ذكرى انطلاق ثورة 19

[حسام يوسف]

اليوم 17نوفمبر

2008

تمر تسعون عاما كاملة

على انطلاق شرارة ثورة 1919

عندما ذهب زعيم الأمة سعدباشا زغلول الى المعتمد البريطانى

يوم 17نوفمبر 1918

طالبا السفر لمؤتمر باريس لعرض قضية مصر على المؤتمر

ورفض المعتمد البريطانى

وتحجج أن سعدباشا لا يمثل المصريين

وانطلقت حملة التوقيعات للوفد المصرى

وباقى أحداث ثورة 19

مرت اليوم 90 سنة على ثورة شعبية مدنية مباركة من كل المصريين

باشوات

وبهوات

وموظفين

وفلاحين

وعمال

وكل البسطاء

تحية لكل الشهداء الذين ضحوا بأرواحهم فداء الوطن

تحية لسعد باشا زغلول وصحبة

تحية لكل البطولات التى قام بها المصريون فى كل القطر المصرى

من القاهرة

للجيزة

للمنصورة

لأسيوط

لزفتى

للاسكندرية

وللذكرى

لزمت هذة التحية لكل هؤلاء

تم تعديل 17 نوفمبر 2008 بواسطة حسام يوسف

[salhaldin]

شكرا للأخ حسام على تذكيرنا بهذه الذكرى الطيبه

وتحبه أجلال وتقدير لشهداء الشعب المصرى العظيم فى ذكرى ثورة 1919

[حسام يوسف]

ألف شكر لمرورك أخى الكريم

الحمدلله سمعت المعلومة يومها فى العاشرة مساءا

وحبيت أفكر نفسى وحضراتكم بذكرى انطلاق ثورة المصريين الشعبية المباركة

المعروفة بثورة 19

والحقيقة

نفسى كلنا كمصريين

شباب وكبار

رجالة وستات

ليبراليين

واسلاميين

ويساريين

وناصريين

وحتى مصريين عاديين

نتفق

نصف

ما بنختلف

ويبقى عندنا شوية حاجات قليلة ثابتة

الكل يتفق عليها

ونختلف برضة فى حاجات تانية

احنا ماعادش عندنا رأى عام

مش متفقين فى حاجة واحدة فى تاريخنا

لية كدة؟

الوفديين والاسلاميين

سوادهم الأعظم

شتيمة بمعنى كلمة شتيمة

فى عبد الناصر

ومحدش شايف أى ايجابية فى عهدة

اللى بيقولك تأميم القناة كان غلط

واللى يقولك بناء السد خسرنا

والملك أيامة أحسن من دلوقتى

ومش شايفين الا سلبيات

وفيها منها كمان افتراءات

والأخوة الاسلاميين

يا سلام سلم

الأخت العزيزة جويرية صدمتنى مرة بحتة كلمة مع احترامى ليها

انما هية بتعبر عن نفسها

وعن الأفكار اللى فى دماغها

ودة حقها

بس توصل انها مش شايفة فى الزعيم سعد باشا زغلول الا انة فى رواية معرفش صحتها

خلى هدى شعراوى ولا مش فاكر مين من السيدات

تسفر عن وجهها

بس؟

دة كل اللى انتى شايفاة فى سعد باشا زغلول؟

ودة كل اللى حضرتك شايفاة فى ثورة 19

سعد باشا زغلول اللى من خيرة أبناء مصر فى تاريخها

يتم اختزالة فى موقف زى دة

ناهيك طبعا انى لما رديت عليها وقلت قايمة محترمة من الشخصيات التاريخية

والزعامات التى لن تنساها مصر

والمصريون كلهم

يكون الرد بمحمد حسان والحوينى

مع كامل احترامى لهم

لكن يتحطوا مكان شخصيات وزعامات تاريخية؟

مكان سعدباشا زغلول

ومصطفى باشا كامل

ومحمد فريد وغيرهم

؟

هية بقت كدة؟

الأخوة الناصريين من المغالين

والمتشددين من اليساريين

لا يرون فى ثورة 19

أو رجالاتها أى ايجابى

وحاطين كل رجال العهد فى نفس المقام

كلهم اقطاعيين

مصاصين دماء للفلاحين

ويستاهلوا ضرب المعرفش اية

ازاى؟

يعنى كل الباشوات سيئين؟

مفيش حد وطنى؟

نفسى نبطل نختلف بالشدة الفظيعة دى مع بعض

اللى مفروض نختلف معاة كل الاختلاف

بينا وبينة فركة كعب

ومعاة مئات القنابل النووية اللى تفرتك مصر

همة دول اللى مفروض نحوشلهم ميراثنا من الكراهية والحرب

امتى المثلث المصرى مع اختلاف طول أضلاعة يبطل يدور على الاختلاف؟

أقصد الليبراليين

الاسلاميين

اليسار والناصريين لو ممكن نحطهم مع بعض

كلنا مصريين

كلنا مصريين

كلنا مصريين

كلنا مصريين

امتى نحب نفسنا؟

ونحب بلدنا؟

ونحب لمصر؟

وننسى اللى فات

والكراهيات المفتعلة

مهما اختلفنا

مصيرنا واحد

بمزاجنا

أو غصب عننا

الأيديولوجيات وسيلة مش هدف

الأيديولوجيات وسيلة مش هدف

يعنى قبل ما ابقى يسارى

انا مصرى

ولو هيحصل تعارض

يبقى ملعون ابو اليسار

وأختم كلامى بكلمات أغنية محمد منير

اللى أتمنى تبقى

النشيد الرسمى للمصريين

بينا يا مصر

نبنى الماضى

بروح العصر

[salhaldin]

أتفق معك يا أستاذ حسام فى كل ماقلته

يا سيدى الفاضل الكل يتكلم ويقول المفروض نعمل والمفروض نسوى

والحكومه لازم تعمل وتسوى

بصراحه

أنا لا أؤيد أى شخص همه الأول أن يصل للسلطه ليبدأ التغير

أو أى حزب يتشدق بالكلام

يا سيدى الفاضل التغير يبدأومن المجتمع من الناس

الى عاوز يحل مشكله ما يستناش الحكومه تحلها

الحكومه مش هاتحل

والأحزاب موارهاش غير التقاتل مع بعض

مفيش حزب فى مصر قدم حلول حقيقيه أو خطط لمشاكل المجتمع

مفبش حزب قدم حل لمشكلة البطاله

مفيش حزب قدم حل لمشكلة الغذاء

قدم حل لمشكلة الإسكان

الصحه

التعليم

الكل همه يوصل للسلطه وبعدين يحل

وبعد ما يوصل يبقى ألعن من الى قبله

والكلام ينطبق على جميع الأحزاب بدون أستثناء

يا سيدى الفاضل

أنا كان نفسى أشوف واحد من رؤساء الأحزاب فكر فى المواطن المصرى

الكادح

العامل الذى يعمل فى مصنع او الفلاح

أو الموظف دول غالبية الشعب المصرى

الى شايلين على راسهم همومهم وهموم ولادهم وهمهوم بلدهموالبلاد الى حواليهم

يا سيدى الفاضل الأمم العظيمه قامت على اكتاف ناس نشروا العدل المساواه

أحسو بالناس البسطاء ومعاناتهم وتاريخنا حافل بأمثال أبو بكر وعمر

أنظر للهند غاندى بدأ بتغير سلوك أمه وهو تحت الإحتلال

أمه من كل لون ومذهب ودين

وأمثال غاندى كثيريئ

الخلاصه أننى أتفق معك أنه على الجميع أن يتحرك من منطلق حبه لبلده

حبه لوطنه

مش من العار أنى اشيل حجر من الطريق أو أغرس شجره أو انظف أمام منزلى

لكن من العار أنى أستنى الحكومه هى الى تعملى كده

الحكومه دى هتيجى أنهارده وهتمشى بكره أو بعد بكره

لكن بلدنا مصر قاعده علطول لينا ولأبنانا

[حسام يوسف]

أتفق معك يا أستاذ حسام فى كل ماقلته

يا سيدى الفاضل الكل يتكلم ويقول المفروض نعمل والمفروض نسوى

والحكومه لازم تعمل وتسوى

بصراحه

أنا لا أؤيد أى شخص همه الأول أن يصل للسلطه ليبدأ التغير

أو أى حزب يتشدق بالكلام

يا سيدى الفاضل التغير يبدأومن المجتمع من الناس

الى عاوز يحل مشكله ما يستناش الحكومه تحلها

الحكومه مش هاتحل

والأحزاب موارهاش غير التقاتل مع بعض

مفيش حزب فى مصر قدم حلول حقيقيه أو خطط لمشاكل المجتمع

مفبش حزب قدم حل لمشكلة البطاله

مفيش حزب قدم حل لمشكلة الغذاء

قدم حل لمشكلة الإسكان

الصحه

التعليم

الكل همه يوصل للسلطه وبعدين يحل

وبعد ما يوصل يبقى ألعن من الى قبله

والكلام ينطبق على جميع الأحزاب بدون أستثناء

يا سيدى الفاضل

أنا كان نفسى أشوف واحد من رؤساء الأحزاب فكر فى المواطن المصرى

الكادح

العامل الذى يعمل فى مصنع او الفلاح

أو الموظف دول غالبية الشعب المصرى

الى شايلين على راسهم همومهم وهموم ولادهم وهمهوم بلدهموالبلاد الى حواليهم

يا سيدى الفاضل الأمم العظيمه قامت على اكتاف ناس نشروا العدل المساواه

أحسو بالناس البسطاء ومعاناتهم وتاريخنا حافل بأمثال أبو بكر وعمر

أنظر للهند غاندى بدأ بتغير سلوك أمه وهو تحت الإحتلال

أمه من كل لون ومذهب ودين

وأمثال غاندى كثيريئ

الخلاصه أننى أتفق معك أنه على الجميع أن يتحرك من منطلق حبه لبلده

حبه لوطنه

مش من العار أنى اشيل حجر من الطريق أو أغرس شجره أو انظف أمام منزلى

لكن من العار أنى أستنى الحكومه هى الى تعملى كده

الحكومه دى هتيجى أنهارده وهتمشى بكره أو بعد بكره

لكن بلدنا مصر قاعده علطول لينا ولأبنانا

متفق مع حضرتك

وشايف ان لو فية لأزماتنا

فمفيش حل الا بتوفيق ربنا سبحانة و تعالى

وعملنا احنا وباخلاص النوايا

تحياتى يا عزيزى

تم تعديل 19 نوفمبر 2008 بواسطة حسام يوسف