شهادات - كانت مكتومة - عن الفساد

[fatfouta]

ده موضوع عن القاءات المختلفة اللى بتيجى فى جميع القنوات ومش بنلحق نشوفها

هحاول الخص لكم معظلمها واللى يعرف يحط اى ملخص للقاء شافه يبقى مشكور

اول حاجة من شوية كان المهندس حسب الله الكفراوى عالحياة اليوم

وكان ده ملخص كلامه

بيقول مبارك كان يزود السلع 8 اضعاف ونقوله ليه يقولك مانا زودت المرتبات مرة ونص

وزير الاسكان السابق اضطر النظام يمشيه بعد ما ريحته قجت

بيقول على حسنى انه قليل الادارك لا حيلة له والعنيد يعند على والدته ولا مراته او على اهل بيته انما 80 مليون لا

بيقول جاله واحد وهو وزير قاله انا عاوز الف فدان فى 6 اكتوبر رد عليه وقاله....طب بابا عارف يا بنى ولما المذيع سأله هو مين قاله الله يكرمك يابنى انا عندى 81 سنة

وبيقول فى 2004 قلتله هات عمر سليمان اعمله نائب قاله ماتخافش انا مش هعمل نائب لان البلد بخير والامن المركزى بخير وبيقول اهو الامن المركزى نفعك دلوقتلا يا ريس

وفى 2005 قلتله شيل الزبالة اللى حوايك ونضف البلد زكريا عزمى كلمه بعد يومين وقاله الريس بيقولك البلد بخير واطمن

بيقول الدخيلة عملها ناس وطنيين والتاريخ هيذكرهم وكان مشروع قومى كبير واتحط فى عصر مبارك على طبق من فضة واتقدم لهلفوت لما الحديد يبقى تكلفته 1000ج يتباع فى بلدنا بـ 4000ج

وبيقول احمد عز كان طبال وانس الفقى كان رقاص فى فرقة رضا

ودلوقتى احمد رجدى ولاول مرة على التليفون معاه ولسه ماكملش

وكلمه احمد رشدى وزير الداخلية السابق

مارضيش يتكلم احمد رشدى على فكرة وقاله انا مابتكلمش يابنى معلش الله يسلمك ويسلم الكفراوى

والكفراوى وشه جاب الوان بعد المكالمة وقال انا عاوز اروح

[se_ Elsyed]

أنا شعري طقطق والله العظيم وأنا بأستمع لهذا الحديث ..

حديث تاريخي ولن يكون الأول والأخير

الراجل ده من أنضف الشخصيات اللي جت في عصر مبارك .... وفعلاً راجل فلاح أصيل ونظيف اليد

ده قال حاجات تودي ورا الشمس ... بس على فكرة هو ما أتكلمش بمبدا يا رايح كتر من الفضايح .. لأني سمعت له كلام زي ده كتير زمان .. بس بصراحة مش بالجراة دي

يا نهار مش فايت

- اللي طلب منه 1000 فدان .. كان علاء أو جمال .. وغالباً علاء لأن في الوقت ده كان غووووووووووووووول .... لدرجة أسامة الباز عزم الكفراوي تاني يوم وهو بيضحك بيقول له إنت قولت له إيه أمبارح أصله راح أشتكى لأبوه ؟ وبالفعل تم إقالة حسب الكفراوي وحصل الننوس على الالف فدان تاني يوم

- قال على أحد عز إنه بتاع دربوكه ... وأنس الفقي رقاصة في فرقة رضا ... هذه حقائق .. إحم إحم أما صفوت الشريف ففي معرض الحديث قال عليه ( قواد ) ... راجع الكتاب صفحة الكنترول اللي كان بيعمله على الفنانات عشان يجيبوا معلومات من الشخصيات السياسية

أنا بصراحة أستمعت إلى كمية معلومات وحقائق ... مش ممكن

-----------------------

هالخص برضو مداخلة أشرف السعد من لندن ... وقال أحمد بهجت جاب ده كله منين ....

ببساطة .. شارك زوجة السكرتير الخاص لحُسني مبارك ... وأتفتحت له طاقة القدر

هو في إيه ؟

ولسسسسسسسسسسسسسسسه

قلت لكم التاريخ هايتوقف عند هذه الفترة وكل يوم هاشنوف بلاوي زرقا

ياااااااااااااااااااااااااااه لسه بأخلص إلا وأسمع

على برنامج الحقيقة دلوقت .. وائل الأبراشي

إسمعووووووووووووووووووووووووووووا

أنا مش مصدق

[capitshino]

وبيقول احمد عز كان طبال وانس الفقى كان رقاص فى فرقة رضا

وفى واحد قال انه "قواد" والعياذ بالله

[capitshino]

مين صاحب بيفرلى هيلز ؟؟؟ هو ده اللى كان عاوز ال 1000 فدان

[se_ Elsyed]

وبيقول احمد عز كان طبال وانس الفقى كان رقاص فى فرقة رضا

وفى واحد قال انه "قواد" والعياذ بالله

ده صفوت يا فندم وبالوثائق من ايام عبد الناصر والسادات

[se_ Elsyed]

مين صاحب بيفرلى هيلز ؟؟؟ هو ده اللى كان عاوز ال 1000 فدان

علاء مبارك يا فندم ههههههههههههههه

[مغتربة]

حديث بصراحه و لا اروع بس بصراحه كنت حاسه ان المذيع مش على قد الشخصيه الى بيحاورها

كنت اتمنى انه يكون مع منى الشاذلى او اى مذيع متمرس اكتر اكيد كان هيقدر يطلع معلومات اكتر و اغنى

[fatfouta]

شوفوا دريم 2 دلوقتى وفيديو انسحاب الشرطة كاااااااااامل

[capitshino]

ه كنت حاسه ان المذيع مش على قد الشخصيه الى بيحاورها

كنت اتمنى انه يكون مع منى الشاذلى او اى مذيع متمرس اكتر اكيد كان هيقدر يطلع معلومات اكتر و اغنى

كنت باتفرج مع صديق وكنا بنتكلم فى نفس الموضوع .. الراجل ده كان عاوز احمد منصور يعمل معاه شاهد على العصر

[doha]

موضوع اكثر من رائع كنت لسه بفكر لو نعمل موضوع نتابع فيه اهم الحوارات المذاعه على الفضائيات ..

ياريت ياجماعه اي حد يسمع تنويه عن حوار مع شخصية هامه يقولنا على موعده هنا وعلى اي قناة ..

خسارة فاتني حوار الكفراوي ياريت لو حد يجيبه لنا هنا كامل .

[fatfouta]

مصطفى الفقى على الحياة بعد قليل

تابعوا

[fatfouta]

موضوع اكثر من رائع كنت لسه بفكر لو نعمل موضوع نتابع فيه اهم الحوارات المذاعه على الفضائيات ..

ياريت ياجماعه اي حد يسمع تنويه عن حوار مع شخصية هامه يقولنا على موعده هنا وعلى اي قناة ..

خسارة فاتني حوار الكفراوي ياريت لو حد يجيبه لنا هنا كامل .

هاينزل عاليوتيوب حالا وهجيبهلكم ان شاء الله يا ضحى

[عنبو]

fatfouta

مرسلة اليوم, 09:03 PM

doha, on 12 February 2011 - 09:01 PM, said:

موضوع اكثر من رائع كنت لسه بفكر لو نعمل موضوع نتابع فيه اهم الحوارات المذاعه على الفضائيات ..

ياريت ياجماعه اي حد يسمع تنويه عن حوار مع شخصية هامه يقولنا على موعده هنا وعلى اي قناة ..

خسارة فاتني حوار الكفراوي ياريت لو حد يجيبه لنا هنا كامل .

هاينزل عاليوتيوب حالا وهجيبهلكم ان شاء الله يا ضحى

منتظرين يا فوت فوت

[رضوي]

ايه القرف دة

صحيح كنا متخيلين كمية الفساد اللي في البلد ..... لكن انها تكون بالقرف والقبح دة ؟؟؟؟؟؟؟؟ مافيش لفظ يوصف القرف دة

واهه بيجيب سيرة السيارة الدبلوماسية بتاعت القصر العيني وشهود عيان ......... علي الرغم ان الحكومة اصدرت بيان انها مسروقة هنشوف قصتها هي كمان دلوقتي

اتفرجوا عليه علي دريم دلوقتي

[capitshino]

انس الفقى على المحور

[se_ Elsyed]

يا لهوووووووووووووووووووووووووي

السيارة الدبلوماسية كانت مسروقة من السفارة الأمريكية ... وشاهد الان من شباب المظاهرة بيقسم بالله العظيم إنه شاهد رتب شرطة يركبون السيارة ويفروا هاربين بها ويدوسوا الناس

وهذا يتكامل مع ما قاله الشاهد الأول الأسبوع الماضي إنهم جريوا ورا السيارة وزنقوه قرب المعادي ... وشافوا من بعيد ناس نازلين منها وبيفروا هاربين ... ومسكوا السواق اللي شكله عيل جاهل وبلطجي وقال أنا ماليش دعوه أنا سواق في الداخلية وماحدش صدقه

هو في إيه ؟

[fatfouta]

مصطفى الفقى عالحياة اليوم

[doha]

موضوع اكثر من رائع كنت لسه بفكر لو نعمل موضوع نتابع فيه اهم الحوارات المذاعه على الفضائيات ..

ياريت ياجماعه اي حد يسمع تنويه عن حوار مع شخصية هامه يقولنا على موعده هنا وعلى اي قناة ..

خسارة فاتني حوار الكفراوي ياريت لو حد يجيبه لنا هنا كامل .

هاينزل عاليوتيوب حالا وهجيبهلكم ان شاء الله يا ضحى

جيتي لي على الوجيعة ..

ينطبق علي حاليا المثل القائل ( زي الاطرش في الزفة ) ..كارت الصوت عندي في الجهاز مش متعرف وبناء عليه مفيش صوت .. عموما من هنا على ماتحطي الفيديو يومين كده باذن الله ابعت شاحن اللابتوب يتصلح واسيب الجهاز ده خالص واعيش بقى اشوف الميديا الي ماليه النت ومش عارفه استمتع باي حاجه فيها بسبب مشكلة الصوت دي ..

المقدمه الطويلة دي عشان ابرر شحاتي للفطيرة السخنة ..

ياريت حد يجيب نص اللقاء ان وجد :blush2:

[Om Zayd]

حسب الله الكفراوي على

on tv

شغال دلوقت

[pink rose]

ايه القرف دا

ايه كم الفضايح و البلاوي دي

دا النائب العام مش هايعرف يلاحق على ايه و لا ايه

في 90 دقيقة دلوقتي رئيس قسم الحوادث بجريدة الشروق بيقول كلام على انسحاب الشرطة