من سيحكمنا.... لو سقط مبارك؟؟؟؟؟؟؟

[لماضة مصرية جدا]

السلام عليكم و رحمة الله و بركاته

طب انا زعلانة منكم....ايون ليه بقي

محدش قال ان ممكن رئيس الجمهورية باذن الله يكون شاب صغير يعني....هو لازم يعني يبقي ستين و طالع :protest:

طبعا السن دوت فيه الخبرة و الحكمة و حاجات كتير....بس كمان محتاجين دم جديد....مين قال ان رئيس الجمهورية يعني يكون بيلعب في الستين و يفضل مآنسنا لغاية التمانين

سبحان الله مش ده السن بتاع المعاش...يعني الناس تستريح....و لا يعني هي الرياسة هتبقي فترة استجمام

حماسة الشباب...

عنفوانه...

قدرته علي التغيير و التجريب...

ليه مش بناخدها في الاعتبار و احنا بنفكر في القيادات السياسية

و اوعي حد يقولي النضج.....

طب ربونا علي النضج و الوعي السياسي و بعدين حاسبونا...و شوفوا هننجح و لا لا

و ع العموم

انا مش هرشح نفسي.....رئيس الجمهورية.....

بس ممكن ابقي السيدة الاولي بنجاااااااااااااح ساحق... :closedeyes:

[لماضة مصرية جدا]

المهم يا استاذة فتفوتة متقلقيش ، خليه بس يموت وأحنا حنتصرف ونجيب واحد بداله.

هو مش برضه الريس متقال ماكانش ريس قبل مايبقى الريس متقال ؟ والا هو اتولد لقى نفسه الريس متقال؟

سؤال سألته لنفسى وقولت افكر معاكم بصوت عالى

ان شاء الله هيموت او يسقط حتى عالاقل وليه نهاية لان ماحدش مالوش نهاية يا أستاذ محمد

لكن ايه اللى جاب الريس متقال؟؟؟؟ وليه يعنى التريقة على اسلوبى؟؟؟؟؟؟؟؟؟

عموما الف شكر لردك يا استاذ محمد

السلام عليكم و رحمة الله و بركاته

ايه يا فتافيتو....انا مش شايفة تريقة و لا اي حاجة

اللي فهمته لاني من اشد معجبين الريس متقال

ان ابسط حاجة في الراجل الفطري دوت....انه مفرضشي اللقب علي نفسه بالعافية....الناس هي اللي اختارت تديله اللقب ده بكامل ارادتها ووعيها و حبها ليه

و عشان كده بقي ريس في مهنته

قيسي بقي نفس الحكاية علي "الريس متقال"اللي احنا عمالين ندعي من امبارح انه يروح يعمل عمرة مع حبيبه بن علي في جدة

هتلاقي....ان صفة المريسة خلاص مبقتشي لايقة عليه بوتاتا

مش خايل فيها بقي خلااااااص

خليها تيجي منه

و يسيب الربابة.....يمكن حد تاني يسمعنا عزف مش نشاز.....كفاية بقي....الناس استوت

دي وجهة نظري

مسااااكي كل الخير

[Alshiekh]

لكن ايه اللى جاب الريس متقال؟؟؟؟ وليه يعنى التريقة على اسلوبى؟؟؟؟؟؟؟؟؟

معقولة يافتفوتة لحد دلوقتى ماتعرفينيش؟ أنا برضه بتاع تريقة؟ ده انا لو اتريقت على الدنيا بحالها مش ممكن اتريق على فتفوتة.

