استشارة عاجلة : هل حد جرب قيادة الجراند تيريوس? وهل لها عيوب?

[Abu Reem]

طيب ليه ما تكلمتوا عن

السوزوكي جراند فيتارا

اعتقد نفس المواصفات المطلوبة من استاذ عصام وشكلها حلو...وايضا الشيفورليه كابتيفا

هل يستطيع احد ان يأتي لنا بمواصفات ومميزات هاتين السيارتين

[raouf]

طيب ليه ما تكلمتوا عن

السوزوكي جراند فيتارا

اعتقد نفس المواصفات المطلوبة من استاذ عصام وشكلها حلو...وايضا الشيفورليه كابتيفا

هل يستطيع احد ان يأتي لنا بمواصفات ومميزات هاتين السيارتين

شوف ياسيدى الفيتارا 2000 و2400 سى سى

1600 للفيتارا 2 باب

ودى صغيرة وماتنفعش عيلة تمام

الكابتيفا 2400 وبرضوا ماتنفعش

على فكرة الشيفورليه الكابتيفا والابيكا والاوبترا والكالام الصغير ده كله دايو مش شيفوليه

تسوق فقط تجاريا تحت اسم شيفورليه

[Abu Reem]

كويس انك عرفتني ان الشيفروليه هي دايو ، بس يعني هل هي سيارات وحشه

طيب السوزوكي جراند فيتار بيتهأ لي يارؤوف نفس حجم ومواصفات الدايهاتسو اللي بيتكلم عليها عصام ...فكيف تكون اصغر

انت كده لخبطني.... والكابتيفا كبيرة ايضا

على العموم ماشاء الله عليك معلوماتك عن السيارات قيمة جدا وبتحللها زي ما بتحلل الذهب

حاولوا تعملوا لنا مقارنات نهائية ل افضل 3 سيارات علشان لو الواحد حب يختار يبقى عنده اوبشن

تحياتي للجميع ولكل من ينورنا

[عصام أبوالفتح]

أستاذ عصام

شدنى التوبيك بتاع جراند تيريوس وهاقولك على قصتى مع الجراند تيريوس ومش هاطول عليك

الكلام ده كان من سنة تقريبا وكنت محتار فعلا بين قضيتين وهى انى اجيب أصلا عربيه جديدة وانزلها مصر وطبعا هاتبقى ليها مواصفات خاصة علشان الجمارك بتاعتنا أو انى اشترى مستعمل (زى بقية زمايلى ) بمواصفات قوية بقى و8 سلندر وحاجات جامدة وكده

وكان الاختيار الاول علشان اتفادى خسارة بيع العربيه هنا قبل ما انزل نهائى خصوصا انى مش قاعد فترة طويله هما سنتين بس وكمان علشان اتفادى اى مشاكل ممكن تحصل في المستعمل الكبير واللى هايكلفنى الوقت والمال ده غير الحيرة فى اسعار الشراء

عملت دراسة سريعة عن متطلباتى فى العربية اللى انا عاوزها واللى تكون تتناسب مع شروط الجمارك بتاعتنا وفى نفس الوقت تؤدى الغرض هنا وكانت الشروط عبارة عن انى عاوز عربيه جيب (قدر الامكان) يعنى عاليه ونظام التعليق فيها كويس , وتكون عائلية ومساحتها الداخليه كافية , ويكون استهلاكها فى البنزين مش عالى علشان مصر (طبعا البنزين فى السعودية أرخص من الميه) , وكمان يكون سعرها كويس ومناسب ومش عالى اوى (مش هادفع كل التحويشه فى عربية بتمشى على الارض)

المهم لقيت ان معظم الشروط دى بتنطبق على الجراند تيريوس ده غير حاجات تانية اكتشفتها فيما بعد

اولا العربيه دى دايهاتسو بس هى فى حقيقة الامر "" تويوتا "" ودى حقيقة لان تويوتا اشترت فعلا دايهاتسو من كام سنة ومش بس كده , ده عملت تطويرات وتحسينات كتير على موديلاتها زى بالضبط موديلات التويوتا مع الاحتفاظ باسم دايهاتسو فقط على الموديل

ثانيا العربيه الجراند تيريوس تجميع اندونيسى وده مش عيب تماما طيب ماهى الكامرى تجميع استرالى والجيب الامريكى والمرسيدس كله متجمع فى مصر اصلا وده ماقللش من قيمته ده غير ان اندونيسيا ليها باع فى صناعة السيارات اصلا ونزلوا فى السوق المصرى بالبروتون والجين 2

ثالثا تلاحظ انى ماجبتش سيرة القوة والعزم والكلام ده لان دول فعليا مش بتحتاجهم فى مصر بشكل كبير غير انك تكون مسافر على طريق سفر وفوق ال 120 كم فى الساعه (يعنى سلملى على الرادار)

اتخذت القرار واشتريتها فعلا وساعتها 3 من زمايلى اشتروها معايا فى نفس الوقت لما شافوها واقتنعوا بيها فعلا

من ناحية الشكل شكلها جذاب جدا وملفت للنظر مع الاحتفاظ بالشكل العائلى والكلاسيك للعربيات الجيب الصغيرة و لما ركبتها ومشيت بيها فى شوارع السعودية اللى تتميز بعربيات قويه ودفعها عالى لقيت انها مش فارقه تماما غير انك مش هاتبقى اسرع واحد بعد الاشاره يعنى , ولما جيت سافرت بيها طريق مكة المدينة كانت السرعة من 140 ل 160 عادى جدا والعربيه محملة أكتر من 7 أشخاص لكن السرعة زيها زى اى عربيه , وفى المطالع المرتفعه بتحتاج انك تديها عزم بس وتلاقيها ماشية بسرعه كويسه جدا , علشان كده نقطة العزم والقوة دى بصراحه عمرها مافرقت معايا وبقالها سنة معايا بل بالعكس لما باحب اشد بيها واسبق عادى جدا بتسابق وتسبق كمان لكن الامبير بيرتفع طبعا الى 5 او 6 كمان , واحد صاحبى عنده كامرى 3000 سى سى بيقوللى ان الامبير عندى عالى شويه بالمقارنه بعربيته وده طبعا شىء طبيعى مع ال 1500 سى سى كمان خد بالك ان مش كل السعة زى بعضها فيه تكنولوجيا موتور قوى يستفيد ب 1500 دول اكتر بكتير من موتور تانى مش يابانى مثلا (Effecient system )

تانى حاجه هى عاليه فعلا ومش بالاقى صعوبة انى اطلع بيها الرصيف مثلا من غير ما تتاثر من تحت , وعلى فكره ثباتها على الطريق الحمدلله عالى جدا حتى وانا مسافر وبسرعات عاليه وجربتها على ال160 وكانت ثابته جدا

النقطة المهمة بقى فى الموضوع ان كل الكلام ده مش هتحتاجه فى مصر والشوارع اقصى سرعه فيها 40 والتسارع بطىء جدا حسب العربية ال 128 اللى ماشية قدامك يعنى ماتحطش النقط دى فى الحسبان

العربية بتتميز بحاجه مهمه ان مساحتها من جوه حلوة جدا ومناسبة وكمان عرضها مش كبير علشان يبقى فيه سلاسه فى الحركه فى شوارع مصر الضيقه , وبالنسبه لمكان الكنبة التالته دى ميزه مش عيب واتساعها مناسب جدا كمان ولو عندك شنط كتير تقدر تركب فوق العربية شنطة اضافيه وشكلها حلو كمان مع العربية

فيه نقطة مهمة تانيه وهى ان فيها اتنين تكييف ودى بتهم اللى قاعدين معاك فى العربيه اوى خصوصا فى الاوقات الحر وكمان مرونة طوى الكنب الاوسط والخلفى كل كنبة لوحدها بيديك ميزات اتساع مختلفه تتلائم مع احتياجاتك

العربية عاليه ودى معناه تفادى تاثير المطبات العاليه فى مصر وعن تجربة اى مطب مهما كان ارتفاعه بتاخده فى سلاسه وقوة ومش خايف انه يخبط فى العربية خالص

نيجى بقى لنقطة السعر وهى ان سعرها ده مناسب جدا لعربية يابانى (موديل تويوتا) فول اوبشن وكمان جيب صغير يعنى تعتبر لقطة

بالنسبة للمقارنة بكيا كارينز فانا باعتبرها مقارنه ظالمة لان ماينفعش تقارن فئتين مختلفين ببعضهم يعنى الجراند تيريوس دى عربية فئة جيب (صغير) لكن الكارينز اصلا مش جيب دى عربية سيدان زيها زى ماتريكس مثلا مع بعض الفوارق يعنى لو عايز تقارن هتقارنها بسبورتاج او فوشينر وطبعا الاتنين 2000 سى سى فما فوق

الخلاصة اتوكل على الله وهاتها ومش هاتندم واستفت قلبك ودى نصيحة مجرب وكنت زيك من سنة بالضبط

انا مش مصدق .. اخيرا فى حد رد ويكون مستعمل الجراند تيريوس قبل كده :happy:

انا فى حلم ولا علم :)

دكتور هانى والله مانا عارف اقولك ايه ولا اشكرك على ايه .. اشكرك على المداخلة الرائعة ؟..

ولا على انك خصصت لموضوعى أول مشاركة ليك فى المنتدى بعد حوالى 14 شهر من التسجيل ؟

ولا لأنك سديت الفراغات وجمعتلى البازل فى مشاركة واحدة ؟..

ولا لأنك حسمت رأيى بشكل كبير ان العربية دى فعلاً الانسب للاستعمال ثم لانزالها مصر؟

اسمحلى أرحب بيك أولاً فى المحاورات .. وأشكرك على كل ده :clappingrose: :clappingrose:

الاخوة الافاضل تكرموا كل من وجهة نظره بوضع تصورهم للافضل لكن لم تصمد للمنافسة حقيقة سوى الجراند تيريوس .. ورؤوف كلامه كان رائع واختياراته هايله لكن برضو كل واحد وله ظروفه وميزانيته واهدافه الاخرى غير العربية

الكومباس لو منها فرش بيج مكنتش هاتردد فيها لان نفس السبب ده هو اللى خلانى استبعد اوكتافيا A5 زمان فى اول التصفيات

تعرفوا ان اوبشن الجلد بتتجمرك فى الاوكتافيا ب 10 الاف جنيه لوحدها كده ، وده خلى الوكالة متجيبهاش تانى واللى بيشتروا ال A5 بياخدوها رمادى بس

وطبعا انا مواصفاتى بتقول بيج يعنى بيج .. ولو وصلت ان العيال يعملوا بيبى عليه مش مشكلة .. يتنظف

.. الجراند تيريوس تناسب مدى واسع من المستعملين وتحقق مزايا استثنائية خصوصا فى مصر وكعربية زيرو هنا هاتريح الواحد من وجع دماغ المستعمل .. وده كله يجعلها تتربع بلا منازع على صدارة المنافسة باستثناء فزة الاشارة زى ما قال د هانى .. كنت اعلم ذلك وقلت انها الانسب منذ البداية .. لكن حبيت اطرح الموضوع للنقاش لأن يمكن الواحد فاته حاجة اثناء البحث .. او حد استخدمها بالفعل وندم عليها فيقولى .. وده محصلش حتى الان

د هانى ياريت تقولنا على لون عربيتك وتجربتك معاه.. لأنى مستنى الأبيض حتى لو فاتنى عرض الصيانة المجانية مش مشكلة .. فإيه رأيك ؟

تم تعديل 28 ديسمبر 2011 بواسطة عصام أبوالفتح

[DoctorHany]

أستاذ عصام باشا أشكرك جدا على ترحيبك ليا فى منتديات المحاورات اللى كان ليها سبب فى تغيير مسار حياتى وفعلا كنت مستمع مواظب على الحضور لكن شدنى المحاورات حول الجراند تيريوس والحيرة الشديدة فى اتخاذ القرار فى شرائها مع تباين الاراء عليها رغم عدم التجربة الشخصية وردك كمان اسعدنى جدا على فكره لانى فعلا تعبت فى الاختيار فى الاول والحمدلله ماندمتش تماما لما اشتريت وكل يوم باحس ان الاختيار كان صح ... بالنسبة للون بقى فده فعلا سؤال مهم جدا ... فى الاول انا كنت فعلا بافكر فى الابيض لان الفضى مش لونه حلو عليها ولا متناسب مع شكلها الانسيابى وكان الاختيار بينه وبين الاسود والنبيتى (الاحمر الداكن) وسالت ناس كتير بصراحة على مسالة اللون دى وكانت الاراء مختلفة برضه لكن فيه اللى قاللى على الابيض انه كده هايبقى شكلها عربية ميكروباس فى مصر .. مع انه اللون المفضل فى السعودية لانه بيعكس الحراره فعلا ومش بيتغير مع التعرض للشمس فترة طويلة فى السعودية (خد بالك ان العربية هاتقعد فى السعودية ان شاء الله مش اقل من سنتين قدام) ... وكان اللون النبيتى برضه مش كنت بافضله لانه مالوش معالم فى وجهة نظرى ولو كان أحمر كان بقى احلى شوية مع انه كان هيبقى لون حريمى فى مصر ... للاسف اللون البترولى كان شكله تحفه بس مفيش منه فى الجراند تيريوس موجود فى الصغير بس ... وراى بيقوللى ان الاسود هو لون العربيات المهمه فى مصر ولون شيك خصوصا لما افيم العربيه ... بس عيبه انه لازم تحفظ العربيه بعيد عن الشمس قدر الامكان مع الخوف برضه من ان اللون يتغير بعد سنتين كده وتنزل بيها مصر بهتانه وطبعا ده مش مقبول .. وفعلا استقرت الاراء على الاسود والمعرض وفرهالى مخصوص واشتريتها وانا مرعوب من اللون يتغير ... طبعا من النادر انك تشوف عربيه سودا فى السعودية فبتكون مميزه اوى وهى ماشية .. ولون المقابض النيكل بيلمع فيها بشكل جميل مع لمعان اللون نفسه برضه .. مع اكصدام نيكل ورا وقدام بيبقى شكلها تحفة ... وبقيت احرص دايما انى اركنها بعيد عن الشمس القويه فى السعوديه ... واللون فضل زى ماهو بعد سنة اهو الحمدلله ... لكن فيه ملاحظه صغيرة ... اقل خدش بيبان فيها خصوصا مع محطات غسيل السيارات السيئة جدا فى السعوديه واللى بتكون أدواتهم مش نضيفه ومش ناعمه وبتجرح الدوكو فى العربيات طبعا ده بيبان فى العربيات الجديده جدا خصوصا مع الاولن الغامقه وعلشان كده انصح دايما يكون فيه ادوات غسيل العربيه خاصة مع اى واحد حريص على عربيته ... وكمان شامبو غسيل العربيات المخصص لكده ... معلش بقى انا موسوس ... فيه نصيحة أخيرة أحب أقولها وهى انه بعد ما هاتشترى العربية وتحب تركب فرش جديد مش هتلاقى فرش مخصوص للجراند تيريوس لانها مش موجودة كتير فى السوق السعودى غالبا بيعملوا الكنبة الاخيرة تفصيل وياريت تقوللى عملت ايه فى الموضوع ده ... وربنا يوفقك ومن وجهة نظرى الابيض من الاوان الجميلة جدا فيها وبيفتحها ويبينها حجمها أكبر وشيك فى نفس الوقت

[عصام أبوالفتح]

أستاذ عصام باشا أشكرك جدا على ترحيبك ليا فى منتديات المحاورات اللى كان ليها سبب فى تغيير مسار حياتى وفعلا كنت مستمع مواظب على الحضور لكن شدنى المحاورات حول الجراند تيريوس والحيرة الشديدة فى اتخاذ القرار فى شرائها مع تباين الاراء عليها رغم عدم التجربة الشخصية وردك كمان اسعدنى جدا على فكره لانى فعلا تعبت فى الاختيار فى الاول والحمدلله ماندمتش تماما لما اشتريت وكل يوم باحس ان الاختيار كان صح ... بالنسبة للون بقى فده فعلا سؤال مهم جدا ... فى الاول انا كنت فعلا بافكر فى الابيض لان الفضى مش لونه حلو عليها ولا متناسب مع شكلها الانسيابى وكان الاختيار بينه وبين الاسود والنبيتى (الاحمر الداكن) وسالت ناس كتير بصراحة على مسالة اللون دى وكانت الاراء مختلفة برضه لكن فيه اللى قاللى على الابيض انه كده هايبقى شكلها عربية ميكروباس فى مصر .. مع انه اللون المفضل فى السعودية لانه بيعكس الحراره فعلا ومش بيتغير مع التعرض للشمس فترة طويلة فى السعودية (خد بالك ان العربية هاتقعد فى السعودية ان شاء الله مش اقل من سنتين قدام) ... وكان اللون النبيتى برضه مش كنت بافضله لانه مالوش معالم فى وجهة نظرى ولو كان أحمر كان بقى احلى شوية مع انه كان هيبقى لون حريمى فى مصر ... للاسف اللون البترولى كان شكله تحفه بس مفيش منه فى الجراند تيريوس موجود فى الصغير بس ... وراى بيقوللى ان الاسود هو لون العربيات المهمه فى مصر ولون شيك خصوصا لما افيم العربيه ... بس عيبه انه لازم تحفظ العربيه بعيد عن الشمس قدر الامكان مع الخوف برضه من ان اللون يتغير بعد سنتين كده وتنزل بيها مصر بهتانه وطبعا ده مش مقبول .. وفعلا استقرت الاراء على الاسود والمعرض وفرهالى مخصوص واشتريتها وانا مرعوب من اللون يتغير ... طبعا من النادر انك تشوف عربيه سودا فى السعودية فبتكون مميزه اوى وهى ماشية .. ولون المقابض النيكل بيلمع فيها بشكل جميل مع لمعان اللون نفسه برضه .. مع اكصدام نيكل ورا وقدام بيبقى شكلها تحفة ... وبقيت احرص دايما انى اركنها بعيد عن الشمس القويه فى السعوديه ... واللون فضل زى ماهو بعد سنة اهو الحمدلله ... لكن فيه ملاحظه صغيرة ... اقل خدش بيبان فيها خصوصا مع محطات غسيل السيارات السيئة جدا فى السعوديه واللى بتكون أدواتهم مش نضيفه ومش ناعمه وبتجرح الدوكو فى العربيات طبعا ده بيبان فى العربيات الجديده جدا خصوصا مع الاولن الغامقه وعلشان كده انصح دايما يكون فيه ادوات غسيل العربيه خاصة مع اى واحد حريص على عربيته ... وكمان شامبو غسيل العربيات المخصص لكده ... معلش بقى انا موسوس ... فيه نصيحة أخيرة أحب أقولها وهى انه بعد ما هاتشترى العربية وتحب تركب فرش جديد مش هتلاقى فرش مخصوص للجراند تيريوس لانها مش موجودة كتير فى السوق السعودى غالبا بيعملوا الكنبة الاخيرة تفصيل وياريت تقوللى عملت ايه فى الموضوع ده ... وربنا يوفقك ومن وجهة نظرى الابيض من الاوان الجميلة جدا فيها وبيفتحها ويبينها حجمها أكبر وشيك فى نفس الوقت

والله ملحوظة الميكروباص دى مهمة جدا .. انا كتير فى مصر بشاور لعربيات بيضاء وبعدين تطلع ملاكى مش تاكسى :)

فهتبقى حاجة غريبة ان كل الناس تقعد تشاورلى على انى ميكروباص ...ههههههههههه

كمان فى ناس بتتريق علي العربيات البيضا والمندوب قالى بيقولوا راكب تلاجة ... هههههههههه

وبصراحة انا شايف ان العربية لا يجب انها تكون ملفتة للنظر وعشان كده الاحمر والذهبى لم احبهم ..

ورغم ان الشركة فيها جراج فى البدروم مخصص لى مكان فيه والعربية مبتشفش الشمس تقريبا الا فى الاجازة .. فالاسود مبيريحنيش نفسياً .. ولن اسعى ان عربيتى تكون مهمة فى مصر او يبان انها كده .. خصوصا بعد الثورة .. وخدوا بالكم من حتة الثورة دى جداً

عشان كده استقر خاطرى واختيارى ولله الحمد على اللون ....

...الفضى

وبعد التصويت الاولاد كلهم وافقوا عليه .

وباركولى .. انا خلصت فى العربية امبارح وهاستلمها يوم الاحد القادم باذن الله يوم 1/1/2012

تحياتى وشكرى للجميع

[عصام أبوالفتح]

أو أسمع كلام عمهم الغريب وهات لون ذهبي أو فضي ، ومبارك عليك مقدما :)

هو اللون ده يا غريب ... هابقى اصورها لكم ان شاء الله بعد الاستلام

[raouf]

اسمح لى عصام اكون اول من يبارك ليك

الف مبروووووووووووووووووووووووووووك

ربنا يديك خيرها ويكفيك شرها

وتدوبها فى عرق العافية

[DoctorHany]

الف مبرووووووووووووك يا زعيم وموفق فى اختيار اللون كنت عاوز انبهك لنقطة مهمة وهى انك تبقى المالك الاول ليها

خصوصا لو كانت بنظام التمليك الايجارى وبرضه هاقولك على تجربتى فى الموضوع ده ... كانت نقطة مهمة جدا فى السعودية انى لو اشتريت عربية جديدة ازاى افضل احافظ عليها علشان لما انزل مصر بيها تبان كانها جديده يعنى ....

وطبعا انت عارف الناس فى الشارع معظمها كيرلس اوى وممكن العربيه تتخبط

كانت الوسيلة الوحيدة التامين الشامل طول مانا موجود فى السعودية وايامها كانت الشركه كانت عامله عرض ان الاداريات كلها مجانا بما فيها تامين شامل على العربيه طول مدة التقسيط فاخدته وبالتالى اضمن ان شاء الله على الاقل انى انزل بيها مصر بحالة جيدة مؤمن عليها

النقطة التانية ماتنساش تطلب اوراق المالك الاول للسيارة وتعمل الاجراءات بتاعتها من السفارة والكلام ده عارفينه كويس بتوع عبداللطيف جميل ...

والف مبروك مرة تانيه على العربيه

[عصام أبوالفتح]

اسمح لى عصام اكون اول من يبارك ليك

الف مبروووووووووووووووووووووووووووك

ربنا يديك خيرها ويكفيك شرها

وتدوبها فى عرق العافية

الله يبارك فيك يا رؤووف ومتقلقش اذا ربنا يسر ونزلت العربية مصر هايعجبك اختيارى للى بعدها ساعتها ان شاء الله

[عصام أبوالفتح]

الف مبرووووووووووووك يا زعيم وموفق فى اختيار اللون كنت عاوز انبهك لنقطة مهمة وهى انك تبقى المالك الاول ليها

خصوصا لو كانت بنظام التمليك الايجارى وبرضه هاقولك على تجربتى فى الموضوع ده ... كانت نقطة مهمة جدا فى السعودية انى لو اشتريت عربية جديدة ازاى افضل احافظ عليها علشان لما انزل مصر بيها تبان كانها جديده يعنى ....

وطبعا انت عارف الناس فى الشارع معظمها كيرلس اوى وممكن العربيه تتخبط

كانت الوسيلة الوحيدة التامين الشامل طول مانا موجود فى السعودية وايامها كانت الشركه كانت عامله عرض ان الاداريات كلها مجانا بما فيها تامين شامل على العربيه طول مدة التقسيط فاخدته وبالتالى اضمن ان شاء الله على الاقل انى انزل بيها مصر بحالة جيدة مؤمن عليها

النقطة التانية ماتنساش تطلب اوراق المالك الاول للسيارة وتعمل الاجراءات بتاعتها من السفارة والكلام ده عارفينه كويس بتوع عبداللطيف جميل ...

والف مبروك مرة تانيه على العربيه

الله يبارك فيك يا دكتور هانى .. ان شاء الله ما تشوفش وحش فيها أبداً ويحفظها لك .. انا ناوى على سند بلس .. لان معظم الحوادث اللى كنت طرف فيها مكنتش انا الغلطان طول 10 سنين والحمد لله .. ودخلت النهاردة على موقع التعاونية معرفتش تكلفة الشامل .. فبكره هاعمل ورقة الجيب من المرور وهما يرخصوا العربية واللوحة وهاعمل التأمين بالليل وهاكون رسيت اعمله شامل او سند بلس .. وبالنسبة للنزول لمصر هل التأمين الشامل يشملها بالتغطية الاضافية وكم تكلفتها ؟

ركبتلها ديفندر ولا لأ ؟ ... عايزين نعمل رابطة للتيريوس يا دكتور :)

[raouf]

الف مبرووووووووووووك يا زعيم وموفق فى اختيار اللون كنت عاوز انبهك لنقطة مهمة وهى انك تبقى المالك الاول ليها

خصوصا لو كانت بنظام التمليك الايجارى وبرضه هاقولك على تجربتى فى الموضوع ده ... كانت نقطة مهمة جدا فى السعودية انى لو اشتريت عربية جديدة ازاى افضل احافظ عليها علشان لما انزل مصر بيها تبان كانها جديده يعنى ....

وطبعا انت عارف الناس فى الشارع معظمها كيرلس اوى وممكن العربيه تتخبط

كانت الوسيلة الوحيدة التامين الشامل طول مانا موجود فى السعودية وايامها كانت الشركه كانت عامله عرض ان الاداريات كلها مجانا بما فيها تامين شامل على العربيه طول مدة التقسيط فاخدته وبالتالى اضمن ان شاء الله على الاقل انى انزل بيها مصر بحالة جيدة مؤمن عليها

النقطة التانية ماتنساش تطلب اوراق المالك الاول للسيارة وتعمل الاجراءات بتاعتها من السفارة والكلام ده عارفينه كويس بتوع عبداللطيف جميل ...

والف مبروك مرة تانيه على العربيه

الله يبارك فيك يا دكتور هانى .. ان شاء الله ما تشوفش وحش فيها أبداً ويحفظها لك .. انا ناوى على سند بلس .. لان معظم الحوادث اللى كنت طرف فيها مكنتش انا الغلطان طول 10 سنين والحمد لله .. ودخلت النهاردة على موقع التعاونية معرفتش تكلفة الشامل .. فبكره هاعمل ورقة الجيب من المرور وهما يرخصوا العربية واللوحة وهاعمل التأمين بالليل وهاكون رسيت اعمله شامل او سند بلس .. وبالنسبة للنزول لمصر هل التأمين الشامل يشملها بالتغطية الاضافية وكم تكلفتها ؟

ركبتلها ديفندر ولا لأ ؟ ... عايزين نعمل رابطة للتيريوس يا دكتور :)

شوف يا حج بما انى بعيد عنك ومش هاعرف اجيب ليك هدية بمناسبة العربية

هاجاوبك على موضوع التامين

سند بلص ده ب750 ريال وبيديفع قيمة اصلاحات لسيرتك فى حالة ان الخطأ عليك لحد مبلغ 10000 ريال فقط ولو لا قدر الله اكثر انت تكمل الباقى

التعاونية الشامل فى حالتك هايبقى تقريبا 2400 ريال

لو عايزه دولى علشان يغطيك فى حالة السفر لمصر والعودة بالسيارة تقريبا بتزود 500 ريال

بس لا انصحك بيه

هاتسال ليه

لانه بيطلب محضر شرطة مع الاوراق

وعلشان تجيب محضر شرطة لازم العربية تتسحب وتبات فى الاسم لحد مال النيابة تعاين وتخلص المحضر وطبعا الموضوع ده بياخد كذا يوم تكون عربيتك اتقلبت واتسرق منها التسجيل والجنوط واللذى منه

بالمناسبة هاحكيلك على خاجة حصلت لى فى مصر

واحد راكب عربية نص نقل قديمة ومش معاه رخصة خبطنى وجرى وساب عربيته فى نص الطريق

كلمت واحد صاحبى ظابط كلم الشرطة وجه امين وعمل محضر وصدمنى بموضوع ان لازم العربيتين يتحجزوا !!!!! طب ازاى ده راجل خابطنى وهو ماشى مخالف ومن غير رخصة

قالك ده القانون بقيت ادفع كل يوم 100 جنيه لعسكرى الخدمة فى القسم علشان يخلى باله من عربيتى تصدق ؟

وفى الاخر قالولى لو عايز تطلع عربيتك اتنازل عن المحضر وراضى الواد ههههههههههههههه

حاجة زى الفل

طيب نيجى للدفندر لا انصحك ابدا

اولا تقيل من الامام وهايقلل سحب العربية

ثانية بعد سنة هتلاقى العربية مالت من قدام لان المساعد مش مستحمل ثقل ثابت عليه وهايبوظ المساعدات الامامية بدرى بدرى

طبعا باتكلم على الدفندرات الاصلية مش المنظر بيبقى وزنه فوق ال30 كم

سيب العربية بحالتها اللى انصحك بيه حماية وجهية السيارة من الترميل

فى اى شركة سواء جونسون او 3 ام وتمنه تقريبا 500 ريال علشان يحافظ على وجهية العربية من الترميل المنتشر فنا

[Mr MAGED]

الف مبروك يا باشمهندس

ربنا يديك خيرها ويبعد عنك شرها ان شاء الله

[عصام أبوالفتح]

الف مبروك يا باشمهندس

ربنا يديك خيرها ويبعد عنك شرها ان شاء الله

الله يبارك فيك يا استاذ ماجد .. شكرا على الدعوة الجميلة

[raouf]

عرض جيد جدا على التيريوس للى يجب يستفيد بيه واللى بيفكر فى العربية

العرض ده يعادل خصم 7000 ريال وممكن اكثر

عصام انت من حقك تستفيد بالعرض طالما لم يمر اسبوع على شراءك السيارة

راجع المعرض وصر على حقك

[عصام أبوالفتح]

عرض جيد جدا على التيريوس للى يجب يستفيد بيه واللى بيفكر فى العربية

العرض ده يعادل خصم 7000 ريال وممكن اكثر

عصام انت من حقك تستفيد بالعرض طالما لم يمر اسبوع على شراءك السيارة

راجع المعرض وصر على حقك

راجع أول مشاركة يا باشا ..ماهو ده اللى خلانى آخد قرار قبل نهاية ديسمبر ... معرفش مددوا العرض ولا لأ

وأبشرك .. سجلونى على الصيانة المجانية وأخذت اليوم بطاقة اسمها كسبان زى بطاقة الصراف عليها معلومات السيارة ومعايا لحد 60 ألف كيلو أو ثلاث سنين .. وتشمل خدمة المساعدة على الطربق بكل مشتملاتها زى شحن البطارية وتغيير الاطارات وتوصيل الوقود وسحب السيارة وخدمات سائق كل ده مجاناً... ودى كانت مفاجأة جميلة فعلاً .

الحمد لله العربية لسه فى التليين لكن أدائها مرضى جدا بالنسبة لى والولاد مبسوطين جدا بيها .

[م تيمور المراغي]

الف مبروك يا عصام ربنا يديك خيرها ويكفيك شرها

مستنيين الصور بقى ان شاء الله

[عصام أبوالفتح]

الف مبروك يا عصام ربنا يديك خيرها ويكفيك شرها

مستنيين الصور بقى ان شاء الله

الله يبارك فيك يا تيمور .. كلك ذوق .. أكيد ان شاء الله هاصورها وارفعلكم الصور

[خالد شحاته]

الف مبروك ياستاذ عصام

[عصام أبوالفتح]

الف مبروك ياستاذ عصام

الله يبارك فيك يا أستاذ خالد .. شرفت الموضوع بحضورك وتهنئتك