مكونات غذائية وأطعمة يمكن صناعتها منزليا

[doha]

الموضوع ده امتداد لموضوع تاني عن افكار لاشياء بنشتريها عاده بس اتضح ان ممكن جدا نعملها في البيت وبتكاليف اقل .. وعشان ميكونش في لخبطه فالموضوع الاول هيخصص لطرق عمل الادوات والاحتياجات المنزلية المختلفة والموضوع ده للحاجات اللي ليها علاقه باي حاجه ممكن ينقال عليها أكل ..

واترككم مع الوصفات الي شايفه كتير منها يستحق التجربة ...

--------------

انا بقيت باعمل الكاتشاب زى الجاهز بالظبط

لما دورت على طريقته فى النت لقيت الاضافات اللى بتتحط سكر وخل

عملته ومعطانيش نفس نتيجه الجاهز

وفى مره كان عندى ازازه كاتشاب بصيت على مكوناتها

قرنفل وفلفل ابيض وبودره توم وطبعل خل وسكر

جيبت 3ك طماطم وسلقتهم وشيلت قشرها وعصرتهم

وحطيتها على النار تتسبك وبعد كده ضيفت المكونات الجديده

عطانى نفس نتيجه الجاهز

تم تعديل 12 ديسمبر 2010 بواسطة MaYousof
تنسيق

[doha]

كمان حاجه عملتها المايونيز

برضه شفت طريقته انه بيض وزيت وملح وليمون

بصيت على مكوناته على العلبه

وعملتها

بيض وزيت وملح ومسترده ونشا بس انا ما استخدمتش النشا

عملت ايه حطيت البيض فى الخلاط وضيفت المسترده والملح والخل وليمون

وبعد ما خلطتهم والخلاط شغال ضيفت الزيت سرسوب صغير لحد ما الخليط تجانس وتقل

وكلى احلى ما يونيز واحلى من الجاهز

طبعا باعمل كميات قليله عشان ما تطولش فى التلاجه

[doha]

التوم البودره

عارفين التوم لما بينشف خديه واطحنيه هيبققى عندك توم بودر

كمان ممكن تاخدى التوم وتعمليه زى الباميه

تلضميه فى بعضه بابره وخيط وتسيبه ينشف فى الشمس

البصل

جيبى بصله وقطعيها اربع تربع

وضيفلها الملح وغطيها بمصف سلك وسيبه فى الشمس لحد ما ينشف وخديه واطحنيه

هيبقى عندك بصل بودر

وبالمناسبة الثوم والبصل المجفف طعمهم مختلف كتير عن الطازج وبيعطوا مذاق غريب هو ذاته الموجود في اكل المطاعم وبيميزه عن البيتي .. تقدروا تقولوا عليهم كده احد المكونات السرية في شغل المحترفين .. جربوه في البيتزا والكفته وماشابه وكمان هو نفسه المستخدم في نكهات الشيبسي بيوضع بعد طحنه على البطاطس بعد قليها مباشرة . عن نفسي بشتريه مجفف جاهز من فتح الله ماركت بس اظن الطريقة دي هتعطي نفس النتيجه . .

[doha]

طريقة عمل الجبنه كاسات

الكميه تعطي كيلو وربع جبن:

5ليترمن الحليب طازج اوبودره محلول في الماء

كاس شاي خل

ضعي الحليب في قدر وارفعيه على النار حتى يغلي

ضعي كوب الخل حتلاقيه اتكتل تطفي النار

ضعيه في مصفاة فيها شاش ونتركه حوالي 5دقائق

ثم ضعيه في الخلاط ونضع عليه قليل من الماء ثم اصبع زبده ثم قشطة قيمر وتخلط جيدا

حتاكلي احلى جبنه كاسات

القشطه ممكن وش اللبن بعد ما تغليه حوشى كميه محترمه وضيفيها

الطريقة السابقة منقوله من النت ولم تذكر ناقلتها انها جربتها بنفسها ..

