هما شباب المحاورات في جدة أتقفشوا ولا أيه !!؟؟

[الغريب]

عنبي ،، ومكاوي ،، وعاشق الترحال ،، وإنفستور ،، وحسام عبدالفتاح ،، وغيرهم...

شباب محاورات المصريين من جدة

أختفوا في ظروف غامضة

بجد والله ليكم وحشة كلكم

ربنا يوفقكم لكل خير ، ويسمعنا عنكم أحسن أخبار ..

تم تعديل 19 نوفمبر 2010 بواسطة الغريب

[عنبو]

عنبي ،، ومكاوي ،، وعاشق الترحال ،، وإنفستور ،، وحسام عبدالفتاح ،، وغيرهم...

شباب محاورات المصريين من جدة

أختفوا في ظروف غامضة

بجد والله ليكم وحشة كلكم

ربنا يوفقكم لكل خير ، ويسمعنا عنكم أحسن أخبار ..

تسلم يا بشمهندس على السؤال احب اطمنك ان الشباب كلهم بخير

انا طبعا كنت شغال فى فترة العيد بيبى سيتر كل اقاربى راحوا يحجوا وسابوا العيال والحمد لله

فتحوا عينى على حاجه مهمه قوى ان الحياه بدون اطفال لذيذه قوووووووووووووووى ومريحه قووى

التجربه دى عاوزه توبيك انتظرونا قريباً

ميكاوى وحسام وعاشق كانوا فى الحج ربنا يتقبل منهم جميعاً يارب

انفستور راح حج فى الرياض وتقريباً كان بيقول عاوز اروح اعمل عمره فى تركيا معرفش راح ولا اكتفى بحجة الرياض هذا ما سوف نتيقن " حلوه نتيقن دى" فى الايام القادمه

تحياتى

عنبو بعد الافراج

[المهندسه]

فتحوا عينى على حاجه مهمه قوى ان الحياه بدون اطفال لذيذه قوووووووووووووووى ومريحه قووى

والله الناس لو تعرف قد ايه الحياه بتبقى بمبى لما العيال تريحنا شويه وتنام"نوم الظالم"

انت ازاى وافقت انك تقعد بالعيال اكيد كنت مغيب عن الوعى ...كنت فاكر ايه الحياه هتبقى لعب و حب و كارتون و بس

احمد ربنا انك طلعت سليم بدون خسائر بشريه فيك او فازه طارت مثلا على التليفزيون او ولعوا فى الشقه و فى الكل كليله

اوعى تغلط الغلطه دى تانى و استغفر ربنا و اعزم على انك مش هتستضيف اطفال تانى.

[engmido]

نسيت تقول مراسلكم من جدة عنبو

ههههههه

كل سنة وانتم طيبيبن يارجالة

بس سلملى على عاشق الترحال وطمننا عليه