الجيش سينشئ شركات ..

[أبو محمد]

يعني معركة طويلة عُمرها 6 عقود يريد من تسببوا أصلاً في إشعالها وإتيانها على الأخضر واليابس .... يريدون إطفائها في 4 أعوام flrt:

شكلنا هاندخل في الدايرة المُغلقة يا عزيزي ... ومين كان الأول البيضة والا الفرخة؟!؟!

 

 

الظاهر عشان نطلع برة الدايرة المفرغة

وعشان الحل يبقى فى أقل من أربع سنوات

مفيش غير حل واحد

:)

البرادعى هو الحل .. أو حمدين هو الحل .. أو ابو الفتوح هو الحل

[أبو محمد]

 ولا ننسى تكتيك فرق تسد

 

ننسى ؟ .. يا سلام .. ننسى ؟ .. ده كلام ؟

مفيش أى تفرقة خالص

ده حضرتك الكيبورد بتاعك اتهرى وانت عمال تقول لنا إن :

الجيش المصرى (مش هو برضه لسه مصرى ؟) حاجة وباقى مصر حاجة تانية

وإن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

:)

ننسى ازاى بقى حكاية "فرق تسد دى" ؟

 

سؤال بقى كده على جنب :

لو حضرتك وكل بتوع "يسقط يسقط حكم العسكر"

نجحتم فى إقناعنا بإننا دولة محتلة من قِبَل دولة العسكر

مين بقى اللى سوف يسود ؟

[White heart]

 ده حضرتك الكيبورد بتاعك اتهرى وانت عمال تقول لنا إن :

...

إن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

لحظة من فضلك .... أردت التوقف عند هذا " التقويل " و" التحوير " الغير مقبول بالمرة.

برجاء إعادة صياغة تلك العبارة المرفوضة قلباً وقالباً .

 

[tarek hassan]

يسود؟

هو لازم يكون اسياد وعبيد

الناس اللي بتقول يسقط يسقط حكم العسكر عاوزه حكم ديموقراطي وتداول سلطه يتم بسلاسه

عاوزه الجيش يكون قوي وقادر علي رد اي عدوان محتمل وعلشان كده لازم يلزم حدوده ويتفرغ للعمل العسكري ويسيب المكرونه وينتج اسلحه ويسحب سفراءه من المحافظات ونخلي منصب المحافظ بالانتخاب علشان ننهض بالاقاليم

عاوزين نكون زي الدول اللي بيحكمها مؤسسات مش فرد امكانياته العقليه محدوده

ما العلاقة بين يسقط حكم العسكر وعاوزين جيش قوي وقادر ؟

وما العلاقة بين انتخاب مجلس شعب بصلاحيات واسعة وبين حكم الفرد ؟

إوعى يا مصطفي تكون تبع الراجل بتاع الجيش بينتج مكرونة يا منى

[White heart]

ننسى ؟ .. يا سلام .. ننسى ؟ .. ده كلام ؟

مفيش أى تفرقة خالص

ده حضرتك الكيبورد بتاعك اتهرى وانت عمال تقول لنا إن :

الجيش المصرى (مش هو برضه لسه مصرى ؟) حاجة وباقى مصر حاجة تانية

وإن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

:)

ننسى ازاى بقى حكاية "فرق تسد دى" ؟

تعريف تكتيك " فرق تسد " الذي يحاول العزيز " ابو محمد " بعدما عجز ويعجز عن المقارعة والمحاججة والإجابة المباشرة والصريحة على الأسئلة المحددة الموجهة اليه ... يحاول الأن الى التحول الي <<< فقط >>> شخصنة الحوار .. وتأليب الآراء باللجؤ الى مثل تلك التلميحات،  و" التحويرات " و " التقويلات " و التلفيقات ... وهى بالمناسبة من إحدى الوسائل والطرق التى إتبعها ويتبعها أيضاً " جنرالات  " دولة وزارة الدفاع المصرية منذ 6 عقود !!!

من على موقع ويكيبيدا نقرأ:

فرق تسد هو مصطلح سياسي عسكري أقتصادي ... الأصل اللاتيني له "divide et impera". ويعني تفريق قوة الخصم الكبيرة إلى أقسام متفرقة لتصبح أقل قوة وهي غير متحدة مع بعضها البعض مما يسهل التعامل معها كذلك يتطرق المصطلح للقوى المتفرقة التي لم يسبق أن اتحدت والتي يراد منعها من الاتحاد وتشكيل قوة كبيرة يصعب التعامل معها.

وهو تحديداً ما قصدته عندما ذكرته - بشكل عابر -  كتكتيك من ضمن - حزمة كاملة - في تعليقي السابق .. و"يجتهد" العزيز ابو محمد الأن في " إصتياده " وإستغلاله دوناً عن / ومن وسط هذا الكم من الحجج والتساؤلات المحددة والواضحة التى تم محصارته بها ... لعل وعسى ينجح " صيده " هذا في إخراجه من تلك " المَآزِقُ " المتلاحقة !!!

أسف يا زميلي العزيز أن اُعلنك .. انني أولاً في كل مرة سأتوقف وبحزم أمام مثل تلك " المحاولات " الصغيرة التى لم تعد تأتي نفعاً وأكشفها ... وثانياً سأستمر في تسليط الأضواء المُبهرة (فضح) ما يحاول تابعي ومؤيدي والمُدافعين عن <<< الدولة العسكرية >>> التستر عليه، وإخفاءه والتعتيم والردم عليه ... لعل وعسى يتحول الإنتباة الى جهة مغايرة ... جهة النفخ والتطبيل والتمجيد في بركات ومنح وهبات ومِّن الدولة العسكرية وجنرالاتها على البعض من رعاياها والمنتفعين والمستفيدين اى كانوا، كثروا او قلوا !!!

أنا لا أرى الآن فى مصر لا معارضة ولا أحزاب، أنما يكاد يكون المشهد العام عبارة عن  قذف وإرهاب دولة، الذي من إحدى أدواته الإرهاب الإعلامي (الغير حُر / الموجه)  لمن يتجرأ ويُعلن عن رفضه للدولة العسكرية، وللإنقلابات العسكرية ... بكل أسف أذا كان بإمكاني القول أنه كان هناك فى مصر (الملكية / تحت الإستعمار) أغلبية ومعارضة ونظام إنتخابي ديموقراطي ولو بنسبة قليلة ... فأنها وبعد الإنقلاب العسكري الأول (الجمهورية / تحت الإستقلال)  قد اضحت معدومة تماماً ... واشاع " جنرالات " هذا الإنقلاب العسكري الأول من ساعتها وحتى الان بأزرعهم الإعلامية ... وفي كل مفاصل الدولة ومراكزها الحيوية بالفعل ثقافة الفرقة ليسود هو وحده على كافة أطياف وتوجهات الشعب المصري عبر سياسة فرق تسد ... وفي إنتظار ما رجوته منك في مداخلتي السابقة من إعادة لصياغة عبارتك تلك، للحفاظ على روح الإحترام التى تُظلل على محاورتنا جميعاً هنا كمصريين.

تم تعديل 12 ديسمبر 2015 بواسطة White heart

[Scorpion]

 

الظاهر عشان نطلع برة الدايرة المفرغة

وعشان الحل يبقى فى أقل من أربع سنوات

مفيش غير حل واحد

:)

البرادعى هو الحل .. أو حمدين هو الحل .. أو ابو الفتوح هو الحل

 

كان لازم نسيب فرصة لمكتب إرشاد الأخوان يكملوا ال..... ( عدد مجهول) .... سنة في الحكم و بعدين نتداول ديموقراطيآ الحكم ... لو كان لسه فيه بلد تتحكم ...

هو ده الحل الوحيد و المطلوب .. 

و عليه يرجع مرسي عالكرسي و مصر حتبقي فلة ان شاء الله ..

[White heart]

دولة وزارة الدفاع عاملة البلد عزبة يا أستاذ باهى

وعمالة تبعزق فلوسها شمال ويمين

1- ويا ريتها حتى كانت كلها " فلوسها " = ميزانيتها الطبيعية العادلة كوزارة / كمؤسسة واحدة من ضمن مؤسسات الدولة !!!

2- تعرف أى حاجة عن " الفلوس " دي يا ترى  ... ولو حتى على الأقل الشق المدني الضخم ( اللي مالوش اى دعوة بالأمن القومي = الغير ممنوع من الأقتراب أو التصوير) .. من أين جاء رأس المال الأول للبدء في الإنخراط بالمشاريع التجارية؟ وكم كان مقداره؟ وكم تكلفت فعلياً تلك المشاريع؟ وما هى صافي أرباحها وخسائرها السنوية وديونها؟ وهل هناك أى فاصل واضح ومُسجل ومُراقب من " الدولة الأم " بين تلك المشروعات التى من المفروض انها " أموال عامة " ... وبين تلك الخاصة بكبار الجنرالات والتى من المفروض انها " اموال خاصة " ؟!!؟

3- أى تلك الأموال هى من الخزانة العامة العامة للدولة .. وأى منها ديون خارجية ... وكم مقدار كل منهما ؟

4- تلك الديون .. من هى تلك الدول الدائنة .. وما نسبة فوائدها ... وما هو نوع الضمانات التى قُدمت للحصول عليها ... وكم هى فترة السماح لتستديدها؟

أستمر ... أستمر ... في الإستهزاء والسخرية والتعالي فقط ... وتجاهل كل ما يمر أمام عينك ... فهذه مجرد " خزعبلات " !!!

والعبد الفقير الى الله سيستمر أيضاً بدوره في الإتيان بما يُدعم " خزعبلاته " وبما لا يفتي به من غير علم بالـــ " بينات " التى تُدعم بــ " أنباءه "  ... ما رأيك بما يتمتع به على سبيل المثال المواطن الألماني من شفافية معقولة ... تتيح له و بضغطة زر معرفة تفاصيل أوجه صرف ميزانية اى وزارة / مؤسسة من وزارات دولته ... وليكن على سبيل المثال بما نتحاور حوله هنا، أى وزارة الدفاع  ... وتتهرب حضرتك منه بشتى الطرق والمحاولات ... لكن هيهات !!!

Verteidigungshaushalt 2015

Der Verteidigungshaushalt – Einzelplan 14 des Bundeshaushalts – ist der finanzielle Rahmen der Bundeswehr.

Der Bundeshaushalt ist entsprechend der Ressortzuständigkeiten in Einzelpläne gegliedert (Quelle: Fotolia/Minerva Studio)

Der Verteidigungshaushalt 2015 beträgt knapp 33,0 Milliarden Euro; dies entspricht einem Anteil von 10,9 Prozent am Bundeshaushalt. Gegenüber dem Haushaltsjahr 2014 steigt das Volumen nominal um ca. 0,5 Milliarden Euro (Vorjahr: 32,4 Milliarden Euro).

Verteidigungshaushalt 2014 und 2015

                                                                                                                                                                                           

 

[أبو محمد]

:)

واضح إنى لمست عصب حساس ... ملتهب

[أبو محمد]

الناس اللي بتقول يسقط يسقط حكم العسكر عاوزه حكم ديموقراطي وتداول سلطه يتم بسلاسه  

عاوزه الجيش يكون قوي وقادر علي رد اي عدوان محتمل وعلشان كده لازم يلزم حدوده ويتفرغ للعمل العسكري

 

 

أولا .. حضرتك عاوز حكم ديموقراطى ازاى وانت كل استحقاق ديموقراطى تاخد لك جنب

لا بترضى تدفع بمرشحين (أو يمكن ما عندكش) .. ولا بترضى تنزل تدلى بصوتك

وسايب غيرك هو اللى يختار وبعدين تبدأ حضرتك تهتف بسقوط اختياره

خلاص حكاية تزوير الانتخابات لم تعد شماعة صالحة لتعليق الكسل الديموقراطى والأنتخة السياسية

والتفرغ طول الوقت لهتاف يسقط حكم العسكر .. و .. الشعب يريد اسقاط النظام

طيب .. وبعد ما ده يسقط ، وده يسقط .. حضرتك مجهز لنا إيه عشان تعدل الحال المايل ؟

ماذا بعد السقوط ؟

الحكم الديموقراطى اللى حضرتك مالى الدنيا هتاف بحياته محتاج لشغل وعرق

حضرتك بتعمل إيه غير انك بتهتف وعايز كل حاجة تسقط تسقط ؟

 

ثانيا وده المهم وبيت القصيد

لو حضرتك شايف إن الجيش مُقصِّر فى عمله العسكرى .. يا ريت تنورنا

أحسن كده أنا قلبى وقع

 

وبعدين يلزم حدوده اللى هى فين ؟

عند باب المندب ؟ .. حضرتك مش موافق

يشترى قطع بحرية عشان يتواجد عند حدوده ؟ .. حضرتك مش موافق

لما يروح عند باب المندب حضرتك بتقول مستنقع بيوقعنا فيه الجيش

لما يفكر يحمى 200 ميل بحرى من المياه الاقتصادية من "تحرش" تركيا وإسرائيل

ولما يحاول ان يكون فى استطاعته حماية حدودنا البحرية الشمالية

ويكون قادر على التدخل - إذا لزم الأمر - فى السواحل الشمالية الغربية

أو يمثل رادع لمن يعبث بترياق حياتك فى الجنوب عند الهضبة اللى بتجيلك منها المياه

حضرتك بتقول الجيش بيبعزق فلوسنا (بلاش فلوسه عشان خاطر وايت ما يتنرفزش)

 

هو حضراتكم عايزين إيه بالضبط ؟

شايلين الجيش الأجنبى المحتل ده على راسكم وزاعقين ليه ؟

هه ؟ .. ليه ؟

[White heart]

:)

واضح إنى لمست عصب حساس ... ملتهب

 

شايلين الجيش الأجنبى المحتل ده على راسكم وزاعقين ليه ؟

هه ؟ .. ليه ؟

للمرة الثالثة ...

برجاء الكف عن إستخدام هذا الأسلوب .... هذا التلبيس والتحوير والتقويل ووضع الكلمات وضعاً على لسان محاورك!

عن نفسي في كل ما كتبت .. لم يحدث وأن كتبت أو أعلنت اننا هنا بصدد أى جيش أجنبي مُحتل ...

 

[أبو محمد]

لحظة من فضلك .... أردت التوقف عند هذا " التقويل " و" التحوير " الغير مقبول بالمرة.

برجاء إعادة صياغة تلك العبارة المرفوضة قلباً وقالباً .

 

 

عندما تنادى بالحرية

لا تنس أن غيرك له حق فيها

وأنها ليست حكرا عليك وحدك

[أبو محمد]

للمرة الثالثة ...

برجاء الكف عن إستخدام هذا الأسلوب .... هذا التلبيس والتحوير والتقويل ووضع الكلمات وضعاً على لسان محاورك!

عن نفسي في كل ما كتبت .. لم يحدث وأن كتبت أو أعلنت اننا هنا بصدد أى جيش أجنبي مُحتل ...

 

 

صحيح أنك لم تقل هذا حرفيا

ولكن لا تنس أن لقرائك عقولا .. تستنبط وتفقه وتفسر

وهى عقول حرة مثل عقلك

[White heart]

صحيح أنك لم تقل هذا حرفيا

ولكن لا تنس أن لقرائك عقولا .. تستنبط وتفقه وتفسر

وهى عقول حرة مثل عقلك

أذا أنت تحاول الأن بكل بساطة " شرعنة " وتقنين قاعدة جديدة بالمحاورات .. الا وهى شخصنة المواضيع الحوارية، وإتهام المتحاورين لبعضهم بمثل تلك الإتهامات الصريحة والمباشرة بناء على التلبيسات والتلفيقات والتحويرات و النيات  ... وليس بناء على الأدلة وما يكتبوه فعلياً وحرفياً ... حتى عندما يتوقف الطرف المُتضرر أمام الطرف الآخر ويُعلن له بكل صراحة ووضوح عن رفضه، ويوضح للجميع تحديداً ما قصده ، ويترجى مرة وأثنان وثلاث الطرف الآخر ان يكف عن هذا الأسلوب ... فهو يرفض ويستمر ... وبصنعة لطافة  يقوم بإلباسها ثوب حرية العقول  وربط اسلوبه المرفوض بعِلوم الإستنباط والفقه والتفسير ... التى بالمناسبة هى ذات " العِلوم " التى تم لى عُنقها، وتطويعها، وأدت الى ظهور الجماعات الإرهابية من عينة الجهاد الإسلامي، والتكفير والهجرة، والطالبان، والقاعدة، وداعش .. وغيرهم !!!

لتضرري من مثل هذا الأسلوب، ورفضي له، سأنتظر رد وتعليق إدارة المكان أذن في هذا الصدد بالتقرير الذي أرسلته بهذا الخصوص ....

تم تعديل 12 ديسمبر 2015 بواسطة White heart

[Scorpion]

ما هو المطلوب من شعب ان يقوم به امام اتهام جيشه بالقيام بانقلاب ضد رغبته ؟..

 كيف ستكون نظرته نفسها لنفس هذا الجيش ؟..

هل سيعتبره منه و حامي حماه ام جيش معتدي عليه و علي قراره و قامع لحريته ؟

[herohero]

الجماعة المعترضين ع ان الجيش يبقى الكل ف الكل ، وأقصد شركات الجيش تبقى الكل في الكل 
انتوا زعلانين ليه ؟؟ ياجماعة اللي يشيل شيلة يشيلها بالكامل واحنا معاك لاخر المشوار اهو عشان محدش يقول ان الشعب قصر او طول في حاجه الشعب زي الفل وسايبك ع راحتك خالص بس ياريت مانسمعش حجج بعد كدة بقى 

هتعدل دستور ،هتعالج أمراض بالكفتة ، هتبقى زيك زي المجمعات الاستهلاكية  وهتشتغل في البقالة موافقين ، المهم في الاخر تفلح !!! اه والله نشوف أرقام ،لان بصراحه مالكش حجة 

 

فياريت الافاضل اللي تاعبين نفسهم ان شركات الجيش هتكوش على كل حاجه يريحوا دماغهم ،اصل الكلام مالوش لازمة 
 

تم تعديل 12 ديسمبر 2015 بواسطة herohero

[أبو محمد]

لحظة من فضلك .... أردت التوقف عند هذا " التقويل " و" التحوير " الغير مقبول بالمرة.

برجاء إعادة صياغة تلك العبارة المرفوضة قلباً وقالباً .

 

 

حاضر من عينى دى وعينى دى يا أستاذ وايت

أعيد صياغة العبارة

 

1) العبارة المرفوضة

ده حضرتك الكيبورد بتاعك اتهرى وانت عمال تقول لنا إن :

الجيش المصرى (مش هو برضه لسه مصرى ؟) حاجة وباقى مصر حاجة تانية

وإن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

 

 

2) العبارة بعد التعديل بناء على طلب الفاضل وايت هارت

 

ده حضرتك الكيبورد بتاعك اتهرى وانت عمال تقول لنا ما معناه إن :

الجيش المصرى (مش هو برضه لسه مصرى ؟) حاجة وباقى مصر حاجة تانية

وإن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

 

 

أعتقد أنه من حقى أن أستخلص المعانى

وأن من حق من استنبط معنى كلامه - على حسب فهمى -  أن "يفند" استنباطى

قد أوافق على "تفنيده" وقد لا أوافق .. مثلى مثله بالضبط عندما يلقى بآراء غيره إلى حيث ألقت

صحيح استخدامى لحقى غير مشفوع با ستشهادات وروابط من هنا وهناك

ولكنه يبقى أولا وأخيرا حقى - كعضو فى المحاورات - فى الفهم والتعبير والموافقة وعدم الموافقة

 

طبعا مع عدم المساس بحق "إدارة المكان" فى دراسة تقرير الفاضل وايت هارت

ومع التزامى "الأخلاقى" بالامتناع عن الاشتراك فى مناقشة أعضائها لتقرير الزميل الفاضل

خصوصا بعد تعديلى للعبارة المزعجة للزميل الفاضل

والتزامى أيضا بالإجابة على أى سؤال "قد" توجهه "إدارة المكان" لى

[أبو محمد]

 

ما هو المطلوب من شعب ان يقوم به امام اتهام جيشه بالقيام بانقلاب ضد رغبته ؟..

 كيف ستكون نظرته نفسها لنفس هذا الجيش ؟..

هل سيعتبره منه و حامي حماه ام جيش معتدي عليه و علي قراره و قامع لحريته ؟

 

 

يا سيدى الفاضل

أنت تسأل : ما هو معنى وتعريف الانقلاب العسكر ؟

فلا تتلقى إجابة

وتسأل أيضا : ما هو معنى وتعريف الحكم العسكرى

فلا تتلقى إجابة سوى - ربما -  أن يكون رأس الدولة ذو خلفية عسكرية

وأن رؤساء الأحياء - مثلا - ضباط سابقين

 

هل تتوقع إجابة على سؤالك ؟ .. أنا لا أتوقع

 

أجهزة الإرسال شغالة الله ينور

أجهزة الاستقبال مطفية أو معطلة أو مش موجودة أصلا

[White heart]

حاضر من عينى دى وعينى دى يا أستاذ وايت

أعيد صياغة العبارة

2) العبارة بعد التعديل بناء على طلب الفاضل وايت هارت

ده حضرتك الكيبورد بتاعك اتهرى وانت عمال تقول لنا ما معناه إن :

الجيش المصرى (مش هو برضه لسه مصرى ؟) حاجة وباقى مصر حاجة تانية

وإن الجيش ده دولة أجنبية جات واحتلت دولتنا

وإننا لازم نقاوم ونجاهد عشان نتحرر

أشكرك ...

نعم .. يوجد مما كتبت بالفعل ما معناه إن:

الجيش المصري حاجة وباقي مصر حاجة تانية.

وبالتالي ... (والا أصبح هناك تناقض واضح) لا يوجد بالمرة مما كتبت ما معناه إن:

الجيش دة دولة أجنبية جات واحتلت دولتنا !!!

وبناء عليه لا يوجد مما كتبت ما معناه انني دعوت الى:

انكم لازم تقاوموا وتجاهدوا عشان تتحرروا !!!

مازال إعتراضي قائم على تلك العباراتان .. وأراهما تحوير وتلفيق ووضع على لساني ما لم أقله .

[tarek hassan]

أشكرك ...

نعم .. يوجد مما كتبت بالفعل ما معناه إن:

الجيش المصري حاجة وباقي مصر حاجة تانية.

وبالتالي ... (والا أصبح هناك تناقض واضح) لا يوجد بالمرة مما كتبت ما معناه إن:

الجيش دة دولة أجنبية جات واحتلت دولتنا !!!

وبناء عليه لا يوجد مما كتبت ما معناه انني دعوت الى:

انكم لازم تقاوموا وتجاهدوا عشان تتحرروا !!!

مازال إعتراضي قائم على تلك العباراتان .. وأراهما تحوير وتلفيق ووضع على لساني ما لم أقله .

 

أنا أعترض على معنى هذه الجملة

(( الجيش المصري حاجة وباقي مصر حاجة تانية.))

التي تفرعت عنها كل الجمل وكل متلق لها حسب فهمه ...

فأنا ربما أصل في فهمي - بدون مجاملة -  لنفس الفهم الذي فهمه الفاضل أبو محمد إلا إذا حضرتك وضحت حينئذ وجب التعامل مع المعنى المقصود من صاحبه 

لأن اللفظ والمعنى لصاحب الكلام وليس للمتلقي ...

ولا يجوز له أن يترك كلامه محتملا لعدة معان

لأننا لو نظرنا إلى 

كلمتي المصري ومصر .... فواحد  ...

أما حاجه وحاجه تانية مش واحد أبدا ....

ووجه اعتراضي إن الجيش من الشعب

والشعب كله خدم في الجيش أو كل واحد منا إما مجند سابق أو لاحق أو حالي فكيف نفرق ؟

وإيجاد حالتين متغايرتين بل ومتضادتين ( حسب فهمي ) أحداهما فاسدة أو غير صالحة تحتم على البقية التخلص منها أو بالأحرى إزاحتها  

إذن حسب فهمي القاصر - إن لم توضح لي - أنه لابد من إزاحة الجيش المصري مثلا من الحكم كرئيس وكوزير وكمحافظ وكاقتصادي وكعالم طبي وكمنتج لسلع غذائية ..... إلخ 

نحن أمام حالتين : 

حالة متكلم قاصد لمعنى 

وحالة متلقي للمعنى يذهب به كل مذهب ويستنبط منه 

إذن من خلال التوضيح والاستيضاح يمكننا أن نصل لنقطة الحوار 

كل التحية والتقدير للجميع 

[Scorpion]

دي ميزانية وزارة الدفاع الكورية الجنوبية ( اللي تبع أمريكا ) و زي ما اي واحد ممكن يخمن اللي هو مكتوب ما فيهوش ارقام محددة بأوجه صرفها .. كلها بنود غير ثابتة و لا تستطيع ان تستشف منها اوجه الصرف بالتحديد