الكبدة الإسكندرانى

[fatfouta]

ياريت اللى بيعرف يعمل الكبدة الإسكندرانى كويس يقولنا طريقتها

وهل هى بتختلف من بلد للتانية...لانى لما بعملها فى مصر يعنى بتطلع تتاكل انما هنا لألألألألألألألأ ابداااااااااا

ولازم الكبدة تبقى طارجة ولا ممكن ابقى مخزناها فى الفريزر مثلا؟

بس ماحدش يقولى الكبدة الضانى عشان مش بحب الضانى خاااااااالص

بصراحة لما باكلها فى مصر مش هقولكوا منين :lol: بتبقى ليها طعم خرافى

والعيال نفسهم فيها وذنبهم فى رقبتكم بقى :)

شكرا مقدما :lol:

[fatfouta]

اه صحيح نسيت اقولكم ان فيه كمان الكبدة بالردة

دى وادة صاحبة مامتى الله يرحمها كانت بتعملها يا خراااااااشى طعمها كان بيبقى ذى الفراخ البانيه واحلى كتيرررر

لو حد يعرف طريقتها كمان يقولنا

هى ساعات بتتشوى وساعات بتتعمل فى الزيت عادى

ماشى يا جماعة؟

شايفة واحدة اسكندرانية بتكتب اهو يااااااااا مسهل :lol:

تم تعديل 17 أبريل 2010 بواسطة fatfouta

[ام نور محمود]

يصي يافوت فوت

انا هاقولك طريقتي

طبعا الافضل تكون طازة

هنا في الرياض بعملها بالكبدة الحاشي وبصراحة طعمها خرافة بس بتاخد سوا كتير

لو في مصر خلي الجزار يقطعهالك ولو هنا ادبسي انتي بأه وامرك لله بس خلي السكينه حاميه نار وخدي بالك من صوابعك

قطعيها شرايح رقيقة قدر الامكان

افرمي نص راس توم ( لنص كيلو كبده ) وتبلي التوم بالخل والملح والكمون وسنه شطه ولخبطي كل ده مع الكبدة كويس واركنيها بتاع ربع ساعة

قطهي فلفل رومي مكعبات صغيرة وممكن قرن فلفل حامي وسخني شويه زيت حلوين في طاسه غويطة وحطي الفلفل وخديه تقليبتين واول مايذبل وريحته تطلع حطي الكبدة وقلبيها كويس اوي وهدي النر وغطي الطاسه وكل شويه قلبيها لغايه ماتشرب ميتها وتستوي وبالهنا والشفا

وحطي جنبها مايونيز بيتي وعيش فينو وشرايح طماطم

وابقي ادعيلي

[ام نور محمود]

انتي كده داخله على طمع

هاتدفعي كام يا معلمه

المهم كله عند الله

الكبده البانيه بتشتريها شرايح جاهزة لأن صعب تقطيعها

تتبليها بنفس التتبيله وتحطيها في فيجيتار ( كيس عادي على كيس حامي ) بس تشيلي منها التتبيله الزياده طبعا وتنفضيها كويس وتدخليها التلاجة ربع ساعة عشان الفيجيتار يمسك ومايفكش في الزيت

وتسخنس الزيت كويس وتطشيها فيه ومش بتاخد وقت وبالهنا والشفا

وخدي بالك عشان بتفرقع في الزيت وانتي عندك سوابق :lol:

[doha]

هي الكبده بالذات تخصص زوجي للاسف مش بتاعتي .. انا استلمته من مامته مبيعرفش غيرها بس الشهاده لله بيعملها حاجه مقلكيش ..

بصي ياستي هقولك بعض حاجات لحقت اعرفها منه في المرات العديده الي اتحفنا فيها بحلة الكبده المشهورة بتاعته الي اعيد واكرر مكانش بيعرف غيرها ( طبعا بذلت في سبيل تعليمه بعد كده الغالي والنفيس والحمد لله اخذ البكالوريا من بدري وبيستعد دلوقت لنيل درجه العالمية في الطبخ )

بصي ياستي .. الكبده لازم لازم تكون طازجه .. لوجبتيها مبرده او حتى طازه وجمدتيها بيطلع لها طعم تاني خالص .. عن نفسي لو كبده مجمده بعملها بانيه ( بالبيض والبقسماط ) انما التانيه دي حلاوتها طازه ..