[اغابي]

انا كمان حاشارك يا ضحى

حاجبلكم طريقة البسطرمة

انا عملتها ونجحت نجاح زريييييييع جدا

ويارب تعجبكم - بجد كويسة اوى ومضمونة

انتظرونى فى طريقة عمل البسطرمة

[doha]

انا هشارك بطريقة عمل اى مربى

تجيبى كيلو من الفاكهه اللى انتى عيزاهافراوله او تين او تفاح اومشمش او حتى ورد او عنب ولكل كيلو فاكهه كيلو الا ربع سسكر او نص حسب ما تحبى

تقطعى الفاكهه وتحطى عليها السكر وتسبيها ليله فى التلاجه تحطيها على النار ولما تغلىى هيبدا يظهر ريم نشيله ونهدى النار خالص وكل شويه نقلب ولما نلاقيها قربت توصل للقوام اللى احنا عايزينه نحط ربع ملعقة صغيره ملح لمون لانه بمنع انها تسكر وكمان فيه حمض يحافظ عليها واهم حاجه فى المرحله دى منشلش ايدينا منها خالص نفضل نقلب

ولما نلاقيها تقلت نطفلا النار ونكون معقمين البرطمانات باننا نحطها فى ميه مغليه 4 دقايق ونطلعها على فوطه نضيفه ولما تنشف نبدا نعبى المربى ونقفل كويس ونحطها فى التلاجه وبالف هنا وشفا

يتبع .........

[doha]

انا كمان حاشارك يا ضحى

حاجبلكم طريقة البسطرمة

انا عملتها ونجحت نجاح زريييييييع جدا

ويارب تعجبكم - بجد كويسة اوى ومضمونة

انتظرونى فى طريقة عمل البسطرمة

ممتاز لاني بحب البسطرمة جدا ولقيت من فترة طريقتها في النت بس خفت اجربها تعمل تسمم ولا شيء .. طالما انتي جربتيها فياريت تنزلي بالطريقة وياريت اكتر لو فيها صور (( شحات وعاوز فطيرة سخنة )) ..

في انتظار الطريقة ..

[dongol]

فكرة حلوة بس حاسس ان لو الحاجات دي اتعملت في البيت هتبقي اغلي من لو اشتريتها جاهزة

[ozoozo]

التوم البودره

عارفين التوم لما بينشف خديه واطحنيه هيبققى عندك توم بودر

كمان ممكن تاخدى التوم وتعمليه زى الباميه

تلضميه فى بعضه بابره وخيط وتسيبه ينشف فى الشمس

تسلم ايديكي علي موضوع التوم المجفف ده

ماتعرفيش انا بعمل كام خناقه عشان التوم المفروم اللي في الفريزر واللي بيبوظ طعم الاكل والمياه في التلاجه

[Simba]

انا بصراحة بحب التوم في اغلب الأكلات فممكن اسأل توم البودرة بيتعمل ازاي بالظبط يعني يتقشر ويتنشف وبعد كده يتطحن ف مطحنة التوابل العادية ؟؟

[doha]

انا بصراحة بحب التوم في اغلب الأكلات فممكن اسأل توم البودرة بيتعمل ازاي بالظبط يعني يتقشر ويتنشف وبعد كده يتطحن ف مطحنة التوابل العادية ؟؟

بالنسبة لي كنت بعمله زمان بطريقة مختلفة شويه عن الي نقلتها هنا كنت جبتها برضه من النت .. تجيب الثوم وتقطع كل فص شرائح رفيعه بالنسبة لي كنت بحطه في الفود بروسيسور على شفرة تقطيع الشيبس وكانت بتقطعه لي شرائح كويسه اوي .. المهم ترصه في صينية فرن وتحطه في فرن هادي لغايه ماينشف بعدين تطحنه في المطحنة او تدقه بالهون ..

بطلت اعمل الطريقة دي من بعد مااكتشفت انه بيتباع مطحون جاهز في فتح الله ماركت زي ماقلت قبل كده ..

بالنسبة للطريقة الي نقلتها هنا فالي فهمته انك تقشر الثوم وبعدين تاخذ الفصوص وتلضمها في ابرة وخيط بعدين تعلقها تنشف .

[doha]

طيب حد جرب الللانشون الى من غير لالحمه ولا فراخ ؟! فيه اخت هنا كانت كاتبه الوصفه وجربتها ممتاااااااازة , وصحيه جا ويظهر كدا ان بتوع كوكى دول بيعملوه كدا وبيخمونا على انه لانشون فراخ لان دا اللى حسيته لما عملته والله ما تفرقيه عنه ...... حبهان وجبنه كيرى , انا أستعملت النستو عادى ,وبيض ودقيق وحته مكعب , المفروض فراخ , بس انا حطيت خضار , وبس اه نسيت رشه بابريكا عشان اللون اوبنجر مفروم ......... أضربى بقى ف الخلاط كويس جدا وصبى ف ماج حرارى او كوبايه ستانلس طيله , لحد 3ارباعها بس وسويه ف حمام مائى حوالى تلات رباع ساعه كدا ولما يبرد قطعيه طرنشات رقيقه وكلى انتى وولادك أحلى لانشون صحى ومضمون

[doha]

انا دلوقتى مش بشترى سمن من برده خااااااااااااااالص

بعمل احلى سمن بلدى فى البيت وكمان مضمون وحاليا نادرا ما حد تشترى منه سمن فلاحى ويمون غير مغشوش

وحتى لو لقيتييه هتلاقييه غالى اووى

المهم انا بجمع القشطه من على وش اللبن واشيلها فى الفريزر

لغايه ما تبقى كميه حلوة حوالى 2 كيلو كده

اطلعها تفك وبعدين احط عليها نصف كوب ماء مثلج واضربهم بمضرب البيض

حوالى 10 دقائق كده هتلاقيهم فصلت المياه بتاعتها وتجمعت وبقت كورة زبده بلدى تحفه

ممكن طبعا تخليها كده لكن لو عاوزاها سمنه هنرفعها على النار لغايه ما تسلى وتبقى سمنه

وتتجمه المرته فى قاع الحله ودوقى احلى سمنه واحلى مرته فى حياتك

كمان المياه الى بتفصل من الزبده ده بتبقى لبن رايب بعمل بيه القرص الطريه رووووووووعه

الطريقة دي كنت قريتها زمان واعتمدتها من فترة .. اشتري الحليب سايب من وحده بتجيبه من الفلاحين مخصوص كل اسبوع مرتين تقريبا .. اغليه واتركه في الثلاجه لثاني يوم بيطلع على وجهه كمية ممتازه من القشطه .. اشيلها واحطها في علبة بلاستيك في الفريزر وقبل مااغطي العلبة بكون حاطه كيس نظيف على وجه القشطة عشان لونها ميتغيرش .. بعد تجميع كمية مناسبة كنت بعملها سمنة بنفس الطريقة المذكورة اعلاه بس بدون مااحط الماء البارد .. احدى العضوات سالت الاخت صاحبة الطريقة عن سبب استخدامها للماء البارد مع انها بتعملها بنفسها من غيره فقالت لها ان دي نصيحه اتقالت ليها عشان تخلي الزبده تتكون بسرعه بدون ماتاخذ وقت كتير في الضرب وبتقول ان الماء البارد بيفرق كتير في الحته دي ..

انصحكم لو عندكم مصدر للحليب الطبيعي الي مش مبستر تجربوا الطريقة دي بتطلع سمنة رهيبة بس اكيد تخلوها لاضافة الطعم بس للاكل مش تحطوا منها كمية كبيرة في الطبخ لان السمن البلدي فيها سعرات حرارية عالة جدا والافضل ينحط منها ملعقة صغيره على كل طبخه والباقي كملوه زيت ذرة ...

[doha]

ودي المقادير المفصلة للكاتشب والمايونيز ..

الكاتشاب

3 ك طماطم تقشريهم وتسبيكهم بعد كده ضيفى عليهم نص كوب سكر وزيه خل

وعود قرنفل وشويه فلفل ابيض وملح

المايونيز

3 او 4 بيضات تحطيهم فى الخلاط وعليهم معلقه مسترده وشويه ملح وعصبر ليمونه

وتضربيهم كويس وبعد كده من الفتحه بتاعه الدورق والخلاط شغال تضيفى الزيت لراحه

الزيت مالوش مقدار يعنى بتفضلى تضيفى لحد ما الخليط يتقل

[doha]

هاقولكم على طريقه الطحينه انا جربتها وطلعت روعه وطبعا واكيد توفير عن العلبه اللى ب 5 جنيه ومفيهاش معلقتين

مقاديرها

كوب سمسم وكوب دقيق وكوب زيت

السمسم مش متحمص

تطحنى السمسم وتضيفى الدقيق والزيت و كلى براحتك

[doha]

والكريمه اللبانى هى طبقه الى بتبقى بين اللبن والقشطه

اما تغلى اللبن وتشيلييه فى التلاجه بتتكون طبقه القشطه لو شيلتيها بتكون تحتيها طبقه ولا هى

تقيله ولا هى خفيفه وهى ده الكريمه اللبانى

[rewsha]

فكرة موضوعك جميلة قوي يا ضحى...

احب اشارك فيها بطريقة عمل الفراخ على طريقة (تكا)

انا كمان قراْت الطريقه على النت بس جربتها وفعلا طلعت نفس الطعم اللي بناكله في تكا بالظبط

وقد ايه كنت فرحانه لما التتبيله اديتني نفس الطعم بتاع تكا الجاهزه

طبعا تكا دي للجماعه اللى داقوها في مصر لاني ماشوفتش ولا مطعم واحد يوحد ربنا في السعوديه بتقدم فيه فراخ تكا

المهم ...نيجي للطريقه

نجيب الفراخ ايا كانت (صدور-اوراك-مخليه-او حتى فراخ عاديه بعظمها)

المقادير اللي هاقولها دي تكفي فرخه واحده

فرخه واحده-عدد 2 ملعقه كبيره خل-معلقه كبيره مليانه ثوم مهروس-نص معلقه صغيره زعفران-2 ملعقه صغيره بابريكا-ملعقه كبيره زنجبيل مطحون-ملعقه صغيره كمون-ملعقه كبيره كزبره ناشفه مطحونه-نصف ملعقه صغيره هيل مطحون- 3 ملعقه كبيره معجون

طماطم-كوب زبادي-عدد 4 ملعقه كبيره زيت زيتون-2 ملعقه صغيره ملح

خلطة الفحم :

- ملعقة صغيرة زيت أو سمن

- 2-3 قطعة فحم

الطريقة :

- اغسلي الدجاجة وجففيها وقطعيها إلى أرباع ، وتخلصي من الجلد ، واعملي فيها بعض الفتحات أو الشقوق لتسهيل عملية التتبيل ، ضعي قطع الدجاج في طبق زجاجي .

- وزعي الخل فوق الدجاج ، وادعكيها بأطراف أصابعك إلى أ، تتغطي بالخل ، واتركي الدجاج جانباً لحين إعداد التتبيلة .

- التتبيلة : في طبق زجاجي عميق ضعي الثوم والزعفران والبابريكا والزنجبيل والكمون والكزبرة والهيل والمعجون والروب والزيت والملح ، قلبي هذه المكونات مع بعضها جيداً ، ووزعي هذا الخليط على قطع الدجاج لتتغطي كلها .

- غطي الطبق بالنايلون ، ضعيه بالثلاجة لعدة ساعات أو ليلة كاملة ، وبعد مرور بعض الوقت اقلبي قطع الدجاج على الجانب الأخر لتتأكدي من توزيع التتبيلة .

- اخرجي الدجاج من الثلاجة لبضع دقائق قبل الطهي ، لكي يصبح بدرجة الحرارة العادية .

- سخني الفرن لدرجة حرارة 200 م ، وثبتي الرف الشبكي الأوسط .

- ضعي قطع الدجاج على شبكة الفرن حتى تنضج

- خلطة الفحم : ضعي السمن في قطعة صغيرة من ورق الألمنيوم ، ضعي الورقة في وسط الصينية التي فيها قطع الدجاج ، وسخني الفحم على لهب النار إلى أن يصبح أحمر اللون " جمرة " اسقطي قطعة كبيرة من ورق الألمنيوم وغطي بها الصينية بإحكام .

- .

وبالف هنا

على فكره تقدم تكا مع الارز البسمتي الاصفر

والعيش البوري

المره الجايه هاجرب طريقة العيش البوري ولو نجحت زي تكا هاكتبهالكم :)

[rewsha]

ماتنزلي لنا بطريقة البسطرمه بقى يا اغابي

تم تعديل 10 ديسمبر 2010 بواسطة rewsha

[doha]

الطماطم اول ما بترخص بجيب قفص

واغسل الطماطم واقطعها نصفين واحطها فى حلة على النار من غير ميا ةواضع عليها ملح خفيف

لحد ما تتصفى من ميتها خالص

واطفى عليها لما تبرد وبعد ما تبرد اضربها فى الخلاط

واصفيها واشيل فى اكياس حسب الطبخة بتاعتى

واشيل شوية بعد ما اصفيهم احطهم على النار تانى

وبعد ما تبرد الطاطم اعبيها فى برطمانات واحط فوق الوش زيت

ودى بتبقى للمكرونة والحاجت اللى عاوزاة صلصة تقيلة

[sindbad]

موضوع لذيذ

رائع... ومتابع

وعايزين

الدونات