25 يناير ... موعد المصريين (11)

[شرف الدين]

هجوم آخر من جهة المتحف المصري على المتظاهرين

يا رب نصرك

( أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا وَإِنَّ اللَّهَ عَلَى نَصْرِهِمْ لَقَدِيرٌ )

اللهم نصرك

[امير مجروح]

عاااجل : هجوم على المعتصمين فى ميدان التحرير بالرصاص الحى وسقوط قتيل على الاقل وعدد كبير من الجرحى

[fatfouta]

نوراة نجم من ميدان التحرير

حصل ضرب رصاص علينا ويوجد سيارة امن مركزى ويوجد 20 امن مركزى جايين من الدرب الاحمر وفيه مجزرة هتحصلنا وقالولنا اخلوا الشوارع من السيدات

[امير مجروح]

يارب عدى اليلة دى على خير

بس حيجى منين الخير طالما مفيش شريف من الجيش يمنع المجزرة الى فى التحرير دلوقتى ...

حسبى الله نعم الوكيل

[جويرية]

ناس عزل من السلاح بيحاربوا مسلحين

المصابين يمكن اكتر من 1000

هيا حرب ابادة

لغاية امتي الموت الجماعي ده

ومحدش عارف مبارك حيرحل ولا لأ

[fatfouta]

نوارة نجم بتبكى بكاء شديد وبتقول انا بطالب الشعب المصرى كله ييجى يحمينا احنا هيحصلنا مجزرة ومافيش ولا كاميرا حيه فى الميدان

والجيش واقف ساااااكت

تم تعديل 3 فبراير 2011 بواسطة fatfouta

[م تيمور المراغي]

الشعب المصري الحبيب تحية طيبة وبعد

من عادة الرؤوساء عندما يخالفهم احد للاسف أن يقولوا هذا ليس مصري وهذا خائن وهم الخونة بالأساس

أدعو الله لكم بالتوفيق جميعا على هذا الخائن العميل

كما أدعو السادة في ميدان التحرير للدفاع عن أنفسهم ضد القتلة والبلطجية وأدعو السادة علماء الدين الى تشريع قتل القاتل فورا

السادة العظماء ياأبناء مصر ادعوكم الى نصب عدد كبير من المشانق واي بلطجي تمسكوه وهو يرميكم أعدموه فورا

لن تعدموا أكثر من اثنين وسوف لن تجدوا بعدها أي كلب من كلاب الرئيس

دمتم عاشت الثورة عاش الشعب

اهلا بيك مع الثوار الاحرار عصام بك ,,

وان شا ءالله نفرح معاك بثورة كل الوطن العربي العظيم ,,

[م تيمور المراغي]

انقسام بين رئيس الوزراء وامن النظام حول كيفية التعامل مع المتظاهرين ,,

لا تتنسوا خلفية الرجل العسكريه وشرفه العسكري ,,

اتوقع ان لا يقف الجيش مكتوف اليد امام البلطجيه ,,

[امير مجروح]

الى بيحصل ده حرام فين الشعب يروح ينقز الناس دى

يا بشمهندس فين اتصلاتك

[fatfouta]

ربنا يستر ادعولهم يا جماعة فى الاسكندرية فيه مجازر عند الجامع الابراهيمى

وفى التحرير صفوت حازى من هناك بيبكى بكاء شديد جدااا وبيقول ان فيه امن بيطلقوا الرصاص عليهم وهما اخلوا السيدات والمتظاهرين واقفين بيقولوا هنموت مكاننا

تم تعديل 3 فبراير 2011 بواسطة fatfouta

[se_ Elsyed]

لو احمد عز باقي عنده نقطة دم واحده وعاوز يبقى شاهد ملك ... لازم يعترف على رئيس العصابة ومساعدة

رئيس العصابة ... هو مبارك

ومساعدة وحلقة الوصل مع الصبيان المنفذين ... هو جمال مبارك

ده شيء مفروغ منه

[أهااات روح]

بسم الله والحمد لله والصلاة والسلام علي رسول الله و آله

أطمأنوا، لن تحدث مذبحة غدا. أن شاء الله تعالي لن تحدث. هذا أقصي ما أستطيع قوله

بالله عليك حضرتك تعرف حاجة؟ لو تعرف حاجة تطمنا بيها طمنا الله يخليك

احنا هنتجنن على اخواتنا الى فى التحرير دلوقتى وبيستنجدو بالناس

بنبكى دم عليهم الله يخليك لو تعرف حاجة طمنا

[شرف الدين]

علي جمعة يقول أنه سوف يحال للتقاعد اذا حدثت اعتداءات غدا. مالا أري باب الأقباط ساكنا وكأنه ليس له من الأمر شيئا

عذرا سيدي

ليس هذا وقت التلميحات الطائفية

[Falcon Crest]

بسم الله والحمد لله والصلاة والسلام علي رسول الله و آله

أطمأنوا، لن تحدث مذبحة غدا. أن شاء الله تعالي لن تحدث. هذا أقصي ما أستطيع قوله

أخي الفاضل أرجو ان يكون كلامك صحيحا فان أشد ما أبغضه هو العنف لانه ينفي صفاتنا كبشر

و كان الله في عون الجميع

[م تيمور المراغي]

لحظة إعتقال وائل غنيم

http://www.youtube.com/watch?v=UJ96fgouVb4&feature=player_embedded

جميل اوي الوشوش اللي باينه في الفيديو دي ,,

سيتم التعرف عليها بالاسم وترصدها والتعامل معها بما يليق

ان شاء الله

[Alshiekh]

كلامك ده كان يبقى صحيح في حالة واحده لو اننا بندافع عن بقاء مبارك في ذاته .. احنا مبندافعش عن مبارك نهائيا .. احنا بندافع عن البلد الي ماسكها ..

لو مبارك مات طبيعيا فده مش هيدي ذريعه للقوى الخارجيه بالتدخل .. لكن اي شيء هيحصل للمعتصمين في التحرير هيتحمل بالكامل في رقبة الجيش تماما كما حملتم ماحدث من قبل في رقبة الشرطه ..

لو فقدنا الثقة في الجيش زي مافقدناها في الشرطه والقضاء والفضل ليكم طبعا .. هيتبقى ايه تاني ؟؟؟؟؟؟؟؟؟؟؟؟؟؟؟؟

ليه بتصروا على وضع الجيش في المواجهة ؟؟ الجيش ده الي باقي لكم وباقي لنا ؟ ليه بتعملوا فيه وفينا كده ؟؟؟

الوضع هيكون دقيق اما ينزل الجيش ويقتل مصريين ايا كان انتمائهم لحماية الاعتصام .. او انه يقف على الحياد ويتهم بالتخاذل وبرضه هينقال ساعتها انه السبب فيما يحصل ..

عموما الي حابب يشارك في فتنة زي دي ويشارك في المصير ده يشارك .. انا غسلت ايدي من زمان ..

أستاذة doha

خلينا نفكر صح ونضع الحقائق صح مش بفكرة أصبر على جار السوء ، يايرحل ياتجيله مصيبة

الكلام عن مبارك هنا كلام عن رمز للفساد الذى خلقه حوله هو وابناؤه وشلة المنتفعين اللى مش حينتهوا إلا اذا انتهى مبارك ونظامه لانهم جزء منه.

لو مبارك مات ، طبيعى فمفيش مشكلة بالنسبة لهم لان النظام حيفضل ماشى زى ماهو

لكن علشان في ثورة قامت وهم يعرفون انها سوف تشملهم بالمحاسبة ، علشان كده هم ممكن يحبسوه ويقاوموا لآخر نفس وسلاحهم انتى عارفاه ، البلطجية.

الشرطة على الرغم من كل عيوبها ، احنا كنا قابلنها وبنقول دول ولادنا وكل اللى عايزينه ان نظامهم يتصلح لانهم يتصرفون وفقا لقياداتهم ووفقا لنظام البلد ، لكن كما رأيت فى الايام الأخيرة ، تآمر عليهم العادلى ومبارك وجمال مبارك وشلة المنتفعين فى الحزب الوطنى ووضعوهم فى مواجهة مع الشعب ، ثم بعدها مباشرة امروهم بالانسحاب لخلق فوضى عامة وشاملة فى ربوع مصر ،

يبقى حضرتك بتحطى اللوم على المتظاهرين ومؤيديهم ليه؟ اليس ماحدث كان نتيجة تأمر النظام عليهم وعلى المصريين؟

حقيقى أنا مستغرب انك بتضعى اللوم فى فقد الثقة فى الشرطة والقضاء على الشعب ، ومش بتفكرى ازاى انتى ممكن تخلى بنتك تكرهك وتكره اخوها لو لها اخ بأفعالك انتى مش بأفعال الجيران.

لو شوفتى المشهد فى بدايته بين قوات الأمن والمتظاهرين وبعد أن صدرت لهم الأوامر بالتوقف عن المواجهة ، كنتى عرفتى اد ايه ان المواطن فاهم ان رجل الأمن ده بينفذ أوامر ، لان ماحدث ان رجال الأمن والمتظاهرين تبادلوا السلامات والعناق احيانا ، فياريت تشيلى من دماغك موضوع الفتنة اللى عمالة تكرريها كل شوية ، يغور النظام وحتلاقى ان الشرطة عادت لتكون فى خدمة الشعب.

ثانيا ماتقلقيش على الجيش ، لان الجيش بحكم تكوينه مختلف عن الشرطة ، ويعلم ان له مهام محددة ليس من ضمنها المواجهة مع الشعب او إيذاء الشعب سواء كان من المؤيدين او المعارضين، فهو يعلم متى يستخدم سلاحه ويستخدمه ضد من.

وبعدين ياستى خلى مبارك يقدم استقالته هو وحكومته والبلد مليانة كفاءات لصياغة دستور جديد ، وبعدها يمكن اجراء الأنتخابات كما تجرى فى العالم الحر ، واعتقد ان ساعتها لاانتى ولا احد من الموجودين سيتنازل عن استخدام حقه فى اختيار من يمثله ومن يحكمه.

الموضوع مش بالسء اللى انتى متصوراه ، نحن لانعيش عصر القبائل ، ولسنا منقسمين ، بل اننا مجتمع واحد نسيج واحد متداخلين كما هى خلايا الجسم ، وفكرى فى الكلام اللى بقوله حتلاقى ان الفتن التى تتحدثين عنها إنما هى صناعة النظام

[wsadani]

لحظة إعتقال وائل غنيم

http://www.youtube.com/watch?v=UJ96fgouVb4&feature=player_embedded

جميل اوي الوشوش اللي باينه في الفيديو دي ,,

سيتم التعرف عليها بالاسم وترصدها والتعامل معها بما يليق

ان شاء الله

ايه يا عم انت تنظيم الظباط الأحرار ولا ايه

[امير مجروح]

لحظة إعتقال وائل غنيم

http://www.youtube.com/watch?v=UJ96fgouVb4&feature=player_embedded

جميل اوي الوشوش اللي باينه في الفيديو دي ,,

سيتم التعرف عليها بالاسم وترصدها والتعامل معها بما يليق

ان شاء الله

يا بشمهندس ده وقت وشوش المعتصمين بيتصفوا حاليا لم يبقى منهم احد

يارب رحمتك

تم تعديل 3 فبراير 2011 بواسطة امير مجروح

[شرف الدين]

بجد فعلا أنا عرفت معنى كلام الراحل العظيم الشيخ / محمد الغزالي

"فإذا احتدمت المعركة بين الحق والباطل حتى بلغت ذروتها، وقذف كل فريق بآخر ما لديه ليكسبها، فهناك ساعة حرجة يبلغ الباطل فيها ذروة قوته، ويبلغ الحق فيها أقصى محنته، والثبات في هذه الساعة الشديدة هو نقطة التحول، والامتحان الحاسم لإيمان المؤمنين سيبدأ عندها، فإذا ثبت تحول كل شئ عندها لمصلحته، وهنا يبدأ الحق طريقه صاعداً، ويبدأ الباطل طريقه نازلاً، وتقرر باسم الله النهاية المرتقبة"

الشيخ الغزالي

[م تيمور المراغي]

طيب الوضع من وسائل الاعلام كالتالي ,,

المتظاهرين عددهم ليس بالقليل

لم يحدث سحق كما هو مفترض وبقالهم ساعات بينشروا بين الناس مجازر مجازر ولكنها جعجعة بلا طحن ,,

لو عاوزين يخلصوا كانوا خلصوا من بدري لكن واضح ان الجيش المصري يقف لهم بالمرصاد ,,

لن تحدث اي مجازر طالما الجيش المصري يتواجد في المكان اطمانوا ,,

اخبار مؤكده ان الجيش المصري اعطى اشارات انها ستدافع عن المتظاهرين اذا ماحدث اجتياح لهم من قبل البلطجيه ,,