الحكومة صنعت ظاهرة تأخر سن الزواج

[جويرية]

ظاهرة لم تعرف في التاريخ قبل الزمن ده و هيا ارتفاع سن الزواج بالشكل ده

ودي طبعا بسبب شئ بسيط جدا عملته الحكومة

اما شاب يتخرج من التعليم و يخلص جيش يكون سنه و صل 23 او 24 و ممكن اكتر اكيد

ده طبعا حيبتدي حياته من الصفر في السن ده ، اظن ان لو استطاع في 6 سنوات انه يكون نفسه و يبقي عنده امكانية للزواج

يعني حيوصل لسن ال 30

يبقي فيه بنت برضو قاعدة قصاده بدون زواج وصلت للتلاتين

تم تعديل 22 سبتمبر 2011 بواسطة جويرية

[جويرية]

كنت عايزة اغير عنوان الموضوع الي

الحكومة صنعة ظاهرة ( المتأخرات عن الزواج )

لأن كلمة عانس دى مفروض استبدالها ، لأن في اللغة العانس دي هيا اللي رافضة الزواج برغبتها ،

و عشان كدة اعتبروه شئ مرفوض من المجتمع و اطلقوا عليه لفظ مكروه زي ده

تم تعديل 22 سبتمبر 2011 بواسطة جويرية

[الدكتور ياسر]

في الحقيقة يا أستاذة جويرية لست معك في تحميل الحكومة وحدهاالمسئولية في تأخير سن الزواج عند الفتيات .. ومن وجهة نظري أهم

سبب هو مبالغة أهل الفتاة في طلباتهم المادية .. فهل يعقل أن تصل ثمن الشبكة و حدها إلى 50 ألف جنيه .. أمال هيدفع مهر قد إيه و يجيب شقة

بكام و يجهزها بكام ؟؟ ده غير طبعا مصاريف الفرح و شهر العسل .. أعتقد ان الرجال في هذا الزمن يقبلون أكثر على المطلقة و الأرملة لأنها لا

تبالغ في طلباتها المادية مثل قرينتها التى لم يسبق لها الزواج.

[جويرية]

في الحقيقة يا أستاذة جويرية لست معك في تحميل الحكومة وحدهاالمسئولية في تأخير سن الزواج عند الفتيات .. ومن وجهة نظري أهم

سبب هو مبالغة أهل الفتاة في طلباتهم المادية .. فهل يعقل أن تصل ثمن الشبكة و حدها إلى 50 ألف جنيه .. أمال هيدفع مهر قد إيه و يجيب شقة

بكام و يجهزها بكام ؟؟ ده غير طبعا مصاريف الفرح و شهر العسل .. أعتقد ان الرجال في هذا الزمن يقبلون أكثر على المطلقة و الأرملة لأنها لا

تبالغ في طلباتها المادية مثل قرينتها التى لم يسبق لها الزواج.

فيه ناس برضو بتجيب شبكة بسيطة و برضو بيبقي تكاليف الزواج برضو كبيرة كفاية الشقة و العفش و الفرح

المشكلة في السن اللي بيبدأ فيه الشاب انه يحوش للزواج ، زي ما قلت ده سن ال 24 اذا لقي شغل مثلا

السن ده بتكون البنت خلصت دراسة و دخلت قائمة الانتظار

يبقي المشكلة حتمية و ليس لها حل

[عبير يونس]

صباح الفل يا جوجو

عدلت لك العنوان يا قمر

و الموضوع زي ما قال دكتور ياسر

فعلا مش مسؤولية الحكومة وحدها

و أرى ان له جوانب كثيرة و متفرعة

أكيد من بينها المغالاة في المهور طبعا

و حقيقي اتصدمت بقيمة الشبكة دلوقت :blink:

ده انا شبكتي ما كملتش 4 آلاف جنيه

الحقيقة أهلي يسروا جدا على زوجي

غالبا كانوا عاوزين يتخلصوا مني بأي شكل

:happy:

في جانب تاني لا يجب اغفاله

الشاب حتى لو معاه فلوس و مستريح ماديا

بيرفض الزواج

و يبقى عايز حريته

و مش عايز يرتبط بواحدة تقيده و تنكد عليه عيشته

و البنت كمان بتشتغل و مبسوطة و مش عايزة حد يتحكم فيها

و بعض البنات رومانسيات بزيادة بيبقوا مستنيين الحب الأول

وبعض البنات بياخدهم التعليم العالي و اثبات الذات

أسباب كتير

تتعدد و تتباين حسب ظروف الناس

و أهدافهم

بس ثبت لي بالدليل القاطع

و من زمان ده رأيي

ماحدش بيسيب حد في حاله

لو البنت متجوزتش

تبقى عانس

و لو اتجوزت

ها

حملت و الا لسه؟

و لو انجبت بنت

ربنا يرزقك بالولد

و لو انجبت ولد

يارب تخاويه

و لو زودت

هو ايه ما كفاية

و لو اتطلقت

فيها عيب

و لو اترملت

وشها نحس

و لو فكرت تتجوز تاني

معندهاش حيا و لا خشا

ولو قعدت من غير جواز

يبقى اكيد بتعمل حاجة بطالة

و لو ماتت

يللا خدت الشرو راحت

;)

[الدكتور ياسر]

صباح الفل يا جوجو

عدلت لك العنوان يا قمر

و الموضوع زي ما قال دكتور ياسر

فعلا مش مسؤولية الحكومة وحدها

و أرى ان له جوانب كثيرة و متفرعة

أكيد من بينها المغالاة في المهور طبعا

و حقيقي اتصدمت بقيمة الشبكة دلوقت :blink:

ده انا شبكتي ما كملتش 4 آلاف جنيه

الحقيقة أهلي يسروا جدا على زوجي

غالبا كانوا عاوزين يتخلصوا مني بأي شكل

;)

تعرفي يا مدام عبير.. من 12 سنة تقريبا كان سعر جرام الدهب عيار 18 كان كام ؟؟ كان ب 20 جنيه أنا ساعتها جبت شبكة ب 1000 جنيه بس الخطوبة

الحمد لله ما كملتش .. بعدها بأربع سنوات أصبح سعر جرام الذهب عيار 18 ب 50 جنيه يعنى زاد مرتين و نصف و جبت الشبكة ب5000جنيه و الحمد لله تزوجت.....

النهاردة ثمن جرام الدهب عيار 18 و صل الى 248 جنيه!!!!! و للاسف ناس كتير لسة بتصر على شبكة تليق ببنتهم .. لسة واحد زميلى متجوز من شهرين

في أسيوط جايب شبكة ب 48000 جنيه!!!!! ينفع الكلام دة؟؟؟

الحقيقة في أسر محترمة بتقبل بدبلة ومحبس مراعاة لغلاء الاسعار.. بس غيرهم للاسف بيقولو اللى معوش ميلزموش ..

[Om Zayd]

مش فاهمة يا جويرية

لازم يتعلموا طبعا... حتى الحرف محتاجة تعليم محترم عشان متحصلش كوارث الصنايعية و لو عايزين صناعة و زراعة محترمة بجد

فيها ايه لو البنت و الولد تخرجوا و بدأوا العمل و تزوجوا في شقة إيجار بأثاث بسيط و صداق و شبكة أبسط؟؟؟

لي أصدقاء فعلوا هذا و بارك الله لهم و تحسنت ظروفهم

ياريت الاهل ميدوروش الناس هتقول ايه و يشغلوا نفسهم بمصلحة اولادهم و اختيار الزوج الصح

[عبير يونس]

اذا ماكانش الرجل هو المكسب

يبقى كل المظاهر دي ملهاش لزمة بجد

ايه فايدة ذهب و شقة و عفش و فرح و...و...

و مفيش حياة سعيدة

تعرف يا دكتور

بنت خالتي كان لها رأي غريب جدا

قالت لي لا اللي بتتجوز عن حب سعيدة

و لا اللي بتتجوز جواز صالونات سعيدة

تعاسة بتعاسة يبقى انبسط بالشبكة و الفرح !!

شخصيا

لا يهمني سوى الانسان فقط

كل شيء زائل

و المثل بيقول

يا واخد القرد على ماله

يروح المال و يفضل القرد على حاله

:blink:

و بعدين الرجال بينتقموا بعد كده

تخيل واحد كلفته عروسته كل الآلاف دي

اكيد لازم ينظر لها على انها سلعة

و اذا لم توفر له ما يريد

سيعاملها بمنتهى القسوة

و طبيعي ان يرجعها للبائع ببساطة

و يسترد أمواله

و في نفس الوقت

اذا تم التيسير على الرجل

لا يشعر بقيمة المرأة

لأنه أخدها بالساهل

و يبتدي يعتبرها من المسلمات

الوسطية دائما جميلة

خير الأمور أوسطها

[لماضة مصرية جدا]

السلام عليكم و رحمة الله و بركاته

استاذتي جويرية

هتفق مع حضرتك في نقطة ان الزواج سياق انساني رائع بيكتمل فيه كل من الرجل و أنثاه و معتقدشي ان أي انسان سوي قد يختار ألا يتزوج...و أن يبقي بعيدا عن لحظة الاكتمال مع وليفه

هختلف مع حضرتك في جزئية تحميل المسئولية علي من

و ايضا تحميل مسئولية تأخر سن...هل هم الشباب ام الفتيات

الحقيقة

ان احنا السبب

مش الاهل

و لا الحكومة

و لا المجتمع

احنا اللي استسلمنا لفكرة اتغرست جوانا فكرة عقيمة اسمها "سن الجواز"

ممكن حد يفهمني يعني ايه سن الجواز

يعني هل هو بيرجع مثلا لتطور نمو بيولوجي...يبقي في الحالة دي المفروض الولد او البنت يتجوزوا مثلا في المرحلة الاعدادية؟؟؟؟

هل هو بيرجع لكفاءة مادية.....يبقي برضه ممكن الواحد يتجوز منين ما يبقي معاه حق مهر و شبكة و فرح و معزيم و دوشة مالهاش اول من آخر

للاسف اتربينا ان فيه سلم في الحياة...يعني نخلص ثانوية عامة...نخش كلية مش بنحبها...بس لازم ندرس فيها علشان ناخد شهادة...ناخد شهادة....علشان نتوظف في مهنة مبنعرفشي عنها حاجة....و بعد ما نتوظف تلاقي البنت في سنة رابعة هتموت و تتخطب و الولد مظبط نفسه بعد الجيش

انا اعرف ان فيه سن للتجنيد

لكن سن للجواز ده

دي فكرة حطها المجتمع جوانا...و بقت تكبر فينا و تتعملق زي افكار كتير احنا رافضينها من جوانا بس للاسف بنلاقي نفسنا معذرة في اللفظ زي التور اللي لازم يلف في ساقية علشان مش هيقدر يتحمل نظرة "انه مختلف" عن التانيين

احنا متربناش ان احنا ناخد قرار في اي حاجة في حياتنا

لا تعليمنا و لا ميولنا و لا حتي الهواية الللي بنلعبها في النادي

و بالتالي استحالة حد يقنعني انه واخد قرار مية في المية في موضوع زواجه

رايي الشخصي

ان "العنوسة" مصطلح اخترعه راجل كان قاعد ع القهوة و بيضرب حجرين و عاوز يوقع بنت....

قال طب انا اخشلها منين يبقي انا اقنعها انها فاتها القطر(اه نسيت اقولكم ان الراجل ده اكيد كان بيشتغل في محطة سكك حديد مصر...اصلي برضه مش قادرة افهم يعني ايه قطر الجواز؟؟؟؟)...المهم اخينا دوتطب اقنعها ازاي انها فاتها القطر يبقي ادخل جوه دماغها انها لازم تخش "التجنيد" يعني لازم تخش جوه الفرة بتاعت البنات

و للاسف ابتدي يقنعها انها في سن ال "17" لو هي عايشة في الريف و متجوزتش يبقي "عانس"

و بعد شوية ابتدي "الحجر" يسخن في نافوخه...

فقالك...لا اصلها هتتعلم يبقي لو كملت "21" و لسه متجوزتش يبقي "عانس"

و بعد شوية بص لحاله و لقي انه لسه قاعد متكوم علي القهوة و لسه محققشي اي حاجة من احلامه الهلامية......راح محرك ال"حجر" شوية" و قالك لو كملت ال "30" و لسه متجوزتشي تبقي عانس

و كل شوية هيفضل يحرك في "الحجر" و يضغط علي البنت اللي عايز يوقعها و نسي انه هو اصلا كمان السن بيمشي بيه...و نسي ان المعيار القاسي اللي حطه علي البنت بينطبق عليه هو كمان

الزواج سيدتي الفاضلة مش محتاج معايير من نوعية المعيار اللي فوق بتاعت عموناو امثاله اللي شخصيا بشوف انهم"محششين قاعدين بيضربوا حجر عن دنيا مش راح يعيشوها"- دي وجهة نظري الشخصية مش هفرضها علي حد

الجوزا من وجهة نظري مش محطة و لا قطر المفروض نتسابق مين راح تلبس الطرحة الاول و بعد كده تشوف المر في حياتها

الجواز جزء قدري جدا من مرحلة نمونا و تطور شخصياتنا و قدرتنا علي اتخاذ قرار مصيري مش بس هيرجع علينا لكن ممكن يتأثر بيه كمان اطفال يعني جيل بحاله

