قاموس كويتى مرررره

[قلب ابيض]

عشت عمرى بالكويت ..على اد ما عشت واتعلمت من اهلها لغه البلد الا انى حتى الان اجد صعوبه فى بعض الكلمات فهما

من موقعى هذا ومن

ومن حبى للبلد واهلها

ومن رغبتى فى ان يتعلم المغترب الجديد لغه هذه البلد

فتحت التوبيك ده واليه ادعو كل اهلى وحبايبى من المحاورين والمحاورات المقيمين بالكويت ليدلو كل بدلوه فى هذا التوبيك

واخص بالدعوه الكويتيه الوحيده مصريه الهوى اختى حمال الاسيه ان تشارك بل ان تتبنى هذا التوبيك

وكله بثوابه

[Simba]

تسمحيلي ابدأ

عندي علي الموبايل برنامج للامثال الكويتية الشعبية وشرح معناها

منهم مثلا

اللي في الجدر( القدر ) تطلعه الملاس

وخنيت حيلي

بوطبيع ما يجور عن طبعه

عريان لافي على مفصخ

[أمل حياتي]

صباح الفل والورد على الجميع

اختي قلب ابيض يعني انا هربانه منهم هنا وانتي جايبه الكويت هنا

عموما اللهجه الخليجيه اعتقد صعبه نوعا ما على اخواننا في مصر

والأسهل اننا نتكلم اللهجه المصريه بحكم تعودنا عليها من المسلسلات والافلام

ولو اي حد عايز يسال عن حاجه انا معنديش مانع في الرد عليه :blush2:

تم تعديل 3 نوفمبر 2010 بواسطة حمال الأسيه

[أمل حياتي]

حرام عليك يا استاذ سيمبا ده انت قديم قوي

يعني ادخل في السهل الأول وامشي تدريجي :) :) :)

[قلب ابيض]

صباحكم نادى ان شاء الله

انتو كده مافهمتونيش لا سمبا ولا ام على ... :protest:

ماشى هابدء انا بسم الله :

فطار الصباح = ريوج :coffeenews:

طوفه =الحائط

غشمره = مزاح او دعابه

كشخه = شيك جدا smk:

دريشه = شباك

جيكره = قبيحه الشكل :ph34r:

نسره = مفتريه mc:

شدعوه؟ = على ايه ؟ :o

حيييل = جدااا

جفشه او غفشه = معلقه :FN:

جدر = حله

بواج = حرامى :astaghfer:

هاااااااااااا المعنى وضح

"طبعا حقوق التصحيح محفوظه لام على "...لو حبت

ده على حد علمى ...فى انتظار المزيد من باب من عرف لغه قوم امن مكرهم ...وارجوووووكم ما تفهمونيش غلط

انتظروا المزيد

[herohero]

احلى حاجه ان فيه مفردات ف اللكنه الكويتية من اصول هندية

مروحة سقف = بنكة (ده هندية

دولاب = كابت

فرخة =دياية

طفل صغير =ياهل =بذورة بالسعودي

جزمة = جوتي

خرطوم مياه = هوز

فستان = نفنوف

جلابية = دشداشه بالكويتي = توب بالسعودي

استيكة = محاية

صرصار = زهيوي

بطيخ = رقي = حبحب بالسعودي

لب= حب بالكويتي = فصفص بالسعودي

عيش = خبز

أرز= عيش

فكرتوني بذكريات ..... جميلة

[أمل حياتي]

rقلب ابيض

انا فاهماكي بس مش غاويه الكلام الكويتي

لو عايز حد يستفسر انا جاهزه

[الغريب]

اللهجة الكويتية

-فيها خليط من الهندي على الإنجليزي

-بعض الحروف تقلب مثل الجيم تقلب ياء ، والكاف تقلب شين

على كل حال أنا هقول شوية حاجات بسيطة لأن قلب أبيض وفت

خووش = طيب وحسن (تأتي مقدمة على الشئ)

ريال = راجل

وايد = كثيييير

شكو = في أيه ؟

ماكو = مفيش

أكو = في

عاوز أعرف بقى الكلمة دي من حمال الأسية

أتطمّش = .....

[mekkawy]

يلا يا غريب .. افتح الدريشة عشان تجيبلش شوية هوا و انكشخ كدة و انزل هاتلنا ريوج و خلي بالك من غشمرة النسرة و اوعي تنطمش بالطوفة و خلي بالك من البواج

منحرمش منش

تحيا :egyflag: يا عم الحج

مكاوى

[الغريب]

يلا يا غريب .. افتح الدريشة عشان تجيبلش شوية هوا و انكشخ كدة و انزل هاتلنا ريوج و خلي بالك من غشمرة النسرة و اوعي تنطمش بالطوفة و خلي بالك من البواج

منحرمش منش

تحيا :egyflag: يا عم الحج

مكاوى

حسافة عليج يامكاوي :)

[Diab]

ايه ياعم الكلام العريض ده

لا ده السعودية أرحم

[قلب ابيض]

اللهجة الكويتية

-فيها خليط من الهندي على الإنجليزي

-بعض الحروف تقلب مثل الجيم تقلب ياء ، والكاف تقلب شين

على كل حال أنا هقول شوية حاجات بسيطة لأن قلب أبيض وفت

خووش = طيب وحسن (تأتي مقدمة على الشئ)

ريال = راجل

وايد = كثيييير

شكو = في أيه ؟

ماكو = مفيش

أكو = في

عاوز أعرف بقى الكلمة دي من حمال الأسية

أتطمّش = .....

-بعض الحروف تقلب مثل الجيم تقلب ياء ، والكاف تقلب شين

فكرتنى بموقف حصل بمناسبه الكاف شين دى ...

واحد كويتى لذييييييذ اوى فاهمنى طبعا ....عاوز يعمل نفسه مصرى وابن بلد ومدقدق على راى احمد مكى ..بيتريق على واحده مصريه معرفه له بيقول اصلها طول ماهى حاطه الكباسه دى فى شعرها محدش عارف يكلمها

الشباصه =التوكه

لوحده قلب الشين كاف وكانت النتيجه انه هو اللى قعدنا نضحك عليه

حد فهم حاجه؟؟؟؟ :unsure:

أتطمّش = .....

اعتقد هى تعادل اتنأوز بالبلدى او اسخر او اتتريق

هااا يا ام على ؟؟؟؟ صلحى ورايا بقى

يلا يا غريب .. افتح الدريشة عشان تجيبلش شوية هوا و انكشخ كدة و انزل هاتلنا ريوج و خلي بالك من غشمرة النسرة و اوعي تنطمش بالطوفة و خلي بالك من البواج

منحرمش منش

تحيا :egyflag: يا عم الحج

مكاوى

مكاوى لغات .....ايه اللى جابك هنا ؟؟؟؟ عدو ولا حبيب؟؟؟

اولا انكشخ غلط ..قل اكشخ ولا تقل انكشخ

تنطمش بالطوفه ؟؟؟؟انجليزى ده يا مرسى ؟؟؟ :blink:

بالنسبه للكلمات اللى بالاخضر انا اعتقد ان قلب حروف الكاف شين فى المخاطبه خاصه بالنساء فقط

يعنى شلونتش او شلونج دى للنساء ايش لونك للريايل

ام علــــــــــــــــــــــــــــــــــــى الغوث :blush2:

[herohero]

احلى حاجه كلمة صرصار معرفش بحس انه مدلع ف اللكنة الكويتية يعني زهيوي تحس كده حاجه دلع

[خالد شحاته]

اناعشت في العراق نفس لهجة الكويت 80% لهجه واحده العراق والكويت

تم تعديل 3 نوفمبر 2010 بواسطة خالد شحاته

[تامر مصطفى]

والله يا جماعه ضحكتوني

لضيق وقتي هعلق بس على كلمة اتطمش

دي معناها اتفرج

بالمناسبة كان عندي طالب لما كنت شغال في سلوى اسمه طميش

واعتقد ام علي عارفة النوعية دي من الناس كويس

=====================

لي عودة للحديث عن اللقاء الأكثر من رائع اللي تم بيني وبين اخواتي كبار المقام ام علي وقلب ابيض

[الســـاري]

اعشق الكويت بلداً وحكومة وشعباً واعتبرهم اقرب الشعوب الينا نحن السعوديين من حيث الهوية

اشكرك قلب ابيض على هذا التوبيك bv:- .. وللمرة الاولى اعرف ان الاخت حمال الاسية كويتية ..

ولكم مصطلحات كويتية ..

الشواذي = القرود

اقعد من النوم = اصحى من النوم

جنجفة = الكوتشينة

اطرش فاكس = ارسل فاكس ( اطرش باللهجة السعودية لها معنى تاني خااالص :P

تشب او جب = اسكت او اخرس

البيزات = الفلوس

طقطاقي = الدباب او الموتوسيكل

العربانة = العربة الخاصة بحمل الاغراض في السوبر ماركت

الجمعية = السوبر ماركت

والف تحية للشعب الكويتي .. ولو انهم يسمونا كراتين واحنا نسميهم قواطي :P

بس نغليهم وايد وايد

[الغريب]

حقيقة تسعدني جدا روح المحبة بين الكويتيين والسعوديين وأسأل الله أن تعم كل البلاد العربية والإسلامية

نرجع لموضوعنا ...

والف تحية للشعب الكويتي .. ولو انهم يسمونا كراتين واحنا نسميهم قواطي :P

يعني أيه؟؟؟؟؟؟

[الســـاري]

كراتين جمع مفردها كرتون .. يعني انا كرتون وكم واحد كرتون كمان زيي نبقى شلة كراتين ..

والقوطي هي العلبة .. هذه التسمية مشتركة بين الشعبين .. يعني نقول قوطي بيبسي مثلا .. او قوطي صلصة ..

اما عن سبب التسمية فلا ادري .. ؟؟ .. يعني صحينا من النوم لقينا انفسنا نقول لبعض كرتون وقوطي .. :)

نحن شعوب الخليج نعشق اطلاق ما يسمى لدينا بالنبز او العيارة .. يعني كل قبيلة او كل اهل دولة او مدينة لهم اسم كدا يتعايروا بيه .. البعض يتقبلها بروح رياضية والبعض الاخر .. يزعل .. وان شاء الله ما فينا مين يزعل ..

ونقول للمصريين : يا علي عوض .. وما تسئلنيش عن معناها لاني ماعرفهاش :closedeyes:

ودمت بود

[الغريب]

ونقول للمصريين : يا علي عوض .. وما تسئلنيش عن معناها لاني ماعرفهاش :closedeyes:

ودمت بود

:lol: ههههههههههه أنا بقى أعرفها :)

[Simba]

ونقول للمصريين : يا علي عوض .. وما تسئلنيش عن معناها لاني ماعرفهاش

ودمت بود

ههههههههههه أنا بقى أعرفها

انا بقي مش عارفها

يعني ايه علي عوض دي