اقرأى مداخلة لماضة وانتى تعرفى قصدى

[pink rose]

انا عن نفسي ارشح دا

عاوزين رئيس يفتح النفس كده

الله يكرمكم شوفوا الفرق

دا احنا و الله غلابة مستحملين الخلقة دي ازاي طول السنين اللي فاتت دي

جد بقى

مش مهم مين يجي بعده احنا مش عاوزين نختار فرعون تاني عشان رمز و خبرة و سياسي قدير و لا قيادي محنك و الكلام اللي بيعمل منهم فراعنة بعد كده و اول من بيتفرعنوا عليه هو احنا

احنا عاوزين قانون يطبق

عاوزين الرئيس يبقى موظف عند الشعب

عاوزينه يؤدي وظيفته لمدة معينة و بعد كده يسلم الراية للي بعده

لكن لو فضلنا ندور على رمز و قائد يجمعنا يبقى احب اقولكم الف الف مبروك على الفرعون الجديد

[ابو محمود]

ولماذا يحكمنا فقط رئيس جمهورية ونبقى زى الهبل نسقف ونعملة فرعون وهنلاقى كثير مننا جريو وراة من اجل المصالحوالفساد يرجع تانى احنا مش بنحرم بصراحة رآيكو محتاج تنقيح ...

لماذا لانكون دولة محترمة رئيس وزراءها هو الحاكم الفعلى والرئيس للدولة منصب شرفى وتكون شغلتة انة يقابل الضيوف او يسد مكان رئيس الوزراء اثناء انشغالة بان يحضر افتتاحات او مشاريع ويكون انتخاب رئيس الوزراء للأصلح وتكون مداولة السلطة بالاقتراع وكل حزب ولو صغير يبقى لة وزراء بالحكومة وعندها لن يتحكم بنا اى شخص لان الوزارة تتغير كل مدة لا تزيد عن 4سنوات ونحاسب الوزير ورئيس الوزراء بدستور حر يوافق علية جميع فئات الشعب ولا يتم تهميش فئة يعنى المسيحى يبقى لة صوت والاسلامى لة صوت ودستورنا يبقى ديمقراطى حر يلغى الطائفية ويتم توزيع الثروة للصالح العام ويكون دستور شفاف لا يحتوى على مواد ضبابية او رمادية او ينصف طائفة اقل على طائفة اكثرية ونتعايش عندها بدون فساد وتغلظ الاحكام على كل مفسد وبلطجى وظالم ويتم تنظيف مؤسسات الدولة التنفيذية وتنقيح وزارة الداخلية من الفساد والمحسوبية وتعديل الرواتب حتى لا يكون هناك رجعة للمفسدين باسم العوز او قلة المرتب

ويتم اتاحة الفرصة لكل زى فكر وقيادة صالحة لقيادة مؤسسات الدولة

والعمل على التكاتف من اجل النهوض بالتعليم والصناعة والزراعة مع الالتزام بكل معاهداتنا التى وقعت والعمل على تفعيل دور المؤسسات الدينية على صورة صحيحة للديانتين وفصل الازهر عن الدولة حتى ينجب لنا علماء خارج السلطة وكذلك معالجة تغييب الثقافة الاسلامية فى معاملة الاخر ونبذة وتصحيح دور المساجد فى ارشاد روادها على التمسك بتعاليم الدين الصحيحة والبعد عن التشنج والجهل وتعليم الاميين لأخراجهم من غياهب جهل التعامل الى تصحيح المسار والاسراع بحل مشاكل الطائفة المسيحية بالعدل ومساواتهم كما يطرح الاسلام من حلول

انشاء دولة المؤسسات والعمل على تنشيط دور المرأة فى ربية النشأ وتعليم المرأة ومساواتها كأدمية فى مجال العمل وعدم التقليل من دورها فى تربية الرجل واظهار انها جزء مهم بالدولة كما بنى الاسلام حضارتة عندما اهتم بها وحافظ على تعليمها ودورها وحمايتها من الأتجار بها كسلعة

الاهتمام بالصحة والعمل على علاج القصور الذى سببة لنا عصر العسكر منذ اكثر من 60 عام

يكون دور القوات المسلحة دور وطنى ويتخلى الجيش عن السلطة تمامآ فلا يصح ان يتحكم الجيش فى تعيين او توظيف من يخرج من الخدمة الا من يدرس ويقدم على دراسات تتيح لة الاتعامل مع المدنية بفكر ناضج وليس كعسكرية صلبة وغير مدنية

