التنمية البشرية.....يعني إيه؟؟

[لماضة مصرية جدا]

السلام عليكم و رحمة الله و بركاته

من فترة بسمع مصطلحات زي..."التنمية البشرية"..."البرمجة اللغوية العصبية"..."التفكير الايجابي"

و الحقيقة مخبيش علي حضراتكم كنت فاكرة ان الواحد لما يكتئب مثلا....يبتدي يقرا في الحاجات دي....انا ابتديت ااقرا فيهم من قيمة اسبوع و فعلا حسيت انه مجال رائع جدا و خصوصا انه بيساعد كل فرد انه يعيد قراءة نفسه و اكتشاف ما اسميه كؤوس الكريستال لديه...و بالتالي بيكون في موقف افضل في تفسير المواقف سواء الصغيرة او المصيرية

ابتديت بسلسلة اسمها

EFT

Emotional Freedom Technique

Robert Smith

و دي معدية حوالي ال 177 حلقة

اخترت التالية بعنوان: Voices in Your Mind- FASTER EFT NLP Transformations

الاصوات السلبية التي تحملها في رأسك....كيف تغيرها...كيف لا تدعها تقضي علي طاقتك؟؟

http://www.youtube.com/watch?v=OQCKITgITFQ&feature=channel

فيه تدريب ان شاء الله هآخده في دبي في شهر 9 ان شاء الله....اسمه Be the Change

و هحاول أنزل بعض المواد منه

انا لسه بكتشف الموضوع....و عشان كده المساحة هنا لينا كلنا نتعلم و نكتشف

تحياتي

[ذهبية]

متابعة معاكى يا لماضة و فى انتظار الجديد والمفيد

[se_ Elsyed]

ممكن أتعلم معاكم لو سمحتم ؟

لما أقعد أتأمل حالة التعليم زممممممممممممممممان .. كنت باتعجب على السلاسة الموجوده .. لا تنسيق ولا ثانوية عامة ولا كليات قمة ولا كليات قاع ..

وكنت تلاقي الرازي وأبن سينا والفرابي والناس الشغوفه بالعلم .. كان لو داس شويه في مجال بيحبة كان بيدبع فيه وخلاص يبقى طبيب او كيميائي أو مبتكر ...

أينعم العملية كانت صعبه جداً ويكاد متلقي العلم يحفر في الصخر لتحصيل العلموالداومة على تطوير ذاته

لكن اكاد أقولها صريحه إن العصر ده رجع تاني بأنتشار المواد العلمية عى النت

مش بالضرورة أقعد عالنت أقرأ في الطب ومبروك بقيت دكتور .. لأ

لكن على الأقل لم يعد هناك ذلك العناء الذي كان موجوداً سابقاً ....

وأصبحت بضغطة زر فقط ممكن أبحر في بحور العلم والمعرفة واطور نفسي بنفسي بدون أن اتحرك من مكاني

نرجع لموضوع التنمية البشرية ....

مُخطيء من يظن أن الشهادة أو الوظيفة هي نهاية المطاف ... بالعكس أنا أعتبرها بداية الطريق .. هذا الطريق مليء بمصادر المعرفة التي يجب على الانسان أن يمشي فيه إذا كان يريد أن يكون مميزاً وناجحاً في مجاله

وتطوير الذات ده هو ما نسميه التنمية البشرية ....

وأنا ربطت الموضوع بالتعليم زمان ... لان التنمية البشرية بالذات كده دلوقت ..

فالتنمية البشرية هي مجال يصلح للجميع .. حتى الطلبة اللي بيدرسوا

يكفي أن أكون طالب علم في مرحلة الدراسة وأقرأ كتاب عن إدارة الوقت أو الـ

Time Management

وده شيء مهم في حياة كل أنسان أياً كان

وأسمحوا لي أضع بين أيديكم كتاب شهير عن فن إدارة الوقت للمؤلف " مارك مانشيني " أرجو ان يحوز أعجابكم معليش ..... هو باللغة الأنجليزية لكن سأضع ملخصات وكتب أخرى عن فن إدارة الوقت باللغة العربية

Time Management

وده كمان كتاب عن " فن الإعداد للمقابلات الشخصية "

ده باللغة العربية بقى

الإعداد للمقابلات الشخصية

[رضوي]

السلام عليكم ورحمة الله وبركاته

التنمية البشرية ........................ هي الاهتمام بالطاقات البشرية وتوجيهها الوجه السليمة مستغلاً في تلك العملية كل الامكانات لتوجيهها الوجه السليمة لتحقيق اعلي استفادة منها ...........

موضوع شيق يستحق المتابعة bv:-

تسجيل متابعة

[hOuSsAm]

موضوع شيق ومهم جدا (وشخصيا فادنى كتير جدا وعملى عدة نقلات)

انا هقولك على اسماء بعض الرواد فى المجال ده

العرب منهم ابراهيم الفقى (محاضر عالمى بيحاضر بالعربية والانجليزية والفرنسية) وطارق سويدان

الجماعة الخواجات ستيفن كوفى (ومن اشهر كتبه العادات السبع للاشخاص الاكثر نجاحا & وكتاب العادة الثامنة)

وكمان فيه ديل كارنيجى

العلم ده كبيروفيه كتب وكورسات كتيرة جدا

انا بحيكى عالموضوع ده ومستنين الجديد (انا كل فترة بحس انى محتاج اقرا شوية فى التنمية البشرية)

[عبير يونس]

شكرا على الموضوع الشيق جدا جدا جدا

تسجيل متابعة يا فندم

و أكيد حأشارك معاكم

ربنا يسهل

:ninja:

[akramgroup]

السلام عليكم و رحمة الله و بركاته

من فترة بسمع مصطلحات زي..."التنمية البشرية"..."البرمجة اللغوية العصبية"..."التفكير الايجابي"

و الحقيقة مخبيش علي حضراتكم كنت فاكرة ان الواحد لما يكتئب مثلا....يبتدي يقرا في الحاجات دي....انا ابتديت ااقرا فيهم من قيمة اسبوع و فعلا حسيت انه مجال رائع جدا و خصوصا انه بيساعد كل فرد انه يعيد قراءة نفسه و اكتشاف ما اسميه كؤوس الكريستال لديه...و بالتالي بيكون في موقف افضل في تفسير المواقف سواء الصغيرة او المصيرية

ابتديت بسلسلة اسمها

EFT

Emotional Freedom Technique

Robert Smith

و دي معدية حوالي ال 177 حلقة

اخترت التالية بعنوان: Voices in Your Mind- FASTER EFT NLP Transformations

الاصوات السلبية التي تحملها في رأسك....كيف تغيرها...كيف لا تدعها تقضي علي طاقتك؟؟

http://www.youtube.com/watch?v=OQCKITgITFQ&feature=channel

فيه تدريب ان شاء الله هآخده في دبي في شهر 9 ان شاء الله....اسمه Be the Change

و هحاول أنزل بعض المواد منه

انا لسه بكتشف الموضوع....و عشان كده المساحة هنا لينا كلنا نتعلم و نكتشف

تحياتي

الاخت العزيزة لماضة

انا بس حبيت ارفع الموضوع ده عشان موضوع من المواضيع اللى تستاهل

وبالمرة اسألك عن الكورس اللى كنتى هتاخديه شهر 9 wst:: wst::

يلا بقى قولى عملتى ايه عاوزين الموضوع ده يستمر والناس تستفيد

تحياتى

أكرم,,

[لماضة مصرية جدا]

السلام عليكم و رحمة الله و بركاته

استاذي الفاضل اكرم جروب ليمتد...(الا انت مسمي نفسك كده ليه؟؟؟)

جزاك الله كل خير ع الرفع

انا فعلا من فترة كنت هضيف حاجة اسمها True Colors Theory

بس لقيت الرائعة مغتربة كانت فتحت توبيك عن الاختبارات الشخصية و فيه جزء كبير مشابه للتدريب اللي تلقيته

النظرية باللغة الانجليزية و هحاول انتقي بعض المواد منها و ارفعها هنا و نتناقش فيها باذن الله و طبعا ابقي طبق ايدك بحتة بخمسة و انت طالع...(وش حد صعيدي اوي...ابتدي يتعلم الفهلوة :lol: )

المرحلة اللي جاية بالنسبة لي هي تكون تناول التنمية البشرية من مفهوم ديني

الحقيقة ببقي مستفزية اوي لمما اقرا او احضر اي تدريب و الراجل او الولية....قصدي البرفيسيرة تفضل تكلمن عن ازاي نكتشف افضل ما فينا من غير ما تعمل مرجعية لكل الكلام دوت من اصل الحياة و هو الدين

التنمية البشرية جزء منها روحاني....و الجانب الروحاني لا شك بنستمده من الدين

هحاول ادرس شوية في الناحية دي....و كا شيخي علمهالنا من زمان باسم "التربية الايمانية"...و اكيد مش هتتعارض ابدا مع مفاهيم التنمية البشرية الحالية و ان كنت اري ان ما يطرح الان هو اعادة تسمية لمفاهيم اصيلة تناولتها الاديان بشكل فطري ابسط منذ القدم

ع جنب بقي

منشكرين يا جدعان و يا جودعانات...علي كل اللي مر في التوبيك هنا هوت

و خليه ساحة لينا كلنا نتعارك فيها...يووووه قصدي نخش معترك الحياة بافضل ما فينا

فوتكم بعافية....فوتكم بافضل ما فيكم....لانكم افضل من خلق الله...(وش ابراهيم الفقي....مع انه بيوترني :blink: )

مسااااااكم رضا

[عبير يونس]

بأرفع الموضوع تاني

يا قوي

:inflate:

حأحاول أضخ شوية كلمات في الموضوع

كتبت الكلام ده في مداخلات تانية متفرقة

بس هنا طبعا مكان مناسب جدا

خظوة أولى في موضوع تنمية الذات

هي مقاومة السلبيات الخمسة

العيش في الماضي - المقارنة -اللوم - النقد - الأنانية

من غير مقاومة السلبيات دي

مش حنعرف نشوف أي ايجابيات

لا في أنفسنا و لا حوالينا

أولها و اللي شخصيا كنت بأعاني منها جدا

العيش في الماضي

كنت أحب أفتكر اوي الحاجات اللي بتضايقني و اعيش فيها من تاني

و طبعا كنت بأستحضر كل المشاعر و الأحاسيس المصاحبة لتلك الأحداث

و حتى الذكريات السعيدة كنت أتذكرها ثم أبكي بكاءا مرا أنها أصبحت ماضي!!

مرة اتخضيت جدا من نفسي

بس ده كان قبل التحول بسنوات

كنت بأحضر درس محادثة مع إحدى زميلاتي

و سألت زميلتي الطالبات عن موقف سعيد مر في حياتك

يا خبر

قعدت طول الساعة أفكر في أي موقف سعيد مر بحياتي ...ما لاقيتش

قعدت بعدها مع زميلاتي و دخلنا في نقاش طويل عما حدث

كنت وقتها حامل و الكل قالوا لي ده طبيعي في الحمل

خلاص ركنت الموضوع انه بسبب الحمل

و فضلت عايشة في الماضي و خايفة من المستقبل المجهول و بأضيّع الحاضر في اجترار الذكريات و الخوف من المجهول

كنت دايما أسمع الأغاني و كل أغنية تفكرني بذكرى معينة من الماضي حتى لو كانت سعيدة أبكي لأن السعادة انتهت !!!

يا خبر أبيض

النتيجة دايما كانت أن الماضي أجمل و أدفأ و أسعد

فهو ما عرفناه و ألفناه

حب الماضي والشعور فيه بالأمان هو أول و أقوى رفض للتغيير

و بدون تحطيم ذلك لن تستطيع الخلاص من باقي السلبيات القاتلة

فالتخلص من العيش في الماضي لابد أن يكون الخطوة الأولى

فهو أول السلبيات

و أي موقف سلبي يبدأ بالتحسر على زمان و أيام زمان

و اييييييييييييييه دنيا

و نمصمص شفايفنا و نبتدي المقارنة... و اللوم...و النقد

و ذلك قمة الأنانية

و للحديث بقية...

[أمل حياتي]

هي مقاومة السلبيات الخمسة

العيش في الماضي - المقارنة -اللوم - النقد - الأنانية

عزيزتي مصريه متغربه كلمات معبره جدا عن واقع الكثيرين

ولكن كيف التخلص من هذه السلبيات

[عبير يونس]

هي مقاومة السلبيات الخمسة

العيش في الماضي - المقارنة -اللوم - النقد - الأنانية

عزيزتي مصريه متغربه كلمات معبره جدا عن واقع الكثيرين

ولكن كيف التخلص من هذه السلبيات

غاليتي

البداية تكون بالرغبة في التغيير

ثم التخطيط للتخلص من السلبيات بخطط قصيرة المدى و متوسطة المدى و طويلة المدى

ثم التفيذ

ثم العزيمة و الصبر على العراقيل و التحديات التي تواجهنا أثناء التنفيذ

و يجب أن نضع أهداف نقسمها

كيف نصيغ الهدف؟

تريدين إنقاص وزنك مثلا

هذا لم يصبح هدفا بعد

هو أمنية أو رغبة

عليكي أن تسألي نفسك

لماذا أريد ذلك؟

قد يكون من أجل المظهر

أو الصحة

أو كليهما

متى أريد ذلك؟

حددي فترة زمنية معقولة لتحديد الهدف

ما هي المصادر التي تساعدني على تحقيق ما أريد؟

نظام غذائي+ رياضة

ما هي التحديات التي تحول بيني و بين تحقيق هدفي؟

مثل :الكسل

عدم الانتظام

الاستسلام لإغراءات الطعام

الاحباط

كيف أضع الهدف في حيز التنفيذ؟

بعد الرغبة

و وضع الأهداف

لابد من التنفيذ

و أمثل تنفيذ هو ما يتم على مراحل

فاذا كنت تنتوين انقاص 20 كجم مثلا

فلا تضعي خطة للتخلص من 20 كجم مرة واحدة

فهذا ضار صحيا

بالاضافة الى انه ان لم يحدث ذلك ستصابين بالاحباط

مما سيجعلك تفقدين الامل و تلتهمي الطعام بغضب يزيد من وزنك أكثر مما كان عليه!!

لابد أن يكون الهدف مستمرا

و ذلك بأن أسأل نفسي ماذا بعد تحقيق الهدف؟

اجعلى لغذائك نظاما مستمرا لا ينتهي بفقدان الوزن الزائد

و للحديث بقية...