هل تضع أهداف لحياتك؟ دعوة لتحقيق أحلامك (متجدد)

[عبير يونس]

ها تضع هدف لحياتك؟

كل منا لديه أحلام و طموحات

و لكن كم منا يحقق أحلامه؟

كم منا لا يكتفي بالحلم فقط

و يضعه في حيز التنفيذ؟

أحلامنا تكون على مستويات مختلفة

فنحن نحلم

بالصفاء الروحاني

الصحة

تحقيق الذات

النجاح الاجتماعي

النجاح المهني

الثراء

و هناك أحلام فرعية من تلك الأحلام

و المسألة مسألة أولويات

فكل منا يختلف لديه الترتيب السابق

و يمكنك ترتيبها حسب أهميتها بالنسبة إليك

لا يكفي الحلم بالطبع

لابد من وضع أهداف

فمن يهدف للنجاح المهني مثلا

عليه أن يجد في تعلم المهارات المطلوبة لما يحلم بالقيام به

فمن أراد أن يكون طبيبا مثلا

فعليه بتعلم الطب

و من أراد أن يكون إعلاميا مثلا

عليه بتطوير شخصيته

و تثقيف نفسه

و مداومة الإطلاع

و هكذا...

لابد من عمل

و لابد من تحديد أهداف واضحة

نضع خطط لتحقيقها

و الأهداف ليست كلها من نوع واحد

هناك أهداف قصيرة الأجل

و أهداف متوسطة الأجل

و أهداف طويلة الأجل

و لابد من وضع خطة لكل نوع من الأهداف على المستويات السابقة من صحة و روحانيات و نجاح مهني...الخ

و الأهم من كل ذلك أن تكون أهدافنا مستمرة

فإذا أردت أن تكون رشيقا مثلا

فهدفك القصير هو تنفيذ ما من شأنه أن يجعلك رشيقا من حمية و رياضة

و الا بتعاد عن كل العادات الضارة التي تسبب السمنة

هو ما سنبدأ به

و لكنه يجب أن يكون مستمرا

و عدم استمرارية مثل هذا الهدف أننا نستعيد و بسهولة ما خسرناه من وزن و أكثر في فترة قصيرة

فالسر أن هدفنا في انقاص الوزن لم يكن هدفا مستمرا

لابد أن يتحول الهدف إلى جزء من حياة الانسان

ليتحول إلى عادة من عاداتك

ثم إلى جزء من طباعك فيصبح هدفك متحدا مع نفسك

و لن تتوقف عنه متى تحقق

فإذا الهدف القصير هو انقاص الوزن

فالهدف المستمر

هو البقاء رشيقا محافظا على صحتك طول العمر

و هو هدف سامي يستحق أن نتخلص من كل ما يعيق تقدمه

و تهدف الخطة المتوسطة الأجل

لعمل توازن بين الأهداف القصيرة

و الأهداف الطويلة الأجل

فأنت تبدأ بإنقاص الوزن كهدف قصير

من يوم إلى ستة شهور

يمكنك تحقيق الهدف

خطة الأهداف المتوسطة الأجل

تبدأ بعد إنقاص الوزن

و تستمر حتى يصبح ذلك جزء من حياتك

فتصبح إنسان محافظ على عادات غذائية سليمة و تمارس قليل من الرياضة

و تستمر إلى خمس سنوات

و بعد الخمس سنوات من المعايشة

من منا يمكنه تغيير ذلك

فنصل بذلك إلى أن الهدف أصبح جزء منا

و ذلك ينطبق على أي هدف آخر

مثل حفظ القرآن الكريم مثلا

أو تعلم لغة جديدة

أو تعلم مهارة مهنية

أو بناء علاقات وطيدة مع الآخرين

و الآن قل لنا

هل وضعت أهدافا لحياتك؟؟؟

:lol:

شكرا و عرفانا لمعلمي د.ابراهيم الفقي

واحد ممن أضاءوا حياتي

جزاه الله خيرا

i*:

[mekkawy]

ما شاء الله موضوع جميل و شيق و مفيد جداً ... و الآن لا عجب معرفة التخرج من مدرسة د. ابراهيم الفقي

الأهداف .... يااااه على الأهداف دي

هتكلم عن نفسي ... أنا كان ليا أهداف كتير أوي من حوالي 4 سنين كدة ... نقدر نقول حققت الأهداف دي كلها .. و الله بدون مبالغة كلها في 2-4 سنين متوزعين يعني ... و بدون ما أدخل في تفاصيل الأهداف دي .. أنا دلوقتي واقع في مشكلة كبيرة أوي ... و هي إني دلوقتي ما عنديش هدف واضح!!!

و أركز على كلمة واضح دي .. عشان تفرق من معنديش هدف واضح .. لمعنديش هدف خااالص

هدفي مش واضح .. عاوز أكبر بس مش عارف عاوز أكبر أبى ايه .. لا لا عارف .. عاوز أبا مدير مبيعات اقليمي في ظرف سنتين و ابا مدير مبيعات عام في ظرف خمس سنين ... بس ما باعملش حاجة للهدف ده .. الخبرة لوحدها مش كفاية .. لازم الإنسان يدرس و يتعلم .. و أنا في الجانب ده أستيكة .. بأعرف أعمل حاجات كتير آه لكن ما درستهاش .. بأعملها كدة بالفهلوة ... و الفهلوة بتيجي عند مرحلة معينة و تعطل .. الفهلوة مستحيل تدخلك شركة مالتي ناشيونال مثلاً ...

نفسي أحدد أهدافي

في كورس سيلز مرة أخدت سمات الهدف و هو انه يكون smart

s = مش فاكرها

m = measurable

a = acheivable

r = real (مش متأكد منها)

t = timed

نفسي أحط هدفف و أركز فيه يكون جامع لصفات الهدف الصح كلها .. ساعات هدفي بيجمع نص الصفات دي .. زي أتشيفابل و تايمد مثلاً .. لكن المشكلة إن أنا اللي ما باكملش أو ما بأحطش خطة لتحديد الهدف ... للأسف اكتشفت مؤخراً إني إنسان مش منظم!!!

مكاوى

[عبير يونس]

ما شاء الله موضوع جميل و شيق و مفيد جداً ... و الآن لا عجب معرفة التخرج من مدرسة د. ابراهيم الفقي

الأهداف .... يااااه على الأهداف دي

هتكلم عن نفسي ... أنا كان ليا أهداف كتير أوي من حوالي 4 سنين كدة ... نقدر نقول حققت الأهداف دي كلها .. و الله بدون مبالغة كلها في 2-4 سنين متوزعين يعني ... و بدون ما أدخل في تفاصيل الأهداف دي .. أنا دلوقتي واقع في مشكلة كبيرة أوي ... و هي إني دلوقتي ما عنديش هدف واضح!!!

و أركز على كلمة واضح دي .. عشان تفرق من معنديش هدف واضح .. لمعنديش هدف خااالص

هدفي مش واضح .. عاوز أكبر بس مش عارف عاوز أكبر أبى ايه .. لا لا عارف .. عاوز أبا مدير مبيعات اقليمي في ظرف سنتين و ابا مدير مبيعات عام في ظرف خمس سنين ... بس ما باعملش حاجة للهدف ده .. الخبرة لوحدها مش كفاية .. لازم الإنسان يدرس و يتعلم .. و أنا في الجانب ده أستيكة .. بأعرف أعمل حاجات كتير آه لكن ما درستهاش .. بأعملها كدة بالفهلوة ... و الفهلوة بتيجي عند مرحلة معينة و تعطل .. الفهلوة مستحيل تدخلك شركة مالتي ناشيونال مثلاً ...

نفسي أحدد أهدافي

في كورس سيلز مرة أخدت سمات الهدف و هو انه يكون smart

s = مش فاكرها

m = measurable

a = acheivable

r = real (مش متأكد منها)

t = timed

نفسي أحط هدفف و أركز فيه يكون جامع لصفات الهدف الصح كلها .. ساعات هدفي بيجمع نص الصفات دي .. زي أتشيفابل و تايمد مثلاً .. لكن المشكلة إن أنا اللي ما باكملش أو ما بأحطش خطة لتحديد الهدف ... للأسف اكتشفت مؤخراً إني إنسان مش منظم!!!

مكاوى

معرفة المشكلة يعتبر 50% من الحل

يعني مادام عرفت إنك مش منظم

يبقى تشتغل على كده

النظام مقدور عليه مع التخطيط

بس من كلامك حاسة ان نفسك قصير

يعني بتزهق بسرعة

خللي أهدافك تتخلص من الحاجة دي أولا و ده يبقى هدف ذاتي

لتحسين و تطوير الذات

النفس الطويل (الصبر الجميل) هدف مطلوب جدا و يجب أن يكون هدف حياة لسموه و علوه

خلليه الهدف الأول

و ده هو اللي حيظبط لك باقي أهداف حياتك

أهم حاجة تعملها عشان الهدف ده

انك تاخد أهدافك بالراحة و بالتدريج

تمشي هدف

هدف

عشان ما توصلش لمرحلة الزهق

واضح انك مليان طموح

و ده بيشوش على حياتك

خد الأمور ببساطة أكثر

يعني حأديك مثل بسيط

لما حد عايز يلتزم أكثر في الصلاة مثلا

المفروض يمشي واحدة واحدة

يعني لازم أول خطة تكون المحافظة على الفروض الخمسة في جماعة مثلا

يبتدي بأسهل صلاة عنده (بالنسبة للجماعة)