انا ميهمنيش اتجوز في انهي سن

لكن يهمني اني آخد قرار صح في مشروع زواج هختار محطته بنفسي و في قطار اقوده بنفسي علشان اقدر اتحمل مسئوليته مش بس بهرجته الخارجية لكن معناه الانساني العميق و ساعتها مش هحتاج للحكومة و لا للمجتمع انا هحتاج لعقل واعي و فكرة جوايا بتقولي اني بني آدم قادر باذن الله انه يصنع اختياراته و ياخد قرار يتحمل مسئوليته

بالمناسبة الحكومة اتغيرت....لكن احنا كبني آدمين قدامنا لسه كتير اوي عقبال ما نغير افكار اتغرست جوانا

صدقيني لو قدرنا...كل واحد فينا يتغير...صدقيني كل واحد مننا هيعيش حياة افضل بكتير من القلب الجاهز اللي الناس التانية راح تفرضه عليه...و برضه صدقيني عمر الناس ما هترضي عنك..(و اقصد الناس هنا الحكومة و المجتمع و كل اللي حواليكي)

لو اتجوزتي او لو متجوزتيش

لو سافرتي او لو ماسفرتيش

لو عشتي زييهم او لو اختلفتني عنهم

عيشي حياتك انت...و حلمك انتي و يكون اختيارك انتي مش حد تاني

[عبير يونس]

سن الزواج حددوه في فترة القدرة على الانجاب

و هي فترة تعتبر محدودة للمرأة

بينما الرجل يمكنه الانجاب حتى التسعين!

انا تزوجت سني 27

و للاسف كان استسلام لضغط اجتماعي

ومكانش عن اقتناع اني فعلا دي رغبتي انا

مش ضغط من والدتي و دموعها ليل و نهار انها خايفة تموت قبل ما تطمن عليا

و الحقيقة اتعمل لي كمين و اتكلفت

يعني الحمد لله الحياة مش وحشة

بس بجد

تعبت اوي في التعامل مع زوج و بيت و اولاد

ومكنتش لسه مستعدة نفسيا

و الاستعداد النفسي ملوش سن

ممكن بنت عندها 20 سنة تكون مقبلة على الزواج و مستعدة للحياة المشتركة

وممكن بنت للاربعين لسه معندهاش استعداد

و اذا كان ع الانجاب

اديني ما شاء الله لسه باحمل اهو و انا عندي 39 !!

تخيلوا لو كنت اتجوزت عندي 18 سنة

:unsure:

الانجاب رزق من الله تعالى

و ياما بنات بتتجوز في سن صغيرة و ما بيخلفوش الا بعد سنوات طويلة من العذاب و اللف على الاطباء

و ممكن ما يخلفوش خالص

و في بنات اتجوزوا في آخر الثلاثينات و ربنا رزقهم بطفلين و ثلاثة!

صاحبتي عندها 40 و لسه ما تزوجتش و عايشة حياتها عادي و بتروح شغلها

البشر مختلفين و ظروفهم مختلفة

لا للقوالب الجاهزة

كل واحد له حياته اللي ما تشبهش حياة أي حد تاني حتى أخوه التوأم

[ابراهيم عبد العزيز]

مشكلة تأخر سن الزواج فى رأي هى مشكلة صنعها المجتمع

الشاب يريد أن ياتي بشبكة غالية الثمن وأن يقيم حفلة زواج مبهرة وياتي بالمغني الفلاني أو العلاني وأن تكون الحفلة فى صالة أفراح شهيرة وووووووو الخ

وكل ذلك من أجل أن يقول الناس أن فلان الفلاني أقام أفضل حفلة زواج فى العائلة !! والمسكين لا يعلم أن كل ما تكلفه هذا قد ذهب هباء منثورا لان الناس تنسى بسرعة ولن يتذكر له الناس طول العمر مثلا أنه أقام أفضل حفلة زواج !

