أسرار البنات والمدينه الجامعيه

[pocy]

بكل بساطه انا قرت اكتب قصه وانا للاسف ساقطه عربي (بهزر طبعا بس دايما كنت بجيب فيه درجه وحشه جدا بالنسبه لانى كنت بجيب الدرجه النهائيه فى باقي المواد )

فانا حابه اعرف رايكم اكمل ولالالالالالا؟؟؟؟؟؟؟

اوك ومنتظره ردكم ان شاء الله انااحترت اكتبها فين بس قلت اكتبهاهنا وخلاص

واليكم الحلقه الاولى والتانيه والتالته ومش هكمل الا لما اشوف ردودكم ان شاء الله

ويارب تعجبكم جدا وانا اقبل النقد البناء وبلاش الهدام بالله عليكم

وجزاكم الله عنى كل الخير

بوسي

[pocy]

الحلـــــــقه الاولـــــــى

من البنات والمدينه الجامعيه

في يوم جميل مشرق يطل على حديقه كليه الهندسه ببورسعيد كان هناك سبعه فتيات

يتحدثون ويضحكون وكانت منهم من تقلد الدكتور وهو يشرح

وكانوا جميعا فى الفرقه الثانيه ولكن اقسامهم مختلفه

إذن فالمكان هو حديقه كليه هندسه بورسعيد

والزمان هو الاحد 15/10/2000

والفتيات هم ناديه وايمان وياسمين وشيري وزينب وعبير ومرفت

وكانت ناديه وياسمين و ايمان فى قسم انتاج

بينما زينب وعبير كانا فى قسم كمبيوتر

ومرفت كانت فى قسم مدنى وشيري في قسم عماره

وهم فى الحديقه تذكرت شيري ان عندها سيكشن وانها مضطره للمغادره وستلتقي بهم فى المدينه الجامعيه

فلقد كانوا جميعا مغتربين فى بورسعيد وسنتعرف على محافظاتهم فيما بعد

وبعد لحظات سمعوا البنات صوتا ينادى ويقول : مهندسه ناديه ............مهندسه ناديه

التفت الجميع الى مصدر الصوت فوجدوا زميلهم فى القسم أحمد

.....فقال احمد : لو سمحت مهندسه ناديه ممكن لحظه

ردت ناديه : أوك وذهبت بعيدا عنا بعده خطوات !!!!!!

استغرب الجميع لماذا يريد احمد ان يتحدث مع ناديه وفيما يريد ان يحادثها فيه

فليس هناك اى شئ مشترك الا انهم فى نفس القسم وحتى لو لو كان للقسم لماذا اختار ناديه فلماذا لم يحادث ياسمين او ايمان

كما ان احمد وهو المشهور فى القسم وفى باقي الاقسام بل فى الكليه اجمع له اصدقاء في القسم يستطيع ان يأخذ منهم ما يريده من محاضرات غير انه بينجح بالدروس

ووالدته تعمل بالكليه ويدخل بالسياره عادى جدا والسياره احدث موديل

فلماذا يريد ان يحادث ناديه وفيما ؟؟؟؟؟؟

هذا ما سنعرفه فى الحلقه القادمه

[pocy]

الحلــــــــقه الثــــــــانيه

ناديه : ازيك يا باشمهندس خير في حاجه

أحمد : لا ان شاء الله خير انا بس كنت محتاج كشكول المحاضرات بتاع دكتور صالح

ناديه باستغراب ظاهر ع وجهها: اوك عايزه امتى اصله مش معايا الان ؟؟؟؟؟؟

أحمد : لا براحتك مكن تجبيه بكره وانا هصوره وارجعهولك ع طول ان شاء الله

ناديه: اوك ان شاء الله هجيبه بكره

احمد : بصراحه الكل بيقول انك بتحضري كل المحاضرات وانتى عارفه بقي نادى الجامعه اخد معظم وقتى

ناديه : لا مفيش مشكله ربنا معاك

مجهوله(واحده ماشيه فى الحديقه ): هاى أحمد فينك منزمان وحشتنا ياراجل

أحمد (يرتبك امام ناديه): موجود انتم اللى فين ؟؟؟؟

مجهوله(وهى تنظر الى ناديه من فوق لتحت) : لا احنا موجودين انت اللى شكلك الجو غير معاك ولا ايه ؟؟؟

أحمد : لا ولا حاجه اناهبقي اوفكم فى النادى ان شاء الله وسلامى للباقي

ناديه : طب استاذن انا عايز حاجه تانيه لا شكرا

أحمد : لالالالا سلامتك ان شاء الله بكره ومش تقلقي مش هاخره

ناديه : اوك سلام

أحمد وهو يضحك : سلام مؤقت

تنظر له ناديه باستغراب وتسير فى طريقها لتعود الى اصدقائها

فى تلك اللحظه كانوا البنات متلهفين لمعرفه ما حدث وماذا كان يريد منها ؟؟؟؟؟

فى تلك اللحظات كانت مرفت تتحدث الى ايمان و ياسمين اللى كانت مضايقه جدا من ناديه لانها بعدت عنهم علشان تكلمه لانها تكره الاختلاط وتقول: مش ده احمد اللى معاكم فى القسم

أيما ن : اهه هو ......!!

مرفت : طب هو عايز ايه من ناديه ؟؟؟؟؟

إيمان : مش عارفه مسيرها تيجي وهتقولنا كان عايز ايه

مرفت : ياسمين مالك فى حاجه ؟؟؟؟؟

ياسمين : هيكون فى ايه انا مش عارفه ليه الست هانم قامت وراحت تكلمه كانت تكلمه هنا واحنا معاها علشان محدش يتكلم كده ولا كده

مرفت : يا بنتى ماحنا كلنا عارفين ناديه وعادى يعنى هو اللى طلب منها انهم يقفوا على جنب

ياسمين (بغيظ): يعنى انتى موافقه على الوقفه دى بدل ما تروحى تجبيها

زينب : مالك يا ياسمينا انتى مضايقه كده ليه عادى تلاقيه هيطلب منها كشكول محاضرات ولا اي حاجه من دى وخلاص

ياسمين : طب ما يطلبه واحنا معاها هى دى حاجه تحتاج يتكلموا مع بعض على جنب

عبير : ناديه جت اهيه وهنعرف كل حاجه منها

بمجرد ما وصلت ناديه تحدثت مرفت :- كان عايز ايه احمد ؟؟؟

ناديه : كان عايز كشكول محاضرات دكتور صالح

ايمان : وهو مش قادر ياخدها من اى حد تانى

ناديه : مانا استغربت برضه وسكتت وهى تنظر الى ياسمين

ايمان: هى الساعه كام ؟؟؟؟؟؟

ناديه : يااه اتاخرنا على محاضره دكتور شعبان يالا يا بنات

تمشي ناديه وايمان وياسمين وتنتظر زينب وعبير ومرفت

مرفت :هى ياسمين مضايقه قوى كده ليه ؟؟؟؟؟

عبير: انتى عارفه ياسمين مش بتحب الاختلاط

زينب : وكمان احمد ده معروف انه بتاع بنات وبالتالى اى حد يقف معاه هيتشبه

مرفت : اهه علشان كده طب انا هروح للعيال زميلى فى القسم يالا سلام اشوفكم فى المدينه

عبير : تفتكرى دكتور ابراهيم هيجي النهارده الساعه كام المحاضره

زينب : انتى عارفه المحاضره ساعتين فهيجى قبل ما تخلص بنص ساعه يعنى قدامنا ساعه كمان

عبير: طب تعالى ننروح نقعد فى القاعه

بعد ساعه ونص اعتذرت ناديه عن حضور السكشن اللى بعد المحاضره لمغص مفاجئ

ولكن يا ترى اين ذهبت ناديه ؟؟؟؟؟؟؟؟؟

هذا ما سنعرفه فى الحلقه القادمه

تم تعديل 1 يوليو 2010 بواسطة pocy

[pocy]

الحلقه الثالثه

خرجت ناديه من الكليه متجهه الى مكتبه الجامعه بجوار الكليه

لتشتري كشكول محاضرات جديد وعده اقلام جاف الوان وبعض الاستكر ثم ذهبت الى المدينه الجامعيه والتى ليست بعيده عن الكليه

واتجهت ناديه الى غرفتها رقم 106 والتى كانت تقيم بها هى وشيري

ثم وبسرعه البرق بدأت فى نقل محاضرات دكتور صالح الى الكشول الجديد

لم تكن من عاده ناديه ان تبيض محاضراتها لانها كانت تكتب دائما بشكل منظم وخطها جميل

ولكن بداخلها شعور بالسعاده يغالبه شعور بالخوف

تحاول استرجاع اى كلمه مدح قالها لها زميلها احمد عن النظام وعن التزامها بالمحاضرات

ولكن تتضارب الاسئله فى عقلها

ناديه : لماذا اختارنى انا لياخد محاضراتى؟؟؟؟

عقل ناديه يحادثها : ببساطه لانك بتحضري كل المحاضرات

.....!!!ناديه : طيب انا لست الوحيده التى تحضر كل المحاضرات

عقل ناديه : اينعم ولكنك انتى الوحيده التى تكتب ثم سكت الدكتور وعطس وقلناله يرحمكم الله

ناديه : بس هو عرف منين انى بعمل كده ؟؟؟؟؟؟؟؟؟

عقل ناديه : ده امر عادى ودى مش اول سنه زميلك هيعرفوكى فيها انتى سنه تانيه يعنى جربوكى قبل كده فى اعدادى وفى اولى

ناديه : طيب هو اسلوبه حاسه مختلف حاسه انه عايز يتقرب منى

عقل ناديه : بصى بقي انتى تعبتينى وبلاش تحطى الفكره دى فى دماغك انتى مش عارفه سمعه احمد ولا ايه ؟

ناديه: اهه اكيد عارفه بس انا حاسه انى فرحانه قوى قوى

عقل ناديه : ليه فرحانه وايه اللى يبسط فى الموضوع ده مش كفايه رحتى اشتريتى كشكول ب14 جنيه وشويه اقلام واستكرات عبط ب15 جنيه علشان تبيضي محاضرات انتى مش محتاجه تبيضيها

ناديه لا انا اشتريت الكشول ده علشان ابيض فيه كل المحاضرات وهتبقي مرجع لى فى اى وقت وكمان علشان لو حط احتاجه وانا اكون محتاجه الكشكول بتاعى

عقل ناديه : انتى بتضحكى على ولا بتضحكى على نفسك واضح ان مفيش امل

ناديه : بس بقي كفايه تفكير عايزه اركز انا بكتب ايه ؟؟

ناديه بدأت فى تبيض المحاضرات وشغلت الراديو جنبها

وبعد ساعتين تذكرت ناديه انها لم تحضر الطعام وشيري معتمده عليها نزلت سريعا وصرفت بونات الاكل ليها ولشيري ورجعت سريعا لتكمل وتذكرت ان تغلق الباب من

الداخل حتى لا تأتى ياسمين وترى ماذا تفعل وتبهدلها

وبعد نص ساعه طرقت ياسمين علي الباب عده مرات ولكن ناديه لم تفتح

فظنت ياسمين ان ناديه قد نامت بالفعل وخصوصا ان القفل مفتوح والباب موصد من الداخل

وشيري لا تحضر فى مثل هذا الوقت

وذهبت ياسمين لتحضر الطعام ثم تذهب لتنام قليلا

وفى الساعه الرابعه والنص اتت شيري من الكليه

وحاولت فتح الباب ولكن الغريب انه موصد من الداخل ولكن لماذا موصد؟؟؟؟؟؟؟

يا ترى لماذا استغربت شيري وماذا فعلت لتفتح الباب؟؟

هذا ما سنراه فى الحلقه القادمه ان شاء الله

[pocy]

منتظره ردودكم ع احر من الجمر ويارب ما اكون اخطأت انى وضعتها هنا

وجزاكم الله كل الخير على ردودكم مسبقا

[عنبو]

بصى يا يا ام عمرو

نظراً لانى من اصحاب النفس القصير علشان كده ناوى ابطل سجاير يوووووووه اقصدى مبحبش نظام الحلقات بحب اقعد على المسلسل اخلصه مره واحده اى حاجه مره واحده

فانتى كملى واضح انها قصه جميله وفيها شىء من الواقع ان مكنتش واقعيه

على العموم كملى بس زى لما قولت ليكى نزلى كل يوم عشر حلقات

يلا تصبحى على خير ايه ده هى الساعه كام

مش مهم

كملى يا بوسى اسلوبك كويس

[noureymo]

كملي يا بوسي

بس هو انت خلصتي الكتابة خلاص ولا القصة هتخلص على الهوا .

يا ريت لو كانت خلصت تكمليها فعلا اسلوبك جميل

[لماضة مصرية جدا]

السلام عليكم و رحمة الله و بركاته

و انا ااقول انتي مختفية فين....و كنت لسه ههبدك مداخلة في نون النسوة... يا رب كل غياب ليكي يكون خير

بصي يا تانت...يا حماتي

يعني بتقولي

إيمان

و احمد

و كشكول المحاضرات

و شلة البنات اللي واقفة تتنأوز من هناك (عارفاهم كويس جدا)

و بورسعيد.....

يا دهوتي

آه يا قلبي....

كملي كملي......(وش بنوتة نطت من ع المكتب و فرشت المخدات ع الارض)

بس ابوس القدم....انزلي بيهم لوكشة واحدة ينفع......انا مع الرفيق عنبووووف بحب آخد الليلة مرة واحدة

و يا سلام بقي لو هتقوليلنا شوية اسرار و حبشتكانات

سيري يا نورماندي

مستنياكي

مساااااااكي.....ذكريات حلوة

فوتك بعافية

[دكتور أحمد]

اسلوبك حلو بالتوفيق

[doha]

احلى حاجه انك رجعتيني للكلية واجوائها مع اني مكنتش في المدينة الجامعية ومع اني معرفش ولا نادية ولا شري

تسجيل متابعه

[pocy]

بجد مش عارفه اشكركم ازاى هو القصه واقعيه فعلا وفي جزء كبير من الحقيقه بس فيها ربضه جزء خيالى للحبكه الدراميه زى ما بيقولوا

انا عارفه ان اسلوبى مش قوى لانى لسه بجرب فيكم بس ان شاء الله شويه شويه وبمساعدتكم هقدر اكمل ان شاء الله

انا للاسف بكتب كل يوم حلقه يعنى ع هوا مباشرتا

وانا لسه كاتبه الحلقه الرابعه لانى طبعا فى مسئوليات فى البيت لازم تتعمل وكفايه عموره

وياريت يا لماضه تاخدى عمورى شويه علشان اكتبلك لوكشه حلقات لانى بيكتب معايا على الكيبورد

وانا هنزل باحلقه الرابعه ظازه

وبجد جزاكم الله خيرا ع التشجيع وانا فعلا محتاجه لنقدكم برضه فى تتابع الحلقات وفى تسلسلها وفى كمات اللغه العربيه ولو ان الكلام كله بالعاميه بس ياريت برضه تفيدونى بس براحه على شويه

ومره تانيه ميرسي جداجدا جدا على كلامكم الحلو ده

[pocy]

الحلقه الرابعه

طرقت شيري على الباب طرقا خفيفا ثم نادت على ناديه بصوت خافت

شيري : ناديه .... ناديه

ناديه من الداخل : لحظه

شيري : اوك

ناديه بعد ان فتحت الباب : انتى جيتى بدرى ليه كده ؟؟؟

شيري باستغراب : جيت بدرى الساعه 4ونص انتى ليه قافله الباب؟؟؟

ناديه : ابدا مكنتش عايزه حد يجي يخبط كل شويه وانتى عارفه هاله شويه وهتخبط وتقولك عايزه طماطم عايزه بصله عندكم معلقه سمنه وانتى ادرى بقي

شيري غير مقتنعه : اهه طيب

ساد الصمت قليلا ثم تحدثت شيري وقالت : اكلتى ولا لسه

تذكرت ناديه انها لم تأكل بعد : وقالت لا لسه مش اكلت انا هسخن الاكل تكونى انتى غيرتى لبسك

شيري : اوك هغير واحصلك ع المطبخ

فى الطبيعي فى المدينه الجامعيه بيقي في كل دور مطبخ واحد وبوتجاز واحد وبالتالى انبوبه واحده فهمنى طبعا بيبقي في قتال فى اول السنه على المطبخ وانتى هتاخدى كل العيون طب خدى واحده بس خلى غيرك ياخد واحده تانيه وياسلام لو لحقتى العين

اللى فى النص الصغيره بين حلتين كبار هههههههههههه

سبحان الله الوقت ده كان ربنا ميرسها والدور كان هادى جدا تقريبا المعظم اكل ونام محدش يسأل انتوا ليه مش بتاكلوا فى المطعم تحت وتخلصوا نفسكم طبعا ده سر من اسرار المدينه الجامعيه وهبقي اكشفه فى مره من المرات اوعوا حد يكون بيقرف نكمل بقي

حكايتنا

خلصت ناديه تسخين وجابت الاكل وشيري كعادتها انيقه متأنقه بتخاف من البوتجاز للنار تلسعها اهه نسيت اقولكم ان شيري من القاهره

بنت كده دلوعه ماما وبابا بس جدعه جدا وتسند الزير آيه فى الجمال وعنده زنه عقل كبيره وتقيله فى بعض الاحيان ودمها زى الشربات مشكلتها انها بتكره حاجه اسمها طبيخ او مطبخ ومواعين والكلام ده هى بتحب تزوق الاوضه وترتبها لدرجه انهم اخدين جايزه

الحجره المثاليه وكمان البنت اخده جايزه الطالبه المثاليه كلها زوق وادب واحترام فيها شئ جذاب بيخلى الكل يحبها ويتمنى ليها الرضا ترضي المهم وطبعا ناديه قايمه بباقي الاعمال اللى شيري مش بتعملها وبيحبوا بعض جدا ومن ساعه ما اتعرفوا على بعض اول

يوم دراسه فى اعدادى هندسه وهم بيسكنوا مع بعض فى الاوضه ومرتاحين على النظام ده المهم حطوا الاكل ع التربيزه وبدأوا ياكلوا وشيري كعاتها تقعد تتريأ وتضحك وتهزر لانها مرحه بطبعها وفجأه انتبهت ناديه ان شيري بتضحك فاكيد هى كمان لازم تضحك

فابتسمت وقالت لشيري

ناديه : انتى هتنامى دلوقتى

شيري : اهه عندى مشروع مفروض اقدمه يوم الاحد الجاى وعايزه استعد ويارب الحق اكمله

ناديه : طب يالا نلم الاكل وابقي اغسل المواعين لما نصحى

شيري : طب يالا

ناموا وكانت الساعه الخامسه وعشر دقائق

وفى الساعه السادسه الا ثلث نزلت ناديه من على السرير الفوقى وصحت شيري

ناديه : شيري شيري شرييين اصحى بقي

شيري : هى الساعه كام؟؟؟؟؟

ناديه : 5.40

شيري :هو احنا لحقنا ننام لسه بدرى انا ظبت المنبه ع 7

ناديه : لا يالا قومى انا مخنوقه قوى وعايزه اخرج

شيري : مخنوقه ليه وتمسح فى عيونها

ناديه : ابدا هحكيلك لما نخرج بس يالا قبل ما المدينه تقفل ابوابها ومنعرفش نخرج

شيري: طيب بس اعمل ايه مقدرش ارفضلك طلب يا جميل

وخرجت كل من ناديه وشيري ليتمشوا لحد المعديه

انا نسيت اقولكم للى ميعرفش ان كليه الهندسه ببورسعيد موجوده فى بورفؤاد وعلشان تروح لبورفؤاد من بورسعيد بتركبلها معديه بس غايه فى الروعه احساس رائع وانت بتنظر للبحر وانت راكب المعديه اتمنى تحسوه زى مانا حاساه كده

اللى اللقاء فى الحلقه القادمه وهنعرف ناديه مخنوقه من ايه ؟؟؟؟؟؟؟؟؟؟؟

ورد فعل شيري هيكون ايه؟؟؟؟؟؟؟؟؟ وايه اللى هيحصل لما ياسمين تصحى ومش تلاقي لا ناديه ولا شيري ؟؟؟؟؟؟؟؟

[pocy]

الحلــــقه الخامــــسه

خرجت ناديه وشيري ليتمشوا وكانت وجهتهم الى المعديه وفى الطريق دار الحوار التالى :-

شيري : ها ياست الكل مالك بقي ومخنوقه من ايه ؟؟؟

ناديه : بصي انا هحكيلك اللى حصل بالضبط النهارده بعد مانتى مشيتى بشويه جه احمد زميلنا فى

القسم ونادى على وقالى ...........

وحكت لشيري الموقف والى حصل

شيري : طب انا مش شايفه ايه المشكله ومخنوقه من ايه لو مش عايزه تديله الكشكول خلاص قوليله اى سبب وخلاص..............

ناديه : لا عادى بس انا مش عارفه حاسه انى مبسوطه انه كلمنى وفى نفس الوقت حاسه انى مضايقه من الاحساس ده ...........

شيري: ناديه يا حبيبتى لازم تبقي واثقه من نفسك انتى مش محتاجه واحد زى احمد علشان تحسي انك مميزه انتى فعلا مميزه وبالنسبه لي واكيد بالنسبه لناس تانيه وانتى مش اخده بالك ...........

ناديه : شيري انتى عارفه انا مش جميله ومفيش حاجه تميزنا انتى مش شايفه النظاره الكعب كوبايه وحاسه انى مبهدله فى لبسي وووو.....

شيري : ايه .... ايه اللى انتى بتقوليه ده لبسك جميل جدا والنظاره اللى انتى لبساها انا نفسي البس واحده زيها اصلى بحس انها بتدى للواحد الاحترام كده ثم يا حبيبتى

انت جميله جدا جدا بروحك وانا عاشرتك اكتر من سنتين ولقيت فيك الطيبه والاحترام ومأزره المحتاج انتى فيكى حاجات كتير جميله قوى ليه بتنسيها ثم الجمال جمال الروح مش ضرورى

الشكل فى بنات كتير حلوين بس دمهم واقف انتى بقي لذيذه جدا كل اللى بيتعامل معاكى بيحبك جدا وبيبقي عايز بس يقف معاكى شويه

شيري : ثم تعالى هنا مين احمد ده مش الواد الخرع واللى مش واقف على بعضه وبيعمل حاجات غريبه فى شعره ثم انتى يهمك فى ايه رايه ده يا بنتى كل ما بشوفه بلاقي شويه بنات

ملمومين عليه معرفش بيضحكوا على ايه تلاقيه على تفاهته

شيري : انتى يا بنتى اكبر من كده انا حاسه بيكى ياقمر حاسه انك محتاجه لحاجه كلنا محتاجنها وبندور عليها نصنا الحلو بس تفتكري ان احمد هو نصك التانى لالالالالالالالالالالالالاطبعا ده

شخص تافه ومش ده اللى احبه لناديه حبيبه قلبي انا عايزالك واحد زى ابو بكر ده واحد هيبقي معيد ومحترم والكل بيتمنى انه يرتبط بيه هو اينعم قصير بس شغال هههههههههههههه

وهنا بس بدأت ناديه فى الضحك لانها اكيد تخيلت انها ماسكه فى ايد ابوبكرهى طويله ورفيعه وهو قصير ومتختخ ههههههههههههه

شيري : ناديه لازم تثقي من نفسك ان محدش فى الكليه يستاهلك انا عارفه مين ناديه عارفه ان اللى يستاهلها مش اقل من دكتور جامعه

ناديه : ياه دكتور مره واحده >>>>>>>

شيري : طبعا انتى بس مش عارفه قدراتك

ناديه : شيري ممكن اطلب منك طلب ؟؟؟؟؟؟؟؟؟

شيري : ممكن طبعا انتى تأمرى مش تتطلبى

ناديه : البس الطقم بتاعك البنك بكره .....

شيري : كل لبسي ليكى ياقمر واللى عايزاه خديه من غير استأذان مع انها اول مره تعمليها

ناديه : بجد طب شكرا جدا ياقمر

شيري : شكرا ايه يا هبله المهم احنا اتاخرنا على المدينه يالا علشان الباب هيتقفل

ناديه: طب تعالى نركب تاكسي يوصلنا اسرع

شيري: اوك يا قمر

وصلت ناديه وشيري الساعه 7 الا عشر دقائق

وهناك فى المدينه وعلى باب الحجره كان هناك ورقه مكتوب بها

"لما ترجعوا يا هوانم انا فى الاوضه نادونى ياسمين"

ناديه : اووووووووه ياسمين تلاقيها هتزعل

شيري : يا ستى عادى انا كنت مخنوقه وصحيتك وخرجنا عادى يعنى انتى روحى ناديلها من شباك المطبخ وانا هجهز الشاي لينا احنا التلاته

ناديه تروح تنادى ياسمين من شباك المطبخ لان حجرتها كانت تطل على المطبخلانها كانت فى الدور التالت وناديه وشيري فى الدور الاول وكانت هذه هى الطريقه المتبعه

ناديه رجعت الاوضه >>>>>>>>

شيري : ها ناديتيها ؟؟؟؟

ناديه : اهه وهى هتنزل

شيري : طيب انا جهزت الكوبايات والسكر والشاي بس الميه تغلى ويكون جاهز لاحلى ناديه

ناديه : بطلى بكش بقي

فى تلك اللحظه كانت ياسمين جت

شيري : جاسمينا ازيك عملتلك شاي كشري زى ما بتحبي ياجميل

ياسمين: ازيك شيري كنتوا فين بقي يا هوانم

شيري : ابدا رجعت مضايقه صحيت ناديه وخرجنا لحد المعديه ورجعنا

ياسمين: وايه اللى مضايقك ؟؟؟؟

شيري : ابدا مطلوب منى الاسبوع الجاى مشروع لمبنى جديد ومفيش فكره فى دماغى مبتكره ليه وحاسه انى مش هلحق اخلصه

ياسمين : ان شاء الله هتلحقي وانا ممكن اساعدك ابقي اعملك الشاي هههههههههه

شيري : لا انا هعملك الشاي وانتى اعملى المشروع انا مش عايزه اتعبك

ناديه: خلصتوا بكش ولا لسه ؟؟؟؟ عملتوا ايه فى السكشن ؟؟؟؟

ياسمين : ابدا حاجات كويسه انا فهمتها وجبت السكشن وهشرحولك المهم انتى المغص عامل

معاكى ايه ؟؟؟ انا جيت خبطت لاقيتك نايمه

ناديه :انا اخدت مسكن واخدت فتره على مانمت بس الحمد لله

ياسمين: طب الحمد لله حكيتى لشيري عن احمد

شيري بسرعه : ممين احمد ده ؟؟؟؟ اعترفوا بسرعه منخيري بتحرقنى

ناديه : ابدا واحد فى القسم عايز كشكول المحاضرات بتاعتى

شيري : يا شيخه انا افتكرت حاجه فيها اكشن المهم انا هسيبكم بقي واروح ابدأ اشتغل وافرد العده بتاعتى بره الاوضه بس سيبوا باب الاوضه مفتوح علشان النور بره مش كافي

ناديه: طيب مش هتشربي الشاي

شيري : لا لما يبرد ...............

ناديه:قصدك لما يتلج ههههههههههه

وبدأت ياسمين فى شرح السكشن لناديه ومراجعه محاضرات اليوم

ثم دخلت شيري الاوضه : وقال انا عايزه اتعشي وانام كفايه كده

ياسمين : واحنا كمان يالا نتعشي

وبعد العشاء ذهبت ياسمين لتنام واغلقت ناديه الباب والنور ونامووا

ولكن ناديه لم تنام الا بعد تفكير طويل فى يوم الغد وكيف سيكون لقائها مع احمد

وهذا ما سنعرفه فى الحلقه القادمه ان شاء الله

[mekkawy]

طب فين بأة الحلقة القادمة

تشويق .. تشويق .. تشويق

سبحان الله

النفس مجبولة و مفطورة على حب القصص علشان كدة نجد إن نسبة القصص في القرآن الكريم عالية جداً

و القصص الواقعي هو اكثر ما يستفز النفس البشرية و الرغبة في المتابعة

أنا قاعد أدام الشاشة عامل كدهوت (وش متنح و عنيه مزبلطة في الشاشة)

باي زا واي ... منتااااااااااااز يا أم عمر .. اجمل شئ في الكلام إنه سهل و واصل و واقعي فمحدش يجد صعوبة في معيشة القصة .. تصدقي بالله

أنا شفت حتة اللي بتنادي عليها من شباك المطبخ دي .. كانت جميلة أوي .. شفتها يعني عشتها .. برافو

في الانتظاااااااااار

مكاوى

[om marawan]

جميييييلة جميييييييلة يابوسى بجد يعنى اسلوبها بسيط ودردشتها لذيذة جداا

حتى لو فيه شوية عربى صغنن يتصلح عادى لكن التقل كله فى الصنعنة :)

بس بجد فيها تسلسل منطقى للكلام ورسم حلو للشخصيات اللى بدأت توضح شوية بشوية

احلى حاجة فى القصة انك تحس انها بتشدك انا خرجت من المود اللى كنت فيها نهاااائى وركزت معاكى

ياللا مستنييك وكلنا مفنجلين عينينا :lol:

انا بحب الحواديت اوى :rolleyes:

[bentmasria]

كملى يا بوسى حلوة بجد وانا متابعاكى يا جميلة

[pocy]

الحلقه السادسه

شيري : ناديه ايه اللى مصحيكى بدرى كده

ناديه : ولا بدرى ولا حاجه انا بس قومت صليت يالا قومى الساعه 7 الاربع

شيري : طيب طيب طب ما تعمللنا حاجه سخنه كده قبل ما ننزل

ناديه : انا لسه هستناكى الشاي جاهز وهصبه

شيري : والله انتى مفيش منك اتنين طب انا هروح الحمام وارجع يكون دفي اشربه

ناديه : قصدك تلج مش برد

شيري : ههههههههههههه

فى تلك اللحظات كانت ناديه قد اخرجت الطقم البنك بتا ع شيري ولبسته ولفت الطرحه بشكل مختلف

وفى تلك اللحظه دخلت شيري للحجره لتجد ناديه تضع الكحل فى عينيها وهى لا تضعه كثيرا حست شيري بما يجول فى خاطر ناديه ولكنها لم تريد ان تحرجها فقالت

شيري : ياعم يا عم ايه الجمال ده لو اعرف ان لبسي حلو كده مكنتش استنغنى عنه ابدا ايه المنيكانه اللى قدامى دى

ناديه اتحرجت : مش هتبطلى بكش بقي

شيري : لا والله بجد امووووووره جدا جدا والاستيل ده لايق عليكى جدا

ناديه : طيب الحقي الشاي قبل ما يترمي

شيري : هروح اصلي فى المسجد وارجع اشربه

ناديه : طيب

وبعد لحظات دخلت شيري الحجره لتجد ناديه قد غيرت وارتدت ملابسها ومسحت الكحل

شيري : ايه يابنتى غيرتى ليه ده كان هياكل منك حته مش تقلقي مش حكتب عليه ورقه فى الظهر واقول انه بتاعى ههههههههههههه

ناديه : لا حسيت انى مش انا وفغيرت رائي ثم انتى عارفه انا مش بلبس بدل انا اخرى جيبه وبلوزه وحلو قوى ع كده

شيري : والله انتى عبيطه يا بنتى طب بلاش البدله البسي الدريل الجينز وهيطلع عليكى تحفه

ناديه : لا خلاص انا كده هتأخر ومش ناقصه اخد كلمتين من يا سمين

وهنا فهمت شيري سبب تغير ناديه وحدثت نفسها وقالت: اكيد خايفه من كلام البنات وخصوصا انها هتقابل احمد النهارده وتديله الكشكول للدرجه دى يا ناديه يا حبيبتى بتفكري فيه وكنتى عايزه تبقي حاجه تانيه اهه منه اللى معذبنا كلنا ومخلينا ندوخ وراه السبه دوخات

ناديه : رحتى فين عماله اكلمك ومشض بتردى

شيري : لا يا قمر بس سرحت فى المشروع

ناديه : ههههههههههه المشروع ده هيلحس دماغك قبل ما تبدأى فيه

شيري : يالا طيب علشان هتتتاخرى انا هشرب الشاي والبس وهقابلكم الساعه 11 فى الجنينه

ناديه : طب هاروح المطبخ انادى على ياسمين اشوفها واخليها تعدى على ايمان وهى جايه

شيري : طب سلام يالا بقي عايزه اغير

ناديه : طيب مش تزقى

شيري بعد ما قفلت الباب ورا ناديه : وبعدين معاكى يا ناديه انا لازم اساعدك ومش هكون شيري لو خليتهم يجرووووووووووووووا وراكى ويتمنولك الرضا ترضي يا قمر

وفى الطريق اللى الكليه

ياسمبن : جبتى الكشكول بتاع دكتور صالح

ناديه : اهه جبته

ياسمين : لو ناداكى مش تبعدى عننا خليكى واقفه معانا حتى لو نادالك بعيد

ناديه : حاضر اى اوامر تانيه

ياسمين تبص لناديه وتسكت

ايمان : انتى جايبه كشكول جديد ولا بتاع مين ده ؟؟؟؟؟؟؟؟؟؟

ناديه : لا بتاعى جبته علشان ابيض فيه كل المحاضرات علشان لو حد استلف منى حاجه يكون معاى التانى ومش اتاخر فى المذاكره مانتى عارفه اللى بيحصل لما حد يستلفه بياخدوه وكانهم بتاعهم

ياسمين : ورينى كده الكشكول

ناديه : مش ضرورى هورهولك فى القاعه ان شاء الله يالا بس مدووووووا عايزين نوصل ونقعد قدام

ياسمين : طيب يالا انتوا اللى ماشين بتتلكعوا

وعندما كانوا يهمووووووووا للدخول للقاعه وجدت ناديه من يناديها

قلبها كان بيدق بسرعه وحاسه ان الكلام مش عايز يطلع علشان ترد على اللى بينادى

ياسمين وايمان دخلوا القاعه خلاص وهى لسه بره ياسمين هتزعقلها وهتقول انها عملت كده بالعانى فيها علشان تبقي لوحدها معاه

أحمد : مهندسه ناديه جبتى الكشكول

ناديه بتلعثم : اهه جته اهه

أحمد انا تعبتك معايا يا مهندسه ناديه انا هصوره واجيبه ليكى ع طول

ناديه : لا انا مش محتاجه النهارده براحتك جيبه فى اى وقت

أحمد : بجد ميرسي جدا ليكى يا ناديه ......... اقصد مهندسه ناديه

ناديه : لا عادى لا شكر الا على واجب

أحمد : طب سلام بقي اسيبك تحضري المحاضره

ناديه: مش هتحضر ولا ايه ؟؟؟؟؟؟

(ايه اللى انا بقوله ده وانا ماللا عنه ما حضر)

أحمد : احضر ليه مانتى موجوده مش محتاج احضر انا اعتمدت عليكى خلاص

ناديه مبتسمه : لا مش تتعود على كده

أحمد : انا خلاص اتعودت

ناديه :طب سلام مهندس احمد

أحمد : سلام مؤقت انا مصر انى ارجعلك الكشكول النهارده

ناديه : اوك براحتك

أحمد :سلام بس مؤقت

ناديه: سلام وبراحتك

ودخلت ناديه القاعه لتجد من ينظر لها شزرا ومتضايق جدا وهو زميلهم اسلام فلقد كانت تحس ان اسلام مهتم بها ولكنها كانت ترتمى هذه الفكره من دماغها دايما حيث ان ياسمين لا تترك لها الفرصه للتفكير فى مثل تلك الاشياء وفى الناحيه الاخرى تجد ياسمين وايمان وفاطمه زميلتهم فى القسم ينظروا اليها وكانها عملت جريمه لا تغتفر

والباقي ان شاء الله فى الحلقه الجايه

[pocy]

بجد عجبتكم انا فرحانه قوى انها عجبتكم ومش عارفه اقولكم ايه

اناهكمل لانى فرحانه بصراحه انها عجبتكم

وكمان مش عارفه اشكر مين ولا مين ام مروان وكمان بنت مصريه ومكاوى وعنبو وضحى ونور و دكتور احمد ولمضمض المضه

بجد مبسوطه جدا لمروركم وتشرفكم لى فى اول قصه لي وبجد انتم هتعجبكم كتير ان شاء الله

وطبعا انا بكتب بالعاميه وبتدخل كام كلمه فصحى غلط بس مش عارفه ده صح ولا غلط بس ان شاء الله تفيدونى يا اخواتى واخوانى

تم تعديل 3 يوليو 2010 بواسطة pocy

[mekkawy]

منتاز

[pocy]

مش عجباكم ولا ايه ؟؟؟؟؟؟؟؟؟؟؟؟؟؟؟؟؟؟؟

فين التعليق يا جماعه ؟؟؟؟؟؟؟؟؟؟؟؟

انا بفكر اوقف لما اكتب واكمل 10 حلقات مثلا احطهم مره واحده مش كده احسن ولا حلقه كل يوم ولا ايه ؟