يعني ممكن واحد بيصحى بدري جدا و سهل عليه ينزل يصلي الفجر في المسجد

واحد تاني العصر هو اللي سهل عليه

و هكذا

يبدأ بالحاجة السهلة و يشتغل عليها

لحد ما تبقى عادة

و بعدين تبقى جزء من حياته ميقدرش يعيش من غيرها

و بعدين يكمل الباقي واحدة واحدة

و بدون ملل

لحد ما يوصل

لكن لو قلت بحماس لا ده أنا حأصلي الفروض الخمسة كلها في المسجد

ممكن تستمر يومين ...ثلاثة... أسبوع لحد ما يفتر حماسك

و بعدين حترجع تمل و ما تكملش

وده يسبب لك إحباط

و الإحباط يجيب إحباط

امشي بالراحة

ما تاخدش الأمور قفش

اعمل خطة قصيرة الأجل

و لما تلتزم بيها

طولها لمتوسطة الأجل

و لما تنجح

من غير ما تحس حتبقى جزء منك و بقت هدف مستمر

طيب حأقولك حاجة

انت هدفك دلوقت تبقى مدير مبيعات

و بعدين مدير اقليمي

و بعدين؟؟؟

لازم تكون حاطط أهداف بعيدة الأجل و مستمرة حتى آخر لحظة في حياتك ( ربنا يبارك في عمرك)

و بعدين لازم يكون عندك خطط لكل الجوانب

الروحاني (علاقتك مع الله عز وجل)

الصحي (علاقتك بجسدك و صحتك)

الذاتي ( نظرتك لنفسك و تطوير ذاتك بزيادة حسناتك و التخلص من عيوبك)

الاجتماعي (علاقتك بالآخرين الأسرة والعائلة و الأصدقاء و الزملاء و الجيران ..الخ)

المهني (عملك و تطوير مهاراتك للترقي)

و أخيرا المادي

و اللي طبعا حتى لو ما اديتلوش أي أهمية

أكيد بعد اهتمامك بالخمسة جوانب اللي فوقه

أكيد حتوصل ماديا

و وقتها لما ربنا يوسع عليك ماديا

حتبقى انسان متكامل و عارف كويس حتعمل بيها ايه

استعن بالله و اقعد حدد أهدافك في ثلاث خطط

واحدة قصيرة (0-6 شهور)

و أخرى متوسطة (6شهور - 5 سنوات)

و ثالثة طويلة (5سنوات - 25 سنة)

و حط في كل واحدة 5 أهداف للخمس جوانب

روحاني -صحي -ذاتي -اجتماعي-مهني

يعني مثلا في الخطة القصيرة

هدف روحاني = حفظ 5 آيات من القرآن الكريم يوميا

هدف صحي= أشرب 8-10أكواب من الماء يوميا

هدف ذاتي= اتخلص من سرعة الغضب

هدف اجتماعي= أحسن علاقتي بشخص ما

هدف مهني= آخد الكورس الفلاني

و التزم بالخطة دي و بس

و ما أزودش على أهدافي

و أقيم نفسي و أدائي

تقييم يومي و أسبوعي و شهري

و ممكن أحط مكافآت لنفسي على التزامي بالخطة

و اكتب التقييم ده

و بلاش عقوبات صارمة

و احساس بالذنب

لأنهم حيؤدوا للإحباط

و أشوف نفسي بعد 6 شهور كحد أقصى

أو حسب ما تحط لنفسك

و طبعا أعمل واحدة كمان متوسطة بحد أقصى 5 سنوات

هدف روحاني = ختم القرآن الكريم

هدف صحي= أصل للوزن المثالي مع عادات غذائية سليمة و ممارسة الرياضة بانتظام

هدف ذاتي= أصل للصبر الجميل

هدف اجتماعي= أصبح أكثر ودا مع الناس

هدف مهني= انهيت دبلومة مثلا أو ماجستير

و طبعا الخطة الطويلة

انك تبقى انسان رائع على كل المستويات

و يكون فيها أحلامك الكبيرة

هدف روحاني = اصل لدرجات ايمانية عالية

هدف صحي= صحة جيدة و بعد عن أعراض الشيخوخة

هدف ذاتي= انسان رائع

هدف اجتماعي= علاقات ناجحة

هدف مهني= أعلى ما أتمنى من درجات علمية و مهارات

و اكتب بالورق و القلم

و راجع الورقة كل ليلة قبل ما تنام

و أول ماتصحى

و كل وقت

أهدافك= حياتك

هل أنت مستعد ؟؟؟

تم تعديل 19 مايو 2010 بواسطة مصرية متغربة

[عماد حمدي]

أولا ً أحيكي " مصرية مغتربة " ع الموضوع الممتع دا ..

وشكري الخاص للدكتور : إبراهيم الفقي md2:

بسم الله الرحمن الرحيم

بالنسبة ليا .. فانا مقسم أهدافي إلي شقين أساسيين وهما :

أهداف قصيرة المدي " ياعني المفروض تتحقق في خلال فترة شهر او اتنين او تلاتة "

و

أهداف بعيدة المدي " ودي غالبا ً بتكون أهداف قوية جدا ً هتأثر ع حياتي المهنية والإجتماعية والشخصية تأثير ملحوظ "

انا عامل بقا حركة كدة بس محدش يتريأ عليا ..

عارفين ورق الخرايط الكبير أوي دا " متر في متر

جبتة وراسم هرم كبير أوي .. وع سفح الهرم كاتب كلمة " إستقرار "( مستوي مهني المحاسبة والإدارة المالية + إجتماعي الجواز والأسرة والأولاد + أمور شخصية آخري )

وبداية الهرم من تحت مقسمها درجات ( صفوف ومربعات ) وكاتب فيها اللي المفروض أعمله علشان اخلص الصف دا ..

وأنتقل الي الصف الثاني وهكذا .. وكل مربع من دول يخلص مثلا ً الهدف او الخطوة المطلوبة مني ..

بعلم بالماركر كدة وبكتب تاريخ التحقيق .. في آخر الصفحة عامل مستطيل كدة بكتب في الملاحظات الهامة بالرصاص ..

كل دا حاطة في غرفتي الخاصة .. بحيث كل يوم اول ما افتح عنيا أشوف الخريطة دي واشوف الهرم بتاعي

وانا وصلت لفين واية اللي مطلوب مني الأيام دي ..

علشان مشاغل ومشاكل الحياه متخلنيش أنسي هدفي وحلم عمري ..

طولت عليكم معلش .. بس بجد جربوا الطريقة دي جميلة ومفيدة جدا ً وهتحس ان ليك فايدة في الحياه ..

ويتنجز أشياء كتير ودا هيعطيك الحماس إنك تكمل ومتيأسش ..

طبعا ً الناس المغتربين وساكنين مع حد مينفعش تعلقها كدة في الغرفة :D عامل نسخة ع الكمبيوتر كمان :D

بالتوفيق للجميع ,,

:D :D

Omda2006

Emad Hamdy

[رضوي]

السلام عليكم ورحمة الله وبركاته

حبيبتي مصرية مغتربة

تحياتي علي الموضوع الرائع

الحمد لله اهدافي واضحة ادامي لحد كبير ........ اهداف عامة واهداف فرعية واهداف طويلة واهداف قصيرة

وكل هدف له وسيلة لتحقيقه ....... والوسيلة كانت اصلا في البداية هدف ........ لدرجة اننا لو امعنا النظر في كل هدف هنلاقيه وسيلة لتحقيق هدف اكبر ........ومش هنعرف نوصل للهدف النهائي غير انه ايجاد السلام الداخلي مع النفس وصولاً لتحقيق غاياتها

بمعني

انا هدفي اني اذاكر كويس النهاردة ...... ليه ؟ علشان اقدر احصل دروسي وافهمها ....... علشان اقدر انجح بتقدير كبير ...... علشان اقدر اوصل لمكانة معينة في المجتمع ......... علشان اقدر من خلالها احقق ذاتي واثبتها ......... علشان يبقي ليا مكان في المجتمع وفرصة .....الخ

كل هدف هو وسيلة لتحقيق اهداف اخري اكبر واشمل

علشان اقدر احقق هدف لازم

- اني اكون مقتنعة بأهميته

-يكون عندي القدرة علي تحقيقه

-يكون عندي الصبر والعزيمة لتحقيقه

-ابقي محددة الوسائل والاساليب اللي توصلني لهدفي

-دايماً يكون عندي البدائل المتاحة للوصول للهدف

-يكون عندي الدافع لتحقيقه ( او الحاجة لتحقيقه )

الايمان بالله وصفاء النية والتوكل عليه وحده لاشريك له ليه نصيب كبير في تحقيق الهدف

الصبر ......... من اهم الاخلاق اللي لازم يتحلي بها من يسعي للوصول لهدفه ........ مع المثابرة

مهارة التحدي

شجاعة للاعتراف بالفشل ........ والسعي للنجاح بطريقة اخري

مرونة لاستخدام الوسائل والاساليب المتاحة

ابتكار ........... مش هتتميز الا لما تبتكر

اصرار .......... وقعت قوم اقف

التوكل علي الرحمن

[mekkawy]

أنا تنحت

مكاوى

[شريف مان]

بالنسبة لكلامك يا عمدة عن الخريطة

فى كتاب Life's Little Instruction

نصيحة معناها

اكتب 10 اشياء تريد انجازها في حياتك ثم ضع الورقة في محفظتك

تم تعديل 19 مايو 2010 بواسطة شريف مان

[بركة]

اسمحوا لي اضيف اضافة بسيطة مما تعلمته من دكتور ابراهيم الفقي ايضا .

لابد ان نقيم اهدافنا من فترة لاخرى ونعدلها ونغير فيها ..لا مشكلة في ذلك على الاطلاق ..فذلك من المرونة المطلوبة لتحقيق النجاح

فمن الطبيعي ان تجد نفسك قد وضعت هدفا غير مناسب أو غير قابل للتحقيق لظروف خارجة عن ارادتك

فحينها لا نتراجع بل نستمر في التقييم والتعديل حتى نحقق النجاح

وأختم بكلمات جميلة تبعث الامل في روحي دائما للدكتور الفاضل عمرو خالد جزاه الله عنا خيرا

" محدش بيحط في دماغه فكره ويعيش عشانها الا ولازم هيحققها " :happy:

[hOuSsAm]

موضوع جميل جدا بشكرك عليه

انا بصراحة محدد اهدافى كويس وفاهم بعمل ايه وعارف كل خطوة هعملها امتى وهتيجى ازاى (وكانزمان اصحابى بيستشرونى ازاى يخططوا لحياتهم ويحددوا اهدافهم)

ودرست كتير عن تنظيم الوقت وادارة الذات والتفكير الابتكارى والقيادة ويقت السوفت سكيلز

عندى مشكلة كبيرة اوى مع نفسى وبقالى حوالى 3 شهور مش عارف احلها

انا سعات بهنج او بالبلدى انا سعات بتعب ومش قادر اعمل اى حاجة

والمجهود عندى بيقل يعنى بتقفل معايا وبسيب كل الاهداف دى والخطة اللى ماشى عليها

زى متقولى كدة اخر السنة اللى فاتت طلعت السما ومسكت النجوم بايديا وبعدين رمونى من فوق خالص عالارض وعضمى اتكسر

انا عايز حل....................... بس من غير متقوليلى خد اجازة عشان انا محتاج لكل دقيقة الفترة الجاية :happy:

[عبير يونس]

الحقيقة حاسة بسعادة كبيرة من مشاركاتكم يا جماعة

ربنا يوفقكم جميعا

عمدة با شا

:blush2:

أنا أؤمن جدا إن مش لازم نتبع طريقة تقليدية و معروفة و ثبت نجاحها

في رأيي

ان احنا نطلع على كل الطرق

و كل واحد يبتكر طريقة تناسبه

أحيي حضرتك

و أتمنى لك مزيد من التقدم

:blush2:

رضوي حبيبتي

:happy:

كلامك دايما حلو ما شاء الله و بيبعث الأمل

و واضح انك ما شاء الله شخصية منظمة و عارفة انتي عايزة ايه

أحييكي بشدة

و أتمنى لك السعادة في الدارين

:blush2:

مكاوي باشا

:blush2:

التتنيح مش وقته خالص العمل هو المفيد

(وش شادية في مناسبة تحرير سيناء(

ارفع شعار لا للأنتخة

لازمك تمارين تنفس كتييييييييييييييييييييير

wst::

شريف مان باشا

:blush2:

جزاك الله خير على اسم الكتاب و يارب أعرف أحصل عليه هنا في مكة

ربنا يسهل

تحية كبيرة يافندم

:blush2:

بركة حبيبتي

:blush2:

" محدش بيحط في دماغه فكره ويعيش عشانها الا ولازم هيحققها "

دي خلاصة القول يا قمر

أحييك بشدة

wst::

[عبير يونس]

حسام باشا

:blush2:

أجمل حاجة في موضوع تطوير الذات و تحقيق الأهداف

هو وجود

التحديات

و القدرة الدائمة على البدء من جديد

يعني ايه تحديات؟

يعني مثلا هي الحاجات اللي الواحد مش عايزها تحصل

و اللي طبعا بتحصل

wst::

في ناس بقى بتحرق الدنيا لما يحصل حاجة مش عايزاها

و بتبقى عايزة تولع في اللي حواليها

و في ناس بتستسلم

و بتعتبر نفسها صابرة و طبعا ده وهم

و حنبقى نتكلم بعدين عن موضوع الصبر ده

و في ناس بتقابل الحاجات دي بلا مبالاة

و قليل من الناس اللي بيبقى مستعد لها بخطط و خطط بديلة

يعني مثال بسيط كان عاجبني اوي في أمريكا

في سنة 1995

حصل زلزال مدمر لولاية كاليفورنيا

قبل حفل توزيع جوائز الأوسكار الشهير

الزلزال دمر كل البنية التحتية للولاية

و انقطعت الكهرباء

و رجعوا للقرون الوسطى

تفتكروا ايه اللي حصل؟

واحد يقوللي حفل أوسكار ايه و زفت ايه

مش اما نشوف المصيبة اللي احنا فيها دي

ده حتى حرام :blush2:

ده أصله غضب من ربنا و لازم تتعظوا يا بشر

على فكرة همة عندهم ناس في أمريكا بيقولوا الكلام ده برضه .. اوعوا مخكوا يروح لبعيد و تفتكروني بأقصد حد معين هنا و الا حاجة

:happy:

طبعا اللي حصل - و ده اللي في رأيي مخللي أمريكا في مصاف الدول المتقدمة-

انهم عملوا حفل الأوسكار في ميعاده

و حتى ما تأجلش

لأنهم ببساطة مجهزين خطط بديلة لو حصل أي مشكلة

في علم درسناه في الكلية

اسمه

"إدارة الأزمات"

الأمريكان أساتذة فيه

بيعلمنا ازاي نتعامل مع الأزمة

و بمعنى أدق

بيعلمنا ازاي نستعد لها قبل ما تحصل

يعني مثال بالبلدي كده

أنا مثلا كزوجة و أم بتقابلني تحديات في يومي في البيت

حيث أني لا أعمل حاليا خارج المنزل (أعمل مترجم حر)

فبيكون ليا ترتيب يومي للي حيحصل

الولاد و المدارس و الفطار و البيت و الغدا و..و ..و

لازم اتوقع

ان مش كل حاجة حتمشي حسب الخطة

يعني

ممكن نصحى متأخر مثلا

عشان كده بنبقى مجهزين كل حاجة من الليل

لو صحينا بدري بنبقى براحتنا و ريلاكس

و لو لا قدر الله اتأخرنا

منبقاش بندور ع الحاجة و بنجري

لما يخرجوا مع باباهم بالسلامة

بيفضل معايا كتاكيت صغيرين قبل سن المدرسة

ليهم برنامج آخر

معمول حساب

ان الشاي بحليب يندلق

أو الفتافيت تقع على السجادة

وبيبي على الأرض

و حاجات تتكسر

...الخ

رغم الاحتياطات طبعا

عارفين كنت بتخنق اوي لما ده يحصل

و ممكن ازعق

و ابقى مش طايقة نفسي

لحد ما قعدت كده مع نفسي

و قلتي يا بنت يا مصرية

قلت نعم

:blush2:

طب هو يا بنتشششي مش منكن يعني لأيوتها سوبب من الأسباب (وش لماضة)

انك انتي اللي توقعي الحاجات دي على الأرض من غير قصد يعني؟؟؟

قلت طبعا مونكن

:blush2:

و في الآخر مش حتتنيلي على عينك و تقومي تمسحيه؟؟

:blush2:

قلت طبعا

طب يبقى ليه بقى الخنقة اللي انتي عاملاها دي

ما تنكتمي و خلاص من الأول

:blush2:

طبعا الاحتياطات لمواجهة التحديات دي

اني مثلا ما أكلهموش في اوضة الصالون مثلا

و ما اديهومش يشربوا في كوبايات من الزجاج

ادخله الحمام قبل ما يعمل على نفسه

و هكذا

و ببساطة الحوادث تحدث

ACCIDENTS JUST HAPPEN

و دي اللي لازم نتقبلها بهدوء

و عدم انفعال

أو هلع

عشان صحتنا اولا

و عشان نعرف نتصرف

لأن الشخص المتوتر و المرتبك دايما بيغلط

و ممكن يعالج الأمر بمصايب أكثر

ده بالنسبة للتحديات

أما بقى

كيف يكون لديك القدرة لتبدأ من جديد؟؟

ف....

كوكوكوكو

و هنا

أدرك شهرزاد الصباح

و قامت تغير الحفاضة للست سلافة

:blush2:

[لماضة مصرية جدا]

السلام عليكم و رحمة الله و بركاته

اتصدقي يا مصرية يا مغتربة...اني من ساعة ما شوفت الموضوع ع البانر و انا حاطاااااه هدف كده و بنشن عليه.

وقفت اوي عند جملة

"دعوة لتحقيق احلامك"

طب إزاي

دماغي راحت لفكرة الفانوس السحري....ا

للي المبختين ممكن يلاقوه في رحلتهم في الدنيا....

و هووب يدعكوه.....

و هووووووب يطلع المارد يقول شبيك لبيك

وهووووووووب يلاقي قدامه طبق فاكهة..................بلاستيك

بس الدنيا لا هي مارد.....يحقق احلامنا بطرفة عين....

و لا هي فانوس نتكعبل فيها و يا طلع فانوس المارد...يا طلع لمبة جاز

يبقي اكيد قصدك......

ان كل واحد فينا جواه الفانوس بتاعه...و بتاعه هو بس....

مش محتاج يقعد يدور علي فوانيس براه....

بس هو لسه مش عارف الطريق للفانوس بتاعه....

بس منين ما لقاه....

و دعكه بطريقته هو برضه....اكيد هيلاقي ماااااااااااااااااااااااااااااااارد. و ده مارد اكيد مختلف

..هيقدر يحققله مش بس احلامه....لا ممكن بفضل الله يوصل للمستحيل و ما كنا نراه في لحظة ما....منتهي منتهي المعجزات

بصي بقي يا ستي...

انا الفانوس بتاعي.....مرة ينور...مرااااات اطفي....بس مش زعلانة انه بيطفي الحقيقة

لاني تقريبا كده قدرت افك شفرة الكتالوج و اعرف زرار التشغيل منين

زمان كنت كتبت مجموعة زراير تشغيل قصدي اهداف....و حطتها قدام عيني

بس الحقيقة مكنوش كفاية بالنسبة ليا خالص

الحمد لله اتحققوا.....بس بلاقي و و انا مشمرة و بشتغل في واحد بيتولد واحد تاني...

قووووووم ايه اربط راسي بالمنديل المحلاوي....و اقول بس هوه ده...امسك فيه

الدراسة الحمد لله تمت.......بس و انا بدرس تخصصي لقيت دماغي حادفة في ناحية تانية خالص.....و دي ان شاء الله هتتحقق....بس بعد الاستقلالية المالية

احيانا بحس ان فيه أهداف نقدر نقول عليها......

"أهداف اول العتبة"....يعني اللي هي بس تحطك ع اول الطريق....

زي نخلص دراسة...

اشتغل.....

يبقي معايا فلوس

فيه اهداف تاني بقي و دي اللي تاعباني اوي.....بسميها "أهداف القعاد ع القمة".....

يعني انا بعد ما اديت الخدمة العسكرية و حصلت علي شهادة البكالريوس و لا الماستر في كلية مبحبهاش....ممكن بقي اركز اخر حاجة و اعمل قفزة في مجالي....بس تبقي بتاعتي انا و بس...و يمكن يمكن.....الناس بعد ما اموت تفتكرني بيها

ع فكرة بحس كل الناس كده كده هتوصل للقمة دي.....

بس فيه ناس هدفها توصل زي ارنب انرجايزر و فيه ناس بتحب تاخدها واحدة واحدة ....

بس الاكيد ان اللي بيوصل للقمة مش بيبقي لابس بارشوت و هالل علينا من السما.

ع فكرة القمة دي برضه مش شرط اني ابقي مثلا هاخد جايزة نوفل عن العلوم الانسانية لسنه 2030.....بس ممكن تكون القمة بتاعتي...اني اكون "أم قمة"....و "زوجة قمة"......و "ابنة قمة".....و هكذا

كل واحد ممكن يعمل القمة بتاعته...و هيوصل لها بس يلاقي الاول الفانوس جواه.

رغيت كتير

بس قولتلك انا منشنة ع التوبيك من بدري

يا رب يكون نشاني في قلب الدايرة

فوتك بعافية

صبااااااااااحك.....قمم...لا نشبع ابدا من متعة الوصول اليها.....و لا من متعة النظر الي كل خطوة بالاسفل

[Diab]

موضوع جميل

[Diab]

في مدونة لرؤوف شبايك جميلة جدا

وفي موقع شريف صبري بتاع التنمية البشرية

في ناس تعرفه بتاع كاريكاتير موقع بص وطل وروزاليوسف

[عبير يونس]

السلام عليكم و رحمة الله و بركاته

اتصدقي يا مصرية يا مغتربة...اني من ساعة ما شوفت الموضوع ع البانر و انا حاطاااااه هدف كده و بنشن عليه.

وقفت اوي عند جملة

"دعوة لتحقيق احلامك"

طب إزاي

دماغي راحت لفكرة الفانوس السحري....ا

برافو عليكي يا لمضمض

هو ده تمام اللي اقصده

كل واحد فينا ربنا خلقه و فيه نور

بس لازم ندفع فاتورة الكهرباء

عشان النور يفضل منور على طول

و أكيد في فترات مبيبقاش عندنا رصيد ندفع الفاتورة

فالنور بيقطع لحد ما نسدد

في ناس بتسدد بسرعة لأنها متقدرش تعيش من غير النور

و في ناس بتطنش لحد ما يتلغي الاشتراك بتاعها

بس الجميل فعلا

اننا دايما عندنا فرصة نعمل اشتراك من جديد

النور موجود دايما

بس للأسف فيه ناس بتعشق الظلام

{اللّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّوُرِ وَالَّذِينَ كَفَرُواْ أَوْلِيَآؤُهُمُ الطَّاغُوتُ يُخْرِجُونَهُم مِّنَ النُّورِ إِلَى الظُّلُمَاتِ أُوْلَـئِكَ أَصْحَابُ النَّارِ هُمْ فِيهَا خَالِدُونَ }البقرة257

اللهم لا تجعلنا منهم يارب

آمين

[عبير يونس]

في مدونة لرؤوف شبايك جميلة جدا

وفي موقع شريف صبري بتاع التنمية البشرية

في ناس تعرفه بتاع كاريكاتير موقع بص وطل وروزاليوسف

شكرا يا فندم

عارفة مدونة شبابيك فعلا جميلة

بس حأشوف موقع شريف صبري ده

و أرجع أعلق عليه

[عبير يونس]

آخر مداخلة كانت من سنة تقريبا

يا ترى ايه اللي حصل لنا خلال السنة دي؟

يا ترى حققت حلم من أحلامك ؟

أهدافك مستمرة؟؟

طب غيّرت أهداف اكتشفت انها ما كانتش مناسبة؟؟؟

متشوقة أسمع من حضراتكم

[عبير يونس]

يعني ايه تحديات؟

يعني مثلا هي الحاجات اللي الواحد مش عايزها تحصل

و اللي طبعا بتحصل

wst::

في ناس بقى بتحرق الدنيا لما يحصل حاجة مش عايزاها

و بتبقى عايزة تولع في اللي حواليها

و في ناس بتستسلم

و بتعتبر نفسها صابرة و طبعا ده وهم

و حنبقى نتكلم بعدين عن موضوع الصبر ده

تعالوا نتكلم عن موضوع الصبر

يعني ايه صبر؟

يعني ينفع يبقى نفسي في كيكة

و قاعدة مستنية جنب الفرن

و انا لا حضرتها و لا دخلتها الفرن و لا اشعلت اغاز؟؟؟!!!

هل يصح أن أعتبر نفسي من الصابرين؟؟؟

طب لو قاعد اصطاد

و لا معايا صنارة

و لا معايا طُعم

و مستني السمك انه ينط من الميه و يجي على حجري

و يا سلام لو كان مشوي كمان

و أفضل اروح كل يوم أمام البحر و اقعد النهار بحاله مستني

هل ده صبر؟؟

طيب لما اتخرج من الجامعة

و اقعد في البيت مستني الوظيفة

بالسنين

هل ده صبر؟؟

ياترى ايه رأي حضراتكم في الصور دي؟؟

و هل هي من الصبر الذي سيكافأنا ربنا عز وجل عليه

( و بشر الصابرين)

؟؟؟

طيب ازاي نطور المواقف دي و ندفعها للوصول إلى مرحلة الصبر الذي يسبق مرحلة جني الثمار

منتظرة حضراتكم

[jasmin hamed]

معلش هخرجك عن الموضوع شويه

ساعات بحس ان الممجتمع............. الاسره ...............الزوج.............. الدنيا

سمها ما تشائى

هيه الى بتضع اهداف الحياة للنساء من خلال نمط واحد

للنجاح فى عقولهم

احيانا بحس ان حتى الاحلام لو خرجت بره الاطار بنتحاسب عليه

[Diab]

ما شاء الله موضوع جميل و شيق و مفيد جداً ... و الآن لا عجب معرفة التخرج من مدرسة د. ابراهيم الفقي

الأهداف .... يااااه على الأهداف دي

هتكلم عن نفسي ... أنا كان ليا أهداف كتير أوي من حوالي 4 سنين كدة ... نقدر نقول حققت الأهداف دي كلها .. و الله بدون مبالغة كلها في 2-4 سنين متوزعين يعني ... و بدون ما أدخل في تفاصيل الأهداف دي .. أنا دلوقتي واقع في مشكلة كبيرة أوي ... و هي إني دلوقتي ما عنديش هدف واضح!!!

و أركز على كلمة واضح دي .. عشان تفرق من معنديش هدف واضح .. لمعنديش هدف خااالص

هدفي مش واضح .. عاوز أكبر بس مش عارف عاوز أكبر أبى ايه .. لا لا عارف .. عاوز أبا مدير مبيعات اقليمي في ظرف سنتين و ابا مدير مبيعات عام في ظرف خمس سنين ... بس ما باعملش حاجة للهدف ده .. الخبرة لوحدها مش كفاية .. لازم الإنسان يدرس و يتعلم .. و أنا في الجانب ده أستيكة .. بأعرف أعمل حاجات كتير آه لكن ما درستهاش .. بأعملها كدة بالفهلوة ... و الفهلوة بتيجي عند مرحلة معينة و تعطل .. الفهلوة مستحيل تدخلك شركة مالتي ناشيونال مثلاً ...

نفسي أحدد أهدافي

في كورس سيلز مرة أخدت سمات الهدف و هو انه يكون smart

s = مش فاكرها

m = measurable

a = acheivable

r = real (مش متأكد منها)

t = timed

نفسي أحط هدفف و أركز فيه يكون جامع لصفات الهدف الصح كلها .. ساعات هدفي بيجمع نص الصفات دي .. زي أتشيفابل و تايمد مثلاً .. لكن المشكلة إن أنا اللي ما باكملش أو ما بأحطش خطة لتحديد الهدف ... للأسف اكتشفت مؤخراً إني إنسان مش منظم!!!

مكاوى

SMART goals are goals that are Specific, Measurable, Achievable, Realistic, and Time-bound

.

تم تعديل 2 مايو 2011 بواسطة Diab