسر

تحية طيبة و بعد 000

قمت بالإطلاع على موضوعك ( شقق تمليك 000 خلف مدينة بدر ) الموجود في باب فرص إستثمارية و الذي أشار إليه السيد الأستاذ / ADVISOR المنتدى في مشاركته الكريمة رقم 21 و المنشورة اليوم بهذا الموضوع و لقد لفت نظري أمر هام يدعوني إلى توجيه سؤال لحضرتك أرجوا الإجابة عليه وهو :

كيف حصلت على ترخيص ببناء برج إرتفاعة 10 أدوار في حين أن عرض الشارع كما ذكرت حضرتك 10 م ؟؟؟

أخي الفاضل :

ينص قانون البناء الموحد بأن أقصى إرتفاع مسموح به هو مرة و نصف عرض الشارع أي أن أقصى إرتفاع لديكم يجب أن لا يتجاوز 15 م أي خمسة أدوار ، فكيف حصلت على ترخيص بعشرة أدوار ؟

أرجوا الإجابة

مهندس / أشرف محمد

منور الدنيا يا هندسة

المبني من غير اي تراخيص خااااااااااااااااالص

و لو حضرتك زرت المكان هناك هتفأجا بكمية من الابراج غير طبيعية

يعني سلو البلد يا مدير

انما اطمن ... البرج الجديد هيبقي بتراخيص و زي الورد

بسم الله الرحمن الرحيم

أخي الفاضل / المهندس ياسر

تحية طيبة وبعد 000

لا تزعل من مشاركتى بهذا الموضوع فأنا خائف عليك لأن قانون البناء الجديد لا يرحم أحد و علشان تتأكد من صدق كلامي أرجوا قراءة المادة رقم 39 و المادة رقم 102 الخاصة بالعقوبات المقررة على كل من يخالف هذا القانون قراءة جيدة 0

و بأدعوا الله لك أن يسترها معك 0

مهندس / أشرف محمد

[الباشمهندس ياسر]

بسم الله الرحمن الرحيم

أخي الفاضل / المهندس ياسر

تحية طيبة وبعد 000

لا تزعل من مشاركتى بهذا الموضوع فأنا خائف عليك لأن قانون البناء الجديد لا يرحم أحد و علشان تتأكد من صدق كلامي أرجوا قراءة المادة رقم 39 و المادة رقم 102 الخاصة بالعقوبات المقررة على كل من يخالف هذا القانون قراءة جيدة 0

و بأدعوا الله لك أن يسترها معك 0

مهندس / أشرف محمد

ابدا يا هندسة و الله

مفيش زعل

انا عارف ان حضرتك بتتكلم من حرصك الكريم عليا

ربنا يكرمك و يجعله ف ميزان حسناتك

[الباشمهندس ياسر]

متشكر جدا يا ايهاب ع الاضافة المفيدة جدا

يا باشمهندس مش حضرتك خلاص حلتها ... يعني مش محتاج إضافات مفيده من حد

عندي سؤال محرج شويه

لما حضرتك بتبني برج مخالف لعرض الشارع بدون ترخيص و بتبيعه و بتقول ده سلو البلد و حضرتك قبضت فلوسك و مشيت

الناس اللي إشترت منك الأدوار المخالفه هيعملوا أيه لو الحي طلع في دماغه يزيلها

ده إنت يا راجل مطلعتش رخصه أصلا عشان تخالفها

يعني البرج كله مخالف

إنت بنيت أدوار مخالفه أعلى من المسموح به لعرض الشارع و إنت عارف عشان تكسب زياده و تتحرق الناس اللي هتشتري بعد كده

متقوليش سلو البلد .... ده مش مبرر

أيه اللي يضمن للمشتري إلتزامك بمواصفات البناء ... ده مفيش رخصه أساسا ... و فين مهندسين الحي اللي واقع فيه كل الأبراج دي و بتتبني أمام عنيهم و الا قابضين عشان يسكتوا

أيه يا جماعه الفوضى دي و عمالين نتكلم عن الإصلاح و نتكلم في الدين و في الجد مفيش إلتزام بأي حاجه

انت داخل تتخانق و خلاص

بالراحة ... مش كده

ايه بقي ... فيه ايه

اطمن ... الحي مبيهدش حاجة خااااااالص

و اديك شفت لما حاولوا يهدوا عزبة الهجانة باكملها ايه اللي حصل

ياراجل ... هيهدوا مدن باكملها ..الناس فيها اكتر من الديون بتاعت الدولة

النقطة التانية : الالتزام بمواصفات البناء

بص يا سيدي .. الالتزام ده مسالة مفروغ منها ..ليه بقي

لان لو مفيش اساسات تمام و تسليح صح

فالعمارة هتقع مع التحميل قبل ما تخلص اصلا

ثانيا : معظم زباين التمليك بتجيب مهندس معاها قبل ما تشتري

ثالثا : الي بيرسم العمارة و يعمل تسليحها استشاري سعادتك ... تكاليف التصميمات كلام فاضي يعني و ميستاهلش انه يتوفر اصلا

الدين و الجد و الكلام الكبير بتاعك ده نبقي نتناقش فيه بعدين

بس من الدين .. ان الامانة متوفرة و الالتزام بيها فوق رائع

و الشغل هو اللي يشهد بكده

و اني مش ببيع الشقة لاتنين او اكتر ... زي ما بيحصل كتير

و اني بلتزم بمواعيدي و اتفاقاتي

و اني بسلم نفس اللي اتفقت عليه

و اني مش بغش ف حاجة خالص

و اني من امانتي لما بقي عندي مشكلة جيت اخد رايكم بصفتكم اخواني .. انما لو انا عكس كده مش هاجي اشرد لنفسي ع النت

و اخيرا

بالراحة شوية ... انا حسيت انك داخل تتخانق معايا

[Alshiekh]

المبني من غير اي تراخيص خااااااااااااااااالص

و لو حضرتك زرت المكان هناك هتفأجا بكمية من الابراج غير طبيعية

يعني سلو البلد يا مدير

الفاضل / 'الباشمهندس ياسر'

أعذرنى لو سألتك هل انت فعلا مهندس مدنى او انشائى ؟

اسأل ذلك لانك لو كنت كذلك ، فما الفرق بين مقاول كل همه ان يبنى وييبيع ويجرى ، وبين مهندس اقل مايميزه هو معرفته بالقانون.

هل تعلم اننى كنت قد اشتريت شقة فى الطابق الثالث عشر فى عمارة مكونة من 16 عشر طابقا بالاضافة الى دور فيلا كان مزمع اقامتها على سطح الدور السادس عشر على مساحة 450 متر مربع ، وتمت ازالة الثمانية طوابق العلوية تنفيذا لقرار الازالة الصادر من حى المنتزة بالاسكندرية ، وضاعت فيها اموالى التى دفعتها لان صاحب المبنى اصيب بنوبة قلبية مات على اثرها ، ولا زالت الثمانية ادوار الباقية قائمة ومكان العمارة فى ميامى اسكندرية ذات الابراج العالية.

الحقيقة انا مصدوم من فكرة التبجح بمخالفة القانون تحت مسمى " سلو البلد "

[الأقصرى]

انا هقولك تعليق كنت المفروض اقوله يمكن مش بحبه اوى بس اهو حل يمكن ينفعك

روح اسال فى بنك فيصل انا سمعت قبل كدة (وليس عن تجربة) انه نظامه كويس فى الاقتراض وكنت سمعت نصيحة للشيخ محمد حسان ان الناس تتعامل معاه (والله أعلم)

فيه حاجة تانية لو تاشيرتك بتاعة السعودية شغالة اظن انك ممكن تاخد قرض شرعى من اى بنك فى السعودية وبردوا الفايدة السنوية سعرها اقل من مصر بكتير

(من حق يا بشمهندس لونجحت فى حل مشكلة السيولة دى واخدت مخاطرة على نفسك اتوقع لك نجاح باهر فى المستقبل القريب ربنا يوفقك ويوقفلك ولاد الحلال ويسد ديونك)

موضوع القرض فى السعودية لغير السعوديين مش كويس

فهو ليه شروط اهمها اقامه ساريه على الاقل 6 شهور وثانيا قيمة المرتب

والفائدة مش بسيطه

مثلا سالت فى البنك الاهلى قالى ممكن تاخد 57600 ريال وترجعهم 2871 ريال شهريا لمدة سنتين يعنى ترجع 68904 تقريبا يعنى الفوايد 11300 ريال

او تاخد 30200 ريال وترجعهم 2871 لمدة سنه يعنى ترجع 34452 يعنى الفوائد بالنسبه للمقيمين غير السعوديين

تمنياتى بالتوفيق

السلام عليكم ورحمة الله وبركاته

على هامش الموضوع وللعلم فقط

اخى الاقصرى

كلامك مظبوط بس فيه معلومتين ناقصين

هو القرض مش مشكلة اوى للمقيمين لان اعرف كذا واحد اخدوه وخلصوه ومكنش عندهم مشاكل

بالنسبة لسعر الفايدة انت سالت فى اغلى بنكين ودلوقتى البنوك فى السعودية بتقدم عروض كويسة للموظفين اللى بيشتغلوا فى شركات عاملين معاهم اتفاقيات والكلام ده شوفته بعينى فى الراجحى وسامبا

سامبا لو فيه اتفاقية بين شركتك والبنك ممكن يديك فايدة ثابتة 4%

والراجحى كانوا قالوا 5.75

وده طبعا بيعتمد عالمرتب وسنوات الاقامة فى السعودية

الف شكر على الأفاده

انا روحت البنك الاهلى لان الوزاره عندنا بتحول المرتبات عليه ففتحت حساب فيه من اربع سنين

موضوع القرض كان خيار بسبب موضوع المهله بس الحمد لله الموضوع بيتسهل من غير قرض

واكرر شكرى وتقديرى

[الباشمهندس ياسر]

الحقيقة انا مصدوم من فكرة التبجح بمخالفة القانون تحت مسمى " سلو البلد "

نقي كلامك يا استاذ محمد

انت راجل كبير و مينفعش اني ارد عليك

و لنا تبقي تنقي كلامك ... هبقي ارد عليك ان شاء الله