دعوة

[Scorpion]

الأخ الفاضل architect

اسمح لي استاذي العزيز ان استخدم موضوعك هذا لتوجيه رجاء الي الجميع .... رجاء في هدنة قصيرة .. متي هدأت النفوس فيها فأنا علي ثقة تامة انكم ستنظرون عما يحدث من "مناوشات" علي انها مجرد سحابة صيف عابرة ...

فلنفتح جميعآ مواضيع بدون اي اهداءات ... فهذا الأهداء ما هو في النهاية الا قفاز ارميه في وجه من يخالفني رأيآ واحدآ من حزمة اراء أخري نتفق فيها معآ ....

و بدلآ من ان احاوره محاولآ ان أقنعه او يقنعني ... انسف تلك المحاولة من بدايتها خالقآ تحفز لا يجعل من يخالفني الرأي يستوعب ما اريد ان اقوله من اساسه ....

بدون تلك الكلمة و التركيز فقط علي قلب الفكرة رد الفعل و التجاوب سيكون في اطارها ايضآ و بدون ادني شك ايجابي ....

عجبآ زملائي الأعزاء ... نركب جميعآ نفس المركب ... و لا بلاش المثال ده .. لأن كل مجموعة مننا حتقول ما هو عمال يخرم في قاع المركب ده و حنغرق كلنا ....

ننضم جميعنا الي لواء واحد له هدف مشترك ... فلنحاول ان نسير قليلآ كلنا إتجاه الآخر و نتلاقي في منتصف الطريق بدلآ من ابتعادنا و خلق ضغينة تبعدنا كلنا عن ما هو في مصلحتنا نحن ... جميعآ ...

انا متـاكد بالفعل ان خامتنا الأصلية كمصريين حتكسب في النهاية .. و شوية الغشاوة دول اللي بيننا حيروحوا لحالهم ...

مودتي و احترامي للجميع

[م تيمور المراغي]

انا قصدي ماكانش شخص بعينه على فكره ,,

بل كان قصدي اسلوب تفكير حفضل اواجهه الى ان يختفي تماما ان شاء الله ,,

وفي المواجهات لازم نجمع بين اللين و الحزم ,,

لان اللين وحده للاسف لا يجدي ,, لابد من شعرة معاويه تتارجح بين الشد والجذب ,,

اطمنك يا كبير

التكنيك ده انا املك ادواته كويس اوي ,,

ان شاء الله

تم تعديل 9 ديسمبر 2010 بواسطة architect

[Scorpion]

طب يعني حضرتك قبلت دعوتي دي يا باشمهندس و الا مش فاضي النهارده ؟؟؟

:unsure:

[م تيمور المراغي]

طب يعني حضرتك قبلت دعوتي دي يا باشمهندس و الا مش فاضي النهارده ؟؟؟

:unsure:

حتى لو مش فاضي يا كبير ,,

افضى عشان عيونك :happy:

قبلت الدعوه ,,,

[Scorpion]

تسلم يا عسل ... ما هو ما ينفعش افضل اطبخ من صباحية ربنا و ما حدش ييجي ...

عالبركة .... الباشمهندس تيمور و العبد لله قاعدين خلاص عالترابيزة و الفاضل شريف مان لسه عامللي ترانك هو برضه بيقول احجزله مكان .... مين جاي ... خير ربنا كتير يا جماعة ...

[م تيمور المراغي]

ده نموذج اظن كلنا بمختلف انتمائتنا وايدلوجياتنا متفقين عليه ,,

سواء كنا سلفيين او اخوان او دعاه مجددين او صناع حياه ,,

http://www.youtube.com/watch?v=rgGij1deFAE

حستاذن منكم ساعه ,, ولنا سهره معا لو اردتم ان شاء الله ,,,

[المهندسه]

طيب يا اخى scorpion انا كمان هاجى بس حضرتك ما قولتش ممنوع اصطحاب الاطفال و لا ايه؟؟؟يعنى اسيب ليلى و ملك ولا اجيبهوم معايا؟؟؟

طيب فى فقره الساحر ...بس علشان العيال تنبسط..

على العموم انا هسيبهوم نايمين وهاجى شكله كلام كبير ...

دعوه مقبوله اخى scorpion و هذا ما كنت اتوقعه حقيقى منك ..جزاك الله خيرا ..

