مجدي علام مستنصر مصري جديد

[إيزيس]

الميت كلب فعلا

هل مجدي علام مات؟....................لأ طبعا

ده مثل و تعبير مجازي لا يقصد به شخص لكن حالة الاهتمام بحدث أو شخص غير مهم

هذا للعلم و شكرا"

[se_ Elsyed]

يا عم أبو محمد

إنت أخذت جزء من الأية وسبت جزء اخر

بسم الله الرحمن الرحيم

يَحْلِفُونَ بِاللّهِ مَا قَالُواْ وَلَقَدْ قَالُواْ كَلِمَةَ الْكُفْرِ وَكَفَرُواْ بَعْدَ إِسْلاَمِهِمْ وَهَمُّواْ بِمَا لَمْ يَنَالُواْ وَمَا نَقَمُواْ إِلاَّ أَنْ أَغْنَاهُمُ اللّهُ وَرَسُولُهُ مِن فَضْلِهِ فَإِن يَتُوبُواْ يَكُ خَيْرًا لَّهُمْ وَإِن يَتَوَلَّوْا يُعَذِّبْهُمُ اللّهُ عَذَابًا أَلِيمًا فِي الدُّنْيَا وَالآخِرَةِ وَمَا لَهُمْ فِي الأَرْضِ مِن وَلِيٍّ وَلاَ نَصِيرٍ (74 : التوبة)

سيادتك الأيه أساساً نزلت في المنافقين وهم أكثر خطراً من المرتدين لإنهم يبطنون ما لا يعلنون

يعني يتظاهر إنه مسلم وهو كافر لإنه من حزب المنافقين

حضرتك بقى لم تفسر لنا ما هو عذاب الدنيا الذي توعدهم به الله في الأيه ؟

كمان لم توضح لنا موضوع " الإستتابة " في قوله تعالى فإن يتوبوا .

وسُقت للجميع مثال أوضح من الشمس وهو " حروب الردة " وبرضوا ما سمعتش تعليق

وكل كلامك في المداخلة هو عن المنافقين وهو موضوع بعيد تماماً عما نتحدث عنه لإن المنافق بيشهد أنه لا إله إلا الله وان محمد رسول الله .... ولكن صعب تثبت عليه إنه كافر لإنه مراوغ .

لكن المرتد هو شخص مجاهر بترك الدين .... يبقى الدين يسمي عليه ويقول له روح إنت حُر ؟

[abaomar]

السلام عليكم

الاخوه الكرام جزاكم الله خيرا

يسلم دراعك يا عبد الهادى (فيلم الارض ) عفوا سين سين :)

كلامك مضبوط الايات تتحدث عن المنافقين و هم الذين يَدعون ظاهرا انهم مسلمين و يبطنون الكفر و كلاهما له حكم لا ينبغى التلبيس فى ذلك

.ابو عمر يا اخواننا ذكر قصه مهمه جدا و هى حروب الرده التى قاتل فيها ابو بكر و ما ادراكم من ابو بكر و معه خير الامه بعد النبى صلى الله عليه و سلم من منع الزكاه و بقى على اسلامه كما ادعوا و لكنهم صاروا مرتدين برفضهم احد اركان الاسلام فما بالكم بمن اعلن و حارب الاسلام فى كلامه و ارتدى الصليب و مرق من المله . اظن واضحه و المتشكك يقرا اولا .

تم تعديل 27 مارس 2008 بواسطة abaomar

[MZohairy]

واخد بالك يا زهيرى ما فيش حاجه اسمها (طيب واللي اتولد و لقى نفسه مسلم بالوراثه و بعدين لما جه يفكر في بعض الحاجات لقاها مش صحيحه من وجهة نظره و جيت فهمتهاله حسب آراء العلماء و لقى نفسه فعلا لسه مش مقتنع و ملقاش إجابات )

اللى زى ده راكب دماغه و مش عاوز يقتنع مع تحفظى على كلمه اقتناع يعنى اللى مش هايقتنع بان الله واحد احد إزاى ممكن

يقتنع بان الله ثالث ثلاثه او انه له ولد ووو........... معلش طلعت منك اوت حتى بره الاستاد نفسه smk:

لأ في يابو عمر حاجه اسمها (طيب واللي اتولد و لقى نفسه مسلم بالوراثه و بعدين لما جه يفكر في بعض الحاجات لقاها مش صحيحه من وجهة نظره و جيت فهمتهاله حسب آراء العلماء و لقى نفسه فعلا لسه مش مقتنع و ملقاش إجابات )

و حكاية راكب ولا مش راكب دماغه ....محدش غيره يقدر يعرف حقيقتها لأنك ببساطه مش دماغه

وبالتالي واحد مش مقتنع بالإسلام مينفعش فورا تتهمه بركوب دماغه

هو مش مقتنع

مش مقتنع

مش مقتنع

عايزه يقتنع بالعافيه و غصب عنه ازاي؟ :ninja:

و بكده طلعت منك انت الكوره بره مدينة نصر كلها :)

[se_ Elsyed]

واخد بالك يا زهيرى ما فيش حاجه اسمها (طيب واللي اتولد و لقى نفسه مسلم بالوراثه و بعدين لما جه يفكر في بعض الحاجات لقاها مش صحيحه من وجهة نظره و جيت فهمتهاله حسب آراء العلماء و لقى نفسه فعلا لسه مش مقتنع و ملقاش إجابات )

اللى زى ده راكب دماغه و مش عاوز يقتنع مع تحفظى على كلمه اقتناع يعنى اللى مش هايقتنع بان الله واحد احد إزاى ممكن

يقتنع بان الله ثالث ثلاثه او انه له ولد ووو........... معلش طلعت منك اوت حتى بره الاستاد نفسه smk:

لأ في يابو عمر حاجه اسمها (طيب واللي اتولد و لقى نفسه مسلم بالوراثه و بعدين لما جه يفكر في بعض الحاجات لقاها مش صحيحه من وجهة نظره و جيت فهمتهاله حسب آراء العلماء و لقى نفسه فعلا لسه مش مقتنع و ملقاش إجابات )

و حكاية راكب ولا مش راكب دماغه ....محدش غيره يقدر يعرف حقيقتها لأنك ببساطه مش دماغه

وبالتالي واحد مش مقتنع بالإسلام مينفعش فورا تتهمه بركوب دماغه

هو مش مقتنع

مش مقتنع

مش مقتنع

عايزه يقتنع بالعافيه و غصب عنه ازاي؟ :ninja:

و بكده طلعت منك انت الكوره بره مدينة نصر كلها :)

يابا الحاج زهيري الدين مش لعبة ....

هاقولك على حاجه

تقدر تقف في مديان التحرير وتقول أنا مش مقتنع بالدستور المصري أو بقانون العقوبات و من هنا ورايح يا بلد مالهاش كبير هاعمل عكسهم تماماً وانا حُر ولي مخ كبير ...

جرب وإبقى إحكي لي عالنتيجة ؟

ما بالك بالدستور الألهي وبالدين الألهي ؟

شكراً

[MZohairy]

تقدر تقف في مديان التحرير وتقول أنا مش مقتنع بالدستور المصري أو بقانون العقوبات و من هنا ورايح يا بلد مالهاش كبير هاعمل عكسهم تماماً وانا حُر ولي مخ كبير ...

جرب وإبقى إحكي لي عالنتيجة ؟

ما بالك بالدستور الألهي وبالدين الألهي ؟

شكراً

لو البلد فيها حريه يبقى مفروض اقدر اقف في ميدان التحرير واقول اعتراضي بس بشرط عدم الإساءه لأحد :)

انما اي قلة أدب حتفقدني حقي في الإعتراض بطبيعة الحال

وانا بقول في حالة انسان مهذب و لم يتطاول على الإسلام و لم يدعوا المسلمين الى تغيير دينهم

و لم يقتنع بعقله بهذا الدين ....هل من حقه عدم الاقتناع أم ان الإقتناع اصبح أمرا ينفذ بالقوه؟

[احمد هادي]

أفرح كمسلم عندما يدخل غير المسلم في الاسلام

لأني أومن ان الدين عند الله الإسلام ......ومن يسلم فقد أنقذ نفسه من النار

وأحزن عندما يحدث العكس

لأن ذلك يعني ان الحملة الشرسة علي الاسلام تؤتي ثمارها

وأننا نضعف ولا نقوي .........لأن ديننا يحتاج لجهد كل مسلم حقا

وتلك الحملة أكبر مما قد نتخيل جميعا بكثير

تحياتي

[abaomar]

السلام عليكم

اخى الحبيب زهيرى الاستثناء الذى تصر عليه ضيق جدا و الحمد لله دين الاسلام و هو دين الفطره واضح و سهل و ليس فيه طلاسم و يدخل فيه سنويا اجناس و ملل شتى سنويا فى جميع مستويات الفهم العقلى فهذا الذى سوف يسعى اكرر يسعى للحقيقه بنيه صالحه سوف يصل .

اما المُصِر على عدم الاقتناع يروح فى هدوء و يخفى كفره عن الناس و يتعمد او يتهود داخل اى كنيسه و لا يُظهِر نفسه على انه مُفَكِر مُضطَهَد و الى ما هذه الخزعبلات فيثير الدنيا حوله للشهره ليس الا.

هذا له حكم شرعى و رقبته اولى بالجز مثل الخراف غير انه لا يُسمى عليه .

و الدين هو اخر ما يفكر فيه لانه من لم يدين بالاسلام فليس لله حاجه منه لدين اخر لان الدين عند الله الاسلام و من ياتى بغير الاسلام دينا فلن يقبل الله منه

ذلك كما ذكرت ايات القران.

واضح يابا الحاج زهيرى

واضح يابا الحاج زهيرى

واضح يابا الحاج زهيرى (معذره يا س س ). :)

http://www.saaid.net/Doat/ahdal/115.htm

الاخوه الاعزاء قمت بإدراج عنوان عن الموضوع اعلاه يشمل كل تساؤلاتنا هل يمكنكم ان كان هناك غرض الوصول للحقيقه قراءته بروح سمحه تواقه للحق خصوصا اذا كان بعضنا (كمثلى انا ) ممن ليس لديه علم و يسمع و يقرأ هنا اراء مختلفه ممكن تكون سببا لبلبله افكاره .

تم تعديل 5 أبريل 2008 بواسطة أبو محمد

[MZohairy]

السلام عليكم

اخى الحبيب زهيرى الاستثناء الذى تصر عليه ضيق جدا و الحمد لله دين الاسلام و هو دين الفطره واضح و سهل و ليس فيه طلاسم و يدخل فيه سنويا اجناس و ملل شتى سنويا فى جميع مستويات الفهم العقلى فهذا الذى سوف يسعى اكرر يسعى للحقيقه بنيه صالحه سوف يصل اما المُصِر على عدم الاقتناع يروح فى هدوء و يخفى كفره عن الناس و يتعمد داخل اى كنيسه و لا يُظهِر نفسه على انه مُفَكِر مُضطَهَد و الى ما هذه الخزعبلات فيثير الدنيا حوله للشهره ليس الا

هذا له حكم شرعى و رقبته اولى بالجز مثل الخراف غير انه لا يُسمى عليه .

و الدين هو اخر ما يفكر فيه لانه من لم يدين بالاسلام فليس لله حاجه منه لدين اخر لان الدين عند الله الاسلام و من ياتى بغير الاسلام دينا فلن يقبل الله منه

ذلك كما ذكرت ايات القران. واضح يا ابا الحاج زهيرى(معذره يا س س ).

كما ترى انت يابو عمر ان هذا هو الحق.......

اكتر من 5 مليار بني آدم على مستوى العالم للأسف يعتقدون عكس كلامك تماما و منهم قرابة الاتنين مليار لا ديني :)

[deemuck]

ابو محمد .. اخر سطرين فيهم حبة استفزاز

استاذ زوهيري كلامك للحالة التي عرضها منطقية ومقبولة بشروط.

اين كانت تعيش هذه الحالة اذا اردت مثلا قبولها بتغير ملتها؟. ربما كانت تعيش في دولة غير اسلامية ولا تجد من يدعو لها او يرشدها للطريق الصحيح. مثلا ، في عهد الخلافة (ابو بكر) كان الامر مختلف فالدولة اسلامية ، يعني ليس احد له حجة حتى يقول ان الدين ليس مقتنع به.

اما اذا كانت هذه الحالة تعيش في دولة اسلامية وتري عل مرمى بصرها وبأم عينها من برامج تلفزيونية دينية ، خطب جمعة ، واختلاف مع الفقهاء كما نختلف نحن. سنفترض انها لم

تقتنع كما تقول.. فتركت الاسلام بحثا عن حلا اخر وجدته في المسيحية او وجدته في عبادة اخرى.

اذا فماذا سيكون ردها عندما تسأل دائما لماذا تركتي الاسلام؟ هل تتوقع منها مدح الاسلام أو تقول انا حرة؟

وبعدين ما هو برضه لنكون منصفين…المسيحي الي بيسلم.. الكنيسة بتسيبوه؟

تم تعديل 27 مارس 2008 بواسطة deemuck

[abaomar]

السلام عليكم

الاخ الكريم زهيري

لا إكراه فى الدخول فى الاسلام من الكفار هذا ينطبق على هؤلاء الخمسه مليار من اقتنع بالاسلام فقد نجا من النار اما لم يقتنع فلهذا حديث اخر .

اما ما تتكلم عنه من انسان مسلم ورث الاسلام كما قلت من ابويه و هو غير مقتنع هذا شأن اخر تماما و القياس مختلف.

تم تعديل 27 مارس 2008 بواسطة abaomar

[MZohairy]

وبعدين ما هو برضه لنكون منصفين…المسيحي الي بيسلم.. الكنيسة بتسيبوه؟

اذا مكانتش الكنيسه بتسيبه يبقى المفروض تسيبه لأنه ببساطه شديده اصبح غير مقتنع بالمسيحيه!!

و مفيش اقتناع بالعافيه يا جدعان بأي حاجه في الدنيا

[se_ Elsyed]

الإسلام يا زهيري بيحمي الإنسان من نفسه ومن هواه ومن عقله اللي ساعات الإنسان بيشط وبيفتكر نفسه ملك مفاتيح العلم ومن حقه يشكك في وجود الله وتلك الأشياء التي ممكن ان تؤدي به في النهاية إلى الجنون أو إلى الكفر وكلاهما سواء ...

والإستسهال في الدين وحدوده زي ما ذكرت لك من قبل بيؤدي إلى عواقب وخيمه ..

وزي ما قلت لك لو كان سيدنا ابو بكر ما عملش كده وما حاربش المرتدين وقاتلهم من البداية .. ما كانش الدين هايوصل لنا بالشكل وبالقوة دي ...

أكتر من 5 مليار بني آدم على مستوى العالم للأسف يعتقدون عكس كلامك تماما و منهم قرابة الاتنين مليار لا ديني

لسبب بسيط جداً وهو إن

حفت الجنة بالمكاره

وحفت النار بالشهوات

عارف يعني إيه ؟

يعني لو عايز تدخل الجنة يبقى عليك أن تكره أشياء كثيرة في الحياة .. وهي المحرمات ... الخمر والنساء المحرمات عليك و و و .... يعني قيود .. وكله بثمنه .. ألا إن سلعة الله غالية .. ألا إن سلعة الله الجنة

====================

تصدق بالله العلي العظيم

اولادي كان عندهم مراجعة بالمستشفى النهاردة من حوالي ساعة كده فروحت وصلتهم وقلت لهم لما تخلصوا إبقوا إتصلوا بي

ولسه بأركب العربية وبأفتح الراديو إلا واسمع هذه الأية .. بالصدفة البحته يعني لا شريط كاسيت ولا سي دي

{ ومن يرتدد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون }

[deemuck]

استاذ زوهيري حضرتك لم ترد على هذا السؤال

اذا فماذا سيكون ردها عندما تسأل دائما لماذا تركتي الاسلام؟ هل تتوقع منها مدح الاسلام أو تقول انا حرة؟

وبعدين القرآن يتوعد المصلين تاركين الصلاة ومأجلوها وهم مسلمين.... فما بالك لما واحد يترك الاسلام كله بعباداته

[abaomar]

السلام عليكم

الاخوه الكرام جزاكم الله خيرا

الحبيب زهيرى

(اذا مكانتش الكنيسه بتسيبه يبقى المفروض تسيبه) انت قلبك ابيض قوى يا زهيرى تخيل بذهنك حال وفاء قسطنطين الان .

[أبو محمد]

يا عم أبو محمد

إنت أخذت جزء من الأية وسبت جزء اخر

بسم الله الرحمن الرحيم

يَحْلِفُونَ بِاللّهِ مَا قَالُواْ وَلَقَدْ قَالُواْ كَلِمَةَ الْكُفْرِ وَكَفَرُواْ بَعْدَ إِسْلاَمِهِمْ وَهَمُّواْ بِمَا لَمْ يَنَالُواْ وَمَا نَقَمُواْ إِلاَّ أَنْ أَغْنَاهُمُ اللّهُ وَرَسُولُهُ مِن فَضْلِهِ فَإِن يَتُوبُواْ يَكُ خَيْرًا لَّهُمْ وَإِن يَتَوَلَّوْا يُعَذِّبْهُمُ اللّهُ عَذَابًا أَلِيمًا فِي الدُّنْيَا وَالآخِرَةِ وَمَا لَهُمْ فِي الأَرْضِ مِن وَلِيٍّ وَلاَ نَصِيرٍ (74 : التوبة)

سيادتك الأيه أساساً نزلت في المنافقين وهم أكثر خطراً من المرتدين لإنهم يبطنون ما لا يعلنون

يعني يتظاهر إنه مسلم وهو كافر لإنه من حزب المنافقين

حضرتك بقى لم تفسر لنا ما هو عذاب الدنيا الذي توعدهم به الله في الأيه ؟

كمان لم توضح لنا موضوع " الإستتابة " في قوله تعالى فإن يتوبوا .

وسُقت للجميع مثال أوضح من الشمس وهو " حروب الردة " وبرضوا ما سمعتش تعليق

وكل كلامك في المداخلة هو عن المنافقين وهو موضوع بعيد تماماً عما نتحدث عنه لإن المنافق بيشهد أنه لا إله إلا الله وان محمد رسول الله .... ولكن صعب تثبت عليه إنه كافر لإنه مراوغ .

لكن المرتد هو شخص مجاهر بترك الدين .... يبقى الدين يسمي عليه ويقول له روح إنت حُر ؟

أخى وحبيبى سى السيد

إخترت أن أرد على مداخلتك هذه لأن الرد عليها سيتضمن الرد على أخى الفاضلabaomar كبير المشجعين السى سيداوى :) .. الذى هتف بالأحمر الأهلاوى :

يسلم دراعك يا عبد الهادى (فيلم الارض ) عفوا سين سين :ninja:

كلامك مضبوط الايات تتحدث عن المنافقين و هم الذين يَدعون ظاهرا انهم مسلمين و يبطنون الكفر و كلاهما له حكم لا ينبغى التلبيس فى ذلك

بسم الله نبدأ الرد بهدوء وبدون عصبية أو استفزاز كما اتهمنى الفاضل deemuck تعليقا على آخر سطرين فى مداخلتى السابقة :

يا عم أبو محمد

إنت أخذت جزء من الأية وسبت جزء اخر

حاشا لله أن أفعل هذا .. فأسلوب نزع النص عن سياقه أسلوب أدينه دائما لأنه - على مدار تاريخنا - جر علينا الكثير من الكوارث التى ما زلنا نعانى منها حتى الآن ، ولعلك تلاحظ أننى اقتبست الآية كاملة حتى أن تعليقك جاء على جزء منها موجود بالفعل فى اقتباسى

سيادتك الأيه أساساً نزلت في المنافقين وهم أكثر خطراً من المرتدين لإنهم يبطنون ما لا يعلنون

يعني يتظاهر إنه مسلم وهو كافر لإنه من حزب المنافقين

طيب .. يبقى العقل والمنطق يقول إننا نحكم على الأقل خطرا بالموت ، ونسيب الأكثر خطرا حرا طليقا يُخرِّب الدين من داخله ؟

وبعدين يا سيدى حتى لو كانوا يظهرون الإسلام .. فما قولك فى أن الله قد كشفهم وكشف كفرهم ؟ .. هل نصدق ما يُظهرون ولا نلتفت لكلام الله عز وجل الذى أنزل وحيه على رسوله الكريم بأنهم "كفروا بعد إسلامهم" ؟ أى ارتدوا .. إرتدوا عن الإسلام يا بو السيد .. أى نفس الموضوع الذى نناقشه .. وهذا حكم الله وليس حكم النبى (الحاكم الأمثل للمسلمين) أو رأى صحابى جليل أو إمام عادل أو فقيه مجتهد ... كيف طاوعك عقلك فى افتراض أن النبى عليه الصلاة والسلام قد فعل ذلك وأخذ بظاهر إسلامهم وترك كلام رب العالمين .. هو فقط أوَّل قوله تعالى "اسْتَغْفِرْ لَهُمْ أَوْ لاَ تَسْتَغْفِرْ لَهُمْ إِن تَسْتَغْفِرْ لَهُمْ سَبْعِينَ مَرَّةً فَلَن يَغْفِرَ اللّهُ لَهُمْ ذَلِكَ بِأَنَّهُمْ كَفَرُواْ بِاللّهِ وَرَسُولِهِ وَاللّهُ لاَ يَهْدِي الْقَوْمَ الْفَاسِقِينَ (80: التوبة)

وهل لاحظت رأى سيدنا عمر رضى الله عنه الذى كان يراهم "أعداء الله" ؟ .. أعداء الله .. أى يحاربون الله ورسوله وليسوا فقط مرتدين تركوا الإسلام وذهبوا إلى حيث ألقت

إن كان الحكم بقتل المرتد الذى يعتنق دينا آخر ويذهب إلى حال سبيله حكما إلاهيا .. فقتل المرتدين .. أعداء الله والرسول .. والذين يحاربون الله ورسوله ويخربون الدين من داخله أولى أن يكون حكما إلاهيا

حضرتك بقى لم تفسر لنا ما هو عذاب الدنيا الذي توعدهم به الله في الأيه ؟

له أشكال عديدة .. مثل الخزى .. ومقابلة عداوتهم بعدم تمتعهم بما يتمتع المؤمنون .. وقتالهم "إذا اعتدوا" .. وعدم الصلاة عليهم .. وعدم حضور جنازاتهم .. وأى شئ آخر ... ولكن ليس القتل لارتدادهم .. إعطنى دليلا من قرآن أو سنة فى هؤلاء القوم الذين "كفروا بعد إسلامهم" أى ارتدوا ..

كمان لم توضح لنا موضوع " الإستتابة " في قوله تعالى فإن يتوبوا .

أنا أعرف التوبة .. عرفتها من القرآن ومن السنة المطهرة الصحيحة .. ولكنى لا أعرف الاستتابة التى قال بها الفقهاء مدخلين بذلك إلى الإسلام كهنوت ليس فيه .. فالتوبة لا تكون من العبد إلا إلى الله سبحانه وتعالى وحده .. الله وحده هو الذى يتوب على العبد التائب المُقر بذنبه .. الله وحده قابل التوب رب العرش العظيم .. ولم يعط الله تعالى حق الاستتابة لغيره ، ولم ينصب كهنوتا بينه وبين عباده يستتيبه .. هناك دعاة ووعاظ .. نعم .. ينصحوننا دائما بالتوبة إلى الله وليس إلى حاكم أو إمام لينقذ عنقه من "الجز" كما نادى abaomar

وسُقت للجميع مثال أوضح من الشمس وهو " حروب الردة " وبرضوا ما سمعتش تعليق

ما تزعلش يا بو السيد .. إسمع التعليق ده :

إن اجتهاد الصديق رضى الله عنه ليس قرآنا وليس اقتداء بسنة النبى (التى سجلها القرآن "أصدق الحديث" فى سورة التوبة) .. إنه قرار الحاكم المؤمن الذى وجد فيما فعله مانعو الزكاة (وهم بالمناسبة كانوا يشهدون ألا إله إلا الله وأن محمدا رسول الله) ووجد فيما فعله المرتدون أتباع الأنبياء الكاذبين خطرا داهما على وحدة وكيان الدولة الإسلامية .. فكان قراره الذى عارضه فى أول الأمر الفاروق عمر رضى الله عنه ثم وافق عليه لأسباب اختلف المؤرخون فيها .. فمنهم من قال أن الله قد شرح صدره للحق .. ومنهم من قال حفاظا على وحدة الصف وكيان الدولة .. وأنا أميل إلى الرأى الأخير .. فكيف يُقال إن الله قد شرح صدره للحق وهو من عارض الرسول الكريم فى صلاته على عبد الله بن أبى ونزع قميصه الشريف الذى أعطاه لابنه ككفن ، إلى أن نزل الوحى مؤيدا لرأى الفاروق (للمرة الثانية بعد مسألة الأسرى) ناهيا رسول الله عن الصلاة على المنافقين المرتدين وناهيا عن القيام على قبورهم ..

وكل كلامك في المداخلة هو عن المنافقين وهو موضوع بعيد تماماً عما نتحدث عنه لإن المنافق بيشهد أنه لا إله إلا الله وان محمد رسول الله .... ولكن صعب تثبت عليه إنه كافر لإنه مراوغ .

وهل هناك أسهل من نزول آية بحكم الله وبنص قطعى الثبوت قطعى الدلالة ينبه رسول الله والمؤمنين ويلفت أنظار مؤمنى المدينة - بل والمنافقين المرتدين أنفسهم - بأنهم "كفروا بعد إسلامهم" ؟ .. فين بقى الصعوبة فى إثبات إنه كافر لإنه مراوغ ؟ .. ممكن يراوغ لو لم يكن هناك ذلك النص قطعى الثبوت قطعى الدلالة المعاصر لوجودهم بين المؤمنين ... ومع هذا النص لم يأمر النبى ، رسول الله ، الحاكم الأمثل للمؤمنين بقتل واحد منهم

ولو حبيت يابو السيد أجيب لك أدلة على إفسادهم وعدائهم لله ولرسوله ... إنت بس أشَّر وانا تحت أمرك

[MZohairy]

اقسم بالله ثلاثا غير حانث انه من لم يشهد انه لا إله الا الله محمد رسول الله و مات على غير دين الاسلام الذى هو دين التوحيد الخاتم الذى ارسله الله عز وجل الى الثقلين فسوف يدخل النار شاء من شاء و ابى من ابى و لو كانوا العشرتاشر مليار على سطح الارض و إلى قيام الساعه و لو تصرفوا كالملائكه و كانوا ملتزمين (بغض النظر عن مفهوم هذا الالتزام الخارج عن إطار التوحيد) مثل البوذيين عبده بوذا او عبده البقر و غيرهم ممن ليس لديهم نزوقات سلوكيه و غيرهم .

ركز معايا يا بو عمر الحبيب :)

كل اللي حضرتك بتقوله فوق ده بيقوله اليهود على غير اليهود من المسيحيين و المسلمين

و بيقولوه المسيحيين على المسلمين

و بيقولوه المسلمين على اليهود و المسيحيين

و بيقولوه البوذيين على اليهود و المسيحيين و المسلمين

و بيقولوه الهندوس على اليهود و المسيحيين و المسلمين و البوذيين

و احيانا بيقولوه المسلمين الشيعه على السنه و العكس

كله بيعتقد انه الحق و الباقي في النار

كله كله كله

و بالتالي الإقتناع مش بالعافيه لأن كل فريق بيؤكد انه الفريق الناجي من النار و الفريق الأصوب و كل فريق بيقنع البشر بطريقته و كل واحد و شطارته

كل واحد حر في قناعاته و تأكد ان كلامك ده بيقوله كل الفرق الدينيه على مدار الزمن

و خلي كل واحد بقى حسابه عند ربه

تحياتي

و اخص بالذكر المايسترو العم ابو محمد الحبيب

[deemuck]

الاخ الكريم ابو محمد

بسم الله نبدأ الرد بهدوء وبدون عصبية أو استفزاز كما اتهمنى الفاضل deemuck تعليقا على آخر سطرين فى مداخلتى السابقة :

كان افضل وا احق ان تقول

بسم الله نبدأ الرد بهدوء وبدون عصبية أو استفزاز كما نبهني الفاضل deemuck تعليقا على آخر سطرين فى مداخلتى السابقة :

وزي ما قال الاستاذ زوهيري كل واحد حر في معتقداته.. لان ليس هناك حد ردة يُطبق..إذا كان صحيح أو خاطئ

هل تم في مصر حق ردة.

[أبو محمد]

الاخ الكريم ابو محمد

بسم الله نبدأ الرد بهدوء وبدون عصبية أو استفزاز كما اتهمنى الفاضل deemuck تعليقا على آخر سطرين فى مداخلتى السابقة :

كان افضل وا احق ان تقول

بسم الله نبدأ الرد بهدوء وبدون عصبية أو استفزاز كما نبهني الفاضل deemuck تعليقا على آخر سطرين فى مداخلتى السابقة :

وزي ما قال الاستاذ زوهيري كل واحد حر في معتقداته.. لان ليس هناك حد ردة يُطبق..إذا كان صحيح أو خاطئ

هل تم في مصر حق ردة.

شكرا على تنبيهك لى أخى الفاضل deemuck .. وإن كان استفزاز الغير هى خصلة لا أحبها لذلك فقد سارعت لنفيها عن نفسى

شكرا لك مرة أخرى

[Alshiekh]

لاتؤاخذونى ياجماعة

أنا شايف ان اراء كثير عايزة تصور الاسلام على انه دين "" الداخل مولود ........ والخارج مفقود "" و " دخول الحمام مش زى خروجه "

وشايف ناس ببتكلم زى مايكون المشانق منصوبة فى الشوارع لشنق المرتدين ، وكاننا فى افلام خيالية ، وكأن الموضوع فعلا هو موضوع الساعة.

هى دى صورة الاسلام اللى عايزين توصلوها لمن يفكر فى دخول الاسلام؟ حد منكم يقدر يضمن لواحد تانى مكان فى الجنة لو اسلم او لو تنصر او لو تحول الى البوذية؟ فيه حد فيكم يقدر يضمن لنفسه مكان فى الجنة؟ لو كانت الاجابة بلا ، فلماذا تشغلون انفسكم بالآخرين؟

اولا احنا فى القرن الـ 21 ، بنسوق سيارة ونطير بطيارة ، وبنكلم بعض من غير مانشوف بعض ، وممكن نسمع ونشوف بعض عبر آلاف الاميال ، والقرآن والحديث بنحطهم على الموبايل والـ ام بى 3 او 4 ، اللى بيصنعوهم الناس الوحشين ، وبنقدر نقرا ونسمع القرآن ونعمل بحث فى القرآن عن كل كلمة وكل حرف لو احببنا.

واحنا مش فى معسكرين ، معسكر الكفار ومعسكر المسلمين واللى حايرتد من المسلمين مش حايروح يفشى اسرار جماعة المسلمين عند جماعة الكفار.

ومن الاول والآخر مافيش واحد يقدر يحلف على المصحف انه مخول من قبل الله بأنه مسئول عن اسلام او ارتداد الآخرين ، يعنى كلنا عباد الله ، والفضل بين واحد والتانى عند الله بالتقوى ، وكل واحد فينا حسابه عند الله وليس عند احدا من العباد.

وياريت نعرف ان مابين العبد وربه لاشأن للعباد به ، اما مابين الناس وبعضها فهو ده اللى الحاكم منوط به ان يراقبه وانه يتخذ فيها الاجراءات اللازمة ، وياريت تسيبوا مالله لله وما لقيصر لقيصر.

اللى عايز يبقى مسلم اهلا وسهلا واللى عايز يبقى بوذى برضه اهلا وسهلا واللى عايز يشوف له بقرة او نملة او حتى صرصار ، سيبوهم فى حالهم ، وبصوا لانفسكم ، فلن يفيد الاسلام شخصا يظهر الاسلام ويبطن اشياء اخرى ، ولن يضر الاسلام خروج مليون او اثنين او عشرة منه.

وسؤال على جنب كده للاخوة اللى ممكن يفيدونا ، لو القرآن موجود على موبايل او ام بى 3 او ام بى 4 ، لازم الواحد يسيبه بره الحمام؟ لاتؤاخذونى انا مش عايز اغير الموضوع ولا حاجة وبرضه ماحبيتش افتح بيه موضوع جديد.