تعليق الدراسة غداً في الرياض والدمام

[لونا]

جريدة الرياض

أصدر مديرو التربية والتعليم في مناطق الرياض والقصيم والشرقية، قراراً يقضي بتعليق الدراسة ليوم غد الثلاثاء بناءً على التحذيرات الواردة من مصلحة الأرصاد وحماية البيئة.وأوضح المتحدث الرسمي باسم وزارة التربية والتعليم محمد الدخيني أن القرار جاء بناءً على التحذيرات الواردة من مصلحة الأرصاد وحماية البيئة التي تضمنت الإشارة إلى تأثير حزام من السحب الرعدية الممطرة ابتداءً من مساء اليوم الاثنين على عدد من مناطق المملكة وفرصة هطول أمطار من متوسطة إلى غزيرة على منطقتي القصيم والرياض والمنطقة الشرقية، وبناءً على تحذيرات وردت لإدارات التربية والتعليم في المناطق والمحافظات توصي بتعليق الدراسة في مدارس التعليم العام في المناطق المتوقع تأثرها.

وأفاد أن القرار يشمل فقط مدارس التعليم العام ومنسوبيها من الطلاب والطالبات والمعلمين والمعلمات والهيئة الإدارية.

ويمكن متابعة تحديثات التعليق الخاصة بالجامعات والكليات من خلال صفحة (الرياض.نت) في موقع تويتر : @alRiyadh

شاهدت الخبر على قناة العربية و على الإخبارية السعودية

الأولاد فرحانين جدًا لأن عندهم امتحانات ال midterm اليومين دول

عادة المدرسة ترسل لنا رسالة على الساعة 12 بالليل تأكد على الأجازة

تم تعديل 28 نوفمبر 2011 بواسطة لونا

[pink rose]

كنت لسا داخلة اكتب الخبر دا

المدرسة لسا باعتلنا رسالة حالا

بس مريم نايمة اصلا

بكرة هاتصحى تلاقي نفسها في البيت هاتزعل اوي اني نيمتها بدري

ههههههههههههه

يالا الحمدلله اترحمت انا من الصحيان بدري 4 ايام

ربنا يخلي المطرة

[se_ Elsyed]

رسائل دلوقت من مدارس الرياض بإن بكره أجازة لسوء الاحوال الجوية

من يومين كان في مطر غزير ... وداخلين في إسبوع دلوقت برد زمهرير ... وبالتالي متوقعين رياح وامطار غزيرة

احسن برضوا

[لونا]

كنت لسا داخلة اكتب الخبر دا

المدرسة لسا باعتلنا رسالة حالا

بس مريم نايمة اصلا

بكرة هاتصحى تلاقي نفسها في البيت هاتزعل اوي اني نيمتها بدري

ههههههههههههه

يالا الحمدلله اترحمت انا من الصحيان بدري 4 ايام

ربنا يخلي المطرة

إحنا عندنا امتحانات .. و لو ما قالوش الأربعاء أجازة لازم نروح

[pink rose]

مكتوب علي موقع الارصاد ان العاصفة لحد يوم الاربع

مش عارفه بقي هايكملوا للاربع اجازة و لا لأ

بس انا احتمال كبير ما اخليش مريم تروح

هي لسا سنة اولى و ما عندهاش امتحانات

ربنا معاكم انتوا بقي

تم تعديل 28 نوفمبر 2011 بواسطة pink rose

[Alattar]

رسائل دلوقت من مدارس الرياض بإن بكره أجازة لسوء الاحوال الجوية

من يومين كان في مطر غزير ... وداخلين في إسبوع دلوقت برد زمهرير ... وبالتالي متوقعين رياح وامطار غزيرة

احسن برضوا

وانت مالك فرحان كده ليه ياريس؟.انت خدت الماجيستير و اشتغلت مدرس ولا ايه؟

المفروض انك تتعاطف مع الموظفين امثالنا..

أنا مش قادر أفهم..طب و المستوظفين اللي زي حالاتنا مالهومش قيمة يعني؟..ما بيدوناش احنا كمان أجازة ليه؟..

أنا عارف ان دول عيال صغيرة و كدهون..بس برضه أنا بتأثر من البرد ده..ده انا أحيانا لما الجو بيبرد..ببقي سقعان أوي :closedeyes: ..يعني بنتأثر احنا كمان

مشكلة الرياض..ان زي ما الحر فيها شديد..البرد برضه فيها صعب أوي..الجو جاف جدا..برد صحراوي...من اللي هيوصللك هيوصللك..حتي لو متغطي بميت بطانية..برضه هيوصللك..حاجة فعلا صعبة أوي

[se_ Elsyed]

يا عم أنا عندي حتتين في المدارس وبيقرفوني ذهاباً وإياباً

[Alattar]

الجو عندنا ما شاء الله حاجة صعبة .. الواحد من الصبح بيسمع أصوات عجيبة..بيحس ان البيت بيقع..وبعدين أكتشف انه صوت الرعد..

و تقريبا دي أول مرة أحتاج اني أشغل المساحات اللي في العربية..من يوم ما جبتها و المساحات لسه جديدة

فعلا..لو كان فيه مدارس النهاردة كانت هتبقي بهدلة..لأن الأرض غرقانة .. و المياه بتجري في الشوارع .. مش ناقص غير ان يبقي فيه موجة بس..وكنت خدت الشمسية..و لبست المايون..و صيفت بدري بدري..

دي شوية فيديوهات لقيتها علي اليوتيوب لأمطار النهاردة..

دي في شارع التخصصي تقريبا..أنا مش متأكد لأني مش بروحه كتير

http://www.youtube.com/watch?v=sVC9dPqmq74

و دي في طريق مكة..لأني شفت يافطة حي السفارات..و اللي أعرفه.ان حي السفارات في طريق مكة تقريبا..

http://www.youtube.com/watch?v=Y8XG96VCbyw

[se_ Elsyed]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

[عبير يونس]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

غزلان؟؟؟

هو عارف يشوي دياي ( دجاج) حتى؟؟ :P

معلش يا عطار يا أخويا

سيبني اتكلم لأحسن يجرى لي حاجة

[Alattar]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

والله يا ريس..لولا الجماعة اللي في البيت دول.. كنت رحت معاك أي حتة..بس هنعمل فيهم ايه دول؟..

كل ما أبص من الشباك في الشركة..أفتكر ان المغرب قرب يأذن..وبعدن أبص في الساعة ألاقيها لسه 2 الظهر..

المهم بس ان شاء الله الجو يتعدل بكره..لأني ناوي بإذن الله أروح مكة بكره بالليل..المدام عاوزة تعمل عمرة قبل ما تنزل مصر

هي بس تنزل مصر..و ان شاء الله هتلاقيني راشق معاك في أي حتة..حدد انت بس المكان و الزمان..و أنا هجيب الشواية علي كتفي..و هجيبلك الغزلان معايا كمان..

[Alattar]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

غزلان؟؟؟

هو عارف يشوي دياي ( دجاج) حتى؟؟ :P

معلش يا عطار يا أخويا

سيبني اتكلم لأحسن يجرى لي حاجة

لأ..ده كان زمان يا مدام عبير..دلوقتي ربنا كرمني..و جبت شواية كهرباء..وما بعملش أي حاجة..بحط عليها الفراخ و هي بتستوي لوحدها

أما بالنسبة للشواية الفحم..حاططها في كيس..و مخبيها تحت الكنبة..و مخليها للوقت المناسب..وان شاء الله هبلغكوا قبلها عشان كل واحد ياخد باله..و ما حدش ييجي يقوللي سحابة سودا و خرم الأوزون و الكلام ده..

[se_ Elsyed]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

غزلان؟؟؟

هو عارف يشوي دياي ( دجاج) حتى؟؟ :P

معلش يا عطار يا أخويا

سيبني اتكلم لأحسن يجرى لي حاجة

ههههههههههههههههههههههههههه

سمعتك بقت في الحديد يا عطار وسمعت عند الربع في الحجاز ...

عبير .. إن الله حليم ستار

فاضل تقولي لي إن عطار الوحيد اللي ضرب الرقم القياسي وبيشوي فراخ في الحمام الصغير

أو تقولي لي إن المطاعم اللي جنب بيته بتشتغل على حسه كل ما يشوي فراخ ويحرقها ويرميها للقطط وينزل يشتري منهم فراخ في الخباثة عشان يقول للناس إن هو اللي شاويها

أو تقولي لي إن ولاده خلاص جالهم أرتكاريا كل ما يلبس يبجامة السوا وبيقولوا : إمتى ربنا ههايرحمنا من العذاب ده

لأ عيب يا عبير .. كلنا كنا كده وإحنا صغيرين ومش عيب إن أغلط وأحرق مرة وأتنين وتلاتة وميه ... لكن العيب إني أستمر في الغلب ده وأبهدل اللي حواليه

[Alattar]

إيه اللي بيحصل ده ؟

سيول من أمبارح بالليل وخبط ورزع وامطار متواصلة حتى الان ... وبردددددددددددددددددددددددددددددد

الموضوع ده يبي له طلعه الثمامة يا عطار وننصب الخيمة .. ونطلع نصطاد غزلان ونشوي بقى ونقعد لنا 3 او 4 في البر .. ويش جولت ؟

غزلان؟؟؟

هو عارف يشوي دياي ( دجاج) حتى؟؟ :P

معلش يا عطار يا أخويا

سيبني اتكلم لأحسن يجرى لي حاجة

ههههههههههههههههههههههههههه

سمعتك بقت في الحديد يا عطار وسمعت عند الربع في الحجاز ...

عبير .. إن الله حليم ستار

فاضل تقولي لي إن عطار الوحيد اللي ضرب الرقم القياسي وبيشوي فراخ في الحمام الصغير

أو تقولي لي إن المطاعم اللي جنب بيته بتشتغل على حسه كل ما يشوي فراخ ويحرقها ويرميها للقطط وينزل يشتري منهم فراخ في الخباثة عشان يقول للناس إن هو اللي شاويها

أو تقولي لي إن ولاده خلاص جالهم أرتكاريا كل ما يلبس يبجامة السوا وبيقولوا : إمتى ربنا ههايرحمنا من العذاب ده

لأ عيب يا عبير .. كلنا كنا كده وإحنا صغيرين ومش عيب إن أغلط وأحرق مرة وأتنين وتلاتة وميه ... لكن العيب إني أستمر في الغلب ده وأبهدل اللي حواليه

قطط؟..قلبك أبيض..انت فاكر ان القطط هنا زي بتاعة مصر..من اللي بترضي بأي حاجة..دي القطط لو رميتلها الفراخ دي..كانت قالتلي كلمة وحشة..

أنا فاكر أول مرة أشوي دي- وبالمناسبة..هي كانت آخر مرة برضه -..لما شلت الفراخ من علي الشواية..ما كنت عارف أفرق بينها و بين الفحم اللي تحتها..الدنيا كلهاكانت سودا..

موضوع الحمام ده أنا كنت فاكر انه عادي يعني..قلت هشغل الشفاط و ان شاء الله كل حاجة هتبقي تمام..و البيجاما لسه لحد دلوقتي والله موجودة أهه..ما رميتهاش..موجودة بالأخرام اللي فيها..بأثار المعركة..كل حاجة موجودة..سايبها للذكري

[عماد حمدي]

إحنا بقا هنا أجازة خميس و جمعة و سبت مش علشان الأحوال الجوية :P .. عيد الإتحاد الوطني

و لا عزاء لمغتربي السعودية ;)

[Alattar]

إحنا بقا هنا أجازة خميس و جمعة و سبت مش علشان الأحوال الجوية :P .. عيد الإتحاد الوطني

و لا عزاء لمغتربي السعودية ;)

ايه الاتحاد الوطني ده ياريس..أنا آخر حاجة أعرفها قبل ما أسيب مصر كانت الاتحاد السكندري..

انت قصدك الانتخابات يعني؟..

[عماد حمدي]

إحنا بقا هنا أجازة خميس و جمعة و سبت مش علشان الأحوال الجوية :P .. عيد الإتحاد الوطني

و لا عزاء لمغتربي السعودية ;)

ايه الاتحاد الوطني ده ياريس..أنا آخر حاجة أعرفها قبل ما أسيب مصر كانت الاتحاد السكندري..

انت قصدك الانتخابات يعني؟..

لا يا برنس .. دا عيد الإتحاد الوطني الإمارات العربية المُتحدة ..

عيد الإتحاد السنة دي هيكون رقم 40 ( إتحاد الإمارات ) .. بيكون يوم 2 ديسمبر من كل عام

و 2 ديسمبر السنة دي طبعاً جمعة

فإدونا السبت بداله و الخميس بدل السبت اللي فات علشان راس السنة الهجرية ..

بص هوه هنا أجازاتا في اي حاجة الإسراء و المعراج مولد النبي رأس السنة الهجرية رأس السنة الميلادية العيد الصغير العيد الكبير عيد الإتحاد ، بتاع شهر مثلاً في السنة ههههههههههههههه

[Alattar]

إحنا بقا هنا أجازة خميس و جمعة و سبت مش علشان الأحوال الجوية :P .. عيد الإتحاد الوطني

و لا عزاء لمغتربي السعودية ;)

ايه الاتحاد الوطني ده ياريس..أنا آخر حاجة أعرفها قبل ما أسيب مصر كانت الاتحاد السكندري..

انت قصدك الانتخابات يعني؟..

لا يا برنس .. دا عيد الإتحاد الوطني الإمارات العربية المُتحدة ..

عيد الإتحاد السنة دي هيكون رقم 40 ( إتحاد الإمارات ) .. بيكون يوم 2 ديسمبر من كل عام

و 2 ديسمبر السنة دي طبعاً جمعة

فإدونا السبت بداله و الخميس بدل السبت اللي فات علشان راس السنة الهجرية ..

بص هوه هنا أجازاتا في اي حاجة الإسراء و المعراج مولد النبي رأس السنة الهجرية رأس السنة الميلادية العيد الصغير العيد الكبير عيد الإتحاد ، بتاع شهر مثلاً في السنة ههههههههههههههه

آه صحيح..أنا نسيت انك في الامارات

أنا متهيألي ان اي حتة في الدنيا فيها أجازات..الا في السعودية..مفيش غير العيد الصغير و الكبير..و اليوم الوطني بس..ولا بناخد حاجة غيره..طبعا أنا بتكلم عن القطاع الخاص..لكن الحكومة ما شاء الله بياخداو أجازات لحد ما بيزهقوا..

حتي لما رحت ليبيا..ما كانش فيه أجازات هناك غير العيد الصغير و الكبير..و الفاتح من سبتمبر..وأحيانا 23 يوليو..عشان عبد الناصر..

تم تعديل 29 نوفمبر 2011 بواسطة Alattar

[Alattar]

علي تليفوني دلوقتي..درجة الحرارة 9 درجات

ده ايه العذاب ده؟

أنا هنا في الشغل يعني الشركة مقفولة كلها و مكتومة شوية..ده غير ان عندنا تكييف مركزي..ممكن يدفي الدنيا شوية

لكن الغلبانة اللي أنا سايبها في البيت دي تعمل ايه؟..والله كل شوية تكلمني بتستغيث..و أنا مش عارف أعمللها حاجة

تقريبا لبست كل اللبس اللي في الدولاب..و مش ناقص غير قمصاني و بنطلوناتي..و برضه مافيش حاجة نافعة

[الغريب]

دا أيه الغلب اللي أحنا فيه ده

أنا أمبارح روحت الشغل الصبح وبصيت في درجة الحرارة لقيتها 6 درجات

وأنتو علشان 9 درجات تاخدوا أجازة !!!!

يعني في الصيف شايلين عنكم الحر وفي الشتاء شايلين عنكم البرد وبردو مقضينها أجازات

ربنا يرحمنا برحمته