المنتدى بقى دمٌه تقيل

[التونسى]

عايز أقول..ومحدش يزعــل

المنـتـدى بـقى دمُــه تـقــيــل

ودا شئ واضح.. جـدا جــدا

مش محتاج .. برهان ودليل

المواضيــع.. أغلبها سياسه

ومُجادله.. ومــــط..وتطويل

والإشاعات ..أشكال.. ألوان

نــازله تِرِف .. كــأنها سـيـل

واللى يقولك .. سلفى وجاهل

واللى يقول .. علمانى عــميل

واللى بيـمـدح.. فى الإخـوان

ويــذِم .. فى حــركة إبــريــل

واللى بيتــكلــم ..ولا يســمــع

وتحــــاورُه .. يوريــك الويل

إيه يا جماعه..الرحمه شويه

التـغيير..شئ بــردٌه جــميــل

لوغلطان..ف كلامى..لومونى

ونا بشكـُـركم .. شُكر جزيـــل

أنا بشكُركم....شُكر جزيـــــل

ملحوظه : اللى يزعل من كلامى ...يقيمنى بالأحمر ..وميهموش ..والتقييم بالأحمر ...لا يفسد للود قضيه

و.....التونسى

[الغريب]

ملحوظه : اللى يزعل من كلامى ...يقيمنى بالأحمر ..وميهموش ..والتقييم بالأحمر ...لا يفسد للود قضيه

و.....التونسى

أنت أصلا داخل وراسم على عشرين بونط أخضر :lol:

[Simba]

دي طقطوقة ولا ايه يا عمنا

[Salwa]

مش حانكابر ولا حانقول ....احمد بيه هو المسئول .

اصل الناس وقعت ف الحيرة ....حتى الخبطة بقت من الجيرة .

صنف البن نقص من السوق .....وعندك شاى حبيب مغشوش .

لسا محدش شاف اصلاح...... نفد الصبر وقلنا ده راح.

تضحك كيف والبال مش رايق ......داحنا قلوبنا على لسان دالق.

حلو كلام طالع من الجوف ...... قاله انسان عدا من الخوف .

بكرة تلاقى سكة براح.......ومداخلات كلها افراح.

صباحك نور وبدايته عظيمة ......مصر خلاص مفيهاش تقسيمة .

كله حايدخل ف الخلاط.......تطلع حاجة بلا احباط .

صباح النور والأمل......وهيا بنا الى العمل :clappingrose:

[طارق مصرى]

أنا من محبى أشعار بيرم التونسى و بالذات القصيدة دى bv:-

[Diab]

هما كل التوانسة كدة شعراء

:clappingrose:

[لماضة مصرية جدا]

طب تصدق بايه يا استاذي يا حبيب الكل

انا لسه داخلة و هقول صباح الفل

و هقول يا جدعان انا قلبي من الاكتئاب مل

الاقيك حطتها كده و لا اجدع لعيب حريف

يقول الحقيقة في الوش كده من غير تزييف

احنا بجد قلوبنا بقت محتاجة تنضيف

عايزين نعيشها بقي...ده البني ادم ماشي فيها خفيف خفيف

توهت في زحمة.....التعريف

انا بني ادم...متغرب عن روحه...و بنتحت في الملكوت مش لاقيلي تعريف

و محاول الاقي روحي......هنا....من غير تزييف

هعافر

و هتعافر معانا

ما هي الحياة كده مش هتيجي غير لما ناخد السعادة تخطيف

صباحك استاذي....نسمة سعادة....تخليك تقول....يا لطيف ...يا لطيف :)

[Howayda Ismail]

خلاص ياعم من غير زق

واحدة واحدة كده بالراحة

دا عتاب بسيط من غير بجاحة

اهلى واهلك قالوها صراحة

المريض عشان يشفى ويتعافى

لازم ولابد نعمل له جراحة

وابدا مافى دوا من غير نواحة

لكن لو صحيح زهقان م السياسة

اجرى روح عل الاستراحة

وابقى ادعيلى فى خمسة سياحة

[باهى الطائر الحزين]

حابب اقول من غير تهليل

ان جيت للحق دمه تقيل

تدخل وانت مبسوط ومهيص

تخرج منه شايل حمل تقيل

بس انت يابن الايه عنتيل

معجون عفاريت من ايُة جيل

لكن مصرى ايوه ومصرى اصيل

بس شويه يعنى شويه بخيل

واوعك تزعل منى ده تبجيل

يابو الطيبه ياشخص نبيل

انا ادامك حد بجد نحيل

اكتب واشجينا من غير تأجيل

وحنسعد برده بكل قليل

واكشف كل ضئيل وعليل وعويل

اكتب تانى علشان الكل وعلشانى

واوعك تبقى علينا بخيل وانانى

يامصرى أصيل يأبن النيل ياجميل

تم تعديل 11 مايو 2011 بواسطة طائر الليل الحزين

[Diab]

لما كلكوا شعراء أمال مين اللي هينضرب

تم تعديل 11 مايو 2011 بواسطة Diab

[باهى الطائر الحزين]

لما كلكوا شعرا أمال مين اللي هينضرب

www.youtube.com/watch?v=FHI62GbJ6VA

حد اول حرف من اسمه دياب

[لماضة مصرية جدا]

السلام عليكم و رحمة الله و بركاته

طب بعد ما كل واحد فينا دخل يؤيد و يؤازر و كدهوت

ع فكرة عجبتني اوي يا استاذي طائر الليل الحتة بتاعت حضرتك و بتاعت طنط هند كمان

ما فيش بقي حتة فرايحي

حاجة كده يبقي لونها فاتح و تفاريحي شوية

نداء الي كل شعراء المنتدي

توبيك توبيك

ومداخلة مداخلة

و حرف حرف

عايزين حتة فرح

حاجة لونها بمبي

انا مش هفقد الامل....الامل هو اللي راح يفتقدني :P

مستنية اهوت

ع جنب بقي

المداخلة دي مالهاشي اي علاقة بالادب و لا بالشعر و لابالقراءات :closedeyes:

تم تعديل 11 مايو 2011 بواسطة لماضة مصرية جدا

[باهى الطائر الحزين]

السلام عليكم و رحمة الله و بركاته

طب بعد ما كل واحد فينا دخل يؤيد و يؤازر و كدهوت

ع فكرة عجبتني اوي يا استاذي طائر الليل الحتة بتاعت حضرتك و بتاعت طنط هند كمان

ما فيش بقي حتة فرايحي

حاجة كده يبقي لونها فاتح و تفاريحي شوية

نداء الي كل شعراء المنتدي

توبيك توبيك

ومداخلة مداخلة

و حرف حرف

عايزين حتة فرح

حاجة لونها بمبي

انا مش هفقد الامل....الامل هو اللي راح يفتقدني :P

مستنية اهوت

ع جنب بقي

المداخلة دي مالهاشي اي علاقة بالادب و لا بالشعر و لابالقراءات :closedeyes:

زقتتى ادينى ادتلك بنطين خضر ، يعوض ربنا smk:

[لماضة مصرية جدا]

السلام عليكم و رحمة الله و بركاته

طب بعد ما كل واحد فينا دخل يؤيد و يؤازر و كدهوت

ع فكرة عجبتني اوي يا استاذي طائر الليل الحتة بتاعت حضرتك و بتاعت طنط هند كمان

ما فيش بقي حتة فرايحي

حاجة كده يبقي لونها فاتح و تفاريحي شوية

نداء الي كل شعراء المنتدي

توبيك توبيك

ومداخلة مداخلة

و حرف حرف

عايزين حتة فرح

حاجة لونها بمبي

انا مش هفقد الامل....الامل هو اللي راح يفتقدني :P

مستنية اهوت

ع جنب بقي

المداخلة دي مالهاشي اي علاقة بالادب و لا بالشعر و لابالقراءات :closedeyes:

زقتتى ادينى ادتلك بنطين خضر ، يعوض ربنا smk:

حاااااااااااااضر

اديني زغططت اهوت

(و لو ان الايقونة دي بتفكرني ببتوع هاواي مش عارفة ليه :blink: )

و ربنا يخلف علي حضرتك....(انت حضرتك بتنقطني و لا هتنقطني..بتديني البوينت باليمين و بتقولي يعوض ربنا بالشمال...

بس و لو...اخدت منك بونطتين...وش عيل بيطلع لسانه و بيغيظ صاحبه و بعدين بيجري :)

صباحك استاذي...اخضر...اخضر....و اشارات مرورك في اليوم النهاردة كلها تبقي خضرة خضرة....خضرة :)

[ذهبية]

حياتنا لاهى سياسية بس و لا حزبية بس و لا ثورية بس

كلنا بقينا بنفهم فى السياسة وكلنا عملنا فيها لا مذيع فى النشرة لا ناقد سياسى محنك لا معارض

من غير زعل منى

فية جوانب اخرى فى حياتنا

اتردمت فى ايامنا من غير ما نحس ضاعت مننا و كنا بنطلعها هنا فى بيتنا الكبير االى بنحكى فية من غير ما نجامل و لا نزيف و لا ننكسف

كنا بنشارك بعض فى افرحنا و احزانا و نفرح لبعض و نشيل هم بعض

كلة انسحب من تحت رجلنا من غير ما نحس

ياريت نرجع تانى نرجع الحتة اللى ضاعت واللى كنا فية بتحس اننا بنى ادامين

اننا لينا مشاعر و احاسيس بنحس بغيرنا و بمشاكلهم و افارحهم و احزانهم

[التونسى]

أنت أصلا داخل وراسم على عشرين بونط أخضر :lol:

والله انت فيك شئ لله أخى الفاضل الغريب.. .. انا كتبت الزجل ده .. وكنت متردد جدا انى انزل بيه .. وكنت حقيقى خايف بعض الناس تزعل منى . بس المساله طلعت(( حااااااله عاااااامه)).. مع الاعتذار لعبد الرحمن ابو زهره فى فيلم النوم فى العسل ... والناس كلها تقريبا بتمر بنفس الحاله االلى انا بمر بيها .. لدرجة انى كذا موضوع ادخل اكتب فيه.. وبعدين الغى مداخلتى من خنقتى .. مش بس كده انا كمان بطلت تقريبا اتابع برامج التوك شو.. والجرائد والمواقع الاخباريه الالكترونيه ..ايه كمية الياس والاحباط اللى محوطانا فى مصر دى .. ايه كم التشاؤم ده ..

بدون مثاليه.. او مزايده .. انا أملى فى ربنا كبير .. وححاول أكرس جهودى الزجليه.. فى بث روح التفاؤل على قد مقدرتى الشعريه ..

ومتنسوش يا جماعه .. هى موته والا أكتر

[الغريب]

أنت أصلا داخل وراسم على عشرين بونط أخضر :lol:

والله انت فيك شئ لله أخى الفاضل الغريب.. .. انا كتبت الزجل ده .. وكنت متردد جدا انى انزل بيه .. وكنت حقيقى خايف بعض الناس تزعل منى . بس المساله طلعت(( حااااااله عاااااامه)).. مع الاعتذار لعبد الرحمن ابو زهره فى فيلم النوم فى العسل ... والناس كلها تقريبا بتمر بنفس الحاله االلى انا بمر بيها .. لدرجة انى كذا موضوع ادخل اكتب فيه.. وبعدين الغى مداخلتى من خنقتى .. مش بس كده انا كمان بطلت تقريبا اتابع برامج التوك شو.. والجرائد والمواقع الاخباريه الالكترونيه ..ايه كمية الياس والاحباط اللى محوطانا فى مصر دى .. ايه كم التشاؤم ده ..

بدون مثاليه.. او مزايده .. انا أملى فى ربنا كبير .. وححاول أكرس جهودى الزجليه.. فى بث روح التفاؤل على قد مقدرتى الشعريه ..

ومتنسوش يا جماعه .. هى موته والا أكتر

طيب أنت عارف أنا أمبارح أتفرجت على ماتشين ورا بعض واستديوهات التحليل الرياضي كلها(مع أني مبحبش أتفرج عليها)

كل ده علشان أنسى هههههههه

[التونسى]

دي طقطوقة ولا ايه يا عمنا

الظاهر انى شاعر ((على ما تُفرج)) .. تصور اخى العزيز سمبا .. انى لا اعرف كثيرا الفرق بين الطقطوقه.. والدور .. وتلك الالوان الغنائيه والزجليه المتعدده .. حتى البحور الشعريه .. أفقه فيها القليل .. انا تقدر تقول بكتب ((سماعى)) بلحنى وموسيقتى الخاصه .. وأهى ماشيه على كده ومستوره

بس انت دفعتنى انى ادور على معنى ((طقطوقه))

طقطوقة اصلها( قطقوطة ) و هو ما يطلق على الشىء الصغير و معناها فى اللغة العربية اهزوجة و قد ظهر هذا القالب فى نهاية القرن الماضى و مطلع هذا القرن اى القرن العشرين و الطقطوقة زجلية تمتاز ببساطة اللحن و الكلمات و سهولة الأداء و للطقطوقة اثرها فى التوجيه القومى فى نشر الفضيلة و تصوير الحالات الاجتماعية و الغزل و تتألف الطقطوقة من مذهب و يؤديه المنشدين (الكورس ) مع المطرب و مجموعة اغصان ينفرد بغناءها المطرب و بذلك يوجد تشابه بين اجزاء الطقطوقة و اجزاء قالب الدور فى اولى مرحلة ولكن يختلف من حيث التلحين و الميزان السريع

تم تعديل 11 مايو 2011 بواسطة التونسى

[باهى الطائر الحزين]

وادينا رزقنا ببنط عريض

من الاستاذ ايمن اصله شديد

جامد جداً وايده حديد

الدور والباقى على الى تلاقى

بخيل وخايف حتى يمد الايد

على اعمالى طب وانا مالى

بكتب يمكن سريالى

زى المجنون دالى

ولا حروفى يمكن فى التجريد

اروح المطبخ اعصر اوطه ؟؟

اما البنوته الكتكوته

توته توته اصلها حدوته

ليكى البنط وخلى النقطه

نديها بكره لعمنا فطوطه

اصله سئيل ابن العكروته

واسمع زغروطه ليه سكوته !!

[مغتربة]

لذيذه اوى استاذ تونسى

متحرمناش من ابداعاتك :give_rose: