الكنيسة تطالب الأقباط بعدم المشاركة في مظاهرات 25 يناير

[Alshiekh]

الكنيسة تطالب الأقباط بعدم المشاركة في مظاهرات 25 يناير وتدعوهم للبقاء بالمنازل

القمص عبد المسيح بسيط كاهن كنيسة السيدة العذراء الأثرية بمسطرد

-------------------------

أصدر القمص عبد المسيح بسيط كاهن كنيسة السيدة العذراء الأثرية بمسطرد والعديد من النشطاء الحقوقيين الاقباط فى مصر منهم هانى الجزيرى رئيس مركز المليوم لحقوق الإنسان وممدوح نخلة مدير مركز الكلمة ونبيل غبريال رئيس منظمة نور الشمس ونجيب جبرائيل رئيس منظمة الأتحاد المصرى والمحامون ممدوح رمزى ووائل فايز وأشرف أدوارد كيرلس وغيرهم بياناَ، دعوا خلاله الأقباط لعدم المشاركة فى المظاهرة التى دعت لها الحركات السياسية الثلاثاء الموافق 25 من الشهر الجارى والذى يتوافق مع الإحتفال بعيد الشرطة.

ووجه البيان دعوة للشباب القبطى من منطلق ما أسماه بـ"حب مصر" ومن أجل أمنها واستقرارها والاحتكام للعقل والإلتزام بالقانون نحو مطالب مشروعة بالحقوق التى يقرها الدستور , وليس بالمشاركة مع ما وصفوه بـ "فوضى هدامة".

وحث البيان الشباب القبطى لعدم الخروج فى مظاهرات 25 يناير معللا ذلك بـأنه ليس بالمظاهرات وعلو الحناجر تحل المشكلات ولكن بالمواجهة الموضوعية القائمة على الشرعية ومن خلال القنوات الرسمية.

ونفى بسيط أن يكون ذلك تدخلاَ بين الدين والسياسة قائلا أن تلك المظاهرات سينضم لها ما يعتبرها جماعات محظورة ومتطرفين إسلاميين وكذلك سلفيين وهذا يمكن أن يمثل فوضى عارمة ويعود بالمشكلات على الأقباط أنفسهم لأن الأقباط هم الفئة الوحيدة التى ليس لها أطماع سياسية أنما فقط تطالب بأبسط الحقوق المشروعة من خلال الدستور والقانون على حد قوله.

وفى سياق متصل طالب كهنة الكنيسة القبطية الأرثوذكسية صباح الاثنين الأقباط الذين توافدوا على الكنائس لحضور القداس بعدم المشاركة فى مظاهرة 25 يناير كما دعا الكهنة الأقباط للتواجد فى منازلهم و عدم فتح محالهم التجارية تحسباَ لحدوث أى أعتداءات قد تطولهم.

[Alshiekh]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

مرة أخرى أرى أن رجال الكنيسة يزيدون من عزلة المسيحيين بإعطاء التعليمات الكنسية للمسيحيين ( فقط ) بأن يبعدوا أنفسهم عن باقى المجتمع المصرى.

لو كانت الدعوة لكل المصريين بحثهم عن عدم التظاهر لبدا الأمر مقبولا ، أما أن تكون الدعوة مقصورة فقط على أتباع الكنيسة فهو أمر أرفضه وأعتبره تدخلا من رجال الدين فى السياسة وهو ماترفض الكنيسة أن يقوم به رجال الدين الإسلامى.

فهل هو الكيل بمكيالين؟ أم هى محاولة من رجال الكنيسة للتقرب أكثر من الحاكم والحكومة على غرار الجماعات السلفية؟

وهل رفضهم إشتراك الأقباط ( المسيحيين من أتباع الكنيسة الأرثوذوكسية ) يمثل إتفاقا منهم مع مايصرح به مشايخ الجماعات السلفية؟

لماذا يصر رجال الكنيسة على إشعار المصريين بأن هناك فصيلين يتبعون قيادتين وعلى كل فصيل أن يتبع قيادته الدينية؟

هل لازال رجال الكنيسة يشعرون أنهم مسئولون سياسيا عن المسيحيين من اتباع الكنيسة الأرثوذوكسية؟ وهل يعنى هذا بأن المسيحيين الأرثوذوكس اتباع لجالية داخل الدولة المصرية يأتمرون بأوامر رجال الكنيسة؟ وهل يفسر ذلك خروج المظاهرات المسيحية الأرثوذوكسية بشكل شبه منظم ومتفق عليه؟ ربما كان ذلك بشكل غير علنى لانه ضد النظام ، أما ماهو موال للنظام فلا بأس من الإعلان عنه؟

أسئلة كثيرة تحتاج إجابات هادئة بعيدة عن التشنج والتعصب لان مصر هى مصر الجميع والمواطنة يجب أن تسرى على الجميع فليت ردودنا تتسم بالموضوعية والبعد عن الإنتماء الدينى ، وكما قلت قبل ذلك ليت أن رجال الكنيسة قاموا بتوجيه طلبهم بعدم التظاهر لعموم المصريين وليس فقط للأقباط ( المسيحيين الأرثوذوكس ).

[اغابي]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

مرة أخرى أرى أن رجال الكنيسة يزيدون من عزلة المسيحيين بإعطاء التعليمات الكنسية للمسيحيين ( فقط ) بأن يبعدوا أنفسهم عن باقى المجتمع المصرى.

لو كانت الدعوة لكل المصريين بحثهم عن عدم التظاهر لبدا الأمر مقبولا ، أما أن تكون الدعوة مقصورة فقط على أتباع الكنيسة فهو أمر أرفضه وأعتبره تدخلا من رجال الدين فى السياسة وهو ماترفض الكنيسة أن يقوم به رجال الدين الإسلامى.

فهل هو الكيل بمكيالين؟ أم هى محاولة من رجال الكنيسة للتقرب أكثر من الحاكم والحكومة على غرار الجماعات السلفية؟

وهل رفضهم إشتراك الأقباط ( المسيحيين من أتباع الكنيسة الأرثوذوكسية ) يمثل إتفاقا منهم مع مايصرح به مشايخ الجماعات السلفية؟

لماذا يصر رجال الكنيسة على إشعار المصريين بأن هناك فصيلين يتبعون قيادتين وعلى كل فصيل أن يتبع قيادته الدينية؟

هل لازال رجال الكنيسة يشعرون أنهم مسئولون سياسيا عن المسيحيين من اتباع الكنيسة الأرثوذوكسية؟ وهل يعنى هذا بأن المسيحيين الأرثوذوكس اتباع لجالية داخل الدولة المصرية يأتمرون بأوامر رجال الكنيسة؟ وهل يفسر ذلك خروج المظاهرات المسيحية الأرثوذوكسية بشكل شبه منظم ومتفق عليه؟ ربما كان ذلك بشكل غير علنى لانه ضد النظام ، أما ماهو موال للنظام فلا بأس من الإعلان عنه؟

أسئلة كثيرة تحتاج إجابات هادئة بعيدة عن التشنج والتعصب لان مصر هى مصر الجميع والمواطنة يجب أن تسرى على الجميع فليت ردودنا تتسم بالموضوعية والبعد عن الإنتماء الدينى ، وكما قلت قبل ذلك ليت أن رجال الكنيسة قاموا بتوجيه طلبهم بعدم التظاهر لعموم المصريين وليس فقط للأقباط ( المسيحيين الأرثوذوكس ).

صباح الخير

اولا : مش عزلة يا استاذ محمد داه راى متفقين عليه ولينا وجهة نظر - يعنى احنا بالصدفة المسيحين لما بنبقى موجودين فى مكان ونفتح كلام عن موضوع 25 يناير رفضينه قطعيا

من قبل حتى ما نسمع موقف الكنيسة ومن قبل الكنيسة ما تعلن عن الامتناع عن التظاهر المسيحين رفضينه لان لو حلت على مصر ثورة احنا اول ناس هنتبهدل - اقولك بصراحة وبدون تحفظات ولا زعل

ثانيا : الصورة اللى شفتها فى تونس وتخريب بلدهم سرقتها ونهبها - وهما يعنى يعنى بينهبو وبيحرقو سيتى سينتر وبعض ممتلكات القطاع العام والخاص

تخيل داه لو حصل فى مصر هتبقى فرصة كمان لضعاف النفوس والمتخلفين انهم بكل سهولة وسط الهوشة والزحمة يحرقو الكنايس وممتلكات الاقباط وبيوتهم وهو داه اللى متوقع فى حالة حدوث فوضي اول ما يمتد من أللسنة النيران سيمتد للكنائيس وممتلكات الاقباط - يا استاذ محمد فى اقلية مندسة هتكون تخريبية موجودة فى المظاهرات وهى نفسها اللى كانت موجودة يوم احداث كنيسة العمرانية وهى اللى ضربت فى المسيحين مش الشرطة - المسيحين مش امان ليهم ابدا مظاهرات زى دى ولا امان لكنايسنا ولا ممتلكاتنا

ثالثا : قصة التقرب من الحاكم - اذا كان الحاكم ووزير الداخلية حبيب العدلى بيتفرجو على مذابح الاقباط اللى شغالة من 30 سنة وساكت الحاكم - هو فقط الحادث الاخير اتحركو خطوة لان الموضوع بقى على المكشوف وزاد اوى وادخلت اطراف اجنبية داه هو السبب

- يعنى لولا كدا كان الحاكم اللى بتقول عليه داه كان عادى ممكن يتمشى فى يوم ويدوس على دماء الاقباط زى ما بيدوس على رقاب كل المصريين - المبدأ مش تقرب خالص من حاكم نحن لا نتقرب ولا نتضرع الا لله وحده ولا نطلب من احد سواه

رابعا : يعنى هما حركة كفاية و6 ابريل والبرادعى هما اللى بقو رمز الوطنية دلوقتى

انا اللى شفته عيوب فى كل حركة من دول ايه يضمنلى حماية كنايس وممتلكات وحقوق الاقباط

وعمر التغيير ما يكون بثورات وهمجية وتكسير ونهب انت مش فاكر حركة 6 ابريل لما كسرت الشوارع وكباين التلفونات وبهدلت البلد

هى دى الوطنية يا استاذ محمد

صباح الورد

تم تعديل 25 يناير 2011 بواسطة اغابي

[se_ Elsyed]

تخيلوا لو كانت الكنيسة في مطلع القرن العشرين عملت كده ولم تشترك في كل الحركات والمظاهرات الوطنية التي حدثت وابرزها ثورة 1919 ... كان غيه بقى حالنا ؟

الكنيسة عاوزه تبقى في الأمان ....

ومن إمتى بقى أي حد يتكلم في أي حاجه ومجرد كاهن في كنسية بمسطرد ولا في أي مكان بقى يتحدث بإسم الكنيسة ويصدر أوامره للمسيحين ؟

لكن دعونا نتحدث بصراحة ... الكنيسة وعلى رأسها البابا شنوده تأخذ جانب الحكومة تماماً على اساسا إن اللي نعرفه أحسن من اللي ما نعرفوش .. وهذا شاهدناه في إنتخابات الرئاسة وفي أي إنتخابات من إنحياز واضح وصريح للحزب الوطني ...

الصورة اللى شفتها فى تونس وتخريب بلدهم سرقتها ونهبها

لأ يا أغابي

العملية نسبة وتناسب ..

يعني لو كان التخريب ده حدث بنسبة 1 % ... فمش هانعتبرها ثورة حراميه .. والدليل إن الثورة الشعبية نجحت في خلع ديكتاور لم يتصور احد قبل الثورة بيوم إنه ممكن يتشال ...

ويا ستي إعتبري اللي حصل وكان لا يُذكر من ضمن التضحيات ...

ولاحظي حصل إيه في رومانيا وأوكرانيا وغيرها من الثورات الشعبية واللي راح ضحيتها الالاف من المؤمنين بالحرية والديمقراطية ... فهل تُعتبر ثورات فاشلة عشان فيها ضحايا ؟

NO GAIN WITHOUT PAIN

[اغابي]

استاذ س س

انا ضد الموضوع داه جملة وتفصيلا من بدايته لانى خايفة على بلدى - انا مصرية ومصرية جدا ومحدش هيحب مصر

اد اللى داق مرارة الغربة والبعد عنها وازاى كانت بتيجي اوقات اتمنى اكون فى حضن وقلب شوارع مصر

من قبل ما اعرف راى الكنيسة وكنت بقول لاء يعنى لاء - فى توبيك البشمهندس تيمور 25 يناير

مش معنى كدا ان حضرتك او الاستاذ محمد او البشمهندس تيمور -اكثر منى وطنية

لكن لانى مش مؤمنة بالفكرة اساسا وخايفة على شبابنا الصغيرين وحماسهم الشديد

شعب تونس فى العدد اقل بكتير من شعب مصر علشان كدا الخساير عندنا هتكون اضعاف واكثر بكثير

وفى النهاية برضوه - المسيحين دول من زمان - فى كل ضلمة يطلعلهم عفريت

يعنى عفريت مبارك يروح هيجي غيره عفريت واحنا متاكدين من كدا عادى يعنى ياما دقت على الراس طبول

من كل رئيس شوية - حسب التساهيل بقى - مش تقولى موضوع اللى تعرفه احسن من اللى ما تعرفهوش

ما مسير مبارك هيمشي ويجي غيره للمسيحين انا مش متفائلة اوى بان اللى هيجي هيراعى العدل والمساواه وهيجيب حقوقنا

دى اصلها فى علم الغيب - فى الضلمة بتطلع العفاريت وانتم نفسكم مش ضامنين مين يجي بعد مبارك

احنا عارفين ضلمتنا وعفاريتنا

اذا كان مصر فيها تيارات كتير جدا - باى منطق هيجي حد مش ديكتاتورى او حد الاغلبية موافقين عليه

انا الكلام داه مش مصدقاه - لان حال العرب اسوء من الاول - كل ماله الامر بيزيد سوء

الامور كلها لا تدعو للتفائل يا استاذ س س

اقولك انا مصرية ومش موافقة على الثورة

لانها هتقلب بكارثة اللى سمعته نهارده من تصريحات حبيب العدلى لا تطمئن بخير

ناوى يعنى ناوى

سمعت نهارده فى راديو البي بي سي كلام خطير

وخاصة وهو بينبه ان الشباب المندفع مش عارف هو بيعمل ايه وبيحذرهم لو المسيرة مش سلمية هما احرار

وانا وانت عارفين انها مش هتكون سلمية ولا حاجة

ربنا معاهم بقى

[الترجمـان]

الزميلة الفاضلة أغابي

الفاضل أستاذ محمد لا يناقش رأي المسيحيون في التظاهر ضد النظام على غرار أحداث تونس ...

وإلا كان قد ادلى بدلوه في الموضوع المخصص لمناقشة هذا الشأن ...

فهو هنا يتحدث في قضية محددة ...

وهي تدخل رجال الكنيسة في توجيه المسيحيين سياسيا في قضايا تخص الشأن المصري العام ..

فهل ترين ان هذا التدخل مقبولا بالنسبة لك ...؟؟

[om marawan]

انا أؤيد رأيك يا اغابي خصوصااللى ذكرتيه من ان اللى حصل فى تونس اقل لان عددهم اقل والتيارات المختلفة كمان اقل من مصر بكتير

ومش هاقدر الوم الداخلية لو اتصرفت تبعا لطبيعة المتظاهرين اللى ممكن جدا تكون مش سلمية

ودي نقطة برضه مش قادرة افهمها

يعنى ليه مظاهرات حركات المعارضة والاحزاب هم اللى بيشتبكوا مع الامن وليه مثلا مظاهرات العمال والموظفين ووواللى بتحصل تقريباكل يوم فى نفس المكان لكن مابيحصلش بينهم وبين الامن اى احتكاك ولا حد بيتقبض عليه

وليه دايما بيزعلوا ان الامن محوطهم فى مكان واحد وبيبقا هدفهم ينزلوا الشوارع ويشلوا حركة البلد

مع انهم بيطالبوا بديمقراطية الدول اللى بنشوف الناس فيها بتتظاهر فى مكان محدد بدون اعاقة لاى حد فى البلد !!!!

بخصوص موضوع الكنيسة اعتقد انهم قصدوا توجيه كلامهم كرجال دين عشان كده الخطاب جه موجه للمسيحيين فقط

لكن ده لا ينفي ان كتير من المسيحين منعزلين عن المشاركة فى الحياة السياسية بشكل مستقل عن الكنيسة

طبعا ماقصدش انهم يكونوا ضدها او ينعزلوا عنها لانى مدركة انه اساس فى المسيحية

ولكن مهم يشاركوا زيك يا اغابي كمواطنين مصريين

[اغابي]

الزميلة الفاضلة أغابي

الفاضل أستاذ محمد لا يناقش رأي المسيحيون في التظاهر ضد النظام على غرار أحداث تونس ...

وإلا كان قد ادلى بدلوه في الموضوع المخصص لمناقشة هذا الشأن ...

فهو هنا يتحدث في قضية محددة ...

وهي تدخل رجال الكنيسة في توجيه المسيحيين سياسيا في قضايا تخص الشأن المصري العام ..

فهل ترين ان هذا التدخل مقبولا بالنسبة لك ...؟؟

استاذى الفاضل الترجمان

طب ما الاخوان حذرت من المشاركة

ولا هو حلو للاخوان و الكنيسة والمسيحين لاء

اشمعنا دايما حاطين الكنيسة فى خانة الاستجوابات و تحقيق وسين وجيم

عاوزة اعرف السر الغريب فى المنتدى وخارج المنتدى

ما هو ممكن التحذير يكون من اى جهة تانية ليه مفيش تعليق غير على فئة المسيحين والكنيسة

هل داه نوع من التشكيك فى وطنية المسيحين

؟؟

[ComingSoon]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

).

