فيفى والفيفا !!!

[حشيش]

فى خبر عاجل وردنى للتو أن الراقصة المصرية الأصيلة فيفى عبده قد إتصلت بالفيفا ودار بينهما الحوار التالى:

ألو...الفيفا

أيوه إحنا الفيفا...مين حضرتك؟

أنا فيفى

فيفى مين؟

أم المصريين يابلاترالكلب ياعره

هدى خلقك ياست فيفى...الكلام أخد وعطا

هوه انته خليت فيها...ولا صوت يازبالة

ياست فيفى...ما هو الملف بتاعكم الحقيقة ما يشرفش

ليه...ماله الملف ياروح النونا...خلى الكلام عن الشرف ده بينى وبينك بعدين

ياست فيفى...الملف كله عن الهرم وأبو الهول وأم الخلول...مفيهوش حاجة خالص عن اللعب

ماحنا ياما لعبنا...خدنا إيه من اللعب

مفهوم...بس برده أى كلمتين عن الكورة...الأستاد...أهو أى حاجة نقدر نتسند عليها

إتسند عليه...ولا أنا مش قد المقام

مقامك على الراس من فوق ومن تحت...بس أنا ظروفى صعبة والعنين مفتحة عليا

بقولك إيه قصر...أنا إديت كلمة شرف لبتاع الشباب والرياضة عندنا إنى ما بقاش فيفى لو ما رجعت التنظيم لمصر...الراجل يا حبة عين أمه جه واترمى فى عرضى وحالته تصعب عالكافر...جالى وايديه بتترعش وقال لى إلحقينى يافيفى حلبسها لوحدى علشان أغطى عالروس الكبيرة وانته فاهمنى مش حقدر أفسر...الحيطان لها ودان

طب إيه اللى أقدر أعمله أنا دلوقتى...التنظيم راح خلاص لجنوب أفريقيا والمولد إنفض

بسيطة...قول إن رئيس جنوب أفريكيا ده طلع عنده إيدز وممكن يعدى اللاعيبة

طب حتى لو تم المراد وخلعنا جنوب أفريقيا...حيروح التنظيم للمغرب

سيب لى أنا المغرب دى...أنا رايحة أرقص هناك الأسبوع الجاى...حسكرهولك طينة وامضيه على تنازل

نجرب...الموضوع مش سهل لكن طلباتك أوامر ياموزا

أهو ده العشم يابيبى...مستنية أسمع أخبار حلوة...إبقه إتغطى كويس قبل ما تنام...هىهىهى

[se_ Elsyed]

صحيح مايجيبها إلا ..... فيفيهاتها ..

شكراً حشيش باشا على المكالمة الظريفة دي .. ونسيت أقول لكم يا جماعة إن حشيش بيشتغل بعد الظهر في سنترال النزهة ومن اغرب هواياته إنه بيحب يطمئن بنفسه على احوال الشعب ويعرف ما يدور بينهم ويتدخل لحل أي مشكلة في الوقت المناسب ..

بس إنت عملت مونتاج يا شيشو للمكالمة لأن الأوديو فايل اللي بعثتهولي كان في كلام زيادة وحركات وكده بين فيفي وبلاتر واعضاء اللجنة التنفيذية للفيفي قصدي للفيفا...

( حشيش شكله بقى يمشي عالحبل ويخاف يقول أي كلمه كده ولا كده أحسن أأأأ fsh::  )

أديني مستني أما شوف سي بلاتر هايعمل خاطر للست فيفي ولا هايقنطرها زي ما عمل في الوفد المصري وأدلهم صابونة كامي .

[linux]

أنت كده فضحت نفسك يا أبو الأنفاس!! أكدت أنك شغال مع مصطفي حسين ... يا أما أشتاتن أشتوت ... يجعل كلامنا خفيف عليهم!

http://www.elakhbar.org/issues/16244/images/smsm.jpg

[White heart]

مش ممكن .. انت فعلا دمك زى الشربات يا حشيش،

يا خسارة انا حابب أشاركك، و أعبر عن ابتسامتى اللى انت رسمتها و بترسمها، لكن مش عارف ازاى؟؟!

تنفع الصورة دى يا ترى؟

[حشيش]

(حشيش شكله بقى يمشي عالحبل ويخاف يقول أي كلمه كده ولا كده أحسن أأأأ)

والله يابو السيد كان نفسى أكتب أكتر وفى حدود أداب الحوار بمحاورات المصريين بس إنته عارف مقص الرقيب...هوه أنا إتعقدت من شيئ شوية...حذف وإنذار وتغريب ونفى من الأرض :unsure:

أنت كده فضحت نفسك يا أبو الأنفاس!! أكدت أنك شغال مع مصطفي حسين ... يا أما أشتاتن أشتوت ... يجعل كلامنا خفيف عليهم!

والله يالينوكس أنا أول مرة أشوف النكتة الظريفة دى...ولكن كما تعلم هناك نوع من توارد الخواطر بين الفنانين :angry:

تنفع الصورة دى يا ترى؟

دى هايلة...نفسى أعرف إنته إزاى بتكتب التعليق على الصورة...ياعم علمنا حاجة لوجه الله...خدنا تحت جناحك ياوايت mfb:

[White heart]

حشيش كتب:

دى هايلة...نفسى أعرف إنته إزاى بتكتب التعليق على الصورة...ياعم علمنا حاجة لوجه الله...خدنا تحت جناحك ياوايت mfb:

يا عزيزى العفو، دة ييجى ايه جنب خفه الظل التلقائية بتاعتك ....

على العموم انا بصراحة بأغش :unsure: ، لأن الكتابة اللى موجودة على الصورة، ماهياش كتابة، هى برضة صورة!!!

بمعنى أوضح انا أكتب اولا النص المطلوب فى أى برنامج كتابه عادى، و ليكن Word ، و بعدين بمساعدة أى برنامج Screen or picture capture ، و ليكن برنامج العزيز Modest الذى تحدث عنه مع شرح وافى فى موضوعه: شرح برنامج SnagIt 7 ، أقوم بتصوير النص، أخيرا أقوم بتجميع الصورتين و تركيبهم و حفظهم كصورة واحدة بمساعدة أى برنامج لمعالجة الصور، و ليكن Microsoft Picture-it ، و أخيرا حفظ الصورة لتظهر على ما تراه، الحقيقة انا الجأ الى كل هذه "القصة" لأن جميع برامج الصور أو الصوتيات، أو الفيديو المركبة لدى بلا استثناء لا تدعم اللغة العربية :angry: !!، بمعنى ان العمليه سوف تصبح أكثر سهولة اذا كان برنامج معالجة الصور يدعم اللغة العربية.

أرجو أن أكون قد وفقت فى الاجابه على تساؤلك، و اذا كانت الاجابه بالنفى، فسيسعدنى أن احاول اجابتك على أى سؤال فى هذا الشق ان كان فى استطاعتى ....

أشكرك ثانية على هذا المناخ الذى توفرة لنا، و فيما بيننا - فما أحوجنا اليه.

[Lighthouse]

يخرب عقلك ياحشيش

هههههههههه

هايل

مكاملة تلخص الوضع الصحيح

اهو كله رقص

مش فالحين غير في الرقص وبس

حتى الكرة مش فالحين فيها

ولا ملاعب

ولا لعيبة

ولا اي حاجة

بلاخيبة

لو كانوا استعانوا بالست روبي

يمكن كنا كسبنا التنظيم :unsure: :angry:

[ragab2]

الحقيقة

محاورات جميلة وتهوس

حشيش صاحب خفة الدم المصرية

وسى السيد ابن البلد سريع الفكاهة

ولونكس والقلب الأبيض سريعى الوصلات وبارع فى تركيب الصور وأعمال الفوتوشوب

لو طلبت لبن العصفور حاتلاقى عنده وصلته

أما الجنس اللطيف بالمحاورات فحدث ولا حرج

فخفة روح بنت البلد المصرية متلازمة معهن

شكرا

لحشيش وجميع المشاركين

[حشيش]

[حشيش]

شكرا

لحشيش وجميع المشاركين

ربنا يجبر بخاطرك يادكتور رجب rs:...إحنا بنحاول نوصل رسالتنا الفنية النبيلة إلى طبقة الكادحين ومحدودى الدخل فى محاورات المصريين (قصدى الصالون) :unsure:...نحاول أن نرسم الإبتسامة على شفاه المحرومين والثكلى والأرامل هنا mfb:...هذا هو قدرنا نحمله فوق أكتافنا ونحن راضين مطمئنين :angry:

حشيش

أديب ومفكر

[فــيــروز]

اهو كله رقص

مش فالحين غير في الرقص وبس

فيفى: جرى ايه يا ست لايت يا "نور" عينى

افهم ايه انا من العروسه الحلاوه اللى حاطاها ترقص بدالى دى bk:

ماله الرقص كخه !! :blink: ده حتى فن جميل الناس بتجيله من كافة انحاء المعموره و جليم و العجمى كمان :unsure: ومابقاش فيفى ان ما جبت لكم المونتيال ويمكن كمان ارقص و الكاس على راسى فى حفل الختام كمان :P بس قولوا يا رب وطريق الالف ميل يبدا برقصه :D

تم تعديل 18 مايو 2004 بواسطة فــيــروز

[Lighthouse]

اهو كله رقص

مش فالحين غير في الرقص وبس

فيفى: جرى ايه يا ست لايت يا "نور" عينى

افهم ايه انا من العروسه الحلاوه اللى حاطاها ترقص بدالى دى bk:

ماله الرقص كخه !! :blink: ده حتى فن جميل الناس بتجيله من كافة انحاء المعموره و جليم و العجمى كمان :unsure: ومابقاش فيفى ان ما جبت لكم المونتيال ويمكن كمان ارقص و الكاس على راسى فى حفل الختام كمان :P بس قولوا يا رب وطريق الالف ميل يبدا برقصه :D

العفو والسماح ياست الملاح :D

هو انا اقدر اتكلم عن الرقص ولا اقول ربع كلمة

البلد كلها بترقص

حتى الاطفال الرضع بيتولدوا دلوقتي بالصاجات في ايديهم

انا بس حبيت اعبر عن شكري العميك لسعادتك على جهودك وتعبك معانا

ويارب الكاس ييجي على ايديكي

وترقصي بيه وتلعلعي كمان وكمان

طيب بالمرة ياست الكل حيث انك واصلة لبلاتر وغيره

ماتشوفي اونكل عنان ولا بوش يخفوا ايدهم شوية عن العراقيين ينوبك ثواب

ولا كلمتين حلوين منك لبوش يخلي الصهاينة يحلوا عن الفلسطينيين شوية ويبطلوا يهدوا بيوتهم

شكلنا بقى وحش قوي ياست فيفي mf)

smk: smk: smk:

[linux]

والله يالينوكس أنا أول مرة أشوف النكتة الظريفة دى...ولكن كما تعلم هناك نوع من توارد الخواطر بين الفنانين  :unsure:

توارد خواطر ... ممكن ... لكن مع الفارق الكبير:

أنت راجل دمه خفيف طبيعي و غير متكلف ...

لكن الأستاذ مصطفي حسين يلجأ للأبتذال بعض الأحيان، كما في الكاريكاتير الملحق برسالتي ...

تحياتي يا حشيش محاورات المصريين

[afiona]

حشيش ....إنت حشاش لا يجود الزمان بمثله إلا مرة كل 5000 سنة...