اهل البنت : يريدون لابنتهم أغلى وأقيم أنواع الشبكة وأعلى المهور , ويريدون لها حفلة زواج مبهرة

وكل ذلك لاعتقادهم أنه اذا لم تجري الامور بهذه الكيفية فالناس ستقول على بنتهم ( رخيصة! )

وهكذا كلا الطرفين يرهق الاخر ويزايد عليه وكل ذلك بدافع أهواء مريضة لا تغني ولا تسمن من جوع

ولو أننا أخذنا بما جاء به اسلامنا الحنيف لكفانا كل هذا

فقد قال رسول الله صلى الله عليه وسلم

(( اذا جاءكم من ترضون دينه وخلقه فزوجوه الا تفعلوا تكن فتنة في الارض وفساد كبير ))

ها هو الفساد نراه الأن والمتمثل فى ظاهرة تأخر سن الزواج

وها هى الفتنة نراها الان فى انتشار الزنا والإنفلات الأخلاقي

"ظهر الفساد في البر والبحر بما كسبت أيدي الناس"

[جويرية]

[

size="6] صباح الفل يا جوجو

عدلت لك العنوان يا قمر

و الموضوع زي ما قال دكتور ياسر

فعلا مش مسؤولية الحكومة وحدها

و أرى ان له جوانب كثيرة و متفرعة

أكيد من بينها المغالاة في المهور طبعا

و حقيقي اتصدمت بقيمة الشبكة دلوقت :blink:

صباح الفل يا عبورة

ميرسي علي تعديل اسم الموضوع

بس يعني بشوف اشمعني الشبكة هيا اللي يختصروا في تمنها طيب ما يقلللوا مصاريف الفرح ولا يلغوه خالص ، الشبكة ده جزء من المهر ، يعني ناس تكلف الفرح كتير و مش عايزة تجيب شبكة

وكمان ما هيا الحكومة بتخرج الشاب و عنده 24 سنة فين حيلحق يجيب مهر

و هيا البنت تتحمل عمايل الدولة المفترية بتاعتنا ليه ، في ناس بتكتب العفش في القايمة و يبقي كد العفش برضو جزء من المهر ، طيب لو حصل طلاق ما العفش ده بيبقي كراكيب و ملوش قيمة

ماحدش بيسيب حد في حاله

لو البنت متجوزتش

تبقى عانس

و لو اتجوزت

ها

حملت و الا لسه؟

و لو انجبت بنت

ربنا يرزقك بالولد

و لو انجبت ولد

يارب تخاويه

و لو زودت

هو ايه ما كفاية

و لو اتطلقت

فيها عيب

و لو اترملت

وشها نحس

و لو فكرت تتجوز تاني

معندهاش حيا و لا خشا

ولو قعدت من غير جواز

يبقى اكيد بتعمل حاجة بطالة

و لو ماتت

يللا خدت الشرو راحت

ما عشان كدة بقول الواحد يختار الناس اللي بيتعامل معاهم ، لما بقول الاية ( وقرن في بيوتكن ) فدي لها ابعاد تانية ، ان الواحدة لما تقعد في بيتها مش حتتعامل غير مع اهلها و دول لحمها و دمها يعني مفيش بقي التقطيم و الكره و العداء ، اما علاقات العمل و الناس اللي بتتفرض علي الواحد انه يتعامل معاهم ، فتوقعي اي شئ من ناس لا يجمع بينهم المودة ولا حب لكن يجمع بينهم العمل و التنافس ،

[جويرية]

امارتي يدفع المهر بطريقة عجيبة

ملحوظة : اللي في السبت ده دهب مش شيكولاتة

[جويرية]

مش فاهمة يا جويرية

لازم يتعلموا طبعا... حتى الحرف محتاجة تعليم محترم عشان متحصلش كوارث الصنايعية و لو عايزين صناعة و زراعة محترمة بجد

فيها ايه لو البنت و الولد تخرجوا و بدأوا العمل و تزوجوا في شقة إيجار بأثاث بسيط و صداق و شبكة أبسط؟؟؟

لي أصدقاء فعلوا هذا و بارك الله لهم و تحسنت ظروفهم

ياريت الاهل ميدوروش الناس هتقول ايه و يشغلوا نفسهم بمصلحة اولادهم و اختيار الزوج الصح

اكيد لازم يتعلموا بس مش 16 سنة ، الحكومة بتسحمر الناس ، يعني عشان تسمح لهم يشتغلوا و ياكلوا عيش لازم تطلع عينهم ، ما كل الناس لغاية قبل 100 سنة مثلا كانوا بيشتغلوا من غير سنوات الدراسة دي كلها ، مفيش حاجة جدت في العلوم غير الطب او العلوم او الهندسة ، ودول مش محتاجين اكتر من 1000 ولا 2000 بس خريج بالكتير سنويا