يمنع تمامآ تنصيب اى عسكرى او رتبة عسكرية اى مناصب مدنية بعد قضاءة خدمتة ويفصل الجيش عن الدولة ويتم التنسيق بين رئيس الوزراء وقائد الجيش فى الامور السياسية بلجنة تكون تابعة للوزارة من حقها مناقشة وزير الدفاع فى حالة اتخاذ قرارات هامة كالحرب ويكون للوزارة مجلس قومى فى حالة الحرب يتكون من حكماء يتم تعينهم بها لهم خبرات عسكرية واستراتيجية ومدنية للاستشارات فقط ويكون مجلس الوزاراء برئاسة رئيس الوزراء هو من يتخذ المبادرات فى حالة الحرب هو والمجلس القومى (الحكماء ) وعندها ستنتهى كل معاناة نعانيها من ظلم وفساد ويتم تداول السلطة بكل رقى .. اننا كشعب وبعد ما نشاهدة من صحوة لابد من ان نختار من يحكمنا فلقد ولى عهد الخوف والانكسار

[جويرية]

مفروض الأختيار يبقي عن طريق مجلس شوري

مش نظام الأنتخاب الغربي

صناديق خشب وكل واحد يقول رأيه ، يعني واحد غبي و واحد متوسط الذكاء وواحد ذاهب العقل

ممكن يروح يدلي برأيه

ده برضو نظام

طبيب نفسي قال ان البشر منهم 60 % متوسطي الذكاء و 20 % ادني من المتوسط و 20 % اذكياء

اهو احنا من 20% دول عايزين الصفوة من العلماء و القادة هما الللي يختاروا الحاكم

[moory]

السلام عليكم،

انا كنت بسأل نفسي نفس السؤال ده لحد قبل الثورة،

مين في الساحة السياسية ممكن يحكمنا في الوقت الحالي؟ مش شايفين حد خالص ممكن ينفع يبقى رئيس مكان سعادته...

ولكن بعد الثورة، وضحتلي حاجة كنا بنشفها في كل الدول الحرة، بس ما كناش فاهمينها،

الشعب هوا الي بيحكم، مش الحكومة أو الرئيس،

وهيا دي العقلية او ال mindset الي قدرت كل الحكومات العربية و الديكتاتورية انها تقنع شعوبها بيها، ان الحكام هما الي بيحكمو الشعب و ينفذو الي هما عايزينه، مش مشكلة الشعب عايز اييه و محتاج اييه...

مش فارقة مين الي يحكمنا، او مين الي يبقى الرئيس، لأننا كلنا فهمنا خلاص اننا كنا تحت التنويم من الحكومة، و لكن كفاية، النووم له أخر، ولازم بعد الليل يجي النهاار، وبعد الظلم تيجي الحرية...

عايزين حكومة تتعامل مع مطالب الشعب على انها أولويات يجب تنفذيها، مش مشاكل أمنية و نصدرهم الداخلية،

عايزين حكومة فيها شفافية و عدل، مش تعتيم و ظلم و كووسة،

من الاخر احنا فقنا خلاص، و فهمنا و عرفنا،

احنا الي هنحكم، مش هما

نفسي ارجع بلدي و اعيش فيها وسط أهلي و ناسي، و تبقى عيشتي كريمة، واقول كفاية غربة بقى

[fatfouta]

نفسي ارجع بلدي و اعيش فيها وسط أهلي و ناسي، و تبقى عيشتي كريمة، واقول كفاية غربة بقى

والله يا مورى وانا كمان

[wsadani]

فى حالة تنفيذ مطالب المتظاهرين وهى

1- حل مجلسى الشعب والشورى

2- تنحى الرئيس

هيكون فى إشكالية من سيكون الرئيس حت انتخاب رئيس جديد أطرح اسم عمرو موسى كرئيس مؤقت لمدة 3 شهور حتى إجراء انتخابات رئاسية جديدة

ده فى حالة طبعا تنفيذ المطالب

[Simba]

كلكم كده مش عايزين السيد الرئيس

ناس مش وطنية صحيح :closedeyes:

[لماضة مصرية جدا]

كلكم كده مش عايزين السيد الرئيس

ناس مش وطنية صحيح :closedeyes:

امسكي يا فتافيتو....اهم القلة المندسة اللي كنتي بتدوري عليهم في التوقيع بتاعك

هااااااااااااااتوووووووووووه...(وش اتنين مخبرين...سوكرانو و هولاكو)

[Simba]

امسكي يا فتافيتو....اهم القلة المندسة اللي كنتي بتدوري عليهم في التوقيع بتاعك

هااااااااااااااتوووووووووووه...(وش اتنين مخبرين...سوكرانو و هولاكو)

والله انا مستغرب يا لماضة

كل الانتقاد الحاد علي شبكات التواصل

الرفض الشديد للحزب الحاكم من احزاب المعارضة

حتي لو عملنا تصويت هنا هياخد نتيجة ثانوية النجاح الخاصة لم ينجح احد ورغم كده هو كده

اللي بنشوفوه حاجة واللي بيتقال حاجة

وخدي مزمزي في في الحوار الصحفي ده

العادلي لـ «الراي»: النظام المصري ليس هشاً أو هامشياً فالملايين تؤيده ... والآلاف لا تهزه

قال وزير الداخلية المصري اللواء حبيب العادلي في حوار خاص لـ «الراي» ـ تنشره تفصيلا السبت، تزامنا مع مجلة «روزاليوسف» الأسبوعية، إن تظاهرة ميدان التحرير «لم تكن مفاجئة وتمت تحت سمع وبصر الداخلية، وهي التي سمحت بها، وكان يمكن ألا تسمح بها، فالتحركات كلها كانت أمام أعيننا، ومن ثم تعاملنا معها باعتبارها تعبيرا عن الرأي، رغم أنه لم يكن مصرح بها، ولما خرجت عن القواعد واتجهت إلى التخريب، تم التعامل معها بالطريقة الواجبة أمنيا وبمزيد من التروي وبعد تنبيهات متكررة».

«الراي» طرحت على الوزير اسئلة كثيرة، شملت ملفات مختلفة، بداية من الحادث الإرهابي الأخير في الإسكندرية، وأوضاعها الأمنية، ونتائج الانتخابات البرلمانية، وتقدير «العدوى الثورية» في المنطقة، وقدرة جهاز الأمن المصري، وملف الأقباط، وموقف تنظيم «الإخوان المسلمين» ووثائق «ويكيليكس»، وغير ذلك.

ووصف الوزير أحداث ميدان التحرير، بأنها «غير جديدة على مصر، وأنه جرت في 2003 تظاهرة أضخم لمناسبة غزو العراق»، مشيرا إلى أن الداخلية ستحيل على النائب العام ملف التظاهرة، باعتبارها قضية ذات طابع قانوني أسفرت عن تلفيات في الممتلكات، وفيها قائمة من المتهمين.

العادلي الذي كان وجه إلى التعامل اللين مع الأحداث، قائلا: «يعملوا إللي همّا عاوزينه بطريقة قانونية»، تابع: «لكنها تحولت إلى عمل تحريضي بنية التخريب».

وعلَّق على البيان الذي أصدرته مجموعة من المعارضين خلال التظاهرة بالقول «هذا يبين لنا وللجميع مدى بصيرة الذين أصدروا البيان ورؤاهم التي تحتاج إلى تدقيق كبير، وقد أثبت الشارع أنه لن يتجاوب معهم وأن الشعب يدرك حقيقتهم ويعرف طبائع الأمور».

وأكد العادلي ان «نظام مصر ليس هامشيا أو هشا، نحن دولة كبيرة فيها إدارة تحظى بتأييد شعبي، والملايين هي التي تقرر مستقبل هذا البلد وليس تظاهرة حتى لو كانت بالآلاف... بلدنا مستقر ولا تهزه مثل تلك التفاعلات».

وعندما سألته «الراي» ما إذا كانت مثل تلك التحركات ترهق جهاز الأمن؟ رد: «جهازنا في أعلى كفاءة، وهذه التظاهرات شهدت مصر مثلها وأكبر منها خلال السنوات الست الماضية، والأمن مدرب على هذه الأمور وغيرها، تظاهرة واثنتان في أكثر من مكان وفي وقت واحد ولفترات طويلة جدا... لدينا خبراتنا والجهاز الأمني لا يظهر عنفوانه إلا في اللحظة التي يجب فيها ذلك، خصوصا أن أكثر من 90 في المئة من المشاركين يكونون شبابا مضللا يجب أن نترفق بهم».

[لماضة مصرية جدا]

امسكي يا فتافيتو....اهم القلة المندسة اللي كنتي بتدوري عليهم في التوقيع بتاعك

هااااااااااااااتوووووووووووه...(وش اتنين مخبرين...سوكرانو و هولاكو)

والله انا مستغرب يا لماضة

كل الانتقاد الحاد علي شبكات التواصل

الرفض الشديد للحزب الحاكم من احزاب المعارضة

حتي لو عملنا تصويت هنا هياخد نتيجة ثانوية النجاح الخاصة لم ينجح احد ورغم كده هو كده

اللي بنشوفوه حاجة واللي بيتقال حاجة

وخدي مزمزي في في الحوار الصحفي ده

العادلي لـ «الراي»: النظام المصري ليس هشاً أو هامشياً فالملايين تؤيده ... والآلاف لا تهزه

قال وزير الداخلية المصري اللواء حبيب العادلي في حوار خاص لـ «الراي» ـ تنشره تفصيلا السبت، تزامنا مع مجلة «روزاليوسف» الأسبوعية، إن تظاهرة ميدان التحرير «لم تكن مفاجئة وتمت تحت سمع وبصر الداخلية، وهي التي سمحت بها، وكان يمكن ألا تسمح بها، فالتحركات كلها كانت أمام أعيننا، ومن ثم تعاملنا معها باعتبارها تعبيرا عن الرأي، رغم أنه لم يكن مصرح بها، ولما خرجت عن القواعد واتجهت إلى التخريب، تم التعامل معها بالطريقة الواجبة أمنيا وبمزيد من التروي وبعد تنبيهات متكررة».

«الراي» طرحت على الوزير اسئلة كثيرة، شملت ملفات مختلفة، بداية من الحادث الإرهابي الأخير في الإسكندرية، وأوضاعها الأمنية، ونتائج الانتخابات البرلمانية، وتقدير «العدوى الثورية» في المنطقة، وقدرة جهاز الأمن المصري، وملف الأقباط، وموقف تنظيم «الإخوان المسلمين» ووثائق «ويكيليكس»، وغير ذلك.

ووصف الوزير أحداث ميدان التحرير، بأنها «غير جديدة على مصر، وأنه جرت في 2003 تظاهرة أضخم لمناسبة غزو العراق»، مشيرا إلى أن الداخلية ستحيل على النائب العام ملف التظاهرة، باعتبارها قضية ذات طابع قانوني أسفرت عن تلفيات في الممتلكات، وفيها قائمة من المتهمين.

العادلي الذي كان وجه إلى التعامل اللين مع الأحداث، قائلا: «يعملوا إللي همّا عاوزينه بطريقة قانونية»، تابع: «لكنها تحولت إلى عمل تحريضي بنية التخريب».

وعلَّق على البيان الذي أصدرته مجموعة من المعارضين خلال التظاهرة بالقول «هذا يبين لنا وللجميع مدى بصيرة الذين أصدروا البيان ورؤاهم التي تحتاج إلى تدقيق كبير، وقد أثبت الشارع أنه لن يتجاوب معهم وأن الشعب يدرك حقيقتهم ويعرف طبائع الأمور».

وأكد العادلي ان «نظام مصر ليس هامشيا أو هشا، نحن دولة كبيرة فيها إدارة تحظى بتأييد شعبي، والملايين هي التي تقرر مستقبل هذا البلد وليس تظاهرة حتى لو كانت بالآلاف... بلدنا مستقر ولا تهزه مثل تلك التفاعلات».