مالجديد والمفاجئ ؟!!

الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟

الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر

ثروة واصبحت موجودة باكثر مما كانوا يتمنون وحكومة حسني مبارك اعلنت بكل فخر اكثر من مرة ان المسيحيين يملكون 40% واكثر من ثروة مصر

الذي يتظاهر هو من يعاني البطالة والفقر

اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة في عصر حسني مبارك فستنتهي ايضاً بانتهاؤة

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر

هم مع الدولة المدنية لمصلحتهم فقط

اما لو تعارضت مع مصالحهم فدولة الكنيسة اهم

تم تعديل 25 يناير 2011 بواسطة ComingSoon

[اغابي]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

).

مالجديد والمفاجئ ؟!!

الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟

ايه ؟؟؟؟؟؟ اللى اخدنا من مبارك اللى فى تاريخنا كله دى ؟؟؟؟ - الاسلوب مش كدا يا فاضل

هما المسيحين مش لهم حقوق سواء من مبارك او غيره ولازم ياخدوها ولا هى مصر ملك ناس ومحرمة على ناس

مين مبارك ولا غيره اللى يعطينا حقوقنا - عاوزة اقولك احنا لسة ما اخدناش حقوقنا فين حقوقنا وكل شهر ناس بتموتنا مننا وندخل كل شوية فى مشكلة جديدة

الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر

الكنايس موضوع نسبة وتناسب - بما ان المسيحين كان قبل مبارك عددهم قليل يبقى ليهم كنايس قليلة

وبما ان فى زيادة سكانية عموما -وفى مناطق محتاجين فيها دور عبادة تناسب حجم التكدس اللى حاصل

ايه المانع ان يزيد عدد الكنايس

فى الخمسينات مثلا - كان عدد المساجد والكنايس اقل من حاليا -

يمكن هو شيء طبيعى بس حضرتك مش واخد بالك ان لازم دور العبادة تزيد -

ثروة واصبحت موجودة باكثر مما كانوا يتمنون وحكومة حسني مبارك

اعلنت بكل فخر اكثر من مرة ان المسيحيين يملكون 40% واكثر من ثروة مصر

مش فاهمة - تقصد ايه - على الاقل رجال الاعمال المصريين المسيحين اثبتو ولائهم لمصر - مش زى محمد الفايد الملياردير - اللى وجهت له دعوة مباشرة لاستثمار امواله فى مصر ورفض - و انه ما وافقش غير انه يستثمر فى انجلترا

- اكيد كانت بلده اولى بالاستثمار او على الاقل يظهر وطنيته مش بس يقول فى الوصية ادفنونى فى مصر

- ليه ما عملش مشروعات يخدم بيها 30 الف مصري عاطل زى ما غيره من الاقباط رجال الاعمال خدمو البلد

الذي يتظاهر هو من يعاني البطالة والفقر

المسيحين فيهم بطالة وفقر ومرض لانهم من الشعب المصري مش هما اللى شايفهم يعنى ماشيين بالدهب والمرجان وذكيبة على بابا

وادى الدليل اهو -

ناجى انطوان اثناء اعتصامه على سلالم نقابة الصحفيين

مواطن مصرى يخيط فمه ويطالب بإقالة وزير الصحة

القاهرة: ابتكر مواطن مصرى طريقة جديدة للاعتراض والاحتجاج، حيث قام بـ "تخييط" فمه واعتصم على سلالم نقابة الصحفيين بوسط القاهرة، وطالب بإقالة وزير الصحة وأن تتكفل وزارة الصحة بتحمل نفقات علاجه بعد إصابته فى حادث سيارة .

وقال المواطن ويدعى ناجي أنطون "61 عاما"، أنه تعرض لحادث سيارة منذ أكثر من عام سببت له عجزا وتشوها في قدمه اليسرى وأنه أجرى عملية بمستشفى الهلال إلا أن حال قدمه ساءت وأصبح في حاجة لإجراء عملية أخرى، إلا أن المسئولة بوزارة الصحة بالحي السادس بمدينة نصر رفضت إعطاؤه كشف الحساب الخاص به وقالت له "حتى إذا حصلت على قرار بالعلاج سوف أرفضه" دون إبداء سبب .

وأكد أنطون أنه لا يملك ثمن العلاج وأنه كان يملك محل كوافير حريمي ولكنه اضطر لبيعه بعد الحادث مطالبا بموافقة المسئولين على حصوله على الأوراق اللازمة لاستكمال علاجه خاصة أن الطبيب المعالج له مستعد لإجراء العملية ولا ينقصه سوى الأوراق .

اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة

في عصر حسني مبارك فستنتهي ايضاً بانتهاؤة

ازاى وضح اتهامك معنى صورة غير مبررة

يعنى ليهم مثلا اتصال بالقاعدة

لعمل تفجيرات فى مصر مقابل حصد الاموال - ومش مهم ان مصر تتفجر لكن المهم انهم يحصدو اموال

كدا مثلا تقصد - كل اموال الاقباط من التجارة والمجهود الاستثمارات - وبلاش اتهاماتك دي الغير مبررة الا اذا دلت على كرهك الشديد لشركاء وطنك يا كومنج سون - معلومات مغلوطة ويشوبها الظلام - لا داعى للكراهية

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

لينا وجهة نظر تانية خالص - ايه مضموون عندك تقدمهولنا - واحنا بنسمع تصريحات غريبة فى شان الملف القبطى من اشخاص معينين امال لو حد منهم مسك الحكم هيعمل فى الاقباط ايه - وعموما يا كومنج سون لو رجعت لتاريخ الاقباط من 50 سنة وهما فى مشاكل - عادى احنا متوقعين ان اللى بعد مبارك مش هيكون فى صفنا زى ما اللى كان قبل مبارك مش فى صفنا

اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر

هم مع الدولة المدنية لمصلحتهم فقط

اما لو تعارضت مع مصالحهم فدولة الكنيسة اهم

اسلوبك يثير حفيظة المسيحين واختيارك للالفاظ من منطق التهكم والاتهام

ان دل يدل على تفكيرك الغير ملم بكل جوانب المشكلة وتعصبك ضد شركاء الوطن

واضح ان ذكرتك ضعيفة - هو حضرتك مش عارفة ان اللى بيموتوا اقباط فقط على ابواب الكنايس

ارجع على النت واقرى عن حوادث من سنين ورا - ضد الاقباط فى المنيا واسيوط اسكندرية

وفى الكشح وفى محلات الدهب فى الزيتون وكفرالشيخ ونجع حمادى سنة 1981 وحوادث كتير يا ترى ليه

ما سمعتش صوتك يا كومنج سون - ايه انت ما بتعرفش تتكلم ابدا بحيادية

كله عندك موجه فقط لاتهام الاقباط تعسفيا والتشكشك في تاريخهم الاضطهادى فيكي يا مصر

ولا كمان الاحكام الغير عادلةليها تاريخ يعنى اللى قتلو 19 مسيحي فى الكشح طلعو براءة بعد قعدة عرب معهودة

- انا اول مرة اسمع فى مصر بحكم زى الكمونى واعدامه - فى قضية تخص اقباط

فين الصوت المعتدل - صوتك عاوزة اسمعه - الغريبة انك احيانا بتجيب مصادر فى مشاركاتك غير موثوق فيها

حاول تفهم ان الاقباط مظلومين وياما اتحرمو واتظلمو جوة بلدهم مهما تحاول تقنعنى

انت مش قبطى وعيشت داه حقيقي زى ما احنا عيشنا فيه - احنا فضلنا ساكتين - و لما انفجرنا الفترة الاخيرة بسبب اننا لينا عقود واحنا بنتحمل ونسكت لكن مش هنقدر نسكت تانى خلاص

كل واحد وله طاقة فى التحمل - اللى حصل الفترة الاخيرة داه لما وصل الموضوع اننا على مسمع ومراى من العالم

بقينا هدف وبقى دمنا بسهولة كدا يراق فى الشوارع وكمان بتشجيع من البعض وشماتة من الفئة القليلة الضاله المتخلفة

اما تتكلم يا كومنج سون بانك تقول الحق والمستحق يا اما كلامك كدا كله هيبقى فى الكفة المايلة ومش هيكون فى ميزان العدل

وانا شخصيا هارفض اتناقش مع اراءك لانها غير منطقية لان الجدال العقيم بيضيع الوقت

خالص تحياتى يا فندم

تم تعديل 25 يناير 2011 بواسطة اغابي

[الترجمـان]

الزميلة الفاضلة أغابي

الفاضل أستاذ محمد لا يناقش رأي المسيحيون في التظاهر ضد النظام على غرار أحداث تونس ...

وإلا كان قد ادلى بدلوه في الموضوع المخصص لمناقشة هذا الشأن ...

فهو هنا يتحدث في قضية محددة ...

وهي تدخل رجال الكنيسة في توجيه المسيحيين سياسيا في قضايا تخص الشأن المصري العام ..

فهل ترين ان هذا التدخل مقبولا بالنسبة لك ...؟؟

استاذى الفاضل الترجمان

طب ما الاخوان حذرت من المشاركة

ولا هو حلو للاخوان و الكنيسة والمسيحين لاء

اشمعنا دايما حاطين الكنيسة فى خانة الاستجوابات و تحقيق وسين وجيم

عاوزة اعرف السر الغريب فى المنتدى وخارج المنتدى

ما هو ممكن التحذير يكون من اى جهة تانية ليه مفيش تعليق غير على فئة المسيحين والكنيسة

هل داه نوع من التشكيك فى وطنية المسيحين

؟؟

استاذتي الفاضله اغابي

مداخلتي كانت بغرض حرصي على توجيه مداخلتك إلى الطرح الأساسي للمواضوع ...

ولم يكن أبدا بغرض التحقيق معك ولا محاولة للتشكيك في وطنيتك ...

أما عن اتهامك لسياسة المنتدى تجاه ما يخص الشأن المسيحي " من وجة نظرك".., فأعتقد أنهم الأقدر على الرد على هذا الإتهام ...

بالنسبة لموقفي الشخصي فأنا ارفض ان يتدخل رجال الدين بصفة عامة في معالجة القضايا السياسية التي تخص "المواطنين " بصفة عامة وإصدار توجيهات لهم على أساس طائفي ...

ولقد أدنت بشدة تصرف احد رجال الدين على الجانب الإسلامي في قضية إهدار دم الدكتور البرادعي بسبب دعوته للتظاهر وبالتالي أثبت موقفي الواضح والمباشر في القضية الأساسية والتي هي موضوع التوبيك ..

تحياتي

[الترجمـان]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

).

مالجديد والمفاجئ ؟!!

الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟

الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر

ثروة واصبحت موجودة باكثر مما كانوا يتمنون وحكومة حسني مبارك اعلنت بكل فخر اكثر من مرة ان المسيحيين يملكون 40% واكثر من ثروة مصر

الذي يتظاهر هو من يعاني البطالة والفقر

اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة في عصر حسني مبارك فستنتهي ايضاً بانتهاؤة

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر

هم مع الدولة المدنية لمصلحتهم فقط

اما لو تعارضت مع مصالحهم فدولة الكنيسة اهم

استاذ قادم قريبا

يا ريت حضرتك تفتح موضوع خاص بالموضوع داه وتوضحلنا الخراب والفقر المدقع الذي ينتظر الأقباط بعد زوال نظام مبارك بما انهم لا يستحقون ما حصلوا عليه في عهده كما وضحت جليا في مداخلتك...

