مدرسة الأخلاق الحميدة المشتركة بنين .!!!!

[badroora]

بسم الله الرحمن الرحيم .......

تُعلين مدرسة الاخلاق الحميدة المشتركة بنين عن بدء عامها الدراسي لعام 2020... ويسرنا نبلغ ابنائنا الطلبة

بأن باب التقديم مفتوح ......

رؤية المدرسة

العلم نور ومن طلب العلى سهر الليالى .

هدفنا خلق جيل متين يتحمل الصدمات .

المدرسة لسيت متخصصة فى مرحلة تعليمية معينة ولا تتقيد بسن معين

يعنى الدعوة عامه للجميع للمشاركة .

يسعدنى ان اعلن عن اعضاء المدرسة

مجلس ادارة المدرسة وهيئة التدريس .

السيد الفاضل ناظر المدرسة ....... ابو جيداء

محمود مصطفي ........نائب المدير

زيزيتا .........مدرسة انجليزية .

مصري جدا ....... مدرس ماث

مصري اصيل ...... مدرس وطنية

مدرس اول موسيقي وفن ........ كوكومن

مدرس لغه عربية ......... زوهيري

ميس نجفة ........مدرسة فهلوه وعلم نفس

الحازم حسن .........مدرس كميوتر

حسام يوسف ...... علاقات انسانية

انشنتين ......طبيب المدرسة

جوست ........فلسفة وليبرالية .

النيل حبيبي ........ طبيعة

حلوانى ........ صناعة اغذية

سهران ........ اخصائي اجتماعى

ابو عمر.........سياسة ونقد

ليدووووو...... رسم

ميس نجفة تانى .........تدبير منزلى

الشامي ........مدرس العاب

الطلبة

بنين

تامر السيد

رمضان مرجان

عمرو حورس

سامح المصري

ناصر بد ر

النجم الثاقب

الطيار المصري

أحمد فرحات

ديم مق

دياب

البنات

بدرية

سمسماه

ناش

هبة

امانى

جويرية

جلاكسي

ام مروان

شموع

المر

شهد

زهرة الجبل

المصرية البائسة

الدعوة عامة للجميع ان يشترك معانا واعتذر لو نسيت اى اسم .

ليدو ووووووووو... مهمتك يا بطل فى تصميم لوحة كدا حلوة لمدرستنا وشوية شعارات من اللى بيبقوا جوة المدرسة

لو حد عنده اقتراح تانى بخصوص اسم المدرسة يا ريت يعرضوا علينا .

واتمنى ان الفكرة تعجبكم وبناءا على ارائكم سوف ابدأ فى التفيذ .

تحياتى للجميع وفى انتظار اقتراحتكم وانطباعكم عن الفكرة .

مع خالص تحياتى وتقديري,.....

بدرية مكاوى

تم تعديل 8 مايو 2008 بواسطة Badria Mekkawy

[ابو جيداء]

واضح يابدرية ان المدرسة ستنافس وبقوة فى نشر الوعى الأنتخابى

دة كفاية العنوان بتاعها ( مدرسة الأخلاق الحميدة المشتركة بنين ) بيعكس توجة القائمين عليها ومستواهم الفكرى .. يعنى مدرسة مشتركة فهمناها .. انما مشتركة بنين عاوزة تفسير

طيب يابدرية انا رايح اطلب العلا واسهر الليالى على القهوة

بس قوليلى مفهوم خلق جيل متين يتحمل الصدمات ؟ يعنى عاوزة تقولى جيل مابيحسش

واهم حاجة قلتيها المدرسة لسيت متخصصة فى مرحلة تعليمية معينة ولا تتقيد بسن معين

يعنى الدعوة عامه للجميع للمشاركة . أنا عملت نفس النظام قبل كدة فى فرح واحد قريبى

ولمينا نقطة كتير قوى يومها ..

استاذة بدرية متنسيش تبلغينى موعد اجتماع مجلس الآباء

[badroora]

ماشاء الله يا ابو جيداء حضرتك استجابت بسرعة غير متوقعة ....

وتقصد ايه بموضوع النقطة دى ........ متفهمنيش غلط دى مدرسة حكومية مجانية ..بنقدم اعانه للطلبة كمان

شكرا على سرعة الاستجابة وان شاء الله عند موعد انعقاد مجلش الاباء سوف ابلغ سيادكتم انت نسيت انك مدير المدرسة ولا ايه

تم تعديل 8 مايو 2008 بواسطة Badria Mekkawy

[!! Lidooooo !!]

متفهمنيش غلط دى مدرسة حكومية مجانية ..بنقدم اعانه للطلبة كمان

ــ طب ابويا وامى كمان .. عايزين ينتظموا في المدرسة

[badroora]

ــ طب ابويا وامى كمان .. عايزين ينتظموا في المدرسة

بصراحة يا ليدوووووووو انا معنديش مانع بس طبعا لازم موافقة ابو جيداء

اهو واقف قدامك اهو يا ريت تكلمه

[رمضان]

يا منجي من المهالك

[ELSHAMY]

الأصتاظة بدرية

معاكى الاصتاظ الشامى مدرص الالعاب بالمدرصة عاوز أعرض على صيادتك خطة العام الدراصى عشان الطلبة يفهموا قواعد اللعبة الديمقراطية منذ نعومة أظفارهم:

عظيظى الطالب ...عظيظتى الطالبة:

- لا تلعب مع الكبار

- ألعب كتير....تشتغل قليل ...ما تغلطش

- ألعب قليل...تشتغل كتير...تغلط

- ما تلعبش و انت واكل....و ما تاكلش و انت بتلعب

- ما تلعبش بديلك...

- ابقى قابلنى لو لقيت حتة تلعب فيها

- العب بعيد يا بنى عن الاماكن السيادية لأحسن تتعور

- عمرك ما حتلعب بالفلوس لعب

...فى انتظار توجيهات ادارة المدرسة

الأصتاظ الشامى

رئيس قسم الألعاب و البلاى ستاشن و الجيم بوى

[النيل حبيبي]

شكراً أستاذة/بدررررريه علي إختيارك

إن شاء الله في أجازة نص السنه حنزور اسوان حبيبتي

ونشوف النيل حبيبي من منبعه(كده وكده)

ومنساش السد العالي ومعبد ابوسمبل وفيله

وكمان كورنيش النيل

كل ده علي الطبيعه مش الفيزيااااااا

خخخخخخخ

[حسام يوسف]

السلام عليكم

الاخت العزيزة بدرية

أحييك على دعوتك لشخصى الفقير

وحقيقى الفكرة مفتكسة

بس هوة ممكن اعرف صلاحياتى؟

واسباب اختيارك لية فى هذة المادة؟

وانا معاكى ولو عايزة حتى حد يضرب

الجرس

تم تعديل 8 مايو 2008 بواسطة حسام يوسف

[badroora]

يا منجي من المهالك

يسلام يا مرضان على حسك العالى ........... :lol: فعلا دعوتك متماشية مع الدور اللى محضرهولك

الله يكون فى عونك فعلا ...... :lol:

[badroora]

الأصتاظ الشامى

رئيس قسم الألعاب و البلاى ستاشن و الجيم بوى

اهلا وسهلا يا اصتاظ الشامى .. مطشنكرين يا فنضم على سرعة استجابة حضرطك

..ان شاء الله يكون عام ضراسي صعيد علينا وعليكم وع الجميع

مع خالص تحياطى ميس نجفة فهلوة

[badroora]

شكراً أستاذة/بدررررريه علي إختيارك

إن شاء الله في أجازة نص السنه حنزور اسوان حبيبتي

ونشوف النيل حبيبي من منبعه(كده وكده)

ومنساش السد العالي ومعبد ابوسمبل وفيله

وكمان كورنيش النيل

كل ده علي الطبيعه مش الفيزيااااااا

خخخخخخخ

اهلا وسهلا بحضرتك يا استاذ النيل حبيبك ......... :lol:

نورت المدرسة وشكرا ع الحضور ......ان شاء الله تنبسط معانا فى المضرسة :lol:

[badroora]

السلام عليكم

الاخت العزيزة بدرية

أحييك على دعوتك لشخصى الفقير

وحقيقى الفكرة مفتكسة

بس هوة ممكن اعرف صلاحياتى؟

واسباب اختيارك لية فى هذة المادة؟

وانا معاكى ولو عايزة حتى حد يضرب

الجرس

دكتووووووووووور حسام ازيك نورت المدرسة ...... :lol:

لما انت فقير امال مين الغنى .!!!؟؟؟؟

انت لديك اخلاق عالية وروح سمحة وطيبة واعتقد اللى عنده الامكانيات دي مش ممكن يكون فقير ابدا ابدا

واعتقد هو دا سبب اختيارى لحضرتك لتضريس مادتك ........ :lol:

تم تعديل 8 مايو 2008 بواسطة Badria Mekkawy

[ابو جيداء]

ــ طب ابويا وامى كمان .. عايزين ينتظموا في المدرسة

بصراحة يا ليدوووووووو انا معنديش مانع بس طبعا لازم موافقة ابو جيداء

اهو واقف قدامك اهو يا ريت تكلمه :lol:

انا ما عندى مانع من قبول اى من فئات الشعب للأنضمام الى المطعم أقصد الى المدرسة طالما الأمر وصل

لتوقع ثورة الجياع القادمة وستعمل إدارة المدرسة على تقديم 3 وجبات يومية للمدعوين .. وسيكون شعار المدرسة فى الفترة القادمة وتماشياً مع توجهات الحكومة .. صفيحة زبالتنا تدل على حالتنا .. حتى قطتنا راحت لصفيحة الجيران .. وأكيد حتلاقيها فاضية :lol:

[/color][/size][/font]

[ابو جيداء]

تنبية إدارى

على السادة المدرسين والمدرسات تحفيظ الطلبة والطالبات أغنية أخترناة أخترناة وعشان كدة أحنا أخترناة

لترديدها فى طابور الصباح بدلا من نشيد بلادى بلادى ..

وسوف يتم العمل بتلك الأغنية لمدة 25 سنة قادمة وذلك حتى يعم الخير أرجاء مصر :lol:

[badroora]

تنبية إدارى

على السادة المدرسين والمدرسات تحفيظ الطلبة والطالبات أغنية أخترناة أخترناة وعشان كدة أحنا أخترناة

لترديدها فى طابور الصباح بدلا من نشيد بلادى بلادى ..

وسوف يتم العمل بتلك الأغنية لمدة 25 سنة قادمة وذلك حتى يعم الخير أرجاء مصر :lol:

طمام يا فنضم عولم وينفذ ...........

مستر كوكومن هو مسئول الموسيئى هو بقي يبقي يلحم الاغنية ويحفظفها للطلبة

[kokomen]

الأخت العزيزة \ بدرية مكاوي

مدرسة التدبير المنزلي المحترمة .. اللي حا تغذينا كويس .. أول درس حا تجرب عمل مربة الجذر فينا

وأحنا عندنا السكر ومش ناقصين :lol: وتعمل لنا مخللات خيار وجذر ولفت وبنجر وبرده عندنا الضغط ومش ناقصين :wub:

يسرنا ويسعدنا قبول العمل مع النخبة من الإداريين وأعضاء هيئة التدريس المحترمين وكمان الطلبة والطالبات المميزين جدا

وبصفتي مدرس أول الموسيقى والفن الهابط والصاعد ;) ... حيكون شعارنا .. مش حتقدر تقفل أذنيك .... :blink:

ونظرا لقلة الإمكانيات المادية المتاحة ... ومفيش عندنا غير عدد 2 إسطوانة مشروخة wst:: عليها أغاني هابطة جدا

فسوف نذيع الأغنية المتوفرة غصب عننا في طابور الصباح وفي الفسحة الطويلة .. وهي أغنية العنب العنب لسعد باشا الصغير wst::

وسوف نقدم إلتماس لناظر المدرسة لشراء إسطوانات جديدة لنانسي عجرم وإليسا وهيفاء ... وجاري تصنيف المطربين والمطربات لإرضاء جميع الأذواق

ملحوظة هامة \ إرسل رسالة على الموبايل SMS ورشح أغنيتك المفضلة حتى نذيعها في الفسحة أو أثناء الطابور

ونهيب بالمعلمين والمعلمات والطلاب والطالبات بإختيار أغانيهم المفضلة عن طريق إدارة المدرسة بسحب إستمارة طلب بدون دمغة

:lol: :lol:

[ابو جيداء]

تنبية إدارى

على السادة المدرسين والمدرسات تحفيظ الطلبة والطالبات أغنية أخترناة أخترناة وعشان كدة أحنا أخترناة

لترديدها فى طابور الصباح بدلا من نشيد بلادى بلادى ..

وسوف يتم العمل بتلك الأغنية لمدة 25 سنة قادمة وذلك حتى يعم الخير أرجاء مصر :lol:

طمام يا فنضم عولم وينفذ ...........

مستر كوكومن هو مسئول الموسيئى هو بقي يبقي يلحم الاغنية ويحفظفها للطلبة

لالا متحمليش هم الدولة خصصت 6 مليار جنية لدعم ونشر الأغنية وتم الأتفاق مع الأوبرا الأيطالية والفرنسية

والأسبانية وأى أوبرا فى لعالم حتى اوبرا كوالا لامبور :lol: وذلك لتلحين وتوزيع الأغنية من أجل مستقبل مصر :lol:

[/color][/size][/font]

[kokomen]

تنبية إدارى

على السادة المدرسين والمدرسات تحفيظ الطلبة والطالبات أغنية أخترناة أخترناة وعشان كدة أحنا أخترناة

لترديدها فى طابور الصباح بدلا من نشيد بلادى بلادى ..

وسوف يتم العمل بتلك الأغنية لمدة 25 سنة قادمة وذلك حتى يعم الخير أرجاء مصر :wub:

طمام يا فنضم عولم وينفذ ...........

مستر كوكومن هو مسئول الموسيئى هو بقي يبقي يلحم الاغنية ويحفظفها للطلبة

عقلي الباطن بيقولي

ناظر المدرسة ده حيبدأ يدخل في شغلي .. ويفرض عليا أغاني وأناشيد مجهولة المصدر :lol:

ومش عارف مين اللي بيغنيها ... وبعدين كلمتها غير مفهمومة .. مين اللي إخترناه إخترناه :lol:

أيه التدبيس ده ولصالح مين النشيد ده ... يمكن يقصد مدير الإدارة التعليمية ... فعلا فعلا :lol:

[badroora]

استاذ كوكومين .......... انت كدا حرقت سيناريو القصة بتاعتى ............ :lol:

بس فعلا استاذي وقارى دماغى .....بس ايه حكاية السكر دى انا اخر حاجة عرفتها ان في ضغط اما سكر دى جديدة ....... :lol:

عموما انا اختارتلك شغلانه حلوة عشان تبعد عن الضغط العصبي ........ :lol: نورت المدرسة ......