آلية لمتابعة و معرفة تقييم الأعضاء لمشاركاتك (Reputation)

[The Sun]

أقول أنا لحضرتك يا مدام ضحى

الاستاذ زهيرى أنا قيمته بالسالب لرده فى موضوع "آخر" كان رده عباره عن تلميحات لم تعجبنى

فبدل من أن يرد عليا أو يوضحلى ما يقصده مثلما فعل الزميل العزيز أرش والذى أحترمه وأقدره كثيرا

قام بتقييمى بالسالب فى ردى اللى أشرتى اليه , " تخليص حق " بالبلدى كده

هذا هو الموضوع .

أعتذر للزميل زهيرى لذكر أسمه , فقد ذكرته فقط للتوضيح.

تم تعديل 4 يناير 2011 بواسطة The Sun

[Diab]

أقول أنا لحضرتك يا مدام ضحى

الاستاذ زهيرى أنا قيمته بالسالب لرده فى موضوع "آخر" كان رده عباره عن تلميحات لم تعجبنى

فبدل من أن يرد عليا أو يوضحلى ما يقصده مثلما فعل الزميل العزيز أرش والذى أحترمه وأقدره كثيرا

قام بتقييمى بالسالب فى ردى اللى أشرتى اليه , " تخليص حق " بالبلدى كده

هذا هو الموضوع .

أعتذر للزميل زهيرى لذكر أسمه , فقد ذكرته فقط للتوضيح.

:happy:

[The Sun]

انا والله قلت رأي من زمان ,,

النقط الحمرا افلاس ,, وانا عن نفسي عمري ما اديت حتى اللي شتموني نقطه حمرا

اللي عاوز يعترض يدخل راجل كده ويقول رأيه ويتناقش مع خصمه ,,

زميلى العزيز , الموضوع لا دخل له بالرجوله !! وليس افلاس !!

والا لما وضعت الادارة هذه الخاصية ,

توجد ردود بها تلميحات من الافضل عدم مناقشتها على الاقل على العام وبالتالى التقييم السلبى خيار ممتاز

وتوجد ردود بها تهكم وسخرية أيضا من الافضل تقييمها بالسالب

الموضوع ليس له علاقة برأى ,

وأسمحلى فأنا أعترض على كلمتى " رجولة وافلاس " ,,

[The Sun]

لا تتعجب يا أستاذ دياب

فهذه قد تكون قناعات لدى البعض ,

والزميل زهيرى رجل طيب أكتفى بتقييمى مرة واحدة فقط , فسبق لى وقيمت أحد الزملاء مرة بالسالب وفوجئت بالحرب

لا عليك يا زميلى فالمنتدى غنى بأشياء أكثر أهمية من خاصية التقييم.

[se_ Elsyed]

مرجعية إيه بس يا دكتور شاوشنك الله يرضى عليك

الموضوع أبسط من كده

يعني لو القانون لا يُعاقب من يُلقي القمامة في الشارع ... فهل الناس هاتتقبل ده ويبقى الموضوع عادي ؟

ده مثل يعني

يعني حضرتك مش كل حاجه أو نفس يحتاج مرجعية وخلفية وحاجات من دي ...

طب سيبك من إن الموضوع موجه للأخ فول مون ...

طب فسر إنت من وجهة نظرك هذا السلوك يا دكتور

مداخلات .. قام الأخ بالرد عليها والنصح والارشاد وقال الله وقال الرسول ... وخلص الموضوع .. فين وفين لقى نفسه فاضي بعد 16 يوم .. راح داخل عامل الرشه الجريئة دي

هل يستلزم هذا مرجعيه ؟

أتفهم لو ما كانتش المداخلات عجبته في وقتها كان يبقى الموضوع مبرر ...

لكن بعد كل الفترة دي ... إيه في إيه ؟

-------

بالمناسبة أنا لا أُعلق إلا على الحاجات العجيبة ... زي أخت فاضلة من الأخوات عملت موضوع ليس لها عنوان .. حاجه كده أشبة بـ " موضوع خطير " أو " سؤال مهم "

خير اللهم أجعله خير ... دخلت لقيته بيتكلم عن موضوع معين .... فكعضو من أعضاء الإدارة صلاحياتي تسمح لي بذلك ... قمت بتغيير العنوان لُعبر عن أهمية محتواه ... وكتبت سطرين في الموضوع للتنويه عن ذلك من قٍبل الإدارة ..

تخيل السطرين دول تروح مقيماني بالسالب ؟!!!!....

طبعاً كل تلك التصرفات .... ما أسهل إني أرد بالسالب وزيادة .. لكن لا الواحد فاضي ولا عاوز ينزل لهذا المستوى

[shawshank]

شوف يا سي السيد باشا ... من وجهات النظر الجميلة في وجود القانون أنه في الأساس لقمع النزعة الشريرة في البشر. يعني الإنسان فيه جزء شرير، هذا الجزء الشرير بياخد صور مختلفة كلها مبنية على الصفات الطينية الأرضية للنفس البشرية، يعني زي الطمع والجشع وحب التملك والحقد وحب السلطة ... الخ. النزعات دي مغروزة فينا كلنا، مع نزعات الخير أكيد. ومهما كان الإنسان صالح وطيب وجميل، جواه برضه هذه النزعات. تعرف أنا لما بمشي في الشارع وأبص في وشوش الناس، بقول لنفسي: شوف الناس دي طيبة ازاي ... بس خلى واحد كده يتعدى على أي واحد منهم بكلمة أو تلميح أو أي نوع من أنواع التعدي. اللي شكله طيب وجميل ده تظهر عليه نزعات الشر فجأة ويتحول لإنسان تاني، وبعضهم بيتجرد حتى من إنسانيته. فنظريًا، لو ماكانش الناس عندها في نفوسها هذه النزعة الشريرة، يختفي تلقائيًا القانون (ويلغوا كليات الحقوق :D). إذن، القانون موجود - من وجهة النظر دي - لقمع الشر البشري قدر المستطاع.

معلش خرجت أنا عن الموضوع شوية ...

نرجع لموضوع المرجعية. معاليك بتقول "يعني لو القانون لا يُعاقب من يُلقي القمامة في الشارع ... فهل الناس هاتتقبل ده ويبقى الموضوع عادي ؟" والله يا سيدي إجابتي هي: فيه منهم اللي مش هيتقبل ده، وفيه منهم اللي هيتقبله لو كان تمن رفضه إنه لازم يروح لحد الصندوق عشان يرمي كيس القمامة مثلا، وفيه منهم اللي مش هتفرق معاه. التباين بين الناس رهيب وكبير جدًا وعلى درجات لا نهائية العدد، والتباين ده أسبابه كتير أوي وسيظل دائمًا موجودًا. فيبقى ايه العمل بقى في اللي مش هاممهم إنهم السبب في قذارة الشوارع مثلا؟ هل نفرض مرجعيتنا احنا عليهم ونسخر منهم في الرايحة والجاية ونقول: "شايفين اللي مش نضاف؟" ؟ أنا شايف إنه الأكثر احترامًا لينا وليهم إننا نضع قواعد يلتزم بها الجميع. مصدر القواعد دي مش موضوعنا هنا، المهم فيه قواعد. القواعد دي بتمثل المرجعية. والله اللي يمشي على القواعد، أهلا وسهلا بيه. اللي يخالف، يبقى يتعاقب (القانون اهوه). والناس اللي بتستخدم حقها - اللي اديته ليهم الإدارة هنا - أنا شخصيًا ماقدرش أدخل في نواياهم وأقول والله دول عملوا كذه عشان نيتهم كذه. أنا بقول: والله الناس دي عبرت عن رأيها وببساطة استخدمت حقها اللي منحته ليهم الإدارة.

هتقول لي: ماهو ده مش رأيهم الموضوعي وأنا متأكد من كده.

يبقى هنرجع تاني لموضوع نظام التقييم نفسه. يبقى كده فيه حاجة غلط في النظام، وليس في مستخدمي النظام. انت اديتني حق معين، وقلت لي ده حقك اتصرف فيه زي ما انت عايز. اتفضل قيم اللي انت عايزه بالتقييم اللي تشوفه من وجهة نظرك. خلاص يا سيدي، متشكر جدا. وهستمتع بالحق اللي انت اديتهولي. والله لو انت بقى اديتني حق واكتشفت إني أسأت استخدامه (والإساءة هنا من وجهة نظرك انت، مش اساءة مطلقة، ولا بناء على مرجعية واضحة وموحدة)، مع التزامي الكامل بالقواعد اللي انت نفسك حطيتهالي، يبقى ماتلومنيش. انت شايف إني أسأت الاستخدام، والله يا سيدي أنا شايف إني ما أسأتش الاستخدام. تبقى وجهات نظر. ووجهات النظر نسبية. ما يقلل من هذه النسبية وجود قواعد فاصلة بين المسموح والممنوع، بحيث يكاد يختفي عليها الجدال. فين بقى القواعد دي؟ فين القواعد اللي تحدد بوضوح المقصود بـ "إساءة الاستخدام"؟ والأهم، ازاي هتكتشف انت (كسلطة فرض القواعد) إساءة الاستخدام دي؟ ببساطة القواعد دي مش موجودة. لا في قواعد واضحة جامعة مانعة بتحدد يعني ايه سوء استخدام، ولا فيه طريقة تقدر بيها تعرف كل من يسيئ الاستخدام فتعاقبه. والحساب على النوايا المفروض مالوش وجود. وكمان الاستهزاء والسخرية على النوايا المفروض مالوش وجود. هاتقول لي ماهو أنا مش بتكلم عن عقوبة هنا. هرد أقولك: يبقى النظام اللي انت حطيته تسبب في سوء استخدام من وجهة نظرك انت نفسك. يعني انت اللي حاطط النظام وقواعده، وبعدين جاي تشتكي من الناس اللي نفذت القواعد اللي انت نفسك حاططها وبتقول: "والله الناس أساءت الاستخدام، وأنا مقدرش أعاقبهم لأني مش بتكلم عن عقوبة هنا، وبيني وبينكم عشان مش عارف أحط قواعد واضحة لكده". طيب يبقى انت اللي فتحت الباب بالنظام اللي حطيته لوجود إساءة استخدام لم يكن لها وجود من قبل، وبعدين جاي تشتكي وزعلان. فاهم حاجة؟

ويا سيدي في جميع الأحوال الجيد يفرض نفسه، والعملة الجيدة تطرد الرديئة، حتى من دون سخرية واستهزاء. وزي ما قال الفاضل جسار، انت ممكن تسيب آليات السوق تشتغل وتشوف النتيجة ايه، يمكن السوق يصلح نفسه بنفسه (وهو اللي أتمناه أنا شخصيًا).

معلش طولت عليك وصدعتك.

[م تيمور المراغي]

زميلى العزيز , الموضوع لا دخل له بالرجوله !! وليس افلاس !!

والا لما وضعت الادارة هذه الخاصية ,

توجد ردود بها تلميحات من الافضل عدم مناقشتها على الاقل على العام وبالتالى التقييم السلبى خيار ممتاز

وتوجد ردود بها تهكم وسخرية أيضا من الافضل تقييمها بالسالب

الموضوع ليس له علاقة برأى ,

وأسمحلى فأنا أعترض على كلمتى " رجولة وافلاس " ,,

اعتراضك شكلا مقبول يا صن لكن موضوعا خليني اوضحلك نقطتين مهمين جدا

اولا كلمة رجوله اقصد بيها الاقتحام والمواجهه والجرأة في مقارعة الخصم حجه بحجه

مش معقول ظنك فيا اني اقصد الإسائه لمن يستعملها انا معاكم من زمان واسلوبي مش كده لا بشتم ولا بجرح في حد ,,

اما كلمة افلاس ,, فهي المرادف لكلمة " جهاله " والتي وصف بها القرآن الكريم من يتخذ رد الفعل بدون " التبين " الكافي من مصدر الفعل ,,

وانت عارف الآيه الكريمه :

" ,,,,, فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ " الحجرات6

هنا عاب القران الكريم على الاخذ بالشبهه وبظاهر القول بدون التحقق والتبين الكاملين

ولو تفتكر لما كلمتك زمان ووضحتلك قصدي بعد تقييمك السالب اتضحت امامك الحقيقة الكاملة ,,

ولو في رأيك ان الموضوع مش مستاهل كل ده ,, خليني احكيلك ,,

ايام الكليه ,, كان فيه زملاء افاضل مش فارق معاهم تقدير B من تقدير C ,, وايه يعني ؟؟

بس انا ومجموعه تانيه كنا بنقلب الدنيا على النص درجه ,,دي طباع وبتتباين

كل نقطه خضرا حصل عليها اي زميل هنا صدقني خدت من وقته ومن اخلاصه ومن تفكيره الكثير - مع استبعاد المجاملات طبعا - لكن الاغلبيه تعبوا بجد واعطوا عصارة فكرهم ووقتهم ,,

يرضيك يجي حد لذيذ كده يقوم طاااخ ضارب كرسيين في الكلوب و قاطف كل الوروود وماشي بضمير مرتاح - بقى ده كلام ؟؟

فيه مسئوليه متحققه هنا مع كل نقطه سواء بالسالب او بالموجب وانا كان اقتراحي للاداره الكريمة اننا نلغي السالب خالص لانها تتنافى مع مفهومي للمواجهه والصدام

امال الحوار حينشأ ازاي لو الجميع متوافقين سوا و نسخه بالكربون ؟؟

وعموما ,, ولو مزعلينك الكلمتين دول يا صن اسحبهم لجل خاطرك ياسيدي :happy:

وخد دي ورده حمرا احسن من 1000 نقطه خضرا

تم تعديل 4 يناير 2011 بواسطة architect

[hOuSsAm]

ههههههههه

ايه الهذار ده كله

18 صفحة عشان التقيمات

أظن ان المحارات اكبر من كل ده

تحياتى

[م تيمور المراغي]

ههههههههه

ايه الهذار ده كله

18 صفحة عشان التقيمات

أظن ان المحارات اكبر من كل ده

تحياتى

السلام عليكم يا حسام ,,

حسألك وعيني في عينك كده عن حاجه وتجاوبني بصراحه :happy:

ايام الكليه كنت بتقلب الدنيا لو اتظلمت في نص درجه ولا كان عادي عنك

اعتقد انك من النوعيه الاولى ان شاء الله ,,

[hOuSsAm]

ههههههههه

ايه الهذار ده كله

18 صفحة عشان التقيمات

أظن ان المحارات اكبر من كل ده

تحياتى

السلام عليكم يا حسام ,,

حسألك وعيني في عينك كده عن حاجه وتجاوبني بصراحه :happy:

ايام الكليه كنت بتقلب الدنيا لو اتظلمت في نص درجه ولا كان عادي عنك

اعتقد انك من النوعيه الاولى ان شاء الله ,,

اعتقد يا بشمهندس ان الوضع مختلف

وان كنت فى الكلية مكنتش بدقق لانى حطيت هدف تقدير معين بنسبة معينة زيادة او اقل 5% مش مشكلة

وكنت بجيبهم من مادتين امتيازوتلاتة جيد جدا والباقى مش مشكلة زى متيجى (شوفت سهلة ازاى)

بس فيه مقولة اتعملتها (رايك فيا لا يدل عليا)

واظن ان فيه حجات كتيرة فى المحاورات او الدنيا اهم من التقيمات

فى الاخر الذكرى الحسنة هى اللى بتدوم مش التقيمات

بدليل زكرى المرحوم الاستاذ الافوكاتو (وارائه الجميلة)

بدليل ان الاستاذ عادل ابوزيد (مش من ضمن الناس اللى تقيمهم عالى) ولا احد ينكر مجهوده فى المنتدى

وابدا لا اقلل منمجهود وفضل الزملاء اصحاب التقييمات العالية (فهم اخوة وفخور بالقراءة لهم)

بس التقييمات ليها ابعاد كتيرة مينفعش نقيم الشخصية او نتضايق ونزعل بناء عليها

انت ياعم قيمتنى بالسالب فى موضوع ان شايف ان رايي كويس واحسن حاجة وميت فل وعشرة

خلاص ياعم ربنا يسامحكوعادى (مش هتاثر فيا ولا فى تفكيرى ولا هشك فى مستوى ثقافتى عشان كل واحد يقدريقيم نفسه كويس)

دى وجهة نظرى .......... سلام يا صحبى :)

فى الاخر الموضوع بسيط

[White heart]

 

أحسنت ... ونعم " البناء " حقيقي  .. استمر .. استمر ... كلي آذان صاغية، فمن ناحية رصيد مشاركاتك يعلو أكثر واكثر .. ومن ناحية رصيد أوسمة ونياشين " الإعجاب " خاصتك ستعلو هى الأخرى .. اذ سيكون لدى بإذن الله خلال سويعات قليلة رصيد جديد من الإعجاب للتعبير به عن " إجتهاداتك "  المثمرة وما أضافته حتى الأن

بس انت كده بتستخدم خاصية بتوفرها ليك المحاورات استخدام خاطيء .. خد بالك ...

لماذا ؟!؟!؟

أنظر معي:

الأصل فى المشاركات العادية الموضوعية ألا يكون هناك Reputation المشاركات التى لا تمثل إضافة أو الخرجة عن الموضوع أو التى تمثل إستظرافا فى غير مكانه هذه تستحق Reputation سالب و المشاركات التى تضيف قيمة للموضوع أو التى "تلم الموضوع و تلخصه" أو التى تمثل جهذا فى وضعها فهذه لها Reputation إيجابى.

وانا أسألك أن تُقّيِمٌ مشاركاتك أنت بنفسك (6 مشاركات!) في الموضوع المعني (قد يكون من ضمن أكبر اكتشافات الغاز فى العالم) بناء على هذا الرأى .. ولتخبرني بعدها أى Reputation تستحق عليهم يا ترى ... سلبي أم ايجابي يا تُرى؟

ولا تقل لي لا شئ ... فهو في البداية والنهاية " إجتهاد " ... يحق للعضو المُتلقي تقييمه كما يترأى له ...

[Scorpion]

تنويه ..

 

نظرآ ان عدد مداخلاتي و التقييمات الأيجابية التي يضيفها يعض الزملاء الي ما يجدونه يستحق منها لم يحظ علي رضا الفاضل وايت هارت .. لذا فلقد قرر نهج اسلوب لا يوجد في قواعد الكتابة ما يمنعه .. و عليه حصلت بدون اي استحقاق في الفترة السابقة  منه علي حوالي 25 تقييم ايجابي في اسلوب صبياني لا يوجد مبرر له .. بالرغم من لفت نظري له أكثر من مرة .. 

و بما ان برمجيات المحاورات لا تسمح بحذف علامات تقييم مضافة الي مداخلة .. نفس البرمجيات التي لم تتح لأدارة المحاورات الموافقة علي طلبي بحذف جميع نقاط تقييمي و التي لا يضيرني و لا يهمني تواجدها من أصله ..

لذا وجب التنويه و كأثبات حالة ان تلك النقاط لا تمثل الحقيقة و شابها فساد حري بمن قام به ان يخجل من نفسه ..

[White heart]

تنويه ..

نظرآ ان عدد مداخلاتي و التقييمات الأيجابية التي يضيفها يعض الزملاء الي ما يجدونه يستحق منها لم يحظ علي رضا الفاضل وايت هارت .. لذا فلقد قرر نهج اسلوب لا يوجد في قواعد الكتابة ما يمنعه .. و عليه حصلت بدون اي استحقاق في الفترة السابقة  منه علي حوالي 25 تقييم ايجابي في اسلوب صبياني لا يوجد مبرر له .. بالرغم من لفت نظري له أكثر من مرة ..

:coffeenews: flrt: i*:

هل أفهم من هذا " التنويه " يا عزيزي ان هناك تطور قد طرأ على نظام المحاورات ... وأصبح من الممكن، وفي المقدور ، أن " يتحاسب " الأعضاء سواء بينهم وبين بعضهم، أو سواء بينهم وبين الأعضاء / المشرفين علانية، عوضاّ عن اللجؤ الى خاصية التقرير؟

[Scorpion]

انا اكتب كعضو من حقي ابداء ما يسوءني و يمس خاصية لها علاقة مباشرة بي  يراها  جميع الأعضاء و الزوار ... و لا أجد في تنويهي هذا ما يسيء الي أحد ..

و بما ان معاليك علقت علي ما كتبته بل و لونت بالأحمر ما اعنيه تمامآ برأيي في تصرفك هذا ... فبدلآ من تبرير ما فعلت أراك كالعادة تلجآ الي الأسلوب الذي تبرع فيه .. اسلوب الهجوم لتدافع عن ما لا يوجد ما يبرره او يفسره ..

[White heart]

 بما ان معاليك علقت علي ما كتبته بل و لونت بالأحمر ما اعنيه تمامآ برأيي في تصرفك هذا ...

طبيعي يا عزيزي أن أعلق على أى أمر به أسمي بمثل هذا الوضوح ...

ولهذا سألتك سؤال ومازلت في إنتظار ردك الشجاع ...  

تم تعديل 19 يناير 2016 بواسطة White heart

[Scorpion]

انا لا أحاسبك و لا أنتظر منك اي شيء .. فلست من هواة مناقشة اعمال صبيانية مماثلة ... انا فقط و مثلما ذكرت اثبت حالة للأعضاء .. فنحن لسنا بصدد مخالفتك لقواعد .. 

و لن اتشبه بك و ابحث في قبو المحاورات و في مداخلاته القديمة ما يفيد بانك تخالف القواعد مثلما دأبت انت ان تقوم به مع الآخرين .. ففي نفس هذا الموضوع سابقة ادارية تم الأعلان عنها لمن يسيء استخدام تلك الخاصية .. و لكن لا يهمني بالفعل ... 

[White heart]

انا لا أحاسبك و لا أنتظر منك اي شيء .. فلست من هواة مناقشة اعمال صبيانية مماثلة ...

أذن بكل أسف لا جديد ...

وهذا هو ردي:

تبقى " العدالة " لديك ولدى بعض الزملاء، كما هي تماماً كتلك القائمة في بلدنا الحبيب ... عدالة الإتجاة الواحد!!!

أنت مُحق ... وأنا على خطأ

[Scorpion]

كان من الأكرم لك ان تعتذر فقط و كنت سأقبلها بسعادة .. و لكنك كالعادة جعلت من نفسك تبدو كالضحية و أفسدت اعتذارك باتهام سخيف ..

و هذا يعزز انطباعي علي  خطأ اسلوبك و عوار النهج الذي تنتهجه منذ فترة..

 

خلص الكلام