[mekkawy]

طب ما الاخوان حذرت من المشاركة

أوشاعات مغرضة يا أغابي :closedeyes:

[Scorpion]

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

لأ حلوة دي يا استاذ ComingSoon تطبيقآ لأوامر الكنيسة ( علي غرار تطبيقآ لأوامر السيد الرئيس كده ) الأقباط يزحفون للأنتخابات لصالح ده و الا ده ..

هو الريس و الا المجلس مستنيين اصوات حد .. ما تصلي عالنبي يا استاذنا و بلاش اسطوانات اروع عصور الأقباط اللي واكلينها والعة في البلد ... ما هو ده اللي بيخللي الناس تبعد اكتر و اكتر ...

و بعدين هي لما الكنيسة و الا حتي البابا بيقول حاجة فده معناه يعني قرار ساري و الا اللي حيخرج عنه حيحطوه في اوضة الفيران .. طب ما المسيحيين الأرثوزكس عمالين يروحوا القدس ضد اللي قاله البابا شنودة و من ساعة ما اتقال ... فده معناه مثلآ انهم كفروا ( حلوة كفروا دي ) ...

اللي بتقوله الكنيسة في الحالات دي زي اللي بتقوله اي ام خايفة علي ولادها .. عمرك شفت ام بتشجع ابنها انه يخرج مظاهرة ... دي الوالدة لحد دلوقتي لما بكلمها في السياسة عالتليفون يركبها ميت عصبي و تقوللي مالكش دعوة و خليك في خالك احسن يكون التليفون متراقب ...

القسس و المشايخ ممكن يقولوا كل اللي هما عايزينه ... الناس بقي هي اللي تقرر بعد كده ... زمان قالوا عقلك في راسك تعرف خلاصك ...

اتفهم طبعآ اللي قالته العزيزة أغابي .. لأنه وارد جدآ كمان ... و لأنه ده السيناريو الأقرب للواقع لو الغوغائية بقت هي بطل الشارع حتي و لو لفترة قصيرة .. لكن التدمير قدامها حيبقي رهيب .. بالأضافة لأن اللي علي عالساحة دلوقتي الخيار الوحيد للنظام الحاكم ده في حالة انهم شالوه يعني .. فمافيش قدامه غير تيار ديني و ده طبعآ يخوف المسيحيين و علي راسهم الكنيسة .. فعليه مهما حصل فهما بياخدوا جنب الموجود دلوقتي علي اساس الضرر الأقل ... و لأن بالرغم من الشواهد الأخيرة اللي حصلت و بتدي مؤشرات ان الأغلبية الصامتة من المسلمين مش موافقين علي حاجات بتحصل .. لكن الأحساس بالأمان الكامل لسه ما وصلش ... و عليه مش ممكن اتهم اي حد فيهم بعدم الوطنية في امر مماثل ... لكن الواضح كمان ان فيه مسيحيين كتير جدآ بيشاركوا و حيشاركوا ايمانآ منهم انه يمكن في المستقبل يتغير حاجة ...

و في النهاية مافيش حلاوة من غير نار ... ياكش بس تبقي حلاوة بحق و حقيقي مش مش بدوده ...

[se_ Elsyed]

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

لأ حلوة دي يا استاذ ComingSoon تطبيقآ لأوامر الكنيسة ( علي غرار تطبيقآ لأوامر السيد الرئيس كده ) الأقباط يزحفون للأنتخابات لصالح ده و الا ده ..

حصل يا سكوب

والكنيسة ممثلة في البابا شنودة ومن بعده الأنبا بسنتي أعلنت دعمها التام لصاحب الضربة الجوية في الإنتخابات الماضية

[اغابي]

استاذتي الفاضله اغابي

شكرا استاذى الفاضل لطرحك المحترم

- قلمك من الاقلام التى اعتز بها فى المنتدى

مداخلتي كانت بغرض حرصي على توجيه مداخلتك إلى الطرح الأساسي للمواضوع ...

ولم يكن أبدا بغرض التحقيق معك ولا محاولة للتشكيك في وطنيتك ...

الطرح الاساسي هو مناقشة قضيتي فانا مسيحية مصرية ومصرية مسيحية

أما عن اتهامك لسياسة المنتدى تجاه ما يخص الشأن المسيحي " من وجة نظرك".., فأعتقد أنهم الأقدر على الرد على هذا الإتهام ...

عفوا انا لا اتهم سياسة المنتدى واعتقد مضمون كلامى وصلهم هما بيفهمونى كويس - لكن واضح ان حضرتك اللى فهمتنى غلط علشان كدا

انا هاوضحلك الشرح - المحاورات صورة مصغرة من مصر وما يطرح من افكار والمناقشات هنا هو نفسه ما نجده فى الشارع المصري ومن هنا اردت فقط الاستفسار لماذا اجد الشارع المصري ( المحاورات ) دائما ما توجه الى الكنيسة لوم كان يجب اولا ان يوجه الى اخرون مثلها - قد يكون القرار الموجه من الكنيسة هو نفسه قرار الاخوان او او حزب الوفد ولكن دائما المناقشات تخص الكنيسة وحدها

بالنسبة لموقفي الشخصي فأنا ارفض ان يتدخل رجال الدين بصفة عامة في معالجة القضايا السياسية التي تخص "المواطنين " بصفة عامة وإصدار توجيهات لهم على أساس طائفي ...

وانا ايضا استاذى ولكن - وصل الحال بالمسيحين الى انهم لم يثقوا لا فى جهاز الشرطة ولا فى الحكومة ولا فى القضاء ونزاهته مع الملف القبطى والقضايا التى تخص مسيحين فكل الاحكام كانت تصدر للجانى القاتل انه مختل عقليا -

باثتناء هذا الحكم الاخير والتاريخي للكمونى

استاذى - اول ما تعلمنا الفرز الطائفى كان على ايدي اجهزة الدولة

ولقد أدنت بشدة تصرف احد رجال الدين على الجانب الإسلامي في قضية إهدار دم الدكتور البرادعي بسبب دعوته للتظاهر وبالتالي أثبت موقفي الواضح والمباشر في القضية الأساسية والتي هي موضوع التوبيك ..

اذا كان هناك قانون ودستور اثق به كمسيحية - انا اول من ترفض تدخل رجال الكنيسة

ولكن لا يوجد منفذ وثقة لنا الا الكنيسة حاليا - انا اعلم ان هذه النقطة يجب ان تناقش صراحة على نطاق اشمل واوسع

لانها مهمة للغاية

اتفق معك ان رجال الدين يجب عدم تدخلهم فى الشئون السياسية وهم يتمنون هذا ايضا ونحن نتمنى هذا

ولكن اذا كانت الدولة ضعيفة والقانون والقضاء غير نزيه مع الملف القبطي ولا تهتم الحكومة بتوفير لنا اى حماية

اين حمايه الدولة لنا ليلة راس السنة وموت واصابة العشرات فى التفجير الاخير

تحياتي

شكرا لحضرتك يا فندم

تم تعديل 25 يناير 2011 بواسطة اغابي

[ComingSoon]

بغض النظر عن إتفاقى أو عدم إتفاقى مع الدعوة للتظاهر يوم 25 ىيناير ، إلا أننى فوجئت بهذا الخبر والذى بلا شك فاجأ الكثيرين مثلى.

).

مالجديد والمفاجئ ؟!!

الاقباط اخذوا من حسني مبارك مالم يأخذوه في تاريخهم كلة فلماذا يتظاهرون ؟

الكنائس التي بنيت في عصر مبارك اكثر من التي بنيت طوال تاريخهم حتي قبل دخول الاسلام مصر

ثروة واصبحت موجودة باكثر مما كانوا يتمنون وحكومة حسني مبارك اعلنت بكل فخر اكثر من مرة ان المسيحيين يملكون 40% واكثر من ثروة مصر

الذي يتظاهر هو من يعاني البطالة والفقر

اما الباقي فيخاف علي ممتلكاتة ومكتساباتة التي يعرف انها كما جائت بصورة غير مبررة في عصر حسني مبارك فستنتهي ايضاً بانتهاؤة

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

اما ادعاء ان النظام يضطهدهم فهذا اسلوب ضغط علي النظام حتي يرضخ اكثر ويعطيهم مطالب طائفية اكثر

هم مع الدولة المدنية لمصلحتهم فقط

اما لو تعارضت مع مصالحهم فدولة الكنيسة اهم

استاذ قادم قريبا

يا ريت حضرتك تفتح موضوع خاص بالموضوع داه وتوضحلنا الخراب والفقر المدقع الذي ينتظر الأقباط بعد زوال نظام مبارك بما انهم لا يستحقون ما حصلوا عليه في عهده كما وضحت جليا في مداخلتك...

استاذ الترجمان

لم اقل ان الاقباط ينتظرهم فقر او غني فالارزاق بيد الله وليست بيد بشر

ماقلتة تحديداً ان المسيحيين يعرفون جيداً انهم حصلوا علي الكثير في عهد مبارك بعضة من حقهم والكثير ليس من حقهم

وان نظام مبارك الضعيف والمهلهل هو فرصة سانحة لهم لابتزازه لاقصي درجة ممكنة والحصول منه علي مكاسب طائفية

بصراحة المعادلة هي كالتالي

مصر قوية = اقليات ضعيفة

مصر ضعيفة = اقليات قوية تنازع الدولة في سلطاتها

لذلك فبقاء نظام مبارك هو اولوية قصوي لدي كل الكنائس (ارثذوكسية او كاثوليكية او بروتستانتية)

http://www.almasryalyoum.com/news/%D8%A7%D9%84%D9%83%D9%86%D8%A7%D8%A6%D8%B3-%D8%A7%D9%84%D9%85%D8%B3%D9%8A%D8%AD%D9%8A%D8%A9-%D8%A7%D9%84%D8%AB%D9%84%D8%A7%D8%AB-%D8%AA%D8%B1%D9%81%D8%B6-%D9%85%D8%B8%D8%A7%D9%87%D8%B1%D8%A7%D8%AA-25-%D9%8A%D9%86%D8%A7%D9%8A%D8%B1-%D9%88%D8%AA%D8%B7%D8%A7%D9%84%D8%A8-%D8%A7%D9%84%D8%A3%D9%82%D8%A8%D8%A7%D8%B7-%D8%A8%D8%B9%D8%AF%D9%85-%D8%A7%D9%84%D9%85%D8%B4%D8%A7%D8%B1%D9%83%D8%A9

[Scorpion]

في كل انتخابات يزحف الاقباط لانتخاب حسني مبارك والحزب الوطني بأوامر كنسية معلنة

لأ حلوة دي يا استاذ ComingSoon تطبيقآ لأوامر الكنيسة ( علي غرار تطبيقآ لأوامر السيد الرئيس كده ) الأقباط يزحفون للأنتخابات لصالح ده و الا ده ..

حصل يا سكوب

والكنيسة ممثلة في البابا شنودة ومن بعده الأنبا بسنتي أعلنت دعمها التام لصاحب الضربة الجوية في الإنتخابات الماضية

هو انا انكرت ان ده اللي حصل يا سي السيد .. ما تكمل الجملة ... اللي بعديها كانت دي "هو الريس و الا المجلس مستنيين اصوات حد" ... صوتوا ..ولولوا ...شالوا الطين و حطوه علي راسهم الأصوات متعبية اولريدي ... و الا انت عايز تقنعني ان الأقباط بأصواتهم هما اللي مخليينه الريس لحد دلوقتي ..

كله في الهمبكة يا صاحبي .. و كلنا كلنا عارفين انها همبكة .... الكل عارف ان ده بيمثل علي ده ... الله يمسيه عم رجب لما كتب موضوع " بلد لابسه مزيكا "...

بلد لابسه ديموقراطية ... بلد لابسة تدين ... بلد لابسة ثورجية ...

[Alshiekh]

حتى لاينحرف الموضوع عن مساره وعن الغرض من فتحه

أولا أنا قلت:

" بغض النظر عن إتفاقى أو عدم إتفاقى مع الدعوة للتظاهر يوم 25 ىيناير "

وقلت:

لو كانت الدعوة لكل المصريين بحثهم عن عدم التظاهر لبدا الأمر مقبولا

وقلت:

وهل رفضهم إشتراك الأقباط ( المسيحيين من أتباع الكنيسة الأرثوذوكسية ) يمثل إتفاقا منهم مع مايصرح به مشايخ الجماعات السلفية؟

وقصدت من ذلك أن أقول أن الموضوع ليس لمناقشة التظاهر من عدمه ،

وقصدت أن أقول أن تدخل رجال الدين فى الأمور السياسية وفى توجيه أتباعهم ( دينيا) أمر مرفوض.

وبالمناسبة أقول أن الإخوان المسلمين هم مجرد جماعة سياسية تحمل إسم أحد الإديان ( الإسلام ) ولكنها لاتمثل الاسلام ولا المسلمين ، وكذلك شيوخ السلفية والصوفية فهم لايمثلون المسلمين ولايأخذ برأيهم إلا أتباعهم ، حتى رجال الأزهر والمفتى وشيخ الأزهر عندما اعلنوا بشكل علنى تأييدهم للنظام وللرئيس مبارك فقد هاجمناهم لانهم أستغلوا مناصبهم الدينية فى حث الناس سياسيا لتوجه سياسى معين ، وهذا هو ما أرفضه بالنسبة لرجال الكنيسة بالضبط.

لانريد أن تستغل الجماهير دينيا لتوجيهها سياسيا.

لو كان القمص عبد المسيح بسيط قد قال أنا أرفض أن أشترك فى المظاهرات لقبلنا رأيه لانه رأى قطاع كبير من المصريين وأنا منهم ،

ولكن للأسف لم يقل ذلك بل دعا المسيحيين الى الجلوس فى المنازل وعدم مشاركة إخوانهم المسلمون.

ليته دعا عموم المصريين لعدم المشاركة فى التظاهر ، كنت أول من سيصفق له ، ولكنه للأسف دعا إلى زيادة إنعزال المسيحيين عن مجتمعهم.

تخيلوا لو نجح الثائرون فى اقصاء الحكومة ونجحوا فى تحقيق التغيير الذى ننشده جميعا ، ماذا سيكون موقفه وقتها؟

[rar]

شعرب بنفس الاهانة و المهانة التي شعر بها العزيز محمد من هذه الرسالة السياسية "الفجة" من أبويا و أبو عيالي أبونا عبد المسيح...

نعم أفهم ما يقوله العزيز سكوب من أن الكنيسة تتحدث بلغة الأم التي تخاف علي أولادها، و أن أولادها لهم عقل يفكرون به و يزنون الأمور...

و لكن متي تحدثت الكنيسة في السياسة، مجبرة أو مخيرة، فهي تهين عقلي و عقيدتي و تلوث سمعتي و عليها أن تتكلم بضمير المفرد المذكر أو تسكت بدلا من ال"عك" اللي بتقوله...

ما أقبله علي غيري ألتزم به قبله... مادمنا اتفقنا علي ان المجتمع العلماني الذي يفصل في الدين عن السياسة هو المخرج الوحيد لبلادنا، فما لنا نسمح لأنفسنا بغير ذلك؟

قابلت أقباط أرثوذكسيين أكثر من أن أحصيهم في حياتي تركوا الكنيسة و التحقوا بطوائف أخري بعد أن "نصحهم" الكاهن بالتصويت لذلك الحزب أو ذاك!!! متي نتعلم؟؟

و أختلف مع العزيزة أغابي (مع احترامي لرأيها) في نتيجة هذه المظاهرات أو فعالية البرادعي و حركته للتغيير... يا عزيزتي استنشقي رائحة الحرية القادمة من تونس، لماذا نخاف من بعض التخريب أو قلة الأدب أكثر مما نخاف من السرقة و الفساد و بطء التقاضي طوال أربعين عاما... يعني هتكون اد ايه الخساير، اكتر من خسايرنا في القروض المنهوبة، أكتر من خسايرنا في أرباح حديد عز، اكتر من خسايرنا في الدروس الخصوصية بعد ما تم تدمير التعليم العام...

و بعدين لو حضرتك شاركتينا في الجروب بتاع "كلنا خالد سعيد"، كنت حسيتي بكم التحذيرات و التوجيهات اللي اتبعتت للشباب انه يبعد و "يوقف" أي تخريب يحصل... احنا مش شعب جاهل و لا كلنا رعاع زي ما بيحاولو يصورونا...

كفايانا بقي حسابات سياسية و مين أفيد لي و مين أسوأ لي... لو كان البلا هو نصيبي فخليه يجي، حصول البلا و لا انتظاره

شكرا لأبونا علي محبته و خوفه علي، بس قرايبي كلهم في مصر طلعوا المظاهره، شباب من اروع و اكثر شباب مصر ادبا و تعليما، ما حدش عرف يضحك عليهم، و يعلمهم ينمطوا ال"آخر" بفرشه واحدة ... و لا يقنعهم ان خير البلد مش خيرهم...

يا عزيزتي، البرادعي ليس الاخوان، و حتي الاخوان ما يخوفوش قوي كده، احنا مش في العصور الوسطي... احنا في عالم مفتوح، و كل فعل له رد فعل، وزنك السياسي مش في الحاكم، وزنك السياسي في تعليمك و قدراتك الانتاجيه، و ده ما حدش يقدر ياخده منك

اللي جاي أحسن... مهما كان

تحية احترام و تبجيل للشعب المصري "كله" علي وقفته العظيمة... يارب نكمل و ما ننامش بعد اول تغيير وزاري و زيادة الدعم لرغيف العيش... احسن احنا شعب طيب زيادة