وحتي دول لو شيلي مثلا 6 سنين دراسة في اعدادي و ثانوي دول زي قلتهم ملهمش فايدة

ما حتي الاثاث البسيط ده ليه تكلفة ، يعني لو حسبتي ابسط حاجة حتلاقيها تعوز من الشاب 5 او 6 سنين شغل ، يبقي كدة قفل التلاتين ، يبقي البنت برضو وصلت التلاتين

اللي بيغير المعادلة دي مساعدة الاهل

حتي دي برضو صعب علي الحكومة تسيب الناس يساعدوا ابنائهم فمع مصاريف الكليات الخاصة خلاص بقي ، يساعدوهم منين

يبقي اللي حيتجوز عدد قليل ، يبقي كدة الاصل هوه تأخير الجواز

و الحكومة بقي خلاص قالت للناس ده خلاص بقي عادي و عملت مسلسل للعوانس ، و خلاص دي بقت حاجة من تركيبة المجتمع ، و عيشوا حياتكم علي كدة و خلاص

[جويرية]

السلام عليكم و رحمة الله و بركاته

استاذتي جويرية

هتفق مع حضرتك في نقطة ان الزواج سياق انساني رائع بيكتمل فيه كل من الرجل و أنثاه و معتقدشي ان أي انسان سوي قد يختار ألا يتزوج...و أن يبقي بعيدا عن لحظة الاكتمال مع وليفه

هختلف مع حضرتك في جزئية تحميل المسئولية علي من

و ايضا تحميل مسئولية تأخر سن...هل هم الشباب ام الفتيات

الحقيقة

ان احنا السبب

مش الاهل

و لا الحكومة

و لا المجتمع

احنا اللي استسلمنا لفكرة اتغرست جوانا فكرة عقيمة اسمها "سن الجواز"

ممكن حد يفهمني يعني ايه سن الجواز

يعني هل هو بيرجع مثلا لتطور نمو بيولوجي...يبقي في الحالة دي المفروض الولد او البنت يتجوزوا مثلا في المرحلة الاعدادية؟؟؟؟

هل هو بيرجع لكفاءة مادية.....يبقي برضه ممكن الواحد يتجوز منين ما يبقي معاه حق مهر و شبكة و فرح و معزيم و دوشة مالهاش اول من آخر

للاسف اتربينا ان فيه سلم في الحياة...يعني نخلص ثانوية عامة...نخش كلية مش بنحبها...بس لازم ندرس فيها علشان ناخد شهادة...ناخد شهادة....علشان نتوظف في مهنة مبنعرفشي عنها حاجة....و بعد ما نتوظف تلاقي البنت في سنة رابعة هتموت و تتخطب و الولد مظبط نفسه بعد الجيش

انا اعرف ان فيه سن للتجنيد

لكن سن للجواز ده

دي فكرة حطها المجتمع جوانا...و بقت تكبر فينا و تتعملق زي افكار كتير احنا رافضينها من جوانا بس للاسف بنلاقي نفسنا معذرة في اللفظ زي التور اللي لازم يلف في ساقية علشان مش هيقدر يتحمل نظرة "انه مختلف" عن التانيين

احنا متربناش ان احنا ناخد قرار في اي حاجة في حياتنا

لا تعليمنا و لا ميولنا و لا حتي الهواية الللي بنلعبها في النادي

و بالتالي استحالة حد يقنعني انه واخد قرار مية في المية في موضوع زواجه

رايي الشخصي

ان "العنوسة" مصطلح اخترعه راجل كان قاعد ع القهوة و بيضرب حجرين و عاوز يوقع بنت....

قال طب انا اخشلها منين يبقي انا اقنعها انها فاتها القطر(اه نسيت اقولكم ان الراجل ده اكيد كان بيشتغل في محطة سكك حديد مصر...اصلي برضه مش قادرة افهم يعني ايه قطر الجواز؟؟؟؟)...المهم اخينا دوتطب اقنعها ازاي انها فاتها القطر يبقي ادخل جوه دماغها انها لازم تخش "التجنيد" يعني لازم تخش جوه الفرة بتاعت البنات

و للاسف ابتدي يقنعها انها في سن ال "17" لو هي عايشة في الريف و متجوزتش يبقي "عانس"

و بعد شوية ابتدي "الحجر" يسخن في نافوخه...

فقالك...لا اصلها هتتعلم يبقي لو كملت "21" و لسه متجوزتش يبقي "عانس"

و بعد شوية بص لحاله و لقي انه لسه قاعد متكوم علي القهوة و لسه محققشي اي حاجة من احلامه الهلامية......راح محرك ال"حجر" شوية" و قالك لو كملت ال "30" و لسه متجوزتشي تبقي عانس

و كل شوية هيفضل يحرك في "الحجر" و يضغط علي البنت اللي عايز يوقعها و نسي انه هو اصلا كمان السن بيمشي بيه...و نسي ان المعيار القاسي اللي حطه علي البنت بينطبق عليه هو كمان

الزواج سيدتي الفاضلة مش محتاج معايير من نوعية المعيار اللي فوق بتاعت عموناو امثاله اللي شخصيا بشوف انهم"محششين قاعدين بيضربوا حجر عن دنيا مش راح يعيشوها"- دي وجهة نظري الشخصية مش هفرضها علي حد

الجوزا من وجهة نظري مش محطة و لا قطر المفروض نتسابق مين راح تلبس الطرحة الاول و بعد كده تشوف المر في حياتها

الجواز جزء قدري جدا من مرحلة نمونا و تطور شخصياتنا و قدرتنا علي اتخاذ قرار مصيري مش بس هيرجع علينا لكن ممكن يتأثر بيه كمان اطفال يعني جيل بحاله

انا ميهمنيش اتجوز في انهي سن

لكن يهمني اني آخد قرار صح في مشروع زواج هختار محطته بنفسي و في قطار اقوده بنفسي علشان اقدر اتحمل مسئوليته مش بس بهرجته الخارجية لكن معناه الانساني العميق و ساعتها مش هحتاج للحكومة و لا للمجتمع انا هحتاج لعقل واعي و فكرة جوايا بتقولي اني بني آدم قادر باذن الله انه يصنع اختياراته و ياخد قرار يتحمل مسئوليته

بالمناسبة الحكومة اتغيرت....لكن احنا كبني آدمين قدامنا لسه كتير اوي عقبال ما نغير افكار اتغرست جوانا

صدقيني لو قدرنا...كل واحد فينا يتغير...صدقيني كل واحد مننا هيعيش حياة افضل بكتير من القلب الجاهز اللي الناس التانية راح تفرضه عليه...و برضه صدقيني عمر الناس ما هترضي عنك..(و اقصد الناس هنا الحكومة و المجتمع و كل اللي حواليكي)

لو اتجوزتي او لو متجوزتيش

لو سافرتي او لو ماسفرتيش

لو عشتي زييهم او لو اختلفتني عنهم

عيشي حياتك انت...و حلمك انتي و يكون اختيارك انتي مش حد تاني

ازاي بس يا ريهام الناس هيا اللي مسئولة مش الحكومة ، مش شئ واضح جدا تزامن ظاهرة العنوسة مع انتشار التعليم الغربي ابو 16 سنة

رأيي ان الناس مسئولين في حاجة ان جد موضوع العفش ده زمان ماكنش فيه عفش ، ومكانش فيه مصاريف فرح ، فممكن المهر يبقي كبير مش مشكلة

فمفروض الناس لما تجد حاجة جديدة في المجتمع يبقي فيه قوانين مختلفة عشان تيسر حياة الناس

فأما ان الناس تتفق علي تخفيض المهر و ده بصراحة فيه اهدار لحقوق المرأة ، و امما الاتفاق علي ان مش مهم العفش و ييجي بعد الجواز

اما نظرة الناس لغير المتزوجة فدي طبيعة البشر ومحدش حيقدر يغيرها ، مش هيا افكار مغلوطة حاططها المجتمع ، هوه النورمل كدة ان الواحد يبقي متزوج و اي خروج عن الطبيعي ده بيترفض

حتي لو الواحدة ملهاش ذنب في ده

وتلاقي الستات مش بيحبوا يتعاملوا مغ اللي غير متزوجة ، فخلاص الموضوع بسيط ، الواحد يقدر يختار اللي حواليه من الناس اللي في نفس ظروفه ،

[جويرية]

مشكلة تأخر سن الزواج فى رأي هى مشكلة صنعها المجتمع

الشاب يريد أن ياتي بشبكة غالية الثمن وأن يقيم حفلة زواج مبهرة وياتي بالمغني الفلاني أو العلاني وأن تكون الحفلة فى صالة أفراح شهيرة وووووووو الخ

وكل ذلك من أجل أن يقول الناس أن فلان الفلاني أقام أفضل حفلة زواج فى العائلة !! والمسكين لا يعلم أن كل ما تكلفه هذا قد ذهب هباء منثورا لان الناس تنسى بسرعة ولن يتذكر له الناس طول العمر مثلا أنه أقام أفضل حفلة زواج !

اهل البنت : يريدون لابنتهم أغلى وأقيم أنواع الشبكة وأعلى المهور , ويريدون لها حفلة زواج مبهرة

وكل ذلك لاعتقادهم أنه اذا لم تجري الامور بهذه الكيفية فالناس ستقول على بنتهم ( رخيصة! )

وهكذا كلا الطرفين يرهق الاخر ويزايد عليه وكل ذلك بدافع أهواء مريضة لا تغني ولا تسمن من جوع

ولو أننا أخذنا بما جاء به اسلامنا الحنيف لكفانا كل هذا

فقد قال رسول الله صلى الله عليه وسلم

(( اذا جاءكم من ترضون دينه وخلقه فزوجوه الا تفعلوا تكن فتنة في الارض وفساد كبير ))

ها هو الفساد نراه الأن والمتمثل فى ظاهرة تأخر سن الزواج

وها هى الفتنة نراها الان فى انتشار الزنا والإنفلات الأخلاقي

"ظهر الفساد في البر والبحر بما كسبت أيدي الناس"

بس يه ناس بتتحدي المجتمع و تعمل الصح ، انا مشفتش حد بيعمل كدة ير السلفيين ، هما اللي بييسروا الزواج جدا بعض منهم طبعا ، اما الاخرون و برغم ان هما بيتكلموا عن الحرية دايما لكن بنلاقيهم في الموضوع ده بيتقيدوا بعادات المجتمع و ممكن يأخروا زواج ابنائهم بخطوبة طويلة عشان مصاريف الفرح و الشبكة و العفش

[جويرية]

سن الزواج حددوه في فترة القدرة على الانجاب

و هي فترة تعتبر محدودة للمرأة

بينما الرجل يمكنه الانجاب حتى التسعين!

ما هي كارثة طبعا و ظلم بين للمرأة ، كون الدولة بسياستها التعليمية مش تراعي النقطة دي ، و يقولوا للمتأخرات في الزواج تكيفي مع ظروفك و عادي سن الزواج ارتفع ، و اشغلي نفسك بعملك ، تشغل نفسها ازاي هيا عارفة ان كل يوم بيمر بيقلل فرص الانجاب

و حتي للراجل برضو ، ممكن مع تأخير الزواج بيكون اتعود يعيش لوحدة خلاص و يبقي ظروفه المادية كويسة بس خلاص مش فارقة معاه

انا تزوجت سني 27

و للاسف كان استسلام لضغط اجتماعي

ومكانش عن اقتناع اني فعلا دي رغبتي انا

مش ضغط من والدتي و دموعها ليل و نهار انها خايفة تموت قبل ما تطمن عليا

و الحقيقة اتعمل لي كمين و اتكلفت

يعني الحمد لله الحياة مش وحشة

بس بجد

تعبت اوي في التعامل مع زوج و بيت و اولاد

ومكنتش لسه مستعدة نفسيا

و الاستعداد النفسي ملوش سن

ممكن بنت عندها 20 سنة تكون مقبلة على الزواج و مستعدة للحياة المشتركة

وممكن بنت للاربعين لسه معندهاش استعداد

موضوع الاستعداد النفسي ده مفروض ان الجد او الجدة بيساعدوا ابنائهم في حياتهم الجديدة ، و بععدين هما مش عندهم حد اغلي من احفادهم ، و سواء الابناء عندهم استعداد للزواج اولا مفيش اب او ام بيسيب ولاده ، و هيا الحياة الزوجية تجربة جديدة ففي جميع الاحوال محتاجة دعم من الاهل

و اذا كان ع الانجاب

اديني ما شاء الله لسه باحمل اهو و انا عندي 39 !!

تخيلوا لو كنت اتجوزت عندي 18 سنة

الانجاب رزق من الله تعالى

و ياما بنات بتتجوز في سن صغيرة و ما بيخلفوش الا بعد سنوات طويلة من العذاب و اللف على الاطباء

و ممكن ما يخلفوش خالص

و في بنات اتجوزوا في آخر الثلاثينات و ربنا رزقهم بطفلين و ثلاثة!

صاحبتي عندها 40 و لسه ما تزوجتش و عايشة حياتها عادي و بتروح شغلها

البشر مختلفين و ظروفهم مختلفة

لا للقوالب الجاهزة

كل واحد له حياته اللي ما تشبهش حياة أي حد تاني حتى أخوه التوأم

ما هو الاستثناء ان حد كبير في السن يخلف و الصغير ميخلفش ، بس خلينا نتكلم في الاصل ان الافضل طبعا الزواج في سن اصغر