فعلا يوجد اختلاف بيننا كأعضاء فى الاراء و المعتقدات و لكن عسى ان يكون دائما هذا الاختلاف لا يفسد

لمحبتنا و انتمائنا "للمحاورات" قضيه ...فألاختلاف من قوانين الطبيعه ولا نقدر تداركه

و الموده و الحب والرحمه نعم من الله عز وجل لتقربنا وتستمر الحياه..

اتمنى مع بدايه عام هجرى و ميلادى جديدين ومع عيد ميلاد المحاورات ان يجمعنا و لا يفرقنا ابدا

وان نلتقى فى منتصف الطريق محاولين كل منا ان يزول المعوقات والمعرقلات التى تحول بينه وبين الاخر

وكل عام ونحن جميعا بألف صحه وسعاده.

[Dreamwithme]

أنا معاكم

متبدأوش أكل منغيري وأنا هجيب الحلويات

[م تيمور المراغي]

طيب يا اخى scorpion انا كمان هاجى بس حضرتك ما قولتش ممنوع اصطحاب الاطفال و لا ايه؟؟؟يعنى اسيب ليلى و ملك ولا اجيبهوم معايا؟؟؟

طيب فى فقره الساحر ...بس علشان العيال تنبسط..

على العموم انا هسيبهوم نايمين وهاجى شكله كلام كبير ...

.................

يا دي الاطفال اللي عاملين هس هس 24 ساعه في اليوم هههههه

انزلي يا ملك من فوق كتف عمووو

يا ليلى قلتلك ميت مره ما تضربيش عموا جااامد كده

بشويييييش ههههه :happy:

[masraweya]

كالعادة ناسيين العصير

عندي دي

عشان نبلّع

:WelEgTks:

[المهندسه]

طيب يا اخى scorpion انا كمان هاجى بس حضرتك ما قولتش ممنوع اصطحاب الاطفال و لا ايه؟؟؟يعنى اسيب ليلى و ملك ولا اجيبهوم معايا؟؟؟

طيب فى فقره الساحر ...بس علشان العيال تنبسط..

على العموم انا هسيبهوم نايمين وهاجى شكله كلام كبير ...

.................

يا دي الاطفال اللي عاملين هس هس 24 ساعه في اليوم هههههه

انزلي يا ملك من فوق كتف عمووو

يا ليلى قلتلك ميت مره ما تضربيش عموا جااامد كده

بشويييييش ههههه :happy:

انت بتقول فيها يا ارش يا اخويا ده المنتدى كله عارف انى بدخل تخاطيف بسبب العيال وقرفهم

الحمدلله خلاص ناموا وانا فضيتلكوا

كنت عايزه اجيبهم معايا على اساس ما دخلش بأيدى فاضيه ...بس الحقيقه قولت بلاش ابليكوا بيهم

لو دخلت عليكوا ب بطيختين هيبقى احسن.

[م تيمور المراغي]

سبحان الله ,,

ما اشبه الليله بالبارحه ,,

وانا غطسان كالعاده في كنوز المحاورات من مواضيعها القديمة لقيت موضوع من سنة 2004 للفاضل الاستاذ disappointed

تقريبا بيدور في فلك نفس الحاله الراهنه بين بعض الاعضاء وبعضهم الآخر ,,

حبيت اقتبسه هنا للعبره والتاريخ ,,

نظراً للتغيّرات "الديموجرافيّة" و "السكّانيّة" التى شهدها منتدى محاورات المصريين خلال الأسبوعين المنصرمين , فقد حدث تغيّر نوعى ملحوظ فى سمة و مناخ و أسلوب و مفردات الحوار , وهو ما إستشعره الكثيرون - و أقول الكثيرون بمنتهى الثقة نظراً للعدد الضخم من الرسائل الخاصة التى وصلتنى و كانت تتمحور حول نفس الملحوظة -

وقد كان لهذه التغيّرات أثر بالغ فى تولّد إحساس لدى الكثيرين بــ"إستغراب" طبيعة المنتدى التى ألفوها.... وقد عبّرت إحدى العضوات (و إعفونى من ذكر إسمها) عن ذلك بمقولة أراها بليغة , إذ قالت لى فى رسالة خاصّة :

تصدق انى كنت بادخل وعندى شعور و انا باتنقل بين المواضيع و الابواب انى زى ما اكون دخلت مكان مليان حلقات كل حلقه قاعد فيها ناس رايقه بيشربوا شاى و بيتكلموا و بيدردشوا مع بعض فاروح اقف فى الحلقه دى شويه اسمع كلمتين ينفعونى و بعدين اروح حلقه ثانيه اشوفهم بيقولوا ايه و اشاركهم بكلمتين.حاجه كده زى الفراشه اللى عماله تتنقل من ورده لورده ان ما اخدتش من الوردة شوية رحيق بتكتفى بالااستمتاع بالوقوف عليها و التمتع برائحتها , بس مؤخرا لقيت نفسى شاعره انى بادخل شارع زحمه مليان ناس بتتخانق وكل 10 متر ناس ملمومه على خناقه بتتفرج عليها او داخله تخلص او تفض اشتباكات او داخله تشارك فى الخناقه.وكل شويه الاقى صوت عالى و زعيق جاى من حته تانيه وناس ملمومه. اتاريها خناقه تانيه . وهكذا.يعنى زى ما اكون داخله اتفرج على خناقات و مشمرة دراعى للمشاركه فى الخناقه اللى تعجبنى . فبصراحه قلت يا بت ماتبهدليش روحك و خليكى قاعده فى بيتك وماتعديش فى الشارع ده كتير بدل ماينوبك بونيه والا روسيه او حتى على اقل تقدير كلمتين فى جنابك يعكننوكى

وربّما كانت أبرز المواضيع التى تميّزت بحوارات الطرشان و الزعيق و الصوت العالى و مصارعة الديوك و إلقاء دفعات لكمات تحت الحزام مع التراشق بالكلمات الخشنة و التريقه أو الإستفزاز أو التخبيط هى تلك المواضيع المشتعلة بخصوص فصل الدين عن الدولة و البيانات الإفتراضيّة عن وصول الإسلاميين أو العلمانيين للسلطة , و الدولة بين الأسلمة و العلمنة...إلخ إلخ

صحيح أن هذه الموضوعات المصيريّة هى الأكثر حيويّة و من المفترض أن تكون بؤرة إهتمام طبقة المثقفين فى هذا التوقيت و المنعرج الحاسم فى تاريخ مجتمعاتنا , ولكن ذلك لابد أن يتم من خلال إطار يشعرنا بأن المثقف الإسلامى و العلمانى و اليمينى و اليسارى و الإشتراكى و الليبرالى...إلخ إلخ قد قرّروا الدخول فى شراكة حواريّة لتحسّس كيفيّة خروج مجتمعاتنا من عنق الزجاجة و إبصار أول خيط ضوء فى نهاية النفق المظلم الذى تمر به مجتمعاتنا......على أن ما يحدث للأسف هو مناوشات و إستفزازات و تريقات و تعليقات جانبيّة ربّما تستدعى توفير "إيموشنز" جديدة فى المنتدى للتعبير عن الكلام الذى يقال....فهل وصل الحال إلى درجة أننا ربّما أصبحنا بحاجة لــ"إيموشن" كهذاــــــــ>>>> للتعبير عمّا يقال ؟؟؟!!

..................

[م تيمور المراغي]

".......وخيرهما الذي يبدأ بالسلام ",,

الحمد لله ان اللي شهد لي هو خير البشر ,, :happy:

الله اكبر ,,

بعتذر لكل اللي سهروا معانا ,,

وتصبحوا على خير ,, rs:

[عبير يونس]

انا جيت اهو

جمعة مباركة على الجميع

و على حضرتك خصوصي يا أستاذ شريف

على فكرة انا حاسة فعلا انك اخويا الصغير ( الكبير مقاما طبعا)

فعلا في عفوية شديدة في كلامك

و ده ان دل يدل على طوية غير خبيثة

بس لو تبطل العصبية اللي انت فيها

اهم حاجة اننا نتقبل بعض زي ما احنا

باكيج على بعضه

بحلوه و مره

انا جاية اقولك ما تزعلش و قدام الكل

و احنا اخوات

و نبدأ صفحة جديدة

و خد دول

:give_rose:

[شريف مان]

استاذة مصرية

أنا مش زعلان ولا حاجة .. وشكرا على الورد

بس عايز أوضح حاجة

أنا لا أعبد الا الله ولا أقدس الا الله

مبتعصبش غير لما الاقى هجوم على ناس واتهامهم بدون دليل

أحنا كلنا مسلمين لينا هدف واحد وكل واحد بيجتهد بطريقتة .. بس مينفعش نتهم حد بدون دليل بالذات لما يكون رجل دين

انا بسمع وبقرأ لناس كتيييييير من أول الشيخ الحوينى لحد مصطفى حسنى ومعز مسعود

لو حد فى دول مجرم وللا مرتشى وللا منافق وفى دليل على كدا أنا نفسى هدوس عليه .. لانه هو كشخص ميهمنيش فى حاجة

المهم الفكر والهدف .. اللى أكيد بيجمعنا كلنا

تحياتى لحضرتك وأكيد أحنا أخوات

وشكرا لكامل بك على دعوتة وربنا يجعله دائما سباق للخير

وهحاول مع الحاج أحمد أنه يرجع يشارك تانى فى المنتدى .. ربنا يوفقنا جميعا

[عبير يونس]

استاذة مصرية

أنا مش زعلان ولا حاجة .. وشكرا على الورد

بس عايز أوضح حاجة

أنا لا أعبد الا الله ولا أقدس الا الله

مبتعصبش غير لما الاقى هجوم على ناس واتهامهم بدون دليل

أحنا كلنا مسلمين لينا هدف واحد وكل واحد بيجتهد بطريقتة .. بس مينفعش نتهم حد بدون دليل بالذات لما يكون رجل دين

انا بسمع وبقرأ لناس كتيييييير من أول الشيخ الحوينى لحد مصطفى حسنى ومعز مسعود

لو حد فى دول مجرم وللا مرتشى وللا منافق وفى دليل على كدا أنا نفسى هدوس عليه .. لانه هو كشخص ميهمنيش فى حاجة

المهم الفكر والهدف .. اللى أكيد بيجمعنا كلنا

تحياتى لحضرتك وأكيد أحنا أخوات

وشكرا لكامل بك على دعوتة وربنا يجعله دائما سباق للخير

وهحاول مع الحاج أحمد أنه يرجع يشارك تانى فى المنتدى .. ربنا يوفقنا جميعا

و مين قال يا أستاذي

اني اتهمت حد من دول بالباطل

ارجع للمداخلات

المرة الوحيدة اللي ذكرت فيها اسم الشيخ الحويني كان عتاب

انه بيعرف أسباني

و ما ألفش كتب للدعوة باللغة دي

هل كده انا اتهمته بالباطل؟؟؟!!!

لما حسبنت في مداخلة تانية على شيوخ الفضائيات اللي ملخبطين الدنيا

دي كانت حسبنة و مش اتهامات بالباطل

و هل قول

حسبي الله و نعم الوكيل

بقى اتهام بالباطل؟؟؟!!!

لما قلت ان في ناس بتقدس الشيوخ دول

فانا أعرف ناس (أعرفهم شخصيا) كده

انا معرفش حضرتك شخصيا

عشان اتهمك بأي حاجة

انا باحترم الأفاضل الحويني و محمد حسان بجد

و غيرهم كتير كتر خيرهم على جهودهم

و ما بكرهش حد نهائيا

بس مبرفعش حد لمنزلة انه مبيغلطش

لأنهم في النهاية بشر

يصيبون و يخطئون

هي دي كل القصة

عموما حصل خير

و الاختلاف في الرأي لا يفسد للود قضية

[م تيمور المراغي]

شكلنا حنمسك في بعض تاني في الاخر .. :happy:

عتاب رقيق لمضيفنا الكريم انه مش هنا معانا

[عبير يونس]

شكلنا حنمسك في بعض تاني في الاخر .. :happy:

عتاب رقيق لمضيفنا الكريم انه مش هنا معانا

لا يا ارش

محدش حيمسك في حد

هو كان في سوء فهم

و انا وضحته

و خلاص

[عبير يونس]

فين البوفيه؟

:closedeyes:

[م تيمور المراغي]

شكلها حترسي على فووول في الاخررررر

او طع 100

ههههه :happy: