** أسوأ الأخبار - السعودية أوقفت العمرة لمواطني مصر و تونس **

[Ahmed Anwer]

أيه يا جماعة ،،، أحط خبر عن منع المعتمرين المصريين و التونسيين

يطلع مؤامرة لتقسيم السعودية !!!!!

طب لو عزموا المعتمرين المصريين و التونسيين مجانا ،،،، يبقي وقفوا المؤامرة !!!

ربنا يكرم القرار ده يتلغي في اقرب وقت ممكن

بخصوص نظرية المؤامرة لسه راجع من ميدان التحرير ،،

شوفوا الشباب الجميل بتاعنا بيقول أيه ،،

واحد منهم بيقولي ،،، المجلس العسكري غير فلول الفساد و بقايا العهد البائد

أكيد أمريكا و إسرائيل برده بيضغطوا عليه

إحنا لازم ننزل لحد كل طلباتنا متتنفذ عشان نقف في ظهرهم و ميضعفوش قدام فلول الفساد و أمريكا و إسرائيل

و يقولوهم شعبنا عايز كده ،،،

يا الله ،،، شاب عنده 19 سنة وضحلي فكرة غايبة عن تفكيري أنا اللي عندي 35 سنة

علي الهامش ،، أ / عنبو القصة بتاعت الموامرة عشان صاحبك يطلق مراته ،،، جامدة جدا

بعد إذنك أحطها عندي علي الفيس بووك

[لماضة مصرية جدا]

السلام عليكم و رحمة الله و بركاته

طب انا عندي اقتراح و اسفة استاذ احمد اني هحطه في التوبيك بتاع حضرتك

هو انا متابعة الحوار من اوله

و استوقفتني جدا مداخلات استاذة ضحي و استاذ عبد الله غريب

و ساءني كثيرا ان البعض بيرد علي الاشخاص مش ع الفكرة نفسها

طب ممكن اقترح ان يبقي فيه توبيك.....نسميه...."نظرية المؤامرة"

و يكون مكانه في موضوعات جادة

و ارجو ساعتها ان كل من لديه فكر معين...او وجهة نظر....يضعها كما هي....و نتعامل ان احنا بنقرا و نفهم و نحلل

وبرضه لو فيه قراءات بحثية نقدر نستزيد منها نبقي نحطها

و اي من المواقف اللي راح نتبناها تكون مسئولية شخصية لاصحابها

بس ع الاقل

لازم نقرا و نفهم

اسفة استاذ احمد اني حطيت الاقتراح هنا

و اسفة علي عدم متابعتي للحوار في هذا التوبيك.....(حاساكوا بتزعقوا في بعض....بس بالحروف)

تحياتي للكل

افتحوا زراير القميص.....شموا هوا نضيف

و خلونا نتعلم نفكر صح....الحرية بتبتدي لما بنعرف نفكر....مش لما نلبس طاقية جاهزة للتفكير

صباحكم...حرية.....في اقصي معانيها

[عبير يونس]

تم نقل كافة المداخلات المتعلقة بنظرية المؤامرة و تقسيم الشرق الأوسط

إلى موضوع

الشرق الأوسط الجديد ...خرائط

http://www.egyptiantalks.org/invb/index.php?showtopic=22318&view=findpost&p=701827

عن فريق التنسيق و الإشراف

[Om Zayd]

السلام عليكم و رحمة الله و بركاته

لسة من شوية سامعة عبد النور بيقول ان العمرة ستفتح مرة أخرى في اقرب وقت

بعد حل "بعض" المشكلات و التأكد من البنك المركزي ان هناك استعداد لتوفير العملة

[samehmagdy]

كنت كتبت مداخله قبل كده وقلت ان فى واحد زميلى رجع من على الحدود بسبب انه واخد ختم المخالفه قبل كده

بس تانى يوم على طول اتنين اصحابى سافرو برى برضه يعملو عمره من الكويت والاتنين دخلو عادى هما واسرهم من غير مشاكل الحمد لله

فالظاهر ان الموضوع متعلق فعلا بحاله عدم الاستقرار فى مصر وتونس مش اكتر

انما المصريين المغتربين فى اى دوله تانيه يقدرو يطلعو تاشيره عمره ويدخلو عادى الفتره دى

[MohamedAbdelrahim]

انا برضه شايف انه قرار مؤقت وغير سياسي يتعلق باجراءات تنظيمية، ومش موقف من الثورة او من مصر والدليل مبادرات التعاون والمساعدة الاقتصادية لمصر من مسئولي السعودية واخرها انشاء بنك باستثمارات تصل الى 100 مليار جنيه

اظن ان لو هناك اي تخوف من مخاطر انتقال الثورة كان تم تقييد السفر الى السعودية عموما، وليس سفر المعتمرين الذين يسهل تعقب من يتجاوز برنامج زيارته

[الســـاري]

انا برضه شايف انه قرار مؤقت وغير سياسي يتعلق باجراءات تنظيمية، ومش موقف من الثورة او من مصر والدليل مبادرات التعاون والمساعدة الاقتصادية لمصر من مسئولي السعودية واخرها انشاء بنك باستثمارات تصل الى 100 مليار جنيه

اظن ان لو هناك اي تخوف من مخاطر انتقال الثورة كان تم تقييد السفر الى السعودية عموما، وليس سفر المعتمرين الذين يسهل تعقب من يتجاوز برنامج زيارته

عليه فأتمنى من الادارة تغيير عنوان الموضوع المفزع

ولا داعي للخوف .. ولا داعي ايضا لأن يشهر الجميع اسلحته على قرار مؤقت تنظيمي ..

[Ahmed Anwer]

غالبا ،،، القرار أتلغي ،،

لأن الأهرام مليان إعلانات شركات سياحية لرحلات عمرة

[الســـاري]

غالبا ،،، القرار أتلغي ،،

لأن الأهرام مليان إعلانات شركات سياحية لرحلات عمرة

الكثير قالوا لو صح هذا القرار فان المملكة تتعسف .. وهذه حرية دينية .. وهذا لا يصح ولا يجوز .. وهناك من اعتبر الخبر حقيقة واقعة بل وناقش تجليات ما بعد الخبر .. وسد النقص بمعتمرين من الصين وتايوان .. واراد ان يشبع الجنازة لطما قبل ان يثبت القرار او ان ينظر في هل هو قرار مؤقت تنظيمي .. ام هو قرار دكتاتوري لاستغلال وجود الحرمين لعقاب المصريين او التونسيين او غيرهم لامور سياسية

مثل هذا الخبر .. مثل خبر المظاهرات التي قال البعض انها ستكون هبة شعبية ضخمة .. ومر اليوم بسلام

هناك كلام كثير كنت اود قوله .. لكن اكتفي بما قلت ..

;)