زوجي بيقطعها قطع كبيرة بس انا بحب اقطعها شرائح رفيعة جدا ( شفت بتوع المحلات بيعملوها كده ) وده طبعا بيخليها تستوي بسرعه وبالتالي فوايدها تفضل فيها ..

هتتبلي الكبده بالتوابل والثوم فقط لا غير وتتركيها شويه بعدين ترفعيها على النار تستوي مع شويه زيت وقليل جدا جدا من الماء الي هتزوديه كل شويه عليها لغايه ماتستوي على نار هادية جدا ..

بعد ماتستوي اضيفي لها شويه بطاطس محمرة وقلبيها عليها وقدميها ..

طبعا لو حطيتي الكبده على النار فترة اكتر من اللازم هتجمد وتبقى قاسية وكأنها لسه نية وكل ماتطول كل ماتبوظ منك فخلي بالك هي مبتاخذش سوا كتير ..

عن نفسي وقبل ماتستوي بشويه بحط عليها فلفل اخضر مقطع وطماطم .. وبكون من البداية مشوحاها في بصل ودي بعملها في سندويتشات عيش بلدي مع سلطه الطحينة ..

بس بالامانة بتاعت جوزي احلى ..

[fatfouta]

انتي كده داخله على طمع

هاتدفعي كام يا معلمه

المهم كله عند الله

الكبده البانيه بتشتريها شرايح جاهزة لأن صعب تقطيعها

تتبليها بنفس التتبيله وتحطيها في فيجيتار ( كيس عادي على كيس حامي ) بس تشيلي منها التتبيله الزياده طبعا وتنفضيها كويس وتدخليها التلاجة ربع ساعة عشان الفيجيتار يمسك ومايفكش في الزيت

وتسخنس الزيت كويس وتطشيها فيه ومش بتاخد وقت وبالهنا والشفا

وخدي بالك عشان بتفرقع في الزيت وانتي عندك سوابق :lol:

والنبى ماتفكرينى بالسوابق

طب ودى نظامها ايه حاشى برضو

يعنى ايه حاشى اصلا؟؟؟ انا بشوف الكلمة دى كتير بس عمرى ماسألت لانى بصراحة لو كبدة معيز او خرفان او اى حاجة غير الكنذوز مش هاكلها

ياريت توضيح يعنى كبده الحاشى دى كبدة ايه؟

وبعدين انتى زعلانة انى بسألك على الطريقة مش بدل ما أقولك اعزمينا عليها انا والعيال :)

[ام نور محمود]

انتي كده داخله على طمع

هاتدفعي كام يا معلمه

المهم كله عند الله

الكبده البانيه بتشتريها شرايح جاهزة لأن صعب تقطيعها

تتبليها بنفس التتبيله وتحطيها في فيجيتار ( كيس عادي على كيس حامي ) بس تشيلي منها التتبيله الزياده طبعا وتنفضيها كويس وتدخليها التلاجة ربع ساعة عشان الفيجيتار يمسك ومايفكش في الزيت

وتسخنس الزيت كويس وتطشيها فيه ومش بتاخد وقت وبالهنا والشفا

وخدي بالك عشان بتفرقع في الزيت وانتي عندك سوابق :lol:

والنبى ماتفكرينى بالسوابق

طب ودى نظامها ايه حاشى برضو

يعنى ايه حاشى اصلا؟؟؟ انا بشوف الكلمة دى كتير بس عمرى ماسألت لانى بصراحة لو كبدة معيز او خرفان او اى حاجة غير الكنذوز مش هاكلها

ياريت توضيح يعنى كبده الحاشى دى كبدة ايه؟

وبعدين انتى زعلانة انى بسألك على الطريقة مش بدل ما أقولك اعزمينا عليها انا والعيال :)

بصي بأه بعد بحث وتدقيق عميك عرفت ان كبده الحاشي دي كبده جمل

بس بصراحة مجربتش اعملها بانيه

بس والله طعمها يجنن جدا .. وعلى فكره انا زيك مش باكل الضاني بوتاتا

للاسف النظارة مغبشة فمش عارفة اقرا اخر سطر في الرد بتاعك

سوري يافوت فوت :lol:

تم تعديل 17 أبريل 2010 بواسطة ام نور محمود

[doha]

حاشي يعني جمل وبالتالي كبده الحاشي هي كبده جمل ولحم الحاشي هو اللحم الجملي ..

سؤال مهم اوي ..

يعني ايه كندوز ؟؟ :lol:

[ام نور محمود]

حاشي يعني جمل وبالتالي كبده الحاشي هي كبده جمل ولحم الحاشي هو اللحم الجملي ..

سؤال مهم اوي ..

يعني ايه كندوز ؟؟ :lol:

اعتقد والله اعلم ان الكندوز هو اللحم البقري

والبتلو كمان هو اللحم البقري

بس واحد سنه صغير والتاني كبير

مش عارفه انهي بصراحة

[fatfouta]

حاشي يعني جمل وبالتالي كبده الحاشي هي كبده جمل ولحم الحاشي هو اللحم الجملي ..

سؤال مهم اوي ..

يعني ايه كندوز ؟؟ :lol:

كندوز = لحم العجل او البقرى

وعجل يعنى كندوز وبالتالى لحم او كبدة الكندوز يعنى كبدة العجل او البقرى

وبصراحة مش بحب لحم الجمل او كبدته عمرى ماجربتها بس واخدة منها موقف..معرفش ليه

[engmido]

بصراحة لما باكلها فى مصر مش هقولكوا منين بتبقى ليها طعم خرافى

طبعا معروفة الراجل اللى فى اخر طلعت حرب يمين امام الامريكين

-----------------------------

ياريت تتحفونا بالطرق المتميزة للكبدة معشوقتى

[fatfouta]

بصراحة لما باكلها فى مصر مش هقولكوا منين بتبقى ليها طعم خرافى

طبعا معروفة الراجل اللى فى اخر طلعت حرب يمين امام الامريكين

-----------------------------

ياريت تتحفونا بالطرق المتميزة للكبدة معشوقتى

هقولك يا بابا انج عشان تروح تاكل من عنده والله هتلاقى عنده ضرب نار وكله بياخد فى حجره مافيش اطباق

دوق وادعيلى بس بلاش تألك ملك منها قبل تلات سنين كده ولا حاجة

خد الوصفة اهى :lol:

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه unsure.gif

[kitkat]

الي اعرفه ان اللحوم في السعودية مش حلوة

كبده اسكندراني تجنن

بسم الله الرحمن الرحيم

النهارده هقول لكم طريقة عمل كبده اسكندراني سهله جدا

المقادير

نصف كيلو كبده مقطعه رفيعه وصغيره / راس ثوم متوسطه / فلفل اخضر كتير / ملح وكمون / خل / 3 ليمونات .

الطريقه

نغسل الكبده كويس تحت الحنفيه وتكون في مصفه علشان تتصفي من الميه بعد كده نعصر عليها ليمونه وشويه خل ونقلبها ونسبها شويه بعد كده نقشر الثوم نحطه في الهون مع قرنين فلفل وملح والكمون <بلاش فلفل اسود> وندق كويس بعد كده نغسل الكبده تاني ونصفيها من الميه كويس وناخد مقدار ثلاث ارباع الدقه ونحطها علي الكبده ونقلبها كويس بعد كده نحط طاسه كبيره علي النار وفيها مقدار زيت معقول نسخن الزيت بس مش قوي وبعد كده نقطع فلفل اخضر ونحطه في الزيت ونقلب لمدة 3 دقائق وبعد كده نحط باقي الدقه مع الفلفل في الزيت ونقلب تقليبتين وبعد كده نحط الكبده بالدقه اللي عليها طبعا ونسبها علي نار متوسطه مع التقليب بعد كده لما تكون قربت تستوي نعصر عليها ليمونتين وشويه خل و نقلب ونظبط ملحها وبلهنا والشفا ويارب تعجبكم

http://www.youtube.com/watch?v=KYshOtXUQ4g

كبده اسكندراني زي بتاعة العربية بالظبط وجربي وادعيلي

المكونات

نص كيلو كبده بقري مقطعة شرائح صغيرة جدا (تقطيع شاورما)

ملح -- فلفل اسود

2 قرن فلفل اخضر حراق مقطع حلقات رفيعة (يمكن استبداله بفلفل رومي للي مش بيحبوا الاكل الحراق)

2 معلقة كبيرة ثوم مفروم

نص معلقة صغيرة كمون

معلقة كبيرة خل

ليمونة كبيرة

ربع كوب زيت ذرة زيت

الطريقة :

ضعي زيت الذرة في طاسه عميقة او حله وسخنيه وبعدين حطي الكبده كلها مع حبة فلفل اخضر وحبه ملح وفلفل اسود ومعلقة ثوم كبيرة وغطي عليها سيبها ربع ساعة تنزل مايتها وتشربها وبعدين تكوني جهزتي فسلطانية او طبق صغير الخلطة دي : الكمون والثوم والخل وعصير ليمونة كبيرة وباقي الفلفل الاخضر وقلبيهم جيدا واول ما تحسي ان الكبده قربت تستوي تضيفي الخلطة دي كلها وتخفضي النار شوية وتغطيها وتسيبيها تشرب بقا الخلطة دي تماما بس ماتنشفش يعني سيبي فيها حبة مايه صغيرين .

وحضري عيش فينو او اي عيش انتي بتفضليه واعملى سندوتشات والماية اللى فاضله فى الحلة او الطاسة وزعيها جوا السندوتشات فالاخر وقدمي معاها ليمونة وبطاطس محمرة ومخلل

بالنسبة للكبدة

1/2 ك كبدة كندوز/5 فصوص توم / قرن فلفل حامي)

توابل ( ملح /فلفل اسود/كسبرة ناشفة/خل بس بسيط وعصر ليمون بس في الأخر خالص /شطة ) وكل التوابل حسب التذوق

الطريقة

شوحي التوم حبة بسيطة وحطي الكبدة مع قرون الفلفل

ولما يستوي شوية ضيفي بقيت الأضافات (علي فكرة انا عرفق الوصفة دي وانا بشتري سندويتشين كبدة من جاد سألت الولد اللي بيعملها وقالي الوصفة دي )

راجعلك بالكتاب الكامل في الوصفات

تم تعديل 17 أبريل 2010 بواسطة kitkat

[fatfouta]

كيت كات يا خويا

دايما متعودة منك عالردود الوافية

شكرا ليك

هقولكوا على واحد فى السيدة زينب بيعمل كبدة تحفةةةةةةةة

إسمه كبداكى كان كشك الاول زمان ودلوقتى اخد بارتيشن صغير كده وبيعمل فيه الكبدة الاسكندرانى وبيستعمل عيش فينو....حجمه غغير طبيعى

والله انا متأكده انه بيتعمله مخصوص العيش ده

الرغيف تلاقيه طويل ورفيع ذى القلم عشان تاكل وتتطلب تانى...وفعلا مش ممكن يقضيك رغيفين ولا تلاتة :lol:

اختى بتشتغل فى جريدة قريبة منه كل شوية تغيظنى وتقولى اصل احنا فطرنا من عند كبداكى وانا ابقى مفرووووووووووسة بس بقولها بالهنا والشفا

تم تعديل 17 أبريل 2010 بواسطة fatfouta

[نجماية]

حاشي يعني جمل وبالتالي كبده الحاشي هي كبده جمل ولحم الحاشي هو اللحم الجملي ..

سؤال مهم اوي ..

يعني ايه كندوز ؟؟ :lol:

السلام عليكم ورحمة الله،

الكندوز هو اللحم كبير السن، وعلى فكرة بيآخد وقت طويل جدا جدا في التسوية.

أما الكبدة زي ما قالت الأخت أم نور،

الكبدة تكون طازجة ومغسولة كويس قوي قوي ومقطعة قطع صغيرة ورفيعة جداً،وتتبل بتتبيلة مكونة من :ثوم،ملح، كمون، ليمون (بدلا من الخل) وفلفل أخضر وتفرم جميعها بالكبة وتتبل الكبدة وتترك مدة ربع ساعة أو أكثر (ياريت ساعة بتكون أحلى) يسخن قليل من الزيت وتحمر فيه الكبدة وتقلب من حين لآخر حتى تنضج وتقدم بجانب بطاطس محمرة وقطع ليمون وفلفل أخضر (زي الفلاح عندنا في اسكندرية) وبالهنا والشفا.

على فكرة ممكن تعملي التتبيلة دي مع الكبدة وتجمد وهي متبلة وتخرجيها في أي وقت بتكون ممتازة وعن تجربة.

[أكسيلانس]

بصراحة لما باكلها فى مصر مش هقولكوا منين بتبقى ليها طعم خرافى

طبعا معروفة الراجل اللى فى اخر طلعت حرب يمين امام الامريكين

-----------------------------

ياريت تتحفونا بالطرق المتميزة للكبدة معشوقتى

هقولك يا بابا انج عشان تروح تاكل من عنده والله هتلاقى عنده ضرب نار وكله بياخد فى حجره مافيش اطباق

دوق وادعيلى بس بلاش تألك ملك منها قبل تلات سنين كده ولا حاجة

خد الوصفة اهى :lol:

والله فيه واحد بتاع كبدة بيقف عند حلوانى العبد كده من جوا فى شارع طلعت حرب

اتشجعت السنة اللى فاتت واكلت العيال من عنده خلصوا وقالوا عاوزين تانى وفى كشك جمبه تجيب منه بيبسى عشان تبلع بيه

الكبدة عنده طعمها تووووووووحفةةةةةة.......مش ممكن اموت واعرف بيعملها اذاى!!!!!!!

عليه ضرب نااار وكله بياخد فى حجره على راى عادل امام

انا كنت خايفة لا يجيلهم نزلة معوية بس ولا جرالهم حاجة وروحنا البيت قعدوا يعيطوا لما جاعوا وقالولى ماجبتيش تانى معاكى ليه unsure.gif

الراجل ده أسمه عادل - و أخوه سيد تقريبا - و علي فكره الكبده الحلوه جدا بتعتهم دي مستورده من أم 11 جنيه في سوق باب اللوق - مش طازه و لا حاجه - و الطريقه مش صعبه

الكبده مش محتاجه تتبل في خل و توم - لكن القه ديه بتتعمل و يتحط منها معلقه كبير أو أتنين بعد ما تستوي و تتقلب عليها - و كمان الكبده عمرها في حياتها ما يتحط عليها مياه - لانها ملاينه دم أصلا- مش ناقصه - فقط فلفل حامي في الزيت - و بعدين الكبده تتقلب كويس - و ممكن طماطميه وجه تتقطع بنزوات ( مربعات صغيره يعني - و في الاخر يتحط عليها معلقو الدقه أيها - مع مخلل و سلايز طماطم

و السجق ده موضوع تاني

تحزيييييييييييييرررررررررررررررررررر هام - الكبده عاليه الكليسترول - حاسب علي قلبك

[لونا]

يصي يافوت فوت

انا هاقولك طريقتي

طبعا الافضل تكون طازة

هنا في الرياض بعملها بالكبدة الحاشي وبصراحة طعمها خرافة بس بتاخد سوا كتير

لو في مصر خلي الجزار يقطعهالك ولو هنا ادبسي انتي بأه وامرك لله بس خلي السكينه حاميه نار وخدي بالك من صوابعك

قطعيها شرايح رقيقة قدر الامكان

افرمي نص راس توم ( لنص كيلو كبده ) وتبلي التوم بالخل والملح والكمون وسنه شطه ولخبطي كل ده مع الكبدة كويس واركنيها بتاع ربع ساعة

قطهي فلفل رومي مكعبات صغيرة وممكن قرن فلفل حامي وسخني شويه زيت حلوين في طاسه غويطة وحطي الفلفل وخديه تقليبتين واول مايذبل وريحته تطلع حطي الكبدة وقلبيها كويس اوي وهدي النر وغطي الطاسه وكل شويه قلبيها لغايه ماتشرب ميتها وتستوي وبالهنا والشفا

وحطي جنبها مايونيز بيتي وعيش فينو وشرايح طماطم

وابقي ادعيلي

بصي يا فتفوتة يا حبيبتي أنا كنت باعملها زي أم نور كدة .. بس بالليمون بدل الخل

و كنت باحط قرن شطة من غير فلفل أخضر

ومن كام شهر شفت الشيف اللي بيجي في برنامج صباحك سكر زيادة على ال otv (مش فاكرة إسمه)

و قال إنه واخد الطريقة من محلات الكبدة في إسكندرية

عملها من غير ما يتبلها قبلها بفترة و جربتها و كانت فعلاً حلوة أوي

الطريقة :

1) نحمى الزيت شوية - زيت مش كتير - ( لازم الزيت يكون سخن بحيث الكبدة تعمل صوت لما تنزل فيه ) دي أهم تكة

2) بعد شوية نحط الثوم المفروم .. و قرن الشطة المتقطع .. على جنب الطاسة .. و ملح و فلفل و كمون و لو تحبوا قرفة و حبهان مطحون

3) على نار عالية نحمر الكبدة من الجهتين من غير تقليب كتير ( الكبدة كدة بتحبس السوائل جواها و مش بتكون مهرية )

4) نقلب التوم مع الكبدة بعد ماتكون الكبدة مسكت نفسها

5) نعصر عليها ليمونتين

6) لو الكبدة متقطعة رفيع حتكون استوت كدة ... ننتظر لما تشرب أي سوائل تكون نزلت من الكبدة .. و نطفي عليها

لو كانت قطع سميكة.. تحتاج نغطيها شوية .. و ممكن نضيف كمية ماء قليلة .. و لكن ما نزودش الماء

و كدة مش حتتهري .. لأننا حمرناها الأول في الزيت الساخن

* في الطريقة دي لازم الكبدة تبقى طازة أو لو كانت في الفريزر ننتظر لما تفك على الآخر

* على فكرة أنا عملت كبدة الدجاج بالطريقة دي برضه .. و طلعت حلوة جداً

جربوها و حتتدعولي

تحياتي :lol:

[engmido]

طبعا كبداكى فى السيدة زينب

ناصية شارع نوبار....بجوار دار الهلال

نفسى تعرف انتى سلكنة فين فى مصر انا اعرف كل حتة فى مصر

:lol:

[doha]

الكبده مش محتاجه تتبل في خل و توم - لكن القه ديه بتتعمل و يتحط منها معلقه كبير أو أتنين بعد ما تستوي و تتقلب عليها - و كمان الكبده عمرها في حياتها ما يتحط عليها مياه - لانها ملاينه دم أصلا- مش ناقصه - فقط فلفل حامي في الزيت - و بعدين الكبده تتقلب كويس - و ممكن طماطميه وجه تتقطع بنزوات ( مربعات صغيره يعني - و في الاخر يتحط عليها معلقو الدقه أيها - مع مخلل و سلايز طماطم

و السجق ده موضوع تاني

شكلك كده أكيل فاهم مش حافظ ..

ياريت تنزل لنا بحوار السجق بالمرة ..

[أكسيلانس]

الكبده مش محتاجه تتبل في خل و توم - لكن القه ديه بتتعمل و يتحط منها معلقه كبير أو أتنين بعد ما تستوي و تتقلب عليها - و كمان الكبده عمرها في حياتها ما يتحط عليها مياه - لانها ملاينه دم أصلا- مش ناقصه - فقط فلفل حامي في الزيت - و بعدين الكبده تتقلب كويس - و ممكن طماطميه وجه تتقطع بنزوات ( مربعات صغيره يعني - و في الاخر يتحط عليها معلقو الدقه أيها - مع مخلل و سلايز طماطم

و السجق ده موضوع تاني

شكلك كده أكيل فاهم مش حافظ ..

ياريت تنزل لنا بحوار السجق بالمرة ..

20 سنة من أدراة الفنادق يا فندم - من أول مساعد سفرجي الي مدير عام - أعتقد كافيه أني أعمل ساندوتش كبده !! :lol: