وليد بعد التجنيد ... قصة من الأدب العسكري

[se_ Elsyed]

إنتظرونا قريباً

( آه إشمعنا عمارة يعقوبيان قرفينا بالإعلانات وكل شويه يقولك الصيف القادم .. الصيف القادم )

[زعلان]

نحن في الانتظار :lol:

وليد ده وحدها تخس فيها عشرين كيلو :lol:

[وليد صفوت]

يا رافعين معنوياتى :lol: :lol: :blink:

[واحد تاني]

والله يا وليد يا خويا انا كنت مجهزلك موضوع

تعالو نحكى لوليد ... حدوتة قبل الجيش

بس اخوك س س دايما سباق بالخير

عموما معاك وهتسمع الحواديت

[مصرية الهوى]

طيب ويا ترى القصة دي فيها مناظر بتشد زي عمارة يعقوبيان <_<

والا الرقابة هتمنعها :ninja:

[sendrella119]

منتظيرنك يا سيد احمد يا عب جواد

واتوصي...هاه

معلش يا وليد...حبة هوزار كده :ninja:

انا لو منك يا وليد .....انام ليل نهار وانا حاطة الشامبو والكونديشينير في حضني

قبل ما ييجي اليوم اللي اقول فيه

شعري.....اه ياشعري................راح فيييين ...شعري!!!!!!!!!!! <_<

[وليد صفوت]

شعري.....اه ياشعري................راح فيييين ...شعري!!!!!!!!!!!

ادينى حلقته يا سندريلا على نمرة اتنين ( بستعد معنوياً :D ) و ماشى فى الشارع بكاب ليل نهار لما راسى طلعلها حبوب من الكتمة ...

بالمناسبة يا د/ سهيلة ...... ايه تأثير الكاب على الشعر القصير و الشعر الطويل ( محاولة للتغطية على قصة س س )....

جيجىىىىىىىىى :ninja:

طيب ويا ترى القصة دي فيها مناظر بتشد زي عمارة يعقوبيان :o

والا الرقابة هتمنعها :o

لأ نازلة السينيما cut عشان فى مشهدين مش ولا بد لما طلعت مرة مكان خالى بليل اثناء النوبتجية و لقيت ثعبان بيغير جلده <_< ... و المشهد التانى مش فاكره .... :o

[فولان بن علان]

لازم كمان تدرب نفسك يا وليد على حياة العسكرية

يعني الصبح في البيت تقولهم أنا عايز أفطر جراية :P

وطبعاً تبطل الكرواسون والباتون ساليه

ولازم كل اللي يكلمك تقوله

تمام يا فندم

يبدو إن س س لسه بيدور على خيط القصة

خد عندك الخيط الصوف ده

وليد في منطقة التجنيد

الشاويش : اجمع انت وهو بالخطوة السريعة

يا عمو الشاويش : ممكن اجمع بالخطوة البطيئة أصل أنا فنان ومؤهلات عليا وكمان مشرف عام في المحاورات

الشاويش : أنت بتقول محاورات ........................... كمل يا س س

[سهيلة]

دى شكلها هتبقى قصة اكشن فى الريئااكشن

يعنىى قصة ساخنة جدااااااااااااااا

وبعدين يا س س كل دة الوحى ما نزلش

احنا بنستناك على نار على راى الست المطربة اصالة

بالمناسبة يا د/ سهيلة ...... ايه تأثير الكاب على الشعر القصير و الشعر الطويل ( محاولة للتغطية على قصة س س )...

.

وليد صفوت مشاركة بتاريخ أمس, 05:01 AM

الكاب هوة انت هناك هتشوف كاب ولاديولوا

انت اخرك هناك نظارة شمس وابقى استاذن الشاويش عطية قبل ما تلبسها :P

بس عموما ابقى فكرنى ابعت لك شوية اسماء لكريمات حماية من الشمس والذى منو

ايوتها خدمة يا وليد

[مصرية يعني مصرية]

يعيني ..عليك يا وليد يا خويا

أنا حاسة بيك أوي

موسيقى تصويرية حزينة بتاع رأفت الهجان..

معلش أهي شهور و هتعدي

وترجع لنا بالسلامة

سيبك منهم و لاتحزن يا ولدي

تم تعديل 9 يونيو 2006 بواسطة مصرية يعني مصرية

[وليد صفوت]

اللهى يطعمك ما يحرمك و يعطيكى من علمه يا دكتورة سهيلة ..... ;)

بس على فكرة هناك الكاب شيئ اساسى فى الحياة العسكرية يعنى كاب او طاقية و مافيش ايتوها عسكرى فى اثناء الطوابير بيقف براسه مكشوفه ( يا كسوفى راسه مكشوفة :P )

اما نشوف ابيهى س س جايبلنا ايه ... شكل القصة دى هتطلع قالشة :D

و الله انتى اللى حاسة بيا يا سهام :D

لو لبست عسكرى .... يبقى وصيتكوا الكام موضوع اللى حيلتى من ساعة ما اشتركت هنا ....

و لو لبست ضابط ... يبقى وصيتكوا العيال :D لأن فى احتمال ما ارجعش تانى :D

مكانش يومى :P

[الرافعي]

طيب ويا ترى القصة دي فيها مناظر بتشد زي عمارة يعقوبيان :P

والا الرقابة هتمنعها :P

الرواية دي بالذات .... قصة ومناظر :D

معلش يا وليد ... الديش للردالة ...

بس عرفنا مركز تدريبك فين .. عشان نيجي لك أنا وعمنا خضر ود. خالد ....

أنا هاهرب لك شاندوتشين كبده اسكندراني .... هاتعملهم الحاجة أم وليد ... (وطبعاً ممنوع دخولهم ..) يعني الأمن هايقول ممنوع الأكل الملكي ... حطهم في البرميل ده .. وطبعاً إنت عارف بعد ما الزيارة تخلص ... إيه اللي هايحصل فيهم

طبعاً الصول الطيب هايطلع يطمن عمنا خضر ... ويقول له ما تخافش يا حاج .. إبنكم بياكل أحسن أكل، وبيشرب أحسن شرب ... والترفيه ما أقول لكش ....

اطمئن وطمن الحاجة ...

د. خالد بقى هايقوم بالكشف عليك عالسريع ويعطيك شوية مراهم وكريمات لزوم قرص البعوض والكائنات الدقيقة اللي ها تقوم بالهجرة الجماعية لجسم حضرتك الكريم بدون مستشار هجرة، ولا ملفات ولا كندا ولا دياوله ....

هنيا لك يا عم ...

آه آنا نسيت ....

شريط زهيري المفضل (برضه تهريب) :D

تم تعديل 10 يونيو 2006 بواسطة الرافعي

[se_ Elsyed]

معليش يا رجالة ..

عذراً للتأخير ... مشغول وحياتك مشغول

-----

عامة خدوا الحتة دي صبروا نفسكو بيها لحد ما أفضى

-------

تبدأ القصة في ليلٍ أسودٍ بهيم ... بعد ما حصل إبننا وليد العنيد والمقاتل الصنديد .. على شهادة البكالوريا وفرح الأهل والأصدقاء وأقاموا الأفراح والليالي الملاح ... فوليد خلاص بقى راجل وسيد الرجالة وسيشق طريقه في سلك العمل الحكومي كموظف أرشيف درجة تاسعة قد الدنيا .. أو باشكاتب في أحد المصالح الروتينية ملو هدومه .. وسيكون له شنه ورنه وسيشار له بالبنان ...

وكان الجميع قد تسابقوا وتشاركوا في تجهيز مصوغات التعيين :

- عدد واحد بطيخه شلين ( بلاستيك طبعاً .. عشان يشيلها وهو جاي كل يوم من الشغل )

- عدد واحد جريدة قديمة مقرية قبل كده .. لزوم القراءة في الأتوبيسات العامة .

- عدد 2 طربوش بزر ( واحد صيفي الزر بيبقى ليس على جنب .. والتاني شتوي .. وده بيبقى صوف عشان يدفي الطاسة )

- عدد واحد بدلة ملوكي ماركة لويس سانك

ولكن

آن آن آن طييييييششششششش

في غمرة الفرح وفي عز البهجت .. دق جرس الباب ذات صباح فهب وليد من نومه وهو يعتقد بإنه البوسطجي قد جاء بالبشرى وقرار التعيين الذي يحلم به ليلاتي .. ولكنه لم يكن البوسطجي ... فالبوسطجيه أشتكوا من كثر مناديلي ... ولكنه كان شيخ الحارة الذي أتى ليبشره بإنه مطلوب للتجنيد وعليه أن يُسلم نفسه حالاً إلى إدارة التجنيد الرئيسية في الهايكستب ...

فأنطفئت شموع الفرح ... وذبلت ورود البهجت ... ورمى وليد البطيخه عن يمينه والطرابيش أمات أزرار عن يسارة وداس على البدلة بالبيادة قصدي بشبشب الحمام .. وأرتمى في حضن الحبايب وهو يردد جملةً واحدة مافيش غيرها " ما تزوقيني يا ماما قوام يا ماما ... هايجندوني يا ماما خلاص يا ماما ... دي شاويشي هاياخدني بالسلامه يا ماما "

وبالفعل أنتزعه شيخ الحارة مع أربعة شاويشية من قسم شرطة الخليفة وأقتادوة في عربة نص نقل إلى إدارة التجنيد بدون حتى أن يطس وشه بشويه ميه او يتناول طبق الكورن فليكس المفضل لديه كل صباح ...

وفي الهايكستب كانت البداية ......

------------------

ترى هل يستسلم وليد لأنامل الحلاق الذي سيحلق له زيرو ويعمل له 111 في راسه لكي يكون جندي مميز ؟

وهل سيحاول الهروب بالقفز من فوق سور المعسكر ومن ثم يُطلق جنود الحراسة النار عليه ويردوه قتيلاً ؟

وما هي المدة التي سيقضيها في معسكر التدريب ؟

وما هو السلاح الذي سيتم توزيعه عليه لكي يقضي فترة العقوبة والبالغة 39 شهراً ( سنة الجيش 13 شهر يا حلو )

هذا ما سنعرفه بعد الفاصل

( مانا لازم أهريكو إعلانات عشان نجيب ثمن الحبر اللي بنكتب به ده )

[Tafshan]

ده كده قلب فيلم رعب يا عم س :P

على فكرة هو ممكن يأخذ كعسكري مش ضابط و بالتالى الموضوع ح يبقى اخف شوية ... حرام عليك مش طالبه شحطاته

[se_ Elsyed]

ده كده قلب فيلم رعب يا عم س :P

على فكرة هو ممكن يأخذ كعسكري مش ضابط و بالتالى الموضوع ح يبقى اخف شوية ... حرام عليك مش طالبه شحطاته

يا أخ طفطش لو سمحت ماتدخلش في الحبكة الدرامية

ولو أنا أخدت برأيك وهبدته سنة واحده جيش فيبقى عملنا إيه ؟

وهاتبقى فين الإثارة والتشويق والمُتعة ؟

خلينا ننبسطو ونضحكو على العسكري الأخضر

[وليد صفوت]

قول يا س س ... قووووووووووول ( وش محمود عبد العزيز فى الكيــف ) . :blink:

بشرنى ... حسبى الله و نعم الوكيل :blink:

[Tafshan]

يا أخ طفطش لو سمحت ماتدخلش في الحبكة الدرامية

ولو أنا أخدت برأيك وهبدته سنة واحده جيش فيبقى عملنا إيه ؟

وهاتبقى فين الإثارة والتشويق والمُتعة ؟

خلينا ننبسطو ونضحكو على العسكري الأخضر

من حكم رؤيتى للمذكور :huh:

ما شاء الله :blink:

طويـــــــــــــل

ضخم الجثده

عريض المنكعين

.. شلولخ ...

و بالتالى ممكن يتاخذ صاعقة او مظلات ...

و تبقى وقعته سوده :blink:

اما لو ربنا كرمه و بقى عسكور و راح مراسلة عند محسن بيه و لا حسن بيه ...

ربنا ح يكرمه آخر كرم و يرجع بلدهم بكيس سكر كل اسبوع ...

و يخلص بعد سنه بالتمام و الكمال

الصاع / طفشان الخشن

ناقد فنى و كهربائى سيارات

[nancy]

س س

وحيات الغالين الى زحلقتهم على مصر

ماتنسى شوية نقط فى الجيش

طابور توزيع الجربندية وتغير اللبس المدنى للبس الجيش

الاربعين يوم قبل التوزيع وريحة الشربات الى تشرح القلب الحزين

والدش الى بالكوز فى اعلى الجبال

الخدمة وهو واقف على باب الهواء فى الصحراء الشاسعة ولازم يقف زنهار على مافيش

والبيادة الحلوة وهو بيعمل تمارين الصباح

والظباط الحلوين الى بيروقوا العساكر بالكلام الحلو فى الرايحة والجاية

والاكل الى بطينة

انا عوزة وليد يعيط... من الفرح

وعيشششششششش يا وليد

عرفت الجيش بيخرج رجالة لية

[وليد صفوت]

طفطش .... انت بتتكلم عن دولاب :P

---------------

نانصىىىىىىىىى ....

ربنا يكرمك و يطعمك ما يحرمك ....

ده انا هشوف ايام سودة :blush: :) ;) ;) :P

[se_ Elsyed]

س س

وحيات الغالين الى زحلقتهم على مصر

ماتنسى شوية نقط فى الجيش

طابور توزيع الجربندية وتغير اللبس المدنى للبس الجيش

الاربعين يوم قبل التوزيع وريحة الشربات الى تشرح القلب الحزين

والدش الى بالكوز فى اعلى الجبال

الخدمة وهو واقف على باب الهواء فى الصحراء الشاسعة ولازم يقف زنهار على مافيش

والبيادة الحلوة وهو بيعمل تمارين الصباح

والظباط الحلوين الى بيروقوا العساكر بالكلام الحلو فى الرايحة والجاية

والاكل الى بطينة

انا عوزة وليد يعيط... من الفرح

وعيشششششششش يا وليد

عرفت الجيش بيخرج رجالة لية

إيه ده يا حاض صول نانسي

اللي عرفك الحاجات دي ؟

بس من عيني .. إدعو لي أحسن زنقة وحشه قوي ..