أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 هل يصح تبرير رد الفعل على جريمة بارتكاب جريمة ؟ ده حتى فى قانون العقوبات لا يعتبر دفاعا عن النفس قتل المعتدى إذا كان يمكن منعه بوسيلة أخرى دعونا من العيادات الخارجية التى يتم الكشف فيها بالمجان أو باتنين جنيه أهو المريض ممكن يعمل جمعية - يقبضها الأول - ويروح عيادة أو مستشفى خاصة إنما إغلاق قسم استقبال الطوارئ يا سادة - فى أى مستشفى حتى لو خاص - فإن الدستور ينص على تجريمه تجريم مش بس شجب واستنكار وإدانة المادة 18 من الدستور ..................................................................................................................................... ويجرم الامتناع عن تقديم العلاج بأشكاله المختلفة لكل إنسان في حالات الطوارئ أو الخطر على الحياة. .................................................................................................................................... نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
White heart بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 دعونا من العيادات الخارجية التى يتم الكشف فيها بالمجان أو باتنين جنيه أهو المريض ممكن يعمل جمعية - يقبضها الأول - ويروح عيادة أو مستشفى خاصة إنما إغلاق قسم استقبال الطوارئ يا سادة - فى أى مستشفى حتى لو خاص - فإن الدستور ينص على تجريمه تجريم مش بس شجب واستنكار وإدانة ماشاء الله ولا حول ولا قوة الا بالله ! وكأنك يا عزيزي لست من مصر، ولم يسبق لك وأن سمعت عن هذا "الجرم" الذي تتحدث عنه، ويتكرر مراراً بطول البلاد وعرضها، ولأسباب إقتصادية، ليست لها أى علاقة بأطباء مُمارسين يؤدون عملهم، وانما لها علاقة مباشرة بالدولة وميزانياتها وعدم عدالة وصحة توزيعها على الوزارات من ناحية، وعلى المحافظات من ناحية اخرى، هذا "الجُرم" الذي فجأة أصبح حاضراً دفاعاً عن المرضى الــ "الكحيانين العدمانين الفقرانين" ... مستشفى حكومي يرفض استقبال مريض غارق في دمه أحمد سالم نشر في التحرير يوم 13 - 11 - 2014 رفضت مستشفى المنوفية، استقبال أحد المرضى الذي يعاني من نزيف في الكبد، وذلك لأن أهل المريض ليس لديهم القدرة على دفع تكاليف العلاج، وأكدت زوجة المريض أن مدير المستشفى هددهم بتسليمهم للأمن. واستعرض الإعلامي وائل الإبراشي، أمس، في برنامجه «العاشرة مساءً» المذاع على قناة «دريم 2» الفضائية، مشكلة السيدة التي افترشت الأرض أمام مستشفى المنوفية العام، ومعها زوجها المريض في حالة خطرة، حيث رفضت المستشفى الجامعي استقباله.وقالت زوجة المريض: «رحنا المستشفى الجامعي ورفضوا يدخلونا، عشان إحنا غلابة.. اللي ليه واسطى يدخل والغلبان يضيع، مش راضيين يبصولنا عشان إحنا غلابة». وأضافت: «من الفجر وإحنا بنلف في مستشفى الهلال، ورحت لمدير المستشفى قال لي هطلب لكم الأمن»، في حين أن زوجها كان ينزف من فمه. ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 عزيزى الدكتور ياسر واضح إنى كنت باكتب مداخلتى ولم أر مداخلتك ولكنها احتوت على إجابة لجزء من مداخلتك إغلاق قسم الاستقبال جريمة يا دكتور بنص الدستور و جميل أن نرى هذا الاهتمام بالمرضى وحقوق المرضى ! وأرجو ألا يكون الهدف فقط هو كسر شوكة الأطباء وإذلال نقابتهم ليه علامة التعجب يا دكتور ؟ !! هو مفيش ملائكة رحمة غير الأطباء ؟ !! ومين بقى اللى قال أو حتى لمح إلى كسر شوكة الأطباء ؟ :) كلنا عارفين إنهم من ذوى الشوكة .. وما حدش قرَّب ناحية شوكتهم وبعدين أنا - شخصيا - فى عيلتى أطباء منهم اللى فى مصر واللى فى ألمانيا واللى فى أمريكا واغلبهم فى سن أولادى وأصغر .. :) بس باخاف من شوكتهم برضه نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