وعندما سألته «الراي» ما إذا كانت مثل تلك التحركات ترهق جهاز الأمن؟ رد: «جهازنا في أعلى كفاءة، وهذه التظاهرات شهدت مصر مثلها وأكبر منها خلال السنوات الست الماضية، والأمن مدرب على هذه الأمور وغيرها، تظاهرة واثنتان في أكثر من مكان وفي وقت واحد ولفترات طويلة جدا... لدينا خبراتنا والجهاز الأمني لا يظهر عنفوانه إلا في اللحظة التي يجب فيها ذلك، خصوصا أن أكثر من 90 في المئة من المشاركين يكونون شبابا مضللا يجب أن نترفق بهم».

صباح الورد استاذي

طب هو اصلا حضرتك لسه بتسمع و لا بتقر للسيدحبيب العادلي

و لا لصفوت الشريف

و لا فتحي سرور

يا استاذي....الشباب اللي طلع في الاعتصام بالنسبة ليهم شباب مضلل و مخدوع و معندوش دماغ...و آدي الدماغ اهي خبطناهافي الحيطة....

طب السؤال

هما عملوا ايه بقي للشباب دولم اصلا

ايوة المظارهات كانت طالعة بحس الامن و بمباركته يوم 25 يناير....لكن هما كاون فاكرين انها هتخلص علي كده...مكنوش عارفين ان "الشباب" دولم في حالة غضب.....خلاص مبقاش عنده حاجة يخاف عليها اويخسرها

لو عايز نصيحتي و رايي المتواضع....لما تلاقيهم ابقي غير المحطة.....او اتفرج عشان تضحك من قلبك...بس بمرارة

[عنبو]

والله انا مستغرب يا لماضة

كل الانتقاد الحاد علي شبكات التواصل

الرفض الشديد للحزب الحاكم من احزاب المعارضة

حتي لو عملنا تصويت هنا هياخد نتيجة ثانوية النجاح الخاصة لم ينجح احد ورغم كده هو كده

اللي بنشوفوه حاجة واللي بيتقال حاجة

وخدي مزمزي في في الحوار الصحفي ده

صباح الورد استاذي

طب هو اصلا حضرتك لسه بتسمع و لا بتقر للسيدحبيب العادلي

و لا لصفوت الشريف

و لا فتحي سرور

يا استاذي....الشباب اللي طلع في الاعتصام بالنسبة ليهم شباب مضلل و مخدوع و معندوش دماغ...و آدي الدماغ اهي خبطناهافي الحيطة....

طب السؤال

هما عملوا ايه بقي للشباب دولم اصلا

ايوة المظارهات كانت طالعة بحس الامن و بمباركته يوم 25 يناير....لكن هما كاون فاكرين انها هتخلص علي كده...مكنوش عارفين ان "الشباب" دولم في حالة غضب.....خلاص مبقاش عنده حاجة يخاف عليها اويخسرها

لو عايز نصيحتي و رايي المتواضع....لما تلاقيهم ابقي غير المحطة.....او اتفرج عشان تضحك من قلبك...بس بمرارة

سلام عليكم

تعليق بسيط على حكايه شباب مضلل ومخدوع

بكل صدق اقولها لك نعم الشباب مضلل ومخدوع بل اتحدى ان يعي اغلب هؤلاء ما معنى الديمقراطية واسسها وضوابطها ومبادئها وهيئتها وتفريعاتها والتشريعات التي يمكن ان تنبثق منها قياسا على هذا الدين الامريكي الكافر

وهم يتغنون بها ليل نهار

سؤال فقط بسيط ألا نتعلم من ماضينا ألا نتعلم من تاريخنا ألا نتعلم من سابقينا ألا نتعلم من تجاربنا

جاءت ثورة 1919 وذهب الاحتلال وظن البعض أن مصر نجحت ولكنه كان ايضا لبداية فشل جديد

جاءت ثورة 23 يوليو وظن البعض أيضا انه نجاح باهر وثبت الآن ومنذ اكثر من أي وقت مضى فشل آخر

ما معنى الفشل

هل لمصر قدرة صناعية علمية زراعية اقتصادية ؟ !

هل نمتلك قوت يومنا ؟ !

هل تمتلك مصر قوة ردع ؟ !

هل هناك خطط استراتيجية مستقبلية معلنة سواء عسكرية او اقتصادية او علمية ؟ !

الإجابة بالتأكيد لا ثم لا ثم لا فقط الخنوع والديون والفقر وهذا هو نتاج الثورة

الآن النغمة الجديدة والدين الجديد

"الديمقراطية العلمانية الرأسمالية"

بسم الله الرحمن الرحيم

إِنَّ هَؤُلاءِ مُتَبَّرٌ مَا هُمْ فِيهِ وَبَاطِلٌ مَا كَانُوا يَعْمَلُونَ

صدق الله العظيم

طيب وتفتكر ايه الحل من وجهة نظر حضرتك علشان يكون لينا خطط استراتجيه معلنه سواء عسكريه او اقتصاديه ....الخ

ياريت اسمع رأى حضرتك

تحياتى

عنبو

[aeye]

شباب مغيب ..........شباب ينقاد للجماعة المحظورة................. عاطلين يرغبوا في في تدمير الدولة.......... هذه هي تعليقات النظام علي انتفاضة الشباب (بل كافة اطياف الشعب المصري المستباح حريته وكرامته وارضه وعرضه منذ 58 سنة)الان وهي طريقة قديمة جدا لاثبات (لنفسه اولا وللرئيس ثانيا) بالامان علي الكرسي والنظام بما فيه من فوائد لهم فقط.

الثبات والروح الجماعية وتحييد الشرطة قدر الامكان بعدم التدمير والحرائق ...........التجمهر بشعار واحد ........ليتنحي حسني مبارك اليوم بل الان .......ليذهب كل اركان ورجالات نظامه الي الجحيم....

الانتشار في كل محافظة وكل قرية ومدينة لا بل بكل شارع مظاهرة........ اعتصام......... الشرطة لن تستطيع الانتشار في كل مكان فقط في المدن الكبري بل في المناطق الرئيسية فقط.........اغلب الناس عايزة تشارك بس مش عارفه او لسه الخوف معشش في قلوب اغلبهم مهي 58 سنة قهر وتعذيب واهانات من بداية حركة 23 يوليو 1952

ليسقط النظام وليسقط رئيسه حسني مبارك

اللهم اعنا بمدد من عندك وثبت قلوبنا واقدامنا واقبل موتانا بجنتك مع الانبياء والشهداء والصدقيين

آميين آميين آميين

[شرف الدين]

بسم الله الرحمن الرحيم

يا جماعة مش مهم مين اللي هيحكمنا بعد ما مبارك دورة حياته كرئيس تنتهي ( سواء بالموت أو بالخلع )

المهم ان يكون فيه آلية نقدر نحاكم بيها حاكمنا ... المهم ان الحاكم يقف قدام القاضي زيه زي أي مواطن من الشعب

( فاكرين كلينتون وفضيحة مونيكا لما كلينتون وقف ادام المحكمة واتاخدت أقواله ).

يعني باختصار يكون فيه آلية اسمها ديمقراطية

يووووووووه صحيح بلاش كلمة ديمقراطية دي لحسن بتعمل حساسية عند بعض الناس على اعتبار انها استيراد غربي امريكي علماني كافر

تعالوا نسمي الآلية دي اسم تاني عشان منزعلش اخوانا اللي مش بيحبوا كلمة الديمقراطية

فاكر زمان واحد صديقنا على النت سماها اسم معبر جدا

( عتريس لا يخاف البوليس )

عايزين يبقى عندنا آلية اسمها عتريس لا يخاف البوليس

مش تسمية معبرة فعلا

إن عتريس يقدر يعبر عن رأيه ( سواء بالتظاهرات او الاعتصامات او الانتخابات ) من غير ما يخاف من البوليس

مش هو ده جوهر أمانينا

إن عتريس لا يخاف البوليس

لو بصينا هنلاقي دي في جوهرها = الديمقراطية

لكن بلاش زي ما قلنا كلمة الديمقراطية وخلونا في عتريس لا يخاف البوليس

إذن نحن ندعو لدولة يعيش فيها عتريس دون أن يخاف البوليس

ولكن حتى تتحقق هذه الدولة

بفرض أن مظاهرات الغضب نجحت في تحقيق الحلم الأكبر وهو إسقاط النظام.

حتى تتحقق دولة عتريس لا يخاف البوليس لابد من وجود فترة زمنية يتم فيها كتابة دستور جديد للدولة وتنقية الجداول الانتخابية ووضع قانون الانتخابات وخلافه.

وبمناسبة الانتخابات فأنا مع رأي الأخت جويرية إنه ما ينفعش أي واحد ينتخب

رأيي ان حق الانتخاب ده لابد أن يكون للمتعلمين فقط على اعتبار إن العلم نور.

وبكل تأكيد الشخص المتعلم ( معاه الثانوية أو ما يعادلها على الأقل ) هيكون أقدر على الاختيار الصحيح من غير المتعلم.

حتى تتحقق هذه الدولة لابد من فترة انتخابية ( سنتين مثلا ) يتم فيها اختيار شخص جيد للحكم في السنتين دول وبعدين يغادر الحكم نهائيا وبغير رجعة.

وفي رأيي ان المناسب للموقع ده في الفترة الانتقالية دي هو واحد من اتنين

محمد البرادعي أو عمرو موسى

( ممكن لجنة من كتاب ومفكري المجتمع يكون عددهم عشرة مثلا - مجلس العشرة بتاع المصير يعني لو فاكرينه - ممن لم تلوثهم الحكومة يختاروا واحد منهم بطريقة الاقتراع السري )

في خلال السنتين دول يكون تم تنظيم قانون انشاء الأحزاب والسماح بإنشاء الأحزاب بدون قيود معقدة

قرب نهاية السنتين دول يتم انتخاب مجلس شعب جديد ( بعد ما يتم طبعا تعديل قوانين الترشح وإلغاء نسبة العمال والفلاحين العجيبة دي )

مع كامل احترامنا للعمال والفلاحين لكن مش معقول إن يكون شرط الترشح لمجلس الشعب في دولة متحضرة هو إجادة القراءة والكتابة ( يعني عضو مجلس الشعب المحترم اللي بيناقش القوانين وبيقدم الاستجوابات وطلبات الإحاطة تكون كل مؤهلاته المطلوبة انه يقدر يفك الخط ).

المفروض أن عضو مجلس الشعب على الأقل يكون معاه مؤهل جامعي أو ما يعادله.

في آخر السنتين دول يتم انتخاب رئيس جديد بطريقة شرعية. وبانتخابات حرة.

يتم أخذ ضمانات على حاكم الفترة الانتقالية بعدم التحول لفرعون جديد. وضمان مغادرته الحكم نهائيا وبغير رجعة بعد السنتين دول.

والضامن هو الجيش.

في حالة اخلال الحاكم الانتقالي بالشرط ده الجيش يقوم بانقلاب عليه ويخليه يخرج من الحكم.

ولكي يتحقق الضمان ده لابد أن تبقى قيادة الجيش بعيدة عن سلطة الحكومة الانتقالية ... يعني باختصار وزير الدفاع لا يعين من قبل الحاكم الانتقالي .. لكن مثلا ممكن تفضل قيادة الجيش زي ما هيا دلوقت.

بعد كده الرئيس الجديد المنتخب ممكن يغير قيادة الجيش لو أراد.

ياااااااااااااه.

حلم جميل أتمنى افتح عنيا بعد بكرة الاقيه اتحقق

[طبيبة بالخارج]

متهيألي السؤال الأسهل و حيكون خطوة مهمة بعد خروج الطاغية بإذن الله هو:

مين اللي مش حنختاره للرئاسة؟

بالنسبة لي:

1- لا لأي منتمي للحزب الواطي (الوطني سابقا)

2- لأ لرؤساء أحزاب المعارضة البط بط (الوفد - التجمع - ألخ)

و طبعا مع تغيير الدستور لتحقيق انتخابات رئاسية نزيهة 100 في ال 100

و تحديد فترة رئاسية واحدة فقط لكل رئيس عشان يعرف انه لو غلط مسيره حيتحاسب

[fatfouta]

طب اهو مادش أسقطه ولسه قاعد على قلبنا :sad: :sad: :sad: