مبارك الـ 16 متقدما على البرادعى فى تصنيف فورين بوليسى

[Alshiekh]

تقدم ترتيب الرئيس محمد حسنى مبارك فى ترتيب مجلة فورين بوليسى فى ترتيب أسوء السيئين فى العالم.

تقدم الرئيس مبارك إلى المركز الـ 16 فى تصنيف العم 2010، وكان ترتيبه الـ 20 فى العام الماضى 2009

تقول المجلة أيضا أن 23% فقط من الناخبين إختاروه رئيسا فى إنتخابات 2005 ، ورأيى أن هذا الرقم ليس حقيقيا ، ولكنه إعتمد على المصادر الرسمية فى وضع هذه النسبة.

ويقول الكاتب فى وصف الرئيس مبارك:

The Worst of the Worst

حسنى مبارك ، مصر

الترتيب بين أسوء السيئين لعام 2010 : 16

طاعن فى السن ، مستبد ، مصاب بجنون العظمة

شغله الشاغل هو البقاء فى السلطة

مبارك اصبح يشك فى كل شيئ حتى أصبح يشك فى خياله ،

ولايزال يحتفظ بقانون الطوارئ لمدة 30 عاما حتى يتمكن من سحق نشطاء المعارضة.

وقد إستمر مبارك فى إعداد إبنه جمال لخلافته.

23% فقط هم من صوتوا لصالحه فى إنتخابات الرئاسة عام 2005

عدد السنوات فى السلطة: 29

[اغابي]

على فكرة انا من سنة كدا كنت متاكدة باحلام وردية جميلة ان البرادعى هو اللى حيبقى رئيس

وما جاش فى بالى ابدا ان مبارك حيبقى رئيس تانى

لان البرادعى كان دايما يجبلى احساس انه راجل بيفهم وحيغير من حال البلد - بجد بحس ان مصر محتاجة واحدة فى ثقافة البرادعى - هو فعلا اهم خسارة خسرناها لو مبارك حيبقى رئيس تانى

ومن ناحية المجلة - لو محتاجين اكتر يجو يسالوا الناس فى مصر وهما حيدوهم الاحصائية الصحيحة

لان نسبة 23 % لا تصدق - اذا وصل ل5% حتى - يبقى مبارك داه محظوظ

البلد كلها بكل فئاتها تعبت - الشعب المصري تعب واللى يقولك عاوزين مبارك يبقى رئيس - يبقى بيكذب او بيجامل

حال البلد اللى كانت ملجأ فى بدايه القرن للثقافة والرقى والحضارة بقت الاسوأء من جميع النواحي

من الاخر احنا فعلا عاوزين تغيير بجد

حتى لو جمال مسك الحكم حيمشي على خطة مبارك - ومش حنشوف جديد ولا تغير ولا تطوير

بالعكس داه احنا حنروح للاسوأ - لان جمال حيكمل المسيرة

ايه خبرته فى ادارة شئون مصر علشان يبقى رئيس

اهو بفضفض معاكم

[م تيمور المراغي]

[akramgroup]

طيب واللهى كده رضا اوى عليه

يعنى فى سنه واحده من رقم 20 الى رقم 16

طيب ماهو الراجل تمام اهو

يعنى ماوصلش مثلا لرقم 3 ولا 2

بطلوا افترا على الناس بقى

[التونسى]

على فكرة انا من سنة كدا كنت متاكدة باحلام وردية جميلة ان البرادعى هو اللى حيبقى رئيس

وما جاش فى بالى ابدا ان مبارك حيبقى رئيس تانى

لان البرادعى كان دايما يجبلى احساس انه راجل بيفهم وحيغير من حال البلد - بجد بحس ان مصر محتاجة واحدة فى ثقافة البرادعى - هو فعلا اهم خسارة خسرناها لو مبارك حيبقى رئيس تانى

ومن ناحية المجلة - لو محتاجين اكتر يجو يسالوا الناس فى مصر وهما حيدوهم الاحصائية الصحيحة

لان نسبة 23 % لا تصدق - اذا وصل ل5% حتى - يبقى مبارك داه محظوظ

البلد كلها بكل فئاتها تعبت - الشعب المصري تعب واللى يقولك عاوزين مبارك يبقى رئيس - يبقى بيكذب او بيجامل

حال البلد اللى كانت ملجأ فى بدايه القرن للثقافة والرقى والحضارة بقت الاسوأء من جميع النواحي

من الاخر احنا فعلا عاوزين تغيير بجد

حتى لو جمال مسك الحكم حيمشي على خطة مبارك - ومش حنشوف جديد ولا تغير ولا تطوير

بالعكس داه احنا حنروح للاسوأ - لان جمال حيكمل المسيرة

ايه خبرته فى ادارة شئون مصر علشان يبقى رئيس

اهو بفضفض معاكم

عارفه يا استاذه أغابى ... لو الحل فى البرادعى .. او فى أى اصلاحى اخر .. ((حتى ولو رسول منزل وموحى اليه)).. كنا ممكن نقول الامر هين .. لكن مشكلة مصر الكبيره والخطيره جدا((من وجهة نظرى)) ان الفساد توغل.. وتسلل ..وتغلغل..وزلزل كل مناحى حياتنا .. وبخاصة على مستوى السلطات العليا والحساسه .. والسلطات التنفيذيه .. وحتى قطاع كبير جدا جدا من عامة الشعب ...فاصبح القاسم المشترك فى اغلب المعاملات بمصر .. فاختلط الفساد بحياتنا .. كما اختلط العجين بحفنه كبيره من الرمل .. يعنى صعب جدا جدا .. بل مستحيل .. اننا نتخلص من الفساد اللى بتشغى بيه حياتنا ..كماهوأيضا مستحيل تنقية العجين من حبات الرمل .. وذلك بمجرد تغيير رأس السلطه .. فعلى مدار 30 عام تسبب الرئيس مبارك بسياسته الميكافيلليه ((سواء بسوءأو حسن نيه او مغلوبا على امره)) فى تعريض جسد الوطن لسرطان الفساد لينهش فيه بكل ضراوة .. حتى وصلنا الى ما نحن فيه الان

اذن الحل الجذرى والقاطع والبات ليس فقط فى تغيير مبارك .. ولكن طبعا تغيير مبارك بشخص اصلاحى أخر ((على شاكلة مهاتير محمد او اوردوغان مثلا)) هى اول خطوه فى مشوار الالف ميل .. وسيواجه هذا الاصلاحى ما لا عينه رأت .. ولا أذنه سمعت

الحل الوحيد الجذرى للتخلص من الفساد .. هو للاسف حل دموى .. وللاسف هو حل فى صالح الاعداء المتربصين .. وللاسف هو الشئ الوحيد الذى يجعل الكثير منا أنفا يقبل مبارك وسياسته على مضض.. الحل هو ثورة أشبه بالثورة الفرنسيه تحرث البلاد حرثا ((فتجيب عاليها واطيها زى ما بيقولوا ))

معلش اختى الفاضله أغابى قلبتلك دماغك :closedeyes: ..بس غصب عنى مش قادر امنع عقلى من التفكير بشكل مكتوب .. ربنا يسترها على بلادنا ..ويحفظها من كل شر وسوء قد يحيق بها .. ويكون مرتبلها سيناريو احسن من كده ..وهو عز جل قادر على كل شئ

[mfarag]

الحل هو ثورة أشبه بالثورة الفرنسيه تحرث البلاد حرثا ((فتجيب عاليها واطيها زى ما بيقولوا ))

للاسف كل المقدمات تودى الى النتيجة دى

عشان الكبير مش هيسيب البلد دى فيها نفس

تم تعديل 30 نوفمبر 2010 بواسطة mfarag