White heart بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 دعونا من العيادات الخارجية التى يتم الكشف فيها بالمجان أو باتنين جنيه أهو المريض ممكن يعمل جمعية - يقبضها الأول - ويروح عيادة أو مستشفى خاصة إنما إغلاق قسم استقبال الطوارئ يا سادة - فى أى مستشفى حتى لو خاص - فإن الدستور ينص على تجريمه تجريم مش بس شجب واستنكار وإدانة وفق هذا المنطق، على ما يبدو يا عزيزي أن الفرنسيين أكثر <<<جُرماً >>> منا!!! أطباء المستعجلات بفرنسا يشرعون في إضراب لمدة أسبوع22.12.2014 11h01 - أخر تحديث 22.12.2014 11h01 وكالات شرع أطباء المستعجلات بفرنسا يوم الاثنين 22 دجنبر، في شن إضراب يستمر أسبوعا، من المقرر أن ينضم إليه أطباء القطاع العام والأخصائيون ، بحسب نقابات القطاع. وأضافت المصادر ذاتها أن هذه الحركة الاحتجاجية القابلة للتمديد، والتي أطلقتها جمعية أطباء المستعجلات بفرنسا والكونفيدرالية العامة للشغل (ك.ع.ش -أطباء) يتوقع أن يلتحق بها 80 في المائة من المهنيين. ويطالب المضربون الذين يحتجون على ظروف عملهم، بالتقليص من ساعات العمل إلى 48 ساعة في الأسبوع عوض 60 حاليا . كما يعارض الممارسون التقليص من ميزانيات المستشفيات التي ستفقد ملياري أورو إلى غاية 2017 ، فضلا عن إضراب التنظيم في المدن الطبية جراء التدفق الكبير للمرضى. وأضافت النقابات أن قرار الإضراب لن يؤثر على خدمات المستشفيات خلال أعياد رأس السنة، ذلك أن مهنيي المستعجلات سيعملون على ضمان السير العادي لهذه المصالح. "... وأضافت النقابات أن قرار الإضراب لن يؤثر على خدمات المستشفيات خلال أعياد رأس السنة، ذلك أن مهنيي المستعجلات سيعملون على ضمان السير العادي لهذه المصالح ..." وهو ما أعتقده، من ان هناك تدابير مشابهة قد تم إتخاذها في حالتنا نحن أيضاً ... فهولاء الأطباء ليسوا بأغبياء أو عديمي الأخلاق أو الضمير .. أو حتى سُذج ليعرضوا أنفسهم الى أى مسائلات قانونية ... اذن دعهم يتمتعون بحقهم الطبيعي في الإضراب، والذي هنا ليس من أجل مثل المطالب الفرنسية (على الرغم من مشروعيتها أيضاً!) وانما من أجل الدفاع عن أنفسهم وسلامتهم هم الشخصية (وليس فقط كما يوحي العنوان الذي إخترته بأنها مسألة كرامة فقط!) ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
suma بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 (معدل) بسم الله الرحمن الرحيم تخيلوا ان الداخلية لم تتمهل وحققت في الموضوع فور علمها بالحادث هل كا الاطباء غضبوا لهذا الحد وغضب معهم ومن اجلهم الكثير؟؟ ولو الضابط المحترم في القسم رفع الغشاوة من على عينه وتمهل واستفهم ولم يهددالاطباء بدون وجه حق...الا يمكن انه كان امتص غضب الاطباء. نحن ندع الامور الى ان تصل لمنتهاها وتتشابك ثم نريد الحل ...وهذا محال. اياما كان السبب لا يحق للامناء ان يتطاولوا على الاطباء وكون انهم قيدوا في ذهابهم للقسم فيه قمة الاهانة وبما انهم ليسوا انبياء فكان الاعتراض والرفض...وارى انهم صادقين لاني اعرف اناس تعرضوا لنفس الاهانة من قسم الدخيلة( اغتصف فرد من الاعراب شقة لهم تحت التاسيس وكانوا مظبتين مع القسم) وفي القسم يجدوا ان الشاكي يقيد مع المشكو في حقه ويهدد بالرمي في الحجز لو لم يتنازل!!! مع علو مكانته العلمية والعملية تصوروا هذا حدث ولولا اتصال احد برجل كبير ما خرج الشاكي وكان حريق قسم الدخيلة خبرا سعيدا على كل من ظلم فيه. اما عن القطة فده حال اغلب المشافي الحكومية والميري ليس ببعيد ودي مشكلة تانية حتما -- نقص عماله ونقص تمريض..والنقابة لم تطلب الا تامين العالملين بها حتى لا يتكرر والطبيب لن يفيد لو كان غير امنا في مشفاه. ده رايي المتواضع عن الموضوع واحسب انني تابعته كثيرا في الصحف والتلفاز .ودمتم سومه تم تعديل 7 فبراير 2016 بواسطة suma رابط هذا التعليق شارك المزيد من خيارات المشاركة
أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 يعنى ممكن الواحد يقولها أوضح من كده إيه ؟ أنا مع الأطباء ضد بلطحة وتجاوز الأمناء الأربعة ولكنى ضد الأطباء فى معاقبة المرضى وفى مخالفة الدستور حتى وإن اقتصر إغلاقهم للخدمة على قسمى الطوارئ والعيادات الخارجية لأن المرضى ليسوا طرفا .. الطرفان هما نقابة الأطباء والدولة بدليل أنهم لم يقيموا الدنيا دون أن يقعدوها فى حادثة مثل هذه مثلا وضد النقابة فى إصرارها على غلق الاستقبال والطوارئ إلى أن يُعاقب الأمناء حتى استدعاهم النائب العام وشرح لهم الجرم الذى ارتكبوه وأن تصرفهم مخالف للدستور فأعادوا فتح الاستقبال الطوارئ لتفويت الفرصة على من يريد الوقيعة بين الأطباء والأهالى (يا سلام) إنما العلاج اللى ببلاش يفضل مقفول !! .. قال يعنى ده لا يؤلب الأهالى عليهم ومعنى كده إن الوحشين اللى زى حالاتى كده (اللى عاوزين يوقعوا بين الأطباء والأهالى) لو ما كانوش استنكروا - وحاولوا يعملوا الوقيعة دى - كان الإغلاق سيستمر إلى أن يصدر حكم على الأمناء ويا داهية دقى بقى لو أثبت التحقيق أو أثبتت المحاكمة والاستئناف والنقض عدم صحة الاتهامات كان يبقى المفروض نستنى بقى دول الخليج تبعت لنا أطباء (غير ملائكة الرحمة بتوعنا) ليعالجوا مرضانا الغير قادرين واللى بعض الخواجات اللى بيكتبوا بالعربى بيتنقوروا على إنهم "كحيانين عدمانين فقرانين" يا سبحان الله فيما قالت الدكتورة منى مينا، المنسق العام لحركة أطباء بلا حقوق، لـ«الوطن»، إن القرار اتفق عليه وأصدره أطباء مستشفى المطرية، وكان دور النقابة هو دعم قرار الأطباء ومؤازرتهم ومساندتهم بكل الطرق، مشيرة إلى أن قرار إعادة فتح الاستقبال والطوارئ جاء لتفويت الفرصة على محاولة الوقيعة بين الأطباء والأهالى والتزاماً واحتراماً لقرار النائب العام الذى انتقد غلق الطوارئ واعتبره مخالفاً للدستور بينما يعتبر الغلق مخالفاً للدستور إذا تم فى الظروف العادية وليس بعد حادث طارئ يهدد سلامة الأطباء والمرضى وتعرض الأطباء إلى السحل والضرب، مضيفة أن تشغيل الطوارئ دون العيادات الخارجية يعتبر إضراباً جزئياً ورمزياً وتفعيلاً لقرار النائب العام لحين عودة حق الأطباء، وأنه فى حالة عدم عودة حق الأطباء سيكون هناك تصعيد آخر من خلال الجمعية العمومية. ياسلام .. يعنى النائب العام انتقد الجرم الذى ارتكبته ملائكة الرحمة gsp_) ياواد يا جامد اللهم لا اعتراض :) خوفا من الشوكة نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 مفيش حد ناوى يكلمنا عن حقن الأفاستين فى العين ؟ i*: طيب دلوقت انا مريض شبكية .. ومفيش نقابة لمرضى الشبكية نعملوا إيه يا جدعان ؟ نزعل ؟ .. لأ نتضايق ؟ .. لأ نعمل إيه ؟ لازم نضحك :D يا الله نضحك نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
باهى الطائر الحزين بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 بخصوص موضوع حقن عقار محرم دوليا فى عيون المرضى فى رمد طنطا - الحديث عن عقار الأفاستن "AVASTIN" بعض النقاط السريعة الأول كدا 1. مفيش دكتور عيون واحد فى العالم ما حقنش الأفاستين قبل كدا لمريض عنده 2.واحد من كل أربعة مرضى بالسكر تقريبا تم حقن عينه بعقار الأفاستين غير مرضى بأمراض عيون أخرى تم حقنهم بنفس المادة 3.مفيش دكتور عيون واحد يقدر يقف فى مؤتمر علمى و يقول ان عقار الأفاستين مضر للعين 4.مفيش جراح "من أى تخصص" فى العالم ما حصلش معاه مريض أصيب بعدوى ميكروبية بعد الجراحة 5.مفيش مريض أجرى جراحة فى العالم إلا و وقع على إقرار باحتمال حدوث عدوى ميكروبية له بعد الجراحة 6.كل المفروض ان الجراح يعمله هو انه يتبع سياسات مكافحة العدوى " مكافحة و ليس منع " قبل أى جراحة بمعنى انه يعمل اللى عليه عشان يقلل نسبة حدوث العدوى لأقل الحدود الممكنة. 7.مفيش جراح فى العالم يوافق يوقع على إقرار للمريض انه يضمن عدم حدوث عدوى بعد الجراحة لأن دا مستحيل عمليا " فقط الجراح يتبع أقصى السياسات الممكنة " بالبلدى الجملة الشهيرة " بنعمل اللى علينا و الباقى على ربنا" 8.فى حالة الحقن فى العين كل الإحتياطات المكتوبة و المذكورة هى انك بتحقن المريض فى حجرة نظيفة "لا يشترط أن تكون حجرة عمليات بالمناسبة زائد تعقيم العين بمادة البيتادين الشهيرة " تمنها 3 قروش يعنى " قبل الحقن و دا اللى الدكاترة عملوه قبل الحقن لأنه شىء بسيط جدا و لا يكلف وقت أو تكلفة مادية زيادة 9. هل بعد اتخاذ الاحتياطات دى هناك احتمالية لحدوث عدوي بالعين بعد الحقن ؟؟ أيوه توجد احتمالية و مفيش أى جراح يقدر يدعى انه نسبة حدوث العدوى معاه صفر حتى لو كان عامل كل الاحتياطات اللازمة الموصى بها " و دا فى العالم كله " لأنه ببساطة لا يزال فيه ميكروبات مجهولة المصدر أصلا إيه بقى قصة الأفاستن ؟؟؟؟ دى قصة كبيرة قوى دا عقار اسمه العلمى "BEVACIZUMAB" أنتجته شركة GENETECH الأمريكية التابعة لمجموعة ROCHE السويسرية و كان الهدف من إنتاجه الحقن فى حالات السرطان لأنه بيقلل حدوث نزيف داخل الأورام عن طريق تفاعلات معينة لكن لما تم حقنه للمرضى دول و اللى كان بعضهم مصاب بالشبكية السكرية أو ضمور مركز الإبصار المرتبط بالسن اكتشف انه مفيد فى الحالات دى و قلل نسبة حصول النزيف داخل العين فى الحالات دى و بالتالى اتعمل عليه أبحاث كتير و رسايل ماجستير و دكتوراة أثبتت فعاليته و أمانه فى علاج هذه الحالات تكلفة عقار الأفاستين تقريبا للمريض فى الحقنة الواحدة حوالى 50 دولار طب ايه المشكلة ؟؟ شوف يا سيدى شركة ROCHE اللى بتملك شركة GENETECH المنتجة للعقار دى شركة مساهمة يملك 33% من أسهمها شركة سويسرية تالتة اسمها NOVARTIS شركة NOVARTIS قالت لهم لا خلاص كفاية عليكم انكم بتبيعوا الدوا دا لحالات الأورام و ما ترخصوهوش لعلاج أمراض العيون و أنتجت هى عقار جديد شبيه بالأفاستين و سمته اللوسنتيس "LUCENTIS" و نزلته الأسواق لعلاج حالات العيون و سعت لترخيص استخدامه الأساسى ليكون فى العيون ثمنه كام بقى ال " LUCENTIS" للمريض الواحد ؟؟ تقريبا ألف دولار للحقنة الواحدة تقريبا كل مؤتمرات الشبكية اللى بتتعمل بيتناقش فيها الفرق بين فاعلية و أمان العقارين دول بتكون النتيجة أنه مفيش فرق بين الاتنين أو فروقات لازم تكون طفيفة و النتيجة أن كل أطباء العيون المحايدين على مستوى العالم بما فيهم أمريكا نفسها بيستخدموا ال " AVASTIN " لعلاج مرضاهم لأنه أرخص و لو ما حصلش تحسن ممكن يلجأوا لتجربة ال" LUCENTIS" كعلاج بديل المستشفى اللى انا فيها دلوقتى تقريبا من أكبر مستشفيات العيون فى العالم من حيث الميزانية و معظم أطباء الشبكية فيها أمريكان و رغم ذلك استخدامهم لل" LUCENTIS" ضئيل جدا و بيستخدموا ال"AVASTIN" بصورة رئيسية فى مصر بقى اللى هى دولة فقيرة و ميزانية الصحة فيها محدودة جدا و كل اللى على لسان مسئوليها مفيش مفيش مفيش دخل عقار ال"LUCENTIS" إلى وزاة الصحة والتأمين الصحى بمنتهى السهولة و فى وقت قياسى و بقت الدولة بتوفره لكل حالات السكر و ضمور مركز الابصار و انسداد الوريد الشبكى و اللى عددهم ملايين بتكلفة تقارب الألف دولار لكل عين علما بأن المريض يحتاج على الأقل للحقن 3 مرات لكل عين ( حوالى 6000 دولار ) لكل مريض فى حين انها كانت ممكن توفر وتستخدم الدوا الأقل سعرا و توفر الفرق لأدوية كتير جدا و مستلزمات ناقصة فى الوزارة عاوز أقول انه فيه آلاف الحالات فى مصر أصيبت بالعمى التام لمجرد عدم اهتمام الدولة بتوفير مستلزمات أقل فى التكلفة بكتير من عقار ال" LUCENTIS" طبعا الكلام دا مش معناه مجرد السفه أو غياب الأولويات لكن معناه أنه فى الوقت اللى تم وقف أربعة أطباء عيون عن العمل وإحالتهم للتحقيق و ربما إنهاء حياتهم الوظيفية و تسليط الإعلام عليهم فيه فى نفس الوقت مسئول كبير ربما أخذ رشوة كبيرة جدا " ربما بالملايين "لتسهيل دخول الدواء ألاغلى لوزارة الصحة و التأمين الصحى و قاعد دلوقتى فى مكتبه ولم يصبه شىء ولم يحاسبه أحد أخيرا إيه اللى يخلى الأطباء يستخدموا الأفاستين بدل اللوسنتيس طالما هو متوفر كدا خاصة انهم فى مستشفى حكومى ؟؟؟ السبب انه الحصول على أمبول اللوسنتس للمريض يتطلب عمل قرار على نفقة الدولة و دا بيحتاج شهر لإصدراه تقريبا و بعض الحالات قد لا تحتمل الانتظار شهر و معرضة للنزيف فى أى وقت - يعنى الدكاترة عملوا كدا بوازع حرصهم على المريض " اللى فى النهاية لم يرحمهم" أنا شخصيا من فترة طويلة كنت بطلت أحقن أفاستن لنفس السبب دا لأنى متوقع ان ممكن يحصل معايا كدا و ساعتها محدش هيفهم انى كنت حريص انى ألحق المريض قبل ما ينزف و دا الخطأ اللى وقع فيه الدكاترة للأسف أنهم ما فهموش انهم شغالين فى دولة مليانة فساد آخر حاجة مش محتاج أقول ان وكيل الوزارة اللى قال هاعلقهم من رجليهم دا متخلف و ان مدير مستشفى الرمد الجامعى اللى هو طبيب أنف و أذن أصلا أكثر تخلفا الصورة دى من موقع الأكاديمية الأمريكية لطب العيون بتوضح أن الأفاستن عقار بيتم استخدامه للحقن فى العين http://www.ncbi.nlm.nih.gov/pubmed/26445075 دا لينك لدراسة كبرى اجريت فى انجلترا فى 23 مستشفى عيون على أكثر من 600 مريض للمقارنة بين العقارين فى علاج حالات ضمور مركز الإبصار و بينت أنه لا فرق بين العقارين فى الفاعلية أو الأمان الدراسة أجريت بين 2008 و 2010 و تم نشرها فى 2015 http://www.ncbi.nlm.nih.gov/pubmed/26431300 دا لينك لدراسة تانية أجريت و نشرت فى 2015 فى "أمريكا " للمقارنة بين العقارين فى علاج حالات انسداد الوريد الشبكى و أثبتت أنه لا فرق بين العقارين من حيث الفاعلية و الأمان http://www.ncbi.nlm.nih.gov/pubmed/25692915 و دا لينك لدراسة أجريت فى 89 مركز عيون فى انجلترا على أكثر من 600 مريض للمقارنة بين العقارين فى حالات الشبكية السكرية و نشرت فى 2015 و أثبتت أنه لا يوجد فرق بين العقارين فى الفاعلية و الأمان يمكن لغير المتخصصين فتح اللينك و قراءة ال CONCLUSION المكتوب فى سطرين دكتور احمد عادلي وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 لما شفت الفيديو لقيت إنه أقل بكثير جدا من ردة الفعل http://www.youm7.com/story/2016/2/5/%D9%86%D9%86%D8%B4%D8%B1-%D9%81%D9%8A%D8%AF%D9%8A%D9%88-%D9%84%D9%84%D8%AD%D8%B8%D8%A9-%D8%A7%D8%B9%D8%AA%D8%AF%D8%A7%D8%A1-%D8%A3%D9%85%D9%86%D8%A7%D8%A1-%D8%A7%D9%84%D8%B4%D8%B1%D8%B7%D8%A9-%D8%B9%D9%84%D9%89-%D8%A3%D8%B7%D8%A8%D8%A7%D8%A1-%D9%85%D8%B3%D8%AA%D8%B4%D9%81%D9%89-%D8%A7%D9%84%D9%85%D8%B7%D8%B1%D9%8A/2571319#.VrcgABh97hk ولو واحد راح للدكتور علشان يعمل تقرير طبي على الاعتداء اللي أنا شفته ده مش هيعملة تقرير طبي أصلا فضلا عن إهانته وطرده هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 راحت السكرة وجاءت الفكرة هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 عندما تكون القضية عادلة .. ويتولاها محامى سبوبة فى الغالب المحامى يطلع كسبان وموكله يطلع خسران .. على الأقل سمعته نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
White heart بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 أنا - شخصيا - فى عيلتى أطباء منهم اللى فى مصر واللى فى ألمانيا واللى فى أمريكا ياترى اللي في المانيا دول مثلاً ممكن يكون رأيهم ايه لما يعرفوا تفاصيل اللي حصل (واللي بيحصل) عندنا، ويشوفوا "البداية" <<< الغير مجرمة>>> دي: https://www.youtube.com/watch?v=9PtaJ5G9Qfs ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
أبو محمد بتاريخ: 7 فبراير 2016 كاتب الموضوع تقديم بلاغ مشاركة بتاريخ: 7 فبراير 2016 مفيش حد ناوى يكلمنا عن حقن الأفاستين فى العين ؟ i*: طيب دلوقت انا مريض شبكية .. ومفيش نقابة لمرضى الشبكية نعملوا إيه يا جدعان ؟ نزعل ؟ .. لأ نتضايق ؟ .. لأ نعمل إيه ؟ لازم نضحك :D يا الله نضحك وده رد تانى غير اللى جابهولنا الأستاذ "باهى" Neveen Tawfilis Cavalli 1 hr · بالنسبه للناس اللي عمالين يقولوا #افاستن ( #Avastin )عقار #محرم_دوليا!! و المصيبه ان فيه اطباء طالعين في الاعلام يقولوا كده... اولا مفيش حاجه هاتعوض حد فقد بصره و ده شئ مؤسف جدا طبعا. فالكلام هنا مش معناه التسفيه من معاناة اي حد, الكلام هنا لتوضيح حقائق مش فاهمه ليه فيه اصرار على الترويج لما يتناقض معها. - علشان اى عقار ينزل السوق و يُستخدم للعلاج بيمر بمراحل كتير اوي من الاختبارات و التجارب و لازم ياخد تصريح من جهات معينه الاول. اكبر و اشهر جهه هي ال FDA Food and Drug Administration و دي اميركيه. مفيش اى عقار ممكن يتباع في اميركا الا لما ياخد موافقه من الجهه دي, و فيه جهات تانيه غيرها طبعا... ممكن ادويه تكون واخده موافقه في اسواق معينه و اسواق تانيه لا. و الشروط بتاعه كل منطقه ممكن تختلف عن التانيه. - العقار بيتم تركيبه و اختباره لعلاج مرض معين ... و بياخد ترخيص او موافقه لعلاج المرض ده. ممكن يتبين بعد كده ان نفس العقار ممكن يُستخدم لاغراض مختلفه عن الغرض الاساسي. كمثال ايام ما كنت باعانى من الصداع النصفي لسنين طويله، الاخصائي اللي كنت باتابع معاه كتب لي علي عقار اتعمل اصلا علشان علاج الصرع لكنه مفيد جدا لو يتاخد بصفه يوميه (as preventative medication) في التخفيف من حده الم الصداع النصفي و من تكرار نوبات الصداع نفسها. و قد كان... بدل من نوبه او اتنين في الاسبوع اصبحت النوبات مرتين في الشهر فقط و بدل من استمرار كل نوبه يومين كانت بتستمر يوم واحد. - نيجي بقي للعقار اللي بيزعموا انه محرم دوليه و اللي تسبب في فقدان سيده لبصرها اثر حقنها به. العقار ده اسمه التجاري Avastin و اسم الماده الفعاله فيه Bevacizumab ده عقار تمت الموافقه علي استخدامه لاول مره في 2004 كعلاج لسرطان القولون. في السنين اللي تلت ده تم الموافقه علي استخدامه في حالات سرطان الرئه و المثانه و بعض اورام المخ. في فتره ما تم استخدامه في حالات سرطان الثدي لكن توقف الاستخدام ده ليس لكونه مضر و لكن لان تأثيره كان منعدم في الحاله دي. يعنى باختصار افاستن علاج كيماوي لمرضي السرطان. - افاستن غير محرم دوليا و هو مدرج على قائمة #منظمه_الصحه_العالميه للادويه الاساسيه (صفحه 34 في الوثيقه دي: http://apps.who.int/…/bitstre…/10665/93142/1/EML_18_eng.pdf… ( يعنى باختصار افاستن علاج كيماوي لمرضي السرطان.ـ - افاستن بيشتغل على الاوعيه الدمويه,.. بيوقف انتاج او يبطأ نمو الاوعيه الدمويه. تم استخدامه في علاج حالات من امراض العيون اسمها wet age-related macular degeneration و دي متعلقه بنمو غير طبيعي للاوعيه الدمويه في العيون. و بعض امراض العيون الاخري. الجرعه اللازمه في الحالات دي اقل بكتير جدا من الجرعات اللي بتستخدم في علاج الاورام السرطانيه طبعا و بالتالي التكلفه ضئيله جدا. لكن ال FDA ما منحتش افاستن التصريح لاستخدامه في علاج امراض العيون على الرغم من وجود دراسات بتؤكد فعاليته في المجال ده. - فيه عقار تاني اسمه التجاري Lucentis و اسم الماده الفعاله فيه ranibizumab و ده مركب اصلا لعلاج امراض العيون و ال FDA و جهات اخري مصرحه ببيعه للغرض ده. - تكلفه استخدام افاستن ضئيله مش بس بالمقارنه مع تكلفه استخدامه لعلاج الاورام السرطانيه.. لكن كمان بالمقارنه مع تكلفه لوسنتيس. - فيه حاجه اسمها Off-Label drug ده معناه ان دوا معين بيستخدم لعلاج حالات غير اللي تم تركيبه من اجل علاجها. زي افاستن كده.. مصرح باستخدامه لعلاج الاورام السرطانيه لكن لسه مفيش تصريح باستخدامه لعلاج امراض العيون. العقاقير الاوف لابل دي مسموح باستخدامها على مسئوليه الطبيب المعالج. ماهياش محرمه دوليا ولا حاجه!! - بالاضافه للدراسات اللي بتشير لفعاليه افاستن في علاج امراض العيون ... فالعقار ده بيُستخدم اوف لابل فعلا في بلاد مختلفه للغرض ده و بنجاح ملحوظ. من اشهر الدول اللي بتستخدمه في علاج الحالات دي هى الهند. - الخلاف حول استخدام افاستن في علاج امراض العيون ظهر في انجلترا بشكل واضح لما جهه حكوميه تابعه لوزاره الصحه اقترحت ادراجه في قائمه العقاقير المدعمه من الدوله لعلاج امراض العيون و التصريح باستخدامه للغرض ده لأن ده كان هايوفر كتير جدا من الميزانيه لكونه ارخص من لوسنتيس. شركات الادويه العملاقه Roche and Novartis و اللي معاهم حقوق تسويق لوسنتيس و افاستن عارضوا الاقتراح ده بشده و شنوا حملات لمنع تمرير اقتراح استخدام افاستن لعلاج امراض العيون... طبعا لان ده كان هايعنى خساره ضخمه بالنسبه لهم. ( http://www.pharmatimes.com/…/Novartis_accused_in_UK_Avastin… ) - في استخدام اى عقار لحقن الاوعيه الدمويه في العيون هناك مخاطره بحدوث التهاب قد يؤدي لفقد البصر. و ده مالوش علاقه بنوع العقار اصلا. و ده مدرج كخطر يجب الانتباه له حتى في لوسنتيس اللي هو مصرح باستخدامه و مش Off Label زي افاستن. ( http://www.lucentis.com/hcp/ ) - الخلاصه: * افاستن غير محرم دوليا * افاستن مصرح باستخدامه لعلاج امراض العيون ك Off-Label Drug علي مسئوليه الطبيب المعالج * اي عقار يتم حقنه في علاج امراض العيون مرتبط بمخاطره حدوث التهابات او مضاعفات قد تؤدي لفقدان البصر, * لازم يحصل تحقيق جاد للتوصل لسبب فقدان هذه السيده او غيرها من المرضى بصرهم .. فقد يكمن السبب في ان الادوات لم يتم تعقيمها بشكل صحيح او ان الجرعه مكانتش صحيحه. - مزيد من الروابط في التعليقات للاطلاع لمن يرغب يعنى الدكاترة عندنا شجعان ما شاء الله وبيتحملوا مسؤولية عقار "أوف ليبل" تخفيفا على الفقراء خصوصا إن "أى عقار" يتم حقنه فى العين مرتبط بمخاطرة فقدان البصر وإن التلوث وارد ويمكن يكون هو القاعدة يعنى كده ولا كده .. روحنا بلاش يا بتوع الشبكية نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
الدكتور ياسر بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 (معدل) وده رد تانى غير اللى جابهولنا الأستاذ "باهى" يعنى الدكاترة عندنا شجعان ما شاء الله وبيتحملوا مسؤولية عقار "أوف ليبل" تخفيفا على الفقراء خصوصا إن "أى عقار" يتم حقنه فى العين مرتبط بمخاطرة فقدان البصر وإن التلوث وارد ويمكن يكون هو القاعدة يعنى كده ولا كده .. روحنا بلاش يا بتوع الشبكية بصراحة شيئ محزن بجد ومفيش ما يدعوا للضحك إطلاقا .. يعنى حضرتك ألقيت جانبا كل الأبحاث و الدراسات العلمية التى احضرها الأستاذ باهى هنا http://www.egyptiantalks.org/invb/index.php?showtopic=178066&p=968707 في معاقل الطب في العالم انجلترا و امريكا وكلها دراسات منشورة حديثا في 2015 دراسات أجريت بنظام randomized trials واي عالم بالابحاث العلمية يعلم انها اقوى الابحاث العلمية واكثرها مصداقية على الاطلاق وكلها تؤكد انه لا فرق بين العقارين في الفاعلية و الأمان .. تركت حضرتك كل هذا وجلبت لنا ورقة مجهولة المصدر تستشهد بها ! وياريت حضرتك استشهدت بكلامها بشكل منصف , بل على طريقة لا تقربوا الصلاة, والخلاصة اللي حضرتك كاتبها هنا لها رد في مداخلة حضرتك نفسها .. فعبارة off label لا تعنى ان الدواء ممنوع استخدامه في العين بل تعنى أن الغرض الاساسي من اختراعه اولا كان لعلاج السرطان وهذا لم يمنع استخدامه في اغراض أخرى كبعض أمراض الشبكية ودي مش بدعة او ضلالة بل مسجلة في المراجع الطبية المختلفة وتستخدم في اعتى بلاد العالم .. . . ملحوظة : هو ايه علاقة الافاستين بالبلطجية اللى ضربوا الأطباء في المطرية ؟! مش ده برضه تشتيت للموضوع ؟ ماهو ممكن يكون الرد بان نفتح ملف تجاوزات الشرطة عموما والأمناء خصوصا وهو ممتلئ مع الأسف ومش هيجيب غير الشقاق .. فبلاش أحسن .. تحياتى .. تم تعديل 7 فبراير 2016 بواسطة الدكتور ياسر وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 ملحوظة : هو ايه علاقة الافاستين بالبلطجية اللى ضربوا الأطباء في المطرية ؟! أنا بصدق دائما الدكتور : ياسر لأنه دقيق في تعبيراته لكني شفت الفيديو ولم أشاهد ضرب ولم أشاهد أطباء وإنما هو طبيب واحد تعاملوا معه بأسلوب غير لائق به ولكنه لا يرقى لمستوى الضرب والعياذ بالله فهلا أريتموني فيديوهات جديدة توضح تحياتي وشكرا هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
الدكتور ياسر بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 أنا بصدق دائما الدكتور : ياسر لأنه دقيق في تعبيراته لكني شفت الفيديو ولم أشاهد ضرب ولم أشاهد أطباء وإنما هو طبيب واحد تعاملوا معه بأسلوب غير لائق به ولكنه لا يرقى لمستوى الضرب والعياذ بالله فهلا أريتموني فيديوهات جديدة توضح تحياتي وشكرا الفيديو المتوفر لم يصور الا جزء من الواقعة يا أستاذ طارق .. ولكن هناك من شاهد الواقعة وأدلى بما رآه .. قال اليوم عاطف مخاليف عضو مجلس النواب عن دائرة المطرية، أنه حضر موقعة اعتداء أمناء الشرطة على الأطباء الموجودين في مستشفى المطرية، وقيام أمين الشرطة بوضع جزائه على رقبة الدكتور، وتم سحل الأطباء وضربهم بعنف من قبل أمناء الشرطة. أكد مخاليف أثناء مداخله هاتفية مع الإعلامي تامر أمين على قناة الحياة الفضائية، بأنه حضر إلى المستشفي قبل الواقعة بحوالي ثلث ساعة لمساعدة أحد مواطني الدائرة، وعندما حضر إثنين من أمناء الشرطة على دراجة بخارية أحدهما ينزف ولكن الجرح سطحي، و لم يكن موجود أطباء في ذلك الحين في الاستقبال، ولكنه تم استدعائهم فحضر الطبيب ورفض تخيط الجرح لأنه بسيط ولكن تمت المشاجرة مع الأطباء لفظياً. وقام أمين الشرطة بإخراج سلاحه وشد الأجزاء ولكن تدخل أمين الشرطة الموجود بالمستشفي لحراستها وأخبره بأن ذلك يعرضه للمحاكمة، وبعدها بلحظات حضرت سيارة وبها 8 أمناء شرطة قاموا بسحل الأطباء، وأضاف مخاليف قائلا ” داسو على رقبة الدكتور بالجزمة” على حد قوله. http://www.misr5.com/499843/%D9%85%D9%81%D8%A7%D8%AC%D8%A3%D8%A9-%D9%85%D9%86-%D8%A7%D9%84%D8%B9%D9%8A%D8%A7%D8%B1-%D8%A7%D9%84%D8%AB%D9%82%D9%8A%D9%84-%D9%81%D9%8A-%D9%88%D8%A7%D9%82%D8%B9%D8%A9-%D9%85%D8%B3%D8%AA%D8%B4%D9%81/ وده كلامه شخصيا .. https://www.youtube.com/watch?v=9xZ4TVHCuAk وعلى فكرة هو مش مع قفل المستشفى عشان حضرتك ما تقولش اني جيبت مصدر على مزاجي .. تحياتى .. وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 الفيديو المتوفر لم يصور الا جزء من الواقعة يا أستاذ طارق .. ولكن هناك من شاهد الواقعة وأدلى بما رآه .. تحياتى .. جميل يا دكتور النقاش بالشكل المحترم ده وأنت أعلم مني أن شهادة شاهد واحد عدل أو بالغ العدالة لا تكفي وأن الأمر يحتاج لتحقيق وسماع هذا وذاك ثم الأخذ على يد المخطئين إذن الجزم أو اليقين بالضرب ليس موجودا كلنا بنعتمد على السماع وبنقرر على السماع وليس راء كمن سمع طيب ما أحنا سمعنا إن منى مينا دعت الأطباء إلى عدم الكشف على أفراد الشرطة إلا من يحتضرون ولكننا لم نر الحقيقة اللي أنا متأكد منها إن خلق عداء بين مؤسستين وطنيتين وهما الشرطة والأطباء مدخل جديد لهدم وحدة الوطن وليس في مصلحة أحد إلا الأعداء فكلاهما محتاج للآخر تحياتي هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 قول للست مني مينا طيب عامل ضابط ليه ؟ هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
White heart بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 أن شهادة شاهد واحد عدل أو بالغ العدالة لا تكفي طيب ولو كانوا 2 .... ينفع يا ترى؟ https://www.youtube.com/watch?v=umoGYFygs_I ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
tarek hassan بتاريخ: 7 فبراير 2016 تقديم بلاغ مشاركة بتاريخ: 7 فبراير 2016 طيب ولو كانوا 2 .... ينفع يا ترى؟ https://www.youtube.com/watch?v=umoGYFygs_I دور كمان يمكن تلاقي شاهد نفي ولا اتنين بس مش شهادة تليفونية وتكون قدام القاضي مش قدام وائل وتامر هل يمكن أن أكتب كلاما مثاليا أو أن اصل لمثالية كلامي ولا يوجد كلام مثالي ولا مثالية لمتكلم رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان