وفاة الإخطبوط الشهير بول فى حوضه بألمانيا

[مغتربة]

توفى صباح اليوم أشهر إخطبوط فى عام 2010 وذلك فى حوضه الخاص بألمانيا.

وقال مسئولو حوض بول لوكالة الأنباء الفرنسية إنهم اكتشفوا أمس أن الإخطبوط أوراكل بول، قد وافته المنية مساء أمس، مضيفين: "الكل هنا الآن فى قمة الحزن والاكتئاب".

يذكر أن بول ولد فى إنجلترا، ثم نقل إلى أحواض الحياة البحرية بمدينة أوبرهاوزن الألمانية.

وقد عرضت أسبانيا على السلطات الألمانية شراء بول بأى ثمن واقتنائه بأحد حدائقها وذلك بعد فوزها بكأس العالم وهو ما سبق وتوقعه بول لها.

صور الفقيد :mellow: :mellow: :mellow:

و سنوافيكم بمكان العزاء حالما تتوفر لنا معلومات اضافيه :P :P :P :P

[اغابي]

cr((: cr((: cr((:

ايه الخبر الفظيييع داه

مش مصدقة

cr((: :cry1:

احنا نجمع بعض

:waving:

رغم ان هناك شتت خلاص

كل واحد يمسك

ونروح نقدم واجب العزاء

smk: smk:

تم تعديل 26 أكتوبر 2010 بواسطة اغابي

[ابو محمد بن مصطفي]

ايه ده هي المصايب تيجي كلها في يوم واحد

بول مات

يالا الاسف

كان نفسي يتوقع مين اللي هيفوز في انتخابات مجلس الشعب عن المنطقة اللي انا ساكن فيها

تاجر المخدرات مرشح الحزب الوطني

ولا تاجر الاثار المستقل

كمان مين رئيس مصر القادم

حسني مبارك

ولا محمد حسني مبارك

ياخسارة بس ده هيدفن فين في البر ولا البحر

[ذهبية]

طيب مقلوش سبب الوفاة ايةةةة طبيعى

و لا حد من المنجمين اللى قطع رزقهم دس لة سم و لا حاجة

ولا اتحسد حاكم العين وحشةةة تفلق الحجررر

[مصطفى يونس]

هيه الناس متجمعه هنا ليه معاشات دى

شوفت الناس المحترمه عندها اخطبوط ومات وعمليين عليه هليله

عقبالك يا مصر اما حد من البنى ادميين يموت ونعمل عليه كدا

وللملاحظه كاتبين وافته المنيه دا ده هناك فى المانيا مش عندنا فى مصر

تم تعديل 26 أكتوبر 2010 بواسطة مصطفى يونس

[شريف مان]

مات بطل التوقعات .. وفاة "بول" أشهر أخطبوط في التاريخ

أعلنت مؤسسة أوبر هاوزن الألمانية عن وفاة الأخطبوط "بول" صاحب توقع فوز المنتخب الإسباني بكأس العالم 2010 بجنوب إفريقيا علي حساب هولندا.

ووفقاً لما ذكره موقع "بيتر" الإنجليزي أعلن مسئولي المؤسسة البحرية الألمانية أن وفاه الأخطبوط بول الذي أشتهر أكثر من كاس العالم نفسه جاءت الليلة في ظروف طبيعية.

وكان الأخطبوط بول صاحب أشهر التوقعات خلال مباريات كأس العالم الماضية حيث أتت كل توقعاته بشان فوز المنتخب الألماني خلال مبارياته بالمونديال الإفريقي في محلها.

وكان بول هو أول من توقع فوز المنتخب الإسباني بالمونديال العالمي علي حساب المنتخب الهولندي.

يذكر أن الاخطبوط بول كان يوضع له أعلام الدولتين علي علبتين من الطعام والتي يختارها تكون هي الدولة التي ستفوز حسب توقعه.

رابط الخبر

[شريف مان]

عفوا . مكنتش اعرف ان المضوع موجود هنا

http://www.egyptiantalks.org/invb/index.php?showtopic=111970&pid=651685&st=0entry651685

ياريت الادارة تحدف الموضوع

تحياتى

[شريف مان]

للفقيد الرحمة ولأسرته خالص العزاء

طب كانوا بعتهولى أعمل عليه شربه أحسن

:lol:

[مغتربة]

ك

مان مين رئيس مصر القادم

حسني مبارك

ولا محمد حسني مبارك

ياخسارة بس ده هيدفن فين في البر ولا البحر

يا استاذ ابو محمد و انت مصدق برضه انه جاتله سكته قلبيه

انت مش ملاحظ انه مات فى الحوض بتاعه

و الحوض دا بيبقى ليه حواجز ازاز زى البلكونات كدا wst:: wst:: wst:: wst::

كان راجل طيب و الله

[engmido]

للفقيد الرحمة وللحكومة الالمانية خالص العزاء

قابلونى لو نفعتوا

[عبير يونس]

الحقيقة لا أملك عند سماع هذا الخبر غير....

يا ريتني كنت اخطبوط

:cry1:

[ابو محمد بن مصطفي]

ك

مان مين رئيس مصر القادم

حسني مبارك

ولا محمد حسني مبارك

ياخسارة بس ده هيدفن فين في البر ولا البحر

يا استاذ ابو محمد و انت مصدق برضه انه جاتله سكته قلبيه

انت مش ملاحظ انه مات فى الحوض بتاعه

و الحوض دا بيبقى ليه حواجز ازاز زى البلكونات كدا wst:: wst:: wst:: wst::

كان راجل طيب و الله

اختي مغتربة

الناس كانوا صادقين لانهم اعلنوا من زمان ان بول فضله ايام معضوضة في الحياة

بمناسبة الصندوق الازاز .... مش ملاحظين ان مبارك لما بيشوف المباريات في الاستاد بيشوفها من ورا واقي زجاجي

مش لحمايته ....

لا ده علشان ايامة في الدنيا معدودة زي بول بالضبط

[mekkawy]

طب و المصحف و المصحف .. كنت فاكر بول ده واحد و مسمينه الاخطبوط عشان بيتوقع يعني :lol:

دي عالم هبلة يا عم الحج ... كلب و راح .. قصدي اخطبوط و راح .. و قال ايه توقع اسبانيا ...

تلاقيه كان عجبه الوان حوض اسبانيا فدخل فيه ولا كان فيه سمكاية ولا حاجة بتلعب في الحوض

مكاوى

[dongol]

اغتالوك يا بول قبل انتخابات الرئاسة..... خيانة

دمك مش هيروح هدر يا بول

كلنا بول لغاية لما تبان الحقيقة

[doha]

كلنا بول لغاية لما تبان الحقيقة

بتيجي انت على الجرح خاصة والحقيقة في بلدنا غابت من زمان ..

اييه كلنا لها ياعم الحج بول .. محدش واخد منها حاجة ..

وحدووووه ..

[مغتربة]

طب و المصحف و المصحف .. كنت فاكر بول ده واحد و مسمينه الاخطبوط عشان بيتوقع يعني :lol:

دي عالم هبلة يا عم الحج ... كلب و راح .. قصدي اخطبوط و راح .. و قال ايه توقع اسبانيا ...

تلاقيه كان عجبه الوان حوض اسبانيا فدخل فيه ولا كان فيه سمكاية ولا حاجة بتلعب في الحوض

مكاوى

لا لا يا استاذ مكاوى

لو الاسبان سمعوك هيزعلوا منك قوى

انت متعرفش هما عرضوا يدفعوا قد ايه علشان يشتروه لكن الالمان رفضوه

ا كان الله يرحمه بقى هيتسبب فى ازمه دبلوماسيه بين البلدين :ninja: :ninja: :ninja:

[مغتربة]

على فكره موضوع الازمه الدبلوماسيه دا شكله بصحيح شوفوا كده الخبر دا

نشب نزاع اسباني – ألماني بشان حق الاحتفاظ بجثمان عراف مونديال جنوب إفريقيا 2010 الإخطبوط الشهير "بول" بعد ساعات قليلة من مفارقته الحياة أمس الثلاثاء .

وحسب تصريح المتحدث الرسمي باسم مدينة "أكواريوم أوبرهاوزن" الألمانية حيث كان الإخطبوط الراحل يعيش ، فإن بلدة كاربالينو تقدمت بطلب رسمي للاحتفاظ بجثمان "بول" قي متحفها الصغير ، متذرعة بجنسية "بول" الإسبانية .

غير أن مدينة أوبرهاوزن رفضت الطلب لرغبتها في وضع جثمان الإخطبوط الأشهر في العالم في متحف الأكواريوم أو في متحف كرة القدم بمدينة كولون ، وتصر أوبرهاوزن على "ألمانيته"، وبالتالي حقه الشرعي في الحصول على ضريح لائق في ألمانيا.

وكان "بول" قد اكتسب شهرة واسعة عندما تنبأ بفوز إسبانيا لأول مرة بكأس العالم لكرة القدم في مونديال جنوب أفريقيا 2010.

واستخدم منذ تلك الفترة، لقاء مبالغ كبيرة، في التنبؤ بنتائج اليانصيب وبنتائج ألعاب دوري الأبطال الأوروبي لكرة القدم وبعواقب المضاربات في البورصة.

اصحاب العقول فى نعيم

[Howayda Ismail]

على فكره موضوع الازمه الدبلوماسيه دا شكله بصحيح شوفوا كده الخبر دا

نشب نزاع اسباني – ألماني بشان حق الاحتفاظ بجثمان عراف مونديال جنوب إفريقيا 2010 الإخطبوط الشهير "بول" بعد ساعات قليلة من مفارقته الحياة أمس الثلاثاء .

وحسب تصريح المتحدث الرسمي باسم مدينة "أكواريوم أوبرهاوزن" الألمانية حيث كان الإخطبوط الراحل يعيش ، فإن بلدة كاربالينو تقدمت بطلب رسمي للاحتفاظ بجثمان "بول" قي متحفها الصغير ، متذرعة بجنسية "بول" الإسبانية .

غير أن مدينة أوبرهاوزن رفضت الطلب لرغبتها في وضع جثمان الإخطبوط الأشهر في العالم في متحف الأكواريوم أو في متحف كرة القدم بمدينة كولون ، وتصر أوبرهاوزن على "ألمانيته"، وبالتالي حقه الشرعي في الحصول على ضريح لائق في ألمانيا.

وكان "بول" قد اكتسب شهرة واسعة عندما تنبأ بفوز إسبانيا لأول مرة بكأس العالم لكرة القدم في مونديال جنوب أفريقيا 2010.

واستخدم منذ تلك الفترة، لقاء مبالغ كبيرة، في التنبؤ بنتائج اليانصيب وبنتائج ألعاب دوري الأبطال الأوروبي لكرة القدم وبعواقب المضاربات في البورصة.

اصحاب العقول فى نعيم

على رأى عادل امام دى عالم فاضية ياجدع

شوفوا احنا عايشين فى ايه و بنتكلم فى ايه وهم بيتكلموا فى ايه

انا دماغى وجعتنى من السياسة شكلى حاروح اشترى اخطبوطين تلاتة بس الصراحة عشان اطبخهم للعيال