25 يناير ... موعد المصريين (1)

[م تيمور المراغي]

لمتابعة تطورات يوم الغضب لحظة بلحظة

شبكة رصد

اضغط هنا

[م تيمور المراغي]

http://www.youtube.com/watch?v=RKNroEYqC4k&feature=player_embedded

[akramgroup]

ايه الاخبار يا اخوانا

انا قاعد فى المكتب ومش عارف ادخل على ايه عشان اتابع

وموقع رصد ده ياتيمو مش لاقى فيه حاجات جديده

حد يديلنا اى موقع لاى حاجه نتابع ايه اللى بيحصل

[م تيمور المراغي]

ايه الاخبار يا اخوانا

انا قاعد فى المكتب ومش عارف ادخل على ايه عشان اتابع

وموقع رصد ده ياتيمو مش لاقى فيه حاجات جديده

حد يديلنا اى موقع لاى حاجه نتابع ايه اللى بيحصل

صباح الخير يا اكرم ,,

للان لم يبدأ التحرك بعد هو حيبدأ من الساعه الثانيه ظهرا بتوقيت القاهرة في الاماكن المحدده سلفا ان شاء الله

موقع رصد تم الاتفاق معهم من خلال الحركة لتغطية وقائع اليوم لحظه بلحظه فور ان يبدأ التحرك ان شاءا لله

اتوقع حيبدا بعد 4 ساعات من الان بث الاخبار على الموقع

دي رسالة ادمن موقع كلنا خالد سعيد قبل ان يستعد وينزل الى المظاهره :

نظرا لأني هاكون بكره طول اليوم في الشارع أرجو من كل الشباب اللي عايز يتابع أخبار اليوم عشان عايشين بره مصر أو مش هيقدروا ينزلوا يتابعوها من خلال الصفحة دي .. أنا نسقت مع مسؤولين الصفحة ووعدوني بالتغطية الكاملة والحيادية للأحداث وإن شاء الله ينقلوا لكم الحقيقة .. بس رجائي من كل شاب أو بنت مصرية لو تقدر تنزل .. اوعى اوعى اوعى تكتفي انك تتفرج من الفيسبوك .. مصر محتجالنا كلنا بكره

شباب معلش أنا هاقفل الوول دلوقتي عن كل الناس عشان محدش يقدر يحط أي بوست أو صور على الصفحة لأني مش هاكون موجود طول اليوم ومش عايز أي حد يروج إشاعات ولكل الشباب اللي مش هيقدروا ينزلوا

وان شاء الله حوافيكم هنا بالتطورات اولا باول فور ان احصل عليها ,,

بسم الله ,, وتحيا مصر ,,

[م تيمور المراغي]

هام جدا جدا لمن يخشى المشاركه والنزول :

صدرت تعليمات مشدده من قيادات وزارة الداخلية لجميع الظباط بعدم الاشتباك مع المتظاهرين والتحلي باعلى درجات ظبط النفس طالما أنهم يحتجون فى الإطار السلمى دون إحداث أى تلفيات فى المنشآت العامة والسيارات ..

وتنبه حركة شباب 6 ابريل مجددا على ان المظاهره سلميه تماما وسيتم مراقبة اي خروج عن النظام ,,

واي محاولة للشغب او التخريب من المندسين سيتم التعامل معهم بحزم وتسليمهم للامن فورا ,,

تحيا مصر ,,

[tarek hassan]

بما أن المغسل ليس ضامنا للجنة

فليس مستبعدا أن يتمخض الخروج اليوم عن التغيير أوحتى الضغط لتحسين أوضاع الدولة والناس أو تحقيق أي مكاسب للشعب من قبل الحكومة مادية أو معنوية والمطالب كثيرة جدا وغير محصورة في تيار بعينه

ويمكن أيضا أن تنفض دون مكاسب شعبية وتكسب الحكومة أمام العالم بأن هناك مظاهرات وهناك حرية

الأهم هو أنها ستكون فعلا البداية للتغيير والوعي وتخليص الضمير والبراءة أمام الله أما الانتصار فيها فليس بفعل الناس ولكن من الله والتغيير بإرادة الله وهذا معلوم فلا يمكن تحميل الشباب مسئولية النجاح أو الفشل ولكن يحسب لهم أنهم قاموا وهبوا رغم محاولات التيئيس والتحبيط والتعويق والتثبيط

[م تيمور المراغي]

متاريس امنيه في وسط البلد

تامين وزارة الخارجيه وجامعة الدول وميدان التحرير

عن موقع رصد

الرباط الخاص بي

[م تيمور المراغي]

اول مجموعه تبدأ الحركه مبكرا قبل الموعد بساعات

[م تيمور المراغي]

صورة من أحد الشوارع المتفرعة من باب اللوق مغلقة بالمتاريس

[capitshino]

بسم الله الرحمن الرحيم: الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل

[م تيمور المراغي]

ميدان التحرير وسط البلد

تم تعديل 25 يناير 2011 بواسطة architect

[امير مجروح]

بروفايلات جديدة بيعملها شباب من اللجنة الإلكترونية بتاعة الحزب الوطني وبيكتبوا إشاعات إن فيه ناس اتقبض عليها وإن مفيش فايدة وإن مفيش حد في الشارع وبيحاولوا يثبطوا الناس. أي حد يكتب حاجة خش على بروفايله لو لقيته مخبي كل بياناته اعرف إنه تابع للحزب الوطني وبينشر معلومات مضللة

[fatfouta]

الوضع فى محافظة قنا....يرددون الله اكبر ولله الحمد

[fatfouta]

كورنيش الاسكندرية

تم تعديل 25 يناير 2011 بواسطة fatfouta

[fatfouta]

صباح 25 يناير..القاهرة تحت سيطرة المدرعات والأمن المركزي والكلاب البوليسية

منع أي تجمع يزيد عن 3 أشخاص في مترو الأنفاق.. و40 سيارة أمن مركزي تحاصر دار القضاء العالي وجامعة القاهرة

تغيير خطوط سير أتوبيسات النقل العام.. والقادمون من حدائق القبة إلى العمرانية ينتهي بهم الخط في التحرير!

تم تعديل 25 يناير 2011 بواسطة fatfouta

[fatfouta]

من الفيس بوك

جيـــل التغييـــر.... جدل فى الداخلية حول إغلاق محطة التحرير "السادات" ومنع توقف المترو بعد وصول معلومات عن نية التجمع في المحطة والخروج للتظاهر في الميدان.

[م تيمور المراغي]

مؤكد : المنصورة : الأمن يستوقف سيارات الأجرة المتوجهة من المنصورة للقاهرة .. ويقوم بالكشف عن الهويات ومن يشتبه به يتم إرجاعه .. تم إرجاع أحد راصدينا المتوجهين للقاهرة

[fatfouta]

أمن يحتل ميدان الجيزة وجامعة القاهرة وشارع جامعة الدول العربية

ومظاهرة جامعة الدول تغير ميعادها الى الساعة 2 ظهرا

[fatfouta]

مصادمات بين الأمن وأعضاء لجنة الحريات بنقابة المحامين لمنعهم من الخروج في مسيرة

[fatfouta]

كردون امنى حول ايمن نور واللى معاه فى حزب الغد

وايمن نور يستغيث.....إحنا محبوسين

تم تعديل 25 يناير 2011 بواسطة fatfouta